رواية من أعماق أحضان مجنونة -49
اعتدل بقعدته وقال بحدة يعني بالشاليه...
اروى امممم
جراح زين ياوليد زين....وين بتروح مني؟مادورت تتخبى الا بالشاليه اللي هو حقي وباسمي بس لمجرد ان عندكم نسخة من مفتاحه؟زين انا لك ياولد عمتي!!!
لف على اروى وابتسم لها بسخرية وهي بادلته الابتسامة ,,,
زينة مشاري ماابي ارد البيت تكفى؟
مشاري وين تبين تروحين؟
زينة أي مكان...
مشاري وين يعني...
زينة أي مكان غير البيت...
مشاري والشركة يابابا...
زينة عطني التلفون وانا اتفاهم مع الوالد...
مشاري وش عندك ماتبين تردين البيت؟
زينة تنهدت وقالت بضيق مخنوقة...متضايقة...تعبانة...
بتردد سئلها علشان احمد...
دمعت عينها وقالت بغصة الله يوفقه بحياته....
بحياتي ماصادفت برجولته ولاراح اصادف بعد!!
مشاري وش اللي صار اللحين؟
مسحت الدموع اللي طاحوا منها وقالت وهي تلف صوب النافذة ماهو نصيبي يامشاري....عساه يتهنى مع اللي هي نصيبه واختياره,,,,
المغرب على كورنيش الدمام..
كانوا واقفين اثنينهم عند البحر تماما ...
مطلق بلهفة شفتها اليوم....وكنت مثل المجنون عليها....
اوووف احس ان السالفة طولت...يعني وش ها الحظ الاقشر اللي صادفني بس....
يوم جيت اخذها صار واختها تطلقت!!!
جراح بتنهيدة لاتسكت عن الموضوع اذا انت تبيها...تعطي الوقت أي مجال يفرقكم عن بعض؟
تنهد مطلق وقال ماسئلت عنك بعد اللي صار لك منها وبسبتها؟
جراح وهو يناظر بيده بالم بلى..
مطلق وش قالت لك؟
جراح قالت اكرهك....
لف له مطلق وقال بتساؤل مصدوم شنو؟
جراح بتنهيدة عميقة قال بتعب طلعت روحي يامطلق منها ومن صدها؟تعبت...مو قادر...قالتها صراحة...اكرهك..ولا لي نية ارتبط فيك ولابغيرك...وش كان معيشها فيه ذاك الحقير؟كيف كان يعاملها اللي خلاها تكره سيرة الارتباط وهي اللي ماينقصها شي؟عيال؟ماهو كل شي العيال بالدنيا يامطلق؟
مطلق بالنسبة لك...بس بالنسبة لها شي وهم ماتقدر تتخيل حياتها وهي ماعندها؟وبعدين انت كيف قررت بكيفك انك بتعيش بدون عيال؟امك وابوك ماشورتهم..
جراح بانفعال مايهمني راي احد...من زمان وانا انتظرها...لااحد يقولي اتركها...
تنهد جراح وتنهد معه مطلق وسكتوا....
ماغير عيون جراح اللي تتكلم نيابة عنه...
الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت .. فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟
بشركة ابو احمد..
كان بو مشاري جالس معه يسولف ودخل احمد عليهم...
ابو مشاري هلا والله بااحمد....
احمد شلونك عمي...
ابو مشاري بخير...
ابو احمد رحت؟
احمد أي...
ابو مشاري اللحين انت ماترجع من المستشفى الا تعبان مالك شغل بابوك وبااخوانك ريح حالك...
احمد على راسي من فوق خدمتهم ياعمي وبعدين انا اجازة كم يوم..
ابو احمد بفخر كفو والله اوليدي...حتى لو منت اجازة محد يشيل الشيلة غيرك...
ابو مشاري باهتمام وش صار على وليد اللحين...
احمد تنهد وقال مسكوه..وبيطلبون جراح بكرة علشان يشوفون هل يتنازل ولالا...
ابو احمد لا مايتنازل خلوه يتربى شوي بالتوقيف لين يفهم ويعقل..
