رواية كل ما جيت ابتدي فيك انتهيت -21
أريج تحت لحافها بجت على نبرة
أمها الحنونه..: أنا غلطت يمه سامحيني سامحيني..
عالدرج..كان مشعل صاعد وشاف أمه تطلع من غرفة أريج: وينها أريج نايمه؟..
أم فهد: إيه ياعمري عليها أكيد ملت بروحها ونامت..يسلم عمرك يمه باجر الصبح روح لها وأقعد معاها وسامحها تراهي طيبه وعلى نياتها
مشعل ابتسم: أدري يمه..أنا كنت تاركها فتره عشان تراجع نفسها وترجع لعقلها..وباجر بروح لها وأكلمها وبرجع لها سيارتها ولابها وموبايلها وباخذها
برحله للبحرين على حسابي بعد
..
أم فهد استانست: صــــج..الله يرضى عليك يايمه ويوفقك ويرزقك ببنت الحلال اللي تسعد قلبك وخاطرك..
مشعل بارتياح: أمين يالغاليه..يلا
استأذن أنا بروح أنام هلكان حدي..
ـــــــــــــــــــــــــــــــــــــــــ
بالفندق..الساعه 3 الفجر..
وجدان قاعده عالسرير بهدوء
وزياد قاعد جدامها يقرأ دعاء الزواج..
بعدها قام زياد: حبيبي أنا بتروش بالغرفه الثانية واطلع اطلب لنا عشى وأنتي اخذي راحتج..
وجدان بحيا: إن شاء الــــله..
طلع زياد وقامت وجدان نزعت طرحتها وفكت شعرها ونزلت تراجيها وعقدها وخواتمها وحطت كل شي بمكانه..ومسحت مكياجها وجهزت لها قميص نوم أبيض حرير..طويل وعلاق عالصدر وشفاف والظهر
كله عاري..
خذت روبها وأغراضها ودخلت الحمام تاخذ شاور..
عند زياد..
طلع لاف الفوطه على خصره..دخل الغرفه وشاف القميص وابتسم..راح وطلع له بيجامة حرير سكري..لبسها وسرح شعره وتعطر وطلع عند طاولة العشى..
وجدان طلعت بعد ربع ساعه لابسه روبها..نشفت
شعرها بالاستشوار ودهنت جسمها بلوشن فراوله خاص للعرايس وحطت كحل وماسكرا وروج أحمر وتعطرت..وأخر شي قامت
لبست القميص وفوقه الروب وربطته وطلعت..
زياد أول ما شافها ابتسم وفتح لها إيدينه..ووجدان بسرعه يت وطاحت بحضنه..
زياد شم شعرها بقووة وهمس
بأذنها: وأخيرا يت اللحظه اللي اجتمعنا فيها ببيت واحد..ورفع وجهها وباس شفايفها بقوووه رومانسية لاهبه..
وجدان استحت وذابت بين إيدينه
..
زياد رفع شفايفه وقعدها بحضنه :يلا ياقلبي خلينا نتعشى عشان يمدي ننام ونرتاح..
وجدان ابتسمت: متى طيارتنا..
زياد ابتسم وهو ياخذ حبة كبه ويحطها بحلجها: باجر الصبح الساعه تسع..يعني لازم نقعد الساعه سبع ونص..
وجدان بلعت اللقمه وضحكت: هههههههههههههههههههه شفيك بغيت تغصصني..
زياد انجن على ضحكتها وعض خدها: عشاني أحبج وأبي أغذيج عدل..
وجدان استحت وكملت أكلها بهدوء..
بعد دقايق..
زياد بابتسامه: لا ثقلين..
وجدان بعفويه حطت إيدها على بطنها: ليش يوعانه..
زياد ابتسم وقام شالها على إيدينه ومشى فيها: لأني ما أقدر انطرج تخلصين..
دخل الغرفه وسكر الباب بريله ونزلها عالسرير بهدوء..
وجدان استحت وحاولت تقوم:
زياد آآآ.....وسكتت واختفى صوتها..
&٣٧&
# بعد يومين#
زياد ووجدان سافروا شهر العسل لفرنسا..
الوليد سافر لندن بدوره مدتها 9 شهور..
بفيلاااا أبو مشــــاري الثانية..
بالحديقه..الساعه 6 المغرب..
أبومشاري قاعد مع عياله صبا ولمى وعبدالعزيز ..ومناف زايرهم ومعاه روز والجوري..
أبومشاري يناغي روز اللي صار عمرها 4 شهور..يرفع ويطيرها بالهوا وهي تضحك من قلب:
سلم قلبه..امممواه..كغ..كغ..
عبدالعزيز ابتسم: صبا يلا خلي الجوري عند لمى عشان أوديج السوق ما بقى وقت..
لمى خذت جوري:صج ما بقى شي على الملجه بس أسبوع..يلا روحي
صبا قامت: إيه يلا..
وراحوا كلهم..
مناف يطالع أبوه اللي فرحان على روز: يبــــه بتخلص عدة أمي بعد أسبوع..
أبومشاري سكت: والمطلوب..
لمى تدخلت: خلاص يبه رجعها
والله أحنا محتاجينها
مناف بهدوء: يبه أمي تغيـــــرت
وايد..اللقمه تاكلها غصب..وأغلب
وقتها على سجادتها تدعي وتستغفر..حتى وإهي نايمه..تنام على مكانك وغترتك بيدها..يبه أمي تحبك..ما فيه مره توصل
الأربع وأربعين وهي تحب زوجها هالكثر..رجعها يبه أحنا محتاجينك..محتاجين وجودك معانا..
أبومشاري سكت شوي..فكر بكلام ولده ولقاه صح..ابتسم:
روح وقول لها أني بجيب الملاج
يعقد مره ثانيه..
لمى بفرحه: صج يبــــه صج
أبو مشاري ابتسم: عندك 5دقايق إذا ما تحركت بغير رأيي
..
مناف ضحك بسرعه ومشى:
لا يبه لا الحين رايح..ما صدقت توافق أنا..
بعد ساعه..
كان أبومشاري بالبيت ومعاه الملاج اللي قاله شلون يرجع زوجته..
أم مشاري كانت قاعده داخل مع عيالها..لابسه دراعه عنابيه بذهبي فخمه وتناسب سنها..
مشاري وهو ماسك روز: ياويلنا
من صبا وعزوز ما قلنا لهم..
دخل أبومشاري: أنا بقول لهم..
أم مشاري وقفت والتقت نظراتهم..
العنود ابتسمت وراحت مسكت إيد عمها وشدته: يلا عمي تعال اقعد عند زوجتك لا تستحي..
أبو مشاري ضحك:هههههه شوي
شوي يابنت..
الكل:ههههههههههههههههههههههه
يا أبو مشاري وقعد عند مرته وخذتهم السوالف..
دخلت صبا بسرعه وقطت أكياسها بالأرض وتخصرت: لا والله..أحنا طراطير محد يعلمنا ليش..
الكل:ههههههههههههههههههههه
أم مشاري بضحك: تعالي أنتي تعالي..
صبا ضحكت وراحت لأمها وقعدت بحضنها..
عبدالعزيز ابتسم: بهالمناسبه بطلب لنا كنافه
أبومشاري وقف: لا بهالمناسبه أنا عازمكم عالعشى قوموا..
صبا ولمى: يــــااااي ههههههههه
مشاري : عيل هاكم هالنتفه عشان نروح أحنا بعد نلبس..
أم مشاري ابتسمت: هاتها عندي
أنا بلبسها..
أبومشاري ابتسم: يلا أنا ناطركم
مو تأخرون..
ـــــــــــــــــــــــــــــــــــــــــ
بفيلااا أبو فــــهد..
الساعه 8 بالليل..
بالحديقه..
أريج قاعده بروحها عالمرجوحه
..لابسه بيجامه بنطلون أسود وبلوزه سودا نص كم فيها شخابيط بالوسط ووجهها شاحب..
طلع مشعل مبتسم: أريج باجر
بروح البحرين وباخذج وياي نسوي جوله ترفيهيه..جهزي لج شنطه صغيره بنمشي الصبح..
أريج[آآه يامشعل أنا اللي كنت بنتقم منك..انتقمت من نفسي]ابتسمت بهدوء: اووووك بعد العشى بصعد أجهز شنطتي وشنطتك..
مشعل ابتسم: أريج أنا آسف إذا
ضغطت عليج بالأيام اللي طافتج بس كنت خايف عليج..
أريج [اغفر لي يارب]نزلت دمعتها حاره وقطت نفسها بحضن أخوها: سامحنــــــــي مشعل سامحني..أدري أني غلطانه بس تبت..تبت وعقلت..
مشعل ابتسم وخربط شعرها: وأنا ما بقلبي أي شي عليج..يلا عاد قومي غسلي ويهج وروحي
داخل قعدي مع شجون ترى يت
عشانج..
أريج ابتسمت وقامت مسحت دموعها: والله اشتقت لها من تزوجت ما شفتها ولا مره..
دخلت داخل وشافت أمها وشجون وصمود وجنا..
شجون وقفت ببطء وبطنها الكبير سابقها..ابتسمت من قلب:
أريــــــــج..
أريج بسرعه يت وحضنتها وهمست بأذنها:سامحيني شجون سامحيني..
شجون ابتسمت بحب: مسامحتج
..أريج أنتي أختي الكبيره وأنا ما أقدر أكرهج أو أزعل منج..
صمود صفرت: اوووووه وأخيرا انقعد صلح الحديبيه..ههههههه
الكل: ههههههههههههههههههههه
أم فهد مدت لها صحن كنافه: هاج يمه هاج أكلي وغذي نفسج
تراج ضعفانه..
جنا ابتسمت: بس صج صج أريج
صاير جسمج خطــــــــير..
شجون بمزح: هيــــه أريجوووه ليكون مسويه ريجيم وخاشه عنا
أريج ضحكت من قلب: ههههههه
هههههههههههههههههههههههههههه
[يالله ياغباءج ياأريج شلووون ضيعتي هالجمعه الحلوه..بس لا أريج القديمه ماتت..ماتت وانولدت أريج ثانيه]
شجون وقفت: أريج تعالي معاي فووق أبيــــــــج..
صمود : بس لا تتأخرون عشانا
مربين ومعكرونة بشاميل..
شجون وأريج ضحكوا وراحوا فوق..
وبالغرفه..
شجون بهدوء: أريج أنا ييت عشان أسمعج وأساعدج..[وسكتت]..أنتي حامل من منو..
أريج نزلت دموعها بسرعه وتصاعدت نبضات قلبها بخوف ونزلت راسها: شـــ شدراج..
شجون قربت منها ورفعت راسها
: شفت التست والزباله..ليش يا أريج ليش..ليش تروحين للغلط بريولج..ليش تفضلين جهنم على
الجنه..قولي لي ياأريج ليش..
يااختي الكبيره يابنت أبوي وأمي
..
أريج انهارت وصارت تبجي وتشاهق: شجووون..أنا الحقد أعمى عيني..أنا ندمت ياشجون..ندمت واستغفرت وتبت توبه نصوحه..شجون الرب يغفر ذنوب عبده وأنا رجعت له..ومن
شهر وأنا ما تركت فرض ولا نفل
..حتى الأغاني ما عدت أسمعها
..شجوون ساعديني تكفين..أنا حاولت أتخلص من الحمل بس ما قدرت..
شجون حنت عليها وحضنتها: انزين خلاص بساعدج بس اهدي وقولي لي..منوو اهو..
أريج نزلت عينها بخجل: واحد اسمه وسام تعرفت عليه بمطعم..وكنا نلتقي باليخت والأسواق..
شجون تنفست بقووه: انزين ووسام هذا ما كلمتيه..ما قلتيله أنج حامل
أريج بدموع: إمبلا رحت له بنفسي وقلت له بس ما رضا يسمعني..وهددني إذا كلمته مره ثانيه وطقني ومشى عني..
شجون تنرفزت: طبعا أخذ اللي يبيه وقطج..
أريج تشاهق: ساعديني شجون
أنا مو عارفه شسوي..
شجون تنهدت: آآآآه..شوفي عطيني رقمه وأوصافه والأماكن
اللي كنتو تلتقون فيها..وإن شاء الله ما تمر يومين إلا ترجعين من سفرتج وتلقينه خاطبج..
أريج ابتسمت وسط دموعها: صــــــــج ياشجوون صج..
شجون ابتسمت: صج ياأريج..يلا
بسرعه سجلي بورقه وقومي غسلي ويهج وانزلي..ناطرينج عالعشى..
أريج تحس جاها الفرج من الله
..قامت بسرعه: إن شاء الله..دقيقه وأنزل..
ـــــــــــــــــــــــــــــــــــــــــ
فرنسا..باريس العاصمه..الساعه 9 بالليل..
زياد كان واقف فوق قمة برج إيفل وقميصه الأسود يطير مع الهواء العالي..ويبتسم لوجدان اللي واقفه جدامه ماسكه الكاميرا وتصوره..
كانت لابسه بنطلون أبيض شامواه..وبلوزه سودا شيفون بورد حمرا وبيضا واسعه لعند نص الفخذ وشعرها مفتوح كيرلي وطاير مع نسمات الهوا..
وجدان: ابتسم زياد ولف يمين شوي..
زياد ابتسم: ترى مليت وأنا بروحي تعالي أصورج..
وجدان ضحكت وأشرت بأصبعها
: هههههههههه حبيبي أنت تكفى بس هالصوره
زياد ابتسم:أمري لله بس هالصوره..
وجدان صورته ويت وحضنته وباست رقبته: أحبك..
زياد ابتسم وزاد من احتضانها لصدره: وأنا أموووووت فيج..
لفها وصار ظهرها على صدره : يلا نصور مع بعض..
وجدان ابتسمت وزياد نادى واحد
فرنسي يصورهم..
زياد ابتسم وطوق خصرها وباس خدها وطالع الكاميرا..
وجدان لفت إيدها لورى رقبته وابتسمت..وصوروا أول صوره..
ثاني صوره:
على نفس الوضع..زياد انحنى لرقبتها وعضها..وجدان ماتت أحراج ورفعت إيدها بتضربه بس
تصوروا..
ثالث صوره:
زياد ثبت خصرها وحط إيدينها ورى رقبته ونزلها لتحت على ريوله وطالع فيها..وجدان استحت وارتخى راسها لورى ونزل شعرها عالأرض..
وأخر صوره زياد سحبها بقووه لصدره ومسك وجهها وباس شفايفها..
بعدها أخذ الكاميرا من الفرنسي وشكره..
وجدان كانت زعلانه وقاعده عالأرض ومتجتفه..
زياد يدري أنها مستحيه..ضحك وجا عندها: ههههههههههههههههه
شحلاة الزعلانه ياناس..
وجدان ابتسمت وطقته بمزح على جتفه: لو أدري أن صورك جذي جان ما صورتها..
زياد حضنها وباس خدها: ههههه
انزين ليش عادي أنتي زوجتي..
وجدان ابتسمت بحيا: أحرجتني
..
زياد ضحك عليها: هههههههههههه
وجدان انقهرت منه: لا تضحك..
زياد علا صوته: هههههههههههههه
وجدان بغيض دزته عالأرض بس زياد سحبها وطاحت فوقه وصاروا فوق بعض..: لا تضحك لا تضحك..اففف
زياد سكت وركز بعيونها..
وجدان انجنت على نظرته..همست بصوت خافت: فيه أحد
زياد التفت: لا..
وجدان انحنت له وباست شفايفه..
زياد انجذب لها وبادلها البوسه..
وهمس بأذنها: قومي نروح مطعم نتعشى قبل لا أطينها فوق البرج
وجدان ابتسمت بحيا وقامت عنه
تعدل نفسها..
زياد ابتسم وقام عدل نفسه ومسك إيدها ومشى: شنوو مشتهيه تاكلين..
وجدان ابتسمت وشدت على ذراعه: بيتــــــــزا بالجبن والمشروم..يمي يمي
زياد ضحك: ههههههههههههههههه
اوووك يلا..
ـــــــــــــــــــــــــــــــــــــــــ
&٣٨&
بفيلااا أبو عــــمــــر..
الساعه 12 الفجر..
بجناح عمر..بغرفة النووم..
شجون دخلت وقعدت عالسرير
بدون ما تبدل ملابسها وتفكر بحل..
عمر دخل تروش وطلع لاف الفوطه على خصره..وشافها سرحانه واستغرب أنها ما بدلت ولا حضرت له ملابس..: شجون
شجون انتبهت: هلا حبيبي..
عمر زاد استغرابه وجا قعد عندها ورفع خصلات شعرها: شفيج حبيبتي..صاير شي ببيت أهلج..
شجون قامت وطلعت القرآن ويت عنده ومسكت إيده اليمين وحطتها عالمصحف: احلف أني إذا قلت لك يا تساعدني يا تتركني وتسكت ومحد يدري..
عمر بصدمه من تصرفها: شجون شفيج..أنا زوجج المفروض ما تسوين هالشي..
شجون بدموع: عمر أنا آسفه بس احلف..
عمر حلف وهو مصدوم منها وبراسه ألف فكره عن الشي اللي ممكن تقوله..
شجون قامت وقعدت عنده وقالت له كل السالفه وهي منزله راسها ومستحيه من أختها
..
عمر انصدم..عصب..وقبض كفه
بشده..وتنفس بسرعه: أختج هذي غبيه..يعني عاجبتها الفضيحه اللي بتصير..
شجون غمضت عيونها بألم: عمر
عمر مسك أعصابه وتنهد بقووه
وقربها منه ورفع راسها: وهالكلب وينه..
شجون فتحت شنطتها وعطته الورقه: هذي إهي..تكفى عمر
دور عنه بهالأماكن..لازم يجي ويخطبها قبل ما تكبر بطنها ويظهر عليها الحمل..
عمر حضنها ومسح على شعرها: إن شاء الله ياقلبي إن شاء الله..من باجر الصبح بروح وأدور عنه لين ألقاه..
شجون بهمس: الله يخليك لي ياتاج راسي ولا يحرمني منــك..
ـــــــــــــــــــــــــــــــــــــــــ
بفيلا أبو مشــــاري..
الصبح الساعه 9..
بجناح مشاري والعنود..
العنود كانت نايمه على صدر مشاري وتحس برفسات الجنين
..ومتضايقه..
مشاري بعد حس لأنها قريبه منه
وفتح عيونه : عنووودي..حبيبتي
العنوووووووود
العنود فتحت عيونها ببطء ورفعت نفسها: همممممممم
مشاري تعدل وحط راسه على بطنها: أسمع رفسات البيبي..
العنوود ابتسمت وهي تحط إيدها بشعره تلعب فيه:
حتى أنا أحس فيهم بس هم بيبين اثنينه..
مشاري اندهش ووقف الكلام ببلعومه: احلــــفي..يعني في بطنج توم عيالي..
العنوود بحب: مكس..بنت وولد..
مشاري تشقق من الوناسه وباس بطنها: خالد وخلوود..عيالنا..عيالي منج..العنووووود حبيبتي..وحضنها بقوووه..
ـــــــــــــــــــــــــــــــــــــــــ
بطيارة الخطوط الجوية الكويتيه
..الدرجه الأولى..
الساعه 11 الظهر..
مشعل وأريج صعدوا بعد ما سمعوا نداء الركاب..
مشعل حط الهاند فري وقعد يسمع..
أريج كانت متوتره وحاطه إيدها على بطنها..وقبل ما تركب الطياره ظلت تدعي ودقت على شجون وقالت لها تتوكل على الله..
أريج بنفسها[يارب أني ظلمت نفسي ظلما كثيرا فاغفر لي فأنه لا يغفر الذنوب إلا أنت..ياحي ياقيوم ارحمني واغفر لي خطئيتي]..
نص ساعه ووصلوا مطار البحرين بســــلام..وبعد ما خلصوا أجراءات المطار والأوراق..طلعوا ومشعل ماسك
إيد أريج
مشعل بابتسامه: ها شرايج نروح الفندق أول ولا نمر مطعم نتريق..
أريج ابتسمت: لا نروح الفندق أحسن نحط أغراضنا ونتريق هناك بمطعم الفندق..
مشعل ضحك: هههههههههههههه
اثنين بواحد يعني..
أريج ضحكت:هههههههههه تقدر تقول جذي..
ـــــــــــــــــــــــــــــــــــــــــ
فرنسا...باريس..الساعه 8 الصبح..من أفخم وأرقى الفنادق
..
زياد طلع من الحمام ماخذ شاور ولاف الفوطه على خصره
..ابتسم على منظر حبيبته واللحاف طايح بعيد عنها..طلع له
جينز وبلوفر قطني عنابي..لبس وسرح شعره وتعطر..
مشى وقعد عند راسها: وجدان..وجــــــــداني..جووجو..
وجدان لفت جسمها الناحية الثانيه بضيق: اففف زياد حبيبي خلني أنام نعسانه..
زياد ضحك وسحب اللحاف بقوة: ههههههههه لاا مافي
قومي بنروح ديزني لاند..
وجدان رفعت نفسها وسحبت اللحاف وتغطت: زيادي حبيبي أنت تو الناس..
زياد ابتسم ووقف: لااا بتقومين وبنروح وأنا بطلع لج لبس بنفسي..
وجدان بعناد سحبت فونها ودقت
على طلال..وبعد رنتين..
طلال بلهفه: هــــلا والله..ها جوج شخبارج
وجدان ابتسمت: طلول شوف زياد ما يخليني أنام..
زياد التفت عليها بسرعه من عند
الكبت: وجدانووه أوريج..ونط وخذا منها السماعه: هلا طلول..
طلال كان يضحك:ههههههههههه
هلا شمسوي بأختي ها..
زياد كان ماسك وجدان وحاشرها بحضنه: مو مسوي شي بس إهي دلوعه..قلت لها قومي بنروح ديزني قالت بنام..
طلال بضحك: ههههههههه ليش جم الساعه عندكم
زياد: 8 الصبح..
طلال: اففف أحنا عندنا الساعه 11..عيل أخليك وأدق عقب..سلام..
زياد بسرعه: ســــلام..
سكر وقرص خدودها: تعلمين أخوج ها..أوريج..
وجدان تضحك: ههههههههههههه زياد حبيبي والله نعسانه ما نمت إلا الفجر وحطت راسها على صدره ونامت..
زياد بخبث: جوجو إذا ما قمتي...
وجدان قبل ما يكمل نطت وقامت بسرعه ولبست شبشبها: لا لا خلاص قمت..ودخلت الحمام تتروش..
زياد زهق ضحك:هههههههههههه
قام وطلب ريوق..ورجع..
دقايق وطلعت وجدان لابسه روبها..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك