بداية

رواية من أعماق أحضان مجنونة -17

رواية من أعماق أحضان مجنونة - غرام

رواية من أعماق أحضان مجنونة -17

جراح وهو يضحك لا..المزاييين حق الابل؟
فاطمة ابل بعينك يا..
جراح مسوي جدي وهو يناظرها بنص عين ياشنو؟
فاطمة بنفاذ صبر ياعمي جراح الله يهداك؟
جراح أي على بالي بعد...امسكي هاذي خمسة ريال؟
فاطمة نعم!!!وش اسوي فيها هاذي؟
جراح قيمة وردتك؟
فاطمة وردتي ماهي بخمسة؟
جراح فطوم لاتقعدين تكذبين انا اصلا قايل بشارك الهندي اللي يبيعهم بشارع الملك خالد بالخبر..كل ماامر عند الاشارة الا ويبيع يبيع تقول محد عنده ورد غيره؟درسته وشفته مشروع ناجح واسعره خمسة ريال بس!!
فاطمة بدى صوتها يعلى بالكذب والصراخ وان الوردة اكثر من خمسة..
جراح ها..خذي هاذي فوقهم عشرة زيادة بس سكتي!!
فاطمة ياعمي جراحوه البخيل!!ياللي عندك فلوس واجد..يللي يسمونك المليونير بس عشرة تعطيني!!
جراح والله عاد فلوس ابوك مو من قلتهم روحي خل يصرف عليك انا مو مكلف فيك؟
فاطمة وهي تمسح دموعها ابوي عنده فلوس كثيرة؟
جراح أي طبعا روحي داره بتلاقينهم تحت السرير يالله بسرعة اركضي لايجي ومايخليك تدخلين داره؟

احمد وهو في السيارة أي يبى...
ابو احمد بعيد ولاقريب من البيت؟ابيك تمرني؟
احمد لا انا قريب شوي بس وبوصل..يالله خلاص اطلع لي انا عند التقاطع..
شوي الا وهو واصل عند البيت وركب ابو احمد جنبه...
ابو احمد ودنا بيت بو مشاري...
احمد بنرفزة ودنا؟يعني انا وانت!
ابو احمد أي...
احمد ليه؟
ابو احمد يعني بنروح نزور عمك بو مشاري ليه بعد!وفي اوراق ابيك توقعها؟
احمد بتعب يبى واللي يعافيك انا توي طالع من الدوام ابي اروح ارتاح وانام مو ازور ابو مشاري؟
ابو احمد ابيك توقع ها الاوراق ياولدي..
احمد خليهم لغير وقت؟
ابو احمد لا اليوم؟
احمد طيب وليه في بيته عاد ودهم الشركة واذا مريتك بكرة..
ابو احمد قاطعه لا..ها الاوراق ابيهم يظلون عند عمك بالبيت علشان اذا مت محد ياكل حقك يااحمد؟
احمد استغفر الله العظيم..لك طولة العمر وراحة البال يالغالي لاتقول مثل ها الحكي واللي يعافيك؟
ابو احمد الحق حق ياولدي يااحمد..
احمد بنرفزة يبى انا بوصلك وبعدين برد ...بروح ارتاح باكل لي لقمة؟
ابو احمد وانت عاد عمك بو مشاري غريب يااحمد؟وبعدين هو عارف انك بتجي معي!
احمد يعني مخطط لكل شي قبل تكلمني؟
ابو احمد واحنا وين رايحين عاد بيت عمك بو مشاري؟
وصلوا ها اللحظة عند بيت بو مشاري وكان واقف بنفسه برى..
ابو احمد قبل لاينزل هذا هو هنا وزين انه شافك علشان لاترجع تعيديها من جديد؟
قالها ونزل وركن احمد السايرة ولحقه وسلم على بو مشاري...
اللي دخلهم وهو يرحب فيهم...
ابو احمد عاد تدري ياخوك يابو مشاري طول الطريق وهو يقولي مابنزل توي جاي من الدوام..بس انا ماتركته قلت له تنزل يعني تنزل بيت عمك بو مشاري ماهو غريب؟
ابو مشاري زين تسوي يابو احمد...وبعدين محد بالبيت مشاري مارجع من الشركة ماغير انا وزوانة بس؟والبيت بيتك ياولدي يااحمد
احمد عساك سالم ياعمي...
ابو مشاري انا بقول لهم يحطون لك لقمة تاكلها...
احمد باعتراض لاياعمي تسلم ماله داعي...
ابو مشاري ووقف ووقف معاه ابو احمد ابو احمد انا بروح المكتب يابو مشاري بسبقك هناك ادل طريقي؟
ابو مشاري وهذا انا جاي وراك...
مشوا وتركوه بروحه بالصالة وهو متضايق حييل من تصرف ابوه بس شيقول بعد ماباليد حيلة؟
كاهو جالس بالنص؟
اوووف...
هو بروحه اليوم كان يبي يرجع البيت باي طريقة بعد مسج ريم..
ابتسم بينه وبين نفسه من طاريها ومن طاري المسج..
وراحت افكاره لبعيد وللي بيصير الليلة ؟وشنو راح تلبس؟وشنو راح تهديه؟
ومارجعه للواقع الا صوت ذايب من كثر نعومته تفضل؟
رفع راسه بعد ماكان متسند وعدل قعدته...
زينة شلونك يااحمد؟
احمد وهو يناظر بالارض بخير الحمدلله...
زينة تفضل ولاناوي تتعبني اكثر...ترى جاية اضيفك بنفسي!!
طبعا زينة عندها خبر ان ابو احمد واحمد بيجون قال لها ابوها وكانت فرحتها لاتقاوم.....
حست فعلا انها بتطير وقفت عند البوابة تشوفه وبس دخلوا ظلت واقفة من بعيد عند باب المطبخ علشان تسمع صوته وبس قال لها ابوها خلي الشغالة تباشر احمد وتضيفه حلفت ماتروح الاهي له؟
رفع يده وقال شكرا..لاتتعبين حالك..البيت بيتي اذا بغيت ادل المطبخ؟
زينة بنعومة شدعوة عاد..
احمد باصرار قلت لك شكرا....
زينة لك طقوس معينة اول ماتجي من الدوام يعني!!
طول ماهي تتكلم وهو منزل راسه بالارض لسببين اثنين..
انه يسمع صوتها ويحلله وينه سامعه؟وانه مو متحمل شوفة لبستها العباية كذا ونصها مفتوحة ونص شعرها طالع!!
رفع راسه وهي تتكلم فجاْة وظل يناظرها وعيونه فيها شي..
شايف ها البنت..
نزلت راسها لمستواه وقالت الكلمة اللي كان يبي يربطها مع الاحداث اللي بعقله..
احبك يااحمد احبك..
رفع راسه بصدمة وتاْكد اللحين من انها نفس البنت اللي دقت واللي شافها بالطريق؟؟
معقولة عاد زينة؟بنت بو مشاري تسوي ها الحركات؟؟؟
انتبه على الصينية اللي طاحت من يدها وهي تمسح دموعها
قالت بنعومة حتى وهي تبكي ادري وش بتقول عني يااحمد؟بس والله اني احبك مووت؟ماهو بكيفي هذا كله من قلبي..انا مالي شغل يااحمد مالي شغل...
وقف بعصبية ومشى عنها وقالت بترجي.. اوقف تكفى اوقف...انا ادري انك مرتبط وحياتك ملك لريم لريم وبس!!
بس قولي شقول لقلبي اللي يعشقك؟
احمد لف وقال بحدة قولي له يعقل ويتاْدب وبلا ها السوالف الماصخة يابنت الناس والعالم يامحترمة؟هذا وانا ضيف بوسط بيتك؟
زينة لا يااحمد لا...لاتفهمني غلط ارجوك...اوقف اسمعني ابي ..
صرخ عليهاب قوة وقال بحدة فارقي عن وجهي..روحي اول تستري والبسي العباية مثل العالم والناس بعدين قولي ابي اكلمك واحط لساني بلسانك؟

ام وليد شعندك انتي بعد!!
مريم بضيق ياسلااام يعني مو عارفة؟
ام وليد لاوالله مو عارفة خلصيني قولي شعندك؟
مريم انتني صدق قلتي بتزوجين وليدوه العلة لزوينة المايعة اخت مشاري؟
ام وليد زوينة مايعة؟؟اقول مالت على حظي بس!!!
مريم بحقد مايعة ونص بعد!!
ام وليد وانتي شعندك ان شاءالله؟معترضة على ها الشي؟
مريم بروحه مشاري مو محدد وقت للعرس بعد اللحين تنخطب زوانة لوليد علشان ياخذها حجة وينتظر اخته ويقول نتزوج جميع؟
ام وليد تجاريها أي وطبعا انتي ماتبين تعرسين معها؟
مريم بااعتراض طبعا لا..انا بعرسي ابي اكون بروحي!!
ام وليد اقول مريم ياماما...البنت همها تكشخ وتلبس وتقول ياناس تعالوا شوفوني...يعني بعرس اخوها تبي تفرح له وتستعرض للعالم وبيوم عرسها تبي تكون ملكة ومحد صوبها فلاتحلمين كثير لانها هي ماتبيك؟
مريم أي......طيب...وولدك المغثة هذا اذا فضحنا عندها شبيصير بالله ماتقولين لي!!
تنهدت ام وليد وقالت وهذا اللي مخليني مااتسرع؟
مريم يمه ترى وليد طول وقته يلعب بذيله يعني مابتهمه زينة ولاطوايفها لانه عمره مابيتعدل؟وهاذي حبيبية البابا ودلوعته يعني اذا شبت بتشب على الكل يمه؟
ام وليد وانا هذا اللي بسويه..بخليه يبعد عن كل ها البنات ويقابلها..ولايقدر يطولها لين يجي ويقول يمه حلمي اني اخذها..ساعتها بتكون الضربة صح؟

كانت ريم وهالة جالسين بالصالة...
ريم ماكان عندها أي شي..
جالسة وبس...
وهالة كانت تقراْ بكتاب وتشتغل بالاب توب بنفس الوقت....
دق جوالها وطنشته...
رجع دق مرة ثانية ولفت على اسم المتصل وماغيرت ساكن..
ريم ماتبين تردين؟
هالة لا..
بها اللحظات دخل احمد الشقة....بس بعده ماتقرب منهم,,
ريم رقم غريب؟يمكن يكون زوجك؟
هالة رفعت راسها وقالت أي واذا كان زوجي يعني؟
ريم بذهول منتي ملهوفة تسمعين صوته؟مااشتقتيله؟مااصدق ياهالة؟
هالة بحدة واناماابيك تصدقين؟ يياخي وش لك عندي ؟اتصل زوجي ولا غيره ماابي ارد انتي شكو؟
ريم انتي غريبة!!انتي فعلا غريبة؟يعني معقولة زوجك يسافر.وماتبين تسمعين حتى صوته؟..
قاطعها احمد بعصبية وانتي شعليك سمعت صوته ولاماسمعت!!
بروحه توه شايف علي ولاحقه لين الشقة وتاْكد انه موجود مو مسافر مثل ماقالت هالة؟وهذا اللي قاهره..اللحين تاْكد ان في سالفة كبيرة صايرة ولابتصير عمى قريب؟؟؟
وهالة سكوتها مخوفه...خاف انها قاعدة تفكر بشي ولامسوية شي ولامتحملة شي وماهي قايلة لااحد عنه!!
ريم بارتباك عادي انا ماقلت شي يااحمد...يعني اكيد الوحدة تبي
احمد خلاص خلاص..خلي وجهة نظرك لنفسك؟
قالها وهو يناظر بهالة اللي سكتت مرة وحدة وهي تناظر بالارض..
كان شعور انها بتدخل بشربكة بينهم وبين بعض مبين عليها ويمكن انها ماكانت تقصد فعلشان كذا تاءثرت؟
تضايقت ريم من موقف احمد بس سكتت...
هالة وهي مغيرة الموضوع علشان يبتعد جو التوتر رحت مع ابوك اليوم لاابو مشاري؟
احمد ها الطاري بس خلاه يشب بنفسه قبل لايشب عليهم لانه ذكر ست الحسن والدلال الهانم زينة ؟؟؟
قال بعصبية وانتوا كله خناق وهواش ماتصفون؟
ناظروه ثنتينهم وسكتوا!!!
هالة شالت لاب توبها وقالت بسخرية انت الظاهر اذا ماتنام الظهر فعلا ماتتعاشر واخلاقك تشين!!اقول تصبح على خير ..
قالتها وراحت المجلس وسكرت وراها الباب...
وظلت ريم ساكتة.....
احمد بعصبية وانتي بتظلين وساكتة؟
ريم بنرفزة وانت ليه معصب اللحين؟
احمد لاني ماابي ها السوالف التافهة تصير في بيتي!!وش لك انتي ردت على زوجها ولاماردت!!
ريم بقهر أي وبعدين؟وش قلت انا!!تدري اصلا انا لاني رادة على اختك ولاعليك بعد ولااني مكلمتكم بعد اليوم؟
احمد بنرفزة وعصبية احسن بعد...لانكم تنرفزون اللي مايتنرفز؟.
قالها ورجع اخذ اغراضه وطلع,,,,,

كانوا يمشون على البحر بهدوء...
صمتهم كان يذبح...
احمد بروحه محتار يبي يفاتحها ومو عارف شلون يتكلم؟
شيقول لها...هالة انا اليوم عند الاشارة شفت زوجك علي ومشيت وراه وشفته نازل الشقة؟
انتي تكذبين علي هنا ماهو مسافر؟
شيقول؟؟والله انه لسانه منربط ومو عارف يتكلم؟
بس لازم يكلمها...هو ماجابها هنا الا علشان يتكلمون براحتهم وبصراحة ...
التفت لها لقاها سرحانة لبعيد...
شي فيها مكسور وقاعدة تخفيه بملامح باردة؟
ماهي هالة اخته القديمة الصغيرة اللي يحب كل شي فيها؟
ياترى وش اللي شاغلك بس ياهالة قولي!!
حيرتيني يااختي معك...
قال بحنان هالة..
رفعت راسها له وكانها تنتظره يناديها..
احمد وقف وصارت قباله ووراها البحر...
احمد شفيك؟
هالة بتعب انا شاكية لك حالي علشان تساْلني شفيك؟
احمد بدون اقتناع لاني عارف عيونك ...مخبية وراها شي ماهي خالية؟
هالة مافيني شي ولاتوهم نفسك؟
احمد بترجي هالة تكفين انا اخوك واحبك؟
هالة بقهر انت ليش مصر ان فيني شي!!انت تعرف شي؟؟سامع شي؟
قالت اخر جملتين بعصبية..
خلت احمد يساْلها بااهتمام مافهمت عليك؟
هالة بضيق انت شسالفتك يياحمد كل يوم وقايل لي شفيك وشفيك؟مافيني شي صدقني!!
احمد بهيمنة بكيفي ماابي اصدقك؟
سكتت وظلت تناظر فيه..
قال بعناد وبتقولاين لي شفيك لاني اخوك واكيد بوقف معك وبكتم سرك؟
هالة شبه انفجرت ملامحها بس ماتكلمت..
احمد باستسلام طيب سمعي اللي عندي يمكن تغيرين رايك..
ناظرته باهتمام وقال بنفس الاستسلام انا شفت علي اليوم ياهالة؟وشفته رايح شقتكم بعد!!يعني علي هنا ماهو بمسافر مثل ماتقولين؟
ماتكلمت ولاقالت شي...
اصلا هي متوقعة ان احد بيشوفه يعني وين بيختفي عن العالم؟؟؟
بس داخلها شي كان يدق بقوة.....ذاك اللي يسمونه القلب؟
ماتدري ليش حست ان ساعة المواجهة صارت قريبة؟
قالت وهي تمشي انا برجع البيت لازم انام اللحين يياأحمد؟

طلع اخر الليل لخيمته..
يشكي همومه بعيد عن الكل...لها العود اللي يسمع ونينه بدون مايحرك ساكن..
اليوم ماشافها...ولاامس....
بداية تغير عاهد نفسه عليها؟بس هل بيقدر ياترى ولالا؟
حتى السايق اللي تاركه يمشي وراها بس ويعرف له وين تروح ووين تجي مارد على اتصالاته ولافتح مسج من مسجاته من امس لليوم؟
تنهد بقوة...
حس انه مخنوق...قاعد يبعد عن دنيتها شيئا فشيئا بس هل بيقدر ياترى؟؟؟
اخذ العود وقام يدق عليه وهو عيونه شاردة لبعيد,,,
اهواك....لاتحرمني لقياك,,,
عمري خله وياك...انا اهواك.....
ياغايب عن العين,,,,يامسافر على وين....اهواك....
شكلك ياولد خالي رايح فيها؟
لف جراح بسرعة الى اروى اللي كانت واقفة برى,,,,
عند عمود الخيمة,,,,,
جراح بحدة خير؟
اروى اقول شكلك غرقان يالاخو؟
جراح باحتقار وهو يناظر بالعود اللي باعده من سمع صوتها مو من خصوصايتك سوالف الكبار؟
اروى هه حلوة...
جراح بسخرية أي والله انها حلوة بس لاعاد تعيدينها لان بها الوقت بالذات مايكون مزاجي رايق مرة فما اعديها وامشيها دايما!!
اروى زين قلت لي.....
جراح تبين شي؟
اروى وش القصد؟
جراح بوقاحة قاعد اعيش لحظات خاصة بيني وبين نفسي وماابي أيا كان من ها العالم يعيشها معاي اذا سمحتي يعني!!
اروى بغضب قصدك تقول امشي؟
جراح لا...
اروى هدت شوي شنو اجل؟
جراح بسخرية اكبر فارقي ولاعاد توريني وجهك بها الوقت؟تعالي بوقت ثاني؟
ظلت واقفة مكانها وهي محترقة؟
هذا باي حق يطردها اصلا!!!
طول عمره البيت لها وهي الداخلة والباقي طالعين منه؟
اللحين يجي الوريث المليونير ويطردني من ها الخيمة اللي ناصبها؟؟
لكن كله مني انا؟استاهل؟
تنهدت وهي تذكر كلام امها قبل دقايق يوم كانت بغرفتها وجتها...
(ام وليد اقول يااروى..وش قاعدة تسوين؟
اروى ولاشي يمه؟
ام وليد جراح ولد خالك جالس بروحه بالخيمة روحي سولفي معاه؟
اروى وليه يعني!!
ام وليد انتي بنت عمته مافيها شي...بعدين بيقولون عيال عمتي ماشكلهم يبونا بالبيت مايجلسون معنا؟
اروى يمه بغيناهم ولا مابغيناهم البيت لهم جزء فيه لان نصه لخالي...وماراح يطلعون وهاذي وصية جدي الله يرحمه...
ام وليد وانتي وش عندك يايمه ماتروحين تسولفين مع ولد خالك بالله؟جراح محترم مو مثل باقي ها الشباب اصلا عيونه ماتنرفع لااحد؟
اروى مو هذا قصدي يمه؟
ام وليد بانتصار اجل يالله قومي روحي قعدي وبلا نقاش زايد؟)
اوووووف يااروى اوووف..لو انا مو طايعة امي مو احسن لي!!
لو ماجيت وسولفت معاه مو رحمت كرامتي من اهانته!!!
لكن استاهل؟
تنبهت على صوته وهو يغني من جديد وعيونه شاردة...
يقولون عنك كلام كثير...ابد لاتلوم الخلايق تغير..
جمالك يجنن جمالك خطير ...ولافيه مثلك ابد مستحيل...
تنهدت ومشت...وين تروح اللحين ولمنو تسولف؟
دارين؟هي الوحيدة اللي مرت على بالها وتقربت من فلتهم بس تراجعت باخر اللحظات...هاذي وحدة مالها امان ولازم تفهم اني مابسكت لها وانا بنت ام وليد؟؟

دخل الغرفة على الساعة وحدة الاربع الفجر بعد ماتسكع يمين وشمال وماعرف يرد لها وهو يدري انها زعلانة...وتنهد...
مايدري ليه حس بضيق...
على قد ماكان مرتاح اليوم ومنتظر الليل يجي....
من اول مارسلت له المسج وهو شايل الدنيا فوق راسه من الوناسة,,,,
بس يوم دخل الغرفة وشاف الانوار كلها مطفية واجواء الاحتفال ميتة رجع الضيق لصدره؟؟؟
كل اليوم مر عليه زفت...
من طلعته من المستشفى وشوفته علي زوج هالة حس بالاحباط؟راح مع ابوه وشاف اللي ماتتسمى ولاهي متربية ...مايبي يتكلم باابوها بس شيقول بعد...وانسدت نفسه اكثر...لين جيته البيت ووقفته بدون قصد منه مع اخته ضدها وهو عارف انها انجرحت منه,,,
كل شي لازم هي تتحمله بالنهاية باسم الحب!!
حرام عليك يااحمد والله الريم مافي منها اثنين بس انت اللي ماادري كيف امورك ماشية؟
شال شماغه ورماه باهمال مع جزمته وهو متعمد يطلع اصوات من هنا وهنا علشان تنتبه له...بس ولا حركة منها ابدا وكانها فعلا نايمة؟
اللي بيذبحه انه عارف انها صاحية وتنتظره علشان تعاتبه وتشكيه زعلها واحتمال تبكي بعد!!
دق ها المرة قلبه بقوة...لانه يحبها ومايحب يشوف دموعها...
ترك كل شي بيدينه واتخذ موقف سريع بانه لازم يروح يصحيها لو كانت نايمة لانه جاي لها...
دخل الفراش بفوضى علشان تنتبه غصب ورفع الغطاء من عليها وناداها ريم...
مافتحت عيونها ولاحتى بينت انها جالسة....
احمد بحنية مصحوبة بعتب ريم...
فاجاْه ان عيونها انفتحت مرة وحدة ونزلوا دموعها بسرعة....
وبسرعة اكبر قامت وحضنته وباست خدوده وهي بعدها تبكي وقالت له ببحة من كثر ماهي مخنوقة كل عام وانت بالف خير حبيبي...
كنت بسويلك احتفال يليق بك ..بس الظاهر انا مايطلع مني شي؟هديتك جنب المرايا..ان شاءالله تعجبك؟
بنفس القوة اللي جت فيها الى حضنه...ابتعدت عن حضنه...
وحطت راسها على المخدة ولفت عنه وعطته ظهرها وتغطت وغطت وجهها بعد...معناته اتركني اذا سمحت....
احمد بتعب ريم....
ريم بنام يااحمد اذا تسمح........خل كل شي لبكرة؟
احمد بزعل
مسك يدينها ولفها لعنده بالقوة وقال بنفس الزعل وعيد ميلادي ماحتحتفلي معاي فيه؟احتفل فيه بروحي!!
ريم وهي دموعها طايحة لا ليش تختفل فيه بروحك؟روح مع هالة احتفل هي تفهمك اكثر مني!
طاري هالة بها اللحظات كان كافي انه ينرفزه قال بعصبية وصوت عالي وهو بعده ماسك يدها بقوة وهالة شكو بالله اللحين؟ولاانتي بس تحشرينها بكل شي؟

اشوفكم بكرة على خير يالغلا,,,
وادري انكم تعبتوا من طول البارت بس بحاول اقصر بالبارت الجاي ولاتزعلون مني يالغلا ههه

مرحبا فيكم يالغلا..
ومشكورين على تواصلكم الرائع يابعد قلبي...

البارت الثالث والعشرين,,,


كانت هالة قاعدة بغرفتها وضيقها واصل لاابعد مستوياته عندها؟
كانت تبكي بس بصمت..لانها ماتقدر حتى تبكي بينها وبين نفسها؟؟
كلام احمد لها هيج بداخلها ذكريات حزينة وسيئة..
الظاهر النهاية قربت ياهالة...
ومالك الا انك تكلمين احمد وتتضح الصورة للكل وتنتهي من ها السالفة؟
خلاص ياهالة خلاص...برجك العالي اللي متخفية وراه بدا ينهد....
لاياهالة لا...لاتضعفين...لاتسمحين لااي انسان يحطمك علشان هذا الشي؟
انتي فوق كل اعتبار ياهالة...لاتنكسرين ولاتتنازلين....
صارت تبكي بشكل اكبر واكبر وهي خانقة شهقاتها بصدرها وماهي قادرة تشوف اللي قدامها...

حتى زينة بها الليلة جافاها النوم,,,,
شوفته اليوم كانت من اكبر احلامها...
الله على ثقلك وطولك وهيبتك ياولد الناس ...
الله يحفظ لك شبابك...
احبك...احبك..احبك...
اه يااحمد اه....ادري مالي أي امل بحبك وانك تبادلني ها المشاعر بس شسوي...
انت سكنت بقلبي ومشاعري بدون استئذان يالغالي!!!
ياليتني ماشفتك قبل يااحمد ياليت؟
حتى يوم انه كلمها بكل انفعال وعصبية بعد ماقالت له احبك حست انها تتراجف من هيبته بس بنفس الوقت حاسة بلذة مو طبيعية وهو معصب عليها؟
اه ياليتني قبالك وطول وقتك معصب علي بس ماانحرم من شوفتك الغالية؟
اه ياليتني فدى لموطى رجلك بس يااحمد؟
ياربي تنعاد واشوفك مرة ثانية واسمع صوتك واشبع منه...
مسكت جوالها علشان ترسل له مسج....

كانت عيونهم تناظر بعض والريم غرقانة بدموعها...
احمد بشرانية يالله طلعي اللي بقلبك كله ياريم؟
ريم بدموع احمد انا شقلت علشان..
قاطعها بانفعال ماقلتي شي سلامتك؟بس انا ابي افهم اختي وش سوت علشان تكرهينها كذا!!
ريم بدفاع انا قلت اني اكرهها يااحمد؟انا قلت كذا!!
احمد وهو ضاغط على كتفها بالله شتسمين هذا اللي قلتيه توه من ساع...
ريم وهي تبكي من الاحباط غيرة؟؟؟فهمت...غيرة...غيرة وبس من قربها منك يااحمد!!
قالتها وابعدت عنه بقوة المتها بس مابالت ودفنت روحها تحت المخدة علشان تبكي وتشاهق براحتها وهو تركها وقام طلع وهو متنرفز ويسب ويلعن....
جلس بالصالة وهو يتاءفف ومتضايق...
كان يبي يدخل ويهدي الامور...
كلمتها صادقة وهو عارف ها الشي
بس المشكلة مو قادر يروح يكلمها...
توه بيقوم لها الا ويجيه مسج بجواله(كتبت الشعر انا فيك...لكني عجزت اوصف معانيك,,الناس تنوصف بالشعر,,والشعر يتصف فيك)تنهد بقوة..هذا الرقم نفسه اللي دقت منه زينة ذاك اليوم...
مالحق يرمي جواله الا وجايه مسج ثاني..استثقل يفتحه بس فتحه وهو حاط في باله ان المسج مو منها بس يوم قراه وطلع منها تضايق مرة وقفل جواله ورماه جنبه(لبيه..قلي وش اللي تطلبه قلي,,
اطلب وش اللي تبي وابشر بمطلوبك,,,بس انتبه لاتناديني وانا اصلي..اقطع صلاتي والبي والتفت صوبك,,)
احبك يااحمد احبك..غصبا عني وعن قلبي وروحي..احبك...كل مافيني ينبض فيك وبحروف اسمك وعارفة انك ماراح تبادلني هذا الحب بيوم من الايام...بس لاتمنعني عن حبك تكفى)هاذي شفيها بالله تجننت!!
تدري اني متزوج واني احب زوجتي واني ماراح التفت صوبها ابدا ومع ذلك مصرة الا تحبني!!!
بنات لاحياء ولاادب ولاحشيمة لنفسهم!!!
ناظر صوب الغرفة وهو بين يقوم وبين يقعد بس مسجات زينة نرفزته زيادة وحس انه لو قام ممكن تقوم معركة جديدة فا الافضل يظل هنا لين تروق الاعصاب شوي ويقدر يتفاهم مع ريم ويعتذر منها لانه عارف هو الغلطان!!!

يوم ثاني الصباح,,,
في بيت بو مطلق كانوا متجمعين على سفرة الفطور واللي هي نادرا ماتصير انهم يتجمعون,,
اخر من وصل جراح اللي يوم شافهم ابتسم وسلم..
جراح السلام...
الكل وعليكم السلام والرحمة....
جلس معهم وقال ابو مطلق وهو يبتسم تدرون يبي لنا صورة على جمعتنا هاذي؟
ام مطلق دوووم مو يوم ان شاءالله..


يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -