رواية من أعماق أحضان مجنونة -64
البارت الرابع والثمانين,,,,
بعد ماتركته هالة دخل البيت بسرعة وراح لاابوه اللي كان يسولف مع امه عن مشاري....
وقف قبالهم وقالت ام مطلق... ـ جراح... شفيك يمه واقف تعال اقعد سولف معنا...
جراح بتردد ـ انا فعلا ابي اسولف معكم,,,,
ابو مطلق ـ قول بس اذا بتقول لي انك موافق على مشاري لاتتعب نفسك....
جراح ـ يبى فيك تاْجل سالفة بشاير ومشاري شوي لين يرد مطلق....خل نشوف رايه بالموضوع..
ابو مطلق ـ توني اقول لاامك عن ها الشي.....
ام مطلق ـ لازم بعد ناخذ رايه مو اخوها الكبير,,,,,
جراح قعد وقال بشوية ارتباك ـ انا مسافر بكرة....
ساد الصمت شوي وقالت ام مطلق بارتياح ـ من زمان عن السفر ياجراح حتى لاطلعنا ماتجي معنا الا بالعافية ومو دايم؟
ابو مطلق ـ وش الطاري؟
جراح ـ جاي على بالي ارو ح ا بها...
سكتوا وماعلقوا بشي وبعد سكوت طويل قال جراح ـ انا بتزوج....
ام مطلق ـ هاذي الساعة المباركة يايمه وي مابغيت تقول ها الكلمة وتفرحني.....
جراح بتنهيدة ـ يعني انتي بتكونين سعيدة لي!!!
سكتت ام مطلق وقال بثقة ـ لمى اختار انا حياتي اكيد مابتعارضين يمه...
ابو مطلق بسرعة ـ طبعا مابتعترض اصلا هي من متى وهي تبيك ترتبط وكاهو ها اليوم اللي تبيه وصل وش بتقول بس ياجراح...
جراح ـ على العموم انا خطبت يمه...
ام مطلق بصدمة ـ شنو؟
ابو مطلق ـ كيف تخطب بس ياجراح وماتعلمنا!!!وش بيقولون العرب اللي انت رايح تناسبهم ماعندك اهل يحضرون معك...
جراح ـ انا مااحب ها الرسميات يبى..
ابو مطلق ـ لاياجراح انا مو معك ...انت تنظر الامور بالطريقة ذي بس هم شلون ينظرونها؟
جراح ـ ابو احمد منا وفينا ومابينظر الامور بها الطريقة يبى...هذا زوج عمتي اولا واخيرا...
ام مطلق ـ انت منو خطبت ياجراح؟
جراح بثقة ـ هالة....خطبت الدكتورة هالة,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
بشاير بروحها كانت قاعدة بعالم ثاني,,,,
عالم اسود..مافيه غير دموعها وهمومها واحزانها وااوجاعها يشاركونها مصيبتها,,,,,
حست ان الدنيا وقفت وماهي راضية تتحرك.....
حست ان الهم خلاص بيصير صاحب وصديق لها...
حب مشاري من بدايته وهو مليان وجع؟
ليه بس ياربي خليتني احبه وماقويتني انساه يوم افترقنا ليه؟؟؟
صارت ذكرياتها مع مشاري تمر عليها مثل الفلم السينمائي...
كل كلمة حكوها...وكل ضحكة,,,وكل همسة.,وكل زعلة وكل رضوة,,,,,كل يوم يوصل فيه كلام العشق عندهم للقمة...وكل يوم يمر وهم يكابرون انهم مابيكلمون بعض ويرجعون بلهفة مايتصورها الواحد فيهم انها طالعة منه,,,,
كل ترنيمة عشق.....كل لحظة زعل.....كل يوم حلو وكل ساعة مرة.....
اه منك ياالحب....اه منك ياوجع القلب.....ليه...ليه حبيته!!!ليه ماقدرت انساه!!ليه تعلقت فيه!!!ليه مو قادر يكون نصيبي وارتاح ويرتاح معي ليه!!!
شسويت انا يادنيا شسويت...ليه تعاقبيني بها القساوة...
ليه تكون نهايتي معه فراق والم ووجع,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
كانت متوسدة حضنه وهم قبال التلفزيون....والانارة خافتة مرة وبالكاد تبين اشكالهم,,,,
مطلق بهمس ـ ماقلتيها تراني انتظرها..
دارين بنفس الهمس ـ مو تقول صبرك طويل.....
مطلق بتنهيدة ارتياح ـ الا على ها الكلمة...
ضحكت وقالت ـ اصبر...
مطلق ـ لمتى؟
دارين ـ امممممم مدري يمكن شهرين ويمكن سبعة؟
زاد بحضنه لها بقوة ألمتها صحيح وقال بشراسة مليانة رغبة ـ انتظر شهرين لو سبعة علشان تقولين لي احبك؟
دارين بدلع ـ مطلقوا ترى عورتني مرة فكني بسرعة لااموت؟
مطلق بارتياح ـ موتي.....انا ابيك تموتين بحضني....
قالها وزاد بحضنه لها اكثر,,,,,,
دارين ـ يمه يمه..عورتني....
مطلق ـ اموت في الدلع..
دارين ـ أي...
مطلق ـ يذبحني....
دارين وهي تجاريه ـ أي وبعدين....
مطلق تنهد بقوة......
دارين وهي تغير الموضوع ـ اقول مطلق...منهي اقرب وحدة من بناتك لك؟
مطلق ـ هذا وقته!!بناتي!!!
دارين ـ أي وش فيها عاد لاسولفنا عن بناتك...
مطلق بهمس ـ هذا الوقت لي ولك ومابينعاد لنا لمى نرجع ويجون البنات معنا فخلينا نستغله ومانضيعه منا.....
دارين بدلع ـ أي بس انا مصرة اني اعرف منهي اقرب وحدة لك من بناتك....
مطلق ـ لازم...
دارين ـ أي...
مطلق ـ طيب بقولك....بس لاتفتنين عليهم,,,,
دارين ـ لاتطمن......
مطلق وهو يهمس باذنها ـ دارين اقرب وحدة لي فيهم...
سبلت له بعينها وقالت باغراء ـ أي بس دارين ماهي بنتك؟
مطلق وهو يرفعها بحضنه ـ منو قال عاد منتي بنتي!!!انتي بنتي ونص؟؟تعالي بس اعلمك كيف اصير ابوك بس!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
زينة ـ ممكن اجلس معك اسولف؟
تنهد ومارفع راسه...
زينةـ مشاري وش اللي صار انت من رجعت من بيتها ماتكلمت كلمة وحدة؟
بانفعال قال ـ اتكلم وش اقول بس!!
جلست جنبه وقالت ـ مشاري...ابوك قايل لها شي......ولالك ولاشسالفة بس ياخوي؟
مشاري بالم ـ ابوها رافض الخطبة نهائيا!!!
زينة بتاْثر ـ ليه؟؟؟؟
تنهد وسكت......
زينة ـ عمي بو احمد شقال...
مشاري ـ ماقصر الرجال سوى اللي عليه...شتبينه يسوي بعد يغصب الرجال يعطيني بنته!!!
ز ينة ـ اه.....
مشاري ـ حسيت اني قاعد اتقطع وانا اسمع كلام ابوها...
زينة ـ وطلعتوا منها على الرفض.....
مشار ي ـ جراح قال بالنهاية اعطينا وقت نشاور البنت وبعدها نرد لك خبر وابوه ظل ساكت,,,,
زينةـ طيب تفائل يمكن يكون لجراح كلمة ويحاول يقنع ابوه...
مشاري ـ ماشفتيه شلون يتكلم يازينة.....رافض الفكرة من اساسها.....
زينةـ لاتلومه يامشاري ترى صعبة ماهي سهلة انت كنت بتاخذ بنت اخته وانفصلتوا وجاي تاخذ بنته اللحين,,,,
مشاري بتعب ـ انتي فاهمة شنو يعني يبي يزوجها وليد؟؟؟؟متصورة ها الشي؟؟؟انا من قال لي جراح ها السالفة مو عارف وش اسوي...حتى مو قادر افكر بشي......
سكتت ووصل لها مسج بها اللحظات من زياد (نايمة ولاسهرانة,,,,,حاس اني ابي اسولف معك ..يصير ولامايصير)
قفلت جوالها ورمته بعصبية جنبها وهي متنرفزة من تدخله بحياتها وفرضه نفسه عليها كذا,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
ام وليد بانفعال ـ صدق الحكي اللي سمعته ياخوي؟
سكت ابو مطلق وقال جراح بشماتة ـ أي حكي فيهم....
سكتت ام وليد من جت عيونها بعيون جراح,,,
ابو مطلق بهدوء ـ قعدي يااختي خل نتفاهم,,,ترى انا مالي شغل ولاادري عن شي....توه جراح قايل لي....
ام وليد بانفجار ـ توه قايل لك؟ياسلاااااام!!!انت ماتقول لي وش شايف جراح بها المطلقة علشان يخطبها...؟
ام مطلق ـ مانبيها...من قال لك ان احنا موافقين بس؟
ام وليد ـ خطبها وانتهت السالفة وانتي تقولين مانبيها؟يالله بس خل نروح اللحين ونقول لها ها الحكي؟
جراح بصوت عالي ـ أي حكي بس ياعمتي.....
ام وليد ـ انك ماتبي هالة
جراح بثقة ـ أي بس انا ابي هالة...
ام وليد بصراخ ـ مجنون؟منت صاحي؟فيك شي؟شنو يعني تبي هالة؟
جراح ـ والله بكيفي انا اختار البنت اللي تناسبني؟
ام وليد ـ وذيك اللي تحبك شقولها اللحين؟ذيك اللي انت موصي اختك تبلغها حبك واعجابك وانك تبي ترتبط فيها شلون بتتقبل الخبر بس!!
جراح ـ انا ماوصيت احد يتكلم بلساني وبنتك اسمحيلي رامية نفسها علي وانا فعلا اتعزز اخذ وحدة مثلها تكذب الكذبة وتصدقها؟
انا لاقلت ابيها ولاقلت ابيها.....انا ماباخذ الا هالة...
ابو مطلق ـ جراح اسكت...
جراح ـ لامو ساكت...
ام وليد ـ شفت ياخوي ولدك؟شفت شلون يبي يفرقنا؟
ابو مطلق ـ الله يهداك يااختي احنا مابنفترق لان جراح مابياخذها وحتى لو صار محنا مفترقين,,,,
ام وليد بحدة ـ لاماياخذها.....جراح اللي شزينه ياخذ وحدة اكبر منه ومطلقة وماتجيب عيال....
جراح ـ ترى الدنيا دوارة فلا تتكلمين بالناس لانك مو ضامنة وش يجي عيالك؟
ابو مطلق بحدة ـ جراح...اطلع واتركني مع عمتك...
وقف جراح وناظرته ام وليد بانتصار...لانها بتقدر تقنع اخوها بدون وجوده بس تلاشت ضحكتها بعد ماقال بثقة ـ قول لها يبى بعد ان مشاري خطب بشاير مو الدنيا قايمة قايمة عند عمتي خل تدري بكل شي...واختمها لها بعد باانك زعلان منها لانها ماربت ولدها عدل وقول وش سوى في بشاير وشنو كان بيسوي واسئلها وين انحاش ؟؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
ريم بتعب ـ يعني ضروري تروح....
احمد وهو يشيل بكم ورقة ـ حبيبي توقيع بس وبرد لك..
ريم ـ وبظل بروحي...
احمد ـ لاطبعا ـ بوديك عند الاهل ابوي وهالة بالبيت وانتي بتكونين جنبهم,,,,
ريم ـ طيب ليه مااروح عند اهلي؟
احمد ـ حبيبي اذا تعبتي وانتي عند اهلك من بيقوم فيك بس!!
هنا بكون متطمن بغض النظر عن كل شي هم ماراح يتركونك ابدا,,,,,
ريم ـ لاتتاخر....
احمد ـ طيب
ريم ـ احمد ترى انا دخلت شهري....
ابتسم وقال ـ لازم تربكيني يعني وتوترين اعصابي....
ريم ـ لا بس حبيت ا ذكرك.....
احمد ـ عمري,,,
ريم بتعب ـ انت وعدتني تكون جنبي وقت اللي بولد ومابتتركني بحالي,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
هالة بغرفتها كانت,,,,
وكل الافكار ماخذتها لبعيد,,,وش بيصير اللحين ؟؟؟
ام وليد وش بتسوي؟
هل بيقتنع جراح بكلام اهله وبيغير رايه؟
انا شسويت ليش رحت له اصلا,,,هو فهم علي اليوم بس سوى روحه يجاريني!!
لا مو انتي اللي كذا ياهالة مو انتي لازم تكونين اقوى من جراح ومن كل شي.....
رفعت جوالها ودقت على الجوهرة,,,
الجوهرة ـ سبقتيني توي بدق لك اشوف وش صار؟
هالة ـ للحين مابين شي....
الجوهرة ـ لاتوترين نفسك...
هالة ـ اذا انسحب جراح.......
الجوهرة ـ انتي تبينه ينسحب فمابتزعلين اكيد؟
هالة ـ لاماابيه ينسحب...
الجوهرة ـ غيرتي تفكيرك بسرعة؟
هالة بتنهيدة ـ السالفة صارت اكبر وانسحابه بيحطمني بجد.....ماودي ينسحب يوم اني رفضت ومحد سمع لي كلمة خلاص لازم تتم السالفة كلها يالجوهرة,,,,,,
الجوهرة ـ ليش؟مو علشان تقهرين ام وليد طبعا..
هالة ـ مدري...
الجوهرة ـ لايكون حبيتي جراح بس ياهالة؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
اوقف ابي اتكلم معك؟
لف جراح لاامه ولقاها تبكي....تقرب منها وضمها لصدره وابتعدت عنه...
جراح بتاْثر ـ يمه...ليه تسوين في عمرك كذا بس يالغالية,,,
ام مطلق ـ انت مو من صدقك....لاتقولي ها الحكي صدق ياجراح,,,
تنهد جراح وسكت.... ـ يمه ليه تقولين ها الحكي؟
ام مطلق ـ هالة ياجراح هالة؟وش فيها عن باقي البنات؟انت ماخذها عناد لعمتك؟
جراح ـ لاطبعا يمه....
ام مطلق بانفعالـ ـ وش فيها هالة من زود عن باقي البنات ماتقولي؟
جراح بتعب ـ فيها اني احبها...من زمان احبها يمه..من واحنا صغار كانت عيوني تشوفها غير عن الكل....
كبرت وماقدرت عيوني تشوف وحدة من البنات غيرها...كل ماالف وادور الاقيها ساكنة عيوني....يمه انتي عارفة وش صار فيني يوم تزوجت!!!
متخيلة باي وضع كنت عايش وتفكيري ان رجال غيري ماخذها؟
ماصدقت تتطلق....حسيت ان الدنيا ضحكت لي واخيرا...
بحقق حلم كنت عايشه سنين طويلة,,,,
يمه لاتوقفين بوجه سعادتي تكفين....انا اشوف بهالة اشياء انتي ماتشوفينها....
هالة عايشة بها القلب يمه...
ام مطلق ـ مو كفاية اخوك اخذ اختها وانا مو موافقة ها الساع انت تاخذها؟لاومطلقة وماتجيب عيال...
جراح بتعب والم ـ يمه خلاص خلاص...تكفون سكروا ها السيرة؟...واذا تطلقت البنت وش يصير يعني؟لو هي بنتك بتتمنين حياتها توقف لمجرد انها تطلقت!!لو هي بنتك علشانها ماتجيب عيال ماتبينها تتزوج مرة ثانية؟؟؟
يمه بنت مثل باقي البنات لازم تعيش حياتها...انتوا مدري كيف تفكرون......
احبها يمه ومو متخلي عنها لو يكلفني الثمن حياتي,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ابو احمد ـ وليد وينه؟
ماجاوبته وظلت تناظر فيه بحقد....
ابو احمد ـ سئلتك ولدك التعبان وينه؟
ام وليد ـ ماقلت لي ان هالة انخطبت؟
يوم قالت كذا عرف انها عرفت قال بسرعة ـ البنات كل يوم ينخطبون وين المشكلة؟وبعدين انتي ماتحبين بنتي ليش اجيب لك سيرتها وتتضايقين؟
ام وليد ـ انت ماكنت تبي تقولي ياابو احمد......ماكنت تبيني اعرف ان خير جراح كله بيروح لبنت العراقية المطلقة؟
ابو احمد بحدة ـ انتي اللي هامك ولد اخوك ولاحلال وخير ولد اخوك؟
ام وليد ـ ولاقلت لي بعد ان مشاري خطب بشاير؟
ابو احمد ـ ............
ام وليد ـ صاير تخبي سوالف كثيرة وماتقولها يابو احمد ؟
ابو احمد ـ الولد بحسبة ولدي ويوم طلبني ماقدرت ارده هذا ولد الغالي الله يرحمه؟
ام وليد ـ وتروح تخطب له وهو اللي تارك بنتك؟
ابو احمد ـ دنيته ماهي متوقفة عند بنتي وكل شي قسمة ونصيب...
ام وليد ـ زين يابو احمد زين.....سعادة الغير صارت اهم من سعادة عيالي,,,,
ابو احمد ـ سئلتك ولدك الفالح وينه؟
ام وليد ـ ماهو هنا.....ولدي اللي انت مستهين فيه بتشوف وش يصير بكرة؟
ابو احمد ـ اتركيه عندي واتركيني اربيه واعلمه وتاْكدي انه بيصير مثل اخوانه شي يعتمد عليه والكل ياِشر له بالبنان بس اذا تركيته تحت جناحك ابشري بنهايته على يدك وهذا انا اقولها لك أي غلطة بيغلطها انا متبري منه ومو مساعده بشي,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
كلام امه خلاه يتنرفز,,,,
ليش يعيدون بنفس الاسباب اللي مخليتهم يرفضون هالة؟
ليه يبون يبينون له انها فاشلة وماهي مناسبة؟
ها العيوب هو يشوفها ميزات ومحاسن مايشوفها عيوب,,,
هالة حلم وكاهو بيتحقق اللحين,,,,,
اه....ليش يبون يقولون ان العيلة بتتفرق اذا انا اخذت هالة؟
مطلق اخذ دارين وماتفرقت العيلة؟؟
وليد وسواد وجهه مع بشاير وماتفرقت العيلة؟
بتجي علي انا اذا اخذت هالة بتتفرق؟؟؟
صدق يغارون منك ياشيخة البنات وحلاهم,,,,
بس وين ياهالة صبري علي شوي شوي وبطفي غرورك وبقلبه نيران ثايرة تنتظرني بكل لهفة...
وبيان الخير صار امس بجيتك لي......والباقي جاي بعد.....
انتي بس اعطيني فرصة واعطي نفسك نفس الفرصة,,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
بااخر الليل,,,,,
ابو احمد ـ نمتي؟
لفت له هالة اللي كانت قاعدة تناظر بريم اللي مبين ان التعب هالكها وقالت بتمتمة ـ انت وش تشوف يبى؟
ابو احمد ـ جهزي اغراضك...
هالة بهدوء ـ ليه...
ابو احمد ـ جراح يبي الملكة بكرة الصباح وبتسافرون ابها.....
سكتت وماعلقت.....
لفوا لريم اثنينهم يوم توجعت...
هالة قامت من مكانها وراحت جنبها وقالت بخوف ـ ريم شفيك؟
ريم نزلوا دموعها وماقالوا شي وقامت تمسحهم,,,,
ابو احمد وقف قبالها وقال بخوف ـ وش فيك يابنيتي....
ريم انفجرت تبكي....
حضنتها هالة...
ريم بتقطع ـ هالة انا تعبانة....مو قادرة,,
ابو احمد بارتباك ـ تعبانة؟شنو يعني؟شفيك يابنيتي؟
هالة بارتباك ـ ريم...بتولدين يعني؟
ريم وهي تبكي من الالم ـ ماادري.....ابي احمد دقي عليه خل يرجع؟
ابو احمد ـ تولد؟انتي متاكدة ياهالة انها بتولد؟
هالة بنفس التردد ـ انا اقول يبى يمكن...انتي مو دخلتي شهرك؟
ريم ـ أي....
ابو احمد بخوف ـ صبري يايبنيتي صبري...هالة قومي بسرعة جيبي عبايتها نوديها المستشفى...
ريم باعتراض ـ لا..ابي احمد ماابي اروح المستشفى بدونه...
ابو احمد ـ ماعليه يابنيتي بدق له يجينا هناك....انتي بس شدي نفسك لين نوصل وندق عليه,,,,,الله يستر...ياربي يسهل يارب,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
صباح اليوم الثاني....
بغرفة بشاير.....
جراح ـ فيني اسولف معك....
حتى مارفعت عيونها اللي مذبلها السهر والزعل والبكي علشان تسمعه...
جراح ـ بشورة....انا بملك اللحين,,,,,,وبسافر ابها....
بشاير بهدوء ميت ـ مبروك.....نلت ماتمنيت واخيرا....
جراح وهو يرفع خصلها ـ مانسيتك صدقيني انا اجلت الموضوع لين ارجع...
بشاير بنفس اللهجة الميتة ـ وليش معلقين الرجال بعد....خلوه يتسهل مدامكم مو موافقين؟
جراح ـ هاذي معناته انك مو واثقة يابشاير فيني؟
قامت تبكي بصوت يقطع القلب وهي ضامة ركبتينها وراسها فوقهم,,,
تقرب منها وحضنها وقام يمسح دموعها وقال بتاْثر ـ هي انت..يابنت....وش فيك....ليه البكي هذا كله عاد!!
بشاير بتقطع ـ احبه ياجراح احبه...مو متخيلة اكون لوليد مو لمشاري؟
جراح ـ يخسي يلمس منك شعرة الواطي ذا....قلت لك بتكونين لمشاري وانا عند كلمتي......انتي بس هدي نفسك وخففي ها الدموع شوي ...يابنت ارحمي حالك.....
بشاير بعدت عنه ومسحت دموعها وقال بحنان ـ ابيك تديرين بالك على نفسك وعلى البنات تراهم برقبتك يالغالية,,,وها الله ها الله بفطوم...مااوصيك عليها ترى مو قادر اروح اشوفها وانا بسافر بعد شوي......احس اني مو قادر افارقها...
ابتسمت له بمرارة وقالت ـ أي بس انت رايح للي قلبك يبيها من زمان...
ابتسم بارتياح وقال ـ ماتتصورين أي حالة انشغال قاعد يعيشها قلب اخوك بها اللحظات يابشاير...حاس اني بطير فوق ...مو مصدق انها بعد كم ساعة بتكون لي,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
دارين ـ هلا هالة حبيبتي.....
شخبارك...ا بوي.شخباره,,,غريبة داقة لي بالعادة انا اللي دوم مشتاقة لكم؟
هالة ـ دارين...انتي مبسوطة,,,
دارين بارتياح ـ حيل مو متصورة كيف اني عايشة اميرة ومطلق جالس بس يدللني...
هالة ـ دوم ان شاءالله مو يوم....
دارين ـ قولي شتبين تقولين حاسة وراك شي..
سكتت هالة وبعد شوي قالت,,,ــ دارين انا بتزوج بعد شوي؟
دارين بصدمة ـ نعم!!وش تقولين انتي!!!
هالة ـ اللي سمعتيه يادارين؟
دارين ـ منو؟وليه بها السرعة؟
هالة بشماتة ـ ولي امر...ولا محرم علشان اقدر ارو ح أبها..
دارين ـ مو من صدقك؟
ضحكت هالة وقالت دارين ـ شالسالفة؟
هالة ـ ماكو ش السالفة صارت سريعة خطبني وابوي وافق....
دارين ـ انتي مو موافقة ياهالة...
هالة ـ تعرفن رايي بها الموضوع مسبقا...
دارين ـ منو؟
هالة بتنهيدة ـ جراج اخو مطلق,,,,,.....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ام وليد ــ انت وينك ابي افهم وش تسوي انت؟
وليد بنعس ـ انتي ماتدقين الا وانا نايم يمه؟
ام وليد بزلزال ـ الدنيا قايمة وانت رايح حضرتك مدري شتسوي هناك؟
وليد ـ اوه يمه وش تبين؟
ام وليد ـ انت وش سويت بالموضوع..
وليد ـ أي أي بخلصه قريب.....
ام وليد ـ شنو.....
وليد ـ وبعدين يمه...
ام وليد ـ تدري ان جراح خطب واليوم عرسه؟
وليد ـ لا...مبروك...ماعزمني الله ياخذه....منو تزوج؟
ام وليد ـ تزوج المطلقة؟اللي ماتجيب عيال؟تزوج هالة؟
وليد ـ افا؟هذا ذوقك ياجويريح!!لابس توقعتها من سالفة عليوي توقعتها ماكان دفاعه مني لله وراهم شي هو وهي خابينها من زمان!!!
ام وليد ـ والمصيبة الثانية مشاري اللي خطب بشاير؟
سكت وليد وقالت امه بعصبية ـ قول شي ياحظي ولا لانك عارف أي سواد وجه سويته لااخوي وبنته ماتبي تتكلم؟؟؟
شوف اذا انت كاذب علي وماخذ الفلوس علشان تنحاش من خالك وماوراك مشروع ولاهم يحزنون لاتلوم الا نفسك اذا مااشوفك الليلة بالبيت انت والفلوس كلها؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
قبل لايجي الشيخ يملكهم كان جالس بالخيمة,,,,
اليوم غريب سوى اللي براسه وماانتظر موافقة احد؟؟
اصلا هو مرتبها على السريع بيملكون وعلى المطار طوالي علشان يروحون ابها....
بعدين بيرجع يراضي كل طرف زعلان منه على حدة,,,,,
امه وابوه.....
تنهد ولقاها واقفة قباله...
جراح ـ ماوصل الشيخ لسه؟
هالة باحتقار ـ انت لايكون على بالك اني بموت علشان تاخذني؟؟؟
جراح بنفس الاحتقار ـ مدري بس صوتك فيه لهفة كبيرة,,,,,
هالة ـ لعلمك انت اللي ...ولا بلاش نكمل...لساني ماابيه يجي لسانك.....
مشت عنه وقال بصوت عالي,,,ـ
بيجيني يوم وبكسر ها الغرور يابنت العراقية وبنشوف؟؟؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
فتحت عيونها ولقته يقراْعليها قران,,,,
ماحبت تناديه بصوت عالي لايقطع قراْته ومادرت انه بس فتحت عيونها,كان وقف وسكر المصحف ولف لها,,,
احمد بحنان ـ شلونك اللحين يابعدهم,,
ريم بتعب ـ ماتغير التعب....
احمد ـ كذا تخوفيني والله ماعرفت شسوي طول الطريق من قالوا انك تعبانة,,,
ريم ـ ماابي اولد وانت مو جنبي...اذا بموت ابي عيني تشوفك انت اخر شي ياحبي...
احمد بعتب ـ وش الحكي ذا بعد!!!ريم....تبين تزعليني منك....
ريم ـ حاسة اني مو قادرة يااحمد....
احمد ـ كل الحريم يمرون بها الوضع ياقلبي,,,,لاتحاتين,,,,,
ريم ـ اوعدني ماتتركني لين اولد يااحمد,,,
احمد ـ حبيبي معك لين تولدين وتقومين بالسلامة ونربي حبيبنا مع بعض...
ريم بتعب ـ مابنربيه يااحمد مع بعض....انا ماراح اعيش انا بموت يااحمد بموت,,,
احمد بلوم ـ استغفر الله ريم لاتقولين كذا...كل الامهات اللي بالعالم انحطوا بموقفك اليوم,,,اصبري بس اصبري ياعمري ساعات وبينتهي كل شي وبتصير مجرد لحظات منسية ...
غمضت عيونها علشان تباعد تعبها عن عيونه اللي مبين انها موترته من كثر ماهي تعبانة,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
زينة بعتب ـ وبعدين يامشاري بتقعد كذا حاط يدك على خدك؟
مشاري بتنهيدة ـ جراح راح ابها يازينة...الشي اللي كان مطمني ابتعد..
زينةـ أي بس هو وعدك خير وقال لك الموضوع تاْجل لين يجي هو واخوه,,,
مشاري ـ وش الفايدة بس يازينة وابوها مو راضي...
زينة ـ ماعرفتك كذا يامشاري....السالفة مو سهلة صحيح بس مو معناته انك تستلم للال..
قال وهو يداري دموعه ـ ابي اكلمها يازينة,,,
زينة ـ مشاري موقفها اكيد مو احسن من وضعك ومكالمتك لها بتتعبها اكثر...
غمض عيونه وقال بانكسار تعبان ـ ابي اودعها يازينة ابي اودعها ,,,الفراق بيني وبينها باين ومكتوب,,,,ماراح نكون لبعض؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك