رواية من أعماق أحضان مجنونة -69
رجعها للواقع صوت تنهيدته...قالت وهي تحوس بالاغراض قدامها ـ وش بتسوي؟
جراح بهمس ـ أي شي....المهم ابقى قريب منك.....
فتحت عيونها على وسعها من جرئته وقالت بهمس ـ اعقل!!!
يوم تقربت الممرضة سوت روحها تلبس القفازات وقالت للممرضة ـ تنظيف......
كانت الممرضة تجهز لها الاغراض اللي بيستخدمونها وهي مو عارفة وين تروح من نظرات جراح اللي تاكلها....
مسكت كل شي من الممرضة وقالت تبي تصرفها ـ داني شوفي لي كم مريض باقي لاني يمكن استئذن وامشي....
طلعت الممرضة واول ماسكرت الباب شالت قفازها بعصبية وقالت ـ قوم...
جراح ـ وين اروح؟
هالة ـ خلصنا..
جراح بارتياح ـ بس احنا لسه مابدينا؟
هالة ـ جراح؟
جراح برقة وهمس ـ يالبيه...
هالة ـ قوم...
جراح ـ قلتي بتسوين لي تنظيف....
هالة ـ ماتحتاج.....
جراح بعيارة ـ شلون مااحتاج؟بلى احتاج...مااحس ان اسناني بالمستوى المطلوب؟
هالة بنرفزة ـ وماحسيت الا اليوم؟
جراح بضحكة وهو مستلذ بارتباكهاـ وماحسيت الا اليوم؟
جراح ـ ها....اسناني وكيفي لك عندي شي!!بعدين المستشفى للحكومة؟
هالة وقفت تناظره بهدوء وقالت ـ انت ليه تسوي كذا!!!جراح هذا مكان عمل؟
جراح مسوي بري ـ وانا مريض وين المشكلة؟
بترجي قالت ـ قوم وبالبيت بنتفاهم...
جراح حط رجل على الثانية وقال ـ جاي اسوي تنظيف ماابي كل يوم اصف سرى انا؟ترى من سنتين وانا ماخذ الموعد؟أي وابي شي قبل لاتبدين..
تنهدت وقالت باستسلام وهي تلبس قفازاتها ـ خير..وش تبي بعد؟
جراح بحب ـ قبل لانبدي ابي بوسة؟
رمت قفازها وقالت بارتباك وعصبية ـ خلاص غيرت راي قوم اطلع!!
جراح وهو يضخك ـ لالالالا خلاص بعقل بعقل مو بقايل شي...بس امانة لاخلصتي عطيني حلاوة ولاتقولين ماعندي ترى بزعل اذا جيبك مافيه؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
قعدت من النوم وشافته قاعد لفت للساعة وناظرت فيها وقالت ـ مو رايح الدوام؟تاْخرت؟
مطلق بضيق ـ لامو رايح.....مالي نفس....
دارين ـ كلمت ابوك؟
مطلق ـ امم...وقال انه مو زعلان؟
دارين ـ طيب انت ليش مضايق نفسك؟
تنهد وقال ـ تحبيني!!
بزعل قالت ـ أي بس زعلانة منك.....
ابتسم لها وقال ـ صدق!!!
عطته ظهرها وهي نازلة من الجهة الثانية وماعلقت...
لف بسرعة ومسكها من يدها ولفها لجهته وقال ـ بتقومين لاقلتي صباح الخير ولا عطيتيني بوسة مثل كل يوم؟
تقربت منه وباسته ببرود شديد وقالت ـ صباح الخير....تبي شي بعد!!
مطلق ـ افا..وش ها النفسية من على الصبح؟ووش ها البوسة الباردة ذي؟
دارين ـ نفسية منو بالضبط خل نفهم؟
مطلق بمرارة ـ انتي مفكرة السالفة سهلة؟
دارين بتنهيدة ـ اللي انا اعرفه ان مطلق مايسوي الشي الا اذا قولبه براسه وفكر فيه زين....وياعمري ابوك معك بالخطوة اللي انت سويتها؟لاتفكر اني شمتتانة فيها ولااكرهها علشان كذا ابي اهديك؟لا يامطلق بس اكثر انسان المفروض يعترض لو ماعجبه هو ابوها ومدامه رضى ووصلها بنفسه معناته هو مرتاح ومتطمن...
مطلق ـ ماادري يادارين ماادري...
جت بتقوم وشد على مسكتها ..
قالت بدون ماتناظره ـ تبي شي....
مطلق ـ انتي ماسئلتيني عن نيران البارحة؟يمكن انها تجمعت وتبيك اللحين؟
دارين ـ اللي ماكان يبيني البارحة انا ماابيه اليوم مهما كانت اعذاره ولاعاد يحلم بقربي!!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
اشوفكم على خير يالغلا,,,,,
بصراحة شديدة انا جدا محرجة منكم على ها الكم يوم اللي مروا وماقدرت ادخل ولااعتذر بس اتمنى تسامحوني كان عندي ظرف قاسي شوي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
البارت الاخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مطلق.. ـ وش النغمة الجديدة ذي بعد؟
سكتت وظلت بمكانها وهي شبه بتقوم...
تقرب منها ولمس كتفها العاري وهمس ـ بابا لفي شوي هنا بشوفك؟
تقرب منها ولف وجهها بيده ناحيته لانها ظلت بمكانها,,,
مطلق بهمس ـ سمعيني ماسمعت..
دارين بشوية عناد ـ لابلى سمعت....
مطلق برواق ويده تلمس كتوفها ـ ماتبيني؟؟؟
دارين لفت له بزعل ـ انت ماتبيني!!وانا اللي مايبيني خلاص ماابيه؟
رفع وجهها له ويوم التقت عيونهم في بعض كسرت هي عيونها وصدت بعيد عنه وقال وهو مستمتع ـ على الاقل قوليها بشوية ثقة وعينك بعيني علشان اصدقها؟
تنهدت وسكتت..
مطلق باستمتاع ـ يالله حطي عينك بعيني اشوف...
دارين بتهرب ـ بقوم....
مطلق ـ وين بتروحين.....
دارين ـ بروح اشوف البنات اكيد صحوا من نومهم....
مطلق ـ وابو البنات اللي مابيروح المعارض اليوم علشانك وعلشان يكون قريب منك تتركينه...
رفعت عيونها شوي شوي ولقته يناظرها ببتسامة....وها الابتسامة تعرفها زين...
قالت وهي تبي تقوم ـ لاتقعد تلعب علي خلاص انت رفضتني مرة فلا...
مطلق ـ اششششش البارحة كان بالي مشغول بس هذا مايعني ابدا ان قدرك نقص ولا ان مشاعري ناحيتك تغيرت!!!ابدا والله....يشهد الله اني كل مااشوفك قبالي احس اني توي اشوفك اول مرة...تعالي عاد بلا دلع زايد علي....
دارين بدلع ـ وليه ماتبيني اتدلع بعد ان شاءالله؟
مطلق وهو يرميها بحضنه ـ علشان دلعك بيوم من الايام بيموتني اكيد....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
اروى ـ يمه انا ...حاسة بشي قاعد يصير؟
ام وليد بتوتر ـ لامافي شي...
اروى ـ يمه.....وش اللي صاير؟
ام وليد بحدة ـ اروى مالي خلق اسئلتك السخيفة اللحين وروحي دوري لك شي تسوينه ولافارقي عني؟
اروى ـ يمه انتي شايفة نفسك وشلون صايرة؟
من امس لليوم منتي على بعضك وكل ماسمعتي صوت ابوي زادت عندك الحالة؟وش اللي صاير يمه...
تنهدت ام وليد واحساس الندم قاعد يقطعها بس لو يرد وليد على اتصالاتها ولايدق عليها كان قالت له ارجع وجيب التوكيل بلا ها السالفة كلها بس وينه ها الوليد.....
اروى ـ يمه السالفة تخص وليد....
غمضت ام وليد عيونها من انطرى اسمه....
اروى ـ وش مسوي من مصيبة جديدة بعد!!!
ام وليد ـ اروى روحي غرفتك واتركيني.....
اروىـ ...................
ام وليد ـ ....................
اروى ـ يمه....كلمي احمد......هو صدق بيعصب على وليد وبيعطيه كم كلمة من هنا ومن هنا بس ابدا مابيتركه غارق بمشكلته ومابيساعده....احمد رجال ينشد الظهر فيه وانا ندمانة على الساعات اللي تعاندت فيها معه وكسرت كلامه......ادري مايفيد الندم بس صدقيني لو تكلمين احمد بيحل الموضوع وانتي مجربته من قبل له معنا وقفات ماننساهم ابدا يمه...واذا خايفة ان ابوي يعرف عن مصيبة وليد تطمني احمد مايسوي شي ويروح يقول هاذي مو من صفاته......
ام وليد في نفسها.....احمد....اكلمه وش اقوله بس يااروى؟اني سرقت التوكيل اللي باسمك وعطيته ولدي لاني اكرهك ومااتمنى لك الخير؟اني ابي الشي لي ولعيالي بس؟؟؟؟انا ادري ان احمد مابيقصر يااروى بس مقدر اقوله مقدر...باي عيون اقابله اصلا!!!اه يااحمد اه...تمنيت وليد يصير ربعك بس....طول عمرك الزين والعاقل......
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
كانت طالعة من المستشفى والسايق واقف عند الباب ينتظرها تطلع ودق جوالها وكان المتصل جراح ردت بسرعة وهي ناوية تشب فيه على حركته اللي سواها بالمستشفى ـ هلا جراح....
كان السايق فاتح لها باب السيارة بها اللحظة وركبت وهي تكلمه وتحوس باغراضها....
جراح ـ هلا وغلا...شلونك...
هالة ـ الحمدلله....
جراح ـ وش برنامجنا اليوم...
هالة ـ انا راجعة البيت مو رايحة أي مكان....
جراح ـ كيف....
هالة ـ بينا حساب اول لازم نصفيه قبل كل شي.....
جراح بتنهيدة راحة سكتتها مرة وحدة ـ شكلك مستعجلة اكثر مني!!!
هالة بصدمة من كلمته ـ نعم...
مل بنفس اللهجة ـ تقولين بينا حساب ولازم نصفيه!!!وبالبيت؟؟؟
هي تدري ان افكار جراح شطحت لليلة البارح واللي صار فيها...صدق انها ماسمحت له يتمادى كثير رغم ان هذا حقه بس بعد ماخلت الليلة من كل شي....
قالت وهي ماسكة نفسها لاتعصب ـ انا اقصد الحركة اللي انت سويتها بالمستشفى.....
جراح ببراْة ـ وانا شسويت بس؟
هالة ـ لاماسويت شي...
جراح ـ بذمتك مواطن سعودي ورايح مستشفى حكومي يتعالج ودخل لزوجته هي تعالجه وين المشكلة فيها ذي بالله!!!!
هالة ـ ابدا مافيها شي...بس انت احرجتني مرة بجيتك؟
جراح ـ ليش منو بالله يدري اني زوجك؟
هي تدري ان محد يدري بس قالت ها الكلمة وتورطت فيها لانها نحرجت فعلا من وجوده بس بينها وبين نفسها....
رفعت راسها وظلت تناظر قدام وانتبهت انه موجود بالسيارة جنب السايق وهي يوم تدخل كانت تحوس باغراضها وماانتبهت عليه....
سكتت مرة وحدة وقال لها ـ وين سرحتي...
قفلت الجوال وقالت ـ مادريت انك هنا...
قال بطبيعية ـ ليه انتي متوقعة اني اتركك تروحين أي مشوار بدوني!!!!
ماردت عليه وقال بحالمية ـ يابختهم والله اللي يد الدكتورة هالة تلامسهم وتعالجهم......
كانت تناظر فيه بدون أي تعليق...
جراح ـ انا نويت اظل باقي العمر كله مريض واخلي اسناني دايم تعورني علشان ماافارق عيادتها....
لفت عنه للنافذة وهي ساكتة واحترم هو سكوتها باقي المشوار وماعلق بشي,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
احمد وهو يفتح باب الشقة ـ نورتوا البيت يابعد طوايفي انتوا الاثنين....
دخلت ريم وهي حاملة عبدالله وقالت بتعب خفيف ـ حدد منهو فينا اللي نوره اكثر من الثاني بالضبط؟علشان كلن يعرف قيمته ومقداره من اللحين زين؟
شال عنها عبدالله ودخله فراشه لايصحى من نومه ورجع لها وهي بعدها بعبايتها وبنفس مكانها بها الصالة....
ريم ـ تصدق يااحمد اشتقت لها المكان ولكل لحظة عشتها فيه....
احمد ـ هذا انتي رجعتي بالسلامة له...
ريم ـ الحمدلله.....
احمد ـ ريم...
ريم ـ حبيبي.....
احمد بصدق ـ افتقدتك....
ظلت تناظره وابتسمت....
تقرب منها اكثر وقال ـ خاطري اسوي شي من ولدتي للحين وانا انتظر اني اسويه....
ريم ـ حبيبي وش بغيت.....
احمد بتنهيدة ـ ابي اضمك بصدري......
ماانتظر منها لاجواب ولاتعليق...تقرب منها وبهدوء شديد حضنها عنده....
ظلوا حاضنين بعض فترة وبعدها قال لها بهمس ـ تعالي ارتاحي....
ريم ـ مدامي بحضنك فتاكد اني مرتاحة...
احمد ـ ريم انا احبك ومااقدر اعيش بدونك....واللحين بعد عبادي تعلقت فيك اكثر واكثر ياقلبي,,,,,عسى ربي مايحرمني منك ويقدرني اكون مثل ماتبين وارضيك علطول,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ام مطلق ـ احط لك شي تاكله؟
تنهد وماعلق بشي....
ام مطلق ـ اللي تسويه بنفسك ماهو زين يابو مطلق...
ابو مطلق ـ البيت ماهو حلو...مافي احد من العيال ابدا....
تنهدت وقالت ـ مطلق وجراح...هاذي سنة الحياة وش تنتظر بعد !!اكيد بيتزوجون ويكوون لهم عيلة...
ابو مطلق ـ بشاير مابترد من بيت اخوها؟
ام مطلق ـ الا كلمتني قبل شوي وقالت بيجي اخوها العصر وهي معه.....
سكت وماعلق بشي....
ام مطلق ـ جراح بعد قايل انه بيجي خلاص الليلة....
ابو مطلق ـ خير ان شاءالله.....
رجع لسكوته وماعرفت هي شتقوله علشان تخليه يتكلم...
اما هو راح بافكاره لغسان واللي لازم ياخذه جزى اللي سواه مع بنته....صدق مطلق قال له ان نسايم غلطانة وهو مصدق ولده بس اكيد انه مسوي لها شي من قبل ولاليه بتتقصده يعني!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
زياد ـ وينك فيه؟
زينةـ ماتلاحظ ها السؤال غريب؟
ضحك وقال ـ لاماهو غريب بس سمعت عندك صوت وحوسة فقلت اكيد منتي بالبيت..
زينة ـ فعلا انا مو بالبيت...انا بالشركة......تبي شي؟
زياد ـ وليه تتكلمين معي كذا بدون نفس؟
بدون نفس قالت ـ لاعادي....
زياد باصرار ـ بلى فيك شي...
تنهدت وقالت ـ شفيك زياد مافيني شي قلت لك....
زياد ـ انتي متضايقة مني!!!
زينة ـ مو منك....
زياد ـ مافهمت....
تنهدت وقالت ـ انا قاسية وهذا طبعي ومااعرف اجازي احد بخير ابدا...
زياد ـ شتقصدين؟
زينة ـ زياد ممكن تكون ذي اخر مكالمة بينا اذا سمحت...انا اشكرك على الوقت اللي تكلمت فيه معي وحاولت تخفف عني بس انا فعلا مااقدر استمر بها المكالمات معك..
قاطعها بسرعة ـ طيب ليه؟
زينة ـ من غير ليه...وش نهاية المكالمات ماتقولي؟حب مااقدر احبك ولابحبك بيوم من الايام؟زواج ..انا شايلة الفكرة من بالي نهائيا ومابسويها لااخر يوم بعمري....وش بعد؟
زياد بتنهيدة ـ اتركينا اصدقاء على الاقل....
زينة باعتذار ـ لاما ينفع دور لك صديق احسن من انها اتكون صديقة...شكرا واسفة.....
سكرت منه ودقت على بشاير....اللي طولت على ماردت....
بشاير بتردد ـ الو..
زينة ـ هلا بشاير....
بشاير بتنهيدة ـ هلا...هلا زينة....
زينة ـ وينك في ها الدنيا ماتبيني ولاتسالين؟
بشاير ـ ماعليه بس ظروفي شوي....
زينة ـ اممم الله يكون بعونك ترى احنا متفهمين ان السالفة صعبة وبالنهاية كل شي نصيب...
تنهدت بشاير وماعلقت....
زينة ـ ماتبين تعرفين اخباره؟
نزلت دمعة من بشاير وقالت بصوت كله غصة ـ وش فيه؟
زينة ـ حاله مو اقل من حالك....ترى تاعبه اللي تاعبك يابشاير ومن شافك بالمستشفى امس زادت اوجاعه.....انا اول مرة اشوفه كذا وكاِنه خسر حياته كلها..
بشاير ببكي ـ وانا وش اسوي بس يازينة؟
زينة ـ ابدا انا مو متصلة الومك بس قلت يمكن لو عرفتي ان وضعه مثل وضعك يخفف عنك ها الشي من تعبك شوي....
بشاير ـ اه....
زينة ـ انا غصبت عليه يسافر شوي لين تردون له خبر...
بشاير ـ زينة...بلغيه عني ان حتى لو ماكان نصيب انا ماراح اكون لغيره وبيظل حبه الوحيد والخالد بقلبي....
قالتها وانهارت بالبكي من جديد....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
جراح بهمس ـ وش فيها الدكتورة سرحانة؟
رفعت راسها وكان واقف قبالها يناظر فيها.....
هالة ـ ولاشي...
جلس جنبها وقال بتشكيك ـ اكيد...
هالة ـ امممم
جراح ـ ترى لو هي نسمة هوى اللي مضايقتك مانتركها نحاسبها؟
ناظرته بنظرات مبهمة مافهمها...
صدت عنه وقالت ـ جراح...
جراح بحالمية ـ لبيه....
تنهدت بقوة....هذا ناوي على ضياعها...كل ماقالت شي وكل ماطلبت شي تلاقيه موافق ولايعارض ويلباها....
هالة بدون ماتحط عيونها بعيونه ـ مو انت اللي جبتني هنا...
جراح ـ امممم
غمضت عيونها وقالت ـ يعني تقدر تردني الشرقية....
جراح بثقة ـ الليلة انتي بالشرقية وبكرة تداومين بالخبر...
فتحت عيونها بسرعة وطلع لها تذكرتين للدمام....
ناظرتها باستغراب.....
وقال بثقة ـ عارف انك تبين ترجعين...تبين تشوفين ولد احمد وتبين تتطمنين على غسان...
هالة بصدمة ـ كيف عرفت؟
قرب راسه منها وقال ـ مشكلة اذا ماعرفت الشي قبل تطلبينه وانا غرقان فيك لحد الثمالة,,,,
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
كانت تناظر بسقف الغرفة وهي على حالها من البارح...
بعد عز بو مطلق وخيره صارت نهايتها بها البيت الصغير واللي كله انفار على بعض ومحد له غرفة خاصة فيه؟وهي اللي نص بيتها غرف مسكرة؟
هاذي الغرفة اللي هي قاعدة فيها يمكن تساوي بس غرفتها التبديل...لالالا حتى ذيك اكبر من ذي...
اه يانسايم اه....
وين راح بيتك وعزك زخيرك....
هنا بتقعدين نهاية حياتك...بها البيت وبها الغرفة ومع ها لرجال؟
انا بالنهاية اخذ شغيل عند ابوي واخواني!!!!
ليه؟وش سويت انا؟؟؟
شسويت....ماسويت شي...
بس ماتركت مطلق يرتاح بحياته لحظة وحدة مع زوجته وام بناته وصرت ادخلهم من مشكلة واطلعهم من الثانية لين صارت الحياة بينهم مستحيلة واتركوا بعض؟؟؟
دايم الدوم لساني لايط على جراح ومن ورث من جدي الخير ماخليت ولابقيت فيه ودايم اطلع عليه اشاعات انه صارف الفلوس على خرابيط وبنات وهو مسكين من اهل الله لا له ولاعليه لين صار دايم بروحه ومايقعد معنا الا بالنادر؟
بشاير...عمري مااعتبرتها اخت....دايم كانت عدوة...اغار من الشي اللي بيدها حتى لو بيدي انا اثنين منه؟ليه ماادري...
ماكنت اقعد معها مثل باقي الاخوات ونتكلم ونسولف وقلوبنا على بعض....حتى اذا قعدت معها واخذت لي عندها رحت علمت امي وابوي عنها وبعدها تناظرني بنظرات لوم ومااهتم!!!!
حتى بنات مطلق مارحمتهم يااضرب يااخليهم يفتنون على بعض ولا يقولون لاامهم كلام ماصار واخرها بغيت اقلبهم على بنت العراقية بس ماصار وربي ماكتب....
ابي ارد هناك....بتغير ياربي بتغير حتى اروى ومريم بتسامح منهم على اللي سويته فيهم وعلى الكلام اللي كنت اخذه منهم وانقله وافسره لمصالحي!!!
حتى غسان بعتذر منه...اصلا لو ابوي يعطيني مجال قلت له اذبحني انا الغلطانة مو هو والله انه ماسوى شي بس انا كنت حاطته في بالي من زمان من شفته وحداني وماشي بروحه قلت لازم امشكله مدري المسكين وش بتكون نهايته مع ابوي؟؟؟
رفعت راسها يوم شافت ولد صغير يكلمها...
الولد ـ امي تقول لك نزلي طبخي معها الغذى لان العيال ماباقي شي على ردتهم من الدوام وانتي مسوية انك الاميرة بغرفتك؟
نزلت منها دمعة وثنتين وثلاث....ومسحتهم لانها عارفة انها تستاهل......
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
عايشة ـ اليوم طولتي بنومتك؟
ابتسمت لهم دارين بخجل وحست انها مصختها بنزلتها لهم متاخرة اليوم بس كله من ابوهم!!!
دارين ـ ماعليه بس البابا كان مشغول شوي وكنت معه...
شيخة ـ مشغول بشنو....
دارين توهقت...
فاطمة ـ يالله قولي...
دارين ـ عنده اوراق يبيني اتابعهم معه واتاكد انهم صح...
شيخة ـ وعسى خلصتوا...
دارين ـ أي الحمدلله....
عايشة ـ مرة ثانية قولي له يخلص شغله بدري مو يقوم الصباح وبالعجلة يخلص شغله...
دارين ـ أي حاضر...
فاطمة قعدت على الطاولة ـ وش الفطور اليوم؟
دارين ـ وش ماتبين؟
فاطمة ـ ابي سنيبون....
دارين ـ على امرك.....
شيخة ـ انا ماابي انا ابي فطيرة تفاح...
عايشة ـ لاانا ابي شي مالح...امممم عجة بيض وكثري الزيتون لاسود...
فاطمة ـ خلاص انا ماابي سينبون أبي دونات...
دارين ـ بس لايكون احنا قاعدين بمطعم ولاعندنا طباخ؟اقول كلكم اتفقوا على نفس الشي اللي بتاكلونه,,,,
فاطمة وقفت ـ بروح اقول لاابوي انك صارختي علينا وضربتينا...
ركضت لاابوها وظلوا شيخة وعايشة يضحكون عليها...
عايشة ـ ماعليك منها خالتي ابوي مايصدقها ...
شيخةـ هاذي عمي جراح بلشنا فيها يوم يدلعها كل شي يقولون لها لا تقول بروح اشتكيكم وبروح اشتكيكم...
شيخة ـ بساعدك خالتي....
دارين ـ تعالي.....
عايشة ـ انا بعد بساعدك...
دارين ـ تعالي...
شيخة ـ اقول خالتي عادي اذا خلصنا حطين لي مناكير اللي كنتي حاطته البارحة....عجبني...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ابو احمد ـ انتي عطيني عبادي ونامي ارتاحي شوي,,,
ريم ـ خله عنك ياعمي انت ماتغذيت...
ابو احمد ـ أي ماتغذيت؟الحمدلله صحني صار نظيف لاني ماتركت فيه شي....
ريم ـ بالعافية...
اروى ـ مابتجين عندنا..
ريم ـ لاانا مرتاحة هنا شكرا يااروى بس ادري احمد مايرتاح ا لا بالشقة
ابو احمد ـ اهم شي راحتك انتي مو راحته هو...
ريم ـ لاعمي راحته هو اكيد اهم....
ابو احمد ـ تعال عن جدك بس ياعبادي....االلله...مذكرني بااحمد اول ماجاني....
اروى فتحت كاميرتها ـ يبى بصورك معه...
ابو احمد ـ أي تعالي هنا علشان تطلع صورته واضحة....
دخل احمد ـ ها متجمعين بالخير...
اروى ـ تعال اقعد جنب ابوي علشان تطلع انت بعد...
احمد ـ تصوير وتصوير وماتكلمتوا؟
ريم ـ ليش وش عندك؟
احمد ـ بالله شافتها بنت حلوة الصورة تقول احمد مو مرتب شكله قبل لايصور؟
اروى ـ ههههه
ريم ـ لاتعليق...
احمد جلس جنب ابوه وابو احمد اللي شايل عبادي...
اروى ـ يالله احمد شيله انت اللحين...
احمد ـ لاخليه عنده علشان يفكرون ولده ويفكروني مابعد تزوجت اذا بيخطبوني؟
ريم ـ رايقة لك السالفة انت؟
ابو احمد واحمد واروى ـ ههههههه
ابو احمد ـ ها تبي تعرس نشوف لك حرمة؟
احمد ـ يالله على يدك؟
ريم باعتراض ـ عمي....
ابو احمد ـ ههههههه يبى نمزح,,,
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وحده مااكان عارف وش صاير بالدنيا.....
اقوى صدمات تلاقاها على راسه من امس لليوم؟
رجع للجامعة يبي ينسى هم الشرقية واللي صار له امس مع نسايم لقى اكبر صدمة تنتظره بحياته...
ورقة فصله من الجامعة؟؟؟كيف ؟؟ليش؟؟؟؟وش الاسباب؟؟؟كل شي مبهم؟مافي أي سبب واضح؟فصله اصلا صاير من ورى الستار؟؟؟
هذاالشي رجعه بس لتهديدات نسايم وابوها؟
ماقدروا يتواجهون معه ولايقولون لاابوه فصلوه؟
أي مو غريبة عليهم ذولا واسطاتهم قوية وكل شي بفلوسهم يشترون...
اذا جراح مودي هالة ابها مثل مافهمت احمد يعني مو بعيدة يفصلوني...
قعد على اول عتبة صادفته وبيده اوراقه...
مو عارف وش يسوي...
حتى مو قادر يقابل مدير الجامعة ويكلمه ويحاول فيه مرة ومرتين وثلاث وكانه اكتفى....
ليش هدمتوا مستقبلي بس ليه؟انا ماسويت لكم شي ولاضريتكم...وربي يشهد علي من فوق اني بري ....
غمض عيونه وهو يحاول مايترك عيونه تدمع وتفضحه بين الناس,,,,,
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
بشاير ـ يبى شلونك؟
ناظرها بدون مايرد عليها ودمعت عيونها....
كان شكل نسايم وغسان في باله امس وشكلها هي ووليد مو مفارقه اصلا بالتوقيف؟؟؟
تقربت منه وطاحت على رجله تبكي بهستيريا...
بشاير ـ يبى الله يخليك ارضى عني...
ربي فوق شاهد اني ماسويت شي؟والله ماخليته يلمس مني شعرة يايبى ليه منت مصدقني؟
طيب اذا انت شاك فيني اذبحني وريحني ولا صدك عني...
يبى انا ماابي الا رضاك...بتوافق على وليد ولاعلى مشاري ولابترفض الاثنين بكيفك...بس ارضى عني وكلمني...
انا مو قادرة اعيش يبى الله يخليك...
والله ماسويت شي يخليك تعاملني كذا؟
تنهد ومارد عليها...
مطلق من وراها ـ قومي دارك ..ابي ابوي شوي...
بشاير رفعت راسها وقالت لمطلق ـ مطلق قوله...والله ماسويت شي...ماابي منه الا انه يرضى عني...يسوي فيني اللي بيسويه...بس يكلمني واسمع صوته...
مطلق ـ خلاص روحي غرفتك...
اخذت بعضها وقامت...
يوم ركبت لف مطلق لاابوه وقال بتاْنيب ـ يبى...خلاص عاد لمتى انت وبشاير بتظلون كذا...
نزلت دمعة من عين ابو مطلق وقام مطلق له بسرعة وجلس جنبه ومسحها وحط يده على رجل ابوه وقال ـ صدقني ربي بيكتب اللي فيه الخير انت بس هدي نفسك شوي,,,,
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك