رواية ليت قلبي مثل الحجر قاسي -37

رواية ليت قلبي مثل الحجر قاسي -37

شوي شوي بدى النور من حواليها يختفى ..

.

.

يوم جديد

يعقوب ..

فتح عيونه شوي شوي

وحط يده ع الجهه الثانيه ..يدور عنها..

لف يتآكد ..وهو يقول في باله "وينها ذي ..؟؟؟"

اعتدل وهو يحس راه بينفجر ..مانام عدل وهو يفكر

امس فجآآءه أغمي عليها ..ما يدري وشو صار ليها ..

شاف ثوب الزفاف مرمي ع الآرض..والابواب الكبت مفتوحه باهمال ..وفي حوسه ف غرفه الفندق..

قآم بسرعه ودوره في كل مكآآآن بشقه ..بس ما لقآآهآآآ..

قعد ع كنبه الصاله وهمس وهو مو مصدق الآفكآر الي تدور في مخه "وييين رآآآح ذي..؟؟؟"

.

.

أنتهى الجزء ..

نلتقي في الجزء الآخيير ..

أدري ان الجزء ذا يتكلم عن وجود بس هذا الي طلع ليكم ..

وابي توقعات وردود تشرح الصدر ..

سلملم ..

البارت الاخيير ..

آعترافآت ..

::

لما هربت من يعقوب ..

ماعرفت وين بيوصلها هروبها ..فكرت في اختها الي كانت قاسيه معاها ..

هي عارفه انها أكييد جرحتها ..تذكرت كيف كان شكلها وهي تسمعها كلامها الجارح ..أكيد ماراح تسامحها ..

لا لا..هي يمكن تكون معذوره ..كانت فاقده الذاكره ..وماتتذكر أحد ..

بس مع ذالك المفروض اسلوبها مايكون قاسي كذآآ..

لازال كلامها لأختها يرن في مسامعها ..

كلامها مؤلم ..

مؤلم جدا..

::

جب ..أنت ولا كلمه ..أنتي ماتعرفيني شنو مريت به ...

انذليت وانهت ..وعشت في عماااره قديم وقذر بروحي محد فيها .. عشت في حي مايعيشوون فيه الا المشرديين ..

[رفعت راسها وطلعت فيها ودموعها تنزل بغزآآره]

وأنت ولاهامج شيء ..مافكرتي فيني ..

مافكرتي فـ تؤأمج حي ولا ميته ..

مافكرتي أنا وييين ..؟؟؟و شنو مرت من بعدج ..؟؟

::

كلام أختها دلاها ع مكان وجودها ..ولما تشوفها

وأكيد بتصلح كل اخطآئها ..

::

كانت جالسه في كوفي حيهم..ومقابل ليها سعد الي يتكلم ولا هي منتبه له ..

تفكر ترسل الرساله ولا لا ..

كانت رسالتهآ تهنئه بمناسبه زوآج اخوه ....رسلتها ورفعت راسها ..

سعد وهو يأشر ع بنت:سرآج ,,ماتلاحظ ان هالبنت رايحه راده هني..

طلعت جهتها وهي تقول :ش دخلـ ـ ـ ـ..

ما أن وقعت عينها ع الشارع وع البنت حتى فتحت عيونها ع اوسعها ..

قامت وهي مذهوله ومشت بدون وعي وهي تقطع الشارع..

معقوله الي قدآمها صحيح ..

مو مصدقه ابدا..

كانت افكار واايد في بالها ..عتاب ,,شوق ,,حنين

كانت بس تشوف اختها وجود وتتمنى انه مو حلم .. ومو منتبه لقطعها لشارع والسيارت الي تمر ..

لما قربت لـ وجود وحست وجود باحد يقرب ليها

طلعت صوبها,, همست:جود..

وارتمت في حظنها ..كانت اللحظه ابدا مو متوقعها جود ..

تذكرت كيف لقائها في السبر ماركت ..تجمعت دموعها’’

فرق عن آخر مرره شافتها ..

شافت البعض يطلع فيها ..ماتدري ليه حستهم يطلعون فيهم بغرابه ..

فكرت تبعدها ..بس فكرت ان هذي اللحظه الي تتمناها وماتبي تفارق اختها حتى لو كانت تحلم ..وماعليها من القيل والقال ,,

::

نوآرهـ,,

كانت تآخذ ليها دش طويل من بعد نوبه لصيآـآح

وكانت متمدده في البآنيو مغمضه عيونها ..

فتحت عيونها بشويش وهي تسمع صوت فتح الباب بالمفتآح..

حست بخفقان قلبها الي زآد..حطت يدها تسمعه وقالت بهمس:

لازلت يا قلبي متيم به..

مع ان من المستحييل قلبه ينبض بحبك ..

ويش الحل عشآن اقدر واخليك تنسى حبك ..؟؟.

قآمت بكسل ولبست ..

وقبل لاتطلع شافت روحها في المرايه ..ماكان يبين ع وجهها انها كانت تصيح ..وهذا ريحها شوي..

فتحت الباب وقلبها يرقع ..

في لمحه طلت عليه وهي متوجهه للغرفه

كان ماسك جوالها ويحوس فيه ..تنزفزت منه ..يعني لازال شاك فيها ..؟!؟!؟

تقدمت بقهر ..

أنتبه ليها سعود أبتسم ببهت ومد ليها الجوال قبل لا تتكلم ..

سحبته منه ورآح الغرفه وهي ودها تبدي وتصكها صيااح ..

::

همسس ,,

كانو ينتظرون رآكآن وأبوه يجون من الطبيب..

عشان يعرفون ويش صار ع عبود ..

لما تقرب رآكآن وأبوه

قآموو بيروحون جهته يعرفون شصار ..؟؟؟

بس نجمه بخطوات سريعه سبقتهم ..

لما صارت قبالهم

سألته بشغف وبصوت رايح من لصيآح :وينه ولدي ..؟؟؟ليكون صار له شيء ..

رآكآن والي يرحم أمك لاتخبي علي شيء

تنهد بضيق وقال :الجرح عميق ..وهو نزف وآييد فـ لازم يخيطون له ويركبو له دم...

كانت صدمه قويه بالنسبه لـنجمه ..

أغمي عليها ..

قبل لاتطيح مسكها رآكآن

ونادى بصوت عالي : ياسستر..

::

التوأم,,

من جت لآختها وشافتها وهم مافارقو بعض لحظه وحدها فرحتهم ببعض مثل فرحت الولد بحظ امه ..

كانت كل وحده تتكلم كيف حياتها السابق ومعاناتها في حياتها وفي غربته,,..

كانت جود ماتطلع إلا بالنادر ..

هالشيء صار في يومين ..

كانو يتعشون وكل وحده تدردش وسوالف ومسخره ..

اندق الباب..كانت جود مطنشه وماليها خلق تقوم ترد

بس دق الباب كلما ليه يزيد قوووه ..

تكلم وجود :قومي شوفي من الي ع الباب

:أفففف

قامت بتفتح الباب ..

وقالت بضجر :خيييييييييييييير ..

لما وقعت عينها ع الي عند الباب فتحت عيونها بصدمه ..

وقال بصوتها العادي :أنت ..؟؟؟

طلع فيها يعقوب وقال :وينها وجود ..؟؟

بحتقار :أي وجود تقصد ..؟؟؟

يعقوب جاوب وهو مقطب حوآجبه:عن الاستهبال وجود زوجتي..

جود بمسخره:صججج..تعال دورها في جيبي يمكن منخشه هني..

:..............

وهي رافع حاجبها :خليني اعرفها بالاول وبعدها اسأل هل هي عندي ولا لا..

رمش بقووه وهو ماتوقعها بهالجرآءه والقووه ومثل ماقال اخوه [مابتخيفها بنظراتك]..كان يبي يدخل :بعدي وخليني ادخل ..

لازآلت وآقفه مكآنها ..تكتفت وقالت :خيير ..هو بيت ابوك تدخل وتطلع على كيفك ..أحترم ان لهالبيت حرمه يا اخ يعقوب ..

حس بكره قوي ..هذي قاعده تستهبل ..كان بيرد عليها بس تذكر ليه هو جآء قال بأحترآم:لو سمحتي يـ ـ ـ

فقعتها ضحك :هههههههههههههههههههههههههههههههههه ..والله مايلوق لك ..

وبعدين منو الحمار الي علمك ان هني وجودك ..؟؟؟

طلع مساعد الي كان ورآ أخو :ههههههههههههه أنآ ,,عندك أعترآض اخ سرآج

كان ورآء أخو يبي يعرف شنو بيسوي اخوه مع وجود وهل بيقدر عليها

فتحت عيونها بقووه :......

مسآعد ضحك ع شكلها وقال :شوي شوي لاتطيح عيونك ..

جود بعصبيه :يالحمآر ..

مسآعد قال :هههههههههههههههههههههههه ..

كان يعقوب طلع فيهم وحس ان مساعد بيكون له دور فـ تلين راسها لان وآضح انها تبهدلت منه..

مسآعد: اخوي يبي يكلم وجود بس شويه ..

جود نست حالها والمفروض انها ماتقول جذي[يعني تخبي مكان وجود]:ولا في الاحلام ..هي ماتبي تكلمه..أساسا هي نست انها متزوجه ..؟؟

يعقوب حس بألم فيه ان ممكن صحيح هالكلام؟؟

تكلم مسآعد وهو يغمز :معقوله تنسى القمر [وهو يأشر بنظره ع اخو]

طالعت في يعقوب بشمأزآز : وجود أنساها ..

طلع فيها بقووه :خيير ..شنو انساها ..؟؟انسى زوجتي ..

بغرور :وتنسى امك بعد ..أنقلع ..

ماعندنا كلام غير كذآ ..برآآآ..

مساعد كان بيضحك بس شاف نظرات اخو حاول يبين أنه مترفز :طيب يمكن رآيها غير رآيكَ..؟؟؟ ..

,,

من جانب وجود ..

أول ماسمعت صوته جتها قشعريرة خوف..

قآمت خايفه وتلبي دقات قلبها الي تنشد بأسمه ..

وجود:ليت قلبي مثل الحجر قاسي

[غمضت عيونها بقوووه ]

ليه أطوعك ياقلبي ..وأخون عقلي ..

ليه مشآعري هي الي تحكمني ..

ليه ما افكر بعقلي ..

ليه دآئما انا ضعيفه ..وأخليه دآئما يعتبرني وحده من خدمه ..

ليه ما اكون قويه ..

ليه اخليه يعرف اني موجبانه ..

وأخليه يعرف منو هي وجود’’

فتحت عيونها وبعزم رتبت حجآبها :لازم أنهي الموضوع ..

تقربت من الباب وسمعت صوت اختها الخشن وهي تقول :انا قلت كلامي وماابي اعيده ..

لما صارت جنب اختها ..

تكلمت جود بعصبيه وهي موجه ليها الكلام:ما فيـ ـ ـ

طلعت فيها بثقه وأمتنان ..

أختها الي قست عليها تدافع عنها دفاع مستميت ..شقد اكتشفت ان هي سند وعون أكثر من أي شخص في العالم ..ومن حبها المزيف لهالشخص البارد الي قدامها ..

لازم تبعد أختها عن هالموضوع عشان لاتأذيها ..

يعقوب ماتضمن تصرفاته ..

طلعت في يعقوب الي أرتبك من نظرتها الغريبه

وقبل لا تتكلم وجود

جود بتحكم:موآفق بس يكون مكانكم في كوفي هالحي

::

همسس..

:بس ابي اتطمن عليه..

كانت هذي نجمه الي تكلم رآكآن ..

من أول ماقعدت من اغمائها وهي تبي تشوف عبد الله ..

تكلم بهدوء وهو متضايق:يا نجمه ياعمري والله لو ودي خليك ..بس ممنوع ..خلينا نرجع البيت وبكره نجي ونتطمن عليه ..

وعيونها ممتليه دموع :والله مايطآوعني قلبي اطلع بدون مااتطمن ..

حاول فيهم يمكن يرضون ..بس بشوفه من عند الباب وبطلع

بستسلام:والله حآولت فيهم ..بس هم مو رآضين ..

مشت وهي تمسح دموعها الي تنزل بقووه:........

وهمـ رآجعين البيت

تكلم رآكآن :هوآجس ..بكره ما بوصلك للمدرسه ..روحي للمدرسه مشي..طيب .؟؟؟!؟![رآكآن يوصل هوآجس أيآم الاختبارات..لان مدرستهم قريبه بس تعرفون ايام الاختبارآت زححححمه الوقت]

تكلمت سمر وهي مستغربه من رآكآن:رآكآن هوآجس مو هني ..عندها امتحان وماخلصت شيء لذلك ماجت ..

طلع في المرايه جهتهم وقال :أجل منو الي ايااك ..؟؟

سمر وهي مو مصدقه ان ماعرف همس..بستنكار:همس ..؟!؟!؟

رآكآن:.... ..

همس حست بالضيااع والاحرآج وقهر وضيق..

ماحس بوجودها ..

معقوله ماعرفها ..

كأنها موجوده في العدم ..

هالمشاعر ذكرتها بمشآعر قديمه ..قديمه ..

تذكرت لما ماعرفها في السووق..

ولماكلمته بعد الغيبوبه

وهالحيين بعد..

غمضت عيونها بالم بدون ماتنزل منها دموع ..

همس وهي تكلم روحها :احس بشيء وآحد بسس

أني ماتنتمي لهالعيله كآني دخيله وطفيليه عليهم ..

ركآن وزوجته وعبد الله يكونون عائله من دوني ..عائله سعيييده

مالي اي اهميه بينهم ..غير اني اخرب عليهم سعادتهم ..

المفروض ماأكون بينهم المفروض اكون بين آهلي..

[غمضت عيونها بقووه تبي تصيح بس دموعها متجحره]

ماكآن علي اني اثق ان بحبي واحاسيسي الغبيه ..

ماكان علي اطاوع قلبي ..

ليه تمسك بـ رأيي ..

وماحاولت افكر كيف رآح تكون حياتي ..

حياتي أنا الي حولتها للجحيم..

وأنا الي بنيت احلامي ع وهم ..

وعشت بدون ماافكر في العواقب ..

وجى اليوم الي أتندم ع كل لحظه وكل وهم وسراب تخيلتهآ ..

أنا لازم أطلع من هالسراب والوهم ..

لازم ارجع للوآقع وآعيش حياتي مثل ماالمفروض اعيشها..

لما وصلو نزلوو ..

قبل لايدخلون البوابه الداخليه

تكلمت همس وهي تحاول تستمد القووه:رآكآن ممكن شويه ..

لف ليها راكآن وقبل لايتكلم قالت له:بس خمس دقايق ..

تنهد بضيق ووقف ..

لما دخلوو ..تقربت منه وقالت :رآكآن..

طلع فيها وهو مستغرب شتبي..؟؟:همممم ..

,وقالت بقلب يرتجف وهي مومتوقعه ان في يوم من الايام تطلب هالشيء :رآكآن ..[قالت بقووه]طلقني ..

فتح عيونه ع اوسعه وهو مو متوقع هالشيء ..

كملت وهي تحاول ماتصيح وتحاول تقنع روحها بهالكلام: ما اقدر مو اعيش معاك لحظه وحده ..

خلي كل وآحد يروح في طريقه ..

لان هالحل الافضل للجميع ..

أنا ماابيك وأنت ماتبيني ..

لذلك الحل الوحييد انك تطلقني ..

ومن بكره باخذ اغراض وبروح البيت ..

::

قدآم الكوفي كانت جود ومساعد قاعدين ع الرصيف [الفاصل بينهم شارع]

جود كانت ترآقب أختها مع يعقوب الي بدوا يتكلموو ..

تكلم مساعد وهو يطلع فيهم :أخوي تغير ..

طلعت فيه باستغرب وقالت: شقصدك ..؟؟

طلع فيها ببتسآمه صغييره :أنا اعرف اخوي ..

قطبت حوآجبها وقالت :بس أنا مااعرفه..

ضحك وهو يتذكر الحادثه:ههههههههههههههههه ..أجل اسمع شو بقولك ..

"كلما مساعد يتصل لـ يعقوب .. مايرد ..

ويعقوب مآدآوم ..مع ان هو الي قال بيدآوم شهر وبعدها بيآخذ أجآزه ..

وكآن مصر في هالشيء لان ع قولته ان بعد ماينهي اشياء ..

مساعد اتصل للفندق سأل عن اخوه ..قالو له انه يطلع بعد كم ساعه يرجع ..ومايمديه يرجع الا يطلع ..ولا طلب لافطور أو أي شيء ..

مسآعد حس بصدآع رهيبه "شفيه أخوي":وهو هالحين موجود..؟؟

ردو عليه انه موجود

بسرعه راح للفندق..

ولما وصل للجناح اخوه ..

دق الباب..وفكر يكسر الباب ..بس ظل يدق الباب ..

جرب يمسك كرت الباب ويفتحه المفاجآءه انه انفتح ..

لما وقفت عينه ع اخوه الي قاعد الكنبه ..

تقربت بهدوء وهو حاس ان اخوه مو طبيعي ..

وشاف المكان في حالة فوضى ..

يعقوب رفع راسه وبين وجهه الاصفر وشكله المتعب

وشعره المنفوش ..

تفآجأ بوجود أخوه بس مسآعد صدمته أكبر منه قال : يعقوب شفيك....؟؟

لف عنه وقال :مافيني شيء ..بس تعبان ..

لف يدور عن مرت اخوه:طيب ..وينها وجود ..؟؟

بتوتر :رآح بيت آهلها ..

طلع فيه باستغرب وبعدم تصديق:آهلها ..؟؟؟!؟!أنت من جدك يعقوب ..

يعقوب طلع فيه وقال له :يعني وين بتكون يعني ..؟؟؟

طلع فيه بشك :يعقوب ...متأكد من كلامك..ليكون فيها شيء وماتبي تقول ..

يعقوب بحييره: شقصدك ..؟؟

مساعد بسخريه خفيفه: أنت أدري

طلع فيه بقهر:شنو معني كلامك ..؟؟؟

:هي وينها ..؟؟؟

نزل راسه :................

مساعد يعتب:يعقوب وينها .. هذي امانه عندك ..

يعقوب سكت فتره وبعدها قال بستسلام وبصوت منخفض وهو يبي يفضفض: ما أدري ..اول ماقعدت من النوم ماشفتها ..وـ ـ ـ

قاطعه وقال بشويه عصبيه :كذآ تسوي في الامانه ..

ماتحافظ ع الامانه ..لان ماعندها اهل..

رفع راسه بقووه :أنت...

قآطعه بحزم:ليه هربت ..؟؟؟

:.............

سكت فتره طويله وهو يفكر وبعدها قال بغموض:أنا اتوقع اعرف مكانها ..بس ابي تقولي قصتك معاها ..

أنا اعرف جزء من الحقيقه ..

يعقوب:..............

مساعد ينتظر رده:.................

قام وماكان له خلق يتكلم..:مو لازم ..؟؟بس قولي هي وينها

مساعد وهو بيروح:طيب ..يالله مع السلامه

بقله حيله مسك من كتفه قبل لا يروح:طيب بقولك ..

وقال له قصته معاها بختصار ..

كيف أنقذها من اخوها ..وكيف كانت معاملته إليهآ.. وفقدآن ذآكرتها وزوآجه منها في فقدآن ذآكرتها وهربت لما اتذكرت كل شيء كان يخص حياته معاها ..

"

قال ليها ان كيف كان حالة أخو خلال هاليومين الي هربت فيه اختها

جود ماعلق وظلت تفكر في كلامه:...........

لما ماشاف ليها ردت فعل ..

طلع قدآم وشاف اخو يعقوب ووجود لازالو يتكلمون

::

خلونا نروح لقدآم لـ ـ ـ يعقوب و وجود..؟!؟!؟

اول ما دخلو الكوفي طلبو ليهم كوفي ..

وطول الوقت ساكتين لين ما جابو الطلب ..

كانو قاعدين قبال بعض ..

تنحنح يعقوب وقال بصوت هآدي :أمم ..ما أعرف من وين ابدي ياوجود..

وجود ما علقت ..

يعقوب عرف انها بس تبي تنهي الموضوع وبسس:وجود ..

سكت شويه وبعدها تكلم وهو يحاول ينظم افكار:أدري اني غلط وآآيد في حقج ..وأدري أنج مو طايقه وجودي معاج ..بس ابيج تسامحيني ..وتخلينا نبتدي صفحه يديده ..

وجود قالت بقووه:أنت مو بس غلط في حقي ..أنت اهنتني ..ومسحت في كرامتي القاع ..وتتوقع مني أسآمحك ..أسآمح كلمه وآآيد سهله و تنفيدها اصعب من ماتتوقع

يعقوب بلع ريقه الوهميه : أدري معاج حق ..أنا الي سويته ابدا موسهل ..

أنا غلطت وهالحين ادفع ثمن غلطتي ..

وجود بحزن نزلت عينها ع الكوفي الي جنبها :وأدفع ثمنها معاك ..

لما شاف حزنها قرب ايده وحطها ع ايدها الي كانت ماسكه الكوفي بقووه :غلطتي الكبيره ..أني اشركتج بجريمتي ..وخلتيج تكلميني عبد العزيز..بسبب حقدي عليه ..

حقدي عليه من اليوم الي اخذ اشياء كانت ملكي ..

رفعت عيونها وسحبت يدها قالت بسخريه :وشو هالشيء لاتقول فلوس ولا سياره ..

أرخى عيونه وقال :لا ..شيء هالحين من أملكه وحلاله..

سكتت تفكر وقالت لما مرت عليه فكره قالت بتكشيره :رهآآآم صح ..؟؟

هز راسه وهو يطلع في ملامحها الي كرهته في نفسه :انا ورهام كنا لبعض والكل يدري ..كنا شبه مخطوبين لبعض ..

قطبت حوآجبها :................

قال وهو يراقب تغيرات وجهها :بس عبد العزيز خطبها ..وكنت من صدمتي ماتكلمت في الموضوع ..وصار الي صار

:.......................

:فقررت انتقم منه

ارتجفت شفايفها وعيونها مغرقه دموع وهي تقآطعته: وكنت أنا وسيلتك ..صحح ..؟؟

:..............

:ليه يا يعقوب دخلتني في سالفة انتقامك ..؟؟؟

مو حرام عليك ..خلتني افرق مابين زوجين..

حاول يقاطعتها بس هي كملت :حرآآآم عليك ..بسبب اهوآك أنا وهم دفعتنآ الثمن ..

قامت بتروح بس هو مسك يدها وقال :عبد العزيز ورهام متصالحين ..وزوآجهم بعد شهر ..

طلعت فيه بعدم تصديق ودموعها تسيل ع خذها :...........

مد ليها لكلنكس وقال :ماأبي اشوف دموعج الغاليه ..

زآدت دموعها :يعقوب ..بس كفايه لعب بمشاعري ..أنا تعبت ..

قآم وأجلسها بهدوء وأزآح الكرسي لجنبها وقال وعيونه تقابل عيونها الغرقانه :وجود أنا رحت واعتذر لعبد العزيز ..ماكان يعرف بالضبط سبب اعتذاري ..

ورجعت علاقتنا الي كانت مقطوعه..

أنا صج تندمت ..تندمت ع كل شيء ..

وهي ترتجف ودموعها تنزل :.............

مد ليها كلنكس وقال: مابتمسحين دموعج يالغاليه ..

وهي منزله عيونها همست:يعقوب يكفي ..

يعقوب مسك يدها :أنا الي اعرف انج تهميني ..

وهذا اهم شيء عندي ..

رفعت راسها بتتكلم بس هو حط صبعه ع فمه بمعنى :أووش ..

وكمل :أنا اعترف ان لما فقدتج وهربت المره الاولى دورت عنج ..يمكن لاني احس بمسؤليتج .. بس لما هربتين هالمره دورت عنج لانج حياتي كلها ..

ماقدرت اقعد في مكاني وأنا مااعرف وين ارضج ووين سماج..؟؟

:.................

ابتسم ابتسامه صغيره وقال: تدرين في شيء ماقدرت انسى في كل الاحادثه الي مرت علينا لما شفت دموعج في المكتب ..ما ادري شنو صابني ..لذلك لفيت ع طول عشان لااشوف دموعج ..تتذكرين ..؟!؟! [مد لكلنكس ليها ]امسحيهم لاني مااتحمل اشوفهم ..

أخذت منه ومسحت دموعها..بدون ماتتكلم لانها تفكر ..

بعد صمت ..

وجود:يعقوب ابي الحقيقه..ليه خطبتني..؟؟

زم شفايفه شوي ورد وقال بشبه ابتسامه :لانج لي ..

قالت بحزم :يعقوب ..أبي الحقيقه ..؟؟وبلا مسخره زآآيده ..

تنهد وقال وهو يبي يخفي الجواب:ما ادري ..ليه السبب ..

طلعت فيه وهي مومصدقته ..لما شاف ردت فعلها عرف انها فآهمته,, تكلم بعد صمت:طيب ..بقوولج بس ماابيج تقآطعيني أبدا ..

يتبع ,,,,

👇👇👇

تعديل المقال