رواية ليت قلبي مثل الحجر قاسي -39
كملت وبدون ماتصغي له قالت بألم :أممم شكلي اختربت لاني انكـ ـ ـ
حط يده ع فمها وقال بحزم:كفايه ..أكتفيت أنا ..
طلعت فيه وشافت لمحت حزن وآلم في عينه ..
ليه ..؟؟
سعود :أنا عرفت كيف تفكيرك .. مستحيل اتكلم وكذآ تفكيرك ..
لان عارف أن إذآ تفكيرك كذآآ مستحيل تصدقيني
قالت وقلبها يرقع :وشنو تبي تقول ..؟؟
طنشها ومشى
فكرت في كلامه شافته ناوي يطلع
نست حزنها وآلمها
وراحت بتجاهآ وقفت قبل لايطلع حطت عينها في عينه وبلقافه:وش كنت ناوي تقولي ..؟؟
شال عيونه من عيونها :مولازم تعرفين هالحيين ..
ردت حط عينها في عينه:أبي اعرف هالحين وقبل لاتطلع ..
قال ببرود :الايام الجايه بتعلمك ..
رفعت حاجبها وقالت وهي تفكر بجنون وبصوت عالي وعيونها مشتته:شو الي مو راضي يقول لي اياه ومابصدقه ..معقوله أنــه ..
تقرب منها وهي تتكلم لين قرب وصار مايبعد عنها شبر وهي مومنتبه
قرب لأذونها :يا مجنونه انا مجنون فيك ..
إلتقت عيونهم..
دقات قلبها طبول ..صارت تسمعه مثل ماتسمع صوته قالت بفهاوه: هآآآ..؟؟
سعود الي استسلم لمشاعره’’ مسك شعرها ويحوس باطرافه : انتي شو سويتي فيني ..ترآك عذبتيني ..
رجعت خطوه وهي تحس انها اختنقت :أنت شو تقول ..؟؟
سعود بحب: ماحسيت إلا بحبك يحتل كل كياني ..
وماصرت افكر الا فيك ..
نوآره بلعت رقيها :أنت تقول كذآآ للتكلمهم ..
ابتسم بجنون:انا غيرت رقمي عشان هالخصوص ..ماابي اسمع أو أكلم غيرك ..
نوآره:لا تكذب لو كذآآ أنآ مـ ـ ـ
[تذكرت لما كان يحوس في جوآلها ..في نفس اليوم الي تهاوشت معاه ..]
سعود :انا كنت صحيح ابي اترك مكالمتي للبنات ..لان احس اني مااحب اتكلم إلا معاك ..ماأحس بحلاوه إلا وأنا أكلمك .. بس انت فتحتي ذهني لشيء اكبر ..هو خوفي من الله ..
ابتسمت ع جنب :...................
سعود ابتسم بامتنان :انا اشكرك نوري ع كل الي سويته لي ..
اشكرك أنك ذكرتيني بشيء أنا نسيته ..
ذكرتيني أن ربي فوق يحاسبنآآآ ..
اشكرك من كل قلبي ..
لان لو أي بنت كانت ماراح تتحمل حياتي ..مابتسكت عن افعالي ..
وبس الي اقدر اسويه احبك باخلاص ..
قبل جبينها ..
سكتت شوي
أبتسمت وقالت بنذآله :فيه شيء ثاني تقدر تسويه ..؟؟
رفع حاجبه وهو مبتسم :وشوو..؟؟
:تشيلني وتدور بي في الشقه ..
حط خشمه ع خشمها وقال :أمري واتدللي بعد ماارجع من خطبة أخوي جآسر..
تخصرت بقهر وقالت وهي تقلد عليه:بروح بعرس..؟؟
سعود بنذآله :يمكن بعد سنه ..أذآ مملتيني ..
ضربته في صدره :أنقلع ما ابيك..
سعود وهو يضحك من قلب:ههههه ..
هي صدقته ..صدقته بدون ما تتأكد قبل لا تقول الي قالته ..
وسلمت مشاعرها له بكل سهوله..
لانها شافت ندمه ع الي سوآآآه
وانتباه لاغلاط ..
وهالشيء يكفيها
ويكفي انه تعهد بحبه ليها ..
جود ..
كان الايام الي راحت من أحلى الايام
عاشت في شقة وجود وصارت معاها مروج ..
حتى أختها وجود اغلب الوقت معاهم ..
[طبعا مروج لما عرف انها اخت وجود استغرب وسالت ليه هي ماحظرت زوآجج وملكتها..جآوبتها وجود ..في اشياء الأفضل انها تظل مبهمه]
خلال هالايام حست بنشوه فرح ..حست بجو عائلي ..وحست وأخير بالامان
وتجهزت لخطوبتها بـ مساعدت هالثنتين ..
مسآعد كلما حاول يشوفها مايقدر ..أخته متصدرته ..ومانعته ان يشوفها ..
ووقت التحليل ..رآحو قبله ..
والي شجعع هالشيء ..جود نفسها ..لانها لازالت مستحيه منه ..لانها كل ماتتذكر انها جاوبت عليه لما سألها وبعد اصرار..تحس روحها مينونه مثل ماقال هو..
وتتذكر كيف فرحته في عيونه وآآضحه..
كان هذا اليوم الي تنتظره الكل ..
مسآعد فرحته وآآضحه للكل ..شوي ويرقص من الفرحه ..
واخوه يعقوب ماخلاه في حاله ..
كان ينتظر الكل يطلع ويظل هو مع جود
ساكت وهو يحترق ..
مو قادر يطلع في جود ..عارف ان أخته نشرت اخبار ..
رآح تنشر شنو صار للعائله كلها ..
كان الوضع لما لبسها الدبل والشبكه حدث ولا حرج
جود شوي تطيح عيونها من الحيآآآ..
ومسآعد متبهدل وخصوصا لما قالو له لبسها العقد ..مارضى ..بس رضخ لما قالو له انهم مابيطلعون إلا لما يلبسها العقد..
وتعليقات أخته وعماته وآهله ..خلتهم ينحرجون وآآيد..
ولما طلعوو ..
سكت فتره وهو يحترق يبي يشوفها بس هي مطوله عشان ترفع راسها
:جووود..ياااهووو ..
ع قولت اخوان الاماراتين مآآآشي رد ..
بعد فتره شهق بقووه :جود وش ذآ آآ ..؟؟؟
التفت له والتقت عيونه في عيونها ..رمشت كذآ مرره وهي تنتظر يقول شـ فيه ..
بس فهمت ابتسامته الماكره ..ان غصب عنها خلاها ترفع راسها وتطلع فيه ..
لفت عنه بحرج ..
أنقهر منها وكان وده يفطسها
سكت فتره وهو يقول هذي مو جود الي اعرفها ..
مو هذي جود العنيده..موهذي جود الي تخبل عليها ..
أمممم
قال مسآعد :أي صح نسيت اقولج ..
التفت له بدون ماتحط عينها في عينه
قال بنذآله:نسيت ماعطيتج راتبج حق الشهر ذآآ..
فتحت فمها بصدمه وقالت بقهر خفي وبهمس سمعه:سخييف ..
مسك ضحكته وقال :هذا حقج وأنا مايصير مااعطيج وياااه ..
حكت اسنانها ببعض وقالت بهمس : والله بذبحك
سمعها بس سوى روحها ماسمعها :لازم أعطيج اياه..آممم خلاص بكره بعطيج اياه ..بوكي ماجبته ..
قالت وهي ودها تخنقه وتطلع فيه ,,.بقهر: صدقني بذبحك..
أبتسم وهو يشوفها :ههههههههههههههههههه ..
عضت ع شفايفها وقالت بنفآذ صبر:هذا وقت سخافتك وهرجك..
مسآعد :فديتج لما تكونين ع طبيعتج ..أحبج لما تتكلمين بعفويه ..
لذلك طريت هالموضوع ..ولافلوسي وحلالي كله تحت اشار منج ..
جود وهي ميله فمها:مااقدراتكلم وأنت تطلع فيني جذي ..
رفع حوآجبه وقال :نظآراتي عآديه ..ومافيها شيء ..ولا تبيني اغمض عيوني ..
ابتسمت بمجامله:ياريت ..
بنذآله:إذآ أنت بغمضين عيوني بأيدج ماعندي مانع ..
طلعت قدام وهي مكشره بدون ماتعلق :.....
بعد شويه وسكوت دام دقايق
حست بأنه قاعد يطلع حاجه ..طلعت بطرف عينها شافته يطلع بوكه ..ما تدري شنو ناوي مسآعد هل هو صحيح بعطيها راتبها المزعوم ..ولا هذا يلعب باعصابها
وقبل لاتفكرو واايد
لفها جهته والتقت عينهم ابتسم ب عذوبه ..ورفع يده شافت فيها شيء غالي وعزيز عليها شافت سلسلتها الي عطتها ويااه..قال وهو يلبسها وياها :هني مكانها ..
جود:مسآعد ..
وهو حاط يدينه ع كتفينها :أدري انها عزيزه ع قلبج لذلك مافي احلى من تكون هديه لج ..
هزت راسها وقالت بحلميه : لا ..حياتي بدونك جحيم ..آحبك ..
النهاااااااااااااااااااااااااااااااااااااااااااااا اااااااااااااااااااااااااايه..
بعد كم سنه ..
::
جود:أحب اعرفكم ع عائلتي الصغيره ..
أنا ومساعد وتوأميني سرآج وجوآد
عائلتنا حلوه صح..؟؟..
جبت بعد زوآجنا المبارك تؤأمين ..
لما عرفت اني حامل بتؤأم ..زعلت ع مساعد وقمت اصايح وانايح ..
بس لما ولدت ..حبيب قلبي الاول والاخير ..
ساعدني وآآيد ..صار هو ماسك وآآآحد وأنا وآآآحد ..
وأصر يسمي وآحد منهم سرآآج والثاني جوآد ..
سرآآج ع قولته يذكرني بحبي لج ..
بس جوآآد ..ماأدري ليه..؟؟؟!؟!
تتوقعون لان سعد قال لي ابو جوآآآد ولانه يقولي من بعد خطوبتنا ام جوآآد.. كنت احسبه يبي يقهرني
وسعد تغيرت علاقتي معاه ..صارت سطحيه وعلاقته مع مساعد صارت اعمق..
علاقتهم حلووه ..هالحين خطب ..ورآح يتزوج قريب..
أما بالنسبه لـ تؤأمي ..
هي بتتكلم هالحين ..
وجود: هآآآي جمآعه ..
أنا وجود وعائلنا اصغر من اختي ..
أنا و يعقوبي وبنوتتنا الحلوه شيرين
عشت مع يعقوب أحلى ايامي ..
هو تغير كثير ..وهالشيء من صالحي ..بس بعض الاحيان احسه يكون بارد ..ومايكون كذآآ إلا لما يبي يقهرني ..
أياامنا ماهي بحلوووه ع طول ..فيها أيام اكييد مرره ..
ووآصلت اشتغل بتشجيع من يعقوب ..
بس طلبت منه ان مانكون مع بعض في نفس القسسم ..عشآن نشتاق لبعض ..
بس الشيء الي يقهرني ويبط جبدي ..وهو
لو أمر من قدآمه ما كآنه يشوفني ..عشان يسلم من لسان الشباب ..أفطر في الشغل مع مروج الي متزوجه خوي يعقوب سلمان ..
بس الغذآآ أختي جود هي الي تطبخه مع امه ..
و لو محد ما يسمع كلامها يويله .... مثل مابتشوفون هالحيين ..
خالتي أم محمد تحبهآ وآآيد ودائما واقفه في صفها ومعوضتها عن حنان امي الي فقدته ..خخخخ ..
والي يهتم في بنتي آختي وجود..
الي مفرغه روحها للبيت..
علاقتي بـ جود صارت اقرب ..
هي جو العائله مع زوجها ..دائما كل وآحد مايخلي الثاني في حاله ..
:السلام ..
الفتو ليهم ..كان يعقوب ومساعد توهم راجعين من الشغل..
يعقوب الي ماله خلق من الحر ومساعد الي يبين عليه التعب بس لازآل مبتسم ..
مسآعد جلس وناوي يبدي :اشوف الغدى جاهز..
جود:أي ..
مسآعد بدى في الآكل ..جود وهي معصبه :مسآعد ماكآنك نسيت شيء ..
مسآعد إلتفت ليها وهو مبتسم:هاا ..وشو ..
بقهر :قوم غسل ايدك ..قبل لاتكمل ..أنا ما احب تأكل وأيدك مو غاسلها ..
بضجر:أففف ..لازم هالموال يوميا ..
وهي تقرب منه وتدز راسه قالت وهي متنرفزه من استهباله:والله أنت الي دائما تعيد الموال ..غسل ايدك وخلاص..
وهو يمد يده يرآويها :شوفي يدي مو وسخه..؟؟
سحبت يده وهو قام راضخ للوضع ..
طلعت في يعقوب قالت وهي رافعه حاجبها : الكلآم موجهه للجميع ..
وماكان فيه غير يعقوب الي قاعد حول الطاوله ..
مسآعد رآح جهته و سحبه وقال يستهبل:قوم لاتحرمنا من الغداا
يعقوب يهمس بصوت عالي وهو يبي يقهر جود الي ماتخلي احد في حاله: الله يعينك عليها ..كيف صابر عليها...؟؟؟
همس له بصوت منخفظ :مشكلة القلب ومايهوى..
::
رهآم وعزيز ..
من اول ماقطعت وجود علاقتها معاه ..قرر يصلح مع رهام ..مع ان قلبه مع وجود أو مثل مايظن سهام ..بس
لما كلمها بعد مافتحت جوآلها .. ..تندم ان علق حبه عليها ..وعرف انه أخدع
وصار مايطلع إلا في رهآآآم ..
::
نوآره..
كانت واقفه قدآم مرايا تعدل روحها ..اليوم فيه جمعت اهل ..وبتشوف امها ..علاقتها بأمها صارت احسسن بكثير ..
ودائما تتأخر بسبب بنتها آيه الي عمرها سنه..
بنتها ماتخليهآ تخلص شيء ..تحوس وآآآيد ..
وهي هالحيين عند سعود ..عشان تخلص اسرع ..بس شكلها رآح تتأخر وهالشيء رآح يقهر سعود ..وآكييد لمايرجعون راح يتهاوشون ..
آيه ,,دلوعه ابوها ..دآئما يبي يقهرها بـ آيه
يدلع آيه عشآن يثير الغيره عند النوري..
و
هي تركت شغلها من اول ما ولدت ..
حست انها لازم تتفرغ لبيتها وزوجها..سعود في البدايه عادي عنده لو اشتغلت او لا ..بس لما شافها أكثر أهتمام له اعترف ليها انه كذآ افضل ..
سمعت نغمة المميزه جوالها
ردت بخوف: والله بخلص ..خمس دقايق بس..
سعود :طيب خمس دقايق ..وأنا عند الباب ..
نوري:آشوفك مروق..شو الطاري..؟؟
بنذآله:بس شفت بنت في الـtv..وعجبتني ..شرايك تخطبيها لي ..
.. إلتفت لباب الغرفه وشافته وآقف ويسكر الجوال ..يعني يكلمها وهو في الشقه ..
عضت ع شفايفه بقهروهي تقول :يصير خير [وهي تغير الموضوع بمزآج معكر]إلا وينها آيه ..؟؟
وهو يبي يقهرها :فديتهآ قلب ابوها ..عندي أمي ..
نوري بدلال :وآنآ..؟؟
بستهبال:أنتي ..شنوو ..؟؟؟
بقهر :آآآآآآففففففففففففففف
تقرب لين صار جنبها وهو يغير الموضوع:ماتبين تشوينها ..؟؟
:منوو ..؟؟آيه ..؟؟
سعود:لا زوجتي الثانيه الي بتخطبيها لي
بتكششيره :لا ..
وهو يحوس في وجهها بدفاشه:طيب شفيك مشكيره يابعدي..
سمعت صوت جوالها ينبها بوصول رساله ..فتحتها هي تقول :أنا مو مكشـ ـ ـ ..[ابتسمت بقووه وقالت بوناسه]
يآآآي وناااااااااااااااااااسه همس ولدت ..وآخييرا جابت لينا حمود فديته..
وهو يقلد عليها وبسخره:يآآآآآآآآآآآي صحيح ..
نوآره بنرفزه وهي تدفه:سعود اقلب وجهك ..
بنذآله:طيب يازوجتي الاولى ..
::
همس كانت تتجهز لانها بتطلع من المستشفى ورآكآن يخلص الاجرآءت :آوآخيير ولدت محمد ولدي القمر ..
تأخر في الحمل شويآت.. كان الوضع عندي عادي بس رآكآن أنقهر ..الي يقول ماعنده ولدي تارس له عينه ..
ولما حملت أستانس وآآآيد ..يمكن آكثر مني ..
وخلال حملي دللني ..بين وبينكم أتوقع لانها الحمل الاولى ..بس ماادري يمكن أطلع غلطانه
بس تعتب وآآيد في ولادتي ..وكل مابين فتره أروح المستشفى لان آلام الولاده ملازمتني من الشهر 7..
حتى لما قعدت رآكآن يودني في وقت الفجر لان بولد
رد علي :متأكده انك رآح تولدين مـ ــ
بس انا قآطعته وانااصيح من الالم :رآكآن بسرعه عجل ..
المسكين مو مصدق من كثر مايوديني المستشفى ..خخخخخ
محمد اخو رآكآن مرتبش به ..لان يقول نسخه منه .. وهو أحم أحم ..خطيب اختي اسيل ..
آمآآآ
نجمه طيوبه ..وما أدري ليه هوآجس كانت ماتحبها ..
بس ابشركم صار علاقتهم احسسن لانها أخذت أخو نجمه ..
وسمر بعد مايجي رزقها أدعو ليها ..
وبالنسبه لعلاقتي فيها ..صرنا صديقات ..
وعلاقتنا ماعليها كلام ..
الغييره موجوده ..بس مو مثل ماتتوقعون ..
وهي صارت علاقتها في أهل رآكآن أكثر يعني يجي آكثر عن قبل..
رآكآن الي دخل الغرفه قال وهو يقرب :ويش خلصتي ..؟؟
ابتسمت في وجهه:اي ..مشينآآآ ..
..
وآخيييييييييييييييييير بنكتب ..
تـــــــــــــــــــمــــــــت
هالله هالله بردود ..
وياريت من المشرفات ينقلوها للروآيآت المكتمله
..
وابي منكم رايكم في شخصيات الروآيه ..؟؟؟
سلآم ..
تجميع
زهور حسين & اســ(DANIA)ــطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك