رواية مجرد لقب -35
الجزء الحادي عشر
((الفصل العاشر))
رزان رجعت بيتها وهياء وهيام رحوا بيت ابوهم
هياء طلعت غرفتها وجلست تبكي طول الوقت
والكل كان تحت
ابو فراس: روحي شوفيها يمكن محتاجة شي
ام فراس: قبل شوي كنت عندها كانت تبكي حتى ما رضت تاكل شي
فراس: الله يعينها الي تمر فيه مو شوي
ام فراس: والله هالبنت تبكيني
فيصل: ممنوعة الزيارة
فراس: اكيد لانه في العناية
فيصل: والله يعين اهله
................................................
.................................................. .......
اما في بيت ابو سعود
فكان الوضع محزن
الكل يصيح وام سعود دموعها ما نشفوا ابدا طول الوقت تبكي وعذراء تحاول تهدي امها بس هي بروحها تصيح
الكل كان يصيح
والبيت كان مليان ضيوف يريدوا يتطمنوا على سعود
في غرفة عذراء كانت معاها الجوهرة
الجوهرة: وين زوجته المصونة
عذراء: الجوهرة والله ما فينا بارض لحركاتك البايخة
الجوهرة: ما قلت شي بس اسأل
عذراء: في بيت اهلها
الجوهرة: وليش في بيت اهلها
عذراء: عيل وين تريديها تروح يكفي الي فيها من يوم طاح سعود وهي تبكي اكثر منا حتى
................................................
.................................................. .......
وبعد اسبوعين
هياء كل يوم تروح المستشفى تطمن عليه وتدخل شوي وتطلع ووجهها مليان دموع
وجهها صار شاحب من كثر البكي
هياء كانت بغرفة الدكتور
الدكتور: لازن نسوي له عملية
هياء: ليش
الدكتور: مثل ما قلت لك قبل صار له نزيف داخلي وكنا نتوقع انه خلايا الدماغ راح تمتص هالدم بس ما امتصته عشان كذا لازم نسوي عملية
هياء: فيه مضار هالعملية
الدكتور: لااا بس بس فيه ناس لما يقوموا من الغيبوبة يفقدوا الذاكرة والبعض الذاكرة قصيرة المدى والبعض ما يفقد الذاكرة
هياء: يفقد الذاكرة؟؟
الدكتور: مو كل الناس
هياء: بشارو اهله ونرد عليك
الدكتور: لازم نسوي العملية في اسرع وقت
لما طلعت هياء من عند الدكتور اتصلت على ام سعود
هياء: اهلين عمتي
ام سعود: اهلين بنتي
هياء: عمتي ممكن تجيوا المستشفى
ام سعود: ليش ولدي فيه شي
هياء: لااا سعود لسه ما قام
ام سعود: الحين جايين
................................................
.................................................. .......
هدى كانت عند رزان
هدى: فيه شي جديد في حالة زوج هياء
رزان: للاسف لاااا وكنت اتصل في هياء بس ما ترد علي
هدى: صار له اسبوعين في العناية ولا قام
رزان: ايوا وحالة هياء صعبة
هدى: الله يعينها وانتي كيف الحمل عندك
رزان: الحمد الله بعدني ما احس بتعب لاني في البدايات
هدى: ان شاء الله خير
................................................
.................................................. .......
وفي المستشفى
ام سعود: دكتور لازم هالعملية
الدكتور: اذا تريدوا ولدكم يقوم اكيد لازم
ابو سعود: فيها مضار
الدكتور: قبل شوي كنت اقول لزوجته انه ما فيها مضار بس البعض لما يقوم من الغيبوبة يفقد الذاكرة كلها والبعض الذكرة قصيرة المدى والبعض ما يفقد الذاكرة
ام سعود: يعني ولدي راح يفقد الذاكرة
الدكتور: وحدوا الله يا جماعو انا قلت بعض الناس وسبحان الله
هياء: عمي انا افضل نسوي العملية
ام سعود: وانا بعد
ابو سعود: نتوكل على الله ونسوي العملية
................................................
.................................................. .......
ام فراس تكلم هياء
ام فراس: عملية ومتى
هياء: ان شاء الله بعد ساعة بيدخل غرفة العمليات
ام فراس: ما راح ترجعي البيت
هياء: لااا ماما بجلس هنا في المستشفى عمتي ام سعود وعمي ابو سعود هنا
ام فراس: عيل طمنينا
هياء: ان شاء الله
................................................
::الجزء الثاني عشر:: والاخير
((الفصل الاول))
ودخل سعود غرفة العمليات
والحمد الله نجحت العملية
واتستأصلوا النزيف الي صار في الدماغ
الكل كان فرحان
لكن رجعوا سعود للعناية مرة ثانية وينتظروا تتحسن حالة
................................................
.................................................. .......
وبعد اسبوع من الاحداث السابقة
كان ابو سعود بالبيت على نفس الحال من لما طاح سعود
رن تلفونه
ابو سعود: هذا المستشفى
ام سعود: رد يمكن في شي جديد عن سعود
ابو سعود: السلام عليكم... مشكور دكتور الحين جايين
ام سعود: ويش صاير
ابو سعود فرحان: سعود قام من الغيبوبة
ام سعود: الحمد الله يلا نروح
ابو سعود: اتصلي بزوجته خبريها
ام سعود: ان شاء الله
................................................
.................................................. .......
وفي المستفى
وبعيد عن غرفة العناية المركزة
وفي احدى غرفة المستشفى
ام سعود: الحمد الله على سلامتك يا حبيبي
سعود بتعب: الله يسلمك يا الغالية
ابو سعود: الحمد الله انك رجعت لنا بخير
سعود: الحمد الله
عذراء: كذا تخلينا خايفين عليك
سعود: ما كلن يحتاج تخافي
عذراء: قول لزوجتك الي من يوم الحادث لحد الحين تصيح
سعود يشوف على هياء لكن ما يتكلم
سعد: اقول تتذكر ويش صار لك وقتها
سعود: الي اتذكره اني كنت طالع من الشة صح هياء
هياء وعيونها مليانه دموع: صح
ام سعود: والله لما تطلع راح اسوي عزيمة عشان قومتك بالسلامة
سعود: ما يحتاج
ابو سعود: يحتاج ونص انت الغالي
وقبل وقت انتهاء الزيارة الكل طلع من عند سعود بس هياء بقيت عنده
هياء وهي تصيح: الحمد الله على سلامتك
سعود بدون نفس: الله يسلمك
هياء: والله اسفة سامحني
سعود: وين تريديني اصرف اسفك بسبب كنت راح اموت
هياء: بعيد الشر عنك
سعود: اشوف صرتي تخافي علي
هياء: سامحني اصلا انا احبك واموت فيك
سعود: بعد ويش تعرفي اني كنت انتظر منك هالكلمة بس للاسف انتي قتلتيني صح انا غلطت عليك واذيتك بس انتي كنت راح تموتيني يا هياء
هياء: والله اسفة سامحني
سعود: ما ينفع الاسف الحين لو سمحتي بعد شوي راح تنتهي الزيارة لو سمحتي اريد ارتاح
وطلعت هياء من عنده وعيونها مليانه دموع
.................................................. ....
.................................................. ..........
((الفصل الثاني))
وفي بيت ابو فراس
ام فراس: الحين انتي ليش تبكي الحمد الله قام بالسلامة
هيام: المفروض تكوني فرحانه
هياء: انتوا ما عارفين شي
ام فارس: انزين قولي لنا عشان نعرف
هياء: خلاص ما فيه شي
هيام: شفيك
هياء: ما فيني شي خلوني لحالي
.................................................. ....
.................................................. ..........
وعند رزان ولؤي
لؤي: يا الله متى يكبر بطنك
رزان: ههههه شكلك مستعجل
لؤي: اكيد
رزان: انت تريد بنت او ولد
لؤي: الثنين حلوين واهم شي يطلعوا حبوبين وحلوين مثلك
رزان: وشقيين مثل ابوهم
لؤي: يعني انا الحين شقي
رزان: اممممم ايوا
لؤي: عادي مسامحينك عشان الي في بطنك بس
رزان: شكلك بديت تحبه اكثر مني
لؤي: وانا اقدر احب حد اكثر منك اصلا انتي كل شي في حياتي
رزان: تسلم لي يا عمري
.................................................. ....
.................................................. ..........
وبعد ثلاث ايام طلع سعود من المستشفى
واهله وصلوه لحد شقتهم
وبعد جلسوا شوي وطلعوا يريدوا سعود يرتاح مع زوجته
هياء: تعال نام وارتاح شوي
سعود: انا حر انام في الوقت الي اريده وعلى كيفي
هياء: اوكي
سعود: انا الحين رايح انام بغرفتي سامعه بغرفتي الي من تزوجنا وانا انام فيها
هياء: ما تريد تنام في الغرفة الثانية
سعود: مخلنها لك يا مدام هياء
هياء تبكي: خلاص عاد اعتذرت لك مليون مرة
سعود: رايح انام
ودخل سعود غرفته وقفل الباب
اما هياء فبقيت بروحها في الصالة وجلست تصيح
.................................................. ....
.................................................. ..........
وعند فراس وغدير
فراس: ما راح نقول لاي حد عن جنس البيبي
غدير: ايوا احسن
فراس: وراح الكل يعرف لما تولدي
غدير: ان شاء الله
فراس: يا الله وبعدين يناديني بابا
غدير: هههه خليه يوصل بالاول
فراس: ههههه ان شاء الله
غدير: من بكرة راح نروح نشتري له الملابس
فراس: كل شي نشوفه نشتريه
غدير: بعد كم شهر راح يكون عندنا بيبي صغيرون
فراس: انا احسب الايام من لما عرفنا انك حامل
غدير: ههههههههه
.................................................. ....
.................................................. ..........
وعند دلال ويقضان
يقضان: قول بابا
دلال: حرام عليك ويش يقول بابا
يقضان: لازم من الحين اعلمه يقول بابا
دلال: هههه لسه ما صار عمره شهرين وانت تريد تعلمه يقول بابا
يقضان: راح يقول بابا لاني اعرف ولدي شاطر
دلال: جيب سالم اريد ابدله
يقضان: بعدين لانه ما شبعت منه
دلال: صار لك ساعة ماسكنه وتقول ما شبعت منه
يقضان: يلا حبيبي قول بابا
دلال: ههههه
.................................................. ....
.................................................. ..........
بعد اسبوع
سعود بدا يستعيد صحته وصار زين
كانت امه مسويه عزومه كبيرة بمناسبة خروج سعود من المستشفى
سعود وهياء كانوا في الشقة يريدوا يروحوا بيت اهل سعود
سعود: يلا خلصينا نريد نوصل قبل الناس
هياء: خلاص الحين مخلصة
سعود: زين خلصتي
هياء: لحد متى نتم على هذي الحال
سعود: اي حال
هياء: ما تريد تكلمني واذا كلمتني تكلمني من طرف خشمك
سعود: انا حر
هياء: بس عاد والله حس فيني
سعود: يلا نريد نروح
ولما طلعوا من الشقة
سعود: على وين
هياء: ننزل من المصعد
سعود: لاااا ننزل من الدرج
هياء: اوكي
وعند طرف الدرج سعود مسك هياء من ايده وكأنه يريد يرميها من الدرج
هياء بخوف: ويش تسوي
سعود: جربي الي مريت فيه
هياء: سعود لا تسوي هالحركة
سعود: راح ارميك من الردج وبعدها تدخلي العناية وبعدين يسوا لك عملية
هياء تصيح: اوكي ارميني اذا هذا يريحك وان شاء الله اموت ولا تشوفني من بعدها
سعود لما سمع هالكلام ما قدر يتكلم ابدا لكن بعد هياءمن عند الدرج
هياء: ارميني وخلصني ويش تنتضر
سعود: يلا ننزل من المصعد
هياء بدون لا تتكلم مشت وراء سعود لحد ما وصلوا السيارة
وفي السيارة
سعود: خلاص مسحي دموع
هياء تمسح دموعها لكنها ما تكلمت
سعود يشوف عليها: تعرفي اني ما احب اشوف دموعك
هياء: ......
سعود: سامحيني هيونه والله ما اعرف ويش فيني يمكن هذا بسبب كل الي مريت فيه
هياء: لو رميتني وريحتني وريحت نفسك
سعود: هياء بليز خلينا ننسى كل الي صار
هياء: بس انت الي ما راح تنسى
سعود يمسح دموعها: انا الي راح انسى لاني ما اقدر اعيش بدونك
هياء: يعني تحبني
سعود: هذا سؤال ومن متى انا ما احبك يا عمري
هياء: احبك
سعود: خلاص الحين راح ادخل العناية مرة ثانية
هياء: سعود ويش هالكلام
سعود: يا حلو اسمي من فمك
هياء: تسلملي يا عمري
سعود: يا عالم احبها والله احبها
هياء: هههههه
سعود: اموت انا في هذي الضحكة
.................................................. ....
.................................................. ..........
((الفصل الثالث))
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك