رواية من أعماق أحضان مجنونة -45
انا الليلة ببات هنا وبكرة ابوي بيجي ياخذني وقدامه وقدام ابوك بقول ان الموضوع انتهى وان مافي نصيب علشان لاحد يساْل عن شي؟
تنهد احمد وقال بامتنان شكرا يازينة...
لفت عنه وهي تكابر لاتنزل دموعها وقال لها مابنساها لك...
ظلت ساكتة وهي تتقطع..
احمد انتبهي على نفسك...وصدقيني بيجيك بيوم من الايام انسان بتحبينه وبيحبك ومابتندمين انك اخذتيه؟
تنهدت بصوت عالي ومسموع وكاْنها تبيه يطلع..
قال بتبرير زينة....انتي ماحد يرفضك...بس انتي طلعتي بحياتي بمرحلة متاْخرة..قلبي اللي تبين تسكنينه سكنته قبلك وحدة ثانية....
زينة ببكي تستاهل ريم كل خير...عسى ربي مايفرقكم يااحمد..
تنهد وقال حكت لي كيف انك كنتي تكلمينها وتتطمنين عنها وتبكين اذا سمعتي صوتها..
زينة وكاْنها تذكرت شي شكرا لانك ماقلت لها اني انا اللي ابيك...
احمد انتبهي على نفسك يازينة...تراك غالية علينا....
غمضت عيونها علشان تسمح لدموعها تنزل بسبب مواساته لها...
زينة بتقطع ريم تستاهل فعلا كل خير يااحمد...خل بالك عليها زين....
احمد بحالمية زايدة قطعتها اكثر ريم...ريم غير عن كل الناس...
سحر طاغي الحسن فيها ...من العين الله يحميها
سمرا وحيل جذابه...حلا الدنيا وما فيها
عليها عيون ذباحه...حسنها عينها سلاحه
نظرات العيون سهام....تصيب بوقت ترميها
بسمتها حياه وموت...وعزف اوتار عذب الصوت
ضحكتها ترد الروح...اشهد ملك غاليها
سبب حسنك يا سمرا صار...الورد الجميل يغار
كلامي فيك يا سمرا...حقيقه صعب نخفيها
عذاب بشفتك بسمه..ينسي كل بشر اسمه
ونار الشوق لعيونك..محال البعد يطفيها
وصوفك ضيعت عيني...وصرت اسأل انا ويني
خذتني مني عيونك...رمتني في بلاويها
يا سمرا فاتنه حيره...صرتي للحسن سيره
قصيده فيك ما توصف..جمالك كل قوافيها
لونك عشقي وجنوني ..يا سمرا صرتي بعيوني
ملاك بصورة انسانه...من اولها لتاليها
ناريمان علامك طولت بالمكالمة؟
ماقال شي بس ظل مبتسم..
ناريمان خير منو هالأ نسان اللي غير لك مزاجك؟توك متضايق على الامتحان اللي منت واثق منه؟
غسان تنهد بارتياح وهو يقول شخص ماتوقعت اسمع صوته بالمرة؟
ناريمان اممم بطلع فضولية لو سئلتك منو؟
غسان اممم فيك تتوقعي بالاول؟
ناريمان بتفكير اممممم هالة..
غسان ليش يعني؟
ناريمان بس كذا..احسك تبتسم وترتاح لاسمعت صوتها؟
غسان ليه اذا سمعت صوت دارين ماابتسم ولاارتاح؟
ناريمان لا...مانشوفك الا مت ضحك....
غسان ههههه
ناريمان لاتضيع السالفة وقول منو؟
غسان فطوم...
ناريمان وقفت اوه ه ه اجل مالي لزوم مدامها اتصلت؟
غسان هههه قعدي بس يامعودة
ناريمان وهي تضحك يعني فطوم وخواتها ورانا ورانا مايتركونا...
غسان لازم تشوفينهم حالة غير موجود منها بها العالم ابدا...
ناريمان أي يبين انهم حالة غير موجود منهم بالعالم لانك وانت تسولف عنهم مصورهم شي خيال؟
غسان تغارين منهم يابنت؟
ناريمان بحالمية أي اغار....
اسكتوا اثنينهم وهم يناظرون في بعض ويتنهدون...
وصلوا عيال العز مريم ونسايم قبل ام وليد حتى ودخلوا لان المكان مكانهم.....
ماشافوا احد بالصالة بس سمعوا الاصوات طالعة من المجلس...
وراحوا المجلس مباشرة..
يوم وقفت مريم قبال الباب وجنبها نسايم سكتوا كل البنات وهم يناظرون فيهم....
نسايم بهمس منهي دارين؟
مريم بنفس الهمس اللي لابسة برمودا احمر وبلوزة بيضاء...
هالة بقوة الناس لادخلت مكان سلمت؟
دخلت مريم وماكانها تسمع وجلست قريب من زينة وقامت تناظرها اما نسايم جلست جنب دارين اللي حاطتها في بالها....
مريم باحتقار لزينة اللي كانت شايلة عبايتها مثل باقي البنات اشوفك ماخذة راحتك وكاْن البيت بيتك؟
زينة بهدوء وهي تناظر في باقي الجماعة ووين المشكلة؟
هالة ضحكت بصوت عالي وقالت لزينة هاذي الحمدلله على السلامة بس بطريقة مريم..خوب تعرفينها ماتعرف ترتب كلامها...الله يعين ولد الحلال بس؟
ضحكوا كل البنات وتفشلت مريم وبان عليها القهر وقالت بحدة اقول سكتي بس يالمطلقة؟
زينة بتمتمة استغفر الله...
هالة باسلوب منرفز اقول مريم ورى ماتتركينا نسولف براحتنا وتطلعين من مكانا لان وجودك ماهو حلو بالمرة؟
مريم حطت رجل على الثانية وقالت بثقة مو طالعة البيت بيت ابوي واللي حاس انه ضيف يطلع برى؟
نسايم اخذتها فرصة وهمست لدارين اللي جنبها اجل مخططة على مطلق؟
جمدت دارين مكانها من الكلمة ولفت لنسايم وماعلقت بشي ..اصلا ماحبت تبين أي شي بس قالت بهدوء نعم..
نسايم الله ينعم علينا وعليك؟
دارين وش عنه تحكين؟
نسايم اها يعني منتي مخططة معه هو مخطط بروحه...طيب خليني اعطيك كم معلومة عن مطلق؟
تعرفين كم بنت مواعد بعمره؟تعرفين كم وحدة تزوج غير طليقته اللي ناوي يرجعها علشان ابوي؟
تعرفين ان عنده شقة في بناية جراح حق خرابيطه؟خوب تدرين هو ماينام بالبيت وكل يوم عنده خوية ومن كل مكان ماتفرق تراها عنده؟
دارين كانت ماسكة نفسها وقالت بثقة وانا مالي بهذا كله؟مطلق اخوك؟وانا شسوي بالله فيه اذا حياته كذا؟
ابتسمت نسايم وقالت بخبث انك صايرة موضوعه بالبيت ها اليومين؟
فتحت دارين عيونها على وسعها وقالت خير..
نسايم بخبث اكبر يقول انك صيدة سهلة ويبي يتلاعب فيك...عاد عمتي ام وليد قالت له علقها وارميها يستاهلون بنات العراقية وهو واعدنها خير؟
عاد كسرتي خاطري وقلت اقولك قبل يوم يجي تعضين فيه على اصابعك ندم؟ترى منتي الاولى ولابتكوني الاخيرة بمحطات حياته؟
ركب سيارته وهو متضايق من نفسه....
كان لازم يااحمد تسكت وماتكلمها؟
لاكذا احسن علشان ترسي على بر وتشيلك من بالها نهائيا؟
طيب ماكان له داعي تجرحها وتجيب طاري ريم بكل ها الحب....
الا علشان لو باقي امل تشيله...
الله يوفقك يازينة بحياتك ويعطيك الرجال اللي يصونك ويبعد عنك عيال الحرام؟؟
وصلت ام وليد واروى وكملوا رفع الضغط عند هالة اللي اصلا كانت مو على بعضها من كلام جراح....
اللي قهر ام وليد هو ان زينة طنشتها وماكملت كلامها معها ولفت على ريم تسولف معها باندماج..
ام وليد باحتقار الا ياريم ماسمعنا شي عن زواج احمد للحين؟
سكت الكل واتجهت الانظار لريم اللي تغيرت الوانها وزينة اللي دق قلبها..
هالة بقوة خلت الكل يلتفت لها اشاعة ياام وليد اشاعة؟ولااحمد يتزوج على ريم؟
سكتوا كلهم ..
زينة لفت لريم بسرعة وقالت باي شهر انتي؟
ريم داخلة الثاني...
زينة وين تتابعين...
ريم لسه ماقررت..
زينة روحي مستشفى سعد..
ريم احمد مايحبه..
ام وليد يوم شافت زينة مطنشتهم وهالة ماينقدر عليها شافت دارين اللي جنب نسايم وابتمست وقالت ها دارين يقولون كبرتي؟
سكتت دارين وماعلقت...
ام وليد بنسمع عنك اخبار حلوة يادارين ها اليومين..
قالتها بشماتة ووقف قلب دارين اللي كانت شاكة بكلام نسايم واللحين كلام ام وليد اكد لها ها الشي؟
..
يوم يدق لها مطلق كانت وصلت القمة من حكيهم وقالت بحدة وهي ترد عليه خير وش تبي؟
مطلق اللي استغرب من اسلوبها ظل ساكت وماتكلم,,,
دارين بنرفزة اذا مفكرني لعبة بيدك فأنت غلطان؟
مطلق بتعب علامك...صايرة لاتدقين ولاتكلمين وفوق هذا كله اسلوبك ماهو نفسه....
دارين بحدة اكرهك....قالوا لو لي عن نيتك يالخاين يالكذاب...
مطلق بصدمة انا؟
دارين اختك نسايم قالت لي عن كل شي وام وليد اكدت لي ها الشي بعدين...
تنهد مطلق وقال بتعب...
يآلي ورآآك ضلوع و من دونك ضلوع . .
متمركز في آلصدر كنك ودآعه
ودي آنآقش مع سعآدتك , , موضوع .
و آبغآك تعطيني فقط نص سآعة
صآر آتصآلك من آسبوع ل آسبوع
حرمت وصلك وآستبحت آلقطآعة
و تغيرت فيك آنطبآعآت و طبوع
وتجددت في نظرتك لي { قنآعة
عيشتني في كل مرغوب ممنوووع
و حرمتني من كل سمع آو طآعة
وعلمتني آن آلجفآ له { كّذآ نوع . .
وآن آلهجر ب آلذآآآت آكثر بشآعة
اول.. تجي يمي من آلشوووق مدفوووع ! !
و محلى من آلمشتآآآق , , غير آندفآآآعه
آن غبت عنك تصيح ودموعك دمووووع
مآ فيك ل آلصبر الجميل , , آستطآعة . .
{مجنون فيني } وآلقلم عنك ,, مرفووووع
همك رضآآآآي و مجتهد في آتبآعة
واليوووم .. لآ حبل الرجى فيك { مقطوع . .
مشيت درب آللفلفة و آللكآعة . .
والي تسبب في تغيرك { مجموع...
1_ عدم ثقة فيني ,, 2_ بث الاذآعة
خل الكلآم الي من الكذب مصنوع !
وآخذ الكلآم اللي تذووق آنتفآعه . .
ماكل هرج يمر , , { آذانيك } .. مسموع !
اربع ارباع اللّي يمرّك ,,, إشاعه
لو الحكي ب فلوس او شيك .. مدفوع , ,
يمديك ضامي لكلآم . . وسماعه
يآ شينهآآ لآجآتك همومك جموع
ولآ عآد عندك ل الموآجه شجآعة
ويآآشينهآآ لو كآن لك حق مشروع
وآقربهم ل قلبك سعى في ضيآآآآآآعة
هذآآ الكلآآآم الليّ من آلقلب . .مطبوع . . إقرآآ كلآآآآم آآلقلب و شوف
من بعد الكلام اللي سمعه من وليد حلف مايتزحزح اليوم من الخيمة ويظل قاعد فيها يحرس شخص هالة اللي داخل ويترصد بلي ممكن يكون كايد لها نية شينة,,,,
اشوفكم يوم السبت ان شاءالله...
البارت السابع والخمسين ,,,
مريم بضيق شفتي يمه...
سكتت ام وليد وماتكلمت...
اروى بقهر هاذي اللي تبين مريم تروح وترحب وتهلل فيها؟انتي شفتيها وشفتي معاملتها؟اصلا ماشالتنا من ارضها ولاعبرتنا؟
مريم زين لكن ياالدلوعة انا اوريك والله اذا مااطلع عيونك انتي وبنات العراقية اللي مصاحبتهم مدري وش عليه مااطلع انا مريم؟
ام وليد بتاءفف خلاص سكتوا راسي بينبط...
مريم بصوت عالي وراسك ماعورك يوم شفتي تطنيش بنت بو مشاري لي ؟؟
ام وليد طنشت الكل مو بس انتي!!
مريم قولي لنفسك؟فرحانة انها طنشت الكل؟
ام وليد وش تبيني اسوي لها يعني...اقولها غصب كلمي بنتي اللي اصلا مو جالسة جنبها ولاكلمتها ولافتحت معها ولاموضوع ماكانها بتكون زوجة اخوك؟
ولاتعالي كلمي بنتي الثانية اللي جالسة وكانها تشاهد مباراة من بعيد لبعيد؟
اروى لاتقعدين تبررين لها اعذار هي ماكانت معبرتنا...مالية عينها الدكتورة المطلقة واختها التافهة؟
ام وليد انتي بالذات مالك شغل اللحين باي شي وحطي في بالك جراح وبس؟
اروى سكتت...
ام وليد مطلق يبي دارينوه يامالها الوجع؟دارينوه عاد....اوووف ياربي...الله لايكتبهم لبعض؟
مريم وانتي بتوافقين؟
ام وليد ماصار شي رسمي علشان نرفض ولانوافق؟
مريم وبتنتظرينه يصير؟
ام وليد سكتت شلون يعني؟
مريم خربي عليهم قبل لايتم ها الشي...(طبعا توصية من نسايم ها الكلام)
سكتت ام وليد وكانها تفكر ودخل ابو احمد وسلم...
ابو احمد متجمعين البنات...
اروى أي...
ابو احمد مريم انتي ليه هنا؟
مريم وين تبيني اروح؟
ابو احمد زينة ماهي هنا؟
مريم لوت فمها وقالت بدون نفس مع دارين...
ابو احمد وانتي وش مقعدك هنا قومي روحي قعدي معهم يمكن تحتاج شي الا انتي قريبة؟
مريم فتحت عيونها وقالت بصوت عالي لاوالله شغالة انا عندها يعني اذا احتاجت شي اقوم لها واعطيها اياه؟
سكت الكل من نظرات ابو احمد اللي كانت تنبى بالشر...
ابو احمد بقوة تعالي كفخيني بعد!!
مريم بدفاع يبى مو قصدي بس مو معقول كلامك.,..
ابو احمد وقف وصار قبالها وقال بصوت اعلى هاذي تصير اخت زوجك...ولازم تاخذين بخاطرها علشان ترضى عنك وترضي اخوها عنك مو تقولين ها الحكي....
لكن الشره مو عليك على اللي مربيتك وماعندها غير عيال العراقية وعيال العراقية..ياليتها بس لو ربتكم نص اللي تربوه عيال العراقية من امهم!!
ام وليد بزعل ابو احمد...
كمل وماكان يسمع وقال لمريم شفيه مشاري...له كم يوم متغير وماهو على بعضه؟
مريم وانا مالي...لاادري عنه ولايدري عني؟
ابو احمد شاطرة .. خوش حرمة..خوش تربية...
قالها ومشى عنهم وصعد فوق لداره.....
دارين تنهدت بقوة وسكتت...
مطلق بلؤم وشهي نيتي يادارين ها...
ظلت ساكتة وماردت عليه....
مطلق بعتب سئلتيني مرة هل انتي الوحيدة بحياتي وقلت لك لا...في كثير غيرك مروا بحياتي بس كانوا تسلية وبس ولامشاعري ماعمرها انهزت لااي وحدة منهم!!ماكذبت عليك كنت صريح معك بكل شي رغم ان صراحتي كانت من الممكن تبعدني عنك وماتقربني...بس كنت حاط في بالي لو ببدي علاقة صادقة ببنيها بصدق ووضوح....
دارين بكت وقالت انت ماسمعت وش قالوا عني!!!
مطلق ليه تعطين اذنك للشمات والعواذل...
دارين وهي تبكي اختك كانت تحلف وتتحلف...قالت انك بتلعب فيني....تعرف لو ان مشاعرك ناحيتي بس هذا هدفها والله ماراح اسامحك ابدا يامطلق...
مطلق انا مدري من اللي بلغ نسايم اني ابيك...بس عمتي انا اعرفها واعرف اسلوبها تكره أي سعادة لااي بشر ماهم عيالها....
عتبي عليك انتي وبس لو صدقتي؟
ظلت ساكتة وظل هو ساكت...وبالنهاية قال بهمس الايام بتثبت لك نيتي...تصبحين على خير...
قالها وسكر السماعة وانفجرت بالبكي وهي كل مشاعرها متلخبطة....
ماكذب عليها من البداية وقال لها عن علاقاته وكيف انها خلته يترك كل شي...
لهجته صادقة بغض النظر عن انه فعلا ترك كل علاقاته ولالا؟
بس ليش يشككون فيه وفي اخلاقيته...
ولابس لانه قال يبيها ام وليد حبت تقلب الموجة؟؟؟؟
نامت كل العيون اللي بالبيت الا عينين ظلوا سهرانين...
عين هالة اللي كانت بغرفتها اللي فوق خيمة جراح مباشرة وتناظر فيه وتستعيد كلامه اللي قاله اليوم...
وعين جراح نفسه اللي كان مو على بعضه وجالس يترقب أي احد واي حركة تطلع من البيت...
كانت الساعة فوق الثنتين ونص...
والبيت ماغير الصمت ذابحه ذبح....
كل الانارات اللي بالخيمة كانت خافتة ومافي غيره جالس يترقب...
بعد اكثر من ثلث ساعة طلع وليد بهدوء من قسمهم وطلع مفتاح من جيبه وحطه في قسم بيت العراقية وفتحه وشال المفتاح مرة ثانية وحطه بجيبه..
وطلع يمشي بشويش...لين بوابة البيت وعيون جراح من ورى عمود خيمته تناظره بترقب...
دخل وليد ودخل وراه علي...
وقلب جراح طاح بين ضلوعه....
وصلوا لين بوابة القسم حق عيال العراقية وناداهم جراح بهدوء وعيون هالة انفتحت على وسعها يوم شافت وليد فتح بابهم وبعده دخل ومعاه علي...
ماتدري ليش ماخافت على نفسها وخافت على جراح اللي كان بروحه ولبست عبايتها بسرعة ونزلت....
لفوا اثنينهم لجراح اللي كان متكتف ويكلمهم....
علي كان مرتبك حييل رغم انه متلثم لااحد يعرفه....
اما وليد كان يرتجف ويده بجيبه.....
جراح بهدوء في شي؟اخ علي....احد يدخل البيت ها الحزة وبها الطريقة..يامحترم؟
علي تنهد بقوة وفك لثامه وقال باعتذار اخ جراح....انا...
جراح بحقد شنو؟
علي بتبرير انا...
جراح بقوة وش تبي بهالة...انت مو طلقتها خلاص؟
كانت هالة وصلت للباب وفتحته ...
جراح سئلتك شتبي فيها؟
تنهد علي وقال بانهيار كنت ابي اضغط على ابوها علشان المناقصة واخذها لشركتنا
جراح هالة...تبي هالة علشان تضغط على ابوها؟انت مو عاقل؟
علي بتبرير اذا دخلت عليها بيتغير مسار القضية وبينشغل ابوها من جديد معها بالم
جراح انت شقاعد تقول ...منت صاحي....ابشر المناقصة مابتاخذها غير شركتي وعلشان تموت قهر انا بتنازل لها لشركة ابو احمد...اعتقد انتهت قضية المناقصة الا اذا في شي ثاني؟
طلع علي بسرعة وماقال أي شي....
تنهد جراح وقال لوليد وهو يتقرب منه اللحين بنتفاهم انا وانت يا العاقل....
وليد ظل بمكانه رغم قرب جراح منه وماقال أي شي...
جراح مسكه من قميصه وقال ياحقير..تجيب رجال مطلق اختك يدخل عليها بدون حيا ولاخجل...
مامداه جراح يكمل كلامه الا ووليد مطلع من جيبه سكين ورفعها بوجه جراح...وسط صرخة هالة اللي صرخت بفزع وطلعت...
هالة وليد لاتجن...
ماعرف شيسوي بس اللي بهدله طلعتها بها اللحظة وقرب السكين من جراح ورفعها عليه وجراح رفع يده يغطي وجهه وجت الضربة بيده وسال الدم من يده وسط انة الم طلعت منه ووسط شهقة هالة....
وليد يوم شاف الدم يسيل ماعرف شيسوي وطلع من البيت بسرعة....
هالة تقربت منه وهي مفزوعة....
مسكت يده وقالت بفزع جراح انت لازم تروح المستشفى بسرعة ترى الجرح عميق ولازمه تعقيم وخياط...
جراح بالم وهو ماسك يده هالة...انا احبك...
هالة وهي تشوف الدم بدق للسايق يجهز السيارة...
مسك كتفها بيده الثانية وطاحت شيلتها من على راسها اللي ماكانت غير محطوطة بس وماهي لافتها...
قال بدموع والم من زمان...من قبل لاياخذك ها الواطي..من كنا صغار وجامعنا ها البيت....ابيك وماابي غيرك..كل حياتي توقفت يوم تزوجتي....
هالة بتنهيدة جراح اسكت انت لازم تروح المستشفى....
جراح دقي على مطلق من جوالي وقولي له ينزل لي ماابي السايق....
طلعت جواله من جيبه وهي مرتبكة من نظراته لها وهم قريبين من بعض....
ودقت بااصابع مرتجفة وعطته السماعة وهي ماسكته له ..
سكر من مطلق وقال بلهجة امر روحي قسمكم وقفلي الباب وصعدي غرفتك وقفليها عليك وانتبهي على نفسك زين....
هالة بعناد انا مو متحركة من هنا لين يجي اخوك ويوديك المستشفى؟
جراح هالة سمعي الكلام مطلق نازل لي يالله روحي....
هالة ظلت بعيد عنه لين نزل مطلق وراحت قسمهم وهي تتنهد..
اللي صار لجراح بسببها...وهي ماهي عارفة شتسوي...
جلست جنبه على الفراش وهو كان شارد وماانتبه لها...
حطت راسها على صدره والتفت لها بسرعة وابتسم لاابتسامتها...
ريم مامدى اروح عنك دقايق تسرح فيني!!!
احمد بضحكة اجل عنادا فيك انا مو سرحان فيك سرحان بلللي جاينا...
ريم وهي تلامس خده وتقول اترك عنك الضيف وحط بالك على امه..
جر خدها بقوة وقال وانا مو مقصر عن امه وهي عارفة ان تفكيري مافيه غيرها...
ريم غمضت عيونها وقالت اليوم ام وليد سئلتني عن عرسك....
سكت وسكتت هي بعد...
ابتسمت وقالت هالة اللي ردت عليها وخلتها تسكت...
احمد بدون مقدمات شفتي زينة...
ريم اممم...بعدها تعبانة يبان عليها بس انها تكابر....
احمد امممممم
ريم حبيبي....
احمد نعم....
ريم ابوك غير رايه..
احمد طبعا غير رايه....
ريم بتشكيك اكيد ولا..
احمد بعتب ريم...قلنا ها السالفة تقفلت؟
سكتت واخذت يده وحطتها على بطنها وقالت وهي مغمضة عيونها وش بيجينا؟
احمد اممممممم ولد...لالالا بنت....لاولد...لالابنت...لااحساسي يقول انه ولد...بس تدرين احس انها بنت...
ريم وهي تضحك واللحين وش رسى عليه برك بنت ولا ولد ولاالاحساس مخربط؟
احمد ههه يبى تدرين سر ماراح اعلمك؟
ريم وهي تضحك لاوالله....
احمد أي بعد شلون....انا الابو يعني انا اللي ادري وش بيجي بس ماراح اقولك بتركها مفاجاْة لك...
ريم انفجرت من الضحك وضمها لصدره وهو يمسح على شعرها ويتنهد بارتياح,,,,
اليوم الثاني...
ام مطلق يمه علامك...
مطلق كان ساكت ومارد على احد...
ام مطلق بخوف اكبر شفيك من امس وانت قالب الموجه...
رفع راسه وقال لاابوه بعتب كان لازم تقول لعمتي؟
ابو مطلق بتبرير مافيها شي هاذي اختي وبنت زوجها وبعدين..
مطلق مايحتاج انا كنت طالع وسمعت رايها بالموضوع وفيني؟
سكت ابو مطلق وكمل مطلق ونسايم من قال لها...
ام مطلق محد يمه...انا ماقلت لااحد اصلا ابوك بس قال لعمتك...
مطلق امممممم
ظل جالس وهو ساكت وطلع ابوه من الى الدوام وظل هو قاعد مع امه والبنات نزلوا بعد شوي مع بنات اخوهم
مطلق على وين..
شيخة بنروح السوبر ماركت بناخذ اغراض وبعدين بنمر المشغل بنشوف وش صار على الفساتين حقنا...
مطلق يعني السايق كان ينتظركم..
بشاير أي...بس بناتك اخرونا...
مطلق وش بتشترون لي؟
شيخة ادفع واحنا نجيب لك اللي تبيه...
ابتسم مطلق وطلعوا بناته ووراهم بشاير ونسايم وقال بحدة نسايم ارجعي....
نسايم لفت وقالت خير...
مطلق قلت ردي مافي طلعة....
نسايم باحتقار وخير ان شااءالله...
وقف وقال لبشاير روحي انتي مع البنات نسايم مو جاية معكم...
طلعت بشاير وهي عارفة ان في شي صاير بينهم..
نسايم مالك شغل فيني بطلع وابوي يدري اني طالعة..
وقف قبالها ومسكها من كتفها وقال بحدة انا الرجال هنا طالما ابوي غايب واقولك ردي ومافي طلعة وانقلعي غرفتك لاني ماابي اشوف وجهك قبالي...
نسايم بهمس علشان بنت العراقية..
مطلق بنفس الهمس بعدك ماشفتي شي..مدام حطيتك في بالي والله بخليك تعضين اصابعك ندم وبتشوفين وانا مطلق...
ضحكت نسايم وماكان مطلق قدامها وحطت شيلتها بتطلع لين جرها من شعرها وطاحت شيلتها وقال بحدة خلت امه ماتتحرك من مكانها قبل نسايم انا اذا قلت اني رجال والي كلمة فهذا يعني اني رجال ولي كلمة...مافي طلعة يعني مافي طلعة ...صعدي غرفتك خلصيني...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك