رواية همس الموت - Whisper Death ™ - 38

رواية همس الموت - Whisper Death ™ - 38

كتبت بسرعه....عمر..؟ عمر منهم....؟!!!!!

خليفة بحزن : هيه...وهو اول واحد شكينا فيه...لانه فـي نهاية المباراة النهائية كان تعبان..وواضح انه مرهق بشكل فجائي بعد ما كان يلعب بنشاااط غير طبيعي..!

نزلت راسي باسف..

كمّل خليفة : علي كان يعرف..بس ما قال لحد...واذكر...لما كنت فـ وقت الاستراحه رايح لغرفة التبديل بجوف الشباب وينهم...صادفت علي ظاهر منها...عرفت من ويهه ومن كلامه انه في شي جافه داخل..لانه منعني بطريقة غير مباشرة ادخل..وو حسيته كان يبا يقولي شي..بس سكت..

والحين لما تذكرت هالموقف...زادت شكوكي اكثر..

سالم وهو ايده تحته ذقنه ويفكرر بعمق : تدري لو انك دخلت يكون احسن..! كنا عرفنا ع الاقل منو اللي كان داخلها...! " عقب قال بتوتر " بقولك نحن فـ منو شاكين..واكيد ما بتصدق..

هزيت راسي باهتمام ابيه يكمّل..

سالم بلع ريجه وقال وحسيته يقولها بالم : بتكلم انا عن مباراتنا الاخيرة...

أأأ...اول شي قولي منو اللي لاحظت عليهم النشاط بزيادة في الشوط الثاني...؟

مممم منووو...؟

كلهم كان لعبهم حلو...

بسس...لحظة...!

عمر كان انشط في الشوط الثاني اكثر عن الاول......ووو حـ حميد بعد...

وو جآآسم...وو فـهد....لالالالا فهد لااا...من زمان ولعبه متحسن..!!

نفضت فكرة انه ممكن يكون وياهم..!!

أشّرت لسالم يكمّل من دون ما اجاوب عليه

سالم : اللي لاحظنا عليهم....عمر..وو..حميد,,,وو جاسم.....وو فهد..

طالعته بصدمه...وهزيت راسي بلا..

وكتبت له...فهد لااااا...

صد عني وقال بالم : وانا اقولك...فهد اللي متأكدين منه...!! من بعد عمر..

طالعته باستنكار..

سيف بحزن : سالم لاحظ على ذراعه آثار ابر...

مسكت راسي..

مادري ليش انصصدمت منه وبقوووة..!

فهد..! الطيب...الحبوووب....!

اول واحد التقيت فيه فـ النادي..

حبييت شخصيته واااايد..

غير انه كان واايد ويانا انا وعلي..

بس ما لاحظنا عليه شي..

عضيت ع شفايفي بقووة...

بسبب يوووووووسف الحقير..

بسببه..!!!

طالعتهم .....جفت الالم فـ ويوههم..!

من اعز ربيعهم..!!

ناصر : تذكر...لما كنا فـ وقت الاستراحه....كلنا كنا ويا بعض...انا وسلوم وخلوف وعلي وسيف...وانت كنت موجود ع الكراسي..بعيد عنّا...

خليفة : اما البقية ما نعرف وين كانوا...الا اثنين....عمر...وو.....فهد....جفتهم يظهرون من غرفة التبديل..وعقبها رديت قبل لا يجوفوني...! ولما بدا الشوط الثاني..كنت مركّز عليهم...وتأكدت ا ن وراهم شي..!

غمضت عيني..

لييش...!! حرآآم والله..

يووووسف الحقييير قصّ عليهم...

وورطهم..!

نآصر : نحن بس نعرف عن هالاربعه..اما عن مايد والبقية...ماندري هم وياهم او لا..!

سالم وهو يمسح ع ويهه : الاهم من هذا كله...ما نبا حد يكتشفهم...لازم نحل المشكلة بطريقتنا..لاااااااازم نسااعدهم....مهما سووا...يبقون ربعنا..!!

هزّوا راسهم موافقين...

سيف : بس عمر..! لييش اختفى..؟ وليش حرق المستودع...!!

سالم : عمر اكييد بيرجع..!! المستودع " بتفكير " اتوقع كان فيه منشطات...وحس ان في حد اكتشفهم...فـ حرق المستودع.." وبحزن " اللي محيرني...علي ليش كان هناك...؟!!!

وعمر..؟ قاصد يحرق علي ويا المستودع..؟ ولا وجود علي كان صدفه..؟ الاكيد ان علي اللي كشفهم..!! بس...بس عمر مستحيييل يقتل علي... مستحيييل..

رديت راسي ع ورا وانا اتنفس بسسرعه..

ذكرى الحريق و.....موت علي..تسبب لي الجنوووون...!!!

عمر..؟ يوسف..؟

من منهم..؟

من منهم اللي قتل عـــــــلي...؟

//

~| نهاية الهمسة السادسة وعشرون |~

~| الهمســـة السابعة وعشرون |~

//

دخل الطبيب مروان الى الغرفة...ونظر اليهم بتعجب..

،

بعدما انتبهوا له..

سالم بضحكة مصطنعه : يآآ مرحبا السآآآع بدكتوورنا...!!

ناصر بابتسامة واسعة : وينك..!! الله يهدييك ضعت ...خوفتنا عليك..

دكتور مروان رفع حاجبيه: عيل انا ضعت...!!

خليفة بسرعه : لاااا...نقصد نحن اللي ضعنا..!

سيف بضحكة : بس كيف حصلتنا..؟

ابتسم لهم...وأشار الى كاميرتين مراقبة على السقف..

نظروا اليه بصدمة..!

سالم : ياا فضيحتنا..من الصبح وهو يجوفنا..

سيف : لايكون بعد سمع سوالفنا...!!

خليفة ينظر الى الطبيب : صدق...لايكون سمعت سوالفنا..!!!!!

ضحك الطبيب بخفه...: لا...!

استاذن الطبيب لدقيقة...وبعدها خرج..

ناصر : احيييم....جفتوا كييف...مايقدر علينا..

سالم بضحكة : والله توقعت يكفخنا هالمرة..!!

خليفة : احمدوا ربكم انه ما طردنا..ونحن مسوين هالحشرة كلها..!!

.

دخل الطبيب مرة اخرى..وخلفه مجموعة من رجال آمن المستشفى..

صرخ الشباب بمفاجأة..!!!!

سالم متفاجىء : شككلنا بننطرد شرات الحمير براا..!!!

ماهي الا ثواني حتى اصبحوا خارج المستشفى...!!

ضحك الجميع على انفسهم..!!

وذهبوا الى المنزل لـ يكملوا حديثهم ولعبهم..

،

أما عن الطبيب ...عاد الى مكتبه..لـ ينهي عمله قبل ان يعود الى منزله..

.

نظر الى الفحوصات بتمعّن..

التقارير تثبت بوجود آثار اعتداء عليها..

ولكن الاهم انه لم يمسّها احد..!

ابتسم برآآحه..

//

شهرزاد

،

لي اسبوع وانا فـ هالمكان..!

بروحنا انا...وسامي...

بصراحه تفااجات من هالمكان..وكيف عرفه سامي..

اللي يصدمني كل يوم بشي..

المكآن هذا وسط صحرااء قاااااحله...مافيها ولا شي..

ومهجوور..

و

يخوف بالليل..

لما دخلته اول مرة...تفاجات بـ الاسلحة الموجودة فيه..صح انها قدييمة ومغبرة...بس صالحة للاستخدام..

لما سالته عن هالمكان..

قالي انه اكتشفه..!!

بس....اظن انها كانت منطقة عسكرية..!

,

سمعت صوته وراي : يلا شهرزاد...وقت التدريب...

خذت مسدسي...وحطيت في رصاص..

سامي : تبين نأجل التدريب لين ما تخف حرارة الجوو...؟!

هزيت راسي بلاا....لازم اتحمل كل شي..

وكل ما اتذكر الانتقام اللي بنفذه...

احس باصراار كبيير على اني اتعلم بسسرعه...

ظهرت براا..

وبديت اصوّب ع القواطي المرصوصات بعيد..بكل قووة..

,

خلصت ذخيرة المسدس..و والنتائج كم قوطي طاح..والباقي ما يبتهم..

ظهرت من جيبي وحده ثانية ..ودخلتها في المسدس..

اقترب مني سامي اللي كان يراقبني بصمت..

سامي : خلييج مسترخية...لا تنفعلين بزيادة....خذي نفس عمييييييق..

غمضت عيني...وخذت نفس...

بعد دقيقتين..

سامي : الحين...خلييج هااادية ومسترخية...

مسك ذراعي ورفعها..

سامي : خليها ثاابته....واصابعج هي اللي تتحرك مب ذراعج...." أشّر على مقدمة المسدس " وهالنقطة ركزي عليها الهدف...

ابتعد كم خطوة عنّي...وقال : يلااااا..

طالعت الهدف بتركيز....ضغطت ع الزناااد....وووو طيحته...

صوبت ع الثاني....وبعد يبته..

ابتسمت بتحدي...

وبديت اطيحهم كلهم..

،

سامي ابتسم لي بتشجيع : ممتآآآز.....! مستواج يتحسن اكثر واكثر....يلا الحين بدربج ع الهدف المتحرك..وهذا هو الاهم..

ركززت معاااه بكل حواسي..ويلست اسمع كل حرف يقووله باهتماام..

وو

بدا التدريب...

،

بالليل...تركني فـ هالمكان...

قال بيرد بعد كم يوم..

.

لحظة..!

كيف اتم هني..برووووحي..؟!!!!

فتحتي حلجي بقوله يتم....بسسس

تركته يرووح..!

//

مريم

,

فرفرت بالقنوات بملل...

وكل ما اجوف الصورة اللي حاطينها اغلب القنوات...لما شهرزاد حضنت فجر..

اضحك عليهم...اتخيل اشكالهم لما يدرون ان هذي بنية..!!

اسميها شهرزاد حشررت الجمااهير..!!

طالعت ريموه اللي تحاول تنرفز اليآآآهل...

.

مسكت راسي لما سمعتها تصييح..

قلت لريموه بعصبية : بسسس ريموووه...طفرتيييني...بليييييييييز...مابي اسمع صوت صيااحهاا...بالموت تسكت....!! تخيلي يالخبلة هذيلاك المخابيل يدخلون فجاة علينا..؟!

ريموه بملل : اففف..كم مرة قلتلج انا ماخذه احتياطاتنا..؟ " باست البنية " خلاااص حبيبتي لا تصيحين..

جفت البنية سكتت...لانها اصلن كانت تصيح صيااح دللع..

ابتسمت وانا اطالعها : تدرين اني مااا اداني اليهّال..بس هذي مادري ليش حبيتها..!

ضحكت ريم : والله حتى اناا....سعوودوه اخوي كان مكرهني عيشتي " تنهدت فجاة " بس فدييته وحششني..

سكتنا...واظن كل وحده فينا تفكر باهلها...مادري لين الحين يدورون علينا..؟

قطعت ريم افكاري : مريووم....تعاالي بنحاول مرة ثانية نعرف اسمها..

قلت بسرعه : لالا..تعبتت من كثر ما احااول....ماظن حتى تعرف اسمها..

ريم : يلاااا عاااد...والله خاااطري اعرف اسمها..

نزلت من ع السرير وتربعت عدال ريم وجدامنا البنية اللي تطالعنا باستغراب..

ريم مسكت ايدها : يااا حبيبتي ..ياا عمري انتي.....شووو اسمج..؟!!

طالعتها البنية وهي مااده بووزها..ههههههه كل يوم نعيد لها نفس الاسطوانة..

ريم تطالعني : شفييها هذي..؟

ضحكت عليها

ريم : يلااا قوولي شوو ا سمج..؟

البنية كشرت : جب..!!

شهقنا انا وريم...

ريم تطالعني بصدمة : جب مرة وحدددددده...!! ايااا مسوودة الويه.....مريووم هدييييني عليها..

ضحكت عليها...ودزيتها بعييد عنّا... : انتي خللج بعييد..انا بتفااهم وياها..

قلت : ياا حلوة...ياا امووورة....لحظة...لحظة..." رفعت صوتي " منوو يبااااا حلاااوااااا...

............." لا رد "

عطيت ريمووه نظرة....قفطتني...ما تحمست وياي..

ريم بغبااء : كنتي تقصديني.؟

طنشتها : منووووو يبااا حلاااوااااا..

ريم بصوت صمخ اذووني : اناااااااااااااااااااااااااااااااااااااا....

تكلمت البنية بصوت خفيف وبحماس : انااااااااا....

ابتسمت بنصصر : اللي يباا حلاااوة..يقوولي اسممه اوول"طالعت ريم " شوو ا سمج ياا حلوة.؟

ريم : اسممي ريمووووه..

قلت للبنية : وانتي يا عسسل.؟

البنية ضحكت : بدووووولي...

وااه...اخييرن نطققت اسمها...لحظة.؟

طالعت ريم باستغراب : بدوولي..؟ هالاسم من وين طلع.؟

ريم اقتربت اكثر من البنية بحماس : بدووولي..! مممم...يمكن دلع بدرية..؟ انتي بدرية..؟

هزت راسها بلاا

ريم : اسمج البندري صححح...؟

هزت راسها برفض وقالت باصرار : بدوووولي...بدووووووولي....

طالعتنا لفترة..ولما جافت انه مافي ا مل نعطيها حلاوة.....صدت عنا..وطالعت التلفزيون..

قلت بتفكير : هي اللاام عندها رر......

ريم : بدووووري..؟

ردت البنية بعفوية : هممممم..؟

ريم : بدوووووري....

البنية : هممممممممممممم...

ابتسمت : اسمها بدوووري...يمكن بدوور...او بدرية...

ريم : اهم شي عرفنا اسمها....خخخخ كنت بتهور وبسميها ع كيفي..

،

مرت ساعتين...ونحن نفس الحال..

نفس كل يوم..

ما نعرف شو نسوي..

محمد ومنصوور..ما جفناهم من بعد هذاك اليوم

مهمتهم هالمرة طوولت..

احسسن..ولو يكونوا ماتوا فيها يكون افضضل...!

ريم صرخت بملل : ياااااااااربي....بمووووت...بموووت فـ المكاان من الملل..!!

مسكت ايدي تترجاني : بلييز ...بليييييز مريووم خليني اطلع....بتحوط فـ هالمكااان....بموت فهالغرفة الكئيبة..وبعدني ما اكتشفت هالقصصر....تراا بنجلط لو ما اكتشفته..

رفعت حواجبي : حلفي انتي بسس...قلتلج ماشي طلللعه برووحج..وانا ماقدر اطلع واخي هالياهل بروحها هنيي..بعدين انتي اذا طلعتي تييبي لنا مصيبة..

ضحكت لما جفتها تشدّ شعرها بغيض...

ريم : يعني شوو اسوي بعمممري......!!

قلت بجدية : ريمووه...انا ما اثق فـ ولا واحد هني.....انتي الحين لما تطلعين وتاخذين راحتج...تحسبينهم ما يدرون عنج.؟ لا تقولين هم بعد شراتنا....ومادري شو...ترا عادي سالفة بدووري تكون عند محمد ومنصور..حبيبتي هذيلا مجرميين...كل شي توقعي منهم..هالخدم اللي مرابعتهم ..خللج بعيدة عنهم..

جفتها بوزت : مريوم انا بطلع من هنيي..وانتي تممي عند بدووري...

كنت بقاطعها بس كملت بسرعه : لا تخافين عليّ...والله ترا الشي ما يخوف مب خطير..

ما رديت عليها....الحين اخليها .؟ ولا لا.؟

قلت باستسلام : اوك..انا وانتي بنظهر...بس تريي لين ما بدووري ترقد..

جفتها استاانست..وبسرعه سحبت بدوري وحطتها ع السرير وبندت الليت..

،

بعد ما كانت ريمووه شوي وتصيح..خخخخ رقدت بدووري اخيرن...

لحفتها عدل..

طالعتني بحماس : يلااااااا...

.

فتحت الباب بهدووء...ورااقبت المكان بحذر..

تفاجات لما دزتني ريم..

وظهرت..!!

ريم بثقة : شفييييج انتي ..عااادي حبيبتي..امشي ولا كأنج مسوية شي..

طالعتها بنص عين : قلتلج لا تاخذين راحتج بزياادة........انزين الحين قوليلي...وين نروح..؟

ريم بتفكير : ممممم ...انا ابي اكتشف الباركنات..يمكن نحصصل مكان نشرد منه..بس اللفت ما بيفتح الا ببطاقة....والبطاقة مب عندنا..

تكتفت : انزين يا حلوة..ومن وين بنييبها..؟

ريم : بنتريا حد يدخل اللفت وبندخل وراه بسرعه..

طالعتها وانا مب مقتنعة : انزين يلااا..

رحنا ويلسنا ع الكراسي اللي قريبه منه..

مررت دقيقة....دقيقتين.....ثلاث......ربع ساعه...

قلت بطفر : ريموو يالمعفنة محد ياااا...

ريم : مااعلييج تريي الحين بييون..

مرت نص سااعه....

وقفت وانا خلاااص ملييت من الخااطر..

ريم بوزت : ماادري ويينهم مسوديين الويه..

قلت : تعاالي بنروح ندّور فـ مكان ثاني..

ريم : اووكي......بس لحظة....خلينا نروح تحت للسجن اوول....!

مآآدري..نرووح ولا لا....؟

هو الصراحه ابي اعرف شو صار عليهم..

بس اخاف حد من الحرّاس هناك...

جفت ريموو مشت عنّي...: شكلج مطوووله..انااا راااااااايحه..

تأفففت ومشيت وراها..

,

نزلنا تحت بحذر..

فتحت ريم الباب...

دخلنا راسنا...

.

هدوووووووء....!!

دخلنا وبندنا الباب..

ريم بهمس : مافي ليتات محترمة هنيي..؟ ماجووف عددل..

ضربتها ع راسها بخفه : ليش انتي ياية قاعه عرس ولا شو..؟

ريم رفعت صوتها شوي : عمّ عزيييز.....عمي عزيييييز....

قلت : وين كانت زنزانته..؟

....: هلا.... بنآآآتي...

ابتسمنا ورحنا لزنزانته بسرعه..

ريم بفرحه : عموووووو....

قال بلهفة : هلاا وغلا ببنآآآآتي.....وينكن...!! ما شفتكن من زماااااان..طمنوني عليكن..

قلت اطمنه : نحن بخيير...لا تحاااتي....انت شخباارك..وكيف صحتك..!

قال : الحمدالله ع كل حاال....

ريم راحت للزنزانة اللي عدالها وقالت بحمااس : عمووووووه ...!! ياااااا حيي هالشووووف..

ضحكت بخفه : الله يحييييج..هلاا ببنيتي..

ريم : يعل هالضحكة دوووووووم....شخااارج وشعلوومج....شهالزيييين..." ضحكت " محلّوووة...!

قالت : الحمدالله..ناقصني شووفتج يعلني فدااااج......ههههه اي زييين....!!

ريم تتنهد بتمثيل : آآآآآآآآآه..وييينك ياا عزيييز تجوووف هالزييين...!

ضحكنا ع خبال ريم..

عم عزيز بجدية : هاه يا بنتي...شو آخر الاخباار.؟ و المجرمين..ويينهم..! لايكون أذوكم بشي.؟

قلت : الحمدالله عموو نحن بخييير...

عم عزيز : انا مستغرب منهم..كيف مخليكم ع راحتكم فـ هالمكااان..؟

يلست مقابلة زنزانته : مآآدري ياعمي..انا بروحي مستغربة..كيف يخلّونا ع راحتنا..غير انه من زماان ما جفناهم...ولما سالت ريم عنهم..قالولها فـ مهمة..

تكلمت العمّة :يا بنااتي...والله اني خاايفة عليكن منهم...ودّي تتمون عندنا هنيي...ولا تظهرون من هالمكااان..انتن بناات..وينخااف عليكن..

ريم دقت صدرها : افاااا عموووه....صح نحن بناات...بس ترانا عن عشر ريااييل...

بطلت عيني ع وسعهن لما جفتها تظهر المسدس....بسم الله...هذي متى خذته..!!

ريم تراويه العمّ عزيز وحرمته....وبحماس : خللهم بس يقربوا صووبنا...

شهقت العمّة بخوف..

قال العمّ بتوتر : من ويين خذتيييه...!!!!!

تربعت ريم بين الزنزانتين...وجفت كل اللي في الزنزانات الثانية يراقبونا بحماس..

ريم : الله يسسسلمك....مرة كنت استكشف...وجان احصّل مخززن...ملياااااااااان اسلحة..وخذت هذا..

العمّة بخوف : وحد عرف انج خذتيه..؟

ريم بثقة : عمووه لا تخاافين...حتى ولو عرفوا..ترا الخدم واللي يشتغلون هني..اغلبهم ربعي...

يااا سلام ع الثقة...!!

العمّة باصرار: انا اقصد الاثنين اللي خطفووكم...!!

ريم بلا مبالاة : هذيلا خليهم اييون اوول.....بعديين تراا انا مخبية المسدس..

هزّ عم عزيز راسه باسف : والله اني خاايف عليكن...!

سمعت واحد من المسجونين تكلم : صدقيني لو جافوا المسدس على طول بتموتين..

ريم بتحدي : تقصد انا بموتهم...!

هزيت راسي بيأس من ريموه وتهورها..

طالعت فيهم كلهم....الحين ريموه تقول...ان فيه باركنات تحت....واكيد فيها المخرج..

معقولة نقدر نظهّر هذيلا كلهم..؟

مستحييل محد يلااااحظ..!!

بس كيييف..؟ كيف نقدر نساااعدهم.؟

،

لحظة..!!

يتني فكرة..!!!!

ابتسمت وانا كللي أممل......ياااااااارب تنجح..!!!!

وقفت : سمعوووووووووني......!!!

لما جفتهم منتبهين معاي....

كمّلت : في طريقة واحدة...نقدر فيها نطلعكم من هنيي..

عمّ الهدوووووووووووء...!

بعدها.....سمعتهم يردّون عليّ..

...: شوووو هي...؟

..: كيييف..؟

...: بنطلع من هالمكاااان..!!

قلت : هي مب اكييدة 100% بس الاكيد اني احتااج لمساعدتكم... الاهم نتعااون ويا بعض..

لما جفتهم متحمسين..ومستعدين يساعدونا....

قلتلهم عن الخطة...

،

بعدها..

لمحت ابتسامات الامل من ورا قضبان الزنزانات..

حضنتني ريم بحماااااس : اووختي عبقرية..!!! يلااا خلينا بسرعه ننفذ الاشياء اللي علينا..

.

ودعنا العم عزيز ومرته...والباقي..

//

وبسرعه طلعنا..

،

ريم : اول شي لازم نسرق لنا بطااقة.....وو نكتشف الباركنات...و نروح مخزن الاسلحة...

مريم : انزين...بس المخزن..؟ يمكن مقفل بالمفتاح.؟

ريم : لا...اذكر ان الباب ينفتح بالبطاقة.....سمعي البطااقة اهم شي..!

مريم : اووك.....امشي بنروح نجووف من وين بناخذها...

ريم : لحظة..لحظة.....الحين لازم تكون عندنا خطة عسب نسرقها " همست " جووفي..عندنا خياارين....يااا نقتل واحد منهم ونسرق بطااقته...او نسرقها من دون قتل..

طالعت فيها بصدمة...هالبنت صار تفكيرها اجرااااامي...!

قلت : خبلة انتي..!! كيف تقتلييين....!!!

ابتسمت بشرر : انا من خذت المسدس وهالفكرة معشعشة برااسي..

سحبتها من ايديها : امشي جدامي اجووف...بنروح نفتش الغرف..

وقفت...: حلفي انتي بس..؟ ليش مالاحظتي ان اصحاب الغرف لازم يدخلون غرفتهم بالبطاقة..

يااااااا هالبطااقة اللي طفرتني..!!

قلت بنفاذ صبر : انزيين يالشيخة ريم........والحل..؟

قال ببساطة وهي شاقة الحلج : نقتل...

مسكت رااسي : ريموووووو مو وقت الاستهبااااال....

ضحكت : انا ما استهبل " تخصرت " يعني هم عادي يقتلونا..ونحن لا.؟

مسكت اذوونها : لييش هم قتلوووج..!!!؟ لما يقتلونج ..اقتليهم ونتفييهم..

بعّدت ايدي : موولت علييج من توأم..الحين لازم يكون تفكييرج شرااااااااتي...!! لازم تتحمسين وياااي..

قلت بنرفزة : لا اسمحيلي يا توأمي العزيز..لما يكون تفكيرج صح..وعقلاني شوي..بفكر نفسج..لكن مشكلتج متهوورة..!!

طالعت فيها.....سرحاانة ما كانت تسمعني...

مطنشتي اللي ما تستحي..

ريم تكلمت فجأة : يلا الموهيم..خلينا نحصّل حد عنده هالبطاقة...

مشييت وراها بيأس....هذي بتييب نهآيتنا..

يتبع ,,,,

👇👇👇

تعديل المقال