رواية من أعماق أحضان مجنونة -15
بس لو الله يهداك وتدقين وتخليني اسمع صوتك وارتاح!!!
لايامشاري..بشاير ماراح تدق...
انت عارف ها الشي ومتاْكد منه عدل بعد....روح...لها هناك وشوفها وارجع اطلب منها ها الشي مرة ثانية...
كان عارف انها هنا توها دخلت وعيونها كلها دموع وكانها فاقدة غالي وعزيز ..
راح وراها علشان يشوفها عدل وهو حاط في باله شي اكبر منه ومنها ومن أي شي...
شي يخليه يشيل هالة من باله ويشوف دارين بعيون رجال ثاني؟؟
ومو أي رجال...رجال عشق هالة بصمت ومحد درى عنه حتى هالة نفسها؟؟؟
دخل بسرعة وكانت هي ورى الباب والمكان مافيه غيرهم..
كانت تمسح دموعها وترتب حجابها على شعرها يوم يدخل وماتنتبه له..
تقرب اكثر ولفت بتطلع وصارت بشبه حضنه..
قالت وهي ترفع راسها عفوا!!
مشت من قدامه وكانه مو موجود وظل هو يناظر بالارض ....
كانت انفاسه كلها متجمعة بداخله ومو قاوي يتنفس...
معقول....مو صدق ها الشي ياجراح ابدا....
وش ها الانسانة العجيبة اللي اسمها هالة ياربي!!!
انا جاي اشيلها من بالي الاقي نفسي افكر فيها؟شوي واحضن البنت على بالي هي من كثر ماهي بتفكيري!!!
ليش ياهالة ليش...حرام عليك...خليني اشوف غيرك...خليني افهم شنو يعني انتي مو نصيبي ولاراح تكونين؟
خليني اشوف حياتي يابنت العراقية؟
احمد ممكن نتكلم؟
ام وليد باحتقار خير نتكلم في شنو يا ..احمد باشا؟
احمد خالتي..
بعصبية قالت لاتقولي خالتي...انا لاخالتك ولاابي اصير..
تنهد وقال انتي وش اللي تبين توصلين له بالضبط؟
ام وليد خير بالله ياولد العراقية وش عندك؟
احمد بحدة ...اروى..
ام وليد شفيها بنتي؟
احمد بنفس الحدة أي عريس هذا اللي ابوي مايدري عنه؟
ام وليد انت مالك شغل؟بعدين انت من قال لك؟
احمد هي قالت لي..
ام وليد وهي الغبية باي صفة تروح تقول لك؟
احمد انا ادري ان السالفة من تخطيطك وتلفيقك وان مافي معرس من الاساس؟بس بعديها لك ها المرة وبقولها ان الولد ماصار كويس وماناسبنا فعلشان كذا ابوي ماكلمها وبتنتهي القضية...بس ياليت ماترسمين على عيال اخوك وانتي مو ضامنتهم لان اختي مو قاصرها شي ترمينها بها الطريقة؟
قالها ومشى بدون مايسمع أي انفجار من انفجارات ام وليد اللي ولعت الدنيا بعيونها منه ومن كلامه؟؟
دخل الخيمة وشال شماغه ورفع اكمامه شوي ومسك العود...
قعد بصدر الخيمة علشان يشوف اللي بيدخل ويطلع من قسم بيت العراقية ليش مايدري!!ولاانه يدري بس يكذب ظنون نفسه؟
مر غسان بها اللحظات وناداه..
جراح تعال..
غسان بغيت شي؟
جراح اقعد وش وراك؟
غسان ماوراي شي بس اخوي هنا واختي جاية بالطريق؟
جراح أي بس اليوم مو خميس ليه اختك جاية بعد؟
غسان جاية تسلم علي؟
جراح بسخرية ليه رايح الحج ولا العمرة؟
سكت غسان وماعلق,,,
جراح اقعد زين بسوي لك حفلة وداع وبغني لك؟
من حلاوة الصوت الحمدلله؟؟؟
قالتها هالة وهي داخلة بدون ماتلتفت لهم حتى...
قالتها وهي تمشي وكملت طريقها وهي تمشي بعد!!
يعني ماالتفت شافت أي خيبة طاحت على الوجهين...
وجه العاشق الثاير ووجه الاخ اللي عارف انه هو اللي بياكلها...
غسان بعد اذنك بروح اسلم على اختي لان ماعندي وقت خلاص بمشي...
قالها وقام بدون مايسمع من جراح اللي كان سرحان أي شي...
طيب ياهالة طيب...
انا تقولين عني ها الحكي؟
اصلا انتي صرتي عندي بيت شعر..
كيف كيفي اشطبه
والله يلعني اذا عطيتك التفات..مرت اكثر من نص ساعة وبعدها طلع غسان ومعاه احمد وابوه مششوا معاه لين السيارة وبعدها دخلوا...
اللي لفت انتباه جراح سايق هالة اللي قام يجهز السيارة ..معناته انها طالعة...
طيب ياهالة..مو عاطيك أي اهتمام وبتشوفين؟
طلعت بكامل الشموخ اللي دخلت فيه وبس شافها تمشي قال وهي معطته ظهرها بتطلع يعني ماله داعي الخساير الروحة لشقة احمد والاثنين هنا؟ليه كل واحد يطلع بمرة ومايطلعون جميع ماادري!!
هو يبيك توقفين تسمعينه وتتنرفزين ياهالة بس ولا كاْنك تسمعين طنشي ياهالة طنشي!!لاتخلين ها الفاشل ياْثر عليك؟
جراح يسمعها بصوته اللي دايم عالي صح كلامي يادارين؟
مو هالة واحمد ساكنين جميع اللحين ليه كل واحد يروح بروحه ومايروحون جميع...معي يادراين ولا انا اكلم نفسي!!
وقفت بمكانها وماهي عارفة شتقول..
وابتسم هو ابتسامة نصر بس لا؟؟ابتسامته ماطولت تلاشت بسرعة من هالة,,,
اليوم كان عنده اصرار غريب انه يجلس بالحديقة ومايدخل المجلس وسط نرفزة مريم..
هو يبي يشوف بشاير باي طريقة وهي تبيه يدخل لانها مو متحملة...
مريم بضيق مشاري خل ندخل؟
مشاري علامك مريم صايرة قايلتها مليون مرة؟
مريم أي لان الجو مو حلو ومو حق قعدة؟
مشاري بالعكس انا اشوفه حلو....
مريم وقفت طب اجلس فيه براحتك انا بدخل شوي وبعدين برجع على ماتكون غيرت رايك يعني...
قالتها يوم شافت ام مطلق وبناتها طالعين....
ام طلق هلا مريم...
مريم بدون نفس هلا..
نسايم بهمس بينهم اووف وش له هاالكشرة ومشاري جالس؟
مريم بضيق ساعات مدري شلون يصير تفكيره؟؟بالله هذا جو ينقعد فيه؟حتى اذا الواحد بيتكلم بالعرس بيهون؟
قالتها ودخلت وام مطلق ونسايم يتهامسون عليها وبشاير بس اللي راسها بارض ماتبيه ترفعه لايلتقون نظراتها بنظراته لانها عارفة ومتاْكدة هو ليه قاعد هناك؟
تنهدت ورفعت راسها والتقوا نظراتهم وفعلا كان يناظرها..
مشوا امها واختها وسلموا عليه وطلعوا,,,
كانت عيونه تكلمها قبل لسانه وهو يهلي ويرحب فيها..
قال بهمس يسمعها مشاري..
قالت له عيونها...
ممكن اعرف ليش راجع..
بعد ماخنت الظنون
واستبحت الجرح ونثرت المواجع والطعون
ليش راجع؟؟
بعدها جروحك طرية,,,مامداها تندمي
مانسيتك كبر الخطية لش راجع!!
حتى جرحي من رجوعك صار جازع
كنت مدك وكنت لي جزر بصدك
مكن اسال ليش راجع!!
وانت تدري الفرق شاسع وهذا هذا حدك
تكفى قلي ليش راجع؟؟
خانتك حبيبتك وجاي فازع؟
في عيونك دمعتين وظل خلاك تتراجع؟
شفت كيف الفرق شاسع..
لو عجبك الوقت ارجع..بس لها لعيونها
اما قلبي ..اه ياقلبي...مابقى له عين تدمع ولاحتى اذن تسمع..
لالا ترجع صار والله الفرق شاسع؟
قال بتشفق ولهفة تكفين دقي لازم اسمع صوتك؟
بشاير بحدة هامسة مااقدر؟
مشاري كل يوم بجيك و
بشاير لو سمحت يامشاري؟
مشاري خلاص انا بدق لك يابشاير عطيني رقمك....
بشاير بحدة وهي طالعة لا
تنهد بقوة بعد ماقالت ها الكلمة وبعدها قام وطلع بسرعة وركب سيارته يلحقهم قبل لايمشون,,,
في غرفة احمد وريم...
كان متسند على الفراش وهو يناظرها وهي تتكحل...
قال بترنيمة قالت احبك ي ااحمد قلت من قدي؟ ها الكلمة هاذي تموتني وتحيني...
ريم لفت له وقالت بضحكة منهي هاذي اللي ماعندها نظر وقايلة لك احبك؟
احمد بزعل ليه؟؟
ريم بلااهتمام وهي متخبلة على شكله الزعلان لانك ماتنحب..
احمد هاذي اللي بقوم اقطع العقال على راسها وظهرها..
ريم وراسي شكو بعد تقطع عليه العقال؟
احمد وهو يقوم من السرير ويجيها مدري..طرى علي....
صار واقف جنبها وقال وهو يلعب بكتوفها العريانين منهو اللي ماينحب؟
قالت وهي تغمض عيونها واحد..
احمد بهمس أي شسمه..
ريم وهي تضحك مااحب افتن؟
احمد لاوالله...
ريم أي والله ههههه
احمد الثوب هذا يطير عقلي...ليه تلبسينه وانتي تعرفيني مااتحمل؟
لفت له وقالت باغراء ماتتحمل شنو؟
بهمس وهو يتقرب منها شوفته عليك....
قالت وهي بعدها تتدلع حمود....
احمد يوه...رحنا ورى الشمس الليلة؟
اشوفكم يوم السبت على خير ان شاءالله
هلا وغلا فيكم ياحلوين,,,
بارت اليوم بعد بيكون دمج لليوم وبكرة لان بكرة بنتي عندها حفل بالروضة ومابيمديني احط شي لاني بنشغل شوي(اي خير قلتي قصة حياتك باقي تقولين وش بتطبخين ههه)
البارت العشرين والواحد والعشرين,,,
ريم بدلع اعقل بس اعقل..
احمد بشاعرية أي بس انتي قلتيلي حمود؟
ريم واذا يعني!!
احمد دلعتيني؟
ريم بضحكة ماعليش حبيبي سامحني مااخذت في بالي اني دلعتك..يالله مشيها لي ها المرة واذا عدتها حاسبني!!
احمد وهو يتقرب منها اكثر انا اذا مشيت لك حمود ماراح امشي لك حبيبي؟
ريم بهمس يعني صدق بنروح ورى الشمس؟
احمد بغمز احنا بالليل..يعني بتروحين ورى القمر ياريم؟
ريم بدلع وهي تمسك ياقة ثوبه وليه انا اللي اروح مو انت!!!
احمد بهمس اروح وليه مااروح...انا منك ومن حركاتك اطير!!
ريم بهمس تحبني!!
احمد وهو يلعب بشعرها عندك شك؟
ريم قولها؟
احمد وش تدفعين علشان تسمعينها؟
ريم وهي تتقرب اكثر بالاوقات العادية..مدري وش ادفع...بس اللحين وبها اللحظة بالذات(كانت تناظر فيه وهو ياكلها بعيونه) ادفع لك عمري كله...ياعمري انت...
اخذها بحضنه بقوة وقال ريم انا...مااتحمل بعدك عني ابدا!!تحملي تسوين حركات زعل من هنا وهنا وتتركيني ترى اموت والله!!!
انتي ماقصرتي سويتي فيني البلاوي من اخذتك..حببتيني فيك اكثر من الشي اللي ممكن اتصوره بعقلي...
ماافرط فيك لو بملايين العالم..سامعتني....مستحيل احب احد غير ريم بحياتي..
تنهدت بارتياح وحطت يدها على ظهره تحضنه هي بعد بكل قوتها,,,
فتح عيونه مستغرب من هالة؟؟
مو من كلامها لا؟؟؟
ولاحتى من شكلها...والاكيد مو من كلمة دارين يوم يسميها لانها ماتهتم له ولابتهتم بيوم من الايام؟؟
بس من عيونها...
أي ياجراح عيونها,,,,
اليوم عيونها مو مثل كل يوم,,,
فيها شي غريب...
فيها حزن وكاْبة وقلق؟
فيها حيرة وخوف؟
فيها زعل ودموع؟؟
وش فيها هالتك ياجراح؟
منو زعلها وجرحها وانت ماتدري؟
ليه هالة متضايقة وها الحد عيونها ذبلانة؟
معقولة زوجها؟؟؟
وش قايل لها؟
وش كانت تبي وماعطاها؟
وين كانت تبي تروح انا اوديها؟
وش كانت تبي تلبس انا البسها؟
وش كانت تبي وماقدر يلبي لها انا البي لها اللي تبيه!!!
هالة....شيلي نظرة الزعل من عيونك تراني مااتحملها؟
بحياتي...بكل عمري ماشفت فيك ها النظرة المكسورة؟
منو بس اللي قوى يتركك تزعلين ومالان قلبه عليك!!
اذا كان من زوجك...خل يترحم على نفسه لاني مابعديها له؟
وان كان من احمد....ترى مابيشوف اللي يسره؟
ولا من ابوها ياجراح؟حتى واذا ابوها....ماله حق يزعلها ويكسر حلاوة عيونها كذا...
اه ياهالة اه...بحارب العالم كله علشان ترضين...
تعالي ..اجرحي فيني مثل ماتبين اذا كان بيرضيك؟
هينيني,,,ذليني,,,تعبيني,,,بس قولي أي شي خل اسمع صوتك المبحوح يطربني...
تكفين ابسمع نبرة الصوت تكفين,,ودي اذوب فبحتك لاحكيتي
مليت اسولف مع صدى الصوت يازين,
,جعلي فدا لترابك اللي وطيتي,,
خلي الثقل تكفين خليه بعدين,,احكي فديتك يابعد ناس بيتي..
شقي خفوقي ياهوى الروح نصين.
.ياليت ماسمع غيرها الصوت ليتي!!
قولي ولك مني على الحرف بيتين..لاتذبحين عروق فيها سريتي,,
مدي علي من سكر الصوت كاْسين.
.وزيدي حلاه شوي لامن سهيتي..
وصي هدب عينك على وجنتك لين,,اطيح من طولي واشوفك بكيتي
وابوس دمعك واحضن الرمش والعين,
,وافرش لك ضلوعي غلا لاغفيتي,,
وامد لك صدري والحفك رمشين,
وتسهر لك ضلوع بسماها ارتميتي..
وخلك على نومك مابيك تصحين,,اخاف نرجع للثقل لو صحيتي,,
طالبك طلبه بين الاضلاع تبقين,,تدرين اموت من القهر لو مشيتي
وكانك نويتي ذبحي ارجوك تكفين,,اموت بس(افبحتك)لاحكيتي!!
وصلوا بشاير وامها واختها الى مجمع ابن خلدون ووصل معهم مشاري..
نزلوا وظل هو واقف بقهر...
اوووف ليه هنا بالذات؟؟
انا كيف ادخل اللحين واشوفها؟
عوائل بس!!عزاب ممنوع؟
والحل يامشاري....
مو كل يوم بتضمن انها تطلع وتشوفها...
وانت اللحين ضامن انك تكلمها واهلها معها؟مو مشكلة..لازم احاول انا با النهاية مو خسران شي,,,,
كانت افكاره مشتتة كلها وكل شوي فكرة تجيه ...
تنهد وقال..مالي غير زينة...
أي اروح اجيبها واشوف وش يطلع معي اقدر التقي فيها ولالا؟
ركب سيارته وراح البيت,,,,
اللحين اكيد راحت ..
أي راحت....لا ماراحت!!
اوووف شفيك انت بس يامطلق حابس نفسك بدارك من رديت الظهر علشان لاتشوفها اذا كانت جت ولاراحت!!!
وانت وش عليك منها اصلا اذا كانت هنا ولالا؟
بتقعد معها؟بتشوفها؟بتسولف معها؟
انت من متى مو شايفها..من زمان ..من سبع سنين..وماشفتها غير يوم الخميس اللي فات وثواني وقمت من الطاولة علشان لاتقعد بمكان هي فيه,,,
تتهرب منها؟ولامن نفسك يامطلق؟؟
لاانا مااتهرب....
هالة عمرها ماعنت لي ولاشي...
كنت افكر فيها كذا بخيالي بس...
لكن انا مااحبها ولا تحرك مشاعري ولاتعني لي أي شي...
أي هذا الصدق يامطلق....وبعدين انت اصلا بتطلع منت قاعد بالبيت ليه بعد قاعد بغرفتك...
خذ مفاتيحك وقوم اطلع شوف الدنيا بدل قعدتك هنا اللي لاتودي ولاتجيب....
قام يلبس بسرعة واخذ مفاتيحه علشان يطلع...
وقف قبال المرايا ثواني وعيونه تقول..
كيف اهتدي؟وانتي حكاية ضلالي..
جنونها...حرف غرق في سرابك..
مثل الظنون الخالدة في سؤالي,,
تتوه...في عتمة معاني جوابك,,,
كانت قاعدة بفراشها وهي افكارها متعكرة..
كلام احمد كان يرن باذنها....
اروى....الشاب اللي تقدم لك مافيه نصيب بينا وبينه؟
سئلته ليه وقال ان عليه كلام وابوي ماحب يحط يديه بيده ويناسبه؟؟؟
ماتدري ليه حست ان السالفة مو مقنعة,,,,
يوم شافت امها جاية راحت تسئلها..
اروى يمه..
ام وليد نعم..
اروى احمد يقول ان اللي متقدم لي ابوي ماوافق عليه لانه مايناسبنا؟
ام وليد بعصبية الله ياخذ ها الاحمد..
اروى ليه؟
ام وليد بحقد هو اللي ماوافق مو ابوك؟
اروى بعد سكون ليه؟
ام وليد بحقد اكبر ليه بعد...لان اخته لسه ماانخطبت كيف انتي تنخطبين؟
اروى بنرفزة وش ها التفكير الفاشل؟هذا وهو بعد الفاهم العاقل؟
ام وليد المفهومية والعقل عندهم يوقفون عند مصالحك انتي واختك واخوك؟هذولا مايحبون الا نفسهم؟
اروى ........
ام وليد باقناع انتي ماشفتيه يوم شاف اخوك وليد راح يداوم عند ابوك بالشركة علشان يكسب رضاه قام هو بعد يروح؟ولا من متى ابوه قايل له تعال لي الشركة وهو مايرضى..شمعنى حلت له الروحة اللحين بالذات!!!
بس يالله ان شاءالله تقتنعون ان كلامي صدق وفي محله..وان احمد راس الحية...احمد عقرب يااروى ويمشي ابوك على هواه..واذا قلت لك لاتطيعينه صدقيني...وقعدي كل ماجاك معرس هو بيرده اذا ماتوافق مع مصالحه ومصالح اخوانه؟
اروى بحقد طيب يااحمد طيب..
ام وليد يالله ان شاءالله عاد تنسين درب الفيلا الثانية اللي فيها بنت العراقية وتعرفين لنفسك....ومو بعيدة ان دارين بعد حطت كم كلمة من هنا وهنا علشان سالفة الخطوبة ...
اروى وهي اللي سوت روحها فرحانة لي!!
ام وليد قلت لك عيال العراقية حيالييّّين مكاريييّين يبون مصالحهم وبس!!!
زينة انا ابي افهم انت ليه جايبني هنا؟
مشاري اختي وحبيبتي وصديقتي وقلت خليني اخذ فيك ثواب واطلعك امشيك؟
زينة طيب اسئلني وين ابي اروح مو بكيفك تجيبني؟
مشاري لاعاد في هاذي اسمحيلي ..انا صاحب العزومة وانا اللي اختار؟
طلعت من السيارة بعد ماركنها بالباركنج وقالت وبصورة الناس الواثقين واللي مايتحملون أي نقاش انا عارفة ان السالفة فيها ان واخواتها؟والله اعلم تكون بنت يامشاري؟
تنهد بحزن وسكتت عنه ومشت ..
لحقها وقال.. زينة..هي هنا؟
زينة انت ماتخاف ان مريم تشوفك هنا؟ولاان واحد من اخوانها ولا صاحباتها يوصلون لها أي شي؟
بقوة ماتوقعتها منه قال لا...مايهمني!!
ناظرته بدون ماتتكلم وكمل هو بقوة وعمق اللي يهمني انها تعرف انها تركتني وانا ظليت ادور عنها بس مااعرف لها طريق؟؟؟احبها..حبيتها...مدري بس بعدين مو ناسيها...وابيها...
زينة بحزن مشاري....انت مرتبط وها الحكاية بتدوش راسك وبتوجعك بعد؟
مشاري زينة....انتي فاهمة وعارفة ان انا ومريم مو متفاهمين كثير...وفوق الكثير بعد!!وشوفة حبيبتي بعد ها الغياب معذبتني!!
زينة مدري شقولك....
في باله كان بيقول لزينة ان بشاير بنت خال مريم بس باخر اللحظات سكت..
دخلوا المجمع وقاموا يمشون...
زينة وقفت عند محل بتدخله..
وناظر مشاري بالمحل اللي كان فاضي وقال باعتراض لا مانبي ندخل؟
زينة ها....انت مو جايبني تمشين؟
مشاري وهو يمشي عنها وعيونه تدور على ناس معينة أي بس في الوقت المناسب تروحين تتسوقين!!
زينة اوووف منك ياربي....منة ها الجية منك يابو سعود...
مشاري على كيفك هي سميتيني ابو سعود يمكن مرتي ماتبي؟
زينة ياسلاااام فيها خير اللي ماتبي تسمي اسم ولدها على اسم ابوي الغالي!!اصلا انا بسمي كل عيالي سعود على اسمه عسى الله يخليه؟
مشاري بشماتة وهو يضحك وكيف بتفرقين بينهم بالله...بتنادينهم سعود الكبير وسعود الصغير وسعود الوسط؟
زينة لا وانت الصادق سعود واحد وسعود ثنين وسعود ثلاثة؟
مشاري وهو يتظيرف لا تكفين سميهم سعود ون وسعود تو وسعود ثري؟
زينة اقول بلا بياخة علي يالله اسكت....
قال شنو قال سعود ون وسعود تو.......
مشاري...
قالتها ووقفت مكانها...
مشاري يانعم...
زينة وهي تناظره هاذي بنت خال مرتك هنا؟
دق قلبه ورفع راسه وكانت زينة تناظر بنسايم اللي ابتسمت لها
زينة فشلة تناظرني تعال بسلم عليها..
تقدمت وهو وراها وقلبه يدق بقوة لان بشاير ماانتبهت لانهم واقفين عند مبخرة الامارات وهي وامها يختارون ونسايم بس اللي شافت زينة ذاك اليوم....
يوم تقربت زينة ظل هو بعيد ينتظر بشاير ترفع راسها تشوفه...
سلمت على نسايم ولفت ام مطلق لها وابتسمت وهي ماتعرفها...ولابشاير بعد عرفتها بس وش اللي خلاها ترفع راسها وتشوفه ماتدري؟؟
ارتبكت...تركت اللي بيدها ومشت...هي عارفة انه جاي ومتقصد يحرجها...
مشت بعيد شوي عن المكان اللي هم فيه ودخلت المحل اللي صادفها....
رفعت راسها يوم اندق باب غرفتها وقالت ببحة منو؟
ماجاها جواب بس انفتح الباب..
حطت في بالها ان اروى اكيد اللي جاية بس يوم شافت ابوها داخل مسحت الدموع اللي بوجهها ووقفت له بسرعة..
دارين هلا يبى....
تقدم منها وجلس وجلست جنبه...
ابو احمد دارين يبى..
هلا..قالتها بدون ماترفع راسها له ..
قال بعتب اللحين انتي كل ماراح غسان ولا رد قمتي تبكين وسويتي ها المناحة؟
تنهدت بحزن وقالت بزعل مو بيدي يبى...اخوي وحبيبي وراد علي الونس؟
ابو احمد وابوك وينه بالسالفة؟
ناظرته بحزن الله يخليه ويطول بعمره...بس وقته مشغول بين الشركة وبين..
قاطعها بصرامة تقصدين اني مقصر معك؟
بسرعة قالت لايبى...مو هذا قصدي اصلا انا بس....يعني هو غسان كان قاعد معي طول الوقت واحس بفراغ اذا راح عني؟
ابو احمد وهو رايح يلعب يابنتي...رايح يشوف مستقبله ومصيره ...والدراسة بتخلص بسرعة ..وبعدين هو وين رايح يعني؟الكويت...في اقرب من الكويت لنا؟
تنهدت وسكتت...
ابو احمد انا هنا واخوانك هنا...كلنا حولك..وبعدين انتي عندك دراستك بعد ماابي اهمال يادارين...ابي ترفعين راسي مثل اخوانك؟
دارين بهدوء ان شاءالله يبى.....
وقف وقال يالله بارك الله فيك...اذا عندك مذاكرة كمليها واذا ماعندك حطي راسك ونامي..
دارين وقفت ان شاءالله يبى..
طلع من غرفتها وقعدت على سريرها وتنهيدتها مالية صدرها...
وكلمته ترن باذنها...انا هنا واخوانك هنا..كلنا حولك؟
أي انت يبى...انت نص يومك بالشركة...والنص الثاني بالمعرض...ولا مع ابو مشاري..ولا مع خالتي ام وليد والاقيك بس على الوجبة انا ماانكرك يبى بس انت بعد ماتفهمني وتفهم سوالفي لو قعدت معي!!
واخواني...اي اخوان فيهم بالضبط؟ صدق أي اخوان؟
وليد اللي يتراواللي مايعرف شنو شكلي؟
مريم اللي غثاها معي اكثر من كلامها لي!!وعلى بالها محد انخطب وبيعرس غيرها؟
واروى اللي اذا سوت لها ام وليد فرض حصار مااشوفها واذا مزاجها مو رايق لي لااحلم اكلمها؟
ولاهالة...اللي بيني وبينها اسوار عالية...صدق ماتقصر معي اذا احتجت بس بعد ماهي فاضية لي عندها المستشفى والبيت وزوجها؟
واحمد بعد فوق دوامه بالمستشفى وزوجته وحياته صار يداوم اللحين عندك بالشركة يعني من كثر وقته يبى؟
اه..ياغسان....اشتقت لك......الله يوديك بالسلامة ويجيبك بالسلامة,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك