رواية كل ما جيت ابتدي فيك انتهيت -25
طلال كان سرحان ويفكر بالمصيبه الجايه..شلوووون بيوصل الخبر لعمه وأبوه..شلووون بيقول لأمه بنتج راحت
عروس ورجعت أرمله..بدون ما
يحس نزلت دمعه من عينه..
وجدان أول ما تنفست هواء الديره..نزلت دموعها وبجت بصوت مكتوم..
طلال حس فيها وشد أصابعه عالسكان بقوة لحد ما بيضت..
نص ساعه..ووقفت سيارة طلال عند الفيلا..فتح الباب ونزل
..فتح لها الباب ونزلها وحضنها لصدره: خلي إيمانج بالله كبير
..هذا قضاء وقدر والبجي ما بيرده..
وجدان ما ردت بس شدت على
جتفه..
طلال راح فتح الدبه ونزل الشنط
ومشى لداخل وإهي وراه..
بالصاله..
كانوا الكل مجتمعين عالغدى..
لما انفتح الباب ودخل طلال وحط الشناط..
طلال بتعب: السلام عليكم..
أم عمر..عمر..عامر..بدر..وسعود..كلهم انصدموا من شكله وعيونه الحمر ووقفوا: طـــــــــلال..
ما كملوا كلامهم إلا ينفتح الباب وتدخل وجدان وتفصخ نظارتها
..
هالمره أبوعمر اللي انصدم ووقف: وجــــــدان..راح لها ركض وحضنها وبوس خدودها
..حمدلله على سلامتج يابنتي..
وينه زياد..
والتفت وراها للباب بس ما شاف أحد..
أبو عمر يعيد السؤال: طلال شفيكم..زياد وينه..
وجدان بدموع وصوتها مبحوح:
بابا زياد بــــــح..[وصفقت إيدينها ببعض]زياد راح بابا راح..
زياد رحت معاه عروس[وتحشرج صوتها]بس رجعت أرمله بابا..رجعت أرمله بابا..
وطاحت بحضنه وهي ميته بجي..
أبو عمر انصدم وانشل لسانه وما قدر يتكلم..
أم عمر ضربت صدرها بقوه: آآآه عليج يابنتي..[ونزلت دموعها]..لا إله إلا الله..لا إله إلا الله..
وراحت لبنتها وخذت من حضن
أبوها وخذتها لصدرها وصاروا الثنتين يبجون..
عمر راح لطلال وهزه بقوه: شلووون زيــ..[وما قدر ينطقها]
شلوووووون مات..ونزلت دموعه
أنهار..
طلال قبض كفه وصد الناحية الثانيه وتنفس بسرعه: كان طالع من السفريات بالليل..ركب سيارته بس الظاهر أحد لاعب
بالبريك أو أنه ما قدر يسيطر على نفسه وصدم بشجره وطاحت واحترق اهو والسياره
حتى جثته ما لقوها يقول تفحمت..ووجدان لأنها كانت معاه عالخط سمعت كل شي
وعرفت مكانه وطلعت ركض من الفندق لمكان الحادث بس
ما قدرت تتحمل وانهارت..كانت بالمستشفى والرقم اللي دق على أبوي كان منهم..
بعد هالحقيقه المره اللي سمعوها..كلهم انهاروا حتى أبو
عمر صارت دموعه تنزل بدون إرادته وعيونه صارت دم..
# بعــــــد مرور 4 شهور #
خبر وفاة زياد بهالطريقه صدم
كل العايله وانتشر بكل الديره..وأبو جراح وأم جراح أكثر شخصين احترق قلبهم على ولدهم وقضوا أيام العزاء بجي
وصياح وانهيارات..
كل مشاريع العايله تأجلت..جراح
أجل زواجه مع فجر..وعامر أجل عرسه مع صبا..وطلال أجل خطبته لصمود..وفهد أجل خطبته لأبرار..
العنود قضت فترة نفاس صعبه
خصوصا بعد الأنهيار اللي صابها
بوفاة زياد أخوها..وبعد ما عرفت أنها مستحيل تقدر تحمل مره ثانيه بجت وبجت وما سكتت
إلا عشان عيالها التوم خالد وخلود..
أريج وصلت للشهر التاسع ونبيل حبسها بالشقه ومنعها تشوف أهلها من أخر مره لما رجعوا.. وفضلت أنها تشترك بحلقة تحفيظ القرأن الكريم بمسجد قطعتهم..وقالت لشجون أنها سقطت..ومحد درى عن حملها لا أهلها ولا حمولتها..
وجدان عايشه بدون روح..أكلها قل..ولبسها المفضل الأسود..ودوم دموعها على خدودها وسرحانه..
بفيلا أبو مشـــــــــاري..
الساعه 4 العصر..
أبومشاري كان نازل يمشي وروز والجوري اللي صار عمرهم سنة يركضون وراه..
عبدالعزيز كان يطالع التلفزيون
وضحك:ههههههههههه يبه شفيك
لا تسرع خلهم يلحقونك..
أبومشاري يضحك: أنا منحاش منهم زهقوني هههههههههههه
مناف قام وفتح إيدينه: روزه الحلوه..تعالوا يلا تعالوا..جوري.
اثنينهم ما ردوا بس لزقوا بريل أبوهم: بب..[بابا]
العنود كانت قاعده وبحضنها خلود ترضع حليب: ههههههههه
حرام عليك عمي شيلهم عاد..
أبومشاري ضحك: ههههه ما شاء الله..العيال والأحفاد الله يكثرهم حسسوني أني بروضه
ونزل لهم وشالهم لصدره كل وحده بإيد..
مشاري كان ماسك ولده خالد ويلعبه ويطيره بالهوا..ومن شافهم غار وفك صفارات الأنذار: آ آ آ آ آ آ آ آ
مشاري ضحك بصوت عالي: هههههههههههههههههه يبه الله يهداك شسويت خليته يفك صفارته علينا
أبومشاري ضحك: هههههههههه
أنا شكوو
أم مشاري تضحك: هاته أنا أشيله..هههههه
مشاري مد لها خالد..: هاج تسوين فيني خير..
ووقف وشال خلود من حضن
أمها
العنود باستغراب: ليش شلتها..خلها عندي
مشاري ما رد عليها بس وداها للمى: هاج خليها أمانه عندج..باخذ زوجتي وبنطلع..
لمى ضحكت:ههههههههههه هاتها بس مو تطول ترى افتح الباب واحذفها بدرام الزباله..[وأنت بكرامه]
الكل: ههههههههههههههههههههه
أم مشاري ابتسمت: وي خلودي
حبيبتي بنت ولدي تقطينها..عشان
ما أحذفج قبلها..
مشاري مسك العنود وصعد: ههههههههههههه أحسن عندج إياها يمه..
عبدالعزيز: أقول يبه ليش ما نتفق أحنا وعمامي ونطلع المزرعه نقعد جم يوم..طقت جبودنا ترى..
أبومشاري يلعب جوري: كغ جوريه كغ..[الجوري تضحك:هههههههه]..والله ما أدري خلني اسأل عمامك وعمتك وأشوف..
فوق بجناح مشاري..
العنود كانت تلبس بنطلون أبيض
طويل وبلوزه حرير فوشيه لنص الفخذ: حبيبي وين بنروح..
مشاري كان يلبس الجينز..ورفع راسه:اممم أول شي بنروح السوق نتمشى..وبعدين بنروح السينما في فيلم رعب يديد توه نازل..وأخر شي بناخذ عشانا ونروح نقعد عند البحر..
العنوود يت له وبيدها القميص تلبسه بدلع: بس جذي بنطول..بقعد أحاتي العيال..
مشاري ابتسم لها وانحنى وعض خدها: عند لمى وأمي لا
تخافين عليهم..وبعدين أنا مشتاق لج ودي نرجع أيام العسل..
العنوود استحت ونزلت راسها..
ـــــــــــــــــــــــــــــــــــــــــ
بشقة نبيل وأريج..
الساعه 8 بالليل..
نبيل كان طالع وأريج بغرفتها كانت بفراشها متمدده وتصارخ من قمة راسها من ألم الولاده: آآآآآآآآآآآآه امممممممممممم ساعدني يارب ساعدني..آآآآآآه
سحبت تلفونها من الطاوله ودقت على نبيل وهي تتنفس بسرعه..
نبيل بدون نفس: نعم..
أريج بسرعه تلهث: نبـ ـ ـ ـ ـيل الحقني تكفى..حساه أني بولد..وطاحت السماعه من إيدها..
نبيل اخترع بس ببرود: أريـــــج
شفيج أريـــــج..
ما سمع رد وبسرعه قام ركب سيارته..
أريج ظلت تصارخ ومتمسكه بحدايد السرير بقووه: آآآآآآآآآآه
آآآآآآآآآآآآآآآآآآآآآهــ امممممم
..بمووووت يارب بموووووووت
..ياليت لو أمي معاي..يالــــيت..
آآآآآآآآآآآآآآآآآآآهـــ بس كله مني..أنا السبب أنا السبب..هذي غلطتي ولازم أتحمل..آآآآآآآآآآه
امممممم..يارب اغفر لي يارب..والله تبــــــــــت تــــــــــــبت
آآآآآآآآآآآآآآآآه..
بنفس الوقت دخل نبيل ومعاه دكتوره ودخلوا عليها..
أريج بصراخ ومعرقه: ليش يبتها البيت..آآآآآآآآآآآآه..
نبيل ما رد بس طلع وخلاهم..
أريج داخل كانت تصارخ وهي خايفه من تصرف نبيل ليش ما أخذها المستشفى:آآآآآآآآآآآآآآه
الدكتوره مصريه: شدي حيلك..ايووه ايووه ارخي راسك..ادفعي كمان كمان
أريج بقوه: آآآآآآآآآآآآآآآآآآآآآآآه
نزلت بنت بيدين الدكتوره: بنت..ما شاء الله زي القمر..مبرووك يامدام..
أريج ابتسمت وارخت راسها ببطء تهدي أنفاسها..: الحمدلله يارب..
الدكتوره سوت لها التنظيفات وغيرت ملابسها..وغسلت البنت ولبستها وحطتها بحضن أريج وطلعت..
نبيل بسرعه وقف: ها ولدت..
الدكتوره بفرحه: إيوه جابت بنت
زي القمر..ربنا يبارك لك..
نبيل بنفسه: [وع عاد بنت..وبالحرام بعد وأمها أريج]..: الله يبارك فيج..
عطاها أجرتها وطلعها..
أريج بداخل الغرفه..كانت ضامه بنتها لصدرها وتبوسها: بعد عمري بنتي..آآآآه شلون الوحده إذا ولدت تنسى كل تعبها وألأمها
..باست بنتها..ومدت إيدها وفتحت درج الكوميدنه وطلعت سلسله ذهب بنهايتها قلب..ولبستها لها..
وقربتها لصدرها ترضعها..والبنت من شمت ريحة أمها لزقت بصدرها ترضعها..
بس ما اكتملت فرحتها..دخل نبيل معصب قرب منها وسحب البنت بقوه من صدرها: لا يالحنونه..توج تحسين بأمومتج..مستانسه على شنو..أنج يبتي بنت حرام..
أريج بصدمه ودموعها تنزل: حـــــرام عليك هذي بنتي أنا وأنت..ييبها نبيل حرام عليك..
نبيل خذا البنت وطلع: انقلعي عني..البنت هذي لازم تمووووت
..أصلا ما أتشرف أنج تكونين أم عيالي..وخـــــري
أريج بهستيريا قامت مثل المينونه
وصوت بجي بنتها قطع قلبها ومسكت رجله: لااااااااااا نبيل تكفى أبوس ريلك تكفـــــى..خلها..عطيني إياها هذي بنتي..تكفى نبيـــــ
نبيل بقسوه رفسها عنه عالأرض: انقـــــــــــــــــلعي
عني..انقلــــــــــــــــــــعي..
وطلع برا بسرعه..راح المطبخ خذا زبيل وحط البنت فيه واهي ميته صياح: آ آ آ آ آ آ آ آ
أريج انجنت..قامت بسرعه طلعت وراه وتعلقت بالزبيل: لاااا
نبيل تكـــــــــــــــفى أبوس ريلك..إذا ما تبيها طلقني وقطها علي وأنا بعيش معاها بروحنا..بس اتركها لي..حرام تذبحها حــــــــــرام إهى إهى إهى إهى..
نبيل نزل لها وشد شعرها بقوه: غبيــــــــــــــــــــه أنتي..قتلج البنت هذي ما أبيها..وخـــــــري
عني أحسن لج..
ودزها بقوه وطلع بسرعه وقفل
الباب..
أريج ركضت وصوتها انبح وهي تنادي وتطق الباب: نبيـــــــــــل
نبـــــــــــــــيل..تكفى رجع لي
بنتي تكـــــفى..أبوس ريلك..رجعها..
ونزلت عالأرض وهي منهاره بجي: رجعها..حرام علـــــيك رجعها..اهى إهى إهى إهى إهى إهى إهى..
تحت عند نبيل..نزل بسرعه وشاف الشارع خالي وبدون رحمه أو إنسانيه قط الزبيل بدارم الزباله[وأنتم بكرامه]...
وصعد الشقه بسرعه..
أريج أول ما انفتح الباب قامت مثل المينونه وصارت
تشمخ وجهه: رجعلي بنتي..رجعهـــــا
ياكلب رجعها
نبيل رفسها بحده وشدها من شعرها بقسوة: انقلعــــــــــي
عني..أنتي طــــــــــــــــــــالق
طـــــــــــــــالق..قومي شلي قشج واذلفي بيت أبوج وياويلج لو طلعت كلمه برى بفضحج عند أخوانج وأخليهم ياذبحونج يابنت اللــــــــــيل....
ـــــــــــــــــــــــــــــــــــــــــ
&٤٧&
بفيلا أبو عـــمر..
نفس الوقت..
عند المسبح..
وجدان كانت قاعده بروحها..لابسه نفنوف أسود ساده حرير
حفر وضيق وللركبه..وشعرها نازل على طوله..وفلات أسود ناعم..منزله ريولها وتتأمل الماي
..وتطري عليها الذكرى:
وجدان ماسكه الدباسه وتلعب فيها وتطق عالطاوله..: طاخ طب
عمر انزعج: وجدان هدوء شوي
تكفين..
وجدان حطت إيدها على حلجها:هههههههههه آسفه..
رجع عمر لشغله ووجدان تسولف بروحها: عمر ماتبي ريوق..
عمر مطنش:..........
وجدان كاتمه ضحكتها: انزين كابتشينو..
عمر يعض شفايفه من القهر:.............
وجدان بخبث: انزين عصيـــر أو
...
انفتح الباب وطل زياد وتفأجا بوجدان..
عمر وأخيرا: يرحم أمك زياد خذها عني طلعتني من طوري..
زياد ضحك:هههههههه إن شاء الله..
راح لوجدان ومسكها من ذراعها
: قومي أنتي شسويتي شكلج هبلتي فيه...
وجدان عاندت وبابتسامه: مابي ماني قايمه..ماسويت شي أنا..
زياد انجن على ابتسامتها[وربي طفله ياناس] ورجع لها شوي وهمس: انزين أنا مشتاق لج ما تبين تشوفيني..
وجدان ابتسمت وقامت راحت عند عمر:عمووور أنت زعلان..
عمر ابتسم بدون ما يلتفت لها: لااا بس روحي فكيني..
وجدان ضحكت وطلعت مع زياد
..
راحت معاه لمكتبه وقعدت على الطاوله..
زياد كلم سمير ما يحوله أي موعد أو اتصال ورجع لها وضحك على شكلها:ههههههههه
فيه كراسي ترى..
وجدان ابتسمت وأشرت لراسها:
أدري بس أنا كيفي مزاجي اقعد بالمكان اللي يعجبني..
زياد قرب منها حيل وهمس بصوت رومانسي: أحبج..
وجدان استحت موووت ونزلت راسها..
زياد ابتسم ورفع راسها بأصبعه وشافها مغمضه عيونها: وجدان
..
وجدان همست بصوت مبحوح بدون ما تفتح عيونها: وأنا..أنا بعد أحبك..بس..بس زياد أنا أنا خايفه..وحضنته بقوووووة..
سمعت صوت شجون وبسرعه مسحت دموعها..
شجون لاحظت بس ابتسمت ويت قعدها ومحمد بحضنها يلعب: وجدان لا تعذبين نفسج..ترحمي عليه..
وجدان بجت: ما أقدر..والله ما أقدر..أنا أحبه..أبيه ما شبعت منه
..أحسه عايش فيني..كل قطرة دم فيني مكتوبه باسمه..ليش القدر فرقنا بهالسرعه لـــيش..
وقامت بسرعه تسابق الريح ودموعها تنزل بسرعه على خدودها..
شجون تنهدت وقامت وشالت محمد ودخلت: الله يصبر قلبج ياوجدان..
أم عمر شافتها: يلا يمه العشى زاهب..
شجون ابتسمت: إن شاء الله عمتي بس بنادي عمر ..
بعد دقايق الكل اجتمع على طاولة العشى إلا وجدان ما نزلت..
أبو عمر باستغراب: عيل وجدان
وينها ما أشوفها
أم عمر قامت: إيه صح..خل أقوم أناديها..وجــــــدان وجدان..
نزلت وجدان وعيونها حمر وراسها يعورها والأرض تدور جدامها: نعم
أبو عمر: تعالي يايبه ما تبين عشا..
وجدان بهمس والدنيا تغيب عنها: لاا ما أشـ..ما أشتهي..
وطاحت غشيانه من طولها..
عامر أول واحد صرخ: وجـــدان
&٤٨&
عامر أول واحد صرخ: وجـــدان
..
أم عمر بخوف: يمه بنتي..وجدان يمه وجــــــــــــدان
عمر وقف: شيلها بسرعه بروح
أييب السويج عشان نوديها المستشفى بســـــــــرعه..
عامر شالها وطلع بسرعه: يمـــــــــه تعالي معانا..
شجون بسرعه: لحظه عمتي إييب عباتج..
أم عمر بلهفه: بسرعه يمه بسرعه..
ـــــــــــــــــــــــــــــــــــــــــ
بفيلا أبو فـــهد..
الساعه 10:30 بالليل..
كانوا كلهم قاعدين بالصاله يشربون شاي بعد العشى..
فجأه انفتح الباب..وطاحت أريج
عند الباب..: يبـ ـ ـه..
فهد ومشعل بخوف: أريـــج..
أم فهد شهقت: هـــى يمه أريج بنتي..
وقامت لها..
أبوفهد بسرعه قام لها ورفعها عن الأرض وانصدم بشكلها جنها باجيه ومطقوقه سنه بساعه: أريج يبه شفيج من سوا فيج جذي..
أريج بوهن وهي تبجي: طلقنــي يبه طلقـــني..تسع شهور وهو حابسني بالبيت لا طلعه ولا دخله..حتى أنتم اهو منعني أزوركم..ذلني يبه ذلني ومد إيده علي..من اخذني واهو ذابحني يبه..
ودفنت وجهها بصدره وصارت تبجي بصوت يقطع القلب..
أم فهد طقت على راسها: اويلـــي عليج يايمه..طلقج النذل
..حسبي الله ونعم الوكيل حسبي الله ونعم الوكيـــل..
فهد ومشعل عصبوا..صارت وجيهم حمر وعيونهم تطق شرار: هــــــــــــين يصير خير
..هــــــين..
وبسرعه طلعوا يدرون عنه..
جنا بخوف: أنا بروح أدق على شجون..
صمود راحت لأريج وخذتها بحضنه: بس أريج خليه يولي..لا
تتحسفين عليه..
وخذتها فوق عشان ترتاح..
أبوفهد قعد بمكانه وحط إيده براسه وفتح أزرة دشداشته قبل لا يختنق..: حسبي الله ونعم الوكيل..حسبي الله ونعم..أنا الغلطان اللي رضيت أناسب هالأشكال اللي مو قرابينا ولا هم مستوانا..
ـــــــــــــــــــــــــــــــــــــــــ
بالمستشفى...
الــ... الخاص..
نفس الوقت..
بغرفة الفحص..
وجدان كانت متمدده على سرير
الفحص..ويمها عمر وعامر وطلال..
د.سلوى بعد ما خلصت فحص طلعت
عمر تكلم : طمنينا د.سلوى أختي شفيها
د.سلوى ابتسمت وقعدت ورى مكتبها: لا تخاف..مجرد ضغط نفسي بسيط أدى إلى حدوث الأغماء..الحين بعد الأبره بترتاح
بس لازم تراعون حالتها وتوفرون لها جو نفسي مريح خصوصا أن هالشي يضر بالحمل..
ثلاثتهم تفأجاوا..
عامر بسرعه: حـــمل..
د.سلوى بدهشه: معقوله ما تدرون أنها حامل وبتدخل الشهر
الخامس بعد أسبوع..
عمر انصدم: بصراحه لااااا ما ندري يمكن عشان الظروف اللي مرينا فيه..
طلال وقف: أنا بروح أبشر أمي
..تنطرنا برا مع سعود وبدر..
عمر وعامر وقفوا وراحوا لوجدان..
وجدان كانت صاحيه وأول ما شافتهم صدت وجهها..
دخلت أمها وبدر وسعود فرحانين..
عمر قعد عندها ومسك إيدها: جووجو أنتي كنتي تدرين أنج حامل..
وجدان بدموع وخانقتها العبره: إيه كنت أدري..بنفس الليله كنت بقوله بس مات..مات وتركني بروحي..
وبجت بقـــــــــوووه..
أم عمر انكسر خاطرها وما قدرت تمسك دموعها وطلعت برا تبجي..
عمر تضايق ومسك صدره بقوه
وأشر لطلال يواسيها وطلع وطلع وراه عامر..
طلال قعد عند راسها ورفعها عن السرير ومسك وجهها بيدينه
ويحاول يبتسم: جوجو يالخبله بدال ما تفرحين أنج بتصيرين أم
وبصير أنا طلال الحلو خال..تبجين..
وجدان غصب عنها ضحكت: هههههههههههههههههههههههههههه
طلال استانس أنها ضحكت..
بدر ابتسم ومسح دموعها: بيصير عندج بيبي يالبيبي ههههه
سعود بضحك: كان عندنا بيبي وحده وبيصير عندنا البيبي وولدها
وجدان ضحكت من قلب على أخوانها: هههههههههههههههههههه
لا تعيبون على ولدي..
سعود: تأمرين أمر أنتي وولدج
..يلا بس قومي عشان نروح نتعشى أحلى عشا بهالمناسبه
بدال العشى اللي راح علينا..
وجدان بدلع: امممم انزين بس
أبي بيتزا بالجبن والمشروم..وأبي أصابع الجبن..وأبي بطاط ودجز..وو..اممم..أبي أبي..إيه وأبي ورق عنب حامض و..
سكتت لما شافتهم يضحكون: شفيكم..
طلال وبدر وسعود ميتين ضحك:
هههههههههههههههههههههههههههه
وجدان تخصرت: شفيـــكم..
بدر كتم ضحكته: لا سلامتج..يلا
قومي خل نمشي
ـــــــــــــــــــــــــــــــــــــــــ
# بعد أسبوع #
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك