رواية من أعماق أحضان مجنونة -7
بان الضيق على نظرات مشاري ومافات ها الشي زينة...
ابو مشاري بضحكة انتي اللحين كملي اكلك وبعدين يصير خير...
زينة مانبي نتاْخر عليهم يبى...
مشاري بضيق وش اللي ورانا عاد علشان نروح بدري؟
ابو مشاري ها...المعرس مايبي يقعد مع مرته؟
زينة مو ضامن انه يكون بروحه يبى .. ماتشوفه مو على بعضه...
ابو مشاري لالالا نخليك تقعد معها بروحكم وش تبي بعد!
زينة أي والله احنا اذا علينا بندبر امورنا لاتخاف....انا ان شاءالله اقعد مع اخوانها مو مشكلة؟
مشاري أي والله..هذا اللي ناقص بعد؟
زينة ههههههه والله انا بقعد مع ابوي حبيبي محد له عندي شي؟
مشاري بتميلح ابوك حبيبك بالبيت مو قدام الرجاجيل يابابا؟
زينة وانت محد يمزح معك؟
ابو مشاري بجدية مشاري..
مشاري هلا يبى...
ابو مشاري شلونك مع بنت ابو احمد؟
مشاري ........
ابو مشاري سئلتك شلونك معها؟
مشاري عادي يبى....
ابو مشاري شلون يعني عادي؟
مشاري شتبيني اقول ماااشوفها كثير ولاتكلمني كثير بعد!!غير كلمة عادي ماعندي؟
اما عند بيت ابو مطلق,,,
ابو مطلق اليوم البيت وحشة للبنات...
لوى مطلق فمه وماعجبه الحكي...
ام مطلق في ناس مو عاجبهم الحكي؟
بشاير ومبين عليهم اصلا ان مو عاجبهم؟
مطلق أي لان مو انتوا اللي مبتلشين فيهم!!!
ام مطلق احد يقول عن عياله بلشة؟
ابو مطلق خليه يقول اللي يبي...بكرة بيعرف زين وش يعنون العيال وكيف يغيرون حياته؟
مطلق ويكونون للحين ماغيروها يعني!!!
بشاير ونسايم ههههه
نسايم اللي انا اعرفه انك ابو بالاسم...وانهم في دفتر العائلة اللي تابع لك وبس!!باقي الاشياء متكفل فيها بو مطلق؟
مطلق ماهي مسئلة فلوس..الخير موجود بس...انهم مسببين لي ازعاج بسبب وبدون يتصلون !!مو قادر احس اني حر منهم؟
قال ها الكلام وبعد ثواني بس دق جواله اللي كان على الطاوولة وناظر بالمتصل وقال لهم ها هذولا ينطرون ذولا!!كاهم دقوا؟انا لو طاري مليون ابرك؟
ضحكوا عليه الباقيين ورفع جواله...بعد ماحطه سبيكر...
شيخة السلام عليكم...
مطلق وعليكم السلام....
شيخة بابا مطلق موجود؟
مطلق لاوالله ماهو موجود؟
شيخة وانت ليه ترد على جواله يالملقوف؟
مطلق بعد!!!
شيخة جوال ابوك لو جوال ابوي!!
مطلق أي بس هو قال لي انه مو ابوك ولايعرفك؟
شيخة شوف الكذاب!!عطني اياه اعلمك فيه!!
مطلق لالالاتكفين !!شلون بتعلمينه؟وش بتقولين له؟
شيخة بخليه يعترف انه ابوي..
مطلق غصب هي..ماابي اصير ابوك؟
شيخة اها...يعني انت ابوي؟ليش قبل شوي تقول مو جوال مطلق مدري مو موجود؟
مطلق والله عاد من ثوارتك يالثورة في وحدة متصلة وماتعرف الصوت اللي تبيه يخص منو؟
شيخة انا لان شكيت انت مو بالعادة تصير ذرب كذا ...ياترد تقول بعصبية..نعم..خلصوني وش بغيتوا؟ولا تقول مشغول مو فاضي....اليوم غيرت طريقتك وماعرفتك؟
مطلق شوف ال.....
شيخة بخبث الا صاير ذرب اليوم اكيد معك احد؟
مطلق بابا خلصيني وش بغيتي انا بكمل اكلي؟
شيخة ابي اجي عندك بالبيت؟
مطلق انقلب للعصبية فجاْة وشال السبيكر وقال بحدة وانا ماابيك...
ناظروا فيه كلهم بدون مايقولون شي...
كمل وقال والف مرة قايل لك انتي وخواتك وامك مابتجون عندي عاجبكم يعجبكم مو عاجبكم بكيفكم....
سكر التلفون وقام من السفرة...
ابو مطلق مطلق...
وقف وقال نعم يبى...
ابو مطلق انتظرني بالمكتب ابيك؟
هالة هلا احمد
احمد مشغولة..
هالة لا...
احمد ليه مافي مراجعين اليوم ولا نحشتيهم؟
هالة والله اليوم شايفتهم خفيفين ان شاءالله دوم كذا..
احمد هههه المهم مابعطلك عن شغلك..بس بغيت اقولك ترى مكانك جاهز ياهالة وقت ماتبين ارفسي الباب وادخلي انتي صاحبة المكان..
ظلت ساكتة فترة وبعدها قالت شكرا يااحمد....مابنسى لك ها الشي..
احمد لالالالا..احنا اخوان ياهالة...
هالة طبعا ريم مو عاجبها؟
احمد باعتراض انتوا مالكم شغل في بعض...
كل اللي بيجمعكم وقت الوجبة لو حابة انتي بها الشي وماغير ذلك مافي شي...
هالة احمد انا فيني اقدم على خادمة لو..
احمد باعتراض لا...انا ماابي لو كنت ابي كنت استقدمت لي...بس الشقة مافيها غيري وغير مرتي واحنا مانحتاجها ياهالة...
هالة بكيفك انا بس قلت اعطيك خبر لو كنت حاب هالشي...
احمد لاماله داعي...واللي اعرفه انك ماتحبين احد يلمس اغراضك؟
هالة بغرور مابجيبها لي بجيبها لكم!!
احمد لاشكرا احنا مو بحاجتها...
هالة طيب في مشكلة علشان السايق؟
احمد لالالا بغرفة بواب العمارة هناك في ملحق حق السواويق التابعين للعمارة...
هالة كويس....انا عارفة يااحمد ان ريم بتتضايق ها البفترة بوجودي
كان احمد بيتكلم بس كملت هي وقالت احمد خليني اتكلم ولاتقاطعني لو سمحت..
احمد تفضلي...
هالة بيتها ولها كل الحق في انها تكون اميرته ومرتاحة فيه وماتستقبل فيه ضيوف بدون رغبتها...بس بقولك يااحمد انا محتاجة ها الوقت اني اكون عندك صدقني....
قالت الكلمة الاخيرة برجا حار..
احمد انا جنبك وبظل جنبك...المهم ماقلت لك
اليوم اهل بو مشاري عشاهم عند الوالد؟
هالة وخير ان شاءالله..وش عندهم؟
احمد مدري بس كلمني البارحة وقال لي...
هالة كيف شايف مشاري يااحمد؟
احمد بيني وبينك مدري كيف يتعايشون هو ومريم؟فرق بكل شي...
هالة أي تخطيط ام وليد مايروح بلاش....باقي يزوجون زينة لوليد...ويعطون اروى لمطلق؟
احمد ام وليد ماتبي مطلق تبي جراح؟الفلوس عند جراح؟
صلحهم صار قبل اسبوع....
كانوا متهاوشين على القضية اللي ماتنتهي بينهم ابدا؟؟؟
هي انا مو مالية عينك؟
هو لاوالله انا اموت فيك؟
هي طيب ممكن تفسر لي وش معنى نظراتك لها؟
هو والله لاشعوريا شفتها وظليت اناظرها وماانتبهت لنفسي بس مو معناته انها جذبتني؟
هي ماشاءالله وش ها العذر؟
هو احبك....
هي أي.....
هو لاتصيرين عاد تدورين الزلة علشان تقلبينها هوشة؟
هي انا ماقلبتها هوشة ياعمري بس انا ابي اكون الوحيدة اللي شاغلتك فيها شي؟ولاطلبي صعب؟
هو لاحبيبي كلامك عين العقل ......
هذا كان قبل اسبوع بس يوم تروح تقابله بالمجمع وها الاسبوع كانت رايحة مع امها واختها يتسوقون وقالت لمى توصل بتدق له وبتعطيه خبر لانها مو عارفة وين بيروحون...
بس تفاْجات يوم شافته يمشي ورى وحدة وكل شوي يرمي عليها كلمة ولايتحرش فيها من هنا ولامن هنا....
كانت دموعها مالية عيونها بذيك اللحظات....وحست ان ها العلاقة قاعدة تجرحها لان مو معقولة ماصار لها اسبوع بس من تهاوشت معه هاالسالفة,,,
غلطة جديدة شفتها منك اليوم....
على القديمة حتى اسبوع مافات...
لاتقول اسف ادري ماينفع اللوم,,,
احساسي من كثر الغلا ترى مات,,,
خطيت في حقي كثر هذي النجوم....
كنها علي وصتك كل المجرات...
ماكنا تدري للحب مفهوم,,,
من عاش بحبك ماتذبحه بغلطات...
من جيت عندك وانا بالحيل مهموم..
صارت حياتي كلها ويل وهم وحسرات,,,
ادري البشر ماهو عن الغلطة معصوم...
تدري الصبر له حد وللطيبة اوقات,,,,
مسحت بشاير باقي دموعها وهي تتذكر ذاك اليوم بكل مافيه وكيف طلعت من المجمع بدموعها وبدون حتى ماتعطيه اشارة انها شافته...لانها حطت في بالها انه مايستاهل ابدا...
رجعت وغيرت ارقامها وغيرت حياتها بعد...واللي مثله ماصار يهزها باي كلمة يقولها؟؟؟
بس المشكلة انها حبته؟؟!!!
اروى عسى بس تجهزتي؟
وليد بشماتة اختي مايحتاج تتجهز...ثيابها ومجهزة والكلام مو مشكلة مو لازم تقول شي...؟
مريم انت مالك شغل؟
وليد هههههه
اروى استح على وجهك تقول لااختك كذا؟
مريم يمه..وين بنسوي العرس؟
ام وليد باي مكان تتفقون عليه انتي ومشاري؟
مريم لاحبيبتي انا ابي عرس الكل يتكلم فيه ماابي شي على ذوق اخته هادى وكلاس ومدري وش تقول...
وليد حط رجل فوق الثانية وقال أي وشنو تبين بالله؟
مريم بغباء ابي عرس طول بعرض اصرف فيه بهبل واسوي فيه كل الحركات اللي ابيها...
اروى ليه بتحضرينه انتي!!!كلها بكلها الساعات اللي بتحضرين وتجلسين ماتجي ساعتين؟
مريم انا حلمي من زمان اسوي لي ثوب كبير وعرس اكبر؟
اروى انا مو مقتنعة احس ان رايي من راي زينة العرس الهادى احلى...
مريم بنرفزة واللي يسلمك عاد!!انا زينة مااتحملها بعيشة الله؟
ام وليد بعصبية تحملي تقولي قدام اخوها ها الكلام ولا انك تبينين لها ها الشي؟؟؟
مريم بلااهتمام مدري وش عليه شايفينها ومايرضون عليها؟
وليد من هم؟
مريم مشاري وابوه...من يجي طاري زينة انهبلوا وقاموا لها طيران؟؟؟انا قعدت معها مرة وماطقتها؟
اروى انا مااحس فيها شي؟البنت عادية؟
مريم انا اللي يتصنعون الهدوء والنعومة وهم بطريق والنعومة بطريق مااحبهم ابدا...
وليد اها...يعني المعلومة اللي تبين توصلينها ان زينة تتصنع شخصيتها؟
مريم بالضبط؟
وليد مدام قلتي كذا فااكيد ان البنت احلى واذكى وانعم منك وانتي طبعا ها الصنف ماتحبينه...انتي يعطونك ناس ساكتين وميتين على العرس ويعجبونك؟
ريم بتطلع؟
احمد أي الوالد جايين رجال..ابو مشاري وولده...بتروحين؟
ريم لا...
احمد يمكن تجي معهم بنته؟
ريم اكيد مابتكون ناطرتني بالاحضان؟؟هي حتى ماتدري منهو انا!!
احمد خلاص براحتك....
ريم احمد..
لف لها وهو يعدل شماغه.....
احمد في شي...
ريم تسندت جنبه وهي تلعب بثوبه وعيونها بالارض احس اني افتقدتك اليوم....ماشفتك دوبك جيت ونمت ويوم قمت كانت عندك مكالمات طول بعرض ومافضيت تسولف معي..واللحين بتطلع..
لف لها بالكامل وقال بحنان وبرجع لك....
برد لحضنك وين بروح عنه يعني؟
رفعت عيونها لعيونه وماعلقت بشي..
قال بتحذير ترى اذا جالسة تدلعين علشان تعطليني بتشوفي شغلك بعدين؟
شاف نظرة انكسار بعيونها وماعرف شيقول لانها ظلت ساكتة....
احمد بهمس حبيبي...اكلمك وين سرحت؟
ريم معك...مارحت مكان......اجيب لك المبخرة اللحين...
احمد ريم شفيك؟
ريم ولاشي....بس ..
احمد مسك يدها وقال بتشجيع بس شنو؟
ريم بتنهيدة اقول وماتزعل..
اشر براسه بلا.....
ريم بعمق احس اني بفتقد معك ها اللحظات الخاصة بالايام الجاية يااحمد.....
تقرب منها ومسح على شعرها وقال برقة مو ماخذك بحضني لاني اذا سويتها يمكن اتاْخر عن الوالد ومااروح,,,بس اذا رديت بعلمك تعيدين ها الكلمة مرة ثانية قدامي!!
ريم بحزن احمد..
احمد ريما...انتي صايرة حساسة..وش اللي بيتغير بحياتنا اصلا!!وجود هالة...؟؟هالة بتاخذ المجلس والمجلس مفصول عنا..لالها فينا ولا لنا فيها...حتى بو قت الاكل نظامها واوقاتها غير عنا....وبعدين هي نص يومها بدوامها....
ريم ماهو بالوقت اللي هي بدوامها انت بتكون بدوامك فما فرقت عندي,,,بس اذا رجعت رجعت انت!!
احمد اللحين انتي وش اللي مضيق خلقك؟
ريم ابي توعدني ماتتغير علي؟
احمد مو بكيفك ..ماابي اوعدك!!!يبى ابي احبك اكثر واعشقك اكثر!!تبين تحرميني من ها الشي,,,,
ريم رمت نفسها بحضنه وقالت له ابي اكون لك بروحك...وتكون لي بروحي...مانبي شي من ها العالم اللي حولنا....
احمد بخبث فهمنا عليك يابابا...
رفعت راسها تناظره وكمل بمرح احنا من فتحنا سيرة الحمل والعيال قمتي تتعايرين وتدلعين...لايبى خلاص اخذتي اجازة وقت الجد بديناه ومافي أي اعذار!!
اشوفكم بكرة على خير,,,,,
ياهلا وغلا ومرحبا فيكم...
اشوف الغبار اخفاكم ومطر البارحة ردكم من جديد ههههه
تسلمون حبايبي على تواصلكم الاكثر من رائع,,,
البارت العاشر ,,,
ام مطلق خير ان شاءالله على وين العزم؟
نسايم بنطلع محد قال لنا عن شي..
ام مطلق أي بس عمتكم قايلة لي ومنبهة على وجودكم بعد...
بشاير مريم المفروض تقول مو عمتي يمه؟
ام مطلق وانتوا بتسوونها قضية اللحين منهو اللي لازم يقول ولا من اللي قال؟
نسايم والله عاد احنا بعد عندنا كرامتنا ومانحب نرمي نفسنا...
جراح أي والله خواتي صادقيين...
ام مطلق لاتقول لي انت بعد مو قاعد معهم؟
جراح وباي صفة ان شاءالله اقعد...ولي امرها وانا مدري؟؟؟
ام مطلق أي بس مايصير اخوك مو قاعد وانت بعد منت قاعد شبيقول ابوك؟
جراح هم ماعطونا خبر ان عندهم ضيوف علشان ناخذ احتياطنا ونشوف ارتباطنا...
نسايم عشتوا...والله وصارت عند راعي الملايين اشغال واحنا ماندري....
جراح بحدة عيديها ثاني يالله سمعيني؟؟
بشاير رحنا وطي مافي طلعة اجل؟
نسايم بضحكة امزح يبى ماقلت شي انا!!!
جراح بعصبية وانا ها المزح مااحبه....وها المرة بمشيها لك مرة ثانية جربي تقوليها بتلاقي ان يدك انكسرت...
قالها ومشى...
ام مطلق وانتي ماتعرفين تمسكين لسانك عن اخوانك ابدا!!
نسايم أي وانا الصادقة واحد غيره رايح جاي وهو ماغير ماسك لنا العود ويغني على مدري منهي اللي تركته!!
بشاير يالله عاد لاتزوديها انتي الثانية...الا جراح انا ماارضى عليه؟
نسايم لاوالله!!طب ماقلتي وين نروح؟
بشاير أي مكان....
ام مطلق انا مالي شغل فيكم انتوا اللي عطوا ابوكم خبر انكم بتطلعون لاتتركوني بالنص بينكم وبينه؟
بشاير جلست جنب نسايم يالله عطيني دررك ياام الخطط وش نقول للوالد؟
بشقة علي وهالة,,,
كان حالهم مثل كل يوم ..
كل واحد قاعد جسد ولا تفكيره رايح لبعيد....
هي امورها انحسمت تقريبا وخططت وش اللي بتسويه بالمرحلة الجاية...
وهو بعد خطط وفكر وش بيسوي...
بس كل واحد محتفظ بقرارته وتخطيطاته لنفسه وماهو مشارك الطرف الثاني فيها....
يوم رفعت راسها لقته يناظرها....
ناظرته ..بس ها المرة غير....ها المرة ناظرتها كانت اكثر انكسارا عن المرات السابقة...
الشي اللي خلاه يترك مكانه ويجي يجلس جنبها...
لفت وجهها عنه للجهة الثانية....
علي هالة...
هالة اممم...
علي فيك شي؟
هالة لاابدا..
علي مدري حاس ان عيونك تقول حكي.....
هالة بتحدي أي..
علي بعتب ومشكلتي مو قادر افهمه؟
تنهدت وقالت بلامبالاة لاتوهم نفسك...انا مثل ماانا مافيني أي شي...
علي اصلا من رديتي من بيت اهلك يوم الخميس وانا حاس ان فيك شي....مدري يمكن صار بينك وبين احد..
قاطعته ببرود علي...قلت لك مافي شي....علامك مو مصدقني!!
تنهد وهز كتوفه وقال بكيفك.....بس كنت بسمعك لو بغيتي تحكين؟
رجعوا لصمتهم من جديد...
قالت بعد مدة صمت طويلة ومملة وقاتلة... بكرة بروح عند احمد....
علي بتزورينه يعني؟
ماردت عليه بس ظلت تناظره وهي ماتشوفه قدامه...قاعدة تشوف اللي جاي لها بالطريق من خلاله,,,,,,,,
في حديقة بيت ابو احمد..
كان جراح واقف على راس العمال اللي جايبهم يضبطون له قعدة برة وهو اصلا شبه شارد عنهم...
جايبهم علشان يخفي ارتباكه وتوتره....اللي كل مالهم ويزيدون عنده.....
مطلق من وراه وش بتسوي؟
جراح ببرود جو جديد يناسبني!!
مطلق ..........
جراح باهتمام يقولون ابوي متضايق منك؟
مطلق يقولون!!!هاذي ام مطلق ومن غيرها موصلة لك الخبر؟
جراح خير وش فيكم!!
مطلق ليه ماحكت لك باقي القصة شنو؟
جراح لاوالله بس قالت لي ابوك ماخذ على خاطره من مطلق...
مطلق بنرفزة في غيرهم ها الشياطين اللي ابتليت فيهم؟
جراح بناتك؟
مطلق بتعب وفي غيرهم تاعبيني؟
جراح بضحكة وش عندهم....
مطلق بعذاب شيخوه الزفتة دقت علي واحنا نتغذى تبي تجي عندي ويوم صارخت عليها ابوك زعل مني..ورجعنا لنفس الموال اني لازم اجيبهم هنا؟
جراح ..............
مطلق انا اشوفهم يومين ياجراح ويقلبون لي الدنيا عذاب بعذاب لااطلع وادخل مثل العالم والناس ولا ني قادر انبسط..كيف يقابلوني؟حتى خطواتي محسوبة من امك وابوك؟
جراح يمكن...بس يمكن لاجبتهم عند امك يخفون عنك شوي....يعني بيكونون البنات تحت نظرهم وبيخف قلقهم شوي عليهم وبيرتاحون اكثر...
مطلق مستحيل انا بناتي واعرفهم مغثة يقلبون تفكير الواحد بكلامهم....
ياان عندهم تنقل كلام مثل نسايموا اختك اللي ماصار يصير اذا حضروا؟
جراح هو بناتك يطلع منهم ماشاءالله...بالنحاسة ماكو مثلهم...بس يعني انت بعد اسفط هاالموال لاتخليه يوجع راسك؟
مطلق بالم تقول كذا ياجراح لانك ماصرت ابو غصبا عنك وانت ماتبي...فجاْة لقيت نفسك شايل ثلاث بنات وانت مابعد شلت نفسك ..
زواجي الفاشل اهلك مسؤليين عنه.....لايحملوني انا الذنب؟
جراح خلاص يبى لاتقلبها نكد....ايام وولت من حياتك لاتخليها ترجع؟
مطلق على بالك اني مرتاح ياجراح؟؟؟انا التعب شايلين شيل....اسلي نفسي هنا وهنا ومع هذا ومع ذيك وانا مو قادر احس اني عايش...مثلك تماما شفت كيف تداري تعبك من بعدها ومن التفكير فيها؟
جراح بحدة مطلق...لاتجيب ها السيرة مرة ثانية....وخصوصا هنا لو سمحت؟ماابي احد يسمع كلمة ويفسرها مثل مايبي!!
انا وهي مابينا شي ابدا من اللي قاعد يصوره لك خيالك يامطلق؟
مطلق بحزن ليه؟؟ليه تبي تنكر انك تح
قاطعه جراح بحدة ومبين فيها صوت الياْس لاني اكره ها الانسانة يعني وين انا ووين هي...وش اللي بيخليني احب بنت العراقية بالله!!!لاطلعنا تكلمنا بها الموضوع ماابي اسولف فيه هنا....
مابغى يجي اللي عند زينة...
حست ان يومها كله كان طويل وشاق وكريه ولاالنهار راضي يروح ولا الليل متكرم بجيته...
كانوا بالسيارة وهي تفكيرها بللي ممكن يكون باستقبالهم لمى يوصلون...
هو؟؟ولامعه اخوانه؟ولاماهو موجود اصلا!!!
ماكانت ابدا على طبيعتها وهي في السيارة لين دخلوا بوابة الفيلا....
نزل ابوها ونزل معه مشاري..
وهي ظلت تناظر باللي واقفين...
ماهو هنا؟؟معقولة؟؟؟بلاش تنزل اذا ماهو هنا؟؟هي جاية تملي عينها من شوفته وبس!!
يوم بعد مشاري عن عمه ابو احمد شافته...كان واقف جنب ابوه وجنبه اخوانه..
ارتاحت....يوم شافته نزلت من السيارة...
وبصوت اهدى من هدوئها المعتاد سلمت على عمها ابو احمد مثل ماتسميه....
ابو احمد بحفاوة هلا والله ببنيتنا زينة...شلونش يبى...
زينة بهدوء بخير...
عيون وليد بس كانت عليها ولااخوانه كانوا غاضين البصر...
ابو احمد اقول مشاري يبى انت اخذ اختك ودخلها داخل والحقنا المجلس....
*******
في مجلس الحريم ....
نسايم بهمس هاذي زينة؟
اروى بنفس الهمس أي....
نسايم بتفحص شكلها مو قليلة؟
اروى بهمس دلوعة البابا...
نسايم قلتيلي...
اروى اختك وينها؟ليه ماشرفت للحين؟
نسايم طلعت؟
اروى افا...
نسايم ماعليك منها...بشاير مو حق قعدات كذا انا قلت لها مابفوت على نفسي شوفة اخت مشاري خطيب مريم...
زينة وهي تناظرهم اكيد الكلام والحش هذا اللي عندكم يخصني؟؟
اروى ببتسامة اقولها حليانة زينة عن المرة اللي فاتت شفتها فيها؟
زينة بهدوء عيونك الحلوة...
كانت زينة تبي تفتح أي موضوع لان مريم مو معبرتها وهي بطبيعتها ماتحب ترمي حالها كثير...
نسايم ساعتك روعة...
زينة تفضلي عليها.....
نسايم ملبوس العافية حبيتي....
زينة الله يعافيك......هاذي بنت خالك مريم صح؟
قالتها يوم شافت ان ام وليد تتفحصها وكانها تقول ليه مطنشة مريم..
مريم ببرود أي...
زينة ماقررتوا متى بتتزوجون؟
مريم لا....
زينة عاد انا قلت لمشاري مو تسويها وباخر اللحظات تقول العرس ها الشهر..انا ها السوالف مااحبها....مايمدي نسوي شي؟
مريم باستفزاز وش عندك بتسوين؟لاحجوزات ولاشي...
زينة بثقة من قال عاد!!انا اخت المعرس...وبسويه حفلات لربعي اسبوع كامل نتونس فيها....
مريم وش له عاد ها السوالف....
اروى بتغير نحفانة ولا انا مو شايفتك زين قبل؟
زينة لا انا جسمي مثل ماهو من كنت بالمتوسط لايزيد ولاينقص...
نسايم احسن لك....
مريم وقفت وناظر الكل فيها...
مريم انا تمللت بقوم اركب شوي اشوف التلفزيون وبعدين برجع لكم!!!
ام وليد باحراج يوم مشت بنتها ياحليلها مريم حدها مستحية منك يازينة....
زينة ماردت عليها وظلت تناظرهم بكبرياء....
ام وليد وهي تداري وانا دايم اقول لها قعدي مع زينة اكثر بتعيشون مع بعض بكرة ..من اللحين تعودوا على بعض...بس شسوي فيها ها الخجولة...
حقرتها زينة وطلعت جوالها تحوس فيه...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك