رواية زميلتي طلعت ولد -12
سليله : نوير شوفى هذ الولد الى كان ضايع
نوير : ايه هو
سليله : شوفى امه قاعده تصبغ حواجبها
نوير : ههههههههههه
حصه: غريبه هند وين اختفت
ومضت ساعه وساعه ثانيه
وهند مختفيه ؟؟؟
سليله : بنات قربنا نمشى وهند مادرى وينها
ماقالت شي عند احد فيكم
حصه: لا
تعالو ندورها
سليله: وش لابسه هى مضيعه انا
نوير : لابسه بنطلون وبلوزه حمراء
سليله : ايه صح
وقعدنا ندور على هند بدون أثر
وكل وحده لابسه احمر نقول هذه هى
ساره: بنات ابوى دق وجاء انا لاز م اطلع
حصه : حتى انا بعد بطلع
خوله: وهند ؟؟؟
سليله : معقوله تكون طلعت جاء ابوها اخذها
ساره : يمكن
ودق اخوى ولبست عباتى وطلعت
ووقفت برى انتظره يقرب السياره
ودق جوالى
سليله : الو
خالد: سليله زحمه مره تعالى انتى لو بدخل قعدنا للصبح
سليله: طيب وينك
خالد : تعالى يمين امشى على طول اشوفك انا
سليله : طيب
حطيت جوالى ومشيت على رصيف جانبى على طول
خالد موقف هناك براس الشارع
وفجاءه
وقفت سيارتين دخلين عرض
وحده منهم نطت من فوق الرصيف من زود الزحمه
وشفت زول هند نازل من سياره
نفس الشنطه
نفس الجزمه
معقوله ؟؟؟؟؟
ياربى شلون اتاكد
طلعت جوالى بسرعه من شنطتى ودقيت عليها
وعينى على البنت الى نزلت من السياره
ولقيتها فعلا طلعت جولها وردت على
هى هى هند ماغيرها
منو هذا الى كانت معه؟؟
ودق جوالى
كان رقم هند
سليله: الو
هند : هلاسليله دقيتى وفصلتى
سليله : ايه لا لاا
هند : وش فيك سليله
سليله: لا انت وينك ضعتى منا بالملاهى
هند : ايه اسفه ابوى فجاءه دق على وقال جاءنا ضيوف
واظطريت اطلع بسرعه
سليله : وانتى وينك الحين ؟؟
هند : بالبيت
سليله : كم لك من وصلتى البيت
هند: من فقدوتنى لى ساعتين
وماقدرت اتصل عليكم انشغلنا بالضيوف
......
وسكرت من هند
ووصلت عند اخوى
وركبت السياره
ودمعت عيونى من هند
معقوله؟؟؟
ووصلت اللبيت
كل انواع القهر فينى
هند
ما اصدق !!!
ودق التلفون
سليله : الو
حمد : هلاسليله
سليله : هلا من انت ؟؟؟
حمد : انا حمد ياسليله
سليله : اى حمد ؟؟
حمد: حمده ,,, حمده ياسليله
سليله : .................
حمد : الو الو
ادرى انك تسمعين ياسليله
بس والله ماحتاج اتكلم معك
لانى جد ضايق وتعبان وماعرف احد غيرك
يسمعنى ...
انا ياسليله ....
سليله : لو سمحت ,,, اسمعنى انت
مانى مجبوره اسمع شي منك
كنت معنا بالقاعه وتعاملت معك على اساس كونك زميله لنا
مو المعنى انى كنت اسمعك قبل يعطيك الحق تتصل على وتتكلم معى
حمد: انا و ......
سليله: انت وشو ؟؟؟ وين عقلك فيه
تمر بازمه على عينى وراسي
بس انا مو نقطه عبور عشان تاخذ وتعطى معى
حمد: ايه ب.....
سليله : اسمع يابن الاجواد
الموقف ما ابيه يتكرر
كونى سمعتك بالكليه كان واجب لان قاعه وحده ضمتنا
وصدقنى كنت بسوى الى سويته معك او مع اى احد مكانك
الجراءه الى انت فيها من ناحيتى لازم تضع لها الف حد وحد
مو من حقك ترفع سماعه التلفون وتتكلم معى
حمد : انا اسف اسف ياسليله
وقفلت السماعه
واتصلت عل هند
هند : هلاسليله
سليله : لاهلا ولامرحبا
هند: افا
سليله: لاتنكرين ياهند شفتك وانتى نازله من السياره معه
و .....
هند : سياره مين ؟؟
سليله : حسافه بس ياهند حسافه
هند: سليله ارجوك قفلى الحين انا بجيك اعلمك
سليله : متى تجين
هند: بكره العصر
.........
وجاء العصر
جدتى : وش سالفه البنات خويتك كل يوم جايه وحده
سليله : ضيوف ياجدتى
وعلى الموعد تمام كانت هند عندنا
اخذتها ورحت معها غرفتى
سليله : ولاكلمه انا شفتك بعينى لاتحاولين تنكرين
اصلا لو مافيه شي كان ماجيتى لحد هنا
هند: لافيه
سليله: وش فيه
هند : احبه احبه ويحبنى
ومواعدنى يتزوجنى
سليله : لعنبو بليسك وش تقولين انتى ؟؟
هند : وش اقول اقول انى احب حرام
سليله: لاتجبين طارى الحرام ربى يخسف فيك الارض
وش تسمين طلعتك معه اجل حلال
ويشوفك حلال
وتكذبين على اهلك وتقولين انك بالملاهى وتطلعين معه حلال
هند::: خلاص ياسليله
سليله : خلاص عقب كل الى سويته خلاص
هند : تبكى
سليله : من وين عرفتيه؟؟
هند : تبكى
سليله: هند تكلمى خلينا نتصرف
هند: وش نتصرف ياسليله خلاص
سليله : هند وش حدود علاقتك معه
هند : ..................
سليله: شوفى انا بخلى عاليها وطايها
هند: شلون
سليله: بعلم امك
هند : لا لا ياسليله تكفين امى حامل با للشهر التاسع
والله لو تدرى راحت فيها
سليله : شلون عرفتيه
هند : بتقولين للبنات عنى
سليله: همك البنات بس
قولى اسمعك
هند : عرفته من النت
سليله : ايه
هند : شات جمعنا ....
و....
سليله : قبل تكملين ياهند ابى اعرف شي واحد
هند : عارفه عارفه وش تبين ياسليله
وقامت هند تبكى ....
سليله : دامك عارفه جاوبى ...
هند : ايه ايه ياهند انا سلمته نفسي من سنه و...
سليله : بس ,, بس ياكفى خلاص
وش بتقولين لى عقب الكلام ...
هند : لا ياسليله وعندى شي اكبر بعد
سليله : وش اكبر من الى انتى فيه
هند: فيه فيه ياسليله فيه
وحطيت يدى على قلبى
وش ممكن يكون اكبر من الى صار معها
وش باقى غير الشرف وراح
ياترى فيه مصيبه اكبر ...
وحسيت الارض تدور فينى
وهند تتكلم ......... وقالت ................
وتكلمت هند عن حالها
ممكن يكون حال اغلب البنات
ابوها منفصل عن امها
وهى صغيره كانت اسبوع عند امها وزوج امها
واسبوع عند ابوها وزوجه ابوها
هند : سليله تعرفت عليه من سنه بالنت شات جمعنا
قال انتى الشمس والقمر
كنت محتاجه احد يسمعنى ولقيته هو
كنا شهور نتكلم بالشات بس
وبعدين طلب يشوفنى
وصار
والحين هو يهددنى ينشر صورى !!
سليله : يهددك ليه ؟؟ ماتقولين طلعتى معه واخذ منك كل شي
هند : ايه بس يبينى اطلع مع ربعه
سليله : يبى يتاجر فيك
هند : .............
سليله : وجايه تسولفين عادى !!
شوفى هند لحد هنا ويكفى ... انت ضايعه وانا مارح اسمح تضعين زياده
هند: وش بتسوين ؟
سليله : مالك شغل
وطلعت هند من عندى تبكى ...
جدتى علامها خويتك تبكى ياسليله
سليله: لا ياجدتى متضايقه شوى
خالد : هذه هند الى عندنا
سليله: ايه
خالد: تكفين سليله اخطبيها لى خلونى اعرس
سليله: هههههه
ماتصلح لك ياخوى
خالد: شلون
سليله: ماتصلح وخلاص
طلعت غرفتى وقلت حرام الشباب لما يجى يتزوج
مايعرف شي عن البنت والله مصيبه
وانقطعت اخبار حمده عنى شهور طويله
وماحاولت اتصل اسئل عنها
وانتهت الاجازه الصيفيه
وبدت الدارسه بالكليه
من الحماس رحت من أول يوم ...
ومر الاسبوع الاول
ومع بدايه الاسبوع الثانى حضر االكل
ووقفت قدام الساحه وانا واقفه
هند: سليله
سليله : هلا هند شلونك
هند : الحمدالله بخير
تاملت حال هند متغيره كنها ركدت
سليله زين جيتى تسلمين كنت اظنك زعلانه منى
هند: صحيح بعد الى سويته معى زعلت كثير كنت اظن انك خربتى حياتى فوق ماهى خربانه
بس الحمداالله انتى لحقتى على البقيه المتبقيه منى
هند بعد ماحكت لى قصتها
لقيت نفسي اتصل على اختها الكبيره
معلمه بالتحفيظ العصر
وقلت سبحانه خلق وفرق
كنت مجازفه انى ا قولها اختك ضايعه
بس قلت وش بيصير اكبر من الى صار
وحكيت كل شي عند اخت هند
وتصرفت صح
وبلغت الهئيه عنه ومسكو الولد
وهند اليوم انسانه محطمه مهمشه
يمكن تكون ضحيه ظروف
بس اكيد لها دور بالخطاء...
مشيت بين الممرات
ومريت من عند القاعه حقتنا العام
ودخلت
من بعيد لمحت
كرسي حمده
للحين مكانه صامت متغير ...
نوير: سليله وش تسوين
سليله : ابد واقفه على الاطلال
نوير: هههههههه امحق من اطلال بس
سليله : اقولك نوير ماشفتى فضه ؟؟
نوير : فضه من ؟؟
سليله : اخت حمده
نوير : لا ماشفتها اخاف هى بعد قلبت ولد الايام الدنيا تخووف
سليله : ههههههههه
نوير: ليه تسالين
سليله : ها فعلا ليه اسأل
نوير: امشى نروح القاعه
سليله : يالله
ودخلت القاعه
وكانت مضاوى توها متزوجه بالاجازه
وتحكى للبنات عن زواجها
مضاوى : يوه يابنات وربى الزواج جنه
انصحكم تعرسون !!
حصه : وين رحتى بشهر العسل ؟
مضاوى: ماليزيا
نوير: ياحسره علينا ماليزيا مره وحده
مضاوى: ايه خيال وجمال كلكم اّذا اعرستو رحو لها
وطلعت مضاوى صور زواجها
ومرت الصور على الجميع
تغريد: وربى فستانك كشخه
مضاوى : ايه تصميم مصمم
نوير: ليه بدون طرحه
خوله: موضه يالخبله
مضاوى : والله لو عارفه ان العرس يهبل كان من زمان معرسه
كلكم اعرسو لا احد يقعد بدون عرس
نوير: لا انا للحين رافضه عشره
وباقى خمسه ينطرون عند الباب بشوف
البنات : ههههههههههه
نوير: ودنا نعرس بس ماعاد فيه شباب انقرضو ياوخيتى
تغريد : ايه والله صادقه الحين البنات اكثر من الشباب
حصه : انا شكلى بكون الزوجه رقم ثلاثه
سليله : وينه الحاج متولى ؟
نوير: والله الايام من قل الشباب بعضهم تحول البنت صارت ولد
مثل حمده
خوله: يالله يابنات تخيلو الحين وحده منا تتحول ولد
مين تبون ؟؟
نوير: سليله انسب وحده مافيها من الانوثه شي خشنه وقشرا
البنات : هههههههههههههههه
مضاوى: لاسليله بتعرس جربى وربى الزواج جنه
سليله : ماعندى مشكله اجرب بس ابى زوجك يامضاوى
مضاوى: نعم نعم معصى لا حبيبتى كلش ولا حبيب قلبى مازولا
ابعدو عن زوجى لمردغكم
البنات : ههههههههههه
مضاوى : بس عندى مشكله
نوير: خيرر
خوله: يمه يمه من عيونكم مسرع عطيتو البنت عين
مضاوى: مشكلتى امه ؟؟؟
منكده على عيشتى
كل شي فيه يجنن الا امه
خوله: ايه والله الامهات الحين قشر
نوير : ودك بواحد ماله ام
خوله: لو بيدى مقطوع من شجره ماله احد ابدا
مضاوى: بس فديت قلبه زوجى عشانه نتحمل
نوير: تحبينه يامضاوى
مضاوى : جعلنى اموت بترابه
..............
تاملت حال البنات يتكلمون
ومن بعيد هند ساكته والدمعه بعيونها
شي مؤلم لما ترخصين نفسك وتبكين ندم .............
مرت ايام الدارسه طويله ممله
وجيت يوم الصبح بدرى ..
نوير: هلا سليله صباحو
سليله : هلا
تصدقين نوير فاقده حمده ؟؟؟
نوير : ايه كانت مسويه جو رغم انها على الصامت
........
مافكرت اروح اسئل فضه عنها
عرفت ان الروحه مارح تكون بصالحى
ودخلنا القاعه
وكان دكتور شاشه
وحطيت راسي ونمت على الطاوله
وقام الدكتور يشرح ...
وطلع كشف الاسماء
وقام ينادى بالاسماءيسئل
وجاء عند اسمى
الدكتور محمود : سليله يابنت يا سليله
هى مش موجوده ولا ايه ؟؟
نوير : سليله سليله قومى الدكتور ينادى عليك
سليله : وش يبى ؟؟
الدكتور محمود: سليله فينك يابنتى
سليله : اخذت الجهاز وتكلمت
نعم دكتور انا موجوده
الدكتور محمود: انتى نايمه ولا ايه
باقى لى اسبوع بصوت عليك !!
البنات : ههههههههههه
وسئلنى الدكتور سؤال
وماعرف وين الدنيا فيه
وفتحت نوير الدفتر ونقلت الاجابه
....................
تغريد: نويرانا بطلع مانى مكمله المحاضره
ابيك توقعين عنى مثل العاده
نوير: هذاك اول كل يوم اوقع لكم الحين كل توقيعه بريال
حصه : هههههههههه
وانتهى اليوم .....
ورجعت البيت
ولقيت جدتى وابوى ينتظرونى ....
جدتى : هلا بنيتى سليله
سليله : هلا جدتى
ابوى : سليله تعالى وانا ابوك ابيك بموضوع
سليله: ان شاء الله
وطلعت فوق اغير ملابسى
ولقيت جاتى تنظف الصاله فوق
جاتى: تبى كيك سليله
سليله: كيك ؟؟
جاتى : ايوه اليوم الصبح فيه خرمه هنا يجى
سليله : حرمه
جاتى : ايوه سواء سواء مع ماما كبير قهوه
سليله: حرمه وجايه الصبح
وتتقهوى مع جدتى ؟؟
نزلت تحت بسرعه
ولقيت ابوى جالس
وجدتى معه...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك