رواية من أعماق أحضان مجنونة -50
يمكن اشطر شي في دارين هي التمثيل والقدرة على اخفاء ارتباكها وصدمتها وزعلها...
ظلت متماسكة ولفت للتلفزيون وقالت بلامبالاة تتهنى....
ام وليد شكلك غيرانة من اختك؟
قالت بحدة اخر شي افكر فيه الزواج ومسؤلياته..
ام وليد بشماتة أي ماتنلامين اختك مطلقة وش اللي بيخليك تفكرين بالزواج؟
دارين بشماتة قصدك خواتي ثنتينهم!!
ام وليد بغرور مشاري ماعرف قدرها والاحسن لهم انهم يتركون بعض قبل لايتزوجون..بس مطلق بيحطها بعيونه....اصلا من زمان وهو يبيها ومن رجعوا البيت وعرف انها انخطبت انصدم بس الحمدلله كاهم الله بيجمع شملهم...
طفت دارين التلفزيون وقالت بعد اذنك خالتي...انا متعودة كل يوم اذا انتهى ها المسلسل اجلس اقراْ لي كتاب اسلي فيه نفسي...
اذا تحبين تركبين معي فوق للمكتبة حق هالة واحمد...
قامت ام وليد وطلعت بدون أي كلام وراحت دارين تركض غرفتها وقفلت الباب..
جلست على فراشها وجسمها كله منهار...
كانت تبي تبكي من سمعت بالخبر بس عاندوها دموعها ينزلون!!
ظلت تونّ وتون ّ وتونّ...ودموعها معاندينها...
اللي فجرها صوت الجوال يدق واللي متصل هو...الخاين...الكذاب....وعدها بالحب وخطب اختها؟
رفعت وكانت تبي تقوله وتنفجر فيه بس سمعت صوته واسكتت...
مطلق برواق وش رايك بالمفاْجاْة؟
دارين بغصة عجبتني حييل...اصلا كنت متوقعتها منك؟
مطلق شفتي...صدقتي اللحين؟
دارين بالم أي صدقت......
سدت التلفون بوجهه وتنهدت بقوة وارسلت له مسج....
استغرب من حركتها وظل يناظر بالتلفون على باله الاتصال انقطع رجع يدق لها وماتشيله....
توقع احد جاها وماهي قادرة تكلمه...
ظل ثواني حاير لين وصله مسجها....
,,,,,
تدري وش اللي .. يجرَح القلب لـ سنين ؟
اللحظة اللـي .. ][ إنتهى ! ][ الحبَّ فيهآ
وتدري وش اللـي .. مآنسيته إلـى الحين !
][ طعنة يدينك ][ .. حسبـي الله عليهآ !!
:
:
:
لآ تعتذر .. و العذْر .. [ أقبح .. ذنوبك ]
[ لآ تعتذر ] .. مـآدمت بـ الحبَّ .. لعَّآب
::
رميتني .. وحدي .. [ بـ آخر دروبك ] !
وأنآ جعلتك .. وحدك بـ درب الأحبآب
::
[ كذَّبت فيك إحسآس ] .. وأخفي عيوبك
وأكبر عيوبك .. بـ الهوى كنت .. نصَّآب
::
علَّمني .. كيف أنسآك .. وشلون أتوبك !
مدآم .. [ أحبَّك ] .. قلتهـآ وإنت .. كذَّآب
::
طنَّشت .. كل النآس .. مهمآ .. حكوآ بك
وكذَّبت نآس ٍ.. كـآنوآ أكثر .. من أقرآب
::
وصدَّقت قلبـي فيك .. [ وإثره كذوبك ] !
وأصبحت وحدي .. مآلـي اليوم أصحآب
::
من زود .. غدرك .. بلَّل أطرآف ثوبك
ومن زود ظلمك .. تجرَح بـ دون أسبآب
::
دآيم أحآول .. أبتعد عن .. [ دروبك ] !
وش لي بـ درب ٍ.. آخره جرْح .. مآ طآب
::
أمشي .. وألآقي نفسي .. أمشي لـ صوبك
وأبكي .. على حب ٍ.. نهآيته .. وش جآب
::
حنَّآ إنتهينآ .. جآت لحظة .. [ غروبك ] !
وحب ٍجمعنآ .. مآت من .. نظرة إعجآب
::
عيبي .. أحبك .. وإنت أكبر .. [ عيوبك ]
[ كلمة .. أحبَّك ] .. قلتهآ وإنت .. كذَّآب !
::
ذنبي ؟ .. أحبك .. ذنب .. [ كفَّر ذنوبك ]
مآهو بـ كيفي .. [ والهوى ] صدق غلآب
:
:
:
تدري .. وش أقسى .. من أشوفك .. مخآدع
وأقسى .. من إهمآلك .. ][ وحبَّ التخآذل ][
لآ صآر .. ][ مآ بيني .. وبينك ][ .. توآدع
تحقَّقت .. أحـلآم .. ][ كـل العوآذل ][ !
استغرب من كلامها ورجع اتصل فيها وماردت...
كتب لها مسج بعصبية وش تقصدين؟
بعد ماردت عليه....
تنرفز....
طلع من غرفته وطلع بيروح قسمهم(قسم بيت العراقية...)
وشاف ام وليد طالعة منه وعرف ان في مصيبة كانت هناك؟
ام وليد هلا والله بالغالي؟
مطلق بنرفزة والله مادريت اني غالي....
ام وليد والله من قبل لاتقول ابي مريم وانت غالي ياولد اخوي؟
مطلق بصدمة مريم؟؟؟
ام وليد أي ابو احمد توه قايل لي انك خطبتها...عاد تدري يامطلق..
مطلق بعصبية لحظة لحظة لحظة...منهي هاذي مريم اللي ماغسلت وجهها انا خاطبها؟؟
انا ماخطبت بنتك المطلقة ياعمتي!!!انا خاطب بنت العراقية ولو تكون بنتك اخر وحدة بالدنيا مااخذتها؟؟
ام وليد بحدة هذا كلامك لعمتك يامطلق...
مطلق اذكرك بلللي قلتيه لاابوي...يوم انه قال لك اني ابي بنت العراقية ولاذاكرة وش قلتي!!
مراحب بالغوالي الحلوين اللي منوريني...
عسى بس ماوقفت لكم عند قفلة حماسية ههههه
المهم انا بهديكم هدية يوم السبت ان شاءالله..
والهدية عبارة عن بارت خصوصي انتوا تحددون وش احداثه وعن منو تبونه يدور..
يعني كل وحدة تقول تبي شخصية معينة اطلع لها موقف واذا تبي معها شخصية اخرى من الرواية...
يعني مثلا وحدة تقول ابي موقف لمطلق..ومعاه دارين..كذا..(عسى بس فهمتوني)
وان شاءالله احقق لكم طلبكم يالغلا..
ولاتخافون البارت مابياْثر ابدا على سير الرواية لاني اصلا مخلصة ومنتهية من احداثها وبدسه لكم بين الاحداث...
اشوفكم يوم السبت وان شاءالله تعجبكم الهدية,,,
البارت,,,,
شيخة بابا....
مطلق وهو يناظر بدارين اللي واقفة قباله تناظره نعم يابابا...امرني...قالها وهو يعني دارين...
شيخة صدق انت بتتزوج؟
مطلق تنهد بعمق ودارين نزلت راسها بالارض..
وقال بارتياح أي صدق.....
عايشة طيب ومنهي العروس بابا؟
مطلق بتغزل وحدة اخذت قلبي ...لعبت معي وفازت بجدارة؟
فاطمة وش لعبتوا بابا؟
ابتسمت دارين وهزت راسها...
مطلق وهو يبتسم لعبنا لعبة حلوة بس مالها اسم؟
فاطمة ليش بابا حتى الكبار يلعبون بعد!!
مطلق أي يلعبون ليه مايلعبون...عاد لعب الكبار يافطوم يدوخ....
عايشة طيب بابا قول لنا منهي العروس؟
مطلق وحدة حلوة مووووت
فاطمة بحماس منى امرشا...
مطلق منهي هاذي؟
فاطمة بحماس اكبر اللي تغني..يايمه حبيته ..يايمه حبيته..
مطلق واااع...اللحين هاذي حلوة....
فاطمة احلى منك يابابا؟
مطلق اللحين انا ها الوسامة هاذي كلها وماهي مالية عيونك يافطوم؟بعدين انتي من وين تعرفين منى امرشا ومريام فارس؟
شيخة بابا انت من وين تعرف مريام فارس؟
مطلق هاذي مو الراقصة مدري المغنية اللي بالشتنا؟
عايشة منو قال لك شغل التلفزيون وشوفها؟
مطلق والله انا مااشغله الا وهي فيه؟
شيخة هذا لانك تشغله على المحطات اللي هي تطلع فيهم؟
مطلق لا
شيخة لاتكذب؟
مطلق افا..اللحين البابا يكذب..
شيخة يعني انت جربت تحط قناة السعودية وطلعت لك؟
مطلق لا
شيخة معناته انت متقصد تشوف المحطات اللي تحطها؟
عايشة يوه ه...احنا وين وانتوا وين؟
مطلق خير انتي الثانية؟
عايشة ماقلت لنا منهي العروس؟
مطلق وليه تبون تعرفونها؟
عايشة احنا مو بنسكن معها؟
مطلق أي..
عايشة خلاص نبي نشوف هي تحبنا ولاتكرهنا علشان نجهز نفسنا؟
دق قلب دارين...
كانت تبي تعرف ردة فعلهم مباشرة منهم علشان كذا قالت لمطلق يطلع معهم الحوش وقت اللي بيقول لهم....
مطلق انتوا تعرفون غسان صح.وتحبونه,,,.
شيخة أي..
مطلق خلاص...
العروس بتكون..
فاطمة بحماس غسان..
مطلق شنو؟
فاطمة وهي تناطط بالهواء العروس بيكون غسان؟ياااااي وناسة...
مطلق بلا خبال علي؟؟
شيخة ليه؟
مطلق اللحين انتوا عمركم شفتوا رجال يتزوج رجال؟
فاطمة وليه مايتزوج يعني وش فيها؟
مطلق افا..
شيخة صحيح بابا ليش الرجال مايتزوج رجال؟
مطلق ياذا الليل؟؟والله اني فتحت لنفسي ابواب جهنم ومابتتسكر اللحين؟
عايشة يالله قول...
مطلق قوموا دخلوا وانا جايكم اقولكم ليه؟
فاطمة قعدت بحضنه ولاتحلم بعدّّ!
دارين بنات...
التفتوا لها وقالوا بصوت واحد نعم...
دارين بارتباك انا اللي بيتزوجها البابا؟
سكتوا كلهم مرة وحدة وكانهم يفكرون...
دارين ماتبوني؟
شيخة بنفكر..
مطلق والله؟هذا اللي قاصر؟
عايشة انتي تحبينا؟
دارين ليش تساْلين؟
شيخة اول انتي جاوبي؟
دارين مااعرفكم زين....يعني بنتعود على بعض اكيد بالايام الجاية؟
عايشة بحماس خلاص وافقنا...
سكتت دارين وقالت شيخة كنا بنشوف وش تقولين اذا قلتي طبعا احبكم واموت فيكم معناته انك تكذبين بس علشان نوافق بس انتي ماقلتي ها الاجابة معناته انك ماتكذبين؟
ابتسمت لهم دارين ويوم سمعت صوت ام وليد جاية وقفت وقالت لمطلق انا ماشية....
راحت قسمهم بسرعة واقبلت ام وليد وشافتهم...
ام وليد اوه ه البنات الحلوين جالسين مع ابوهم؟
سكت مطلق وماعلق وقالت له شيخة بهمس شفيك سكت بابا...
مطلق بهمس لاني ماارتاح لها...
شيخة اللحين نوريك فيها....
ام وليد عواش شعرك حلو...لو تروحين لخالتك مريم اللحين تسوي لك حركات فيه؟
عايشة بعد ماوصلها تحذير شيخة قالت لا شكرا مااحب احد يلمس شعري...
ام وليد أي بس خالتك مريم مو أي احد؟وهي تحبكم وبتصير امكم؟
قال مطلق بشماتة وخير ان شاءالله تصير امهم؟
ام وليد بحدة اخوي خطبها لك وانا وافقت؟
عايشة وااااع مريم تصير امنا...مانبيها طبعا..
ام وليد بنرفزة عيب يابنت وش ها الحكي؟
شيخة البابا محتاج وحدة تناسب مركزه وتتكلم بحلاوة..
ام وليد بحقد وشنو شايفة بنتي ان شاءالله؟
عايشة احنا مانشوفها تتكلم اصلا؟ياماسكة لها مجلة فيها فساتين اعراس ولا تشاهد عروض ازياء ولا مع نسايم عمتي تقول لها وش تسوي؟
ام وليد بحدة ماتقول شي لبناتك؟
مطلق وهو يلعب بجواله بيني وبينهم حوار الاجيال دايم اتركهم يقولون اللي يبونه..
ام وليد بها الطريقة عاد؟
مطلق شفتي شلون انتي مو متحملة..تبين مريم الرقيقة تتحملهم؟ترجع لك يوم ثاني؟.
سكتت ام وليد وقالت عايشة تعالوا ان شاءلله مريم هاذي اللي دايم تحط مكياج؟
شيخة اجل منو كنتي مفكرتها؟
عايشة فكرتها الثانية؟
ام وليد لالا مريم الامورة انتي يمكن كان تفكيرك رايح لااروى...
عايشة أي لا عرفتها هاذي دايم تقول منهي الغبية اللي بتاخذ ابوكم وانتوا عنده؟
مطلق وهو يضحك اكيد مو هي...
قامت ام وليد عنهم وهي متضايقة وقام يبتسم....
كان يناظر بالمكان حوله وهو يستعرض ها الموقف بخياله....
في الشاليه,,,,,
دخل جراح الصالة ومالقى احد فيها...كان التلفزيون مشغل واغلب الانارات مطفية ماعدا الابجورة اللي جنب التلفزيون...
يوم كان بيصعد لفوق انتبه ان التفلزيون مشغل على برنامج علمي ودق قلبه بقوة..هذا مايدل الا على شي واحد بس...ان اللي يشاهد هالة مو غيرها؟!!
رجع بخطوات سريعة وانتبه انها موجودة وكمل مشيه للتلفزيون بدون مايلتفت لها وطفى التلفزيون وكمل دربه بدون مايلتفت لها وكاْنه مايشوفها...
انتظر انها تتنرفز وتقول شي ولاتقوم تشغله من جديد بس ظلت ساكنة وقال في باله اذا هي ماتبي تتحرش انا ماعندي مانع ابدي بالتحرش؟؟
رجع لها ووقف عند راسها وكتف يدينه وقال بشماتة مااشوف تنرفزتي يعني!!
يوم ماردت عليه نزل راسه لمستواها ...هي كانت نايمة اصلا من دخل الشاليه وماحست لوجوده...
تنهد بقوة وركع على رجلينه قبالها وظل يتاْملها شوي شوي..وصار قريب من انه يكون بحضنها من كثر ماهو قريب ويناظر فيها...امتدت يده برجفة تلمس وجهها وهو حاس ان نيران شبت فيه من مجرد لمسته لها..
صار يمرر يده على خدها وعيونها وشفايفها وشعرها اللي باين نصه من تحت الشيلة اصلا!!
كان يتنهد بااكبر مافيه وبااحر ماعنده بذيك اللحظات..
احتاس وماعرف شيسوي..قربه منها بها الدرجة فجرت فيه كل عواطفه ومشاعره ناحيتها....
اشتهاها...هذا اللي كان يكون داير براسه ذيك اللحظة وتمنى احد يجي ويقطع عليه ها الجو علشان لايسوي اللي براسه..
بس حظه كان كبير وردي ذيك اللحظات ومحد دخل ولاطلع ولاحتى مر؟؟
تقرب بنيران ثايرة ووصل لعند شفايفها...
كان يناظر مابينهم وبين عيونها...
يبيها تقعد بها اللحظة وتشوفها..لو منعته ماراح يستجيب وبيعاند وبيبوسها ولو مامنعته وظلت جامدة بعد بيسوي ها الشي؟؟
بس كان يبيها تقعد....
لذة ها الشي معها بيكون بحضورها وانتباهها مو بنومتها؟
تنهد بقوة وحس ان انفاسه قاعدة تحرقه وترد له,,,,
تقرب اكثر وصارت شفايفه فوق شفايفها وحس بنار كبيرة بصدره ذابحته بذيك اللحظة؟؟؟؟؟
فز من نومته بقوة وتنهد...ناظر بالمكان اللي هو فيه كان نايم بغرفته وعلى فراشه..
طيب وين هالة؟وليه ماهم بالشاليه؟كان حلم ياجراح...حلم...وصحيت منه!!!!!!وياليتك ماصحيت!!!!!
بمزرعة ابو احمد وابو مشاري ..
كان احمد واقف عند البركة ومتسند...
وكانت زينة واقفة وراه تناظره بدون ماتتكلم...
انتبه هو لوجودها ولف لها وقال بارتباك خير في شي يازينة؟
زينة بتنهيدة كنت اناظر فيك وبس!!
احمد وليه تناظريني؟
زينة وين المشكلة..
احمد بهمس انتي مو قلتي خلاص؟
زينة بحرقة أي...
احمد بتعب طيب وش تبين اللحين؟
زينة بدموع احمد ليش انت قاسي معي!!
تنهد وتقرب منها وقال انا مو قاسي يازينة...انا ماابي اوعدك واخليك تحلمين بشي ماراح يصير...
تنهدت بقوة وقالت بدموع ماابي أي شي ...ابي بس احبك من بعيد..
احمد بتاْنيب زينة...
قامت تبكي بحرقة وسكتت عنه وهو تنهد بتعب وتقرب منها....
ناداها بهمس وقال زينة...
مارفعت راسها وكملت بكيها....
احمد بتعاطف انا قاسي صح....شلون حبيتيني وانا قاسي؟
زينة بغصة لكن انت مو قاسي على الباقيين يااحمد علي انا وبس!!!
تنهد وسكت...
كملت بدموع احمد انا تعبانة وانت بصدك تتعبني اكثر؟
مر عليه كلام ابوها عنها ذاك اليوم وتنهد بحرقة وتقرب منها وقال انا متزوج يازينة؟
زينة بدموع وانا ماقلت لك طلقها؟
احمد بتنهيدة بس مابقدر اعدل بينكم..
زينة احمد انا راضية باي شي..
احمد وراضية تعيشين معها بنفس الشقة؟
زينة أي...
احمد زينة انا ماراح اعيشك حياة ابوك اللي عشتيها...انا بعيشك عيشة بسيطة جدا وبتكون لك غرفة بس اللي خاصة فيك و
زينة قاطعته بلهفة انا مايهمني أي شي يااحمد يهمني انت وبس!!!
احمد تنهد وسكت.....
زينة خايف على مشاعر ريم.
احمد لا
زينة اذا خايف عليها نتزوج بالسر وبدون محد يدري...
سكت شوي وهو يفكر وبعدها قال باقتناع وانتي ماعندك مانع؟
زينة بلهفة احمد انا مجنونتك....مستعدة اسوي أي شي علشان اكون بقربك....
تنهد احمد وتقرب منها اكثر ومسح دموعها بيدها وقال بهمس خلاص مسحي دموعك وبدق عليك علشان نتفاهم على ها السالفة...
زينة بنفس الهمس احبك....
ظل يناظرها ومايدري وش جاه تقرب منها اكثر واكثر وقرب شفايفه منها..بس صوت ريم اللي تناديه خلته يبتعد بسرعة كبيرة عنها ويعطيها ظهره..
تنهدت بقهر وضيق وقالت مجرد صوتها قلب لك كيانك؟
تنهد ومارد عليها ووصلت ريم وماانتبهت لزينة...
تقربت منه وصارت بحضنه وهو حضنها بقوة اكبر الشي اللي قهر زينة....
احمد بحب وينك روح قلبي صار لي ساعة أفكر فيك؟
ريم حبيبي انا كنت داخل...جهزت لك الحمام قلت يمكن تصعد تتحمم..بس مااشوفك دخلت..
احمد وانا هنا انتظرك ..مو قلنا بنسبح مع بعض في البركة..
ريم أي بس مويتها باردة يااحمد..
احمد انا معك وانا ادفيك..
ابتسمت له وقالت اجل كنت تفكر فيني قبل شوي..
احمد طبعا..
زينة بقهر كذاااب...
لفوا اثنينهم لزينة...
ريم زينة؟
زينة بقهر ودموع كذاااب ماكان يفكر فيك؟
احمد انتي من متى هنا؟
زينة بصدمة من متى هنا؟احمد انا كنت معك؟
احمد استغفر الله؟معي وش تسوين؟زينة بابا دخلي داخل ولاتوجعين راسنا...
ظلت تناظره بلا أي ملامح...
ريم وش تقصدين بانه كان معك؟
زينة بانفعال سئليه؟قولي له وش كان بيسوي؟
احمد بحدة احترمي نفسك احسن لك؟انا محد يتكلم فيني وباخلاقياتي!!انا اشرف منك ومرتي عارفة...روحي ظبي نفسك يابنت الناس و...
ماكمل كلامه لان زينة طاحت بالارض..
ريم بصدمة احمد....
تقرب منها وهو مصدوم بقوة اكثر منها ومسك يدها يشوف نبضها وقال لريم بصدمة ريم...زينة ماتت؟
ريم بذهول شنو.....انت ذبحتها يااحمد؟
ترك يدها وقال بسرعة انا ماسويت لها شي؟انا مالي شغل بشي؟
هزته ريم من كتوفه وقالت احمد...
التفت لها وقال ها..
ريم وش فيك؟صار لك ساعة شارد وسرحان وتاركني اشوف الفلم بروحي؟
ناظرها بحنية وبتنهيدة ارتياح وقال تصدقين سويت فيلم بسرحاني ها الدقيقتين؟
ريم وانت هاذي سالفتك كل ماجينا نشاهد فيلم شردت بنصه؟منهي هاذي اللي ماخذة العقل ومتهنية فيه؟
جرها لحضنه وغمض عيونه وتنهد بارتياح وقال اللي جالسة بحضني اللحين؟
قالت بضحكة طيب مدامي معك وبحضنك ورى تسرح فيني وتسوي عني افلام ياحظي!!!
دقت باب غرفة اختها وقالت بتردد دارين...
رفعت راسها وابتسمت لها...
دارين دخلي علامك واقفة...
قدمت رجل واخرت الثانية.....
وجلست على حافة الفراش وعطت دارين ظهرها....
دارين بهمس سمعتي!!
هالة بغصة عن شنو؟
دارين بخجل لاتقولين ابوي ماقال لك؟
تنهدت بقوة وسكتت..
دارين هالة علامك...حاستك مو على بعضك ابدا!!!
هالة بزعل وش الموضوع اللي ماقاله لي ابوي يادارين؟
دارين ان مطلق خاطبني......
مرت دقايق صمت ثقيلة على الطرفين وخصوصا على دارين اللي حست بالخوف....
دارين هالة..
هالة بتنهيدة نعم...
دارين شفيك؟
بعد تنهيدة طويلة وعميقة قالت بغصة مطلق مايناسبك يادارين؟
دارين بصدمة شنو؟مايناسبني...طيب ليه؟
تنهدت هالة وماعلقت....
دارين بصدمة هالة...
هالة بغصة تدرين ليه انا تطلقت من علي؟
ناظرتها والخوف باين بملامح وجهها وماقالت شي...
كملت هالة كلامها بحزن وتقطع وقالت لاني احب مطلق يادارين!!!احبه من زمان وكنت مفكرة اني اذا تزوجت علي بنساه بس ماقدرت انساه...ويوم رجعوا البيت هذا من جديد حسيت ان شوفته فجرت فيني كل شي من جديد...
دارين بعصبية انتي شقاعدة تقولين؟
هالة بدموع اقولك اللي انتي ماتعرفينه؟
دارين بدموع بينك وبينه شي؟
وقفت وقالت ارفضيه يادارين.....مطلق ماهو لك؟
دارين بتقطع بينك وبينه شي ياهالة؟صارحيني تكفين؟
هالة وش يهم اذا كان بيني وبينه شي ولا مجرد حب من بعيد لبعيد يادارين؟
دارين بانهيار لاني احبه ياهالة احبه؟لانه حبني وعلقني فيه؟واذا طلع يكذب علي بروح فيها؟
سكرت الرواية اللي تقراْ فيها ومسحت دموعها....
غبية...كيف فكرت للحظة ان هالة تحب مطلق بس!!!
جلست تضحك على نفسها وعلى افكارها...قرت ها المقطع بالرواية وحطت نفسها فيه ومالقت الادموعها تنزل لاشعوريا ...
مسحتهم وقامت تضحك وطلعت تقعد مع اختها ,,,,,
البارحة كتبوا كتابهم بعد اصرار قوي منه انهم ماياءجلون الموضوع ثانية وحدة...
كان حاس بالهم والضيق وتعكير المزاج...
مايدري ليش جاه احساس انه لو ماملك عليها الليلة مابيملك اصلا!!
تنهد يوم يناديه احمد ويقوله يدخل المجلس اذا بيسلم عليها...
راح المجلس وظل ينتظرها على نار....
بتجي بعبايتها ولابدون؟
بتكون لابسة بنطلون مثل اول مرة شفتها فيها ولا ثوب؟
كيف بيكون شعرها؟
بيكون معها احد ولالا؟
انتبه يوم ينفتح باب المجلس ويسمع طقطقة كعبها العالي...
رفع راسه لها يناظرها وهي داخلة بفستانها الاسود القصير اللي بارز بياضها ومبين شعرها الاحمر بحلاوة كبيرة...
وقف بكبره يوم تقدمت منه...
يتبع ....
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك