رواية ليت قلبي مثل الحجر قاسي -38

رواية ليت قلبي مثل الحجر قاسي -38

طلعت فيه وهي مومصدقته ..لما شاف ردت فعلها عرف انها فآهمته,, تكلم بعد صمت:طيب ..بقوولج بس ماابيج تقآطعيني أبدا ..

هزت راسه بمعني أي ..

:قبل ما اقولج أنا اعترف اني كنت متسلط وآآيد ..لذلك لما ماعجبتني افعالج معاي ومعاملتج لي لما فقدتين ذآكرتج..قررت اخطبج ..

شاف كيف ملامحها انكمشت :...............

تنهد بضيق من نفسه وكمل :وماكنت ضآمن الموآفقه ..كن بس افكر اني ءأدبج ..

وهذا يفسر تصرفاتي قبل لاأدري أنج فاقد الذآكره..

كانت عاقده حوآجبها ووشكل صبرها نفذ وودها تتكلم : بس لما دريت ..تغيرت نظرتني ..وحسيت أن الحياة فتحت لي مجال لسعاده ..

لاني بحد ذاتي كنت انكر سعادتي مع وجودج ..

كنت أنكر أني أنتمي لج ..

أنكر انصياعي لج بحجه تافهه ..

وأنكر مشاعري تجاهج

شاف كيف المفاجآءه في وجههآآ:.........

كمل وهو مبتسم وعيونه تفيض بالحب :لذلك تغيرت جذري ..وهالشيء اسعدج ..

ارتسمت ابتسامه صغيره ع وجههآ:...........

زادت ابتسامته:وهالشيء أسعدني أكثر من انه يسعدج..

[ضغط ع يدها بحنان ]وأنا ما أدري هالشعور لازآل وياج هالحيين ولا لا..؟؟!؟!

بس أنا ابيج تكملين وياي مسيرت دربي ..وأبي مايفرقنا إلا المووت ..

وجود ممكن تسآمحني ..؟؟؟

صدى هالكلمه في بالها ..

تسآمحيني ..؟؟!؟!؟

تسامحيني ..؟؟؟!؟!؟

..,,,

أبتسمت تهز راسهآ "بـ أيه"

عيونه الي مليانه محبه اقوى من انها تكذبه ..

هالنظره دآئما كان يطلع فيها لما فقدت ذآكرتها وعرف انها ماتتذكر شيء من ماضيها ..

وهي تعرف كيف كانت نظرته ليها قبل ..

مستحييل تغلط في بس نظرآته ..

لان حتى كلامته كانت نابعه من قلبه ..

كان كل شيء وآآضح بالنسبه ليها ..

وليه ماتسامحه دام انه متندم ..

لان وضح كل شيء بدون مايكذب ..

ولو هو يعقوب الي تعرفه ..قبل 6 سنين ..

ما عاملها جذي ..

كان بس أمرها ..وما حاول يتفاهم معاها..

وجود : يمكن تستغرب من كلامي .."سكتت شويه وردت كملت " مكانك في قلبي ..كان قبل لاافقد ذآكرتي ..نفسهآ لما تزوجتك..كنت أنت الوحييد الي سآكن أفكآري..

يعقوب وما أدرآك مايعقوب ..حالته ماتنوصف <~يعجز الوآحد يوصفه من الوناسه خخخخ

وجود :بس لما أدرك خطأي[تقصد مكالمتها لعزيز]..كرهتك ..ونسيت كل مشاعري تجآآهك ..لان الي سويته جرم عظيم وكان بمعونتك ..وآظن أنك موغافل عن الي سوناه في عبد العزيز ..لانك تراقبني في تصرفاتي معاه ..

عقد جواحبه بضيق:........

جود وهي تراقب وجهه:وأقل حاجه أن خليته يميل لي بدل مايميل لـ رهام ..ويوم هديه عيد ميلاده والعفسه الي صاارت بسببي..

:.................

:ما تدري شنو صار فيني لما انتبه لخطأي

كنت اتمنى ان مانوجت في الحياه و اموت مع ابوي وآمي ..

يعقوب كان بيتكلم بس هي ابتسمت ابتسامه صغييره وقالت :بس هذا مايمنع اني اسامحك ..

لان كلنا معرضين للخطاء ..وأهم شيء أننا لما نخطئ ندرك خطأنا ..

ابتسم ابتسامه جانبه بدون مايعلق ..

فجآءه ,,تحولت ملامحه لجديه وقال :صحيح هذا مو وقته بس ابي اقول لج شيء ..ما أدري يهمج ولا لا..

سكتت ونظرآتها تحثه ..قال :يوم الي اخوج تركج وخذلج ..وبعد ماأخذ الي يبيه ..في طريقه صابه حادث و و و مات ..

برجفه من طاريه :مااات ..؟؟و و كنت تدري ..؟؟

يعقوب هز راسه بالنفي وكمل:لا..بس لما خطبتج ..ذكرني ريان به "بولي الامر"..دورت عنه عشان نتمم الخطبه ..وأكتشفت انه مات في نفس اليوم الي تركج ..

بفضول :أجل كيف تم العقد ..؟؟

يعقوب ابتسم ع جنب:ولي امرك الي من بعيد ..والمفروض تكونين معاه خلال 6 سنين ..بس القدر جمعنااا يا وجود..

قطبت حوآجبها بدون ماتعلق وهي تفكر ..

"مارح أكذب عليك واقول اني متأثره لموته ..

لان اخوي كان شخص ماعنده ذما ولا ضميير

كنا انا و جود نعيش في رعب ..نخاف حتى من ظله ..

بس الشيء الي يحزني ..

أن هو أخوي من لحمي ودمي ..من امي وأبوي وعاملنا جذي ..

وشردنا وهو المفروض يكون أحن وآحد علينا ..

شيء يحز في الخاطر"

ابتسم يعقوب وقال وهو يحاول يغير الجو المشحون :الله يعني ع تعليقاته ..

:منو تقصد ..؟؟

اشر براسه ع مساعد :وفي أحد غيره ..هالحين مابسلم من لسانه ..

[وهو يقلد ع كلام مسآعد ]يا رومنسي ..والله طلعت شاعري ..

ضحكت وهي تطلع جهتهم :هههههههههه

شافت جود ومساعد جنب بعض بس فيه مسافه كبيره بينهم ..

كانو يراقبوهم ..

مسآعد وهو ياشر بـ أوكي [كل شيء اوكي]

يعقوب وهو مبتسم ع جنب رفع كتفه بماأدري ..

مسآعد رفع حاجبه وحط السبابتين جنب بعض وأشر عليهم

اشر له يعقوب أنه مافهم له ..

مسك مساعد جواله ورسل [انت راز فيسك عند وجهها والحال مو أوكي ..معقوله.؟!؟!]

رد عليه :والله مابسلم من لسانك سوآء راضيتها ولا لا..

لما قرآها اطلق ضحكه مدويه ..

التفت له الكل ..

جود بتكشيره :يآدآفع البلا ..مثل المجنون تضحك بروحك ..

أخوي روح تباعد عني ..أخاف تعديني ..

مسآعد:ههههههههههههههههههههههههههههه

لما وقف ضحك وماعلقت قالت وهي أطلع في يعقوب و وجود:هالحين تصالحوو صح ..؟؟

مساعد الي يراقبها:أيه ..

قالت دموعها ع وشك تنزل:الله يوفقهم ..

ما تدري ليه تصيح هل انها فرحانه لاختها ..ولا حاسه انها بترجع وحدها ..

بعد فترة صمت

وكل وآآحد فكره في وآآدي ..

قال بصوت هادي ومنخفض : تتزوجيني..؟؟

قالت بـ غباء وهي ملتفته له :وشو رجال يتزوج رجال..

فطس ضحك :هههههههههههههههههههههههه ..يامينونه[قال بصوت اعلى] اقصد ابي اتزوجج انت جود الـ . . ..

فتحت عيونها بصدمه وقالت بصوتها العادي :ش ش شلون عرف بـ ـ ـ..؟؟؟

وقطعت كلامها

ابتسم بقووه:يا مينونه ..كيف مااعرف ..وأنت أخت مرت أخوي ..؟؟

وهي مقطبه حوآجبها وقالت بصوتها العادي:وكيف عرفت اني اخت مرت اخوك ...؟!؟!

:غيدآء قالت لي ..[تتذكرون البارت السآبق..تذكرت لما شافت مساعد مع غيدآء ]

اصريت اعرف كل شيء عنج منها..لاني ابي اساعدج ..

بنرفزهـ:بس أنا م ـ ــ

قآطعته بلباقه:لاني اعرف عنج كل شيء ..ابي اتزوجج ..

وهي عاقده حواجبه:وبكذا تساعدني ..؟؟

تنهد وعرف انه غلط في اسلوبه ..هو يعرف انها اهم شيء عزة نفسها وفكر كيف يطلع من هالورطه الي حطته فيها جود:.........

قالت وهي تفكر : طيب كيف عرفت أنها معاي..؟؟

ابتسم:وجهك قالي ..

قطبت جبينها:شنوو ..؟؟

مساعد وهو لازال مبتسم :الجوآب مافي اسهل منه .. انج ماصارتين تشتغلين ..لا في السبر ماركت ولا في تنظيف السيارآت ..بدون ماتتعذرين بشيء وـ ـ ـ ..

سكت وشافها تنتظر تكملت كلامه زآدت ابتسامته : ولما كلمتج لمحت في صوتج نغمه غريبه ..

وهالشيء زآد في شكوكي ..حسيت ان عندج شيء

:.........

: لذلك سألت سعد رد انج مو مريض ولا فيج شيء ..وسبب غيابج مايعرفه ..

وهالشيء ابدا ماصدقته ..

سعد مايدري.. مستحييل

أعرفه واعرف اسلوبه لما يكذب ..

ابتسمت لطاري سعد ..لان سعد بحد ذآته مايعرف من هي كانت وجود ..وسألهآ بس هي ماجاوبته :..........

أنتبه لابتسامتها واستغرب بس كمل :ولما رحت لاخوي ..وصار الي صار فكرت استنتجت شيء وآآحد وهو مكآن وجود ..

بس الي ما اعرفه هو كيف التقيتووو مع بعض..؟؟؟

لفت قدآم وهي مبتسمه ابتسامه صغيره بدون ماتضيف شيء ..

بقتضاب :شفيج قبل شوي ابتسمتي ...؟!؟!

قالت بخشونه:أمر مايخصك ..

رفع حاجبه بقهر:يامينونه ..كل شيء فيج يهمني ..

لفت له وقبل لا تتكلم

قال بصدق :أنتي ملكتي روحي ..[وهو ياشر ع صدره]ونبض قلبي[بالرغم ان المكان مو مضوي كان يرآقب وجهها الي تغيرت الوآنهآ]:...............

:كيف ماتهميني ....؟؟؟؟

لاني احبج كنت ابي اعرف عنج كل شيء ..

أنا ماحبيتج إلا لما أكتشفت في اشياء ماأحد يعرفها ..

موآقف دلتني انج موو [قآل بحذر]مثل ما انتي تزعمين..

ملامحها كانت هاديه وخجل طفيف:...........

مسآعد بصوت هادي:تهميني وتشغليني فكري وحتى في المستشفى قبل شهر وشوي ..

كنت أحآتيج ..أخاف احد يتعرض لج ..[بـ انفعال]وأنت تردين علي بكل تفآهآتج ..

ياأنج حرقتي اعصابي بحركاتج الصبيانيه ..

جود عضت شفايفها بأحرآج وخبت وجهها في يدينها :....................

مسآعد :ماجآوبتيني ..تتزوجيني ع سنه الله ورسوله..؟؟؟

::

::

رآكآن ..

ظل وآقف متسمر ع الكلام الي قالته ليها همس ..مو مصدق ابد ابد ان هذي هي همس الي يعرفها ..

رفع راسه بشويش ..ماشافها ..ولاحس أنها مشت ..

دخل بسرعه بدون ماينتبه للموجودين ..وركب بسرعه لين وصل للباب

تنهد بقووه وحاول يهدي ضربات قلبه ..

فتح الباب بسرعه ..ودخل وسكر الباب وراء بالمفتآآح

إلتفتت بمفاجآءه وشافها ترتب الثياب في شنطه..

تقرب بهدوء لين صار قدآمها وقال بحذر:ويش هالكلام الي قلتيه ,,تبين .......[وسكت]

ردت عليه :اي لانها هذا هو الحل..

تكلم رآكآن بألم:أجل وينها همس الي ماتستغني عني ..؟؟؟

ارخت عيونها وقال بهدوء:مآآآتت ..

بألم آكبر:ووينها همس الي تحبني وتعشقني وماتقدر تعيش من دوني ..؟؟

وهي تحس بدموعها راح تتجمع:مآآآتت..

:طيب شنو مناسبه هالطلب؟؟

رفعت راسهآ وقالت : لان أتمنى فراقك..وما اقدر أكمل معاك ..

طلعو في بعض وماحست إلا تغوص في احظآنه همس :إذآ همس تقدر تعيش من دون رآكآن فـ رآكآن مايقدر يعيش يومه من دونها ..

دموعها بدت تسيل ع خذها ماقدرت تمسك روحها

لازم تتباعد بس اول شيء لازم تمسح دموعها بدون مايحس.. وتكون قويه :................

قال وهو يحضنها زيااده:همس ..آنآ أسف ..

رمشت بعدم تصدق وجمدت مكانها قالت بهمس :وشوو ..؟؟؟

تنهد وهو يتمسك فيها بقووه :أي آنآ آسف ..أني قصرت في حقك..

آسف أني جرحتك ..

..آسف أني اهملتك ..

آسف اني هجرتك ..

آسف اني أهنتك ..

آسف آني قسيت عليك ..

آسف اني نزلت دموعك ..

آسف آني سببتك المعاناه ..

آسف ع كل شيء غلطته عليك..

ماشاف ردت فعل ليها كمل وقال بهدوء: انتي مالاحظتي كيف كانت معاملتي لك في اوآخر الايآم ..ماكآنت متغيره ..

وهي مغمضه عيونها :................

رآكآن:ماكنت اتودد لك ..

ماكنت أحاول اتقرب ..

لاني عرفت بغلطي ..

وغلط آكثر لان ماجيت وآعتذرت لك ..

لاني متوقع انك راح ترضي ..مثل قبل ..مثل ايام خطوبتنا

تأكدت ان موفي وجهها دموع ..وتباعدت ..لما وقفت عينها عليه :رآكآن ..؟!؟!؟

رآكآن حط يده ع كتفها :انت الي نبهتين لـ هالشيء ..

لمـآ كسرتي صورتي وقلت اكرهك ..

هالشيء ضايقني ..

ضايقني ..وخلاني انتبه شنو سويت فيك ..

وأرآجع تصرفاتي ..

ونبهني أن انا طريقتي غلاط ..ومعاملتي لك مو صحيحه

همس وهي تطلع في عيونه:.............................

رآكآن :همس ادري اني مااستحق أطلب منك تعطيني فرصه ..

بس إذآ عطيتني هالفرصه بعوضك عن كل الايام الي راح ..

همس نزلت راسها وابتسامه بتشق طريقته بس لحظه ..

رفعت راسها وقالت :أنا شنو يضمني انك ماتكذب علي ..لان طلبت الطلاق..

ابتسم ع جنب :الايام بتثبت لج ..

همس وهي ترفع كتفها :يمكن تمثل علي ..

رآكآن:لا أنت رآح تميزين إذآ أكذب ولا لا..؟؟

لانج تعرفيني ..

كانت تبي تبتسم بس قالت وهي تحاول تقطب حوآجبها

:بس إذآ ماعجبك تصرف مني فهذي ردت فعل طبيعيه من برودك جفاءك معاي ..

"رآح اعيد فيك خخخخخخ"

رفع حاجبه وعرف من جوآبه الموآفقه قال وهو مبتسم بقووه :الله يعني ,,انا الي جنيت ع روحي ..طيب انا بنزل وبشوف نجمه

كشرت متعمده وقالت :خيير .؟؟

لما طلع سكرت الباب ..وتسندت عليه وهي مبتسمه بقووه ..

همست" أحبه"

صحيح يمكن البعض يعترض ع قرارها ..

بس في ناس كثيره حياتهم كذآ تكون زوجه ثانيه ..

ويمكن مثل قصتها او اسوء ..

ووش فيها لو كانت زوجه ثانيه ..أهم تكون عزيزه ..

والكل يقدر ..

وهالشيء تحقق هالحيين ..

كلامه ماعليه كلام ..لان صار يتقرب منها بس هي الي تنفرمنه وهالشي أكييد ردت فعل طبيعيه من فعايله فيها ..

هي متآكد ان هالحين راح تنزفزه وترد له ايام النكد الي كان تعيشه..أو بعضها ..بس في النهايه رآح يبين حبها له ..

ولما تنكشف هالاوراق ..رآح يروح كل المتعه ..

ويمكن تحصل ليها لوم من رآكآن ..

::

::

نوري وسعود..

علاقتهم مع بعض كانت شبه معدوم ..

كأن كل وآحد يعيش بروحه ..

كانت ملانه بقوووه ..وهي تطلع في التلفزيون ..

وسعود مطول ..هو في الغرفه من تقريبا ساعه ..

ودها تعرف شنو يسوي ..

شوي الا هو طالع وكان كاااشخ مرره..

حلق وتسبح ولبس الثوب والشماغ ومشخص..

كان شكله يذكرها بيوم خطبتهم كيف كشخته وحلاته

حست برجفه في جسمها ..

تبي تصيح ..صاير هاليومين حساسه بقوووه ..ع اقل شيء دمعتها تسبقها ..

قال وهو مبتسم بقووه وفرحته ماليه وجهه:شرآيك ..كأني المعرس ..هآ..؟؟؟

كانت بـ تطنشه بس لسانها خانها قالت باستغرب :معرس ..؟؟؟؟

ابتسم وقال :رآيح اعرس ..خخخ

مسك الرموت بقووه وارخت عيونها بقووه :آهآ..

سعود وهو مركز عيونه عليها :أبيك تسوين بخور وتبخريني ..

رفعت نظرها وطلعت فيه بقووه ,,همس سعود :ممكن..؟؟؟

تكتفت :كل وآحد يخدم روحه بروحه..

سعود وهو رافع حاجبه ببتسامه جانبه صغيره:بس انتي زوجتي ولازم تسمعين كلامي..

قآمت بقهر وجهزت البخور ..وبدت تبخره ..مارفعت عينهآ عليه ..

ماتدري ليه سمعت كلامه ..هي غبيه هالحين هو رايح يتزوج وهي تبخره ..

سعود تكلم وهو مانزل عينه عليها ..يحس فيها شيء موطبيعي..:نوري ..

رفعت راسها وتطلع فيه قالت ببرود:هلا ..

ارتجف قلبها منه ..من فتره طويله ماحطت عينها على عيونه وماكانت بقربه مثل هاللحظه ..حس سعود ان عيونها تقول اشياء واشيااء

تكلم تقرب منها وهمس :شفيك ..؟؟؟أحسك مو ع بعضك ..

من سالها غصب عنها تجمعت في عيونها دموعها

كانت بتلف عنه بس هو مسكها ولفها جهته وقال بهمس:نوري شفيك ..؟؟؟يعورك شيء ..تحسين بتعب ..

هزت راسهآ بهدوء:..............

قال وهو يفحص وجهها بهمس:طيب ليه هالدموع ..؟؟أكييد في سبب..

وعيونها ع الارض:مافي سبب ..بس في دخل عيوني دخان البخور ..

رفع راسها وحط عيونها في عيونه ..ومسك ذقنها عشان لاتنزل راسها :نوري ..كيف دخلك وأنت طول الوقت منزله راسك ..

ارخت نظرها:مممآأدري ..

سكت شوي وفكر ..وترك ذقنها وحط يده ع كتفها ..قطب حوآجبه وقال :أحد مضايقك في العمل ..؟؟ولا مو عاجبك الشغل ..

رفعت راسها وانتفضت بين ذراعه كانت تحس بكتمه :انت قاعد تسخر علي صح ..

هز راسه بمعنى لا ..

قالت وهي بقهر:أي تسخر ..

سعود:لا ناني ما اسخر ..أنا ابي اعرف سبب كآبتك ..

ردت عليه وهي تنفض أيده من كتفها وقالت بهمس وهي منزله راسها وهي مقرره تعترف بالشيء الي يدور في بالها :إلا تسخر علي ..

تسخر علي لاني وقعت فيي حبك ..وأنت تعرف ..

:أنت كنت تنتظر هاللحظه من اول يوم أكتشفت فيها اني انا الي فشلتك قدآم كل الناس..

كانت ملامحه جامده وهي تكمل وترفعت صوتها وراسها :أكييد تبي تستهزء وتسخر علي لاني اعرف انك رجال مغازلجي ومع ذآلك حبيتك ..

سعود :....................

كملت نواره بسخريه:أكييد رآح تستانس ..أن انا اول وحده ما انصاعت لحبك ومع ذآلك حبيتك ..

سعود لف بنظره عنها وقال :نوري شهالكلام الي تقوله ..؟؟؟

نوآره وهي تتباعد عنه :مو هذا الواقع ..لاتحاول تخفي انتصرتك ..

سحبت الجوال من الطاوله : قوم شغل الموسيقى وارقص..عبر عن انتصارك ..

كان لازال واقف مكانه موعارف كيف يهديها ..

سحب جواله وهو يستغفر تنهد وقال وهو مو عارف شو يقول : نوري ..أنت تتوقعيني اسوي كذآ ..؟؟

عضت ع شفايف وقالت بنفعالها :للأسف أي ..

نزل راسه وهو يفكر ..

:شو متوقع اني غبيه ومااكشف خطتك ..

رفع راسه وقال بهمس:كفايه ..

كملت وبدون ماتصغي له قالت بألم :أممم شكلي اختربت لاني انكـ ـ ـ

حط يده ع فمها وقال بحزم:كفايه ..أكتفيت أنا ..

طلعت فيه وشافت لمحت حزن وآلم في عينه ..

يتبع ,,,,

👇👇👇

تعديل المقال