رواية مجرد لقب -18
فرشوا الحصريين وجلسوا
لكن طلال قام واتصل على العنود انها تجي معاه شوي
وفراس قام يتكلم تلفون
هياء ورزان راحوا عند فيصل ويقضان
رزان: وين فراس
يقضان: راح يتكلم تلفون
فيصل: والله الرحلة تجنن
يقضان: انت كل شي يعجبك
فيصل: طبعا
هياء: عن اذنكم رايحة اشوف فراس شوي
وراحت هياء وقربت من فراس كان فراس معطنها الظهر وما حس انه هياء وراه وسمعت هياء فراس يتكلم بالتلفون
فراس وهو يتكلم بالتلفون: ههههههههههه والله حلوة الرحلة... المرة الجاية راح تجي معانا.. ايوا فكرة هياء... ان شاء الله يجي اليوم الي تتعرفي فيه على هياء وهيام...
هياء تقاطع فراس: فرااااااااااااس
فراس مفزوع: هياء.. ايش تسوي هنا
هياء بخبث: ولا شي بس كنت ادور عليك
فراس: ايش تريدي
هياء: من هذي الي تريدها تتعرف علينا فراس حرام عليك تلعب على بنات الناس
فراس وهو حاس نفسه في ورطة: هيونه راح اقولك على سر بس ما اريد حد يعرف
هياء: سرك في بير
فراس: هذي وحدة تعرفت عليها في الجامعة
هياء: وانت جالس تلعب عليها
فراس: لا والله اصلا انا اريد اخطبها لما نخلص الدراسة
هياء: هيه معك في نفس التخصص
فراس: ايوا
هياء: ويش اسمها
فراس: ريما
هياء: يعني ما تلعب عليها
فراس: لااااا وقلت لك اريد اخطبها
هياء: اوكي اريد اتعرف عليها
فراس: اوكي الحين بتصل عليها واخليك تتكلميها
هياء بخبث: هههههههه لا اعطيني الرقم وانا بكلمها من تلفوني
فراس: هيونه لا تسوي مقلب من مقالبك
هياء: المقالب احلى شي في الحياة اعطيني رقمها
فراس: سجلي عندك *******9
هياء: اوكي بتصل
ورن التلفون لكن محد يرد
فراس: هي ما ترد على الارقام الغريبة
هياء: بحاول مرة ثانية
وهذه المرة ردت ريما
هياء: الو السلام عليكم
ريما: وعليكم السلام
هياء: معي ريما الـ...
ريما: ايوا من معي
هياء: معقولة يا ريما ما عرفتيني
ريما: لا والله ما عرفتك
هياء: والله صح من قال من لقا احبابه نسى اصاحبه
ريما: اعذريني ما عرفتك
هياء: انا من طرف سالم
ريما: من سالم
هياء: افااااا ما تعرفي سالم الي كل يوم تتكلوا بالتلفون
فراس يضرب هياء على راسها
هياء: ههههههههههه ما عرفتيني
ريما بعصبيه: شوفي شكلك وحدة ما عندك سالفة وانا مو فاضية لامثالك
هياء: ههههههههههه سوري ما كنت اقصد سالم اقصد فراس
ريما: شكلك وحدة فاضية
هياء: ههههههههههه ريما انا هياء اخت فراس وكنت اسوي لك مقلب
ريما: من؟؟
هياء: فراس شكلها ما صدقتني
ريما: انتي هياء
هياء: ايوا وسوري على المقلب
ريما: لاااا عادي بس فراس جنبك
هياء: ايوا
ريما: يعني يعرف عن هذا الملقب
هياء: هههههههههه ايوا
فراس: والله هي مو انا
ريما: وحاطين التلفون سبيكر
فراس: قلت لك هياء مو انا وهذا رقمها
ريما: عااادي هياء ما صار شي
فراس: شفتي عرفتك على وحدة وبقيت وحدة
ريما: هههه مشكور
هياء: لا تنسوا حالكم نحن هنا
فراس: هههههههههههههه يلا ريما نخليك الحين باااي
هياء: بااااي
ريما: باااااااااااي
ورجعوا فراس وهياء لعند البقية ولما اجتمع الكل انطلقوا مرة ثانية
.................................................. ..........................
وفي بيت ابو فراس
كانت ام فراس مع هيام
هيام: ماما اتصلت هياء تقولكم عن نسبتها
ام فراس: ايوا اتصلت لما طلعن النسب
هيام: بشري
ام فراس: 77
هيام: الحمد الله وهي الي مرت فيه وشافته مو شوي
ام فراس: ايوا
هيام: ورزان تعرفي كم نسبتها
ام فراس: ام يقضان متصلة فرحانه بنتها جايبه 95
هيام: ما شاء الله عليها كانت هياء راح تجيب مثلها لولا الظروف
ام فراس: الله يوفقها وهيه شدت حيلها
هيام: متى يرجعوا
ام فراس: الحين هم رايحين البريمي وراح يباتوا في مزرعتنا
هيام: شكلهم مستمتعين
ام فراس: خليهم يغيروا جو وهذه السنه احنا ما سافرنا بسبب الظروف الي تمر بها الشركة
هيام: ازمة وتعدي
ام فراس: ان شاء الله الله يسمع منك
.................................................. .............................
.................................................. ...........................
((الفصل الثالث))
ووصلوا البريمي
وتمشوا فيها ودخلوا السوق وما خلوا مكان ما راحوه في البريمي وطبعا طلال والعنود مشتغلين بس يشتروا اغراض من كل مكان يدخلوه لانهم سياح خخخخخ
وفي سيارة الشباب
طلال: والله حماااس ما خلينا مكان ما تمشينا فيه
فراس: وانت ما قصرت ما شاء الله عليك اشتريت كل شي
طلال: ههههههههههه سياح ولازم السياح يشتروا كل شي
يقضان: انت مو سايح انت منا وفينا يا طلال
طلال: تسلم والله
فيصل: وين نروح الحين
طلال: بما انه احنا في البريمي يعني قريب من الامارات خلونا ندخل الامارات
فراس: لا ما نروح الامارات
طلال: ليش
فراس: لو رحنا الامارات راح نتاخر وما راح نطلع من وقت واحنا الحين في وقت المغرب
يقضان: ايوا واحنا بعد نريد نرجع مزرعة فراس في نزوى
طلال: صحيح واصلا اذا دخلنا الامارات لازم نتاخر
فراس: يعني موافقين انه ما نروح الامارات
طلال: ايوا
يقضان: لا تكون تضايقت
طلال: لا وليش اتضايق اصلا كلامكم هو الصح
وعند البنات
العنود: وين بنروح الحين
رزان: ما اعرف خلينا نتصل في الشباب
واتصلت رزان في يقضان
رزان: وين بنروح الحين
يقضان: ما اعرف وين بتروحوا انتوا
رزان: اي مكان احنا راضيين
يقضان: الحين وقت صلاة المغرب نصلي وبعدها نروح نتعشى في مكان ونرجع نزوى
رزان: حلو
يقضان: اوكي باااي
.................................................. .........................
.................................................. ..................
وفي بيت ابو الازهر
طيف: مسكينه هياء نسبتها 77 من كان يتوقع
ام صهيب: الله يعوضها
طيف: عمتي لكنها هي كانت شاطرة
ام الازهر: الي مرت فيه مو هين
ام صهيب: ايه والله مو هين
ام الازهر: طيف حبيبتي انتي شدي حيلك خلاص الحين انتي تعتبري صف ثاني عشر
طيف: انا مستعدة والحمد الله وان شاء الله بدش الجامعة
ام الازهر: ان شاء الله
ام صهيب: اقول ويش رايكم في هياء
طيف: كيف يعني
ام صهيب: تنفع اخطبها لولدي صهيب
ام الازهر: والله هياء بنت اخوك وانتي تعرفي تربية اخوك والحمد الله ما فيه مثله
ام صهيب: اتوكل واخطبها من اخوي
ام الازهر: توكلي
طيف: بس تعتقدوا هياء بتوافق
ام صهيب: وليش ما توافق اصلا هي ما راح تلقى واحد مثل ولدي صهيب
.................................................. ...........................
.................................................. .........................
وبعد صلاة المغرب والعشاء قصر راحوا المطعم عشان يتعشوا
وبعد العشاء رجعوا نزوى
عند البنات رزان كانت تسوق وهياء جنبها ووراهم العنود
رزان: هيونه تسوق بدلي
هياء: لا انتي سوقي
رزان: اخاف اسوق والحين ليل والله اخاف ما متعودة اسوق في هذه السيح
هياء: وانا بعد اخاف
العنود: انتوا تسموه سيح
رزان: ايوا وانتوا ايش تسموه
العنود: البر
هياء: حلوه هذه البر
العنود: المهم الحين من راح يسوق اذا كنتوا خايفين
رزان: ما اقدر لازم اوقف السيارة
هياء: لحظة خليني اتصل في فراس
واتصلت هياء في فراس
فراس: ايوا
هياء: فراس ممكن واحد منكم يجي يسوق بدلنا
فراس: وليش
هياء: نخاف نسوق في هذه السيوح
فراس: وليش الخوف
هياء: ما متعودين والحين ليل
فراس: اوكي بخلي يقضان يجي بسوق بدلكم
هياء: اوكي وقفوا قدام
فراس: اوكي
ووقفوا السيارت
نزل يقضان وطلال وركبوا سيارة البنات
ونزلت هياء وركبت مع فراس وفيصل
يعني في سيارة الشباب صار فيها فراس وهياء وفيصل
اما سيارة البنات فصار فيها طلال ويقضان ورزان والعنود
وانطلقوا مرة ثانية
في سيارة فراس
فراس: خايفات
هياء: ايوا ويمكن الي تسوق تنام ولا شي بعدين نروح فيها
فيصل: والله البنات خوافات
هياء: عاد انتوا الي عندكم الشجاعة
فيصل: الحمد الله
فراس: لا تتضاربوا الحين شو رايكم بالرحلة
هياء: والله حماااس ما فيه مثلها
فيصل: ايوا حلوة هذه السنه ما سافرنا عوضناها بهذه الرحلة
وفي سيارة يقضان
يقضان: كيف الحين حد خايف
رزان: لا
طلال: يقضان احسن شي انه انت تسوق بدلهم
يقضان: ايوا تعرف البنات يمكن ينامن
طلال: ايوا
وعلى نفس الهدوء في سيارة يقضان والسوالف في سيارة فراس وصلوا المزرعة
في المرزعة
دخلوا كلهم داخل وكانوا تعبانين على الاخر
كانت المزرعة كبيرة كبيرة فيها كل شي تتمناه
راحوا الشباب لجناح والبنات لجناح
وناموا كلهم
.................................................. ........................
.................................................. ............
((الفصل الرابع))
وفي الصباح او بالاصح الظهر كانت الساعة 12
الكل قام من النوم
في جناح البنات
رزان: صباح الخير
هياء: صباحووو
العنود: صباح الورد والله ما حسيت على نفسي نمت نووومة عميقة
هياء: وانا بعد دخلت الغرفة ونمت
رزان: نمتي بملابسك؟؟
هياء: فسخت عبايتي ونمت بس بعدين قمت وبدلت ورجعت انام
العنود: انا اول شي سويته بدلت ملابسي
رزان: حتى انا
هياء: انا كنت ابي اريح جسمي
رزان: وريحتيه
هياء: الحمد الله ههههه
العنود: ماجوعانات
رزان: ميتين من الجوع
هياء: بشوف فراس
واتصلت هياء على فراس
هياء: صباح الخير
فراس: صباح النور
هياء: فراس فيه فطور
فراس: ايوا انا طرشت الحارس يجيب لنا فطور بعد شوي بيوصل
هياء: اوكي ترا ميتين من الجوع
فراس: اوكي بس لا تاكلي المرزعة
هياء: ههههههههه اوكي لا تتاخروا نريد نفطر
فراس: ان شاء الله طال عمرك
وبعد لاحظات اتصل فراس على هياء انها تطلع من الجناح عشان تاخذ الفطور
وراحت هياء واخذت الفطور ورجعت عند البنات
رزان: بسرعة ليش تمشي شوي شوي
هياء: مو لازم حد يفطر
وقامت رزان من مكانها لعند هياء: جيبي الاكل
هياء: ههههههههه بس لا تاكليني
العنود: معذورة والله راح نموت من الجوع
هياء: الي يشوفكم يقول صار لكم سنين ما كليتوا
رزان: جلسي كلي احسن لك
هياء: تجلس في الكرسي: بسم الله يلا ناكل
العنود: هيونه ممكن سؤال
هياء: تفضلي
العنود: هذه كلها مزرعتكم
هياء: ايوا كلها
العنود: ما شاء الله كبيرة
هياء: هذه المزرعة تحكي قصص ومشاكل
العنود: مشاكل!!
هياء: ايوا جدي الله يرحمه لما توفى كتب في وصيته كل واحد من اولاده ونصيبه من الورث وكانت المرزعة من نصيب ابوي بس اعمامي الاثنين وعمتي اعترضوا لانهم يقولوا انه المزرعة اغلى شي ومو عدل انها تكون لابوي
العنود: هذه وصية ابوهم
هياء: وصارت مشاكل كثيرة بين ابوي واعمماي وعمتي بس في الاخير قرر ابوي انه يدفع مبلغ لهم عشان يسكتوا وبعدها محد فتح فمه بكلمة
العنود: بس هذا حرام
هياء: عشان كذا احنا مو كثير مع عمي ابو قيس الي يكون قيس زوج هيام اختي
العنود: كله عشان مزرعة
هياء: هذا الي صار بس ابوي نسى كل شي بس عمتي كانت راس المشاكل
العنود: الله يهديها
هياء: امين
.................................................. ........................
.................................................. ............
ام صهيب تتصل في اخوها ابو فراس
ام صهيب: كيفك يا سيف
ابو فراس: الحمد الله
ام صهيب: كيف الشغل
ابو فراس: ايش اقول لك والله الشغل كل يوم يزيد وكل السبب من هذا العقد مع ابو محمد ما ادري من وين تجينا كل هذه المعملات
ام صهيب: هذي هيه الحياة يا اخوي
ابو فراس: صح هذه الحياة كلها مشاغل
ام صهيب: سيف ابي منك طلب بس ما ابي الرفض
ابو فراس: ان شاء الله والي اقدر عليه اسويه انتي اختي الوحيدة واوامرك تنفذ
ام صهيب: مشكور يا سيف اريد بتنك هياء لولدي صهيب
ابو فراس منصدم: كيف.. بس هياء بعدها صغيره الحين مخلصة الثانوية
ام صهيب: لا صغيرة ولا شي الي مثلها مخطوبات من زمان
ابو فراس: القرار الاول والاخير عند هياء وانا مستحيل اجبرها على شي
ام صهيب: انت ابوها وشورها عندك
ابو فراس: صح اني ابوها بس ما افرض عليها شي راح يتحدد عليه مستقبلها
ام صهيب: انا انتظر ردكم
ابو فراس: ان شاء الله
.................................................. .....................
.................................................. ...............
اما في المزرعة
بعد الفطور
راحوا الشباب لاسطبل الخيول وركبوا كل واحد منهم في خيل
عاد فراس اكثر واحد يعرف يسيطر على خيله لانه متعود يجي المزرعة ويركب على الخيول
اصلا الكل يعرف بس فراس اكثر
البنات جالسات بعيد يراقبن الشباب وهم على الخيول
العنود: والله خاطري اركب على الخيل
هياء: حتى انا بس فراس قال مافيه الا للاولاد
رزان: ليش
هياء: ما اعرف
العنود: عادي نشوف بس شوفوا طلولو فديته وهو يركب على الخيل
رزان: ايوا بدأ المدح في زوجها
العنود: زوجي وانا حرة
هياء: ههههه
وبعدها ارتاحوا شوي وجهزوا اغراضهم وركبوا السيارت
البنات في سيارة والشباب في سيارة وقرروا يرجعوا مسقط
في سيارة الشباب
طلال: شباب مشكورين على هذه الرحلة والله حمااااس
فراس: العفو اهم شي عجبتك
طلال: طبعا عجبتني
يقضان: خلاص الحين راجعين مسقط
فيصل: اقول ليش ما نروح بديه
فراس: بديه؟؟
فيصل: ايوا بدية والله راح يكون حمااااس ونركب الدرجات على الرمل
يقضان: والله فكرة حلوة ونختم رحلتنا ببدية
فراس: والله فيصل اول مرة تجيب فكرة حلوة
فيصل: انا دومي ابوا الافكار بس محد مقدر
يقضان: ياحليلك والله
طلال: حلوه هذي بدية
فراس: روعة هي صحراء مستغلينها في ركوب الدرجات
طلال: والله حلو
يقضان: عيل على بدية
فراس: يعني راح نتأخر في الرجعة لمسقط
طلال: عااادي بكرة اجازة
فراس: عيل توكلنا
.................................................. .....................
.................................................. ...............
((الفصل الخامس))
ورحوا بدية وركبوا الدرجات واستمتعوا هناك على الاخر
كان الجو حمااااسي فرحانين على الاخر
وبعد ما طلعوا من بدية كان الوقت قريب المغرب وقرروا انهم ييرجعوا مسقط
ورجعوا مسقط والكل كان تعبان على الاخر
نزلوا طلال والعنود في الفندق وبعدها الكل راح بيته
في بيت ابو فراس
لما دخلوا فراس وهياء وفيصل البيت حصلوا امهم وابوهم في الصالة
فراس: السلام عليكم
ابو فراس وام فراس: وعليكم السلام
فراس وهياء وفيصل يبوسوا راس امهم وابوهم
ابو فراس: كيف الرحلة
هياء: والله حماااس وتجنن
فيصل: لو كنتوا معنا كان راح تكون احلى
ام فراس: اهم شي انكم استمتعتوا
فيصل: طبعا استمتعنا
ابو فراس: كيف المزرعة
فراس: زينة والعمال ما مقصرين مهتمين فيها
ابو فراس: الحمد الله
هياء: بابا ويش فيك
ابو فراس: ولا شي انتوا روحوا ارتاحوا
هياء: انا طالعة فوق تصبحوا على خير
فراس: وانا بعد تصبحوا على خير
فيصل: وانا بعد تعبان بروح تصبحوا على خير
ام فراس وابو فراس: وانتوا من اهل الخير
ام فراس: ليش ما قلت لها عن موضوع اختك ام صهيب
ابو فراس: ما شفتيهم تعبانين بكرة الصباح ان شاء الله
ام فراس: هياء صغيره وما اريدها تتزوج الحين
ابو فراس: انا متأكد انها ترفض
ام فراس: وانا بعد لكن لازم تعرف
.................................................. .....................
.................................................. ...............
وفي بيت ابو يقضان
لما دخلوا يقضان ورزان البيت نفس الشي كان امهم وابوهم في الصالة
رزان ويقضان يبوسوا راس امهم وابوهم
ابو يقضان: ان شاء الله استمتعتوا
رزان: استمتعنا على الاخر
ام يقضان: مبين عليكم فرحانين
يقضان: ههههههههههه هذه الرحلة بدل سفرة السنة الي راحت علينا
ابو يقضان: انت تعرف الي نمر فيه بالشركة الشغل كل يوم يزيد
يقضان: انا ابي افهم كيف يعني يزيد
ابو يقضان: والله ما ادري بس الشغل يطلع لنا من تحت الارض
يقضان: ما كان كذا من قبل
ابو يقضان: هذا صار من بعد الصفقة مع ابو محمد
يقضان: انزين كنسلوا الصفقة
ابو يقضان: ما نقدر فيه شرط جزائي كبير
رزان: بس خلاص انا رايحة انام تصبحوا على خير
يقضان: وانا بعد تعبان تصبحوا على خير
ام يقضان وابو يقضان: وانتوا من اهل الخير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك