رواية همس الموت - Whisper Death ™ - 40
سليمان
يكاد يجنّ لـ فقده شهرزاد....وهو قلق بشأن معرفة المنظمة لاختفائها...
وقد ابقى الامر سرا....وجاري بحثه عنها..
,
إبراهيم..
اعطى للنادي اجازة لمدة اسبوعين بسبب الاحداث الاخيرة التي حدثت...
وحاليا جميع اللاعبين يتدرّبون...ولكن ينقصهم 3 لاعبين أساسيين...فارس/ عمر / علي..
،
يوسف..
لم يقم بأي خطوة اخرى تجاه فجر القابعه في المستشفى....ولا يعلم ما السبب..
مع علمه انه يوحد احتمال كبير باكتشاف سرها...وربما سرّ المنظمة ايضا...!
و مكوثها في المستشفى اكثر...يعني احتمالية عودتها الى ما كانت عليه...!!
وربما الاخيرة راقت له اكثر..!
//
//
ريـــــــــم
،
بعد منتصف الليل
،
الحين انا ومريم ومنصور ومحمد في المروحية...متجهين للمهمة..
بتقولون اي مهمة.؟
بقولكم شو الاشياااء اللي صاارت في الشهر اللي طااف..
،
بعد ما حبسنا الحرمة انجلينا....محد عرف عنها....وتسللنا لداخل غرفتها....بعد ما هرّبنا الاسلحة...وخشّيناها فيها..
الموهيم..مر يومين ع هالحال وحد عرف عنّا اي شي...
.
لين ما جفنا عامل...وحسينا فيه يراقبنا...
بعدها عرفنا انه من عند شهرزاد...و ياي يطلعنا من هني..
هذاك اليوم كانت الفرحة ماليتنا...
.
فهّمناه وضح السجناء اللي تحت..وعن خطتنا..
بس رفض نعطي السجناء اسلحة....بسبب ان المنظمة تفوق عددهم...
وثانيا بسبب حالتهم...اللي ما تساعد انهم يقاومون...
.
احتــرنا كيف نطلعهم..؟
بس اتفق ويانا نطلع على واحد واحد عسب محد يشكّ باختفائهم..
وطبعا اول شخص لازم يطلع من هني...
بدووري...!
خذ بدووري..وظهّرنا وقال بيي بعد كم يوم او اكثرعلى حسب اذا قدر يتسلل مرة ثانية..
.
انتظرناه يوم.....يومين.....اسبوع...اسبوعين...
لكنّ...!
تفاجأنا بـ محمد ومنصور اللي رجعوا من مهماتهم....
"
انفتح علينا الباب فجأة....ودخلوا الحرّاس....وسحبونا انا ومريوم لبرا الغرفة..
مريوم بعصبية : يالحقير لا تلمسني...بمشي برووحي..
بس هو سحبها بقوة..و طنش كلامها...
قلت : يالمتخلف..وين بتودينا...؟!!!
ماردّ عليّ....شففف...
وقفنا جدام الغرفة.........غرفة محمد ومنصور...فتحوا الباب..
ودزونا داخلها ..وظهروا....
جفت محمد مغطي ويهه بايده.....ومنصور مركزّ نظره على محمد
و ويوههم ما تبشّر بخير..!
منصور بنرفزه : انت اللي وهقتنا بتهوورك....قال شوو..! كراامتي اهم شي....الحين كرااامتك هذي شو فاادتنا...!!؟ كان اقل شي سويته قتلتهم من دون حد يحسّ...!!
" ضرب ايده ع الطاولة يبا محمد يتفاعل معاه " محمد....انت فاهم شو يعني الرئيس كان هني..!!! فاهم شو يعني هذااا....!!! يعني يباا مبرر..!! ومستحييل ماعرف بوجودهم...لانه طلبنا....يبا يجوفنا....!! شو بنقووله..؟ " قال بسخرية " لا تقول بتتخلص منهم الحين...لانه ماشي فاايدة...
بعّد محمد ايده....ورفع راسه يطالعنا..
تخرعت من عيووونه ومن ويهه المحمّر...!!
شـ ناوي عليه...؟
لايكون عرف عن اللي سويناه..!!!
طالعت مريوم اللي عرفت انها خايفة بس تحاول تخفي هالشي..
.
وبعدين انا ماجفت رئيسهم.؟
وماظن جافنا........لحظة..لحظة...يمكن جافنا من كاميرات المراقبة ومن دون ما ندري..
هيييي....لايكون جاف بدوووري و هذاك الريّال اللي يااا...!!
لا ان شاءالله...يااارب انهم بخيير...
لاااااااااا.......ولاّ لييش ما ردّ لنا...!!!!؟
عضيت ع شفايفي بتووتر....
محمد قطع الصمت : بيشاركونا فـ مهمتنا الياية....!
لحظااات صمت....كل اللي في الغرفة يحاولون يستوعبون جملته.؟
منصور بنفااذ صبر : نعـــــــــــــم..؟ لا ..! محمد انت استخفيييييييييت...!! لا تخبل بي رجااءن..." اشّر علينا " الحين تبا تقنع الرئيس....انهم شريكين ويانا في المهمات؟
لأ..لأ...انت مب صااحي....تبااا هاليّهال ويانا...لا وفـ اهم مهمة لنا..!
محمد بحدة : عيل عطني اقترااح بدل ما تقعد تتفلسف ع رااسي...!
منصور تكتف : انزين......واذا قال الرئيس شو كانوا يسوون عندنا طول هالمدة.؟
محمد ببساطة : يتدّربون...!
لحظات تبادلوا النظرات.....
بعدها تنهد منصور وقعد ع الغنفة..
منصور : على مسؤوليتك.....انا مايخصني بالنتايج...
محمد تنهد : اوك....انا بتحمّل كل شي...بس فـ المقابل ساعدني..
تكلمت مريوم وهي تطالعهم باحتقار : وليش نحن مالنا رأي..؟
رفعت حواجبي ع كلامها ...أي راي يا حلوة......احيانا مريوم تضحكني...يعني هالموقف تجوف ان لها راي فيه...!!
محمد طالعها ببرود : طبعا لا..!
تعبت من الوقفة...
رحت ع اقرب غنفة يلست وتربعت عليها....قلت بمصخرة : وأي مهمة يا أخوان.؟
محمد ابتسم بسخرية : لما تروحين لها ياماما بتعرفين...
قلت بعدم اهتمام : جوفوا من الحين اقولكم..اذا مافيها مسدسات وحركات...مابيي وياكم...!
جفت مريوم تخزني بنظرة...اووووف... ياويلي منها...
منصور طالعني بنص عين : تبين مسدسات وحركات....؟
كمّلت بحماس مصطنع : وقنابل ودبابات..وطيارات حربية.....وو..
محمد وقف و قاطعني : منصور...انا بروح للمقر بروحي..وااعتمد عليك...ع الاقل علّمهم كيف يمسكون المسدس...وفهّمهم الخطّة..
منصور وقف : بسير ويااااك...
محمد رفض: قلتلك بتحمّل كل شي برووحي...انت خلك هني...هي كلها يومين وبرجع...
" اقترب من منصور وحطّ ايده كتفه " اعتمد عليك....
انا ومريوم نطالعهم باستخفاااف...يااااربي ع الايثااار والصداااقة الحميمة..!
الصديق بيروح يتعااقب عوضاً عن صدييقه.....!
همست لمريوم وانا اضحك : موقف جمييل ومؤثر..! جذي الصدااقة ولا بلااااش...
عضيت لساني لما جفتهم يخزوني بنظرة محترمة...
تحمحمت..وشقيت الابتساامة..
اقتربت مني مريوم...وقرصتني من دون حد يجوف..
آآآآآآآآآآآآخ.....
همست : اصطلبي...!! " التفتت لهم وهي متكتفة " الحين يايبينا هني عشان تراوونا هالمشهد..؟
عطاها محمد نظرة...و ظهر...
منصور مسح ويهه بايده......وعقبها قال بأمر : يلا تعالوا وراااي...
طالعنا بعض انا ومريوم...... مسكت ايدي ورحنا ورااه....
"
،
وبعدها من هذاك اليوم و هو ومحمد يعلمونا اشياء تخص المهمة واللي لازم نسويه فيها..
واللي الحين نحن رايحين لها..
.
منصور براحه : زين ان الرئيس ما قال شي عنهن...توقعت يسوي فينا شي..
محمد : اصلا ما ياب طاريهن...بس لمّحت له ان ويانا شريكين في المهمة..
منصور يطالعنا بطرف عينه : الله يستر من هالثنتين..اخاف نفشل بسبتهن..
بطّلت الحزام...وقفت ....
مريم : وين سايرة..؟
قلت : بتحوّط...
مريم قالت بطنازة : ياربي من كبر الطيّارة.؟
ضحكت عليها..ورحت لكابتن الطيّارة...بلعوزه شوي..
جفت محمد ومنصور سكتوا لما جافوني مشيت من عدالهم..
رحت لكابتن الطيّارة...
قلت بابتسامة : كيييف الحااااال كااابتن....!
استغرب منّي بس ردّ : تمااام....." سكت شوي "..أي خدمة.؟
قلت وانا احاول اخفي حماسي : ترا انا اعرف اسووق الطياارة..." مسحت ع خشمي بخقة " مرة رفعتها فوووووق...
ههههه مادري شو يخصصه...اللي يقووول سألني..
ابتسم : يعني.......كابتن...؟
تشققت ع الاسم....
قلت بثقة : طبعا.....لاني اصلا كابتن...
خخخخ ازوين هو شو قاال اصلا..؟
أشرت ع مساعده وقلت بثبت له : بس خلّي هذا يقوم..واورييك كيف السوااقه الصح...!
ضحك بخفة..وقال لمساعدة على طول يعطيني مكاانه..
منصوور : وين تبيين.! شكلج ناوية علينا...
نقزت لما سمعت صوته وراي.....
طنشته ويلست مكان المسااعد بحمااس...
قلت بتكبر للكابتن : انت تعرف كل هالازرار شو وظيفتها...؟
ابتسم : اكييد...! ولا كيف صرت كابتن..؟
قلت بغرور : ايواا...ع باللي بعد......احمم " حركت ايدي بلا مبالاة ".....حتى انا اعرف...
هههههه كأن حد سالني...
قال بتشجيع : يلا بعطيج القياادة......استعدي...
قلت بغباء : هاه..!؟
هييييييي.... لايكون من صدقه هذا....؟
قلت اتهرب : لا عادي مب لازم....بس كنت ابي اراقب سواقتك كيف...
ضحك : انزين بس انتي شكلج عندج خبرة اكثر عنّي......يلا...عطيتج القياادة..
شهقت بخووف...ومسكت المقود بسرعه......
" همسة : اللي يبا يقعد ورا ريم ..يضغط هنا
"
قلت بخوف : و....وين ارووح....وو اي اتجاه احركه..؟
منصور وكأنه عيبته السالفة : مب الطريق عندج في الشاشة.؟ يلا يا كابتن...ورينا سواقتج ع قوولتج كيف...
ضحك الكابتن وعقب قال : روحي 30 درجة ع اليمين...وعقبها اثبتي ع خط مستقيم..
بلعت ريجي...اي ثلاثين درجة اي خرااابيط...!
قلت وانا اسوي روحي فاهمة : اووكي....بس ماجوف شي...شغّل الليتات اللي برااا..
ما سمعت الا صوت ضحكاااتهم اللي هزّت الطيااارة....
تنرفزت....
سكت منصور فجأة وقال بسرعه وبتوتر : ريم.....مو كأن الطيارة مالت بزياادة...!!!!!!!!!
شهقت : لاااااااع....." سحبت المقود لفووووق " ببتنقلب الطيااااارة..
منصور بخوف : انا قلت ماااالت....ماقلت نزلت...يعني لفّي يميييين...
على طوول لفّيت يمييين...قلت للكابتن بتوتر : اي درجة األف.؟
الكابتن بابتسامة : الدرجة الموجودة ع الشاشة..
بيجلطنــــــــــي.....!!
يستهبل ع مخي.....لييش ما يسااعدني...
بنمووووت نحن وهذا فالح يوزع ابتساامات...
منصور وتّرني زيادة : انتبهــــي...في مطبّات هوائية جداامنا...
قلت بسرعه : ويييين....ماجوووف شي....
منصور : هذي ..ماتجووفينها..
اختبصت خاصة اني الجامة مرتفعه شوي عليّ....... بعّدت ايدي عن المقود...
صرخ منصور : ليييش...!!
قلت بخووف : مب قلت في مطبّات هوائية...!! بعّدت ايدي عن البترول.." قلت وانا ضايعة بين هالازارا " وينه البرييك...؟
سكتوا كلهم....!
بديت ارتجف...قلت بصوت بااكي : وييييييييينه...!!!
قالو مرة وحدة : مااافيه..!
صرخت ودموعي تلمع فـ عيني : شووووووووووو...!!
بعدها.....انفجروا يضحكوووووووووون.......!!
رمشت بعيني عسب تروح الدموع...واحاول استوعب الامر..
منصور وهو ميّت ضحك : والله انج نكتــــــــــــــة..!!! أي بترووول..أي بريييك....شو تسوقين سيّاارة...!
الكاابتن يمسح دموعه : لا وشغلوا الليتااات اللي براا عسب
اجوووف....هههههههههه...
كنت اطالعهم..واطالع الطريق....اخاف ندعم فـ شي...
منصور لما جاف حالتي رجع يضحك مرة ثانية وبصوت اعلى : خلااااص يا كاابتن ارحمها...
.
الكابتن بضحكة : يالكابتن ريم......الطيارة كانت ع وضع الطيّار الآلي....
مساعد الطيّار بابتسامة : يعني انتي ما سويتي شي...
تفأجات....!!
حسييت بحــــــــــرررر من الفششلة اللي صااارت لي..
يعني طوول الوقت وهم يتمصخروون عليّ...!!
بطّلت الحزام بعصبية...احاول اغطّي احراجي...
طالعت باحتقاار : ننننناا...وااايد يضحك الشي....." عضيت ع شفايفي بغيض "...ماالت عليكم...وووو.......ع اللي يعلمكم السوّاقة..
دزّيت منصور بعيد عن الباب...وظهرت ...
رحت عند مريوم...
جفتها صاادّة تطالع الدريشة..ومحمد شكله كان يكلمها...ولما ييت سكت..
يلست وانا اتنفس بغييض...
مريوم طالعتني بتعجّب : شفيييج..؟
قلت : رجااءن...بعدين....ابي انسى الموقف المحرج حاليا...
ما ناقشتني واايد....وصدّت مرة ثانية..
تساندت ع السيت...وانا مبوزة واحاول امسح هالموقف من بالي..
،
حسيت بهزّ خفيف ..فتحت عيوني...جفت مريوم واقفة ولابسة جاكيت وفيه مسدسات واسلحة وحزام عليها....بطلت عيوني عدل..
مريم بجدية : يلا ريم...بدينا....
مدّت لي بالجاكيت
لبسته وانا اتأكد من الاشياء الموجودة...ومن الحزام..ولبست قفازات..
قلت : نزلت الطيارة.؟
محمد سمعني : لا...نحن اللي بننزل وهي بتم فووق...
فتحت عيوني بتركييز : صدق...!!.....بالمظلات..!! وااااااااه..!
منصور بطنازة : الحين واو ...بس لما تجربين اخاف تصيحين..
كشّرت فـ ويهه...هذا ما نسى..؟
محمد : يلا ...مستعدييين..؟
واااو...دوم كان حلمي انقز بالمظلة واشووف العااالم من فووووق....
طالعت ريم اجوفها متحمسة وياي ولا لا.؟
جفت ملامح البرود ع ويهها وتطالع محمد..
...شكله صار بينهم شي...
بسألها عقب..
فتح محمد الباب...ودخل الهواء....
شهقت لما يااا ع ويهي بقووة...
فرّ محمد الحبل..
لحظة..؟
نحن ما بننقز بالمظلااات..؟
محمد : منصوور انت اول " أشّر عليّ " و هذي وياك وعقبها انا...و انتي " لمريوم "
كشّرت مريوم بويهه..
ركّب منصور حزامه بالحبل....طالعني : يلا تعااالي..
لاااااع...أأأ ويت ....صراحتن.....الحين خفت....>.<...
محمد بحدة : يلااااا...ما نبي نتأخر...
بلعت ريجي...طالعت مريوم...ابيها تتكلم...
انا الشي الوحيد اللي مستغربة منه..
مريوووم لييش ما تقاااوم..؟
رحت لمنصور بسرعه...
قال وهو يرفع صوته عشان اسمعه : لاااا تخااافين....بمسكج عددل..
ركّب حزامي...ومسكني..قال : يلا بعد لين الثلاثة وبعّدي ريولج.....1.....2....3..
غمضت عيوني ونا اتشهد بداخلي.. .مسكني منصور بقوة.....وبعّدت ريووولي..
وو
ثواااني ووصلنا تحت..
شهقت : بسسرعه وصلنااا..!
بطّل حزاماتنا....وابتعدنا شوي نتريا مريوم ومحمد...
تأملت المكان..
نحن فوق السطح...؟
شكله هذا المكان اللي بيسرقون منه المعلومات اللي يبونها.؟
طالعت فوق..مريوم وممحمد تأخروا..
منصور بنرفزة : اففف...تلاقينهم يعاندون بعض فووق..." طالع ساعته " ماا عندنا وقت لحركاتهم هذي...
قلت لما جفت مريوم طلعت من المروحية : هذي مريووم..
تفاجات لما نزلت بروحها لتحت..!
اووه....وتطورنا يا مريوووم....
رحت عند مريوم بسرعه وساعدتها تبطّل الحزام
ابتعدنا...ونزل محمد...
دزيت مريوم بخفة : حركاااات....عااشوا اللي نزلوا بروحهم....محد قدهم...هههه..
خزتني بنظرة....بلعت لسااني...
قفطني...هذا وانا ابي الطف الجوو...
==...شكل مودها زففت بالقووو..
.
ابتعدت المروحية عنّا...
محمد : يلااااا...انتي وياها عليكم تراقبون الوضع....وبنتواصل باللاسلكي وثبتوه عدل فـ اذونكم.. اعيد الكلام عليكم....المهمة هي نحصل على وثاائق سرّية ومهمة جداً...وما نبي نفشل فيها....خاصة وان الرئيس يعتمد علينا فيها..
قلت بفلسفة مب فـ وقتها : انزين..دامنها بس وثاائق...يعني اوراااق....ليش كل هالاسلحة.؟
محمد ببرود : الاحتياط وااجب..
مريوم تكلمت فجأة : بس اذا أذيتوا حد...ترا ما بنشترك وياكم...
محمد بلامبالاة : مصيرج بيكون وقتها الموت...
شففف الحقيير...
جفت مريوم اللي وااضح انها معصصبة..بس تحاول تمثّل البرووود...
.
أشّر بايده..يعني يلا نتحرك..
مشينا ورااه..
وقفنا عن باب السطح....ظهّر مسدس كاتم صوت...
واطلق ع قفل الباب..وو انفتح...!
هزيت راسي بتعجب.....الله ع الخببرة..!
دخلنا بهدووء للمكان...
وقبل ما ننزل....راح منصور للكهرباء..
وظهّر المعدات من جيبه...وبدا يقصّ الاسلاك المطلوبة..
.
حاولت اتذكر الخطة اللي حفظّوني اياها من كثر ما يعيدونها عليّ ...
الوثائق اللي يبونها فـ الطابق ممم الـ 8 اظن..
وهي فـ خزنة....والخزنة فـ وحده من الغرف....وتحت الزوليّة..
بس انا بتخبل...كيف عرفوا انها تحت الزوليّة..؟
آآخ منهم ما في شي مايقدرون يسوونه..
.
نزلنا من الدريّ....ولين وصلنا الطابق الثامن..
هالطاابق مظلم...طبعا بسبب منصوور..
تحركّنا بحرية...لان كاميرات المراقبة ما تقدر تصيدنا..
مشينا في الممرات..
محمد بهمس : انتي خلج هني راقبي..
وقال لمريوم تروح الصوب الثاني...
راحوا للغرفة المطلوبة..
وانا ومريوم نراقب المكان...
كنت مركزة ع سمعي لاني ماقدر اجوف عدل في هالظلام..
يتني هواجس...اتخيل يقبضون علينا...!
ويسجنوننا....ولا يعدمونه...
ونحن بريئاات...!!
اصلا كيف بيصدقون ان نحن بريئات ونحن وياهم..لا وبعد فـ بلد غير بلدنا..؟
،
نفضت راسي من هالافكاار...
.
مرّت ربع ساعة وهذيلا بعدهم....
يمكن انقتلوا.؟
همست في اللاسلكي : مريووم....تسمعيني..
مريوم : جفتي حد..؟
قلت : لا...بس مو كأنهم تأخروا..؟
مريوم : يمكن ما لقوا الوثائق..
سمعت صوت خطوات....
قلت بسرعه لمريوم : مريووم...اسمع صوت خطواات...
مريوم : خلللج هاادية...
الخطوات بدت تقترب اكثر واكثر..
لين ميزت الملامح..
تنهدت براحه..
محمد باستعجال : تمت المهمة ....خلونا نطلع قبل ما يكتشفون اختفاء الوثائق..
تحركت ورا محمد ومنصور...ومريوم وياي..
ركبنا الدري بسرعه..
بسس..
سمعنا صوت خطوات ورانا..
وكنت انا اخر وحدة فيهم..
ركضت بخوف..لما جفتهم يركضون...
..
تعثرت بالدري...وطحت ع ويهي..
صرخت بألم : آآآآآآآخ....
ردّت لي مريوم...وسحبتني..
وقفت بسرعه..
وركضنا للسطح...
وصلنا اخيراا..
بس..!!
المروحية ما وصلت...!!
محمد يتكلم في اللاسلكي بعصبية: ويييينك......يلااااا بسسرعه..
سحبنا منصور انا ومريوم...وانخشينا ورا باب السطح...وراح يوقف عدال محمد
وو
طلعوا اثنيين من رجال الامن... : وقفوا مكآآآآآآآآنكم.......!
راقبت الوضع .. منصور محمد واقفين بعيد عنهم شوي...
رجال الامن بصرامة : القوا اسلحتكم ع الارض...وارفعوا ايدكم...
اقتربوا من محمد ومنصور..وهم مصوبين المسدسات عليهم..
حطيت ايدي ع حلجي بخووف..
ولصقت فـ مريووم....
بيقتلونهم..وبيقتلوونا...!!!!!!!!!
محمد بدا يطّلع الاسلحة ويفرّها ع الارض..
ورفع ايده فوق...
..: وانت الثااني....يلاااا شو تتريااااا..
دخّل منصور ايده فـ جيبوبه..وظهّر الاسلحة...ورماها ع الارض..
وو
قبل ما يرفع ايده..
ظهّر شي..ورماه ع الارض بقووة..
وو
انفجـــــــٍر...
قنبلة دخآآآنية..!!!!
ووبعدها سمعنا صوت 3 طلقاااات...!!
ترقبنا انا ومريوم الموقف بتوتر...
منوو بيطلع حيّ منهم.؟
.
تريينا بأعصاااب مشدوودة لين ما اختفى الدخآآن..
وظهر لنا محمد ومنصوور...
وو
والضابطين.....طايحين ع الارض ميتيين....!
شهقت بخووووف....!!
.
تحركت مريوم رايحة صوبهم ببرود...!!!
اما انا ريوولي ما قدرت تتحرك....خفت...خفت لما جفتهم ميتين هنااك..وحولهم سائل احممممممر...
صح مابي محمد ومنصور يموتون وخااصة فـ هالمكاان ويوهقونا..
بس بعــــــــد هم قتلواا ابريااااء..!
مشيت ورا مريووم بخووف..
محمد قال ببرود : ثواني وتوصل المروحية..
صدّ عنا....طالعت منصور اللي معطينا ظهره و يجمّع اسلحته ويدخلها....
شو هالنآآآآآآآآآآآآآآآآس....!!
ياا عآآآلم....توهم قتلوا .....!!
شو هالبروووووووووووووووود...
حضنت نفسي بخووووف...واسناني تصطك بعضها...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك