رواية همس الموت - Whisper Death ™ - 39

رواية همس الموت - Whisper Death ™ - 39

نفسج..لكن مشكلتج متهوورة..!!

طالعت فيها.....سرحاانة ما كانت تسمعني...

مطنشتي اللي ما تستحي..

ريم تكلمت فجأة : يلا الموهيم..خلينا نحصّل حد عنده هالبطاقة...

مشييت وراها بيأس....هذي بتييب نهآيتنا..

تجولنا في الممرات...نبحث عن هالبطاقة المشؤومة..

,

فجأة سحبتني ريم وانخشينا..

قلت بهمس: شفييج...حصلتي حد..؟

قالت بحمااس : اوووووش...جوفي هالحرمة اللي طلعت من الغرفة..

تأملت الحرمة ..قصيرة...ضعييفة....وشكلها من الجنسية الآسوية..ملابسها سوودا وعلى رقبتها سكارف خفيف....و بعد ماظهرت..حطت البطاقة فـ جيب قميصها..

ريم : قومي بنروح لها...

مسكت ايدي ريموه...

ما عرف شو مخططه له...بس بمشّي وياها..

رحنا للحرمة..

ريم : هآآآآآآآآي...هآآو آر يو.؟

الحرمة باستغراب : فآآين...اند يو.؟

ريم سكتت شوي..عقب قالت ببرائة : أم فااين....امممممم....اي نييد هلب...!

وقفت وانا احاول تكون ملامحي شرات ملامح ريم اللي يالسة تخرط ع الحرمة..

،

قالتها انهم موصينها تروح تحت وتبا مسااعدة ومادري شوو..

الحرمة ترددت..وقالت انها مستعيلة..

بس عااد شو بيفكها من ريمووه...هههههه..

كنت مااسكة ضحكتي وانا اجووف ريموو تترجاها..

بس اخييرن واافقت..

مشت ريم..ومشينا وراها انا والحرمة..

ريم صدت ع الحرمة وبابتسامة : اوو..سوري....وتس يور نيم..؟

الحرمة ابتسمت : انجليينا..

ريم طالعتني : ههههه والله لطلع عيوونها...

رفعت حواجبي ..شتقصد هالخبلة..؟

نزلنا تحت...

للـسجن...!

وقفت الحرمة بارتباك : سوو...ري...أأأ..مم..

مسكت ايدها ريم : انجليينا...ليتس قوووو..

طالعتني الحرمة بشك....ابتسمت اشجعها..ههههه..

دخلت ورا ريم بتردد..

وريم تمشي ولا عليها...

جفت العم عزيز والباقي يطالعونا باستغراب..

.

لين ما وقفت ريم لآخر زنزاانة...وكانت فااضية..ومظلللمة..!!

تذكرت هذاك اللي مات فيها...!

فتحت ريم الزنزانة اللي قفلها مفتوح..

وتمت تتكلم ويالحرمة..وتأشر لها داخل..

جفت الحرمة تطالع المكان..وتحاول تفهم شو اللي تبا منها ريمووه..

.

لمحت غمزت ريم ..

قرّبت من الحرمة..وكمّلت مشوار ريم في الخرط..

.

وقفت ريم ورا الحرمة...

ابتسمت اشجعها...عسب تدزها داخل ونقفل عليها..

بس تفاجات لما ظهرت المسدس...

لااااا..

بطلت عيوني فـ ريم..هيييييييي..هذي شوو نااوية علييييه....!!!

اشرت لها بعيوني..ابيها ترجع المسدس..

بس طنشتني..

صوّبت ع راس الحرمة من وراا..

ماقدرت اتحمل..صرخت : ريم لااااااا...

صدّت الحرمة وراا...

وو

طآآآآآآآآخ..

بسس مب صوت الرصااص...

صوت المسدس وهو يضرب راس الحرمة..

طاحت الحرمة ع الارض متألمة...مادري مغمى عليها..

مسكت قلبي احاول اهدييه..

خررعتني المعفنة...ع بالي بتقتلها صدق..!!

جفت ريم تضرب راسها مرة ثانية...لين صدق اغمى عليها.

قلت بتوتر : بسس....ذبحتييييييها...!!

ريم تتنفس بسرعه : يلا سااعديني...بندخلها داخل..

قلت بخوف : ريمووه....تخيلي يعرفون عنها.....الا اكيييييييد بيعرفون....شو بنسوي ..!!

ريم بنفاذ صبر : مريوووم....سحبييها وياااااااي...مب وقتج...

سحبناها ليين اخر الزنزانة فـ الظلاااااااام...

خذت اسكارفها.....ولفيته ع حلجها..

ويابت رييم السلاسل الموجودة..ولفتها عليها..

حسيت ان نحن صدق مجرمات..

قلت : ياارب ما يكشفونها..

ريم بتعب : يلا بسسرعه خلينا نظهر من هني...

خذيت بطاقتها...وشنطتها..

وظهرنا بعد ما قفلنا الزنزانة..

عمّ عزيز : بسرعه ياا بنااتي ظهرن قبل ما اييون..

,

ثواني وظهرنا من المكاااااان...

ردينا الغرفة..

بعد ما دخلناها..

يلست ع الارض وريووووولي ترتجف...

شوو سوييييييييييينا...!!

ريم بخوف : مريووم...نحن سوينا شي..؟

ياااربي ع هالبنت..

تووها تستوعب...

طالعتنها بدون ما أرد....

ريم بجدية ولأول مرة : مريووم..نحن لازم نطلع من هنيي.." سكتت شوي " يااااربي..ليتني قتلتها ولا أتمّ بهالخوف..

بققت عييني..شفف هذي...الحين مب خاايفة لانها ضربتها...وحبسناها..

ريم بحسرة : لا تطالعيني جي...ع الاقل كنا نضمن سكووتها...

//

بعــــد شهـــــر

،

فجــــر

،

تأملت شكلي فـ المنظرة...

احس بديت اردّ فجر ..

تحسست ويهي...كنت خاايفة تطلعلي لحية..!!

بس الحين بما ان الدكتور يحاول ينظم هرموناتي ماظن تطلع..

تنهدت برااحه..

رديت اقعد السرير..

خذت الكتاب اللي يابه لي الدكتور مروان ..وفتحت ع الصفحة اللي وصلت لها..

وبديت اقراا..

،

بعد ربع سااعه...

جفت الدكتور مروان دخل..

ابتسم لي...ويلس ع الكرسي بتعب..

كتبت له في الفون : خلصت مناوبتك...؟

قال براحه : هيييه...مااا بغييت...

ابتسمت على شكله التعباان...

.

صار بعد ما يخلّص اشغاله مع المرضى ومناوبته..

يقعد عندي لين بالليل وعقبها يرد البيت..

صحيح ما يتكلم وايد وياي..وهالشي ريحني واايد واايد..خاصة انه ماتدّخل فاي شي يخصني..او سال عنه..

احس برااحه لما يكون موجووود...

نزلت عيوني بسرعه لما حسيته انتبه لنظراتي له..

قال : في شي تبين تقولينه..؟

هزيت راسي بلاا....

بعد شوي ... كتبت له : شكــــرا....!

خذ الفون منّي...وابتسم...وجفته يكتب فيه..وردّ يعطينياه..

: على..؟

رفعتي نظري له....

عقبها كتبت : على كل شي....

خذ الفون ....وردّه لي : لا تشكريني ....لاني ما سويت لج اي شي..

رفعت حواجبي ...كل هذا ماسويت شي..!

يكفي انك حميتني من يوسف..

تكّلم : لما اظهرج من اللي انتي فيه.....واجوفج تبتسمين من خاطرج...ذيج الساع اشكريني..

.

نزلت راااسي....

شو اللي بتظهرني منه بالظبط..؟

بترد لي حيااتي القبلية.؟

بترد لي علي..؟

بدووري..؟

اهلي..؟

تنهدت و كمّلت قراءة الكتاب..

،

مرت نص ساعه..انا اقرا الكتاب..والدكتور يكتب فـ اوراقه..

،

قطع الصمت فجأة : ما تبين تتكلمين..؟ " ضحك بخفه " ما اشتقتي لصووتج..؟

تفااجات...!

اتكلم..؟ لا ابدن..

صووووتي...!

اشتاااااق له..!

هه.....انت ماااسمعته عشان تقول اشتقت له..

هزيت راسي برفض قاطع..

رفع حواجبه بتعجب : أفاااا لييش...! ماتبيين صووتج يررد..!!

نزلت نظري لـ غلاف الكتااب..

لما كنت محتاجة لصوتي فـ اشد الاوقاات ما طلع..

خلااص..تعّودت اكون صاامته..ولو ما اسمع يكوون افضل..!

ماريد احسّ بهالدنيا..

،

انتفضت لما سمعته يقول بجدية : ما تبين تقوليلي انتي منوو.؟ واهلج وين..؟ وتفهميني حالتج هذي..؟

توني امدحك..!!

مارديت عليه....

الدكتور مروان باصرار : فضفضي لي..صدقيني....بتساعدين نفسج..وو....بعدين انتي مب واثقة فيني..؟ انا وعدتج.!...وعدتج اووووقف وياااج للنهااية..

صديت عنه...

ع كثر ما ارتحت لهالدكتوور...ع كثر ما تحسفت اني تعالجت عنده...

خاايفة عليه من يوووسف والمنظمة...

مابي يصير له شي..

وو

مابي اتعلق فيه..

الدكتور مروان : انزيين فهميني ليييش ما تبين تقوليلي..!!

تنهدت.....وكتبت : لانه احسن لك ما تعرف شي..

قال بانفعاال مفاجىء: قلتلج مهمااا يكون ...بوقف ويااج..

خفت منه...ووهزيت راسي برفض..

جفته تنهد.......بعد ما هدا قال باستسلام : ع رااحتج...

بعدها....

وقف.....وظهر....!

عضييت ع شفاااايفي...

انا ابي مصلحته..

مايهمني لو زعل...

اهم شي ما يصير له شي بسببي..

،

انسدحت وحطيت ذراعي تحت راسي..

الحين لين متى بتم فـ المستشفى..؟

لين متى بهرب من يوسف والمنظمة...؟ مع اني ادري انهم يقدرون ياخذوني بالقوة..!

وموت علي..!

كيف اكشف لهم الحقيقة...؟

تنهدت.....مآآآعرف شوا سوي .....ابي حد يساااعدني..

شهرزااد..!!!

ويينج يا شهرزاد..!

وعدتج انفذ الانتقام ويااج....بس كييف...كيييييييف...!!

.

يلست وسندت ظهري ع السرير..

لازم اطلع من هني..!

مسكت فوني....بروح لـ شهرزااد...

هي الوحيدة اللي ممكن اثق فيها..

.

دورت اسمها بين القائمة....وو دقييت عليها..

.

.

مغلق..!

دقيت مرة ثانية......بس بعد مغلق...

تأففت....بس لحظة.....اذكر طرشتلي مسج...و من رقم غريب..

بسرعه فتحت المسجاات..وانا ادعي انه ما انحذف...لانه موجود من شهر..

.

تنهدت بارتيااح لما لقيته...

فتحته بسسرعه...

نسخت الرقم.....

.

يت عيني ع المسج.....

لما قريته ...تذكرت الريّال هذا اللي قالتلي عنه شهرزاد...

حمد..؟ منو هذا...!؟

بيساعدني فـ حل قضية علي..!!!؟

وليش شهرزاد قالتلي عنه وكأنها واثقة فيه..!!

بسرعه دقيت ع رقمها هذا......................وو نفس الشي مغلق...!

رصيت ع الفون بقووة..

معقولة بتم اتريا شهرزاااد..؟

فتحت المسج مرة ثانية..............وو دقيت على حمد....

طووووووط...طووط طوط......: آآلوووو....

بلعت ريجي لما سمعت صوت الريّال..

..: آآلوووووو..؟

بندت بسرعه....

حطيت ايدي ع خدّي....يمكن هو يعرف سالفتي وسالفة شهرزاد.؟

بس..بس اخااف يكون من المنظمة..

لالا

مستحيل يكون من المنظمة....ولا شهرزاد ما بتقولي عنه..

.

فجــر...خللج قووية....لا تخاافين من حد......وشو بتخسرين لو جربتيه..

يمكن بيسااعدج...

ترددت اكتب له مسج....ولكن في النهاية طرشتله " انا من طرف شهرزاد....ممكن تقابلني بـ مستشفى الـ ****...الغرفة ***....الموضوع مهم "

دقاايق....ومسج وصلني...

" تعرف شهرزااد...!! اكيييد..الحين اقابلك...ربع ساعه وأكون عندك "

رفعت حواجبي بتعجب....

ليش تفاعل بدون ما يدري عن الموضوع اللي بقوله عنه..؟

لا وقال بيي.من دون ما يعرف منو انا..!

.

شديت ع قبضتي اعطي نفسي قوة للمقابلة..

،

،

بعد ساعه..

سمعت دقّ خفيف ع الباب....

.

بلعت ريجي بخووف....يااربي انا ليش وهقت عمري..

وين الدكتوور مرواان...ابيه يكوون ويااااااااي...

مسكت الجهاز بضغط ع الزر عسب ايي ...

.

فجر...يالخبلة.....! شو تسوييييييييين...!

خلللج قوووية ما بيسوي فيييج شي...

.

سمعت صوت االطرقات ترتفع شوي....عقبها انفتح الباب شوي..

..: أأأ.....احم....السلام عليكم......في حد هني..؟!

طالعت الباب بترقب...اترياه يدخل...

لما جاف انه مافي ا مل حد يردّ عليه...

دخل...!

حطيت ايدي ع صدري احاول اهدّي دقات قلبي...

لمّا جافني..تفاجىء....قال باحراج : أأ آآآسف...!!"قال يبرر" بس دقيت الباب وحد ردّ عليّ...!

دققت فـ شكله...حسيت براحه شوي...من لحيته اللي مطولنها شوي..وملامح ويهه الطيبة..

قال بشك : أأ مممم...انت فارس صح.؟ " ابتسم " قريت اسمك ع الباب.....بس مادري اذا انت الشخص اللي بقابله او لا...

هزيت راسي بعد تردد بـ هيه..

قعد ع الكرسي القريب مني..

ضحك بخفه وقال :تدري اني دخلت غصبا عنهم...! الممرضات منعوني...قالوا ممنوع الزيارة الا بموافقة الدكتور....وعااد دوورت هالدكتوور وماحصلته.!

وقررت ادخل بالدّسة..عسب جذي تأخرت شوي..

ابتسمت بتوتر له....

بس تفاجات لما جفت ملامح الجدية اللي ارتسمت ع ويهه..

قال بدون مقدمات : شو تعرف عن شهرزاد..؟ ووينها الحين.؟ وشو الموضوع المهم..؟

حطيت عيني بعينه....عقبها كتبت له : شهرزاد هي اللي دلّتني عليك..

لما قرا..تفاجى اول شي : لحظة...انت ما تتكلم..؟

هزيت راسي بـ لا...

سكت لما قرا الكلام عقب قال : دلّتك عليّ...؟

هزيت راسي بـ هيه.....

لحظاات صمت...

،

عقب كتبت بتردد : .....اقدر اثق فييك..؟

لما قرا ...طالعني بتمعّن...........: أأ..اخمّن ان الموضوع يخص المنظمة..؟

ارتحت....هذا دليل انه يعرف كل شي..

هزيت راسي بالموافقة..........وو....قلتله كل الساااالفة...!

،

في البداية انصدم لاني بنية..!

بس لما قلتله سوالف المنظمة..ما فاجأته وكأنه متوقع منهم هالشي..

بعد ما انتهيت...هز راسه متفهم : من زمان وانا ابي اعرف عنهم..من بعد ما صار لي حادث بسببهم..وبعد لما عرفت سالفة شهرزاد..." سكت شوي "..هذيلا محد يستهين فيهم..

هزيت راسي مؤيدة كلامه..

حطّ ايده ع ذقنه بتفكير : قلتي تبين اساعدج فـ قضية موت علي..؟

علقت نظري عليه بأمل....

.

وو

بدا يخطط وياي..

،

قال بجدية : اول شي لازم نروح لموقع الحادث...ونحصّل ادلة ونثبت انه مات مقتول...." سكت شوي " تدرين....لو قلتيلي من قبل..كنّا ع الاقل طلبنا تشريح للجثة مرة ثانية.....اما الحين لو قلنالهم..ماينفع يظهرون الجثة من القبر....لانها خلااص...تقريبا تحللت..

اعتصصر قلبي لما قال تحللت.....جثة علي ما بقى منها شي....

شديت ع قبضتي بألم....

بسرعه قال : بس ان شاءالله نقدر نحصّل ادلة...مهما ارتكب القاتل جريمة...لازم يكون فيه دليل ضده..!

ظهّر ورقة وقلم... : بنخطط شو بنسوي.....طبعا لازم يكون الحذر هو الاهم في خططنا....

الحين...اللي تعرفين انهم من المنظمة....قلتيلي ابراهيم..مدير النادي...والمدربين..يوسف و ستيفن....وسليمان هذا اللي ويا شهرزاد...

هزيت راسي بـ هيه..

كمّل : اوكي....اما عن اللي قتل علي....انتي تقولين يوسف...بسبب تهديده السابق...وماعندج اي ادله تثبت انه قتله...

عضيت ع شفايفي ...وهزيت راسي بالرفض..

حمد : والشرطة اشتبهت بـ عمر انه هو السبب ف الحريق اللي صار..وما قصد موت علي..

خلينا من هذا....وقوليلي عن اللاعبين.....امممم فهد و جاسم و عمر...هذيلا اللي لاحظتوا عليهم انهم يتعاطون المنشطات..انزين....عندج دليل..؟

كتبت : نفس ما قلتلك..انا لاحظت عليهم آثار المنشطات فـ لعبهم...اما الشباب خليفة وسالم و ناصر وسيف....لقوا آثار على ذراع فهد..اما الباقي مادري..

حمد : مممم....اهااا...." كتب ع الورقة " المشتبهين بهم : عمر..يوسف..وو فهد...!

عقدت حواجبي كتبت : فهد..؟ لييش.؟

حمد بجدية : انتي مب قلتي ان اللي جافهم علي في المستودع كانوا هم اللي يتعاطون....؟ والمتأكدين انه يتعاطى هو فهد..واحتماال هو اللي قتله..

هزيت راسي برفض قااطع كتبت : مستحيل فهد يقتله....انت ما تعرف...فهد تراه ربييعنا...ومهما سووا مستحيل يقتل ربييعه...!

قال بتفهم : فاااهمنج...انا ماقلتلج هوو القاتل....قلت هو مشتبه به..!

عفست ويهي ...حتى ولو..!

كمّل : المهم....الاهم بعد كل هذا....الاستجواب بطريقة غير مباشرة...

عقدت حواجبي باستغراب ..كتبت : كييف..؟

قال : جوفي....هنيي خليج ذكية..واستجوبي كل من كان موجود فـ هذاك اليوم..بس من دون ما يحسّون....يعني مثلا....اسالي اللاعبين اللي وياج..! منو كان موجود وياهم في وقت الاستراحة..؟ وبعد نهاية المباراة.....يوسف وين كان.؟ وكل واحد شو كان يسوي.؟

ترا اعتمد علييج فـ هذا....اي كلمة صغيرة ممكن تكون الخيط اللي بيوصلنا للقاتل..

كتبت : ان شاءالله.........بس اهم شي يووسف....مابيه يعرف عنك اي شي..

ابتسم بثقة : مااعليج..نحن بنخطط من بعيد لـ بعيد ومن دون جد ينتبه...و.بكون حذر ان شـــ.........

نقزت من الخوف لما قطعنا...اقتحاااااااااام الدكتور مرواااان...

دخل وهو يلهث....

طاالعني بخووووف...

عقبها...

التفت بسرعه لحمد وهو معصصب وصرخ عليه : انت منوو قاااالك تدخـل والممرضات قالولك ان الزيـــ......

سكت فجأة..وهو يطالع حمد بصدمة...!

وقف حمد متفاجىء...!

الدكتور مروان : حـ...حمد..................!

حمد طالعه بصدمة...عقب ابتسم بفرحة ورااح للدكتور مرواان..

حضنه بقوة : مروااااااااااااااااااااااان...!!

الدكتور مروان وبعده منصدم : انت حمد..حمـــــد!! مب مصصدق...!!!!

حمد ابتعد عنه وقال بشوق : اخيييرا..! اخيييرا التقيينا..!!!

الدكتور مروان بابتساامة عذبة : ماابغيت اشووفك..!! توقعت ما نلتقي ابدا...

تفااجات بالقووووو....حمد...! والدكتور مروان..!! يعرفوووون بعض....!

شـ هالصدفة..!!

حمد ضحك بخفه : ورببي مب مصصصدق...!!

الدكتور مروان بعتاب : لا تصدق ولوم نفسسك...تختفي فجاة من دون ما تقولي..وتطلع فجاة..وترجع تختفي...ياخي مب حاالة هذي...

حمد حكّ خشمه باحراج : آآآآآآآسفين يالدكتوور...حقك علينا...انا غلطاااان " بمزاح " بتسامحني ولا اختفي مرة ثانية..

شدّه الدكتور من قميصه : اقوووول امش برااا....قال بيختفي....ترا بقص ريولك..ولا بحجزك هني في المصحة...

ضحك حمد بقوة...: شكلك حاااااقد عليّ وبالقوو...

الدكتور مروان ابتسم : فوق ما تتصور......." سكت تذكر شي " تعاااال انت....شو كنت تسوي عند مريضي..؟ لا وداخل بالدس بعد...!

حمد شقّ حلجه : يااخي لاعب مشهوور وما تبااني اعرفه عليّ....

الدكتور طالع فيني وضحك بخفه : فرّووس.....لايكون ازعجك...؟

ابتسمت ع فرّووس......وهزيت راسي بـ هيه....ههههه نذالة...

الدكتور مروان بنذالة : اروااايك فييه.....

شدّه من قمييصه لبـراااا....

لحظة..

عقدت حواجبي.....حمد.....لااا...مابيه يقوول للدكتوور شي...!!!!!

طالعت فـ حمد اللي سحبه الدكتور لبرا الغرفة...

سمعت صوته يقول : ترياااا...شفيييك انت تسحبني جنّي حماااار...!

ضحك الدكتور مروان بقووة.....

حمد : تريااا ....باخذ توقييعه وبرد لك.....اففف منك......فشلتني جدامه...

دخل عليّ حمد واقترب منّي.....عطاني دفتره ومسكت القلم بوقّع....لمحت الدكتور مروان واقف عند الباب ويراقب بابتسامة..

حمد : يلااا فرّوووس...صرنا ربع...عاد تحمّلني...كل يوم بزووورك...."همس لي لما خذ الدفتر " اللي بينا بيبقى سررر..

تنهدت برااااحه....وابتسمت له...!

ودّعني..وظهر مع الدكتور مروان...

//

امّا عن أعضاء المنظمة....

،

سليمان

يكاد يجنّ لـ فقده شهرزاد....وهو قلق بشأن معرفة المنظمة لاختفائها...

وقد ابقى الامر سرا....وجاري بحثه عنها..

,

يتبع ,,,,

👇👇👇

تعديل المقال