ابو مشاري أي بس وانا اخوك...
ابو احمد بتعب انا مو قادر عليه يمكن هم يربونه من جديد ويفهمونه اللي انا قاعد افهمه اياه وهو مو متقبل...
احمد انا استئذن بقوم اشوفكم على خير بعدين...
ابو احمد وين توها الناس....
احمد والله مرتبط مع اختي بمشوار تبيني اوصلها..
ابو احمد دارين..
كانت هالة طالعة تاخذ الاغراض اللي طلبتها من السايق وجراح جالس بخيمته ومعه اروى وعمته..
هو اصلا كان حاقرهم ويتكلم كلمة ويلعب بجواله شوي..بس يوم شاف هالة ثارت ثورته وجاه شعور غريب ومتناقض..يبي يسمع صوتها ويزعلها ويجرحها مثل ماجرحته بنفس الوقت,,,,
ناداها وهي راجعة وش عندك يابنت العراقية ؟
وقفت مكانها مستغربة من لهجته اللي تبدلت ولفت له تناظره ولقت فيه شدة ماتعودت تشوفها بعيونه...
قالت بثقة مالي عندك شي على مااعتقد؟
جراح سئلنا..ولا السؤال محرم؟
ام وليد لاتضيق خلقك يمه ترى اللحين حرة طلاقها وحرة انها ماتجيب عيال بتحطها فوق راسك؟
هالة بحدة والله عاد اذا انا مطلقة فبنتك بعد تطلقت وهي حتى مادخلت!!!واني مااجيب عيال هذا شي ربي كاتبه؟
اروى بشماتة ياعيني على الايمان...
كانت تناظره بها اللحظات وتناظر تغير نظراته لها والكلام اللي فيهم وكاْنه مو هو نفس الشخص اللي كان واقف يتذلل لها الصباح....
عيونه كانت تقول...
شوف غيري حتى لو قلبي يبيك
شوف غيري أنا ما أنفع معاك
انت تلقا من يحبك ويشريك
وأنا بلقاء من ينسيني غلاك
ياحرام الوقت ضيعته عليك
ياخساره القلب بحساسه شراك
لاتفكر اني بندم وجيك
قلبي اليوم ما همه رضاك
لاتأثر لو عيوني ترتجيك
لايهمك حتى لو بتعب وراك
ياحسافه وقت ضيعته عليك,,,,,,,,,,,,,,,,,,,,,,,,,,,,,,,,,,,,
مشت خطوتين وقالت اروى بشماتة عدال يابنت العراقية....
جراح كمل لايطيحون الاغراض ويتكسرون يالرقيقة...
ام وليد بضحكة هالة وين والنعومة وين...يتراوالي انها اخشن من احمد وغسان؟
لفت لها وقالت بحدة وانتي الصادقة اخشن من وليد اللي كاهم وقفوه بالحبس...وحضرة الاخ جراح مايبي يروح يباشر القضية الا بكرة الصباح؟
اشوفكم بكرة على خير,,,
البارت الواحد والستين,,,,,,,,
التفت ام وليد بسرعة لجراح اللي كان يبتسم عادي
ام وليد بحذر جراح...شقاعدة تقول بنت العراقية؟
اروى بعصبية يمه انتي بتشككين بجراح عاد؟؟
ضحكت هالة بقوة وقالت باستفزاز ومنهو جراح يعني؟؟
التقت نظراتها فيه وكانت عيونه تحكي..
وقال بهدوء انسان متعذب؟
اروى بسرعة اسم الله عليه من العذاب؟
ظل يناظر بهالة اللي كانت تناظره وعيونه تقول لها...
تعرف وش العذاب على أصوله؟
العذاب انك تحب
أنسان
مايعرف غلاتك؟؟
العذاب انك تحب
أنسان
يتجاهل حدودك!!
العذاب انك تعذب
كل قلب
يشوف قلبك!
العذاب تعيش
بعالمك
من دون حب!!
العذاب يموت
قلبك
ولا احد
يعرف بموته..!
هالة بحدة تدري انك مريض..
اروى بحدة وسط ابتسامة جراح الشامتة اقول يالفيلسوفة اكرمينا بسكوتك لو سمحتي؟
جراح لالاعادي خليها تتكلم براحتها خل نشوف وش يعرفون يقولون عيال العراقية يوم كبروا؟
اروى بدلع خل تولي بس...بتوجع راسك من كثر الحكي اللي بتقوله؟
ام وليد بحدة ابي افهم ياجراح وليد وينه فيه؟
هالة باحتقار انا اجاوبك ياأم وليد...وليد بالتوقيف..ولعلمك ابوي حالف مايطب ولا يروح يشوفه وقال خلهم ياْدبونه...
ام وليد بصدمة انا ولدي بالتوقيف....شلون اخذوه اصلا!!!
جراح ببراءة انا مشتكي عليه؟
ام وليد أي بس انت ماتعرف مكانه..
جراح بضحكة اروى قالت لي انه بالشالية بالجبيل؟
سكتت اروى وتفشلت من نظرات الكل وقالت ام وليد بهدوء جراح يمه تنازل...
جراح اتركوني شوي افكر...
قامت ام وليد من الفشلة وقامت وراها اروى,,,
وظلوا يناظرون في بعض...
عذبته نظراتها اللي كانت متضايقة من اسلوبه لها...
تنهد بقوة وقال يوم عطته ظهرها تمشي,,,
*تزعل علي وانا الذي منك زعلان~
وارضيك لوحقي عليك اشتكيلك
احيان اجي ضدك واجي بصفك احيان~
تطيح من عيني وقلبي يشيلك
ان غبت عنك ردني الشوق ولهان~
وان غبت عني ما ادور بديلك~
في مجمع ابن خلدون..
ريم حبيبي ارتاح بدل منت تمشي ورانا كذا وتتعب نفسك...
دارين يعني ماتعرفينه كل محل يفرض ذوقه العالمي وغصب طيب اشتروا الشي اللي اخترته تراه يجنن؟
ريم يالله عاد انتي خلي حبيبي بحاله ولا تتكلمين عليه فديته..
احمد بهمس لريم صح فديته يقولك اليوم انطريني بجيب الغذى وبجي تقومين تنامين؟
ريم بعيارة مو مني من ولدك؟
دارين بدوا يحطون رداهم على ولد اخوي اللي جاي..
احمد خير انتي احد كلمك...
دارين لا..بس ادافع عن ولد اخوي؟
احمد ماابي احد يدافع عن ولدي غيري...
دارين مالت...انطقوا مو مدافعة عن احد زين؟
ريم ههههه لاتخافين على ولدي عند ابوه مابيقصر عليه...
احمد وليه ادافع عنه بعد!
ريم توك ماتبي احد يدافع عنه؟
احمد اذا انا دافعت عنه ذاك اللي رايح يدرس محاماة وش شغلته بالله؟
دارين وهي تضحك يالله عقلوا عن اخوي...ماارضى عليه..
احمد أي مو انا ولد الجيران...
دارين ههههه احمدوا خلاص لاتقعد تسوي ها الحركات ادري فيك تسوي كذ ا علشان نسولف معك وماندخل المحلات؟
احمد انتوا بالسوق احد يقدر عليكم؟
دارين لا
احمد سكتي اجل....
ريم حمودي..
احمد يكلم دارين ابصم لك تبي شي ولا مو مني لله حمودي طالعة؟
ريم طبعا ابي شي..يعني بقولها لك علشان سواد عيونك...
دارين هههه تحف انتي معه...
احمد وش عندك...
ريم اشتهيت سينبون..
احمد اووف..انا ها المحل اكرهه..
ريم مسوية زعلانة يعني تبي يصير بولدك شي...خلاص لاتشتريه وخل خاطري فيه؟
احمد اوووف امري لله بروح اخذ لك..
دارين وهي تضحك انا بعد اشتهيت..
احمد هي حامل...
دارين ياسلاااام...
احمد وانا مااخذ الا للحوامل بس!!!
دارين مايخصني اذا ماشريت لي باكل حقها...
احمد وين تاكلينه كله بكله اللي باخذه لها مني الصغير..
ريم روح قال مني!!بيبي عندك انا..ابي الكبيرة مع زيادة المكسرات ولاترى مافي سهرة الليلة؟
احمد لا طال عمرك اذا السالفة فيها سهرة اشتري مصنع سينبون بقده انتي تامرين...
دارين عقلوا بس عقلوا ولدكم جاي بالطريق وانتوا سهرات وخرابيط..
ريم ههه حبيبي احنا بندخل نقايس على ماتشتري سينيبون وترجع...
احمد طيب...
دخلوا غرفة القياس علشان ريم تشوف اغراضها وظلت واقفة دارين تحوس بجوالها وتقراء رسايله اللي من الصباح وهي مطنشتهم...
كلهم وينك؟اشتقت لك؟ارحميني؟ابي اسمع صوتك؟
تنهدت ووقفت عند اخر رسالة منه,,,
حرمتيني من احساسك ومن صوتك ومن كلك
**جرحتي قلبي يا قلبي وهجرتيني بليا اسباب
تراني والله ما صدقت القى في الهوى مثلك
**حرمتيني وجرحتيني وحطمتي قلوب احباب
عطيتك قلبي الوافي اعز واغلى ما املك
**رجع لي للاسف يبكي من جروحه وعذابه ذاب
يا قلبي يا جريح الحب انا حبيتها لجلك
**انا اسف يا نبض القلب ما تحمل زياده عتاب
دخيلك ارفقي بحالي بتعذيبي على مهلك
**كرهت الحب بسبابك وقلبي صدقيني تاب
اقول ودمعتي بعيني قوية قلب اشهد لك
**احساسك وهو احساسك طلع يا للاسف كذاب
نسايم انبسطتوا بالطلعة؟
رفعت بشاير راسها وقالت الحمدلله...
نسايم تكتفت وقالت بحقد وحكى لك عن بنت العراقية وسوالفه معها؟
بشاير ليه مصرة ان بينه وبينها شي؟
نسايم وليه مايكون بينه وبينها شي؟ليه بيخطبها اصلا اذا مابينهم شي؟
بشاير وش يعيب البنت علشان مايخطبها؟
نسايم بحقد منو زينها له ان شاءالله...انا ..مستحيل؟امي..ماتواطنهم ولاتقعد معهم..الا اذا انتي!!!
بشاير بتنهيدة قالت بحدة أي انا زينتها له..عندك مانع!!البنت مافيها شي ينعاب يانسايم..والارزاق بيد الله...
نسايم حلو..حلو...بانت السالفة اذا كذا؟يعني من تخطيطك؟
تنهدت بشاير وسكتت...
نسايم وانا اقول طلعات ودخلات مع مطلق ليه بالله؟اكيد طابخة له السالفة..
بشاير لاحوول ولا قوة ألا بالله..
نسايم بالمرة بعد كان زينتي المطلقة للمجنون جراح خوب عادي ذاك يصدق وياخذها ماعنده مانع!!
جراح من وراهم أي والله ماعنده مانع....
لفوا ثنتينه له وسكتوا..
جراح بقوة عيدي كلامك..
نسايم بنرفزة بذمتك اختك ماتقهر....
جراح ليه؟وش مسوية؟
نسايم بحقد طلعت هي اللي مدبرة سالفة بنت العراقية لمطلق؟
مطلق اللي توه داخل ومطلق سبيل كلا يتكلم بلسانه ويدبر له ماعنده شخصية؟
سكتت نسايم وقال بقوة شكلي بفرض حظر تجول عليك حتى في البيت؟
تاْففت وطلعت ومطلق اشر باصبعه لبشاير قبل لايطلع من الباب بحركة برافو وطلع...
بشاير وهي تضحك الله ياخذك يامطلق بذمتك ياجراح ماهو مجنون..
جراح وهو يبتسم نص ونص...
بشاير بضحكة وانت!!
جراح بثقة اردى منه..وانتي اردى منا كلنا...يالله كملي ضحكتك...
ضحكت بقوة علشان تقهره وضحك معها...
ام وليد يعني شلون؟
احمد وش تبين اقولك بس ياخالتي؟
ام وليد ابي اشوف ولدي..
احمد مايخلونك تشوفينه لانه بالتوقيف..
ام وليد بنرفزة وانت مابتسوي شي؟
احمد انا مقدر اسوي شي لان اللي مشتكي عليه ولد اخوك وماهو راضي يتنازل؟
ام وليد بحقد انت حتى لو تقدر مابتساعد ولدي!!اصلا انت تنتظر طيحته بكل مافيك علشان تتشمت فيه؟تربية امكم ياعيال العراقية ؟
احمد بنرفزة هذا رايك ياام وليد؟
ام وليد بحدة اصلا الحق علي انا اللي اقول انت الكبير وفيك خير وبتوقف مع اخوك..
احمد بنفاذ صبر اوقف معه لو كان مظلوم ؟ولدك جاني ولازم ياخذ حقه..
ام وليد بقوة قايلة انا مابيطلع منك غير ها الحكي البايخ؟
توه بيتكلم الا سكرتها بوجهه...
ام وليد بانفعال انا اللي غلطانة يوم اكلمه....اووف ياربي....
مريم هم شلون لقوه؟
ام وليد انتي سكتي لاتكلميني؟مو ناقصتك..
مريم بنرفزة وانا شكو بالله؟
ام وليد هاذي مو اخت عدوة اللي رايحة تقول لولد خالها عن مكان اخوها؟
اروى بقوة من وراها انتي قلتيلي اوقفي بصفه..وسئلني ماحبيت ابين له اني بفضل اخوي عليه...يكفي يده متعورة من ولدك عساه العوار اللي مايفارقه؟
مطلق انبسطت اللحين يوم انك عورت نفسك علشانها؟
كاهي بالنهاية قالت لك اكرهك وماابيك؟
تنهد بقوة وماتكلم كان يناظر بيده وبس...
مطلق بهدوء جراح علامك..مافي ها الكون شي يستاهل الوحدة اللي انت معيش نفسك فيها...هالة ماتحس فيك ولاراح تحس بعد!!
جراح بقوة لاتخليني اندم اني قلت لك عن موقفها؟
تنهد مطلق وقال ابي لك الزين ياجراح....
جراح انا بخير..
مطلق وش اللي بخير بس!!انت ناظر نفسك وشوف شلون عايش؟دافن شبابك علشانها...لاانت عايش عمرك ولاعايش الدنيا وحارم نفسك من كل شي بس علشان تتنفس هواها وياليتها تبادلك اللي بقلبك كان هانت؟
جراح بقوة انا بخير مافيني شي...خلوني بكيفي...
مطلق تنهد وجراح ظل شارد بهمه لبعيد....
. : وش تبي بـ كيفي خلني علي كيفي ,, !
كتله مشااعر مهمله!! ,, و الحزن .. هو ضيفي
لآ تسألني وش لوني .. ( لوني سمار الشمس ) ,
و "لايغرك جنوني" .. ! ترآهآ جروحي خمـس [5]
أول جروحي : * قلـب مـيـت مـن الإهـمـال !! .
,,ثـانيـها \ صدمه حب .. ماتت برواقه بال .
ماااعدت أنا أهتم بجررراح مااا تلتم ,,
وخلني أكمل لك ! .. إسمع بعد شملك .
بآقي ، ٣ جروح .. بحكيـها لك و أروح ..
والـ ثالثـه; * أحـزان .. من رآسي لـ أقدامي
والرآبـعه : هجرآآآآن ,, \ ..مآتت به أحلامـي
مـاعدت أنـا أهـتـم بـ جراح مـاتـلـتـم ,,
وخلني أكمل لك ، و أسمع بعد شملك
بآقي الـ أخيره \ نززف , بااقي الـ أخيره ضعف ,
دمع وقف بـ العين ، وجمر حمر مآ جف ,,
.. خآمس الـ أخماس ، يـ سيدي الحساس ..
أنــاكــلـــي مـــاعـــاد بـــي إحــســـاس . !
وتسألني عن كيفي ،، *والله مالي كيف ,,
والحزن هو ضيفي و آلهم فـ قلبي سيف
الجوهرة صار شي جديد..
هالة بضحكة شماتة جراح....
الجوهرة شفيه؟
هالة بتنهيدة وبعدها ابتسامة شماتة مريض نفسي رسمي!!
الجوهرة اوووف...ليه عاد كل هالتعذيب؟
هالة بنفاذ صبر لانه بجد مو عاقل....
الجوهرة مافهمت عليك...
تنهدت هالة وقالت كل ساعة له حال...ساعة تلاقينه بيموت علشاني....
ويامسرع ماقلب ضدي؟
الجوهرة وانتي متضايقة لانه قلب عليك؟
هالة بسرعة لاطبعا...انا ابيه يكرهني اهون لي من اني اشوف الحب والشوق بعيونه وانه يترزز لي بالطلعة والدخلة..
الجوهرة اممم
هالة شنو...
الجوهرة كملي....
هالة ولاشي..مافي شي اكمله..
الجوهرة ليش تتوقعين غير رايه وغير اسلوبه معك؟
سكتت هالة وقالت بعد تنهيدة يمكن علشان اني قلت له اكرهك ومالي خاطر لافيك ولافي غيرك؟
الجوهرة وانتي ليه قلتي له ها الحكي ياهالة؟
هالة بتنهيدة علشان يشيلني من تفكيره يالجوهرة..انا ماانفع له...لازم مايخلي في باله امل انه بياخذني...
الجوهرة وانتي بتعيشين في بيت ابوك علطول ياهالة وبتدفنين شبابك؟
هالة بقوة ماراح اعيد تجربة الزواج من جديد...
يكفيني اني بظل محرومة من العيال ياالجوهرة...ماابي احد يذكرني بها الشي...
تنهدت الجوهرة وسكتت وشردت هالة بنظراتها لبعيد,,,
ابو احمد اخوك اليوم كلمني؟
ام وليد خير؟
ابو احمد ولده مطلق خاطب بنتي...
ام وليد بنرفزة هذا وقت خطوبة الله يهداه اخوي...
ابو احمد وليه يعني مايكون وقت خطوبة؟
سكتت وبلعت قهرها..
ابو احمد بشماتة علشان المدير العام وليد بالتوقيف ولا علشان مريم ؟
ام وليد بقهر انت ماتحب عيالي ياابو احمد ؟
ابو احمد بشماتة وانا ماخذ منك غير ها الجملة؟اقوم ابات ابرك لي؟
قام وركب الدرج...
ام وليد وين رايح؟
ابو احمد بلا مبالاة بقوم اريح راسي وارتاح شوي....
يوم ركب وتركها اخذت روحها وراحت قسم العراقية....
واللي كانت تبيه لقته..
دارين....
شافتها جالسة تشاهد ومبسوطة...
جلست وناظرتها دارين وماتكلمت...
ام وليد وين هالة؟
دارين بهدوء نايمة...
ام وليد بارتياح وهمس افتكينا,,,
دارين شنو..
ام وليد باستفزاز اقول دارين...
دارين نعم...
ام وليد ابوك مامرك قبل شوي...
دارين كان هنا ومعاه ابو مطلق اخوك؟
ام وليد ببتسامة وماقال لك ابوك ليه اخوي يبيه؟
دارين سكتت وحست بالخوف....
ام وليد باستفزاز اكبر معناته قومي باركي لمريم....
دارين وهي تحاول تخفي صدمتها على شنو؟
ام وليد وهي تناظر بدارين مطلق ولد اخوي خطبها اليوم.....
يمكن اشطر شي في دارين هي التمثيل والقدرة على اخفاء ارتباكها وصدمتها وزعلها...
ظلت متماسكة ولفت للتلفزيون وقالت بلامبالاة تتهنى....
ام وليد شكلك غيرانة من اختك؟
قالت بحدة اخر شي افكر فيه الزواج ومسؤلياته..
ام وليد بشماتة أي ماتنلامين اختك مطلقة وش اللي بيخليك تفكرين بالزواج؟
دارين بشماتة قصدك خواتي ثنتينهم!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك