رواية من أعماق أحضان مجنونة -61
مطلق بضحكة ـ وش فيك خايفة؟
تنهدت وقالت ـ شايف كم الساعة اللحين؟
مطلق بهمس ـ بكرة بتصيرين مرتي حلالي ومحد بيقولي دق ها الوقت ولاغيره؟
دارين بنفس الهمس ـ ومدامك عارف انك بكرة بتصير لي وبصير لك ليش بعد داق.؟
مطلق ـ تضايقتي؟
دارين بصدق ـ لاخفت...بروحي مدري شلون بيمر بكرة فااذا ماعندك سالفة يامطلق خلني بروحي...
مطلق ـ بلى عندي...
دارين ـ الا هي.....
مطلق بهمس ـ وحشتيني مرة ...مو قادر اصبر لبكرة...ودي اجي اللحين عندك واقضي ليلتي بحضنك؟
دارين ـ مطلق...خلاص لاتقول شي....تكفى انا مو عارفة اسوي شي ولااقول شي فلا تربكني اكثر بكلامك احس اني فعلا ببكي؟
مطلق تنهد بقوة,,,,,
تخيل لوأجي يمك
تخيل لوفي هاالساعه
أجي من بعيد وتشم بغرفتك عطري
وتحس الروح بوجودي؟؟
وتفز تدور طيوفي
تدور بس ماتلقاني
وتقعد فوق كرسيك
وتدمع شوق من شاني
واجي امشي على مهلي
واجي أهمس واناخلفك
حبيبي انت تسمعني
واحط ايدي على عيونك
وامسح دمعها
وتفز بسرعه وتضمني
وماتنطق ولاكلمه
واحس الدمع غرقني
وأقولك حيل واحشني
وانت تبكي وتبتسم
وانااضحك واتالم
حبيبي بس لاتخرب علينا
كل هالفرحه
انايمك
انابدمك
اناالي شايل همك
أناالي روحي تضمك
اناالي وحدي أهمك*
واضمك حيل
انالصدري
وانت تذوب في عطري
وتحط أيدك على شعري
واتووووووووه
بعالم عيونك
وأقول الله علينـا
ابي أعيش باوقاتك
ابي اسكنها لحظاتك
ابي اسمي اناالأول
اول وآخر حب سكن ذآتك..
اليوم الثاني الليل,,,,
جراح ـ خير في شي؟
هالة بدون نفس ـ قلت لك شي علشان تكلمني؟
جراح ـ حسيت من نظراتك انك تبين تكلميني؟
هالة لفت بعيونها عنه..
قال بصدق ـ بلاش من نظراتك...تقدرين تقولين من قعدتك هنا بروحك,,,انتي ماتطلعين الا اذا تبين تكلميني في شي ومستكثرة علي اسمع صوتك بالتلفون؟
سكتت...يمكن لانه كلامه صحيح...هي ماتطلع الحوش الا اذا تبي تكلمه...
تنهدت....
عطى نفسه الحق يسحب الكرسي ويجلس قبالها وظل السكون ثالثهم,,,,
جراح ـ مفتقدة اختك؟
ماردت عليه بس تنهدت.....
قال بشغف ـ اتوقعها هي اللي مفتقدتك؟
هالة بصبر نافذ ـ جراح..
جراح بهمس ـ يالبيه ياعمري..
هالة بحدة اكبر ـ انت كيف تتخذ ها الخطوة الغبية كيف؟؟
تنهد وقال بالم ـ انتي ضعتي من يدي مرة ياهالة ومو مستعد اضيعك مرة ثانية,,,انسي ها الشي؟
هالة ـ انا مو موافقة؟افهم,,,,ياربي شلون أوصلها لك ذي بس.....
جراح ـ اسمعيني انتي...ترى موافقتك اخر شي ابيه....
هالة ـ يعني ماتقولي وش اللي يهمك؟انك تتزوج وحدة تقولك انها مو موافقة؟
جراح بهدوء ـ لاتوافق كيفها...بس انا عمري قاعد يضيع وهي السبب....تعبتني....يمكن لاصارت جنبي تحس فيني!!!
توها بترد سبقتها اروى اللي جاية من وراهم وقالت بدلع ـ سلامتك ياولد خالي...منهي هاذي اللي متعبتك بس!!!
ماردوا عليها بس ناظروها اثنينهم بنفس النظرات...
اروى وهي تناظر هالة ـ غريبة جالسة هنا مالك بالعادة يادكتورة...انتي دايم مشغولة ولاتقرين يقال من زود الثقافة ولا بروحك من حلاوة الشخصية يعني!!
اخر شي بغته هالة بها اللحظات انها تتصادم مع ام وليد ولا وحدة من بناتها....اخذت بعضها وقامت من المكان وسط نظرات جراح...
ويوم قامت جلست اروى بمكانها وهي تناظر بجراح اللي نزل راسه بالارض يفكر بهالة وبكلامها...
اروى بنعومة ـ جراحي...
رفع راسه بسرعة وقال ـ شنو؟
اروى ـ............
جراح بنبرة عالية ـ تكلمي عدل ...
اروى بدلع ـ وانا شقلت؟
جراح تنهد ومارد عليها...كل اللي سواه انه قام من الطاولة بهدوء وسط نظرات الصدمة بعيون اروى اللي قالت بينها وبين نفسها ـ يتركني جالسة على الطاولة بروحي وهو اللي من ساع جالس مع بنت العراقية؟؟؟؟.
ــــــــــــــــــــــــــــــــــــــــــــــــــ ـــــــــــــــــــ
بفندق الموفنبيك بالخبر....
دخل مطلق وسكر وراه الباب ويده بيد دارين اللي حست ان اليوم مشى بسرعة,,,,
غمضت عيونها تتذكر وش صار اليوم,,,,
الصباح اتفقوا ان الملكة تكون بعد صلاة المغرب....
طول يومها كانت قاعدة مع احمد وهي مو سامعة منه ولافاهمة ولاكلمة لان بالها كان شارد بللي راح يجيها اللحين,,,
قبل لاتطلع من البيت بعد ماملكت وشافت هالة وضمتها وسلمت عليها حست ان الموضوع خطير وانها خايفة من ها العرس بس الفاس طاح بالراس وملكت وطلعت معه من البيت وانتهت القصة خلاص؟؟؟؟
فتحت عيونها يوم سمعته يهمس با اْذنها ـ عادي روقي شفيك...
ماقالت شي ولاحتى رفعت راسها...
وقال وهو يلعب بيدها بين يدينها ـ وضع طبيعي...
دارين بهمس ـ وشهو اللي وضع طبيعي؟
مطلق وهو يبتسم بخبث ـ وضع الخوف اللي انتي جالسة فيه؟
قالت بكبرياء يشابه كبرياء اختها هالة ـ ومن قال اني خايفة؟
ابتسم علني وقال بقوة ـ ابتدى الاكشن يعني؟
مشت من قدامه بس هو جرها من عبايتها وصارت قدامه وظهرها بصدره..
تقرب اكثر وهمس لها ـ ماقلت لك امشي!!
قالت بدون ماتلف عليه ـ ماقلت لك اني بقضي ليلتي واقفة جنب الباب يامطلق؟؟؟؟
ــــــــــــــــــــــــــــــــــــــــــــــــــ ــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــ
اشوفكم بكرة على خير,,,,,
صباح الخير والورد والفل والياسمين(اهم شي اسم بنتي ههه)
شلونكم يالغلا عساكم بالف الف خير ان شاءالله,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
البارت الثمانين
,,,,,,,,,,,,,,,,,,,,,,,,,,,,,,,,,,,,,,,,,,,
دارين ـ ماقلت لك اني بقضي ليلتي واقفة جنـب الباب يامطلق؟؟؟
تنهد بقوة وحط يده على كتوفها من فوق عبايتها وقال بهمس ـ اكيد ياروحي مابنقضيها عند الباب واقفين....
ظلت ساكتة وخايفة من قربه كذا بها الدرجة....
قال بهمس اكبر وهو ينزل راسه لراسها ـ ابي اشوف عيونك اللي اشتقت لها قبل كل شي....
لفت له وصاروا قبال بعض......
كان يناظرها برغبة وتناظر هي بشوق بس ماحبت تبين له قالت بعد ثواني ـ شفتها...مثل ماهي ماتغيرت!!!
ضحك عليها وتقرب بسرعة وباس عيونها وسط ارتباكها...
قال وهو يتقرب علشان يضمها لصدره ـ احلى عيون وربي....بحياتي ماشفت مثلها....
بعدته بيدها وقالت بثقة ـ اذا قاعد تغازلني وفي نيتك شي شيلها من بالك ترى بنت العراقية بالها طويل....طويل حييل يامطلق؟
ضحك وقال بتمتع ـ أي وش ورانا عاد ياام بال طويل....معك معك وها الباب مسكر ورانا لين يقصر بالك!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ام وليد بحقد ـ راحوا المعاريس؟
لف لها ابو احمد وقال ـ حتى مافكرتي توقفي جنبها بمثل ها اليوم؟
ام وليد ـ اليوم مافي شي...كلها بكلها عزيمة رجاجيل ولو السالفة فيها عرسة وزحمة ماكنت بتركها...بس انت شوفة عينك طلعت مثل......
ابو احمد بحدة ـ مثل شنو؟
ام وليد ـ ولاتزعل مني يابو احمد بس العرس سكاتي كذا ماهو حلو شبيقولون الناس عنا؟
ابو احمد ـ اولا مطلق مستعجل وانا ماابي اعطله...وانتي عارفة ابو مشاري الله يرحمه ماصار له شي من توفى وعيب اني اسوي عرس وطقطقة..وهي راضية,,,,
ام وليد ـ طيب ماقلنا شي....
ابو احمد ـ كنتي اخذتي مابخاطرها ..واسيتيها ..نصحتيها....شديتي من ازرها وعليتي نفسيتها...
ام وليد ـ معها اختها واكيد فهمتها كل شي؟
ابو احمد ـ رجعت تقولي اختها؟بالذمة اللحين منهو اللي المفروض يكلمها انتي ولااختها؟
ام وليد ـ بناتك مايطيقوني لاهم ولااولادك ومايتقبلوا مني أي شي....فليش افرض نفسي عليها....
ابو احمد ـ هذا مو فرض...هذا معناته انها تذكر لك موقف زين سويتي معها....البنت يتيمة وبمثل ها اليوم محتاجة لاام تنصحها....
سكتت ام وليد وماقالت شي....
وسكت هو بعد...كان تفكيره رايح بجراح وهالة.....وماحب يقول لها لين جراح يحسم امره ويكلم اهله؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
جراح ـ بكرة بيرجع ليه منتي مصدقتني؟
فاطمة ـ غبية انا غبية تلعب علي!!
جراح وهو فاطس ضحك... ـ انا ماقلت كذا....
فاطمة ـ ليه ماقعد هنا معنا واخذ مرته وراح الفندق....
جراح ـ يابابا يافاطمة عيب...البنت توها بتقعد مع ابوكم بروحها كيف تبونها هنا علشان كل خمس دقايق تنط وحدة منكم وتدق عليهم الباب واخر شي يطلع ويذبحكم ابوكم خوب هو مايتفاهم ؟
فاطمة بزعل ـ وطبعا هي اللحين بيحبها اكثر حاجة؟
جراح وهو يجر خدها ـ احد عنده فطوم ويحب غيرها اكثر منها...
سكتت بعدين قالت بغضب ـ بيسافر طبعا بس انت مابتقولي؟
جراح ـ انا مدري عنه بيسافر....
فاطمة ـ بلى تدري بس ماتبي تقولي لااعصب عليك؟
جراح وهو يضحك ـ هذا انتي قلتيها ماابي اقولك علشان لاتعصبين!!!يبى خفي عن نفسك شوي بلا ها العصبية ترى بتشيبين والدنيا ماتسوى,,,,,,
فاطمة ـ عمي...انت تحبني..
حضنها جراح وقال ـ طبعا احبك ياقلبي.. واموت فيك بعد....انتي فطوم الغالية.....
فاطمة بدلع ـ بصير بعدين صديقة بنتك ودايم بكون عندك بالبيت وبقول لها ان انت تحبني اكثر منها؟
تبسم بالم...
فاطمة ـ وش بتسميها بنتك ياعمي!!
تنهد بتعب وقال بهدوء ـ انا ما راح اجيب عيال يافطوم؟
فاطمة ـ ليه انت ماتحب العيال؟
جراح ـ احبك انتي بس!!!علشان كذا مابجيب عيال؟
ام مطلق من وراه بحدة ـ اسم الله عليك ليه تقول ها الحكي؟
رفع راسه لاامه وسكت...
جلست ام مطلق وفطوم راحت تنام بحضنها....
ام مطلق ـ انت ملاحظ ان مو اول مرة تقول انك ماتبي عيال؟ليش تقول ها الحكي؟
جراح مسوي انه لامبالي ـ لاني ماابي عيال؟
ام مطلق ـ العيال نعمة ياحظي اللي ماعندهم بيموتون وانت تقولها بكل برود...
جراح ـ يمه انا مااحس اني بقدر اكون ابو ناجح,,,ماابي اتحمل مسؤلية عيال وراي وانا مو قدها؟
ام مطلق ـ الكل يقول ها الحكي بالبداية بس بعدين لمى يصيرون العيال واقع تلاقي نفسك تاْقلمت معهم وتعايشت بدون ماتحس لنفسك؟
تنهد.....وسكت...
ام مطلق بحنان ـ مضايقك شي يمه؟
جرا ح ـ يمه ..انتي تهمك سعادتي؟؟
ام مطلق ـ اكيد يمه...
جراح ـ وين ماكانت ومع مين ماكانت؟
تنهدت بضيق وسكتت...كانت حاسة انه عنده شي يبي يقوله ففضلت ماترد عليه لاتسمع الشي اللي بيضايقها..
جراح باستعطاف ـ سعادتي اذا انا اخترتها بتضايقك يمه؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
ريم ـ شايل الدنيا فوق راسك؟
احمد ـ تمنيت يكون لها زواج وتفرح مثل باقي البنات؟
ريم ـ هي تبي كذا واقترحت كذا..وانت تدري العرس مايعني ابدا السعادة راح ولاجا يظل مظهر بس؟؟اللي دايم القلوب والعشرة؟
حط راسه بحضنها وقال ـ على قولتك...
ريم ـ وش اللي على قولتك انت بعد!!قاصرة انا من اللي بداخل تجي انت بعد وتنسدح؟
احمد بضحكة وهو مغمض عيونه ـ دافع لك مهر....
ريم ـ ماشاءالله!!!!وها المهر ماينتهي مفعوله ابدا!!!طول العمر.....
احمد ـ ههههههه
ريم ـ انا اول مرة اشوف مهر يندفع مرة وحدة مقابل عمر ينفني !!
احمد ـ والله اللي انا اول مرة اشوفه..ان اللي يدفع المهر أي شي يزعلكم منه ويقهركم واللي حضرته جالس ومبسوط داخل تحبونه وماترضون عليه وهو ماوراه الا الوجع والتعب!!!كيف تجي ذي؟
ريم وهي تقولب بشعر احمد ـ تجي لان غلاته من غلاة ابوه طبعا!!
احمد ـ من تبيني اسكت ومااكمل معها الموضوع قالت نفس الكلام.....
ريم ـ ههه حرام عليك....لاتظلمني......
احمد ـ لابظلمك لين تعترفين؟
ريم ـ اعترف بشنو؟
احمد ـ بانك ارتكبتي فيني جريمة.....
ريم ـ اللي هي....
احمد ـ وقعتيني بحبالك.....تركتيني احبك ..واغرق فيك...بذمتك ماهي جريمة؟
ريم ـ لا...
فتح عيونه وصارواعيونهم قبال بعض ...
قالت بثقة ـ الجريمة هي اني بشيل راسك من حضني لانك تعبتني وانا بنام !!!!
على مااستوعب كلامها كانت باعدت راسه وانسدحت تنام وهي عاطيته ظهرها...
لف لها بسرعة وصار شبه حاضنها ـ شوف بنت اللذينا...اخذتني على غفلة؟
قالت وعيونها مغمضة وهي تضحك ـ تصبح على خير....احلام سعيدة...ومااوصيك احلم فيني وفي ولدي؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
شيخة ـ تتوقعون اذا جت دارين بكرة وش بتسوي لنا؟
عايشة ـ قولي توقعي ذيك من زمان راحت فراش جدتي تنام عندها....
شيخة ـ أي ماعلينا قولي..
عايشة ـ مدري بس يمكن تسوي نفسها قدام ابوي طيبة وتحبنا..خوب تعرفينهم مثل المسلسلات؟
نسايم من وراهم ـ لاتطمنوا ماهي جاية اصلا!!!
لفوا لها ثنتينهم وقالوا بنفس الوقت ـ ليه؟
نسايم جلست على حافة السرير وقالت ـ بقولكم ليه بس اذا بالاول عرفت منهي اللي راحت قالت سرنا لاابوها؟
عايشة ـ مو انا...انا كبيرة واذا احد قال لي سر احفظه؟
شيخة ـ ولاانا بعد...انا اتوقع فطوم تعرفينها ماينقال لها شي...
نسايم ـ انا بعد شاكة فيها الزفتة بس وين بتروح مني بعلمها تفتن عدل ها المرة؟
دق قلب شيخة وظلت ساكتة...
عايشة ـ أي ماقلتي لنا ليه مارا ح تجي بكرة...
نسايم ـ ياحظي بيسافر معها ابوكم...بيوديها شهر عسل بنت العراقية....
عايشة بقهر ـ بس هو ماسلم علينا ولاقال لنا بيسافر؟
نسايم ـ خلاص وش يبي فيكم...اخذته وتمركزت بقلبه انتوا عليكم سلام الله؟
شيخة ـ اوووف.....على الاقل نام الليلة هني؟
نسايم وهي واقفة ـ علشان اذا قالت لكم عمتكم نسايم تدرون انها ماتكذب عليكم وتقول لكم الصدق؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
اخذت لها حمام على اقل من مهلها وكانها متقصدة تخلي اللي برى يغلي بناره بهدوء وتبين له ثقلها...
طلعت بعد مانشفت شعرها و لبست لها بيجاما ستان فوشية برمودا وبلوزة بخيوط ضعيفة ..
جلست على الكرسي اللي قبال الطاولة وهو وراها مباشرة جالس على السرير...
بخت لها رشتين عطر ورى اذنها ورجعت العطر بمكانه بشنطتها...وظلت تحوس بشعرها وكل شوي ترجعه لورى ولاتجيبه قدام,,,,
رجعت فتحت الشنطة وشالت العطر وبخت لها من فوق لتحت وهو يضحك عليها....
قال بصوت عالي ـ بس تضيع وقت علشان تقول انها صاحبة بال طويل,,,,
مالفت له وهي حاسة انها تماطل بالوقت على الفاضي وهو معها مو راضي يتعب ولايمل ولاينام!!!
حط رجل على الثانية وقال بتنهيدة ـ اخ بس اخ..وش ها الريحة الحلوة...دوختني والله....
يوم مالقت لها شي تسوي قامت تلعب بااصابعها...
قام من مكانه وصار وراها علطول وباعد شعرها عن ظهرها وحط يده على ظهرها العاري وارتعشت من لمسته....
قال وهو ينزل لمستواها ويهمس ـ والله سكرت من ريحة عطرك ياقلبي..وحاس اني مو قادر اتحمل اكثر...
قالت بدلع ـ روح نام؟
مطلق ـ تحلمين...
دارين ـ يالله روح ولاتوجع لي راسي....ابي اظل بروحي....
مطلق بهمس ـ عيديها ثاني....
دارين بنفس الدلع ـ روح نام!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
كانت تنتظر ابوها يجي وهي عارفة انه بينام هنا الليلة ماينام هناك....
ابو احمد من شافها واقفة بالصالة قال باهتمام ـ هالة ورى مانمتي للحين؟
هالة ـ لنفس السبب اللي ماخلاك تنام اكيد؟
ابو احمد ـ انا افكر بااختك....عسى الله يوفقها معه...والله مطلق مامنه اثنين...
هالة بثقة ـ اختي بعد مامنها ثنتنين؟؟
تنهد وجلس وقال ـ تعالي قولي اللي عندك....
هالة ـ لك خلق تسمعني!!
ابو احمد ـ انتي كنتي تنتظريني وماابيك تنتظرين اكثر قولي اللي عندك؟
هالة ـ يبى....احمد كلمني....
ابو احمد ـ أي....وش قلتي له...انا يوم سئلته قال هي بتكلمك ماعطتني اجابة بعينها...
هالة بثقة ـ طبعا مو موافقة يبى...
ابو احمد ـ بس انا موافق...
هالة ـ اعتقد موافقتي الاهم,,,
ابو احمد بشدة ـ احنا نشتري الرجال ياهالة لبناتنا مانخيرهم ونشاورهم||
هالة ـ يبى انت عارف اني مستحيل ارتبط مرة ثانية؟
ابو احمد ـ مافي شي يمنعك؟
هالة بحدة ـ يبى انا مااجيب عيال شلون تبيني ارتبط؟
ابو احمد ـ اذا انحرمتي من العيال ياهالة فلا تحرمين نفسك من الزوج اللي بيبقى لك بها الدنيا بعد مايتركك الكل؟
جراح شاريك ويبيك...
هالة بانفعال ـ يبى جراح مايفكر بنفسه...مو معقول يرضى يتزوج وحدة ماتجيب عيال؟
ابو احمد ـ جراح ماهو صغير..وعقله براسه وعارف وش يعني انه يتزوج وحدة ماتجيب عيال؟؟؟
هالة ـ يمكن غايب ها الشي عن باله انت ذكره ونبهه يبى...
وقف وقال ـ انا ابي الزين والستر لبنتي.....وهو جا بنفسه ومحد جبره...وعارفك زين وعارف الوضع كله....
وانا ماراح اتطمن عليك الا معه.....حطي في بالك ياهالة انه على الاسبوع الجاي احتمال تكون الملكة والعرس...
يبى.....قالتها برجاء بس هو راح بدون مايسمعها......
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
جراح ـ انا جراح يابشاير...
بشاير بصوت باكي ـ ادخل....
جراح دخل ولقاها على نفس مكانها بالفراش ماقامت منه ولادموعها وقفوا...
جراح بحنان ـ اكلتي شي...
بشاير بتنهيدة ـ مالي نفس....
جراح ـ ليه مقفلة جوالك؟
بشاير ـ ماابي اكلم احد...
تنهد وسكتت هي.....
جراح ـ بشاير ابوي فاهم ا ن مو انتي الغلطانة؟
بشاير بدموع ـ ومع ذلك ماهو راضي يكلمني....
جراح ـ كان متضايق بس تراه بعد ماقعد مع الرجاجيل الليلة نسى كل شي ورجعت له ابتساماته..
بشاير ـ مو صحيح يوم يجي رحت اسلم عليه وابارك له ماوقف يسمعني!!!حسسني اني مذنبة وانا مالي شغل....
جراح ـ انا ادري انك مو غلطانة وهو بعد يدري وكلنا ندري ياعمري فلا تشيلين هم...
بشاير ـ ووليد ياجراح؟
جراح ـ ذاك الكلب انا اللي باْدبه والله لااعلمه وشلون.اني انسيه حتى اسمه؟؟؟..
تنهدت وكملت بكيها....
جراح ـ الليلة في ناس سئلتني عنك يابشاير بالعزيمة حق الرجاجيل؟
وقف قلبها ورفعت راسها تناظره باستفسار..
قال بثقة ـ وانا قلت له عن الظرف اللي انتي تمرين فيه....وتراه بكرة يجي يخطبك؟
بانت الصدمة بعيونها وماقدرت تقول ولاكلمة,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ.
كان قاعد بالشاليه بروحه وماهو عارف شيسوي ولا وين يروح؟
ظل مقفل جواله لااحد يتصل فيه ويعرف مكانه؟؟
الخوف من ابوه لو عرف شبيسوي له؟اكيد فوق انه بيطرده من البيت بيتبرى منه نهائيا؟؟؟
وش اللي حطني بها الموقف مع خالي بس!!!
لكن مني انا غبي يعني لو شلت منها جوالها ماكان احد اعترض طريقنا؟؟
اخ بس خوفي من جراح الكلب لو عرف شبيسوي فيني؟؟؟
انا لازم اروح دبي لين تطخ السالفة...اقعد شهرين ثلاثة وبعدها ارجع....
أي بس الرصيد مصفر ابوي من فترة وهو حارمني من المصروف وماينزل بحسابي أي شي؟؟؟
مالي الا ام وليد...
شال جواله بسرعة وفتحه ودق عليها.....
ردت بعد الرنة الخامسة بصوت نايم وقلقان ـ وليد شفيك يمه؟
وليد بعجلة ـ يمه ابي فلوس؟
ام وليد بنرفزة ـ انت مو صاحي؟شايف كم الساعة اللحين؟
وليد ـ يمه السالفة ماتتاْجل..طايح لك على مشروع قوي بيدخلونه الشرقية ويبون هنا لهم وكيل فاانا قلت مالازم اضيع ها الفرصة بعطيهم اسم شركة ابوي وبوقع العقد انا وبثبت لاابوي اني رجال واحسن من عيال العراقية,,,,
سكتت وقال هو بتذمر ـ يمه وينك؟
ام وليد ـ اسمعك...
وليد ـ كم عندك؟
ام وليد ـ وكم يحتاج المشروع...
وليد ـ يمه انتي قولي كم عندك واللي ينقصني بدبره من الربع؟
ام وليد ـ لاوالله....انت عارف من امك ومن ابوك اللي تقولي بروح ادبره من الربع؟تبي الناس يحكون علينا؟
وليد ـ خل يحكون الناس بس مااضيع من يدي ها الفرصة اللي مابتجيني مرة ثانية...
ام وليد ـ طيب اطلب من..
قاطعها بسرعة ـ لاتقولين اطلب من ابوك واللي يعافيك ماابي منه شي..ابيه بس يعرف لمى اخلص كل شي...
ام وليد ـ طيب اطلب من احمد مابيردك انا اعرفه..
وليد ـ أي علشان يتفلسف لي ومش عارف شنو..ومنو صاحب المشروع وهل درسته بكفاية...ماتعرفينه انتي اذا سوى روحه هو بس الفاهم؟
ام وليد ـ خلاص بكلم اخوي..
وليد بصرخة ـ خالي لا.....
ام وليد ـ بسم الله...شفيك انت..
وليد ـ يمه ماابي احد يعرف عن ها المشروع أي شي ياغناتي لين تنتهي اموري....يالله جهزي البطاقة انا جاي اخذها؟
ام وليد بذهول ـ اللحين؟؟انت عارف كم الساعة؟
وليد بشماتة ـ يمه الطير طار بارزاقه وانتي تقولين بكرة وشايف كم الساعة؟
ــــــــــــــــــــــــــــــــــــــــــــــــــ ــــــــــــــــــــــ
دارين
مريم ـ غريبة مانمتي للحين؟
اروى ـ كنت افكر بدارين؟
مريم ـ شفيها بعد؟
اروى ـ الليلة عرسها وماكاْنه عرسها.....
مريم بشماتة ـ الناس مقامات حبيبتي...ولاماسمعتيها هاذي بحياتك؟
اروى ـ كنت معها الليلة قبل لاتروح مع مطلق وسئلتها ليه ماانتظرت شوي وخلت الظروف تتحسن وبعدها سوت لها عرس....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك