رواية من أعماق أحضان مجنونة -12
بس تدري وانا ادري اني لك اكبر خسارة...
وان قلبي يوم قفى ضاق بك رحب المدار,,,
وان طرفي ذا..يساوي الف هند والف ياره,,,
وكل مشكلتي فهواك,,للاسف سوء اختيار,,
في عيوني..ذا جنوني وعزتي فالوقت شاره,,
والبها والحسن شامه..خدها شمس النهار,,
قم تسهل ياحبيبي والعب ادوار الاثارة..
واكتب اسمك بالخيانة...مهنتك والفن كار,,,
على سفرة الغذى عند ريم واحمد..
احمد وين هالة؟
ريما ماهي هنا...
احمد وين؟
ريما مدري بس قالت بتتغذى برى اليوم لانتنتظرها وماحترجع الا الليل...
احمد ...........
ريما ليه هي ماكلمتك وقالت لك انها بتتغذى مع صاحبتها؟
احمد وهو يشيل جواله يدق على هالة لا...
دق وحط السماعة على اذنه وانتظرها ترد...
احمد هلا هالة...شلونك....ريما تقول انك ماحترجعين البيت ...اي...ومافي رجال بالبيت اللي انتي فيه؟هالة سمعيني زين..اذا بتقعدين عندي فلازم تحطين في بالك اني مااحب اللف والدوران...عندك طلعة ولامشوار عطيني انا خبر عنها وقولي لي....ترى انا رجال البيت....وبعدين انتي من منو ماخذة الاذن يابابا؟؟انا مايهمني من تكونين ولاعلى ذمة منو؟بما ان زوجك مسافر وانتي هنا عندي فلازم تشاوريني انا اول...
اشوفك بعدين ونتفاهم...
سكر الجوال وتنهد...
وظلت ريما تناظره وهي ساكتة...
رفع راسه والتقت نظراتهم...
احمد قسيت عليها..
ريما هزت كتوفها بمعنى ماادري....
احمد بشوية حدة لازم تفهم اني المسؤل عنها اللحين؟
ريما فكرك بترجع هنا الليلة ولا بتروح شقتها؟
احمد كان الخوف ظاهر بعيونه من فكرة انها ماترجع بس قال بثبات لا بترجع هالة عاقلة ومو من كلمة ماعجبتها بتاخذ نفسها وبتمشي!!
ريما انا بس قلت افرض..
احمد وهذا اللي انتي تبينه طبعا!!!
رمت الملعقة من يدها بقوة وقالت بضيق وش قصدك؟
احمد ولاشي...
قامت من السفرة وكانت يده اقرب لها مسكها بقوة وقال بنرفزة منو قال لك قومي بالله؟
ريما وهي قربت تبكي وليه تبيني اجلس ان شاءالله؟علشان تجلس تتهم فيني براحتك؟
احمد بدفاع انا ماقلت لك شي ومو معنات اني..
دق جواله وكان ابوه المتصل ويوم رد عليه..اخذتها ريما فرصة وراحت المطبخ غسلت وجهها وراحت غرفة النوم وجلست قبال المرايا تحاول تستجمع هدوئها لبين مايخلص مكالمته بس لقت نفسها دموعها تنزل وحدة ورى الثانية,,
انا يااحمد؟؟هذا وانا متحملة كل شي علشانك يالغالي؟؟؟تقوم تقلب علي وتفكرني انا اللي ....
اوووف ياربي...ليه دايم الحظ مايل ياريما ومايتعدل ليه!!!!
يوم حست بحركة بالغرفة رفعت راسها وشافته قاعد يتقرب منها من خلال المرايا اللي هي قبالها....
كانت بتوقف بس ماقدرت تقوم ....
لين صار هو وراها مباشرة,,,,
جراح بعد مادق عليه السايق اللي كان يتابع مشاوير هالة وقال له انها بالخبر مع صاحبتها اللي دايم تكون معها ..
اخذ بعضه من البيت بعد ماتناشب شوي مع ابوه على موقفه مع عمته الصباح وراح الخبر...
خل يشوفها على راحته بدل ها الضيق اللي يجي من ورى ام وليد؟؟؟
تعالوا نتكلم عن جراح شوي....
جراح....مملوح حييل...مخلص الثانوية وبدا يدرس بالجامعة بس طلع منها لانه مامشى ولان جده ترك الحلال كله له فصارت له مشاريعه الخاصة اللي حتى اهله ماكان يقولهم عنها ..
علاقته بعمته ام وليد كانت سيئة للغاية من قبل وفاة جده..
الشي الوحيد اللي كان يميز جراح عن الكل انه كان يحب جده ويفديه بكل مافيه...
يطيعه وهو اعمى بدون مايناقش...
ويوم مرض الجد واحتاج نقل كلى محد تبرع له وسوى التحاليل غير جراح لاام وليد اللي هي بنته ولا ابو مطلق اللي هو ولده؟؟بس حفيده جراح...
ها الموقف كان كافي منه بانه يترك حلاله كله لجراح ومايترك غير شي بسيط لاام وليد وابو مطلق واللي هم عياله...رغم ان جراح في النهاية ماتبرع بكليته لان الجد طلع عنده الخبيث وباخر مراحله وحتى لو انه اخذ كلية جراح ماحيعيش من المرض فرفض انه ياخذها..
وبعد ماترك الوصية بكم يوم توفى...
والوصية محد درى عنها الا بعد وفاته...
وكان الشرط الوحيد انهم ياخذون الجزء اللي تاركه لهم من الحلال انهم يرجعون يعيشون كلهم بنفس البيت اللي طلع منه ابو مطلق بعد هوشاته الدايمة مع ابوه على انه يبدي الغريب اللي هو ابو احمد عليه...واللي ابو احمد كان متشارك معاه في بعض من حلاله ومشاريعه....
كانت ام وليد تكرهه علشان الورث وبس وعلاقته مع ابوها اللي كانت..
وهو بعد بادلها الكره..بس هو كرها لها يختلف ..صحيح انها عمته بس انه من صغره وهو يكرهها...
من كانت تضرب عيال العراقية وتصارخ عليهم وتغسل شراعهم..
كان يحبهم بدون استثناء..احمد كان مايستغني عنه علشان الكورة...ودارين لانها تصير خادمة له تودي وتجيب وغسان بالمثل وهالة لان قدرها من وهي صغير غير؟؟
أي كلمة من ام وليد كانت تزعل فيها هالة وهم صغار كانت تخلي حقده على عمته يكبر...
وكبر كرهه لها اكثر واكثر بعد ما كان يشوف اللامبالاة واللااهتمام من ناحيتها لجده واللي هو ابوها...ماكانت حنونة عليه وكان الاهم عندها تضمن الحلال من الاثنين زوجها وابوها..والاثنين سافطينها وماهم عاطينها اللي تبي...
ماكان جراح طايش بتصرفاته ابدا...ماكان يشوف البنات ولاحتى يسولف معهم لابالشرقية ولاحتى برى المملكة...
كان كل مايشوف بنت يتذكر هالة ويصد..
كانت عنده قدرة غريبة في انه يتحمل أي نوع من الاغراء اللي يصادفه ويقاومه بمجرد ذكر اسمها؟؟
كبر وكبر معه حب هالة واللي ماهو قادر يوصل له....,,
تنهد يوم وصل لعند مطعم تشيليز اللي هي جالسة تتغذى داخله اللحين ووقف بمكانه..
ملكته الحيرة يدخل ويشوفها ولا...يبعد ويناظرها من بعيد لبعيد مثل العادة؟؟؟
اشوفكم على خير بكرة يالغلا,,,,
هلا وغلا فيكم ياحلوين..
ومنوريني كلكم واللي انضموا لنا كمان الف هلا وسهلا...
البارت الخامس عشر,,,
مطلق بهمس وش فيه ابوهم؟كاْني ماسمعتك زين؟
دارين ظلت مكانها تناظر فيه بدون ماتقول شي وهو بعده يهمس لايثير انتباههم...
مشت عنه شوي لباب مطبخهم الخارجي وقالت بصوت عالي علشان يسمعونه عياله وتبين له انها اقوى من أي شي حاطه في باله ابوكم وصل وماشكلنا بنضيفكم..يالله نضيفكم مرة ثانية؟
لفوا بناته وغسان معهم له وهو كان يناظرها بس لف عيونه عنها وماكأنه يشوفها وقال انتوا شتسوون هنا؟
شيخة عمي جراح قال لنا نجي؟
مطلق عمكم جراح؟؟ليه!!
عايشة سر بنقولك عنه بعدين..
مطلق يالله امشوا قدامي!!
فاطمة بتحايل معليش بابا نقعد شوي...
مطلق لا يابابا لاني بطلع ومو راد الا الليل..
عايشة خلي عمي جراح يوصلنا اذا انت مشغول؟
مطلق اقول بلا لعانة مو قمتوا تصارخون علشان انا امركم واللحين يوم مريت لكم قلتوا لا....
شيخة بقول لاامي انك ..
مطلق بحدة خوفت حتى غسان ودارين وخلتهم يناظرون في بعض قولي لاامك بكيفك بس قومي يالله لبسي وخلصيني!!بزر انا عندك لو عند امك كل شوي وقلتي امي ..مالت عليك وعلى امك...
قاموا وكل وحدة دموعها قدامها ومبوزة من جهة وكان غسان بيقول لهم شي بس شكل مطلق ماكان يبشر بخير....
فاطمة ماقدرت تكتمها بقلبها قالت وهي تمشي وتهدد ابوها بتشوف لكن...ماقعدنا كثير...
مطلق انتي وش تبين تسوين مع عيال العراقية ابي افهم!!
شيخة من هم عيال العراقية؟
مطلق وهو يناظر بدارين وسافط غسان هذولا....
عايشة بغياء شلون يعني عيال العراقية بابا....
مطلق وهو يمشي عنهم بعدين اقولك...خلصيني اللحين...
اول مامشى مطلق ووراه بناته اللي كل شوي يلفون ويسون حركات لغسان انهم بيرجعون مرة ثانية قالت دارين بعصبية حقييييير...
غسان بعتب دارين...
دارين حقييييييير ونص بعد زين؟
غسان بنت!!عيب ها الحكي...
دارين لا ماهو عيب...تقدر تقولي وش معنات حكيه بالله!!!
غسان وهو يوقف ويتقدم منها وش تبينه يقول بالله؟؟؟طول عمرهم مايتفقون معنا بشي,,,,,
دارين أي بس الشره عليك انت عاطي عياله وجه يبى لاتلتفت لهم مرة ثانية علشان لانسمع منهم ها الكلمتين من جديد؟
غسان ببراْة وها البنات وش ذنبهم يادارين بس!!!
دارين بحدة ذنبهم ان ها الانسان التافه ابوهم!!!!
يوم رفعت راسها لقته واقف جنبها ويناظرها,,,
جت بتتحرك وتقوم وحست انها مو قادرة وتقرب منها احمد اكثر وحط يدينها على كتوفها وقال وهو يناظرها من المرايا وهي منزلة راسها وملامح البكي مبينة عليها لسه,,,
احمد بهمس ريما...
ريما بارتباك قلت يمكن المكالمة بينك وبين ابوك خاصة علشان كذا خليتكم تتكلمون بكيفكم ...بتقوم تكمل اكلك....
ماعطته مجال يقول شي وقامت ومشت شوي وصارت قباله,,
احمد ريما..
وقفت مكانها وماقالت شي...
احمد بهمس وهو يمد يدينه علشان تلامس يدينها قربي..
قالت وهي عيونها طايرة قدام بعيدة عنه وش تبي؟
احمد قربي وبقولك وش ابي...
طاعته بدون ماتناظر فيه ويوم تقربت منه قال لها بتعب ريما...ضميني حبيبيتي,,,,
رفعت راسها بسرعة وناظرت بعيونه...
احمد مايطلب منها ها الشي الا اذا كان محتاج لها ولا محتاج لشي...
تقربت منه وحضنته بسرعة وكانها نست انها قبل ثواني كانت تنجرح منه ومن كلامه,,,
قال بتعب وهو في حضنها يومي كان سيء بكل مافيه مدري ليه!!
الشغل كان تعب اليوم وماارتحت اصلا...ومريت الوالد الشركة....وهالة وهمها من جهة ثانية ..وحاس اني بنفجر....
قالت وهي تربت على كتفه بحنان وتداري دموعها يعطيك العافية حبيبي...عساك دوم على القوة...
تنهد بقوة وقال وهو يحضنها بقوة اكبر وماتمنيت ابدا ان ريما هي اللي تتحمل عصبيتي !!
ريما ودموعها نزلوا خلاص انا حبيبتك ياأحمد...وحياتنا وحدة....ومابينا أي حواجز....لازم اتحملك وتتحملني...بعدين انا حبيبي مو زعلانة ولامتضايقة صدقني!!!
باعدها عنه بسرعة وهي تمسح دموعها وقال بتاْنيب وهو يمسح باقي دموعها وها الدموع الغالية لشنو بالله!!!مو لاني زعلتك وثقلت عليك الحكي؟
ريما بنفي لا....
احمد اجل لشنو؟
ريما لاني غبية ....ظلمتك....ماقدرت اتعامل مع تعبك واقدره....ماحسبت حساب انك برى ها البيت تتعب تعب يهد جبال وانا هنا مرتاحة انتظر يجيني منك بس الكلام الحلو؟
حط يده فوق راسها وقام يلعب بشعرها وقال بهمس ريما انا احبك...ولايجي احد يقولك غير ها الحكي وتصدقينه!!!يمكن يخوني التعبير عن ها الحب في اوقات معينة بس وربي ان قدرك عندي غير يا عمري....
احبك وادري انك مستعدة تتحمليني بكل مافيني!!
مشاري بهمس وتعب بشاير تكفين لحظة بس..
بشاير بحدة وهي تناظره وعيونها غرقانة دموع اصلا لحظة!!!
انا عطيتك لحظات عمري مو لحظة وحدة يامشاري..
مشاري وهو قريب يبكي انتي فاهمتني غلط؟
بشاير طول عمري فاهمتك صح؟بعدين وش له ها الحكي....
انا بالنسبة لي ماصادفتك بحياتي ولااعرفك بعد!!!
مشاري بتقطع لاتعامليني كذا ياريم الجزيرة تكفين؟
بشاير وماهي شايفة من دموعها ابعد...روح...انت خطيب بنت عمتي...فاهم وش تعني ها الكلمة لك ولي!!!
مشاري خلينا نكلم بعض....لازم اقولك عن خطوبتنا وليه؟لازم تعرفين مشاعري ناحيتك شنو؟انتي تركتيني بدون ماتعرفين ولاتقولين أي شي؟
بشاير مشت وقالت ولاابي اعرف بعد ...
مشاري مسكها من كتفها بعصبية وقال لازم نتكلم ماهو بكيفك؟
ناظرته بحدة وفهمها علطول وترك يدها وقال بتراخي بشاير بترك لك رقمي على الطاولة ودقي لي بس امشي من هنا تكفين..
بشاير لاتحاول...واتركني امشي لايشوفنا احد؟
مشاري وهو رايح يترك رقمه عند الطاولة اللي كانت قاعدة عندها...
مشاري ماابيك تصدقيني يابشاير...بس على الاقل اسمعيني وش بقول لك؟
حط الرقم ومشى للجهة الثانية بسرعة وكانه ادرك ان وجوده معها بروحهم هنا غلط؟؟؟
قفلت على نفسها غرفتها من رجعت من المستشفى,,,,
كانت تتنهد بقوة وكان احمد لسه واقف قبالها,,
صحيح اليوم ماشالها من ارضها ولاحتى انتبه لها ولاناظرها؟
بس كان لها شي كبير انها توقف قباله وتكلمه ويرد عليها....
تمنت الوقت يطول ويطول ويطول..
وتظل بس تتاْمله....
تشوفه...تسمع كلامه,,,
اه يياأحمد اه....انت بالنسبة لي حلم مدري شلون اوصل له,,,
عارفة انك اكبر من كل شي بها الدنيا وانك شبه مستحيل؟
وان زوجتك لها معزة بقلبك؟
تنهدت بضيق من طاري زوجته...
لانها عارفة ان احمد اختارها بنفسه والكل كان رافضها حسب كلام ابوها...وان احمد تارك لها مكان خاص بقلبه...
طيب واذا كان لها مكان خاص بقلبه وش يعني هذا!!!
ان قلبه مايقدر يحب مرتين مثلا؟؟؟
طيب لايحبني انا ماابيه يحبني يكفيني انا احبه واظل بقربه!!!!
كان يمشي على الكورنيش بالهون....
من شافهم طلعوا وهو حاط بينه وبينهم مسافة لايشوفونه بس يسمعهم على خفيف....
سارة بنت الجوهرة ابي العب بالكورنيش؟
هالة بحدة والله محنا جايين نلعب وماعندنا وقت بعد!!
سارة ماما..
الجوهرة خلاص ياماما اسمعي كلام خالتك هالة ولاتزعلينها منك..
سارة أي بس ماما..
الجوهرة تبينها تقول انك ماتسمعين الكلام وانك مو شطورة؟
مشت سارة قدامهم وهي موعاجبها انهم مايلعبونها وظلوا هم يسولفون مع بعض...
الجوهرة بلوم طب انتي بعد سايريها شوي وخفي عليها...كنك مو طايقة بنتي من وصلت وانتي كل شي تبيه قلتي لا؟
هالة تعرفين دوشتهم ووجع راسهم مااتحمله؟
الجوهرة كيف اللحين بتروحين عند احمد ولالا؟
هالة مدري.....
الجوهرة شلون ماتدرين...تتوقعين ريما هي اللي قايلة له يكلمك ويعصب عليك؟
هالة لالالا ريما مو من ها النوع انا اعرفها..ولا حتى احمد يترك لااحد المجال يتكلم بها الطريقة ويجاريه...هو اكيد كان معصب ومتضايق وبس ارجع المغرب بتتغير لهجته انا اعرفه...
الجوهرة انتي ليه ماتظلين بشقتك وعلي يطلع منها؟
هالة بضيق لا...ابي ابتعد عن جوها نهائيا....
سكتوا شوي وبعدها قالت هالة وين اللحين؟
الجوهرة كيفك....
هالة طب دقي على السايق يجينا هنا ونقرر بالسيارة وين نروح؟
الجوهرة وهي تدق على السايق شخبار ام وليد وجماعتها؟
هالة بنرفزة قطاعة...كلهم من نفس الطينة..محد منهم ينبلع؟؟؟ماينلامون وهي اساهم...
الجوهرة وجراح مدري مطلق اللي عطيتيه الكف...مو كنتي شاكة بانه يلاحقك؟
هالة بلا اهتمام خله يولي مو عاطيته اكبر من حجمه بحياتي...كثير عندي اشياء اهم منه ومن سخافاته..واذا بيلاحق يلاحق بكيفه مايهمني ولا بيهمني بيوم من الايام حتى؟؟
تنهد بقوة وحس انها قاعدة تذبحه شوي شوي...
لف شماغه عليه وراح بسرعة لسيارته لايسمع من تجريحها اكثر...
واول مادخل السيارة شال شماغه وحس بالخنقة...وان كم دمعة واقفة بمحجر عيونه ومعية الا تبي تنزل؟
هالة....صراع ازلي بينه وبين نفسه علشانها...لاشافها طلعت كل شياطينه وعاداها..واذا بعدت بان الحب والشوق اللي دايم مخبيهم...
صارت لغيره ويدري انه ماله امل فيها ..والاهم انها ماهي ملتفتة صوبه ابدا لامن اول ولامن تالي....
شيلها ياجراح شيلها...هي اللي لازم تولي مو انت اللي تنقال ها الكلمة عنك بغيابك...
ام وليد كانت واقفة بقسمها وهي الشرر يتطاير منها وتسب وتشتم ومحد فاهم لها شي...
اروى يمه...
ام وليد انا ينكسر كلامي!!طيب..طيب ياجراح بنشوف؟
وليد طب فهمينا وش اللي صاير؟
ام وليد ادري فيه من يوم يومه مايطيقني...
وليد زين منهو؟
اروى ماسمعتها تقول جراح؟
وليد أي بس وش قايل لها علشان تعصب؟
ام وليد هذا اذا قلت لكم عيال العراقية سحورهم ماتبطل تصدقوني؟
اروى يمه...فهمينا وش السالفة؟
مريم قبلت وهي تتاْفف..
وليد من وين جاية؟
مريم بضيق هاذي بنت خالكم غبية جت صحتني من نومي تقولي مشاري تحت ينتظرني؟
مشاري عمره ماجاني بها الحزة وهو يدري اني انام الظهر بطوله مدري كيف طاوعتها وقمت ولبست؟
ام وليد باهتمام وينه مشاري؟
مريم بح...مافي مشاري اكيد انها تحلم ولا تبي تسوي فيني مقلب يوم نزلت ماكو احد سئلت سينيثيا قالت ماشافته اصلا دقيت جهازه مغلق قلت للسايق يتاْكد من سيارته اذا كانت موجودة وقال لي ماكو احد؟
ام وليد لوت فمها وكانه موعاجبها....
اروى وانتي كان دقيتي له وبعدين نزلتي؟
وليد مشاري مايجي بدون مواعيد لاتصدقينها تبي تتظريف وتسوي نفسها خفيفة دم؟
ام وليد والله مااستبعد انها من جراح ها الحركة؟
اروى يمه...ش السالفة؟
ابو احمد من وراهم خير ان شاءالله وش عندكم شايلين الارض على ها الجراح؟
ماقالوا شي وابوهم جلس جنب امهم...
ابو احمد حتى مريم اليوم جالسة حلو والله معناته حطوا غذانا؟
وليد أي غذى يبى تو الناس ماصارت؟
ابو احمد والله عاد اللي من صبحه يكرف غير عن اللي متقهوي الظهر ؟
قام وليد وقامت وراه مريم..
ابو احمد قومي يااروى قولي لهم يحطون الغذى ونادي على غسان ودارين ؟
ام وليد نعم..خير ان شاءالله؟
ابو احمد ابي عيالي اليوم كلهم يتغذون معي لك عندي شي؟
قامت اروى قبل لاتكبر لان امها بروحها معصبة؟
ابو احمد شفيه جراح؟ماعرفتي تضبطينه؟
ام وليد بحقد ومن قال انه بيروح عني ولاعن بنتي عاد؟بجيبه يعني بجيبه لو على جثتي!!!
اشوفكم بكرة على خير,,,
هلا وغلا فيكم ياحلوين,,
البارت السادس عشر,,,
كان بسيارته وبناته اللي تبكي واللي تهدد وهو مقهور ومتضايق من حركة دارين؟
وش تعنين بالله بالحركة ذي يابنت العراقية؟
ان شاءالله على بالك اني قاعد الاحقك وانتي ماصدقتي!!
انا مااناظر اشكالك ياخلاف؟؟
اختك وهي اختك واللي طول ماانا صغير وانا احلم فيها عمري ماكلمتها ولاهزتني وانا شايل حبها بالخفاء بقلبي جاية انتي مسوية لي فيها ثقل؟
طيب يادارين طيب...اذا ماابكيك دم بعد مااعلقك على ها الحركة اللي سويتيها مااكون انا مطلق؟؟؟
دق جواله وكانت يمنى المتصلة...
فاطمة هاذي امي اكيد؟
مطلق انطقي انتي وامك زين؟
عايشة أي زين...بعدين لاتقول انك قلت؟
رد وهو حاقر بناته وقال هلا فيك..
يمنى اهلين حبيبي....وينك؟
مطلق والله عندي شوية مشاوير؟
يمنى جاي اليوم ولا..
مطلق ليه؟
يمنى لو ماحتجي بدي انزل اتفتل بالمول شوي....
مطلق لالا لاتطلع خلك منتظرني؟
يمنى بعصبية شو هيدا حبيبي؟بس جيب لك سيرة انو بدي ..
قاطعها بعصبية وهو مقهور من ضجة بناته خلاص قلنا لا يعني لا...
سكتوا حتى بناته من صوته العالي....
يمنى بتنهيدة خوف خلاص مابدي ساوي شي؟
ماانتظرها اصلا تتكلم وقفله بوجهها...
فاطمة بصوت واطي احسن..
لف لها وقال بقوة وشو اللي احسن؟
فاطمة رفعت صوتها احسن ان في ناس تقدر عليك وتعصبك وتخليك متضايق مثل امي....علشان تحس لمى تزعلنا وش يصير فينا؟
مطلق اقول ترى للحين ماشفتوا شلون اصير اذا عصبت؟
عايشة مسوية شجاعة عادي عادي....
مطلق مسوي انه بيشيل عقاله من تحت الشماغ وهو يقول هذا اللي بيتقطع على ظهورهم علشان يتاْدبون؟
نزلوا ثلاثهم تحت الكرسي وكلهم بنفس الصرخة لا خلاص بنسكت!!!
قعدت والرقم قبالها
وتفكيرها كله مشتت بين انها تدق ولاماتدق؟
اللحين وبعد ها الفرقى هاذي كلها تدق له؟
اللحين وبعد ماصار لبنت عمتها تدق له؟
تحبه..اي....ماحبت غيره..بعد أي...
لكن انها ترجع تكلمه من جديد وتهدم كل شي..فهذا الجنون بعيونه!!
كلمته كانت ترن في اذنها..اسمعيني وبس!!مو لازم تصدقيني بس اسمعي اللي بقولك اياه؟؟
اه منك ياها القلب العنيد...
تبي تسمع صوته؟؟
بعد ماانحرمت منه ها الفترة اللي راحت؟؟
طيب وبعدين بعد ماتسمعه وتسمع اللي بيقوله وش بيصير؟؟؟
لايابشاير لا...ماراح يصير شي...
انتي ومشاري...حبيتوا بعض وافترقتوا و...اه ثم اه ثم اه...
افترقنا واحترق لي الف خاطر,,,
والزمان اللي جمعنا اصبح غريب؟
في محبتنا ابتدى مليون عابر...
والله اعلم من معه ياقف نصيب؟؟
كنت اظن الحظ شاطر كل جابر
لاتعنى الفال يصبح له طبيب؟
اثره في جنح الجفا له وجه كاسر..
طبعه مثل البحر في غدره عجيب..
بس انا ويا الهموم ووعد بااكر..
فاقد حبي ولي قلب عطيب؟؟
ذقت من دنيا عقيمه سيل ظافر,,
شاب عمري والهوى بي مايشيب,,
من عرفت العد واشكال المساطر..
ملتو حظي ولايمكن يصيب؟؟
دامي نبضه كما طعن الخناجر..
لااتسم بالغدر جرحه مايطيب؟
زاد صبري الله يصبر كل صابر..
اساْلك يارب دعواتي تجيب؟
في يديك اقدار يااول واخر,,
يارحيم ارحم وافرجها قريب؟
ابتلى قلبي وهو بالحب طاهر..
في حبيبي كاااان لجروحي طبيب؟؟؟
رجع الخيمة ومسك عوده اللي صار اقرب شي يشكيله كل همومه,,,
كان وده يغني بس حس انه وده يبكي...
كلامها كان يجرح فيه كل شي..
ماحبته بحياتها ولا بتحبه بعد..عارف ها الشي ومتاْكد منه بس لاسمعه يتعب...
يدري انه احلامه قاعدة تنهار وحدة ورى الثانية,,,,
وان الحلم اللي اسمه هالة بكونه ماراح يتحقق له لو جزء بسيط منه..يعني لاابتسامة ولانظرة ولاهم يحزنون؟
اه منك يابنت العراقية؟
وش عندك علشان تملكين كوني ودنيتي!!!
ليه مو قاوي اشوف حياتي بعيد عن اسمك حتى!!!
والله مدري ليه ضايق ومخنوق,,,واحس بنبرة بكا في كلامي
لالاتهيضني على الدمع ياموق...ادنات والله مايمطر..غمامي
ياعين كانه دمع هليه ولفوق..ماودي اشعر بانكساري امامي,,
الليل كله لين صافحني شروق..وانا الليل ها الصباح ..بظلامي
كل السما رعد وبكاءات وبروق..حزن تزبر في سماي مترامي..
بشويش تكفه لامس الجرح برفوق,,كذبه تراها ضحكتي وابتسامي؟؟
ثوب الفرح ياسيد الهم مشقوق,,شفها تراجف من لبسته عظامي!!!
شفني نخل كلي عذابات وعذوق,,لالاتهز..ولاتطير حمامي!!!
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك