رواية من أعماق أحضان مجنونة -28
الجوهرة قلبي معك ياهالة...وبس تروحين هناك عطيني خبر وبجي ازورك..
هالة برجاء أي تكفين لاتقطعيني...تعرفين الاجواء اللي بعيش فيها هناك مع ام وليد وعيالها....
الجوهرة الله يسهل.....طيب والمستشفى...
هالة انا ماخذة اجازة بس مدري بعدين عن ابوي ...
الجوهرة واذا قال لك لا مافي مستشفى وش بتسوين...
هالة تنهدت وماعلقت بشي...
مجرد التفكير بها الشي يخوفها....وهي اللي عارفة ابوها زين....
مطلق شفتي شزيني ماحبيت اخرب عليك واركب معك بالسيارة لاتتضايقين؟
دارين بحدة لاوالله هذا اللي قاصر؟
مطلق ها بنبدي بالاستفزاز...انتي عارفة اني اسويها وماهي صعبة علي؟
دارين............
مطلق بضحكة أي خليك كذا شطورة وتسمعين الكلام...
دارين بتعب انت شتبي؟
مطلق اششش...ليه معصبة من على الصباح...بس قولي لي من اللي تجراء وضيق خلقك؟
دارين بسرعة ومنو غيرك؟
مطلق طيب وش تبين اسوي علشان ترضين؟
دارين ابعد عني؟
مطلق مااقدر؟
دارين ليه؟
مطلق لان روحي تعلقت فيك؟
دارين بس انا احب غيرك زين كذا؟
ضحك ضحكة جلجلت السيارة كلها....
مطلق عيديها ثاني ماسمعتها؟
دارين بتحدي احب غيرك....
مطلق بثقة مو مشكلة ننسيك اياه وننسيك حتى اسمه؟وش ورانا عاد؟
دارين اووووف...انت مافي شي ياءثر عليك؟
مطلق تدرين اني اموت على عنادك.....
دارين مطلق اعقل....
مطلق هذا انا تحت يدك عقليني وسوي فيني اللي تبين؟
دارين اه...
مطلق ليتها بقلبي مو بقلبك ياعمررري....
دارين وش بعد ها الكلام؟
مطلق خلينا نعيش ونشوف.....
دارين انا مو راعية ها السوالف يامطلق وروح دور لك غيري عيش معها حالة الحب اللي فيك؟
مطلق بثقة ماابي غيرك....دخلتي مزاااجي ماابيك الا انتي!!!
زينة صباح الخير على ابو مشاري الحلو؟
ابو مشاري قعدي ابيك...
زينة وقف قلبها.. لاصباح الخير ولاهلا وسهلا واللهجة هاذي يعني اللي جاي مو خير؟
قعدت قبالها وهي تناظر فيه..
ابو مشاري قولي لي اللي تعرفينه؟
زينة اعرفه عن شنو يبى؟
ابو مشاري عن اخوك ومريم,,,,
زينة مشاري ومريم؟
ابو مشاري أي..ولاتقولين لي مااعرف شي لاني مابصدقك؟
زينة أي بس انا فعلا مدري وش بينهم يبى؟انت سامع شي؟عارف شي؟احد قايل لك شي؟
ابو مشاري اللحين انا اسئلك تقولين لي انتي اذا كنت اعرف شي؟
زينة يبى..انت وش اللي فاتح لك السيرة اصلا؟
ابو مشاري امس شفته سهران ويوم سئلته قال ولاشي...بس شكله كان تعبان ومتضايق ويوم سئلته هل هو مرتاح مع مريم قال لي لا...
زينة انا هذا اللي اعرفه بعد...انه مو مرتاح معها...متضايق من تصرفاتها ومن تطنيشها ولامبالاتها...بس اكثر من كذا ماعندي خبر يبى؟
تنهد ابو مشاري وماعلق بشي..
زينة طيب دق له يبجيك من الشركة وجلسوا سولفوا واعرف منه اللي صاير؟
ابو مشاري طالع دبي من الصباح...عندنا اجتماع بوكيلنا هناك وهو بيحضره بدالي وبينوب عني؟؟
زينة معناته لارجع فاتحه بالموضوع....
بعد صلاة العصر,,,,
في غرفة جراح.....
دقت بشاير الباب وباالحاح..
جراح طيب طيب...شوي بس...
بشاير بلهفة يالله بسرعة...
فتح لها علامك انتي مطيورة؟
بشاير بنفاذ صبر جايبة لك خبر لاقبله ولابعده..
جراح بشماتة خير ان شاءالله...
بشاير هالة تطلقت....
جمد من كلمتها بس رفع راسه وقال بغضب انا ماقلت لك سالفتي معها علشان تجيني يوم ثاني وتقولين ها الكلام يابشاير؟
بشاير جراح شفيك؟
جراح بعصبية اكبر هاذي المواضيع ماينمزح فيها سامعتني!!ااذا مفكرة انك بتخلين هالة اللحين مصدر سوالفك وبياختك فاانا اقولها لك حريمتك...مو هالة اللي تجي سيرتها بغير التقدير فاهمتني؟
بشاير بحدة جراح...اسمع...هالة تطلقت...نسايم جايبة الخبر من عند عمتي ام وليد...ابوها رايح يجيبها اللحين وبتقعد هنا علطول؟
ليه يعني تفكرني اتشمت فيها يعني؟
قعد على فراشه بذهول وصدمة...
هالة تطلقت؟؟؟؟
شي ابعد من الخيال بالنسبة له؟؟؟
طب ليه؟؟وش اللي صاير؟
وشلون اللحين؟؟؟
كان يحرك بسبحته اللي بيده بعصبية وماانتبه انه قطعها وهو مايدري وانتثرت كلها على الارض,,,بدون حواس منه؟؟؟
في معتقل هالة الرسمي بشقة احمد,,,,,
كان ابوها جالس قبالها ومن دخل عليها ماقال ولاكلمة ولاهي بعد قالت شي...
واحمد فضل الانسحاب يوم شاف الجو كذا وعطى ابوه القيادة,,,
ظل الجو بينهم هدوء وسكون لااكثر من ساعة الاربع...
بعدها وقف وقال وهو عاطيها ظهره لبسي عبايتك بتجين معي البيت؟
هالة بعد فترة يبى...
ماقال شي بس لف لها يناظرها....
مسحت دمعتين بانوا منها بسرعة وقالت خليني اشرح لك...
بصرامة قال ماابي اسمع منك شي؟
كسرها اسلوب ابوها وهذا اللي توقعته؟
بس فضلت انها تسكت لانها لو عادت معه المحاولة مابتطلع باي شي....
فلازم تكلمه بغير وقت.....
شالت عبايتها ولبستها واخذت شنطتها ومشت قدامه....
كان يناظرها والف طاري وطاري يجول قدامه...بنته مطلقة؟ها الكلمة ماهي راضية تتفارقه؟
في الكويت,,,,
غسان اشتقت لهم حيييل...فوق ماتتصورين؟
ناريمان يابختهم والله...
غسان بحب اهلي غير اذا شفتيهم بتعرفين معنى كلامي....
ناريمان ان شاءالله تصير فرصة ونتعرف على بعض..
غسان بلهفة يمكن حلاوتهم ان لكل منهم شخصية مختلفة عن الثاني.....
ناريمان غسان شكلك غرقان فيهم؟
غسان هههههه
ناريمان وبعد...غير اهلك؟
غسان ماعندي شي...
ناريمان كم بنت عرفت؟
غسان حرام عليك؟
ناريمان طب كم بنت كلمت؟
غسان بعد حرام عليك..
ناريمان طيب كم بنت واعدت؟
غسان هاذي حرام عليك مرتين؟
ناريمان ههههه يعني اللي تبي توصله انك ماعمرك كلمت بنت ولاواعدت؟
غسان بجدية اصلا!!لعلمك حتى اللي معي بالكورس متعجبين كيف اني متواصل معك واكلمك ونتمشى بالجامعة سوا....
ناريمان صحيح..
غسان الا البنات ياناريمان...عمري مافكرت فيهم ابدا!!!مدري كذا ماعمري فكرت اني اكلم احد او امشي مع وحدة ولا ان يكون بينا أي شي...لين طلعتي انتي بطريقي!!!
ناظرته بخجل وابتسمت وبادلها الابتسام....
فتحت جوالها على مسج جايها من مشاري(انا بدبي تبين شي)
بشاير تنهدت وترددت وش تكتب له...
بس بعدين دزت له مسج(فيني اطلب منك طلب)
مشاري(انتي تامريني اكيد)
بشاير(ابيك تنتبه على نفسك)
مشاري(ليه يهمك)
بشاير(طبعا يهمني)
مشاري(طيب اذا كان يهمك تكفين خليني اسمع صوتك)
بشاير(مشاري...لا)
مشاري(الله يخليك كلمة وحدة بقولها وبقفل واذا ماقفلت قفلي انتي الخط بوجهي)
ماانتظرها تقول شي ولاترد عليه ودق لها بسرعة...
اول ماشالته وسمع صوت تنهيداتها قال بسرعة احبك...
يوم سمعت صوته وسمعت منه ها الكلمة بها اللهفة تنهدت بقوة وحرارة...
مشاري بهمس ولهفة والله احبك..
بشاير بتعب انت وش تبي تسوي فيني!!ليه تتعبني دايم وتقولها؟
مشاري بتنهيدة انا بموت يابشاير بموت...لو ادري اني بحبك ها الحب كان ..
بشاير مشاري...لاتقول شي....تكفى...ها الكلمة لاتعيدها...والله مااقوى اذا سمعتها احس اني بضيع منها؟
مشاري بتعب طيب وين اوديها؟وين اخبيها؟لازم تطلع لك ولاانها تموت بقلبي!!!
بشاير انتبه على نفسك طيب...
مشاري ماابي....
بشاير ...........
مشاري ابيك انتي تنتبهين علي!!
تنهدت وماملكت نفسها بانها تبكي.....
مشاري حبيبي لاتبكي ....الله يخليك...
بشاير بقفل طيب...
مشاري بترجي لالا...خلاص مو قايل أي شي يضايقك بس ظلي معي تكفين؟
بشاير بتعب غلط...عارفينا غلط ليه مو قاوين نبعد عنه بس!!!
مطلق دخل الخيمة وجلس جنب جراح اللي كان جسد بلا روح..
قام يسولف ويسولف وهو ماهو معه...
فاطمة اللي كانت جنب جراح لاتكلمه ترى مابيرد عليك؟
مطلق وهو يشرب قهوة ليه؟
فاطمة صاير كنه مسبه بس يناظر بعيونه ولايقول شي....
مطلق بهمس هالة فيها شي ياجراح....
ناظره جراح بدون مايقول شي...
مطلق شفيك؟
جراح .........
مطلق صاير لك ولا لها شي...قول خوفتني....
فاطمة بابا جوالك يدق..
مطلق وهو يناظر بالاسم خله يولي...
فاطمة بابا...
مطلق هلا والله....
فاطمة وش فيك؟
مطلق تسند وقال والله تعبان من الشغل ودي اغير جو...
فاطمة شلون يعني اغير جو؟
مطلق يعني اشوف شي يسليني وينسيني ابو الشغل؟
فاطمة يعني تبي ارقص لك بابا؟
مطلق اوه ه ه تعرفين ترقصين وانا مدري؟
فاطمة شلون اجل؟
مطلق مادرينا عنك تعرفين ترقصين والله مارحنا هنا وهنا وتركنا فنك يروح للغير...قومي وريني رقصك بشوف...يمكن اقابلك واعتزل العالم؟
فاطمة بدلع وهي تلعب بشعرها وش تبي ارقص لك؟
مطلق يجاريها ليش عندك انواع يعني؟
فاطمة بثقة وهي تاءشر بيدها طبعا!!عندي خليجي ومصري وعراقي ودبكة شامية...
مطلق قام يصافر... والله طلعتي شي يافطوم...يالله ورينا المصري بنشوف....
فاطمة قامت بروح اجيب شيلة عمتي بشاير علشان اتحزم فيها مو تروح...اي وصحيح قبل لاانسى جهز فلوسك ترى انا ماارقص ببلاش!!!
مطلق يكلم جراح بعد مامشت بذمتك هاذي بنت؟؟؟مدري طالعة لمنو؟
جراح بصوت خالي من الحياة وهو يناظر بمطلق هالة تطلقت ؟
طاح الفنجان من يد مطلق وقال بصدمة هالة تطلقت؟؟؟
رمت جوالها بقهر على الطاولة..
نسايم خير وش فيك؟
مريم بغضب مشاري ماهو هنا؟
نسايم شلون يعني ماهو هنا؟
مريم بدبي....
نسايم وش وداه دبي؟
مريم بقهر وانا ادري وش اللي وداه؟
نسايم هو ماقال لك انه بيروح؟
مريم لاطبعا...اللحين يوم ادق له قال لي والله انا مو هنا انا بدبي؟
نسايم بتحذير شوفي مريومة لاتسكتين عن روحته...
مريم شلون يعني مااسكت له؟
نسايم يعني لاتعدين روحته بلاش...زعلي عليه اذا رجع ولاتكلمينه ولاتعطينه وجه واذا سئلك قولي له ارجع لدبي وخليه يفهم انك زعلانة؟
مريم انتي رايك كذا...
نسايم طبعا...وحتى اذا دق لك من هناك لاتردين عليه وثقلي حالك خل يعرف قيمتك ومقدارك...
مريم سكتت وهي تفكر بكلام نسايم...
ودخلت ام وليد وهي تضحك....
جلست معهم...
نسايم دوم الضحكة ياعمتي؟
ام وليد بفرح الله يسلمك...
مريم اللحين هذا كله لان هالة تطلقت؟
ام وليد بحماس وي مابغينا ينكسرراسها بنت العراقية...يالله عقبال اخوانها ان شاءالله اللي يطلق مرته واللي يفشل بدراسته واللي تسود وجه ابوها...اشوف فيكم يوم ياعيال العراقية...
نسايم بضحكة هذا انتي ابتديتي تشوفين ياعمتي.....كاهي البداية بطلاق هالة والخير بيجيك بالطريق ان شاءالله....
ام وليد مابغيت والله...من زمان ودي لها بكسرة الراس ها التافهة...اللي دوم تناظر الناس من فوق...يالله كاهو جاها يوم وبتتخبى لايشوفونها الناس؟والله وصرتي بين يديني ياهالة بالرايحة وبالجاية اذا مااطلع عيونك بها الفترة مااكون ام وليد,,,,
ضحكوا ثلاثهم على طلاق هالة اللي بيكسر راسها بنظرهم,,,
ريم ماتبي تاكل لك شي..
احمد مالي نفس.....
ريم أي بس انت من امس مااكلت شي.....
احمد بعد تنهيدة واحد له نفس ياكل بعد اللي صار ياريم؟
ريم بتفهم حبيبي انت بنفسك قلتها لاابوك قسمة ونصيب...
احمد بدفاع قلتها علشان اهدي الوضع وبس ولا انا ...
قاطعته بسرعة وقات يعني يااحمد منت مؤمن بها الشي؟
احمد مؤمن ياريم ياحبي بس والله خلقي ضايق على اختي...
ريم كلنا زعلانين يااحمد....بس انت فكر فيها بطريقة ثانية؟
احمد شلون يعني؟
ريم يمكن اللحين تكون هالة سعيدة ومرتاحة اكثر من الاول...حياتها ذيك اكيد كانت تاعبتها ومو تاركتها ترتاح واللحين بيكون وضعها افضل ونفسيتها احلى...
تنهد ولا قال لها أي شي زيادة,,,
تقربت منه وحطت راسها على كتفه وقالت بحنان خلاص عاد ياابو عيالي هونها ولاتكدر خاطرك,,,,,
لف يده حولها وضمها لها اكثر وهو ساكت وشارد يفكره لبعيد,,,,,
دخلت البيت ورى ابوها اللي ماكلمها ولاكلمة طول الطريق وهذا اللي عطاها بشارة سيئة بالموضوع...
تنهدت وهي تمشي بالحوش بااقل من مهلها....
هنا بتقضي الفترة الجاية وللابد؟؟؟
هاالبيت رجعت له من جديد علشان تكمل فيه باقي حياتها.....
كانت تمشي وعيونها بالارض بس وش اللي صار وخلاها ترفع عيونها وتشوفه ماتدري شنو؟
هل هي ريحة عطره اللي انتشرت بالمكان يوم هو اقبل فيه؟
ولاصوت تنهيداته اللي كان مسموع باركان البيت كله؟
ولاشنو بالضبط ماتدري.....
جراح...اخر انسان حبت تشوفه وهي بها النفسية....
يالله بتعيش وبتاخذ منه...يامالها من حركاته السخيفة والاستفزازية اللحين؟
بهدوء قال نور البيت والله؟
رغم ان لهجته ماكانت احتقار ولا شماتة بس اللي ينفهم من كلامه ها الشي...
فتحت عيونها على ووسعها وقالت بحدة وهي الغضب ماليها والله حياتي وبكيفي محد له شغل فيني اتزوج ولااتطلق بكيفي!!!
قالتها ومشت عنه بسرعة..
وقف مكانه مثل التمثال الجامد....بس فيه كسرة وغصة وحسرة...
ليش فهمته غلط؟؟؟
كان بيقول لها نور البيت علشانك بتكونين فيه وبس ولاهو مو قصده شماتة؟؟؟ليش فهمت الموضوع بشكل ثاني بس!!!
كان وده يقول انا جنبك وبحميك عن كل الناس,,,
صار له سنين وهو ينتظر يقول لها ها الكلمتين ويوم جا بيقولهم فهمته غلط ومشت!!!
لا ياجراح لا...لازم تقولها لاتخليها تفهم الشي اللي هي تبيه وتترك الشي المهم....
الحقها وقول لها....
اشوفكم بكرة على خير ان شاءالله
مرحبتين كبار بكل المتابعين وياهلا وغلا فيكم من جديد..
الف شكر لكلامكم الحلو وهذا من ذوقكم والله..
حبيبتي خطاي اغليتك والله اني ماخبرت احد..انا اعتمدت اني بترككم اسبوع وبعدها برجع فماعطيت أي خبر ونزلت البارت على ها الاساس..
معليش حقك علي...
الحب غلاي..تسلمين حبيبتي...(عاد احلى كاتبة مرة وحدة ههه) وانتي كمان وحشتيني..
كلكم وحشتوني والله
ان شاءالله بس تصير النفسية احلى برجع اعلق على تعليقاتكم الحلوة تعليق تعليق....
البارت السابع والثلاثين,,,,
يوم يمشي وراها ماحالفه الحظ انه يشوفها ويفهمها معنى كلمته لانها دخلت قسمهم بسرعة....
وش ها الحظ الردي بس ياجراح...
ليه حتى الكلمة الزينة تنقلب عليك اذا قلتها؟
انا والله مو قاصد شي من اللي فهمته هالة؟
شفيك؟
لف لبشاير اللي واقفة وراه وتنهد....
بشاير متضايق؟
جراح بضيق فهمتني غلط؟
بشاير وانت ماتقدر تمسك نفسك وماتكلمها؟
جراح طبعا مااقدر انا اتنفس بصوتها...
تنهدت بشاير وقالت له جراح...فيني اسئلك سؤال؟
جراح شنو؟
بشاير انت تحبها؟
جراح بالم ماابي اجاوبك كل خمس دقايق؟
بشاير اللي ذابحني اني اذا شفتك واقف معها بمكان مااشوف لسانك الا يغلط عليها؟دايم تقول لها بنت العراقية ولا تجرحها بكلامك؟علشان كذا مستغربة من اسلوبك معها؟في احد يحب ويجرح بنفس الوقت؟
تنهد بقوة ومارد عليها....
بشاير خايف تدري عن حبك؟
جراح ماراح تحبني بحياتها لو شسويت؟ماابي اذل نفسي لها...
بشاير علشان كذا تثبت لها انك مو مهتم؟
تنهد وماقال شي...
بشاير والله الحب غريب...فعلا غريب....
جراح شتبين انتي؟
بشاير بالم ابي منك مساعدة ياجراح؟
جراح في شي؟
بشاير في سالفة صايرة لي انا ونسايم وابي مساعدتك ياجراح
بغرفة مطلق...
طلع من حمامه بعد ماتحمم ولقى فاطمة واقفة قباله ومكتفة يدينها,,,
مطلق وهو ينشف شعره بالفوطة خير ان شاءالله؟
فاطمة بغضب انت وينك؟
مطلق انا ويني!!والله مدري يمكن رحت للجيران وبعدني ماارد؟
فاطمة رحت للجيران ومارديت!!!اجل انت منو اللحين؟
مطلق والله عاد انا مدري عن دلاختك؟بذمتك منو بكون يعني؟
فاطمة اوووف لاتجننني؟
مطلق وهو يضحك اللحين انا اللي بجننك لو انتي ياحظي!!
فاطمة بوزت انا زعلانة منك...
مطلق ليه بعد!!!
فاطمة مو قلت لك برقص لك ليه مشيت؟
مطلق والله لو منتظر سارية السواس جتني؟من متى وانا انتظرك؟حرقتني الشمس يبى ماصارت شيلة بتجيبينها وبتردين؟
فاطمة بقهر شسوي رحت بجيب شيلة عمتي بشاير لقيت غرفتها مقفلة ماتقولي من وين بجيب شيلة يعني؟
مطلق في اختيارات ممكن افكر فيها؟
فاطمة شلون يعني؟
مطلق هههههه لاتشيلين بخاطرك امزح معك....
فاطمة يالله تعال برقص لك؟
مطلق لامو اللحين...
فاطمة ليش؟
مطلق بطلع...روحي انقلعي وبعدين اذا رديت تعالي رقصي لي؟
فاطمة بتطلع وين بتروح؟
مطلق خير ان شاءالله زوجتي ولاامي تساليني؟
فاطمة لاهاذي ولاذيك...
مطلق اممم
فاطمة انا بنتك ومسؤلة عنك؟
مطلق وهو يلبس جزمته بعد....اي...وشنو بعد؟
فاطمة أي صحيح...انا ابي اصير بنت عمي جراح مو بنتك....
مطلق وقف وهو يعدل شماغه ومد يده لها يصافحها وقال ابركها من ساعة والله....
فاطمة خلاص هذا انت دريت لاتسوي روحك بعدين ابوي...
مطلق يالله برى غرفتي قالت لاتسوي روحك ماتعرفني بعدين؟؟؟
فاطمة بطلع مايحتاج تطردني....
دق جواله ورد وهو بيطلع من الغرفة وقدامه فاطمة...
مطلق هلا شواخة حبيبتي.....اي...خلاص انا جاي لك اللحين جاهزة انتي...يالله بس بطلع من البيت وبجيك؟
لفت له بسرعة وقالت بتروح لشيخة؟
مطلق وهو يتميع أي...عندك مانع يابنتي يامسؤلة عني؟
فاطمة ليه بتروح لها؟
مطلق والله البنت دقت لي وقالت ابي اروح الالعاب قلت اخذها ونروح مجمع من ها المجمعات هي تلعب وانا اقعد بالقهوة واذا خلصت رديتها....
فاطمة تخصرت ياسلاااام..
مطلق بنتي وحبيبتي..احد له عندي شي؟
فاطمة ببكي ابي اروح معكم؟
مطلق بالاحلام يابنت جراح؟روحي لاابوك الجديد خله يوديك انا مااحبك مو انتي ماتحبيني وماتبيني اصير ابوك؟
فاطمة وهي تمسح دموعها خلاص بحبك اذا بتوصلني اروح معكم؟
مطلق أي وبعد مانرجع تعيدين نفس كلامك..
فاطمة أي..
مطلق ووجعة يعني بصراحة تقولها ماعندها مانع؟
فاطمة بصراخ تبيني اكذب علشان اروح النار؟
مطلق ههههه لالاتكذبين تروحين النار بعدين...بس قعدي ابكي لين بكرة لااني ماباخذك...
مشى عنها وفتحتها مناحة بكي وصراخ,,,,,
ام وليد بشماتة ياحررررررررام ياهالة والله ان خاطري انكسر يوم قال لي ابوك وقلت لازم اجي اكلمك واواسيك؟
هالة اللي كانت واقفة قبال النافذة قالت بدون نفس تواسيني!!!على شنو؟
ام وليد بشماتة اكبر على طلاقك؟
هالة لفت وقالت بثقلها المعتاد أي بس ها الطلاق انا طالبته وباختياري!!!
سكتت ام وليد شوي وبعدها قالت يظل طلاق كان بختيارك ولا ماهو باختيارك؟
هالة بشماتة وهي قاعدة تتوجع اصلا من قال؟في فرق ياام وليد؟
ام وليد بقهر من اسلوب هالة اللي للحين ماكسرها الطلاق على الاقل قدامها وش ها الحكي بعد!!
هالة جت وجلست قبال ام وليد وحطت رجل فوق الثانية وقالت بثقل يعني الناس اللي مثلي ماتعجبها أي حياة...
ام وليد ...........
هالة تقدرين تقولين ماجت حياتي مع علي مثل ماكنت ابي فقلت اغيرها...اشوف لي حياة ثانية وحتى لو ماكان فيها رجال؟
ام وليد ليش انتي مفكرة ان البنت كل يوم لها حياة ورجال؟
هالة بتاْكيد قلت لك مو مهم يكون فيها رجال؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك