رواية يا راكان ترى مالي مكان في هالدنيا بدونك -13
الدكتور فوزي : انا طلبت اجمعكم هني ... وابي منكم انك تفهموا الوضع الجديد ... نحن كنا على اساس اننا نسوي العملية بكرة ... بس تغير الوضع .
(( الموجودون .... ابو مساعد .. غانم .. ام مساعد ... مساعد ورؤى ... غرام و محمد وراكان ... ريان و مؤيد ... ))
سميرة : كيف يعني يا دكتور ؟؟
الدكتور ياخذ نفس : جى للمستشفى مريض كانت حالته خطرة ... اخطر من راكان ... واضطرينا نعطيه اخر كلية موجودة عندنا .. اللي كان المفروض نعطيها لراكان ...
ريان بعصبية : اشلون يا دكتور ... مو من حق المستشفى انها تتصرف كذا ؟؟
الدكتور ناظر على راكان اللي في السرير ... راكان فهم الدكتور لف على ريان : الدكتور استأذني وانا وافقت ..!!
غرام حطت راسها بين ايديها ... وقربت تبكي راكان ما راح يتحمل اسبوع ... اشلونيحصلوا كلية بها لسرعة
ام مساعد : دكتور خذ كليتي ... انا باتبرع.
راكان بصوت عالي: لا يمى لا.
غرام ناظرت على الدكتور: وانا باتبرع يا دكتور.
ابو مساعد ... قال نفس الشي... و اخوان راكان ومحمد ... حتى رؤى...
راكان ..: ما عليك منهم يا دكتور انا ما راح اقبل أي احد فيهم .
الدكتور تجاهل راكان ... يعرف ان المشاعر والعواطف تسيطر عليه : نحن بنبدأ الحين فوراً باخذ التحاليل منكم ... والفحوصات الضرورية ... وان شاء الله بنلقى فايدة ... تفضلوا وياي ..
طلعوا ياخذوا التحاليل والفحوصات الضرورية ...
(( بعد يوم كامل ... في نفس الغرفة ونفس الشخصيات ))
يدخل الدكتور الغرفة : اشلونك يا راكان ..!!
راكان بصوت مبحوح : الحمد لله على كل حال..!!
لف على الموجودين : الحمد لله طلعت نتائج التحاليل ... والشي اللي مو في صالحنا ان راكان فصيلة دمه ... فصيلة a وهذي الفصيلة ما تأخذ الا نفسها او فصيلة o .
مساعد .. : انا a يا دكتور .,
الدكتور يكلم رؤى : الحين بقول باسماء اللي يمكن ناخذ الكلية منهم .
غرام تسال : يا دكتور ... فصيلة دم المتبرع تأثر في الكلية ؟؟
الدكتور فوزي : ما فينا نجازف ... باننا ناخذ كلية من فصيلة غير فصيلة دم المريض ... (( الكل هدأ )) التحاليل بينت ... :
ان مساعد...ريان .. ابو مساعد ..الاخ غانم .. و غرام ..( غرام ابتسمت لما سمعت اسمها وناظرت راكان اللي عكس وجهه مو راضي ) ..و محمد .. لهم نفس الفصيلة ... استبعدنا غرام ... لانها حامل بالاضافة الا ان عندها القلب .. ( ناظرت راكان بس هذي المرة هي اللي عاكسه وجهها وهو يضحك ) ... بالاضافة الا فاعل خير .؟.؟؟
الكل انتبه للكلمة الاخيرة .. راكان : فاعل خير ؟؟
الدكتور ناظر على ؟؟؟؟ اللي هو فاعل الخير ... او فاعلة الخير ... تذكر ورجع بذاكرته ... لما ؟؟؟؟؟ جا داخل المكتب ..
((( ؟؟؟؟ يدخل على الدكتور : السلام عليكم يا دكتور فوزي ..
الدكتور وقف : وعليكم السلام يا ؟؟؟؟؟؟ ... تفضل .
؟؟؟؟؟ : انا جاي اسألك على التحاليل نتائجها طلعت ...
الدكتور ..: الحمد لله ... انا الحين كنت اقراها ... تبين ان منكم 5 اشخاص يصير اننا ناخذ الكلية منهم .
؟؟؟؟؟ : ان شاء الله انا منهم .
الدكتور ناظر في الاوراق وجا اسمه على ؟؟؟؟؟ : ايه انت منهم .
ابتسم ؟؟؟؟ وقال : دكتور انا باتبرع ... وممكن اوقع الحين على اني موافق ...
فرح الدكتور بهالكلام : انت متأكد من كلامك يا ؟؟؟؟؟
؟؟؟؟؟ : ايه ...بس ابي منك خدمة ... ما ابي احد فيهم يعرف بهالشي... ولا يعرفوا باني انا اللي باتبرع الا اخر لحظة ... هذا طلبي الاخير بعد العملية هم يعرفوني ... وقولهم باني فاعل خير لا اكثر ... واذا سألوك على اشياء اضافية ... اخترع مواصفات ))
يصحى الدكتور فوزي من ذاكرته على سؤال ابو راكان ..: يا دكتور ما قلت لنا مين فاعل الخير هذا ... ؟؟؟
الدكتور : هو طلب منا اننا ما نقول أي شي عنه ... فاعل خير ويبي الاجر ..( ناظر على ؟؟؟؟؟؟ اللي ابتسم )
محمد بعصبية : كيف يعني ؟؟؟
راكان : انا لا يمكن اخذ كلية واحد ما اعرف عنه شي.؟؟؟ يمكن عنده اطفال؟؟؟ يمكن متزوج ؟؟؟ او له عائلة ؟؟ واذا صار له شي في العملية ؟؟ انا ما راح ارتاح ؟؟
الدكتور يطمن راكان : لا هو ... لا متزوج ولا عنده اطفال... وهو انسان من المجهولي الهوية ... ويبي الاجر مثل ما قلت لك.
محمد يسال : متأكد يا دكتور؟؟
مساعد : ما طلب مبلغ او أي شي؟؟؟
ريان : ترى حنا جاهزين لاي مبلغ يبيه ..؟؟
الدكتور : يا جماعه قلت لكم يبي الاجر من الله .
ابو مساعد يفكر ....
ام مساعد : الله يجزاه خير بادعيله ليل نهار ...
غرام : وانا كمان يا خالتي والله حل لنا مشكلة كبيرة في حياتنا .. الله يجزاه الجنة يا رب.
غانم : الحمد لله على كل شيء.
؟؟؟؟؟ دمعت عينه لما سمعهم يدعو له .. واقف معاهم وهم ما يدرون انه هو فاعل الخير .
بس راكان مو مقتنع بهالحكاية ... ولا راح يقتنع ..
(( وقع ؟؟؟؟؟؟ على العملية ... وراكان وقع على العملية ... و قبل العملية بـ 12 ساعة ))
راكان ابتسم على خفيف .. كان وياه في الغرفة محمد .. وغرام : محمد ... نادي امي وابوي .
يدخلوا صقر وسميرة اللي كانت تبكي ..
سلم على راسهم ... وعيونه تدمع وابتسم : ربيتون احسن تربيه .. تعلمت احسن تعليم ... تمنيت اصير احسن مهندس في الديرة ... بنيت قصة حب تمنيت انها تصير مثل قصتكم ... انا اصير مثل ابوي ... وغرام تصير مثل امي ... نبني عشنا مثل ما بنيتوا عشكم .. ونربي عيالنا مثل ما ربيتوني انا واخواني... تمنيت وهي مجرد اماني .
ام راكان تمسح دموعه وتحضنه : يمى راكان . اهييييئ اهييييئ
ابو مساعد مسح على راسه : ان شاء الله تطلع من هذيك الغرفة وانت سبع ... وذيب يا راكان .
غرام .. تبكي وهي واقفة مع محمد في زاوية الغرفة ..
طلعوا ام مساعد وابو مساعد من الغرفة وهم يبكوا ... بعدها طلب راكان من غرام ومحمد يدخلوا اخوانه مساعد... ريان ... ومؤيد ... واعمامه اللي كانوا موجودين بره .
مساعد يخبي دموعه : هالله هالله .. ادعيلنا يا راكان .. دعاء المريض مستجابة ان شاء الله .
راكان يمسك ايد ريان علشان يستند فيها ... كان جسمه كله صار يألمه ... : ابي منكم طلب صغير ( يأخذ نفس ودموعه تنزل ) .. اذا طلع ابني بالسلامة .. لا تنسوه ابد .. خليكم وياه
.. الله العالم اذا بيكون يتيم او لا .. اوصيكم يا اعمامي.. عمي بدر... ابني مثل ابنك ... عمي الوليد ... ابني مثل محمد ... عمي فهد ابني مثل اولادك ... ما ابيه ينظلم في الدنيا ابد.
ريان يمسح دموعه من خده : الله عليك ... تدري يا راكان انك الوحيد اللي خليتني ابكي ... استمتع بهاللحظات ترى ما راح اعيدها ...
( ههههههههههههههههه )
عم بدر : اصلا مين قال بنربي ابنك ... ما راح يربيه غيرك .
كل واحد منهم عطاه جملة مختصرة تعبر عن كل اللي موجود في نفوسهم ..
( يطلع مساعد ومؤيد وريان .. والاعمام .. ويدخلوا الحريم رؤى ومنى وهويدا ...) و ما يزال غرام ومحمد في الغرفة
راكان ناظر غرام اللي كانت تبكي وابتسم : انتوا يالحريم ابي منكم طلب صغير ... شفتو النزغة هذيك اللي تبكي.. ( يأشر على غرام )
( هههههههههههه)
راكان يكمل وهو يبتسم : ابي كل وحده فيكم تعاملها زين ... مثل اختكم ... هذا طلبي واخر طلباتي يا رؤى و يا منى ويا هويدا ...
عطوه وعودهم في غرام ...
(( يطلعوا منى ورؤى وهويدا .... ويدخلوا ماجد
وسعد وروان وريم و ريما ... ))
راكان ابتسم وهو يشوفهم موجودين : يالله يا سعد لو ترجع الايام اللي كنا فيها نروح الشاليهات و ايام الاعياد نلبس ويا بعض حنا والشلة ... مو كذا ياماجد .
ماجد ابتسم ابتسامة مهمومة : ايه ... كانت ايام حلوة .
راكان وصى ماجد على روان اللي كانت تبكي مو هي بس كانت هي و ريم وريما .... وصى سعد انه لا يقطع على ابنه ويسأل عنه علشان يكون له عزوة من بعد ابوه ... طلب من روان انها تعتني بغرام و تصير صحبتها ... طلب من ريم وريما لا يقطعوا عن غرام ))
فضيت الغرفة .... ما صار فيها غير راكان ومحمد وغرام ...
ناداهم عليه ... : محمد .. انت اعز اصدقائي... واحسن واحد فيهم ... صديق طفولتي ... واعزك واايد .. تتغشمر وياي .. وتضحكني في وقت الضحك وتزعل وياي في وقت الزعل .. الله يحفظك ... واذا الله كتبلي عمر جديد ... انا بكون وزيرك يالعريس...
محمد ضم راكان يسلم عليه ...
تكلم وياه وطلع ...
ما بقي غير راكان وغرام اللي كانت تبكي ...
راكان جلس يناظر فيها 5 دقائق كاملة ...
في الاخير حط ايده على بطنها : حافظي على صقر الصغير يا غرام ... عوضيه بكل شي...
ما كان من غرام الا انها زادت بكى ..
***************************************
( غرفة العمليات )
غرام عيونها حمرا من كثر السهر...: يمى سميرة تأخروا وايد.
ام مساعد كانت تردد كلمة واحده : لا اله الا الله ... لا اله الا الله. الكل كان ماسك القران يقرا .... كلهم موجودين ما عدا ؟؟؟؟؟ حتى اعمام راكان موجودين باولادهم .
يطلع الدكتور... بس مو الدكتور فوزي : عظم الله اجركم ....
*****************************
يتـــــــــبع
عيدكم مبارك
هذي النهاية ...
والحمد لله انتهيت ...
اتمنى انها عجبتكم ....
(( بــــعد مرور 5 سنوات ))
في بيت صقر مساعد ....
و في غرفة غرام ...
غرام وهي مبتسمة .. وتلبس فيه : حبيبي راكان وريني اسنانك.
راكان يفتح اسنانه ... غرام تمسك خدوده ..: يا عسل شاطر راكان .
وداد تفتح الباب : وينك غرام ... يلا ..؟؟
غرام : جالسه اللبس راكان الصغير ... علشان بيروح مع محمد على المقابر .
وداد : هاا , مثل كل سنة .
غرام تبتسم : ايه مثل كل سنة يروحوا ويا الرجال... يقروا الفاتحة ويرشوا الماي ... ويغرسوا سعف النخل.
وداد ابتسمت ونادت راكان الصغير وسلمته على خدوده : يلا حبيبي روح مع محمد ( يهز براسه ويطلع وهو يجري ) يلا انتي قومي ... العزومة على بيتكم اليوم عيد ... نبي هذيك السلطات الحلوة من ايدك.
غرام : والله تعبانة ...( تدخل ريم الغرفة )
ريم معصبة عليهم : انتوا هني يلا خلونا نطلع .
غرام تضحك فيها : على وين انتي... ما شفتي بطنك في المراية ... روحي ارتاحيي لا الحين تولدي في المطبخ
..(هههههههههههههه )
ريم : لا اليوم مسويه طبق خاص .
غرام تتطنز فيها : لسعد؟؟
ريم : وانتي وش دخلك في زوجي ؟؟
وداد سئمت منهم : اقول انتي وياها انزلوا تحت ... كل الحريم موجودين ... والرجاجيل شوي ويجوا ... خلصونا .
(( بعد ربع ساعة في المقابر ))
ابو مساعد يكلم حفيده : تعال يا سبع... شفت هناك ( يأشر بيده ) هناك ابوك راكان ... نروح عنده .
محمد : اممم .
راكان كان يرش الماي على القبر ....
(( صار يربي الشنب ... ويلبس البدل .. والنظارة الطبية ... صار عملي اكثر بعد ما تخرج من الجامعة ... وصار عنده اطفال ... ))
يحس بإيد تشده .. لف ورا : حبيبي حمودي ... ( رفعه فوق ) اشلونك يا بطل .. ( يهز راسه ببراءة )
راكان ناظر على راكان الصغير ورفعه هو الاخر : اشلونك عمو ... ( سلمه على خده )
ونزلهم ..يعطي كل واحد فيهم كاكاو ...: شفتوا هني... يرقد احسن واحد عندي.
ماجد ومعاه بنته الصغير جوانا : السلام عليكم ...( ابو مساعد وراكان يردوا السلام ) جوانا جريت على راكان ..
( يرفعها راكان ) : جوجو الصغيرة ... تبي كاكاو يا عسل .. طيب سلمي هني ( تسلمه على خده ) حبيبتي ... ( نزلها جنب راكان ومحمد وعطاها كاكاو )
سعد يجي من بعيد : وش الحكاية ... الحين بالله عليكم في حد يجيب اطفاله هني المقابر ... لا اله الا الله .
راكان يضحك : لا والله ما ودي بس تعرف كل سنة .... هذي السنة قلت اجيب ابني وياي ... وماجد جاب بنته .
ابو مساعد : حريمكم في البيت ؟؟؟؟
سعد وماجد : ايه يا عمي.
ابو مساعد : لان العزومة اليوم علينا .
مساعد و ريان... كانوا طالعين يشتروا سعف نخل للقبر .
الوليد و فهد واولاد فهد ... وبدر : كانوا من بدري مع راكان ... يسوا القبر وينظفوا حوله ..
راكان ناظر عليهم : الكل موجود ...
رفعوا اياديهم :
((( بسم الله الرحمن الرحيم (*) الحمد لله رب العالمين (*) الرحمن الرحيم (*) مالك يوم الدين (*) إياك نعبد وياك نستعين (*) اهدنا الصراط المستقيم (*) صراط الذين انعمت عليهم غير المغضوب عليهم ولا الضآلين )))
********************************************
في بيت صقر مساعد
غرام تطلع من الغرفة وهي تمشي ... لاحظت غرفة هويدا مفتوحه ... فتحت الباب ...: انتي هني والحريم تحت ؟؟
ريما وهي ماسكه الايباد : باقي على البارت كم سطر استنيني..؟؟
غرام باستغراب : أي رواية ..؟؟
ريما : رواية تدري من هو يحبك بجد ؟ لهمس الجوري...
غرام : يالتافهة ليه ما قلتيلي ابدا وياك ؟؟
ريما ناظرتها : باقي ماكملت الرواية .
غرام : اهاا ... اوكي انزلي الحين وإلا لما يجي خطيبك راح افضحك وياه .... تعرفي وش اقدر اسوي .
ريما حطت الايباد : طيب ... بس يا ويلك تسوي مثل السنة اللي فاتت ... لما سأل عن الاكلات اللي انا سويتها ... وانتي فضحتيني وقلتي ما سوت شي.
غرام ضحكت ... : يلا ننزل .
************************************************
ام مساعد تهاوش منى ورؤى : منى ... رؤى ... امسكوا عيالكم .. ماني عارفة اشتغل هني.
رؤى : يمى سميرة حنا نقطع اللحمة .. وعيالنا يحبوا جدتهم ( ناظرت على منى وتضحك )
منى : يا سميرة وليال ... تعالوا امسكوا اخوانكم .
سميرة صار عمرها 11 سنه , وليال صارت 9 سنوات .. وسمر عمرها 10 ..
اما عن العيال ... لان ريان ومنى جابوا ولد سموه فيصل... و مساعد ورؤى .. جابوا ولد سموه صقر علشان تصير:
صقر مساعد صقر مساعد الصقر << خخخ
وتقريبا في نفس العمر 3 سنوات ونصف ...
يدخلوا الرجاجيل ....
وكل واحد يعيد على زوجته ....
ابو مساعد يكلم سميرة : كل عام وانتي بخير يا الغالية ام الغالين ؟
ام مساعد و التجاعيد ظهرت على وجهها الابيض : وانت بخير عسا الله يطول في عمرك يا صقر وتزوج احفادك واحد واحد .
(( في الزاوية ... ريان يكلم منى ))
ريان وهو شايل فيصل على كتوفه وماسك بإيد ليال مبتسم : كل عام وانتي بخير يا ام فيصل .. ان شاء الله دوم ويا بعض .
منى .. اكتفت بابتسامة ...
(( ريما واقفة عند الباب مع خطيبها عماد ... ))
عماد وهو يمد الورد ... : كل سنة وانتي طيبة ريما .
ريما انحرجت من الورد ... واكتفت هي كمان بالابتسامة لخطيبها .
(( مساعد ورؤى ... ))
مساعد والابتسامة الكبيرة ... لايقة مع جسمه الضخم : كل سنة وانتي طيبة يا دوووبة .
رؤى استغربت منه: دوووبة ؟؟؟
مساعد : ايه وزنك زايد عن العيد اللي فات .. ( ههههه)
رؤى زعلت : هذا لاني حامل يا شاطر... شوف اخوانك كل واحد حبيبتي وحياتي وانت تقولي دوووبة ...
(( هويدا كانت جالسة وتناظر في الكل وهي ماسكة ابنها الوليد سمته على ابوها .. قامت ومشيت على المطبخ علشان لا احد يشوف دموعها .... كانت زعلانه لان ما في حد يعيد عليها ومؤيد مسافر ... ... وبين ما هي تفكر حست بإيد تغمض عينها .... ويقول مؤيد بصوته الحنون : انا مين ؟؟
ومؤيد رجع من سفره ...)))
(( في الصالة سعد وزوجته ريم ))
سعد وهو واقف ويا ريم : اشلونج حياتي ...؟؟ كل سنه والله يديم علينا ... ويطول في عمرك ... ويخليك .. لسلطان اللي في بطنك .
(( روان وهي بالكاد تمشي ... كانت حامل ... هي و ريم متقاربين شوي .... مسكت بنتها جوانا ... وهي تناظر في ماجد وهو يدخل البيت : كل عام وانت بخير ماجد ...
ماجد وهو مبتسم ... ويمسك خدود بنوته : وانتي بخير يا حياتي ... ويخليك لي ولبنتنا و لاخوانها ... يا رب.
(( غانم وهو شايل ابنه راكان الصغير ... ويسلم فيه ..
يكلم وداد وهو ماسك ايدها : هلا وغلا بالحب ... والقلب وكل شي... الله يحفك يالغالية ويخليك للشرطي راكان و البطلين علي و خالد ..
وداد فتحت عيونها : خالد وعلي مين ؟؟؟
يأشر على بطنها : اللي هني توأم مو كذا ... خالد وعلي؟؟
وداد عصبت : لا ... لا خالد ولا علي...
( خلوهم يتهاوشوا ... خخخخ )
ويدخل اعمام العائلة ... باولادهم واحفادهم ... وزوجاتهم ...
علشان يعيدوا على العائلة ... والذبيحة اليوم عند صقر .
(( غرام تناظر فيهم واحد واحد ... و هي ماسكة بنتها اريج الصغير .. اللي كانت لابسة ملابس العيد هذاك الفستان الوردي ... والكوفيه الوردية...والضحكة الحلوة ... وغرام مبتسمة الحياة ويا هالعايلة ... مافي اجمل منها .. يرن جوال غرام ... وصلتها رسالة من راكان ... ابتسمت لما قر الرسالة ومسكت بنتها ... وطلعت على الخيمة اللي في الحديقة ..))
لما دخلتها تفاجات باللي شافته ... كانت الخيمة كلها ظلام اسود ... وهذيك الاضواء الحمراء.... ومليانه بالورود ... الحمراء والبيضاء ...
وما حست الا بإيد محمد ... ماسكه ايدها ... لفت عليه وسلمت وباسته : حبيبي محمد كل سنة وانت طيب حبيبي انت ..
راكان وهو واقف وراها ...: وانتي طيبة يا عمري...
وقفت وعدلت وقفتها ..: كل عام وانت بخير يا راكان ... ( سلمت على راسه )
راكان مسك بنته اريج ويبوس فيها ... وناظر على غرام ...
الله يحفظك حبيبتي غرام ... انتي دايم تكرريلي جمله (( يا راكان ترى مالي مكان في هالدنيا بدونك )) انا اليوم بقولك ... اني ومحمد واريج .. ما نقدر نعيش بدونك يا عمري.
***********************************
(( محمد هو المتبرع .... اثناء العملية توقف قلبه ... بشكل طبيعي وبدون أي غلط طبي... راكان تأثر والكل تأثر فيه ...
راكان جاله ولد وسماه محمد .. محمد كان عمره 5 سنوات وابيض مثل امه .. شعره بني مثل ابوه ... وبعد 3 سنوات من محمد ... غرام حملت ببنت وسموها اريج ... عمرها سنة
غانم و وداد جابوا ولد ... واتفقوا يسموه راكان ... علشان يصير محمد وراكان الصغار .. مثل ما كان محمد وراكان الكبار ... راكان اكبر من محمد بشهرين ... والحين وداد حامل بتوأم ..في الشهر الـ 4 ... وغانم ناوي يسميهم خالد على الشرطي خالد اللي مات وعلي على الوالد ابوه ....
ريان ومنى جاهم ولد ... وسماه فيصل ... وعمره 3 سنوات ونصف ... مساعد جاه ولد وسماه صقر على الوالد .... والحين رؤى حامل في الشهر الخامس ...
مؤيد و هويدا جاهم ولد ... كانوا يبوا يسموه محمد على اخوها محمد الله يرحمه بس علشان في محمد صغير في العائلة ... سموه الوليد علشان ابو هويدا ... والحين الوليد الكبير متعلق في الوليد الصغير اللي عمره سنتين ...
سعد شاف ريم في المستشفى لما كان راكان تعبان ... ودخلت راسه وملك عليه بعد هذاك الحادث بـ 3 سنوات .... والحين ريم حامل ..في الشهر السابع .. . وسعد بيسميه سلطان ...
ريما خطبها واحد وياها في الجامعة .... اسمه عماد اكبر منها بسنتين ... والحين يعيشوا فترة الخطوبة ..
روان وماجد .... جابوا بنت سموها جوانا ( جوجو ) ... و روان الحين حامل في الشهر السابع ... و روان بتسميه راكان ... << وراه وراه.
مين باقي ؟؟؟
راشد ومشاري .... تنازل غانم عن بعض حقوقه فجت عقوبتهم بـ 6 سنوات سجن ... مضى منها 5 سنوات وباقي سنة وحده.
اما الشرطي اسامة القاتل ... فجاه اعدام .
.................................................. ........
لا احلل اي نقل دون ان يذكر اسمي
مع تحيات الكاتبة :
johnarr cool
تجميعي معزوفة خياليه
اللهم لك الحمد حتى ترضى وإذا رضيت وبعد الرضى ,,, اضف تعليقك