رواية الله يسامح اثنين جابوني للدنيا و راحو و خلوني -27
راكان بانت على ملامحه الصدمه:هدى ماغيرها؟!
دانا طالعته بنص عين:ليش تعرفها؟
راكان إرتبك:هاه لابس إستغربت وش جابها هنا!
دانا:من قصدك لجين بنتها وإلا هي!
راكان تلخبط ضف أوراقه وقام عنها متوجه لغرفة النوم
دانا إستغربت من إرتباك راكان وهروبه حست إنه يعرف هدى
,
باست لجين :تبيني أحط لك على افلام كرتون
لجين بإبتسامة خجل:إيه
قعدت دانا تقلب بالقنوات وحطت قناة mbc3
وقامت :ماعليك جولي لاتخافين إقعدي تفرجي وأنا بروح شوي وبجيك
لجين:إنزين
راحت دانا لراكان وشافته
منسدح على السرير وسرحان باين إنه متعمق بالتفكير
جلست على طرف السرير:راكان ممكن أتكلم معاك
راكان طالعها:وش عندك
دانا:أنت تعرف هدى؟
راكان :ليش يهمك إذا أعرفها أولا؟!
دانا:
راكان قام وجلس وقرب منها وأنفاسه الحاره تحرق وجهها
دانا غمضت عيونها وبلعت ريقها
توترت من قربه
ومن أنفاسه
راكان بهمس وهو يحاول يسيطر على نفسه :ترى الغيره واضحه عليك يعني لاتكابرين أدري إنه يهمك بس إرتاحي مااعرفها
بس هاذي معروفه سمعتها زفت
وقام وراح عنها
دانا فتحت عيونها وتنهدت
"معقوله اكون اغار على راكان لا لا مستحيل
بس أنا صرت اميل له ومااقدر أخبي هالشيء
هو حاس فيني كل ماقرب مني رحت فيها
حتى صرت ماافكر بعساف كثير"
ماتدري ليش قامت وطلعت من الغرفه تبي تروح عنده! وشافته
بيطلع من الشقه
دانا قعدت تطقطق أصابعها:راكان لحظه
لف عليها وقعد يطالعها وكأنه يترجاها إنها ترحممممممه
وكانت نظراته وكأنه يقول
حرام عليك يادانا عذبتيني
لاانتي راضيه بقربي
ولاانتي مخليتني بحالي
قربت منه وعيونها متعلقه بعيونه لأنها تفهم لغة العيون وحاسه فيه:إممم أنا كنت بسئلك انت كنت تعرف إن هدى رقاصه
راكان تنهدوشال عيونه عنها:إيه
داناوهي تلعب بدبلتها:طيب شدراك إن إسمها هدى هي قالت لي إن إسمها الفني ماريا
راكان ضحك بسخريه:والله لوتغير إسمهاعشرين مره هي رقاصه معروفه بمراقص الشام
وواحد من إخوياي يعرفها شخصيا
وجاء بيطلع
دانا مسكت ذراعه
راكان طالع يدها اللي على ذراعه وطالع بعيونها:أنتي وش تبين بالظبط؟
داناتوترت مره وخرت يدها عن ذراعه وهي تعلب بدبلتها:اكيد خويك اللي يعرفها وإلاانت!
راكان:ليش اقولك !تغارين يعني!
دانا بعصبيه وكأنها بتأكد له ولنفسهاإنها موب حاسه بالغيره:لا مااغار مااغار
راكان حب يحرق اعصابها شوي:خلاص دامني مااهمك موب لازم تعرفين من اللي يعرفها انا او خويي
دانا بنبره حنونه :إيه بس انت زوجي
وسكتت وهي مستغربه من نفسها
راكان ضم كل يديها بين إيديه:يعني أهمك
دانا طالعت بعيونه بصمت
راكان :جاوبيني أهمك ولا لا
لا تقولين لأني زوجك حنا زوجين على الورق بس
دانا بدون شعور:حتى ولو انت ملكي ومااسمح لأحد يشاركني فيك
راكان خلاص ذايب فيها لاكن مازال يبي يسيطر على نفسه:عن إذنك بروح
دانا:وين!
راكان بهمس:مدري أي مكان انتي موب فيه رحت لغرفة النوم لحقتيني جيت ابطلع لحقتيني انا مابي اخرب إتفاقنا
واسوي شي انتي ماتبينه
وجاء بيطلع
داناحاسه بالذنب قالت بنبرة ترجي :لاتـروح
لف عليها راكان
وقعد يطالعها
دنا وخرت عيونها عنه مره توترت نظراته لها أحرقتها
قرب منها وباسها بقوه وبكل شغف مع شفايفها
وطول وهو يبوسها
ودانا بقمة الصدمه
بعدين ضممممهاشوي
وفتح باب الشقه وتنهد وطلع بسرعه مايبي يشوف ردة فعلها
دانا داخت من ريحة عطره اللي تعلقت بملابسهابعد ماضمها
ومن بوسته
لمست شفايفها بيدهاوإبتسمت ومازالت ملامح الصدمه باينه عليها
راحت عند لجين
وفكرها مشوش
ودها تعرف راكان وين راح
"ياربي انا خربت إتفاق الصداقه اللي بيننا اناغلبت راكان
بس انا مابيه يحبني ولايحسسني بالحنان هذا كله
لأني غصب عني صرت اميل له وبقوه
صعبه انسى عساف بكل سهوله
بس راكان عوضني عن الحنان والأمان والدفا اللي انا فاقدته
وشكيت له همومي وقلت له قصتي كلها وماعاتبني بالعكس وعدني إنه ينسيني كل اللي عانيته
وعساف دخل علي بفترة ملكتي لأنه موب واثق فيني
لاكن راكان وانازوجته ماقرب مني لاني موب راضيه
لاكن عساف كنت اترجاه وماهمه رجاي
وسرحت بأفكارها وهي تقارن بين عساف وراكان
"
فهد وحنان بعد ماودعو إمهم بالمطار
رجعو لـ الفندق
وماكانو عارفين من اللي يراقبهم
حنان كانت تبكي
جاء فهد بيسكر الباب
شاف إبوه بوجهه
إنهبل ماتوقع إنه يشوف إبوه ابد
دخل وهو معصب:يله بسرعه ضفو اغراضكم وتعالو معاي
فهد:وش جابك انت شلون عرفت إنا ساكنين هنا
ابوه:ماهو شغلك بعدين حسن ملافظك ياقليل الحيا
فهد طالع إبوه بإحتقار
إبوه عصب منه شوي ويعطيه كف طالع حنان:يله انتي خلي عنك البكي وروحي جهزي اغراضك اباخذكم
حنان مسحت دموعها وقالت بصوت باكي:مابي ماني رايحه معك خلاص موانت طردتنا
ابوهاعصب بجد:تبين تروحين معاي ورجلك فوق راسك بعد يله بسرعه قدامي اشوف جيبي قشك إخلصي
حنان خافت من عصبية ابوها قامت بإستسلام وهي تبكي
وراحت تضف اغراضها
فهد :لاتظن إنك قدرت على حنان راح تقدر علي
ابوه قرب منه وعطاه كف:أقدر عليك وعلى عشره من اشكالك ونادى بصوت عالي :ياحنان جهزي اغراض اخوك معك
فهد حط يده على خده:هاذي ثاني مره تضربني والله لأردها لك وجاء بيطلع
مسكه ابوه مع ياقة التي شيرت:انت ماتستحي على وجهك ياولد؟
فهدطالع ابوه بتحدي:لا تدري ليش؟ لأنك ابوي
ابوه فقد اعصابه:حسبي الله عليك من ولد لوإنك ضليت بنت كان ابرك
فهد غمض عيونه يمنع دموعه تنزل
حس إن ابوه جرحه برجولته
مسح وجهه بيده
ووقف عند الباب بصمت
جات حنان وهي لابسه عبايتها ووتبكي
وتدف الشناط
إبوها:وشوله كل هالشناط
حنان :ثنتين لي ووحدده لفهد والباقيات حقات امي
إبوها:امك سافرت بدون رجعه
حنان إنصدمت:انت تدري يبه إنها مسافره!
ابوها:ايه ادري هي اللي قالت لي اجي آخذكم لأنها حاسه بالذنب ماتبيكم تضيعون واناأولى فيكم من امكم انتم معاي راح تعيشون بالعز اللي انتم متعودين عليه
وهي سافرت لأنها ماتبيكم
حنان إنهارت من البكاا:يبه انت وش قاعد تقول مستحيل امي تسوي فينا كذا
فهد إنقهر:إلا صدقي ياحنو ماتشوفينها سافرت فجأه وهي كانت مأجله السفره وماتشوفينها بالمطار كانت تبكي وحضنتنا وكأنها بتشوفنا لآخر مره
امي قاسيه من يومهابس إنها بعدين تعدلت وصارت تحبنا ويوم حنا تعلقنا فيها راحت وتركتنا مثل ابوي
ابوه طالعه بعصبيه:انت شفيك ليش كل هالحقد علي تراي ابوك ماني عدوك
فهد:والله العدو ارحم منك
ابوه كتم غيضه
واخذ نص الشناط:إلحقني بالشناط الباقيه ياقليل الحيا
وطلع
حنان منهاره بالبكا:ماني مصدقه يافهد والله ماني مصدقه ليش كل هذا يصير لنا ليش
ابي امي
مابي ابوي
وبكت
فهد اخذ الشناط:ولايهمك ياحنو الله كريم
وطلع هو وحنان اللي تشاهق من البكا
سلم فهد المفتاح
وجاء بيدفع الحساب لقاه مدفوع
طبعا ابوه دافعه
ركبت حنان ورى وهي تمسح خشمها الأحمر من الصياح
فهد حط الشناط بشنطة السياره اللي ورى
وجاء وركب قدام عند ابوه وهو مكشرومتضايق
داناصلت الفجر
وراكان للحين ماجاء إنشغل بالها عليه
طالعت لجين اللي نايمه على الكنب
راحت وجابت لها لحاف وغطتها فيه
وإنسدحت جنبهاوقعدت تقلب بقنوات التلفزيون
سمعت صوت المفتاح
وبسرعه نزلت الريموت على الطاوله وسوت نفسها نايمه ماتبي تشوف راكان
ماتدري ليش
دخل راكان وسكر الباب
وجاء لـ الصـاله وشاف دانا نايمه وبحضنها لجين
قرب منها وجلس عند طرف الكنب
مسح على شعر دانا بحنان
وغطاها زين هي ولجين
وباس جبهة دانا وهو يهمس لهاويتأمل شكلها وهوعلى باله إنها نايمه:الله لايحرمني منك ياالملاك الطاهر
وراح
دانا تنفست ريحة عطره اللي بقت بالمكان
وفتحت عيونها وهي تقول بنفسها"ولايحرمني منك ياراكان
خلاص انا لازم أعتبرعساف من الماضي أناصرت من نصيب راكان وهو راح يكون زوجي طول العمر لأنه وعدني إنه مايتخلى عني
أنا وياه عايشين بجحيم والسبب أنا
لأن عساف عايش بيننا
أنا لازم أنساه لازم
راكان من تزوجني وهو ناسي ساره
ولو عطيته من إهتمامي شوي راح ينساها للأبد
لازم انسى عساف لازم
خلاص هو حبيبي بالماضي
بس الحين إفترقناومايجوز أفكر فيه وأنا على ذمة راكان حرام أعذب راكان عشان عساف لازم أنساه لازم"
ريم كانت بالمشغل هي وبيادر
بيادر كانت قاعده تتفرج على الكتلوجات
وريم الكوفيرا قاعده تصبغ لها شعرها
نادت ريم بيادر:أقول بيدو
بيادر:هاه
ريم:هويتي بحضن عبد إن شاءالله
بيادر:ههههههههه اسم الله علي
ريم:تصدقين مشتاقه لدانا حيل من تزوجت وهي لاكلمتني ولاشي
بيادرتبتسم بخبث:شكلها غرقانه بالعسل يلا عقبالك انتي بعد
ريم إستحت:كولي تبن بس
بيادر:ههههههههههههه طيب صدق ليش ماتدقين عليها
ريم:لا مدري مستحيه أحس فشيله
بيادر:بالعكس عادي
ريم:خلاص شورك وهداية الله ابدق عليها إن شاءالله شوي لاطلعنا من المشغل وأشوف متى بيرجعون شكل الأخت ناسيه زواجي أنا واخوها اللي مابقى عليه شي
بيادر:عقبال ماتنسين نفسك انتي بعد مع خالدههههههههه
ريم تدور أي شي ودها تصك بيادر فيه :ياللي ماتستحين على وجهك
بيادر:هههههههههههههههههههه
ريم مدت البوز:تقلعي بس
بيادر ميته ضحك على شكل ريم وهي معصبه ومستحيييه طالع وجهها أحمر من الخجل ههههههههههههه
دانا صحت على صوت الجرس
قامت وكلها نوم فتحت الباب
وشافت هدى وهي تترنح وتاكل العلك بطريقه وقحه:سلام
دانا:وعليكم السلام
هدى:لوجي صاحيه لو نايمه
دانا:لانايمه
هدى جات بتدخل وهي تترنح وتقول:خلاص بدش آخذها
دانا مسكتها:لا انا بجيبها لك
هدى ضحكت وهي تضرب دانا على كتفها:شفيج عيوني آني بدش آخذها
دانا حطت يدها على كتفها وهي تتحسس ضربة هدى وإبتسمت بخوف:لا لا أنا بدخل اجيبها زوجي فيه وأخاف يصحى
هدى:إنزين آني ناطرتج هنانه
دخلت دانا بسرعه وهي خايفه إن راكان يصحى شالت لجين
وجابتها لإمها
فتحت هدى باب شقتها
ودخلت وهي تضحك وتترنح وباين إنها موبوعيهاأشرت لدانا على غرفة لجين:تعالي حطيها هنانه
دخلت دانا غرفة لجين وحطتها على سريرها باستها مع خدها وطلعت
وشافت هدى بالصاله
رافعه فستانها إلى فخوذها وتنزل صندلها
اللي كان عباره عن صندل كعب وفيه خيوط مربوطه على شكلX إلى نص الساق
وفستانها كان قصير تحت الركبه وضيييق وعاري
جات دانا وهي تلعب بدبلتهاصارت هاذي حركتها كل ماتوترت!
جلست على الكنب جنب هدى:أنتي توك راجعه؟
هدى:إيه عيوني آني هسه راجعه من الشغل
دانا:طيب يلا انا بروح تبين شي؟
هدى:بدري قعدي خلينا نشرب قهوة الصبح ويا بعض
دانا:لامعليش بروح وأجيك وقت ثاني
هدى:إنزين
قامت دانا :يلا مع السلامه
هدى:الله وياج
طلعت دانا من شقة هدى وسكرت الباب
ودخلت شقتها
وسكرت الباب
وراحت للغرفة النوم
وحمدت ربها إن راكان للحين نايم
أخذت لهاملابس
ودخلت الحمام (والجميع بكرامه)
عشان تاخذ لها شاور
وهي تقول بنفسها لازم أغير حياة هدى لازم
مومعقوله الوحل اللي هي فيه
عساف بعد ماتمشى بتركيا
وحس إنه مشتاق لديرته ولإمه
قرر إنه يحجز عشان يرجع لـ السعوديه
وكلم إمه عشان يبلغها
وكانت براسه فكره حالف إنه يسويها وينتقم من دانا
يعني تقدرون تقولون حبه لدانا تحول لإنتقام
!!
فهد وحنان
بعد مارجعو مع إبوهم لبيتهم
حسوإنهم مرتاحين عند إبوهم
حتى جوليانا
ماعارضت جيتهم أبد
يمكن لأنها خايفه من إبوهم اللي كان معصب
حنان تدق على إمها وإمها ماتردعليها
بكت من القهر ماتوقعت إن إمهم سوت فيهم كذا
فهد دق على دانا وماردت
أرسل لها مسج"سلام وينك؟انتي وعدتيني تدقين علي ومادقيتي!"
دانا طلعت من الحمام والجميع بكرامه
سوت شعرها كيرلي
وحطت قلوس وردي وكحل خفيف
وتعطرت
وكانت لابسه فستان وردي ناعم
أخذت جوالها من على الكومدينا
وشافت إتصال ومسج من فهد اللي كانت مسجلته عندها بإسم فاتن
قرت المسج
وراحت لـ الصاله
ودقت عليه
كلها ثواني وجاها صوته:الو
دانا:اهلين
فهد:هلا والله أخبارك
دانا:تمام وأنت؟
فهدتنهد:ماشي حالي
دانا:ليش شفيك!
فهد:لاأبدمافيني شي بس شوية مشاكل بالبيت
دانا:الله يعينك يارب
فهد:آمين
دانا:آمرني وش بغيت
فهد:إحم كنت بقولك عن الدكتوره وفاء اللي انا اتعالج عندها صدق هي إختك
داناتنرفزت من طاريها:لا بس ليش تسئل
فهد:لاني أنا أول ماتعالجت عندهاقلت لها انتي تشبهين دانا حيل
وقال لها كل شي
داناإنصدمت:يعني انت اللي دليت وفاء وامها علي!
فهد:شفيك عصبتي
دانا:لا ولاشي يلا انا لازم اسكر بعدين فهد معليش تراني بمسح رقمك لأني متزوجه ومابي زوجي يشك فيني
فهد إستغرب من عصبيتها:طيب براحتك
دانا:باي
وقفلت الخط بدون ماتسمع رد فهد
ومسحت رقمه
أخذت نفس
وراحت بتصحي راكان
طلع راكان بوجهها أول ماطلعت من الصاله
شقهت وحطت يدها على قلبها:بسم الله
راكان:شفيك شايفه جني؟
دانا :يمه خوفتني
راكان إبتسم:ليش كل هالخوف وش كنتي تسوين
دانا:لا لا مااسوي شي
راكان:طيب صباح الخير
دانا:صباح النور
راكان طالع بعيونها:كل هالكشخه لي
داناإستحت وماتكلمت
راكان:شرايك على هالكشخه نطلع برى نتمشى ونروح للبحر
داناإنبسطت:إي تكفى والله وناسسسسه
راكان قرب منها ومسك خشمها على خفيف:لاتقولين تكفى ترى نقطة ضعفي هالكلمه
دانا وقفت بمكانهامثل الصنم
راكان ضحك على شكلها:شفيك انتي اليوم منتي طبيعيه
دانا:لا مافيني شي
راكان:طيب يله تجهزي عشان نطلع
دانا:أوكي
عساف كان بالمطار ودع تامر
وودع كل الأشياء اللي سواها هنا
وركب الطياره اللي متوجهه لـ السعوديه
دانابعد ماتمشت هي وراكان وتغدو
رجعو للشقه وقرروا يروحون للبحر بالليل
دق جوال راكان وكانت ريتان
راكان:هلا والله بـ هالصوت
ريتان بزعل:أهلين
راكان:شفيك
ريتان:وينكم طولتو خلاص إرجعو
راكان ضحك
دانا كانت قاعده جنبه وتقلب بالقنوات ذابت على ضحكته
ريتان:مالت عليك
راكان:مالت عليك انتي اغصان الجنه يارب
ريتان:والله بجد ركون متى بتجون
راكن:ركون بعينك إن شاءالله قريب
ريتان:متى يعني
راكان:قلت لك قريب المهم قوليلي اخبارك واخبار امي وابوي وحاتم
ريتان:كلنا بخير ونسلم عليك
راكان:عساه دوم والله يسلمكم من كل شر
ريتان:يلا مابي اطول عليك بس حبيت اتطمن عليك واشوف متى بتجي سلم لي على دانا وبوسها لي
راكان ضحك بخبث وطالع دانا:طيب ماطلبتي شي
ريتان: يلا باي
راكان:بحفظ الله
بعد ماسكر من ريتان
قرب من دانا وحضنهاوباسها بقوه مع خدها:ترى ريتان تسلم عليك وهالبوسه منها لك هي قالت لي أبوسك
دانا إستحت وتوترت من قربه:الله يسلمها يارب
وقعدت تطالع التلفزيون وهي ماتدري وش فيه
وسرحت "ياربي اهلي محد منهم فكر يدق يسئل عني والله لو اموت مادرو عني لابشاير دقت ولا ريم ولاحتى خالد اللي أحسه هو أقرب شخص لقلبي بجد راكان هو الشخص الوحيد اللي إحتواني"
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك