بداية

رواية من أعماق أحضان مجنونة -25

رواية من أعماق أحضان مجنونة - غرام

رواية من أعماق أحضان مجنونة -25

بعدت الجريدة عنها وقالت خير...
دارين وهي تسحب لها كرسي وتقعد قبال هالة هالة شفيك؟
هالة بهدوء ولاشي..
دارين أي بس انا حاستك متضايقة...
هالة لاابدا....
دارين بتظلين هنا...
هالة ماتبيني؟
دارين بانزعاج شلون ماابيك بس!!!الساعة المباركة اللي تجلسون معي فيها....
هالة طالما ولد ام وليد هناك انا مو طابة ذيك الشقة؟
دارين هو للحين هناك؟
هالة وتتوقعين علي يطرده؟
دارين أي بس ابوي قال له يجي ...
هالة بس للحين مابين؟
قالتها ورفعت الجريدة تخفي فيها توترها...
خايفة وليد يجي باي لحظة وماتعرف تبقى هنا....ولاهي حلوة تروح شقة احمد اللحين....
ماتدري حست الوضع مكركب شوي,,,,
دارين كنت افكر في ريم ياهالة؟
نزلت هالة الجريدة وسكتت..
دارين باسف من طلعت مادقينا نشوف شخبارها هي واحمد؟
هالة الافضل ان احنا مانتدخل بحياتهم ها الفترة ويتفهامون مع بعض بروحهم...
دارين على قولتك.....الا فاتك غسان..
هالة هو صحيح كان هنا ولايمزح معي!!
دارين بفرح بلى بس حسافة ماطول..
هالة يوم يدق لي قال انه هنا بس انا ماصدقته اثاريه صدق جاي..
دارين ماقدر يقعد هناك وابوي تعبان قال لازم يشوفه...
هالة تدرين ساعات احسه غير عنا....مدري ....
دارين غير عنك انتي مو غير عنا احنا؟
بها اللحظات كان جراح داخل خيمته واذنه وعينه عندهم...
هالة لاوالله ؟؟ليه انا غير عنكم؟؟
دارين ببتسامة شويات...
هالة حطت رجل فوق الثانية وابتسمت وقالت في شنو؟
جراح خق على ابتساماتها لانه من الصغر للحين ماشافها تبتسم وهاذي اول مرة يشوفها تبتسم..
حس انه بيطير من الوناسة ووده يروح يحضن دارين لانها خلت هالة تبتسم...
دارين بضحكة يعني بدون زعل بدون زعل..انتي شوي...شوي مو كثير ها....شقولك بعد!!
هالة بثقة وهي لسه تبتسم مغروره...شايفة حالي...قاسية...شنو بعد!!
دارين ههههههه
هالة ضحكت وقالت دايم اسمع ها الحكي....وادري انكم بينكم وبين بعض تقولون بدل ماتكون بمثابة ام لنا صارت جمود وقساوة ماتوقعناها...
دارين بحنان أي بس هل هذا الشي صحيح ياهالة؟
هزت كتوفها وقالت مدري والله..
دارين بنفي مو صحيح؟انا متاْكدة انه موصحيح....اكبر قلب واطيب قلب عند هالة بس هي ماتحب تبين....بتشوفين بكرة...لاصرتي ام بتتغير شخصيتك كلها لان ها الشخصية مغلفة للمستشفى وبس؟مع عيالك بتصيرين شي ثاني ياهالة؟
ماتدري أي تحول جاها وشال الابتسامة الحقيقية من وجهها ورسم لها وحدة زايفة!!
ها الطاري ماتحبه وكل ماقرب وقت القرار بينها وبين علي يحسسونها انها بتبني عايلة وبتنبسط وووو...
تنهدت وتنهيدتها طلعت من صدرها ودخلت صدر الهيمان فيها واللي من تلاشت ابتسامة الفرح ضاقت ملامحه وضاق صدره...توها مبسوطة بس وش اللي عكر مزاجك يالغالية؟؟؟

الليل....
ام وليد تعال طيح على راس ابوك واعتذر منه....
رفع ابو احمد راسه عن الاوراق اللي عنده وناظر بللي جاي....
تقدم وليد بخطوات ثقيلة وبدون مايتكلم وصاروا قبال بعض....
وقف ابو احمد ومشى عنه كم خطوة...
وليد بهدوء يبى....
ابو احمد بعصبية وبدون مايناظره انا مو ابوك؟
سكت وليد وتضايق وامه تاْشر له يتقرب وهو ولاهو بالدنيا بعد!!!
ابو احمد كمل كلامه انا عيالي اللي ربيتهم مايسوون كذا؟؟واذا انت رايح لنسيبك علشان تحرجني معه فاانا اقولك ماعاش للحين اللي ينزل راسي ويذلني ياوليد باشا؟
ام وليد يوم شافت ولدها صخرة وماهو متزحزح قالت وهي تلملم الموضوع وليد مستحي منك يابو وليد ويبيك تسامحه؟
لف لها وقال بصوت عالي مااسامحه...اذا مايسامحه اخوه على سواد وجهه انا مااسامحه؟
قالها وطلع عنهم...
جلس وليد على الكنبة وهو يتاْفف اوووووف
ام وليد ووجعتين ان شاءالله؟بعد لك عيون تتاْفف...
وليد بنرفزة شفتي ماهو راضي يكلمني,,,وانتي طايحة لي روح وبيسامحك انت بس روح....كاهو تركني ومشى عني!!
ام وليد من سواد وجهك؟اللحين جاي تتسامح منه انت بصوب وهو بصوب؟اقلها تقرب منه وبوس راسه ..سوي روحك شوي مستحي على دمك مو واقف كنك لوح ياحظي!!
وليد تمتم بكلمات مو مفهومة على انه متضايق ومو عاجبه الوضع..
ام وليد بقهر اكبر لا وماشفت لي الا وجه النحس زوج غراب السوء تروح تقعد عنه ويتوسط لك عند ابوك؟
وليد شسوي كل مادقيت على واحد من الربع تعذر مني..
ام وليد هذا لانهم مو ربع اللي بوقت ضيقك مايبونك؟كل ماقلت لك لاتصرف عليهم وتخليهم يبون فلوسك بس ماتطيعني؟كاهو يوم احتجت لقيتهم؟
وليد قام اوه ه ه..انتي بس تهذرين....انا بروح انام؟
ام وليد لحقته تعال وين رايح.....اول تروح لاابوك ياحظي!!!

اليوم الثاني.....

ركبت السيارة علشان تروح الجامعة مثل كل يوم....
ظلت تتصفح بالملزمة اللي بيدها بهدوء شديد ويوم قربوا صوب الجامعة التفت لها وقال بحمحمة عسى يومك طيب ان شاءالله...
جمدت يدها على الورقة اللي كانت ماسكتها...وماقدرت حتى ترفع راسها تناظر بعيون اللي يكلمها؟؟؟
لا يادارين انتي غلطانة وواهمة...هذا مو صوت مطلق!!!
انتي بس قاعدة توهمين نفسك لانك تفكرين فيه.
طب قولي عسى لك مثله!!ولا الصباح مالك خلق تحاكين احد ابدا!!!
تجراْت ورفعت عيونها وناظرت بالمرايا اللي قدام وطاحت عيونها عليه وهو ينتظرها ترفع عيونها تشوفه,,
يوم طاحت العيون في بعض ابتسم لها ابتسامة مكارة وفتحت عيونها على وسعها..
مطلق بهمس صباح النور...صباح الناس الحلوة.....
دارين بخوف انت!!!!
مطلق أي انا....اسمي مطلق واذا مو عاجبك اغيره؟
دارين بخوف اكبر انت وش جايبك هنا؟ووين السايق؟
مطلق الله يسلمك انا عاطيه سيارتي ومطلعه مشوار وماخذ سيارتكم..كذا بس مزاج ...
سكتت وماعرفت شتقول..
قال بتشجيع لاتخافين يادارين هاذي جامعتكم انا مو ماخذك مكان ثاني!!بس حبيت اوصلك اليوم بنفسي واتطمن عليك؟
ماتدري هو كل العالم كان يسمع دقات قلبها ذيك اللحظات ولالا...
كانت تتنفس بصعوبة وهي حاسة ان كل العالم يسمعها..رفعت شيلتها وتلثمت فيها وسمعت منه تنهيدة قوية خلتها ترفع راسها...
مطلق وهو عيونه عليها من المرايا لاوالله مقدر...اموت انا كذا,,,,الا العيون اموت انا فيها...اذوب....
غمضت عيونها وهي حاسة انها مو قادرة ترفع نفسها ولاتتكلم ولاتسوي أي شي....
مطلق ادري يدور في بالك سؤال واحد...ليه انا قاعد اتقرب منك؟الاجابة هي كا التالي....انك عجبتيني.....دخلتي بالي,,,
مو قادر اشيلك من افكاري...
وابي نتعرف على بعض اكثر واكثر..
دارين بحدة اذا مفكرني من ال..
مطلق بهدوء اشششش....
سكتت من حركته وماكملت كلامها,,,
مطلق برواق انا مو مفكر شي ولاحاط في بالي شي.....
انا اعرف ان علاقتنا بتكون غريبة على الكل لو دامت يابنت العراقية,,,
كانوا وصلوا عند بوابة الكلية بها اللحظة,,,,
قالت بحدة وهي تشيل شنطتها بعد!!بنت العراقية من بدايتها؟؟؟الشرهه مو عليك...على اللي باقية تسمع كلامك السخيف....
قالتها ونزلت وصفقت وراها باب السيارة بقوة,,
مطلق وهو يضرب يده على جبينه اووووف ...انا وش سويت؟؟بنت العراقية هاذي شلون طلعت مني!!!اي وانا الصادق هي بنت العراقية وين الغلط يعني؟
****مطلق,,,,, في اوائل الثلاثينات من عمره...تحديدا واحد وثلاثين سنة,,,,
فيه من الوسامة اللي ممكن تطيح أي بنت..وفيه من الهيبة اللي تفرض عليه احترام الكل....
وفيه بعد من الطيش اللي ممكن يزعل اهله وحبايبه بس بنفس الوقت عنده اسلوب حلو ويراضي الجميع بغمزة وكلمة حلوة,,,
له علاقات كثيرة وتجارته بالسيارت متوسعة والفضل كان لجراح في البداية اللي خلاه يوقف على رجله ومده براس المال..
كانت علاقتهم حلوة كثير مع بعض واكثر من اصحاب والشي الوحيد اللي ماقدروا يتكلمون فيه... ان كل واحد فيهم خاش اسم هالة بقلبه ومافصح عنه للثاني..
تزوج ومااستقر بحياته لان البنت اختاروها اهله وهو ماكان يبيها وصارت بينهم مشاكل لانها ماصارت تحفظ اسراره وكل شي تنقله لااهله وصارت صحبة مع نسايم اللي كانت تنبش بحياة اخوها نبش وتدخل بكل صغيرة وكبيرة لين مل من ها الوضع اللي صار لايطاق...وصاروا اهله بينه وبين مرته بكل شي وبكل خبر يسمعونه,,,,
ظلوا مع بعض بس سنتين ونص وبعدها
انفصلوا بس بعد ثلاث بنات....
شيخة وعايشة تؤام عمرهم ست سنوات,,
فاطمة خمس سنوات,,,

وقفت سيارة السايق بنص الطريق ووقفت سيارته وراها...
كان ينتظر اصلا ان سيارتها توقف لانه هو اللي خربها..
جته نشوة كبيرة وهو ينتظر انه يوصلها بنفسه للدوام اللحين..
مايدري ليه سوى كذا ولا علشان شنو..بس كل اللي عرفه انه من شاف علي امس وهو مارقد طول ليله.....
نزل يشوف السايق اللي راح يشوف وين الخراب وراح يكلمه...
جراح خير ان شاءالله..
قالها وهو يشيل نظراته والتقوا عيونهم في بعض..
هي من ورى النافذة وهو قبالها مباشرة,,,
السايق هذا في خراب....
جراح خل اشوف....اوووف مطولة السالفة يعني....
نزلت نافذتها وقالت تكلم السايق شنو؟
السايق ماما هذا..
قاطعته بحدة يعني بتطول وانت تسويه؟
السايق يمكن ساعة...
هالة بهعصبية وحضرتك ورى ماشيكت عليها قبل لاتشغلها؟
السايق انا هذا مافي معلوم؟
جراح خلاص اوصلك انا على طريقي....
رفعت راسها له وقالت بحدة وانت اصلا وش جايبك وراي!!
جراح رفع كتوفه وقال ببراْة مصطنعة انا هنا امر كل يوم...هذا الشارع مو بس يوصلك عملك يوصلني انا بعد لمكتبي!!ولاتنسين انك بايتة معنا بنفس البيت البارحة واحنا طلعنا سوى الصباح؟
ماردت عليه وقامت تحوس بجوالها..
جراح ها..اوصلك لاتتاْخرين؟
حقرته وماردت عليه...
قال بعد نفاذ صبر طب خذوا سيارتي انتي والسايق وروحوا فيها وانا ..
قاطعته وهي تكلم الجوهرة بجوالها أي هلا الجوهرة...بغيت اقولك...دزي لي السايق يوصلني الدوام لان سيارتي وقفت بالشارع,,,
لا..انا بعدني عن الدوار....يالله لايتاْخر علي....
سكرت جوالها ورفعت نافذتها بعد ماسمعته اللي يبي يسمعه...
كان عارف انها مابتركب معه ولا حتى بتاخذ سيارته وتروح فيها حتى لو شنو كان فيها...بس لانها هالة ولانها غير عن الكل؟؟؟
ظل متسند على سيارته ينتظرها لين جا سايق صاحبتها واخذها....
تنهد بقوة وهو في بالها يقول(تاْمنين على نفسك ياهالة مع سايق ماتعرفينه وماتاْمنين على نفسك معي!!!)
لكن تستاهل ياجراح اللي يجيك منها...متى بس بتعرف لنفسك قدر وقيمة وانها ماتبيك ولاتبي تشوف عيونك!!!!

في بيت بو مشاري....
زينة زارتنا البركة ياعمي..
ابو احمد الله يسلمك يابنتي...
زينة وشلون صحتك اللحين؟
ابو احمد بضحكة مافيني الا العافية لاتحاتين,,
زينة الله يطول بعمرك ان شاءالله,,,,
ابو مشاري وهو نازل للصالة اللي هم فيها زوانة ماعندك اليوم الجامعة؟
زينة تكلم بو احمد شفت ياعمي مو حافظ جدولي ولا بيحفظه بعد!!!
ابو احمد ههههه
ابو مشاري والله مدري عنكم انا وعن خربطتكم شحليلكم تداومون مثل المدارس من السبت للربعاء ونخلص..
زينة حرام عليك يبى...كذا اريح واحلى,,,,
ابو احمد الا يازينة وش صار على موضوعنا؟
ابو مشاري انا من قلت لها مارجعت سئلتها عن شي ياخوي وهاذي قدامك واسئلها انت بنفسك...
زينة دق قلبها..
ابو احمد شقلتي يازينة...وترى محد يدري غيري وغير ابوك؟
هي مغامرة...بس لازم تدخلها ولازم تخوضها للنهاية....لازم تتشجع شوي بس وتتمالك علشان لاتفضح حالها وبعدين تشوف وش يصير,,,
ابو مشاري يابنتي يازينة مافي شي بيجي الا بالطيب ومحد بيغصبك على شي ..وان قلتي أي عساه الف مبروك وان قلتي لا بنظل انا وعمك احباب ومابيزعلنا ها الشي..
ابو احمد انا هذا اللي بغيت اقوله...
خوفها الداخلي مامنعها ابدا تنطق وتقول بس انا موافقة؟
تراْت لها ابتسامة الطرفين اللي مقدروا يخوفنها ...
وذبحها خوفها ذيك اللحظة وهي تكمل ومنهي تقدر ترفض احمد بس ياعمي؟؟؟
تلاشت بها اللحظة الابتسامتين اللي قدامها وارتسمت بدالهم الف علامة استفهام؟

اشوفكم بكرة على خير يالغلا,,,

منوريني زي العادة يالغلا,,,

البارت الثالث والثلاثين...


دكتورة هالة...دكتورة ...
رفعت راسها وانتبهت ان الممرضة تناديها..
هالة بثبات خير في شي....
الممرضة في مراجعين دكتورة...ادخل ولاانتظر شوي..
تنهدت وقالت خمس دقايق ودخلي اول واحد...
طلعت الممرضة وتنهدت....
شي بحياتها قاعد يقلقها....
اول ها الاشياء الاجازة الاستثنائية اللي قدمتها وكاهي قبالها باقي توقيعها بس!!
ماتدري ترد المستشفى من جديد ولالا بعد ما....
غمضت عيونها ماتبي تتخيل شكل حياتها بعدين شلون بتصير؟؟؟
ياترى ياهالة وش بيتغير في حياتك؟
ابوها امس كل كلامه لها ولااخوها احمد وكيف انهم لسه ماجابوا عيال وكيف بيحسون بالاستقرار كذا!!
ماتدري يبى ان بنتك ماراح تكمل حياتها وبتطلق؟؟؟
لانك لو دريت ماراح تخليها تطلق؟؟
سامحني يبى..بس لازم اتخذ ها الخطوة بنفسي وبدون شورك لاني ماابيك تجبرني على أي شي راح يضايقني!!!

زينة ظلت تناظرهم وهم يناظرون في بعض...
زينة بارتباك خفي في شي...انا قلت شي..
ابو مشاري بتوضيح وش يدخل احمد بالسالفة يايبى يازينة؟
زينة شنو يعني؟
ابو احمد كان ماخذ دور المتفرج بس ومااقحم نفسه بكلامهم...
ابو مشاري بخجل من صاحبه يبى اللي خاطبك ,,,,,
زينة بسرعة احمد..
ابو مشاري لايبى...مو احمد؟
زينة مسوية مصدومة مو احمد؟شلون يعني!!
ابو مشاري انا ماقلت لك احمد ولاجبت اسمه على لساني!!وبعدين احمد متزوج كيف بيخطبك بس يبى؟؟
زينة يبى...احمد كان جاي مع عمي ذاك اليوم وانت كلمتني بعد ماطلعوا عن الخطوبة وانا من قلت لي خططبك لولده حطيت في بالي احمد بما انه معاه جاي؟؟وعلشان كذا قلت لك موافقة,,,,,,
سكتوا اثنينهم وهم يناظرون في بعض..
زينة بتصنع يبى..احمد هون يعني مايبيني؟
ابو احمد بسرعة لايبى من قال هون عاد؟
ابو مشاري ابو احمد....
ابو احمد كمل بس انتي تعرفين انه متزوج؟
زينة وهذا شي يعيبه بس ياعمي!!احمد لو يكون متزوج اربع ويتقدم لي اكيد بوافق...هذا افعاله تشيخه ياعمي وتكبره بعيون الكل....
ابو احمد الله يسلمك يابنتي..بس انا اقول يعني راجعي نفسك....احمد ماراح يعدل بينكم....
زينة انا راضية بكل شي يقوله احمد ياعمي....كل شي...والله مايهمني الا اني اكون بقربه وبس!!مابي شي ثاني...
يوم شافت الصمت بالجو استاْذنت وقامت وكانهم يبونها من الله تقوم وماردوا عليها...
يوم قامت قال ابو مشاري بلوم ابو احمد انت شسويت؟
ابو احمد شسويت؟ماسويت شي؟
ابو مشاري ابو احمد الله يهداك..انت قلت غسان مو احمد؟
ابو احمد وهي وافقت على احمد مو غسان؟
ابو مشاري وانت دخلتها في بالها....شلون اللحين تلاقيها تعلقت وش يفكني انا من ها السالفة؟؟زينة اعرفها اذا احد قال لها عن شي وتعلقت تبيه يعني تبيه؟
ابو احمد حلال عليها احمد....اصلا وين احمد يلاقي وحدة مثل زينة؟
ابو مشاري ومرته؟
ابو احمد يوم زينة ماعندها مانع وعارفة انه متزوج خلاص مافي مشكلة قدامنا....احمد وين بيلاقي وحدة بنت اصل ومثل زينة؟؟ولاانت مو عاجبك احمد يابو مشاري؟
ابو مشاري افا!!انا مايعجبني احمد عاد؟اذا احمد مابيعجبني منو بيعجبني بالله!!
ابو احمد خلاص اجل خلصنا...
ابو مشاري بس يابو احمد....
ابو احمد الرجال قادر يفتح بدل البيت عشرة والخير موجود ياخوك؟وبعدين انا مو تاركه على بنت الفقر وبزوجه ويوم زينة شافته حلو بعيونها واختارته...خلاص بعد مانقدر نقول الا الف مبروك..
ابو مشاري أي بس لو مارضى لاتغصب عليه...
ابو احمد اقولك هو داري اني بزوجه يابو مشاري...
ابو مشاري وهو عارف انك خطبتها لااخوه؟
ابو احمد لا..محد عارف غيري وغيرك بس!!!

ماقدرت تدخل ولامحاضرة بالجامعة اليوم...
اصلا من جلست على ها الكرسي بالكافتيريا ماقامت منه....,,,,
شي داخلها قاعد يدق بقوة....
كانت معه طول الطريق من طلعوا من البيت وماانتبهت الا يوم كلمها؟؟؟
مجنون...ياربي انا خايفة منه؟؟
انا مقدر اقول لااحد عنه وعن سوالفه...اخاف....هذا قريب ام وليد ومدري شبيصير لو اقول لااحمد لو غسان عنه؟
هذا مطلق ومدري وش سوالفه مع زوجته؟؟لاوعنده بنات؟؟؟صدق ماهو كبير واصغر من احمد اخوي وتزوج بدري بس بعد انا مااعرف عن حياته ولاشي؟؟؟
اوووف ياربي اوووف.....
جاها مسج من رقم غريب وفتحته(الحياة روعة بوجود من نحب,,,
فهل يعلم من نحبهم انهم روعة الحياة؟؟)
طنشت لانها قالت يمكن غلطان..
بس بعد ثانيتين بس جاها مسج من نفس الرقم,,,(ليه انا في دفتر ايامك سطر...
ودفتري مابه لااحد غيرك مجال!!)
اووف انت بعد وقتك مع ها المسجات السخيفة؟؟؟
رجع ارسل لها(لو القنوات تذيع اخبار المشتاقين,,
كان شوقي لك في كل ساعة خبر عاجل؟؟؟)
جت بتقفل الجوال بس جاها اخر مسج وخلاها توقف تناظر وتقراء بصمت وهي عيونها بتطلع,,(هلا دارين...عارف انك مفكرة ان المسجات غلط؟؟
لاماهي غلط..مرسلة لك انتي....
انا مطلق...جبت رقمك وماظنتي انه صعب!!!
حبيت اصبح عليك ولو اني صبحت بوجهك الحلو وكان احلى صباح....
ادري ماراح تردين علي ولا على مسجاتي..بس اسمحيلي اكلمك عن نفسي شوي...
انا,,,انسان عادي بها الدنيا...لي حياة يمكن ماتعجبك ولاراح تعجبك وتناسب مستواك...بس يوم شفتك....تغيرت حياتي...صرتي جزء كبير من تفكيري,,,
احب اشوفك واسمع صوتك دايم!!
مدري يسمونه اعجاب ولاحب ولا شنو بالضبط؟
لاتحقريني.....انا فعلا تعلقت فيك)
هذا وش قاعد يقول؟؟؟وش ها المصيبة اللي جاتك من ها المطلق بعد يادارين!!!

في الكويت...

ناريمان غسان منت مجنون تروح وترجع بنفس اليوم؟
غسان يبى فدوة للي رايحين نشوفه..
ناريمان أي بس بعد لاتلقوا بايديكم الى التهلكة؟
غسان هذا ابوي ياناريمان وبظل على اعصابي وهو هناك تعبان..وكان يوم اووف...
ناريمان أي بس الحوادث اللهم ياكافي...
غسان الحمدلله عدت سليمة...
ناريمان أي بس بعد خذ بالك؟
غسان انتي وين ساكنة هنا؟
ناريمان انا جالسة بفندق؟
غسان ليه عاد؟
ناريمان لسه مانضمت اموري....ومدري اكمل ولالا...
غسان ليه مو عاجبتك الدراسة...
ناريمان بتنهيدة كنت ابي اكون مهندسة ياغسان....
غسان سكت وناظرها...
ناريمان بحسرة بس امي وابوي الا اطلع محامية....
غسان أي بس هاذي رغبة اذا ماقدر البني ادم يحس ويشعر انه بيكون فيها ماراح يكون ابدا بالضغط والالحاح؟
ناريمان تقول لمنو بس؟؟؟
غسان انتي بنتهم الوحيدة؟
ناريمان وش تعني كلمة وحيدة؟
غسان وش تعني بعد!!يعني ماعندهم غيرك؟
ناريمان عيلتي مشربكة كثير....لك خلق تسمع..
غسان طبعا...انا ماعندي شي....
ناريمان اجل اسمع...امي قبل لاتتزوج ابوي كانت متزوجة قبل وعندها ثلاث عيال...وتطلقت واخذت واحد ثاني وجابت منه بعد واحد وتطلقت وابوي قبل لايتزوجها كان متزوج وعنده اربعة عيال وبعدها طلق واخذ وحدة ثانية وجابت له ثلاثة وظلت عنده وتزوج امي وجابوني....يعني اللي كنت اقصده اني مو وحيدة عندي كثير ماشاءالله حتى بعضها مااعرف اسمائهم بس انا الوحيدة اللي بينهم حاليا..يعني شي مشترك بين الاثنين...
غسان ماشاءالله...وساكنين بنفس البيت؟
ناريمان لا...ماهم على وفاق....كل عيلة بشقة وصايرين كنا عيلة الحاج متولي؟
غسان ابتسم انا بعد ابوي متزوج قبل امي وللحين علاقتنا فيهم موحلوة..رغم ان سنين مرت واحنا كبرنا..بس مدري.....بس احنا ساكنين بنفس البيت ابوي مايرضى نفترق...
ناريمان وامك؟
غسان باسف عطتك عمرها...
ناريمان الله يرحمها..اي كنك قلت لي....طب عندك اخوان من امك وابوك؟
غسان بفخر شلون ماعندي...عندي الصيدلي احمد والدكتورة هالة...ودارين؟
ناريمان ماشاءالله......الله يخليهم..ودارين لسه ماقررت وش بتكون ولاصغيرة بعد!!
غسان صغيرة..يعني اصغرنا بس تراها بالجامعة...وماقررت شتبي...بلى تدرس ترجمة.لغات....
ناريمان وانت بتكون المحامي غسان...ابوكم كان يبيكم كذا حسب ها التقسيم ولاامكم؟
غسان لا...ابوي ترك كل شي بختيارنا..وكان يبينا احنا الاولاد نمسك معه الشركة بس ماحققنا له ها الامنية...
ناريمان وزعل عليكم؟
غسان لاابدا....بالعكس فرح لااحمد كثير واللحين فرحان لي..وانا بالاجازة اروح له الشركة واتعلم منه الشغل واحمد بعد كل يومين يروح له الشركة....
ناريمان اممم فطرت؟
غسان لالسه؟
ناريمان طيب فيني اعزمك؟
غسان بحمية شلون تعزميني وانا الرجال؟؟لاطبعا ماراح ارضى؟انا اللي بعزمك؟
ناريمان ومن قال اني برضى تدفع عني!!
غسان شلون يعني ترفضين عزومتي!!
ناريمان يبى تدري شلون خلينا امريكين وكل واحد ياخذ فطوره على حسابه اليوم وبلا عزايم بلا بطيخ,,,

مريم يمه شفيك؟
ام وليد شفيني بعد...وليدوا جعله اللي ماني بقايلة...بيطفر عيشتي عساه شقول بس...
مريم بملل شمسوي بعد يمه؟
ام وليد بدل مايروح يعتذر من ابوه ويكسب رضاه عازم لي شلة السوء اللي ماشالوا همه ولاحتى استقبلوه وبيطلع معهم قطر؟
مريم وطبعا على حسابه؟
ام وليد ياربي شسوي فيه انا...والله مو قادرة عليه؟
نسايم انتي كبرتي راسه ياعمتي!!
لفت ام وليد لنسايم اللي ماانتبهت لوجودها يوم تدخل مع مريم وسكتت لانها ماتحب احد يسمع بسوالف عيالها..
نسايم مريم قالت لي عن اللي صار...انا اقول...انتي زعلي منه وبيني له انك متضايقة يمكن يحس شوي..اما اذا تركتيه على راحته وانتي قممتي تلاحقينه غسلي يدك منه؟
سكتت ام وليد وقامت تناظر بمريم بضيق معناته حسابك بعدين....
نسايم هو بيني وبينك ياعمتي انتي بعد مادافعتي عن وليد قدام ابوه...كان بينتي ان الغلط من ريم ليش داخلة الفيلا بروحها؟هناك مو فلتهم.....
ام وليد بحدة أي بس كانت فلتهم قبل لاتجون انتوا وينتقلون للفيلا الثانية..يعني غرفة احمد هنا لسه مثل ماهي ماتغيرت ومفتاحها لسه مع احمد وريم لانهم بليالي العيد يبيتون هنا.....
سكتت نسايم وماعلقت بشي...
وقفت ام وليد وقالت انا رايحة اشوف الطباخ وش سوى على غذى اليوم...
نسايم أي خذي راحتك ياعمتي...
ام وليد كانت تاْشر لمريم انها تقوم تلحقها بعد شوي لانها تبيها ضروري.بس بدون ماتنتبه نسايم.
وبعد ماراحت بشوي..
مريم انا بروح اجيب جوالي وجاية....

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -