رواية همس الموت - Whisper Death ™ - 46
نزلنا من السيّارة...وتوجّهنا للنادي..
دخلنا الادارة...
و على طول للملعب..
سمعت شخص يوقّف " زيد " اللي وياي...
بس ما سواله سالفة..
.
وقفت لما وصلنا...
غمضت عيني..وخذت نفس عمييييييييق....
ولما فتحتها جفتهم كلهم جدآمي...
طالعتهم بتحدي...الحين كل شي بيووضح..
هه..!
مدّيت الملف لـ زيد...
عطيته نظرة يعني ابداا..
قال بأمر : الكل يتجمّع هني...
طالعوه كلهم باستغراب..
فهّود بفضول: فروووس ..منو هذا.؟ اوو....لايكون مدّرب يديد..!
ماردّيت عليه...
ياا كابتن ستيفن لين عندنا...
تكلم ويا زيد...يساله شو يباا...؟
ظهّر زيد هويته وقال بصوت عالي : انا محقق...وياي هني بطلب من فارس محمد الـ.....
سالم باستغراب..: فرووص انت يايبنه..؟ لييش..؟
زيد بجدية : ممكن تتفضلون تقعدون...عسب تسمعون شو اللي نبا نقوله...
جفتهم تربعوا ع الحشيش جدآمنا...
وو بعد ما الكل سكت..
تكتفت وطالعتهم واحد واحد...
زيد : انا بتكلم بالنيابة عن فارس...
طالعوني متستغربين...اولا..بسبب نظراتي لهم...ثانيا..لاني يايب المحقق وياي..
خلييفة : تفضّل يالمحقق..قول اللي عندك..!
زيد بجدية :ببدا في الموضوع الاساسي على طول.....احــم...انتوا تعرفون الاحداث الاخيرة اللي صارت قبل اكثر عن شهر..! مثل الحريق...واختفاء عمر..وموت اللاعب علي..!
سيف : وهالامور انتهينا منها من زمان..
زيد بجمود : اذا انتوا نسيتوها..او تناسيتوها...فـ " أشّر عليّ " فارس ما نساها..!
ناصر رفع حاجبه : انزين...وشو اللي ما نساه..؟
زيد خذ نفس وقال : موت علي..!
حميد تكلم بنرفزة : وهه...واكيد عمر هو السبب..!
زيد بحزم : ممكن محد يقآطعني...!
تحرطموا الشباب شوي..وعقبها سكتوا..
زيد : الكل يعتقد ان موت علي كان صدفة..! بس الحقيقة...تثبت....انه مات مقتول..!!!
جفت الصدمة ع ويووه الشباااااب...!!
ابتسمت بسخرية لما جفته يمثّل وياهم...
زيد كمّل بحدة : يعني فـ النادي صارت جريمة قتل...!!
الصمت عمّ الكلام...
ولين ما استوعبوا جملته الاخيرة...
سالم عصّب : انت شو تقووول..!! تستهبل.؟ تقول علي مات مقتول..وانا جفته جدام عيني مآت محروق.." طالع فيني " فااارس...شفيييك..!! جوفه شقآعد يخربط..! قول شي..!
زيد : يالمحترم انت....انا اتكلم بالنيابة عن فارس.!...يعني ما يبت شي من عندي..وكل ها هو كلام منه لكم...!
تنرفزز سالم : فاااارس....ياخي خلاااااص...لازم ترضى بالقضاء والقدر...انا..انا اللي ربيعه من الابتدائية ما سويت اللي سويته....! مب كل مارحنا وردّينا تذكرنا بسالفة علي...! بعدين اي جريمة اللي تتكلم عنها..!!
فهد : يااا فااارس..علي مات وهذاك كان يومه...ليش تكبّر الموضوع ..!!
سيف : وخليته جريمة قتل..!!! منو اللي بيتعمّد يحرقه..؟
هه..!
ماعطيتهم سالفة...وطالعت زيد ..يعني اعطيهم الجرعه الثانية..
زيد : علي مآت مقتول.....والمجرم " قالها بحدّة " واحد منكم....!
كلهم طالعووني باستنكآآر...!!
مآيد : شكلكم استخفيتوو.!
خلّوف باستنكآر : فرووص..! شفيك..! مب طبيعي اليوم.!
جآسم : تقول اللي قتل.! واحد منا.؟!!!!! تتهمنااااا..!
غمضت عيني...وابتسمت بـ سخرية وقهر..وألم..وغيييض....
رفعت ايدي ببطىء..
فتحت عيني...
و أشّرت بسبآبتي....
عليهم...
لا....مب علييهم.....علييه هووو...
قآتــــــــــــــل علي....!
//
~| نهآية الهمسة الثامنة و عشرون |~
~| الهمســــة التاسعة وعشرون و الأخيرة |~
//
فجــــــــــر
،
طالعت فيه بجمود...عرف نفسسه أكيد...!
زيد بحدّة : القاتل يالس وياكم وبينكم....!
نزلت ايدي...
خذت نفس عمييق...وانا جوف ردّة فعلهم...
أسبوووع كآآآمل....!! وانا احاول ادّور أي شي ممكن يثبت برآءته..!
لكن كل شي..كل شي يدل عليه هوو...
حقدت عليه...وعلى طريقته القذره....
قتل علي بلا رحمة..!!!
و مب جذي وبس..! ماحسّ بـ ولا ذرة ندم ع اللي سواه فـ ربيعه.!
يقعد ويانا..يسولف...يضحك....و.يخدعنــــــا...!
،
طالعوا بعضهم البعض باستنكآآآآر..!
سالم يحاول يضبط اعصابه : فارس..! شو اللي خلاّك تقول انها جريمة..! و ان القاتل بيننا..!
طالعت فيه بـ جمود...!
زيد : خلونا نكشف ستار الجريمة..و بعدها انتوا بنفسكم بتتعرفون عليه بنفسكم..!
فتح الملف اللي فيه كل تفآآصيل الحادثة بالظبط..!
وظهّر الاوراق...
زيد : بتكلم عن يوم الجريمة.......وبالتحديد بعد المباراة...." قرا الورقة " نتائج استجوابكم كلها اجتمعت على نقطة وحده....( بعد المباراة عمر كان واضح عليه التعب )..!
قاطعه ناصر متعجّب : استجوااب..!!
زيد هزّ راسه بـ هيه: ..من استجواب فارس لكم...." كمّل " استأذن عمر من المدرب لانه كان تعبان...بعدها توجّه لغرفة التبديل...و هناك شخصين كانوا وياه ..واللي هم..فهد..و حميد ..
جفت فهد وحميد يطالعون بعض...
زيد قال بحدّة : مع العلم...ان في اشخاص فـ هالنادي يتعآطون منشطآت..ما بدخل فـ التفاصيل واايد...
سالم وناصر وسيف...نزلوا راسهم...
تنهّدت..ما كنت ابي اقولها علناً..بس لازم كل شخص يتحاسب ع غلطه..!
زيد : انا ما بحاسبهم الحين ...بس عسب تكون عندكم خلفية فـ هالموضوع....
المهم بوضح لكم الشي الوحيد اللي كلكم انخدعتوا فيه..
" كمّل الشرح " بقولكم باختصار كيف عرف فارس انها جريمة.....احــم....
لما علي ترك مكانه بطريقة مفاجأة....و طلع من الملعب....
بعد دقايق...بحث عنه فارس... و..لقى علي منخش بين الاشجار ويراقب المستودع الخلفي.. لما سأله عن السبب جاوبه باختصار ( في من لاعبينا يتعاطون منشطات )..
علي جافهم دخلو المستودع وطلعو منه قبل ما يوصل فارس...
عقبها قرر يدخل المستودع قبل ما يردّون..
ولما حسّ فارس ان علي تأخّر ...لحقه لـ داخل المستودع..
وتفآجىء بـ علي غارق فـ وسط دمه..!
واللي واضح انه انطعن بآداة حادة..
صدمة × صدمة
انرسمت ع ويوههم....!
ابتسمت بـحزن...يا دوورهم ينصدمون باللي عانيت منه...!
سالم شحب ويهه...فتح حلجه بيتكلّم...بس ماعرف كيف يعبّر..!
فهد مصدووم : علي..!! انقتـ..ـــل.! وو في........... المستودع..!!!!
خليفة وهو يغمّض عينه ويفتحها بسرعه : مقتول..!!! عــ..لي..انقتل..!!!!
حميد يحاول يستوعب : مسـ..تحييل..!!
جاسم يطالعني يبيني اقول شي : مـ..ــاصدق..!!! فـ..ـارس....! انــ..ـت متــ..ــأكد..! قـ..ول شي..!!
نـاصر : فــااارس....تكلّم ..! كيف..كيـ..ف مآآت..! وليــ..ش ما قلت لنا..!!
لما سمعت إجاباتهم..!! لا..اجابته هوو...
ابتسمت بسخرية ونزّلت راسي...!
يزيد : علي كان يلفظ آخر أنفاسه..وللاسف...ماقدر يقول لـ فارس اسم القاتل...
" سكت شوي " بعدها فارس طلع من المستودع لغرفة التبديل..وكسر خزانة علي وخذ مفتاح سيارته عسب ياخذه للمستشفى...و الباقي تعرفونه...
" خذ نفس عميق " هالكلام بـشكل عآم....خلونا نفصّل كل هذا بشكل أدق..!
" ركّز نظره فـ الاوراق اللي وياه " ع نهاية الاحتفال...انقسموا اللاعبين فـ مجموعات وكانوا كالتالي :
- سالم ، ناصر ، سيف . (1)
- مايد ولاعبين الاحتياط والكابتن يوسف.(2)
- فهد،حميد،جاسم،عمر.(3)
- خليفة.(4)
هذا من نتائج الاستجواب.....وتأكّدنا من صحة كلام الكل..
المجموعه الاولى...الكل اجتمع انهم كانوا ع المنصّة..
المجموعه الثانية..الكل اجتمع انهم كانوا متواجدين في الملعب..
المجموعه الثالثة...وفقاً لاقوالهم كانوا في غرفة التبديل..وبعدها تركهم عمر..
والاخير...خليفة اللي كان يجري لقائين...
فارس + علي اختفوا من ارض الملعب...
جفته يظهّر سيديهات من الملف..ولوّح فيهم..
يزيد : هذا كله نتايج اقوالكم....وغيره.. في عندي اثبات..!
من خلال تغطية بعض القنوات لـ المباراة...قدرنا نثبت صحّة كلام كل شخص..!
المجموعه الاولى...تأكّدنا من كلامهم وطلع صح.!
والثانية بعد نفسهم...!
خليفة لقينا له لقاءات قصيرة مع المذيعين..
بتبقى المجموعه الثالثة...واللي أُثبت انهم قبل الحريق ما كانوا متواجدين في الملعب.!
حسابات الوقت: لكل مجموعه بينها وبين زمن مقتل علي الافتراضي.. تقريبا نصّ ساعه..!
+ من6 الى 8 دقائق تقريبية هي الوقت المستغرق لـ فارس لما راح لـ غرفة التبديل..
او بالاصح.. الوقت اللي استغرقه القاتل في افتعال الحريق..!
خلونا نجوف كل فرد اللي قادر يستغل هالوقت ويرتكب الجريمة فيه..؟
اولاا.:
المجموعه (3) الوحيدة اللي ماعندها حجّة الغياب..!
فـ بالتأكيد بيكونون في أول قآئمة المشتبهين..!!
،
فهد فتح عينه ع الآخر..!!
طالع حميد وجاسم بصدمة...يبيهم يتكلمون..!
قال : انا بقتل علي..!!! بقتل ربيعي...!! " عقد حواجبه بعصبية " لا والله انتو مب صاحيين..!
ردّ يزيد عليه بحزم : لا تقآطعني..!
عضّ ع شفايفه بغييض..
شدّ ع قبضته..وكأنه مب عايبنه الوضع..!
يزيد : المجموعه الاولى والثانية...خارج دائرة الاشتباه..لبقائهم طوال الوقت في الملعب الى وقت الحريق...وهذا ما أثبته الجميع..واثبتته التغطية...
هزّوا رووسهم بتأكيد..
خليفة : يبقى أناا..! و كنت اجري بعض لقاءات..
هزّ يزيد راسه بايجاب : والاخير خليفة...اللي أجرى لقائين مدّة كل واحد منهم تقريبا عشر دقايق وأكثر بقليل..!
" سكت شوي يطالع فـ الاوراق "
خلونا ننتقل لـ مسرح الجريمة...تحديدا...بعد ما التقى فارس بـ سالم و وياه خليفة وكم شخص..اللي كانوا متجهين لموقع الحريق..
ناصر بتأكيد : هيه انا و سيف كنا وياهم..
كمّل يزيد :اول واحد توجّه للموقع فيهم هو فارس.!
,
هنااك..! الناس كانت متجمعه..
لما وصل فارس وجاف الحريق فقد تركيزه في البداية..
وما انتبه من اللي كان موجود ...
توجّه للدريشة..و جاف راس شخص ع الارض..
وو بعدها بثواني انفجرت اسطوانة غاز ..
واللي بعدها استعاد تركيزه
و نبهكم بوجود علي دآخل الحريق..!
،
جاف خليفة يحاول يكسسر الباب الحدييدي..
وراح فارس يحاول معاه..
لين انفتح..!
.
هزّ خليفة راسه بتأكيد..
يزيد يكمّل : والباب استغرق وقت..تقريبا 11 دقيقة اضافية من بعد الانفجار الاول..!
وهني تدخل المجموعه الاولى للمسرح وتحاول تطفي الحريق..!
اما عن المجموعتين 2 و 3 من خلال تغطية الحريق...اثبت تواجدهم ويا المجموعه الاولى...عدا الكابتن يوسف..اللي ما ظهر الا عقب ما اقتحم فارس النار..
سالم بتأكيد : هيه صح..
يزيد : نروح لـ فارس اللي اقتحم الحريق...ووصل لـ جثة علي المتفحمة...!
كم قلتلكم زمن افتعال الحريق الافتراضي..؟
جاوبه حميد : 6 الى 8 دقايق تقريبا..
يزيد هزّ راسه موافق : خلّوها 8 دقايق ولين ما وصل فارس للمستودع بتصير تقريبا 10 دقايق....برايكم انتو..فـ.10 دقائق او اقل...ممكن تتفحم فيها الجثة..؟
.
سالم يتذكر : قال المفتش ان ع الجثة كانت فيه آثار بنزين.؟
يزيد : بالظبط..! البترول اللي ع الجثّة بيساعد في سرعه احتراق الجثّة...بس بعد..10؟ دقايق ما تكفي لمحو كل معالمها..!
خليفة قال بسرعه : الانفجار اللي صار بسبب الاستطوانات..!
يزيد : حلوو...الانفجار + الوقت المستغرق لكسر الباب ..كان كافي لتفحّم الجثة..تقريبا 21 دقيقة من بدء الحريق..!
المهم..
بعدها دخل فارس وحصّل الجثة...
فـ نفس المكان اللي جافه من الدريشة...
وعقبها ظهر هو ويوسف...وبعدهم الجثّة اللي جفتوها..!
انزين...لمّا عرفتوا ان علي مات مقتول..! مافي شي ثار تساؤلاتكم.؟
مايد باستغراب : من قلت ان علي مات مقتول ونحن مب مصدقين..! لان الشرطة اكيد بتسوي تشريح للجثّة..! فـ كيف ماعرفت انه انقتل.؟
يزيد : جميل..! صحيح كلامك.... لكن في الموضوع شي محيّر...ان فارس اثناء اقتحامه...راح للجثّة الخطأ..!
لحظآت صمت...!
قال جاسم باستغراب : ما فهمت.؟ كيف الجثة الخطأ.؟
يزيد بثبآت : يعني...في الموقع..كان فيه جثتـيـــــــــــن..!
//
//
لمّا انتهى من جملة..
ارتفعت اصواتهم متفاجئين ومستنكرين..!
فهد بعدم اقتنااع : ع فكرة ..انت كلامك ما يدخل المخ..!
حميد : انا قلت..هذا من ياا وهو يخربط..
سيف بسخرية : ياخي جريمة ومشّيناها...لكن جثة ثاانية.؟ عاد اسمح لنا...لين هني وبسس...!
يزيد بحدّة : بــــس..! أدري انها صعبة عليكم. .... لكن خلوني اكمّل اللي عندي..
سكتوا كلهم...وعلى ويوههم ملامح الاستنكار وعدم الاقتناع..
ظهّر يزيد من الملف مخطط لـ مسرح الجريمة...
و عرضه عليهم..
بدا يشرح لهم : رقم [1] هو مكان جثة علي...لما دخل فارس اول مرة وفي الظلمة وجافه مطعون...اما رقم [2] مكان الجثّة اللي لمحها من الدريشة...وجافها متفحمة اثناء الحريق..!
ناصر عقد حواجبه وقال : يمكن هو نفسه علي كان يحاول يهرب..؟
يزيد هزّ راسه بالرفض : لو رحنا لمسرح الجريمة....بنلاقي آثار دماء فـ الموقع [1]
و لو افترضنا ان علي حاول يهرب...بنحصّل آثار دم فـ الموقع [ 2].!
كلهم طالعوه باهتمام..
يزيد : لمّا حققت الشرطة فـ مسرح الجريمة...مكان الجثّة كان وين.؟
حميد : عند الرقم [2]..!
يزيد : صحيح...لكن هالمكان مافيه اي اثار دماء..اما رقم [1] أثبتنا انه يوجد فيه آثار..وهذا يدل على وجود جثة ثانية..!
تعجّبوا من كلامه وبدت ملامحهم تلين..
فهد تساؤل : عيل الجثّة الثانية لــ منووو.؟ وكيف يت..وليش ما جفناها!!!!!!!!!
تجاهل يزيد سؤال وواجهه بسؤال آخر : انت جاوبني...اذا الشخص المتعاطي زوّد جرعته من منشّط الكوكايين... شو الأعراض اللي بتظهر ع المتعآطي.؟
فهد تفاجىء من سؤاله...وحاول يخفي ارتباكه...!
تريااه يزيد يجاوب..لكنه تمّ ساكت..
يزيد : انا بجاوبك.....أعراضه الإرهاق و التعب و الاضطراب.....وأشياء وايد... بس خلونا نركّز على هالاعراض الثلاثة.......
السؤال.: من اللي ظهرت هالأعراض عليه...!
مايد باستغراب : الاعراض.؟
يزيد : من اللي ظهرت عليه بعد نهاية المباراة..!؟
مايد وبعده ما فهم المقصد : أأأ...تقصصد عمر..؟
يزيد : صحيح...عمر....وضيفوا ع مؤثرات منشط الكوكايين على المتعاطي انه قد يسبب في تضخم عضلات القلب او نزيف في المخ ثم الوفاة..! " سكت شوي "
فـ الجثة بتكون لـــ....؟
ثوآآآني مرّت يستوعبوون اللي قااله...!
بعدها..
صرخ حميد متفااجىء : لاااا تقوووووووووووووول انه...........!!!!!!!!!!!
تكتّف يزيد وهزّ راسه بـ إيجااب..
حمييد غمّض عينه بقووة : عمّوور...!!! " خذ نفس عميق وقال بألم " يعني...يعني الجثّة اللي جفتها.....كانت جثّته..! جثة عمر..؟؟!!!!!!!!
يزيد : صحيح....! الكل انخدع على انها جثّة علي...وهي في الحقيقة لـ عمر...اللي مات نتيجة تعاطيه لـ جرعه زائدة من المنشّط...!
ماقدر حميد يعبّر اكثر...مسك راسه ودفنه بين ركبه..!
أمّا البقية..هزوا روسهم مب مصدقين من اللي سمعوه...
فهد بحزن ممزوج بعدم تصديق : عمر.! اللي لنا شهر ونحن ندوّره..!!! اخر شي....يطلع ميّت..!! لا وجثّته طلعت جداامنا..!!
خليفة بهمس : عمر مآآآآت..!!!!
جآسم بصوت مرتجف : مستحــيـ..ل..! نحن ما جفناه....! ما جفته فـ....المستودع..!!
انتقلت النظرات كلها لـ جآسم..!
سالم باستنكار : انت كنت فـ المستودع..!!!!!!
جاسم نزّله راسه وقال باعتراف : هيه...انا كنت في المستودع....وانا اتعاطى منشطّات..." رفع راسه وقال بانفعال " بس صدقوني..لما رحنا للمستودع عمر كان بعده فـ غرفة التبديل..وكان يجمّع اغراضه رايح للبيت ....!!
فهد باعتراف : وانا اشهد على كلامه....كنت وياه..كيف بيوصل هناك قبلنا..؟!!!!
حميد وبعده دافن ويهه : وانا بعد كنت وياهم..
ناصر متفاجىء : وشو كنتوا تسوووون...!!!
قطع يزيد كلامهم : خلونا من هذا.....ونكمّل اللي صار..
" عرض لهم مرة ثانية المخطط " الحين عرفتوا ان رقم [ 2] هي جثّة عمر..و [1] هي جثّة علي.....ولو لاحظتوا ان في عناصر زرقاء في المخطط...." أشّر عليهم " هذي اسطوانات الغاز اللي كانت موجودة فـ المستودع...
من خلاال هالاسبوع..سوينا مسح شامل للمستودع.....وتعرّفنا ع مواقع الاسطوانات..!
خلونا نكمّل قصة القاتل وشو سووا..وكيف استفاد من هالاسطوانات..!
...
//
//
نفس ما قال جاسم...عمر كان موجود في الغرفة وما تحّرك منها...
ولمّا دخل القاتل عليه...تفاجىء فيه ميّت.!!
تورط القاتل..! لانه متأكد ان عمر مات نتيجة الجرعه الزايدة..!
ولو أعلن موته... أكيد بيحققون في سبب الوفاة.. و بيسوون له تشريح لـ جثته!...وجذي بينكشف ان فـي لاعبين مهربين منشطات داخل النادي.!
ففكّر يخبي جثته فـ المستودع..!
و قدر ياخذ الجثّة ويدخّلها من خلف المستودع..!
ولكنّه..!
تفاجىء بـ علي..!
لا..!
لحظــــة...
ما تفاجىء بـ علي...بالعكس...كان في الحقيقة يترياه ..!!
لان كل هذا كان مدبّر منه..!
عرف ان علي كان يراقبهم وكشفهم .... فـ فكّر بطريقة يتخلّص منه
لانه اكيد بيفضحهم..!
وو
طاح علي بفخّـــه...و..قتله....!
" سكت شوي" بعدما ما ارتكب جريمته...رجع للملعب..ليثبت برآءته اذا ما تم اكتشاف الجريمة قبل ان يخفيها...!
استغرق من الوقت من 10 – 13 دقيقة..!
وهو الزمن اللي اكتشف فيه فارس مقتل علي..!
ونفس ما تعرفون...فارس ترك المكان واستغرق 6- 8 دقائق تقريبا في كسر الخزانة..
وهناك رجع القاتل ليكمل خطته...
سكب البنزين على أرضية المستودع وعلى الجثث..وأحرق المستودع...!
.
بعدها رجع فارس..وجاف الحريق..!
و لما كان قريب من الدريشة...انفجرت هالاسطوانة اللي بالقرب من الجثّة [2]...!
وبسبها انقذف فارس بعيد....!
...
ولمّا دخل فارس للمستودع وظهر منه و ظهرت وراه جثّة عمر...
محد انتبه للجثّة الثانية الموجودة....و اللي هي جثّة علي..!
،
غمّضت عيني وعضّيت ع شفاتي..
،
يزيد : جثّة عمر كان فيها ذراع مفقودة..نتيجة الانفجار..!
أما جثّة علي..وبعد خروج فارس...توالت الانفجارات فـ المستودع....بسبب..
هالاستطوانات المحوّطة على جثّة علي...ليتحّول بعدها الى اشلاء..!
" تنهّد " من نتائج المسح..لقينا بعض من أشلاء ذراع عمر....أما علي...حصّلنا آثار دم...وتأكدنا انه هو صاحبها..." رفع حواجبه وقال باعتراف " انا اعترف ان المجرم ذكي وبـ شدة..!
مع ان موت عمر كان عقبه فـ طريقه...الا انّه فكر كيف يستغل هالعقبة..! بحيث انه يوهم الجميع بـ وجود جثّة واحدة..والجثّة الثانية بتكون مختفية تماما عن الوجود......فـ بتكون أصابع الاتهام موجهه عليها..!
،
طالعته اجوف ردّة فعله..!
هه..بعدك تكمّل تمثيلك.! بنجوف لين متى..!
،
يزيد : هني بعد ما احرق المستودع وأغلق الباب...تكون خطته انتهت...وماعليه الحين الا يتأكد من نجاحها..!
تلاقى مع اللاعبين وفارس فـ الممر....وراح وياهم لمسرح الجريمة...ليمثّل دور البرىء..!
في هذاك الوقت ما صارت اي انفجارات.!
وهني توهّق المجرم..!...فـ قرر ان يخاطر بحيآته عسب تنجح جريمته..!
واللي خرّب عليه اكثر..! ان فارس نبّههم بوجود علي .!
بس لمّا صار الانفجار الاول ..ارتاح نسبياً لانه ابعد فارس ...
ولكن فارس ردّ مرة ثانية ناحية المستودع..! وأجبر القاتل على المخاطرة مرة ثانية..!
القاتل حاول يمنع أي حد من الوصول لـ جثة علي قبل ما يصير الانفجار الثاني..
ومع انه كان ويا فارس....حاول يفقد فارس عزيمته...ويقنعه بالانتظار لين ما يوصل فريق الاطفاء...
لكن فارس كان مصرّ ع الدخول...!
ولما التهمت تقريبا كل المستودع...
...
خاف على نفسه من الانفجار اللي بيصير...فـ ترك فارس يدخل....وابتعد بسرعه من المكان لـ ينجو بحياته....و منها يقضي على فارس اللي تأكد انه يعرف بوجود علي من قبل.!
ولكن امله خاب.. لان فارس ما مات!
بس لما عرف ان خطّته كلها نجحت..ماهتم لموضوع فارس..لانه ماشي دليل على إن علي مات مقتول..وثانياا حالة فارس النفسية ساعدته..فالكل بيظن ان فارس متأثر بالحادثة اللي صارت..!
،
تأمّلت ويوههم..اجوف اذا حد عرف منو هو القاتل..؟
بس الكل ينتظر يزيد يقول لهم ..
،
يزيد بحدّه : القااااتل هو اللي اجرى لقآء تلفزيوني اول مرة بعد ما المجموعه الثالثة تركت الملعب...وبعد اللقاء نقل جثة عمر للمستودع..وقتل علي....وبعدها رجع للملعب ليجري لقاء ثاني...وبعد اللقاء حرق المستودع....والتقى بالباقي فـ الممر...!
" قال بحدّة أكبر " و هو نفسسه اللي حاول يكسر الباب الحديدي مع فارس..!
،
لحظآآآآآآآآآت صمت...!!!!
بعدها....
توجّهت الانظااار كللها لــ......................خليفــــــــــــــــــة.. !
سيف همس مب مصدق : خلّوووف..!!
ناصر : خليفة..؟ هوو القاتـ..." قطع جملته باستنكار " مستحيل.!
حميد رفع راسه بذهول : انت تقصصد خلييييفه..!!!
ارتفعت اصوااتهم باستنكااار..وباحتجااج..!
..
انصدموا..! وهذا شي اكيد...! ومستحيل يصدقون بسهولة..
آآه...يالخااين...!
تدرون.؟ عندي بصيص أمل انه يمكن يكون برىء.!
مع اني متأكدة 100% انه القااتل..!
ترييت ردّت فعله..؟ شو بيقوول..؟ كيف بيدافع عن نفسسه..!
عمّ الصممت لما وقف خليفة..وتكتف جدامنا..!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك