رواية من أعماق أحضان مجنونة -62
دارين
مريم ـ غريبة مانمتي للحين؟
اروى ـ كنت افكر بدارين؟
مريم ـ شفيها بعد؟
اروى ـ الليلة عرسها وماكاْنه عرسها.....
مريم بشماتة ـ الناس مقامات حبيبتي...ولاماسمعتيها هاذي بحياتك؟
اروى ـ كنت معها الليلة قبل لاتروح مع مطلق وسئلتها ليه ماانتظرت شوي وخلت الظروف تتحسن وبعدها سوت لها عرس....
مريم قاطعتها باعجا ب بنفسها ـ بنت العراقية وش تتوقعين يعني؟؟ماشفتيني انا بملكتي كيف كانت ذيك الليلة؟
شفتي ثوبي من وين كنت جايبته؟شفتي مكياجي وشعري كيف كانوا؟شفتي المعازيم اللي جوني من شرق وغرب....مو هي اللي معرسة سكاتي وكانها خايفة عليه يطير ومصدقة انه يبيها ماتدري ان بروحتها معه كذا سكاتي بتخليه يرميها بسرعة؟
اروى بتنهيدة صبر ـ بس هي مو هذا تفكيرها؟
ناظرتها مريم وماعلقت..
كملت اروى ـ قالت لي ان العرس مظهر والناس بس اللي يبونه....علشان يحكون فيه...ولاهي مايعني لها العرس شي لاهي ولازوجها...الاهم بنظرها العشرة....هل تدوم ولاتتلاشى مثل ليلة العرس اللي بس تجي سيرة عرس ثاني تتلاشى صورته بعيون الناس ويتبخر؟
سكتت مريم...
اروى ـ خجلني كلامها حسيت منطقها اكبر من تصرفاتنا..
مريم بشماتة ـ غلطانة يوم تعطيها اذنك.....
اروى ـ شتقصدين؟
مريم بسخرية اكبر ـ عيال العراقية يحبون يتفلسفو ن كثير....وعلى بالهم اذا سووا ها الحركات بيكبرون بعيون الكل؟؟بس الواقع ماهو حاصل لهم احد يعطيهم وجه ويسوي لهم اللي يبونه؟؟؟
اروى ـ أي بس ابوي ماهو مقصر عنها لو بغت؟
لوت مريم فمها وكان الكلام موعاجبها....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
كان جالس على فراشه بعد مامسك يدها وجابها تجلس جنبه...
ظلت متسندة تناظره وهو يناظرها...
من غير أي حكي يدور بينهم.....كل اللي بينهم حكي عيون وبس.....
اخذ له وردة من البوكيه اللي موجود جنب الفراش وقام يقطف بالوردة وهو يغني لها ويناظرها وهي كاتمة ابتسامتها ـ ياوردة...يحبني..مايحبني...شسوي قولي لي..وانا اللي موت احبه..وان قلتي مايحبني ..قولي لي شسوي....ياوردة..يحبني...مايحبني....
قالت وهي تناظر بعيونه ـ وشنو قالت لك الوردة؟
مطلق ببتسامة ساحرة ـ قالت اسئلها هي انا مقدر اجاوبك؟
دارين بلف ودوران ـ مابتنام؟
مطلق ـ من عرفناكم عشقنا معنى السهر؟
داري ـ طيب انا بنام تصبح على خير...
اعتدل جنبها وفتح حضنه..
دارين ـ خير...
مطلق ـ تقولين بتنامين؟
دارين ـ واذا يعني؟
مطلق بهمس ـ هذا انا فتحت لك حضني تنامين وترتاحين فيه....
دارين وهي مباعدة عيونها عن عيونه قالت ـ مااعرف انام بحضن احد؟
مسكها من كتفها وجرها له وقال ـ بس لازم تتعودين ترى ماراح تنامين كل ليلة الا بحضني!!!
قامت بسرعة وانفاسها تتلاحق وقالت ـ انا بسهر ماودي انام؟
ضحك ضحكة طويلة وقال ـ ترى حتى انا بالي طويل لاتخافين؟
دارين بتغير الموضوع ـ سولف معي خل نغير جو بسوالفنا...
مطلق ـ بقولك عن سالفة انتي تعرفين بدايتها بس ماتعرفين نهايتها؟
دارين ـ أي سالفة؟
تقرب منها ورفع شعرها عن اذنها وهمس لها ـ اني احبك موووووت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
اشوفكم على خير يوم السبت ان شاء الله....
هلا وغلا فيكم وين ماكنتوا....
منوريني بكل وقت ياحلوين,,,,,
تحية حب معطرة ارسلها لاابناء الشعب السعودي النبيل وابارك لهم باليوم الوطني المجيد ياجعلنا فداء لتراب هالارض الطاهرة,,,,
وبصراحة ماقصروا شباب الخبر والدمام خلوا احتفالاتنا بها اليوم ابداع مامثله الله يسهل لهم ويوفقهم ويفرحهم مثل مافرحونا (اهم شي هههه) وطبعا انا مانسيتكم بها المناسبة طولت لكم البارت شوي هههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
البارت الواحد والثمانين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
مطلق بهمس اني احبك موووت...
تنهدت وماردت عليه ...
مطلق بهمس اكبر ـ واني عشقتك عشق ماصار ولااستوى.....يابنت حبيتك...جد حبيتك وقلبي تعلق فيك بجنون وانا اللي مفكره يسرح ويمرح وماتهزه بنت وتعلقه...طلعتي غير يادارين....علقتيني وسحرتيني وانا ذايب فيك للآخير ياعمري.....
دارين برجا ـ خلاص يامطلق لاتكمل...
مطلق بأصرار وهو شايفها مستحية منه وقصده يحرجها اكثر بعد ـ قولي شسويتي بقلبي ....
قالها ونزل لكتوفها يبوسهم وهي مغمضة عيونها وتتنهد...
صار وجهه فوق وجهها وقال بهمس ـ فتحي عينك...خلني اشوفها واعشقها اكثر لاتحرميني منها....
فتحت عيونها بشويش وازدادت نبضاتها وزاد الخوف والارتباك من قربه منها بها الشكل...
ابتسم وحست انها دايخة من ابتسامته.....
دارين بهمس ـ قربك يجنني....
مطلق بنفس الهمس ـ والمطلوب؟؟؟اتقرب اكثر....ياحرام شوي شوي عليك انتي بالك طويل؟
دارين ـ مطلق...
قال برغبة وهو يتقرب يبوسها ـ شكله البال الطويل قصر بسرعة!!!ياحرام وانا اللي مجهز نفسي لسهرة صباحية؟
خلاص ماقدرت ...لهنا وبس ورفعت دارين راية الاستسلام!!!
تنهدت بقوة ووجه بوجهها وقالت له عيونها,,,,
رفعت الراية البيضاء نعم سلمت واستسلمت,,
رفعت يديني الثنتين سو اللي تبي فيني؟؟
فداك الطاعة العمياء عليها يالحبيب اقسمت,,,
اطيعك لو تعدبني وتظلمني وتشقيني؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
اليوم الثاني,,,,,
مشاري ـ هلا والله....
الدكتور زياد ـ هلا فيك يامشاري...
مشاري ـ تعبتك معي؟؟
الدكتور باعتراض ـ لاوالله مافيها أي تعب يامشاري افا عليك....انا لو ماكنت بجدة ماكنت تركتك بها الظروف....
مشاري ـ زياد انا ابيك تكلمها....انت دكتور نفسي وتفهم تتعامل مع مواقف كذا...انا مو عارف وش اللي يدور براسها...ساعات هادية وساعات بركان ثاير من البكي والهيجان وساعات مو قادرة توقف من التعب والتفكير وارهاق....
تعبان يازياد...متعبني تعبها؟ومتعبني اني مو قادر اوصل معها لحل....ولاعارف شلون اصلا اخفف عنها؟
الدكتور زياد ـ ماعليك يامشاري...اكيد اللي مرت فيه زينة مو شوي....وكلنا نتعرض لمواقف وضغوطات تعكر حياتنا...بس ولايهمك انت بس قول لها اني ابي اقعد معها..واذا ممكن تكون انت بعيد.....
مشاري وقف ـ ان شاءالله...زياد ترى انا معتمد عليك.....
قالها وطلع ينادي زينة...وبعد فترة رجع وقال له انها بغرفة المكتبة,,,,,,
دخل الغرفة بعد مادق الباب اللي اصلا كان مفتوح......
انتظر تلف عليه بس مالفت....كانت واقفة قبال النافذة وعاطيته ظهرها...
زياد ـ السلام عليكم......
ماردت عليه...
تقرب من وسط الغرفة وسكر الباب وراه واول ماسكره قالت بحدة ـ لاتسكره؟
زياد باعتذار لبق ـ عفوا ماتوقعت الاماكن المغلقة تضايقك؟
لفت له وقالت بحدة اكبر ـ انت باي حق بتدخل معي غرفة وتسكر وراك الباب؟
زياد ـ احيانا يفضل البعض منا انه يتكلم بحرية وبدون قيود ولايحس انه غيره يسمعه؟
زينة ـوانت ليه تبي تتكلم معي ان شاءالله؟
الدكتور زياد ـ كان المفروض نلتقي بالمستشفى بس انا ماكنت موجود.....
زينة ـ أي وبعدين...
زياد ـ ولاشي جيت ابتطمن عليك بنفسي وين المشكلة؟
زينة بانفعال ـ انا مو مجنونة؟
زياد بهدوءـ من جاب ها الطاري بس...
زينة ـ انت مو دكتور نفسي؟
زياد ـ والدكتور النفسي مايكلم ولايتطمن الا على المجانين بس!!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
احمد ـ لاتقولين توحشتي وفقدتي دارين ودقيتي علي؟؟
ماردت عليه ولف لها حس انها متضايقة ومو نايمة...
تنهد وجلس جنبها بخوف وقال ـ هالة شفيك؟
رفعت راسها بذبول وقالت ـ يحبني!!!
سكت وظل يناظرها.....
تنهدت وقالت بمرارة ـ مااقدر احبه ولااعيش معه...افهمني يااحمد....
احمد ـ انتي من تقصدين؟
هالة بألم ـ اقصد اللي عاش عمره ينتظرني؟؟؟؟
ظلت نظراته معلقة عليها وكملت هي بألم اكبر ـ ادري ان جراح يحبني....من كنا صغار وهو يخاف من نسمة الهوى اللي تلفح وجهي لاتاْذيني؟كبر وكبر معه شعوره ناحيتي.....
ادري انه مابينساني ولايمكن ينساني ,,,لازواجي شالني من تفكيره ولاطلاقي حاول يبعده عني!!!
تصور يااحمد راضي يعيش بدون عيال بس علشان يظل جنبي ومعي!!!!
سكتت مرة وحدة وتنهد هو بالقوة......
ظل الجو بينهم صامت وقطعه احمد يوم قال لها ـ كنتي تدرين عن حبه لك يوم تتزوجين؟
هالة بألم ـ كان يحبني واحنا صغار ويوم كبرنا طلع من البيت وماشفته الا بليلة زواجي!!
احمد ـ شتبيني اقولك ياهالة؟
هالة بتعب ـ ابيك تفهمني وتفهمه ها الشي....هالة لايمكن تبتدي حياة جديدة توجعها وتوجع انسان فاني حياته بحبها؟
احمد ـ وش مبررات رفضك له؟ها الحب كله اللي شايله بقلبه لك ميزة مو سبب يخليك ترفضينه؟
هالة ـ انا وهو مو متكافئين بشي....
احمد ـ مثل شنو؟
هالة ـ يكفي اني اكبر منه....
احمد ـ سنة هي كل الفرق بينكم...سنة وحدة ياهالة؟
هالة ـ لو ساعة يااحمد....انا مااتصور ها الشي ابدا....
احمد ـ غيره ياهالة...عطيني مبرر ثاني ها الشي مايقنعني....
تنهدت بتعب وهو يناظرها بهدوء,,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ام وليد ـ عطيني التلفون بدق على اخوك بشوف وش سوى؟
اروى ـ بشنو؟
ام وليد ـ بسالفة الوكالة اللي بياخذها...
اروى ـ أي وكالة؟وليد بياخذ وكالة؟
ام وليد ـ أي بياخذ وكالة...وش شايفته اقل من غيره مايصير تاجر وابوه وجده من قبله تجار؟
اروى ـ المشكلة مو في وليد يمه المشكلة فيك انتي!!!
ام وليد بقوة ـ نعم...
اروى بلااهتمام ـ يمه هذا الصدق....وليد عارف انك مساندته علطول وتفزعين له لو تتركينه على ابوي يتاْدب ويصير ازين من احمد بعد بس انتي ماتقدرين تلاقي ابوي يحرمه من المصروف تقومين تملين جيوبه!!يطرده من البيت تعطينه مفتاح الشاليه !!وين بيصير سيده بس!!
ام وليد ـ قومي عن وجهي بس قومي...صدق ماتنعطون وجه.....
قامت اروى ومسكت ام وليد السماعة بنرفزة.....
دقت على رقمه وحست ان النغمة دولية مسكت نفسها لين رد عليها وهو نايم......
وليد ـ هذا وقت تدقين يمه الله يهداك..
ام وليد بقوةـ انت مو بالشرقية صح..
وليد ـ شاطرة...من قال لك......
ام وليد بعصبية ـ وينك فيه؟
وليد ـ بدبي...
ام وليد بصراخ ـ انت شتسوي ماتقولي ليه رايح هناك؟
مو على اساس بتاخذ وكالة مادري وش قلت لي البارحة؟
وليد ـ أي صح...هنا ..هنا باخذها يمه...
ام وليد بعصبية ـ صدقني ياوليدوه اذا ماتقعد من نومتك وتعطيني السالفة كلها لاتقول بيجيك خير مني....
وليد باستهتار ـ أي حاضر تصبحين على خير ادق لك بعدين انا...
سكر بوجهها وتنرفزت...حست بالضيق....معقولة وليد ماخذ الفلوس وبيفسفهم من هنا وهنا على خرابيطه؟
كان ذبحته على يدي لو يسويها؟؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
الدكتور زياد ـ سئلتك....الدكتور النفسي مايسولف الا مع المجانين بس!!!
زينة بقهر ـ منو قال لك اني بحاجة ان احد يسولف معي!!!مشاري صح؟
الدكتور زياد ـ قلت لك انتي كنتي بقسم المفروض انا اشرف على علاجك لين تطلعين...
قاطعته بقوة ناعمة ـ وانا طلعت من المستشفى؟معقولة كل مريض بيطلع من المستشفى بتجيه لوسط بيته وتساْل عن علومه واخباره؟
الدكتور زياد بثقة ـ أي....
زينة باحتقار ـ ماشاءالله على الحب والاحاسيس...
الدكتور زياد ـ لاتعتبرينه حب واحاسيس اعتبريه واجب...
رددت بلا اقتناع ـ وش ها الواجب اللي يخلي دكتور يلف على بيوت مرضاه....؟
الدكتور ـ فيني استبعد الاجابة بها اللحظات واجاوبك بوقت ثاني....
لفت عنه وقالت ـ محد طلب منك تجاوب بالاساس.....
سمح لنفسه يجلس وقال ـ تصدقين جدة تغيرت كثير عن اول...زمان مارحتها...وها الثلاثة ايام اللي رحت احضر فيها مؤتمر حسيتها غير....
سكتت وماردت عليه وقال هو بااسى ـ لي فيها ذكريات سيئة.....هناك تركت قلبي مكسور ومالاقيت من يداويه من بعد ماتركوه معلق كذا!!!
لفت عليه وماعلقت...ظلت ساكتة وهو يتكلم وهي تسمع له بأنصات.....
الدكتور ـ كانت كل حياتي....وماابالغ اذا قلت انها اغلى من حياتي!!!!بس ويني انا ووينها هي اللحين؟دنيا عمرها مابتوفي لااحد يازينة....ومابتعطينا كل اللي نبيه....
غمضت عيونها وماغير صورة احمد مترائية لها بها اللحظات,,,
كل اللي يدور ببالها احمد...احمد وبس....
انا بلياك يا المحبوب يجرحني رهيب الصمت,,,
احس اني وحيد بعالمي لاغبت عن عيني,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
مطلق ـ صباح الورد والشوق والحب واللهفة؟
قالها وهو يشوف دارين تتسند على السرير بعد ماصحت....
تقرب منها وحاوطها بذراعه وهمس لها ـ موت...انتي موت يادارين.....
نزلت عيونها بالارض بدون تعليق....
مطلق بنفس الهمس ـ تستاهلين الدلع يادلعي انتي!!يحق لك والله يحق لك.....
تنهدت وقالت بصوت يادوب يطلع ـ ماخلص كلامك من البارح للحين؟
مطلق بنفس صوتها الواطي ـ ولاراح يخلص بعد طلما انتي جنبي تدرين ليه!!!لاني بمجرد اشوفك تجيني احاسيس ومشاعر غريبة....مدري شلون اوصفها لك....مشاعر تخليني اقول كلام وحكي بيفضحني ويذوبني لو ماقلته,,,,
دارين جت بتقوم بس شد هو على يدها وقال بهمس ـ وردتي وين تبي تهرب مني من صباحيتنا....
دارين ـ مطلق اتركني واللي يعافيك حاسة مو قادرة احط عيني بعينك؟
بخبث قال ـ ليه وش سويت انا؟
رفعت راسها بسرعة له ولقته يبتسم وغمز لها بعينه وقال ـ سويت لك شي...اسئلك انا؟
دارين بخجل ـ لا مسكين ..ابدا ماسويت شي؟
مطلق بضحكة عالية ـ فديتك ياقلبي فديتك......
دارين ـ مطلق اتركني اقوم ولاخف شوي من كلامك ترى احس اني مو متحملة؟
مطلق ضمها لصدره وقال ـ خلاص بسكت.....بظل ساكت لين تقولين لي تكلم...بظل بس حاضنك وابوس فيك؟
دارين ـ لالالالا تكلم ارحم واللي يعافيك....
مطلق ـ ههههه انتي مالك راي ولاكلمة....يالله ارسي بسرعة وش تبيين؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
ابو احمد ـ مشاري حياك يبى تفضل....
مشاري باعتذار ـ عمي انا اسف اني مااتصلت ولااخذت منك موعد قبل لااجيك وانا عارفك مشغول....
ابو احمد ـ لاتزعلني منك يامشاري على ها الحكي؟
مشاري ـ ولو ماعديتك حسبة عمي ومابينا حواجز ماجيتك....
ابو احمد ـ امرني يامشاري يايبى...
سكت مشاري وقال ابو احمد بتشجيع ـ انت بعدة عيالي وبغلاوتهم....لايردك عني الا لسانك...اطلب يامشاري....انت محتاج شي..تبي شي....
تنهد مشاري وقال بخجل ـ عمي انت زعلان مني علشان انفصلنا انا و...
قاطعه ابو احمد ـ كل شي بالدنيا قسمة ونصيب يامشاري يايبى....ومحد ياخذ الا نصيبه....ولو انتوا لبعض ظليتوا لبعض....
مشاري ـ عمي انا ماابيك تفهمني غلط...
ابو احمد ـ مشاري قول يبى انا اسمعك...لاتستحي مني....
مشاري بارتباك ـ عمي انا....
ابو احمد ـ تبي تتزوج يامشاري....
سكت مشاري وقال ابو احمد ـ ابركها من ساعة ياولدي......من اليوم انا بنفسي بروح اخطب لك العروس اللي تبيها...
مشاري باحراج ـ بس ياعمي...
ابو احمد ـ من غير بس يايبى....منهي تقدر ترد مشاري ؟؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
نسايم ـ يمه وش فيها بنتك بغرفتها محد يشوفها؟
ام مطلق سكتت لان جراح موصي عليها ماتجيب سيرة لنسايم لين يشوفون وليد ,,,
نسايم ـ يمه اكلمك انا....
ام مطلق ـ شنو...
نسايم ـ بنتك صار لها يومين مو على بعضها ومن امر على غرفتها اسمعها تبكي....شسالفة.....
ام مطلق ـ بشاير؟
نسايم ـ اجل انا يمه؟اكيد بشاير...
ام مطلق ـ أي بس اختك مافيها شي.....توها قبل شوي كانت هنا...
نسايم ـ يمه انا مو بزر بشاير وابوي فيهم شي....انتي ملاحظة انهم من يومين مايقعدون مع بعض ولاهو يساْل عنها بالمرة وهذا مو من عوايد ابوي؟
جراح من وراها ـ أي وانتي وش تتوقعين؟
لفت له وسكتت...
جلس جراح قبالها هي وامه وقال بقوة ـ بشاير عاقلة ومايطلع منها شي شين ابدا...
نسايم ـ وانا المجنونة واللي تصرفاتي تفشل مثلا!!!
جراح ـ انا مانطقت انتي تكلمتي عن نفسك.....
نسايم باعتراض ـ سمعتي ولدك شيقول عني يمه؟؟وكاْني عدوته ما كاْني اخته؟؟
تنهدت ام مطلق وسكتت...
جراح ـ الحبيبة متضايقة اشوف؟
ام مطلق ـ احاتي اخوك يمه..
جراح بسخرية ـ أي معك حق تحاتينه يمه...لان مطلق توه مسكين بالابتدائي وينخاف عليه!!!
ام مطلق ـ وانت ماتجوز ابدا!!
جراح وهو يضحك ـ وانا ادري عنك بس يايمه.....وش تحاتين مطلق؟
ام مطلق ـ ولدي ولازم احاتيه.....يبى العرس وجع راس وهم ومشاكل...
جراح ببتسامة ـ هاذي تعني لاتتزوج ياجراح؟
تنهدت امه وابتسمت وقالت بحنان ـ يمه حياتكم لاصارت هادئة ومستقرة احنا ارتحنا واذا لاقدر الله صار فيها شي قلوبنا تغلي عليكم,,,,
جراح ـ يمه خلاص انتوا ماقصرتوا...صار لازم ترتاحون ...احنا كبرنا وكل واحد فينا عنده حياة طويلة قدامه بيعيشها....اذا بتظلون تحاتون كل شي بحياتنا ماارتحتوا يايمه....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
كانت قاعدة بغرفتها بعد ماطلع احمد....
ماقدرت تقنعه ولاقدر يقنعها...
ظلوا كل واحد يقول اللي عنده وحست انها ضعفت قدام احمد وكل ماتعطيه سبب للرفض يسد بوجهها الباب ويعطيها مبرر للشي اللي يقوله....
شبيصير ياهالة اللحين.....
احمد وموافقته على جراح صعبت عليها كل السالفة؟؟؟
لو ماهو مقتنع كانت ضمنت وقفته معها ضد ابوها واقناع ابوها بالرفض؟؟
بس موافقة احمد واقتناعه شي خلوها هي تحتار....ابوها واحمد؟؟
معناته القضية منتهية.......
ياربي والله راسي بينفجر...مو كافي اني يومين مااروح الدوام,,,,,,ولادارية وش اللي بيصير كله من سبة جراح الله......
ماابي ادعي عليه دارية فيه ماهو عاقل ولاهو بوعيه ؟؟؟
تنهدت ودقت عليه بااصابع مرتجفة بما ان احمد انتهى خلاص...يمكن تقدر تغير رايه ولاتخليه يعتذر وينسحب.....
جاها صوته الحنون الدافي اللي كله لهفة وعاطفة وزاد جراحها جراح اكثر... ـ الو....
هالة بتنهيدة ـ جراح...
تنهد بقوة يوم جاه صوتها...اللي كان مثل البلسم اللي طيب له جرحه......
هالة بصعوبة ـ ممكن نتفاهم؟
جراح بهمس شاعري ـ امريني يالغلا...
هالة ـ لو سمحت بدون ها الكلام.....هم كلمتين ولازم تسمعهم...
جراح ـ كلي لك بس انا بقول لك قبل كلمتين ولازم تسمعينهم.....بنملك اكيد قبل الخميس علشان روحة ابها...انا مرتب الوضع؟
هالة بانفعال ـ أي ملكة انت بعد!!!جراح انا مو موافقة افهم!!!
جراح بتنهيدة ـ عارف ومتاْكد بعد ان بعد ارتباطنا بتشوفين انك استعجلتي بها الكلمة لان الحياة اللي انا بعيشك اياها تتمناها الف بنت ياهالة؟
هالة ـ انا ماابي شي.....ابيك تبعد بس...
جراح بقوة ـ انا اسف....
هالة ـ جراح.....لاتخليني استخدم اسلوب ثاني يبعدنا عن بعض غصب؟
جراح ـ لو شتسوين مابتمنعيني عن ها الارتباط ياهالة؟ها الارتباط اللي من زمان وانا انتظره...
هالة بتحدي بس انا عيوبي اكبر من ميزاتي ياجراح.....
جراح ـ عسل على قلبي...كل تواصيفك وعيوبك احبهاكثر ماحبيتك.....
هالة بتعب ـ لاتصعبها علي تكفى انسحب بهدوء وبلا وجع راس....لاتخليني اتخذ خطوة ثانية...وفكر في كلامي عدل....
قالتها وسكرت.....وبعد ثواني بس جاها منه مسج ,,,,,
واذا حبيتك؟؟؟؟
احب العيب في شخصك قبل احلى تواصيفك؟؟!!
واحب اعطي واحب اوفي واحب اتعب مع الخلان,,,,,
واحب الحب في حبك واحب امشي على كيفك,,,
واحب ارضيك ولو انك علي مخطي وانا الزعلان!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
بشاير بعد ماشافت عدد الاتصالات من مشاري والرسايل اللي يترجاها فيها انها ترد عليه لانه يبي يكلمها ضروري شافت انه مامنه بد ترد عليه ,,,,,
دقت له وقالت بتعب ـ الو
مشاري بلهفة ـ باكلك انا من التلفون ماتبين تردين علي!!!!
تنهدت ومسحت دمعة وقالت ـ اسفة بس ماقدرت ارد عليك....
تنهد وقال بتعب ـ ادري وصل خبر لك من جراح امس عني....
تنهدت وسكتت...
قال بهدوء ـ بشاير انا كلمت عمي ابو احمد وهو اتصل في ابوك والليلة موعدنا معه بنجيه....كلها ساعة زمان واطلبك من ابوك؟
غمضت عيونها ونزلوا دموعها شلال للي جاي لها من تعب اللحين؟
الشقى ابتدى يابشاير....والاستقرار تلاشى....والاكيد ان ارتباطنا مابيتم لان ابوي مابيزعل عمتي وعلشان اللي سواه وليد؟؟؟وشوفي وش بيصير.....اه بس لو انك ولد عمي وانا بنت عمك يامشاري؟؟؟
ليتني بنت عمك وب الزوآج اغصبونآ
ويحددون الملكـہ وبعدهآ يملكونآ ..
لآ جبرتنا الظروف
ولا مدري اشوف
كل شي مخطط ومرسوم
وامي حولي تحوم ..
يآ بنيتي هذآ فستانك جربيـہ ..!
والزواج هذا الخميس ولا تنآقشي فيـہ
واللّـہ مآدروا اني من الفرحـہ بطيير
واني احلم بـہ قبل مآيصصير
واني ببقى معـہ طول الحياه
وبعطيـہ عيوني لجل رضآه
واللّـہ لأعيشـہ ملك وسلطآن
وارفع رآسـہ بكل مكآن ..
وبحآول قد مآ اقدر اسعده
وابعد عن الشي اللي ينكده ..
وان مآ كل زين اغصبـہ
وان مآ نام العب بشعره هالحركـہ تنومـہ ~
وهو يدري اني من نظره افهمـہ
وقبل يتكلم اكمل كلمتـہ
ويبتدي يوم الخميس وتبتدي معـہ الحكآيـہ
واغراضي جاهزه من الفستان للعبايـہ
ومستعده لرحلتي وفيني فرحـہ وخوف !
يآترى مشتآق لشوفتي وفيني شغوف ؟
واسمع صوت امـہ ادخل يايمـہ العروس داخل ..
زادت ربكتي ودمعي من الشوق سايل ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك