رواية خاتم في اصابع رجال -15
افنان : هييه شفيها ؟
خالد : ماعرف بلاها لكن من يوم ما شافت جثة البنت المحترقه و شافت ربيعتها وهي جمدت حاولي تهدينها انا بسير اساعد
شفته يرووح والتفت ع رحاب اللي تصيييح ومررركزه ع نقطه وحده
المكان اللي انشلت منه ساره
افنان : رحاااب
ما التفت
افنان : حوووه رحووب
ما التفت
دزيتها ع كتفها انبهاا
وليتني ما سويت هالحرككككة
صررررخه خلتني أسد أذاني من كثر ماهي عاليه وحاده والصوت كريه
طالعت فيها وهي اطيييح وتضرب الأرض وبعدها تمسك راسها
بسم الله شفييها ؟؟؟؟
ناديت بسرعه ع السفاح والشبح وبوالجماجم
اللي يو ركض يوم سمعو صرخت رحاب وندائي لهم
السفاح : رحححااااب ... شفيهااااا ؟
افنان : مااااعرررررررررف
الشبح : من يوم ما شافت جثة البنت وهي مش طبيعيه بسم الله لايكون دخل فيها شي من الخووف ؟؟؟!
بو الجماجم : لحظظظة بيييب حد يعطيها شي يهديها الدكاترة بيعرفون شو فيها
افنان : بسرعه بسرعه صمختننني بستوي شراتها بعدين
الشبح : افنااااااااااااااااان عمممممممممى مب وقتتتج
افنان : افف زين
يا دكتو واحد وفوق ها يانا خالد
كنا نشرح للدكاترة انها ما تسمع ولا تتكلم
وهذا اللي أصاب خالد بصدددمة كان مبين ف عيونه انه مصدددوم قد الدنيا
وتم يستفسر ووانا ارد عليه
: جب ما يخصك
بَعد حلول أربَعة أشهر :-
فَارس :
مرييييييييييم حورييييييييية يلاااااااااااااااااا تأخرنا الطيارة بتروووووووح
مريم : زين زين انا ما يخصني هاي حورية
حورية : عن الخرط انا كنت اساعدج
فارس : لاحوووووول يمممه شو هالبنات ؟!
ام فارس : ما ادري والله اسأل ابوك هو اللي مدلعنهم
بو فارس : اسكتو انتو لاترمسوني عيل بتسافرون وبتخلوني
مريم وهي تحضن ابوها
مريم : يا حبيبي يبببه انتي اللي ما رضيت تيي ويانا يعني شو نسوي نخلي سفرتنا
بو فارس : هيه نعم دامني مب قادر اسافر وياكم خلاص ما يحتاي تسيرون
مريم : اقول خل النفس عليك طيبة قبل ما نسافر
بوفارس : شففف اللي ماتستحي,, هذي مش تربية يا ام فارس هاي تربيتج
ام فارس : هيه ابدا عق علي
حورية : اقول يبه ودعتك الله ,, خل نروح عن تستوي مشكلة
فارس : يلا مع السلامة يبه
ودعنا ابوي وتوجهنا للمطار
مريم حالها استوى وايد احسن عن قبل
وهذا بفضل الرقية اللي تسمعها وسورة البقرة اللي دوم تسمعها وغير الأذكار والعسل المقري عليه والماي المقري عليه
استوت اهدا وما تتنرفز وتعصب بسرعه وغير جيه علاقتها مع حورية واااااااايد احسسن
الحين متوجهين للمطار رايحين لديزني لاند مثل ما وعدت حورية
وبما انها اجازة الصيف
رمضان قريب وما بنتم غير اسبوعين وبنرد
ناويين نروح احنا وعايلة سعييد وحارب
آآه شقول عن حارب اللي من يوم ما توفت خطيبته وحالته ماتسرر يَالله كيف اشفق عليه
كان يحبها الا يعششقها وربي ما كتب لها طول العمر ماتت ف حادث
سعيد
كنت معصب حدددي قوم فارس تأخروو الله يهديهم ..
وحارب أذاني ما يبا يسير ويانا غير رايه مع انه وافق ف البداية ومحد يقدر عليه غير فارس
ونوف رصيدها خلص وتباني اشتري لها عشان ترمس رحاب بالفيديو
مرة أربع شهور ..
من ردينا من السعودية !
ومن ماتت خطيبة حارب
ومر شهر
من يوم ما ملكت على شيخة !!
أحس هالشهور كانت ثجيلة علي
خصوصا هالملجة اللي ضيجت بحالي
شيخه ما ادري شفيها كأنها مغصوبة علي او شي جيه
افففف
دقيت ع فارس اشوف وينه
ورد علي وقال انهم ف الطريج
والحمدالله ان مطار بوظبي جريب منهم ولا عادي تروح علينا الطيارة
صديت صوب امي اللي تسولف ويا حارب وتحاول تقنعه
ونوف اللي معصبة لأني ما شريت لها بطاقة رصيد
لاحظت نظرات نوف المعصصبة يمممه منها
هاي ما تشبع من رحاب اربع وعشرين ساعه ترمسها
فقرتنا والله
لولا حلفت امي اني ما ادخل ف مكالماتها ولا والله كنت حلفت
ما ترمسها الا مرتين ف الاسبوع
شو هالدلع
طبعا انا معصب حددي وما احس بالرمسة اللي أطلعها
لذلك اتغاضو
يَالله هذا فوني يددق والمتصلة شيخه
استغفرالله مش متفيجة لها :@ أكييد بتقول كالعاده بتطلع وبتاخذ الإذن !!
اففف احس لو رمستها ما بخليها من قهري فأحسن ما ارد ..
سَــــــــارة
يَالله الساعه 8 الصبح تأخرت
رحت ركض حق حجرة بو راكان وعبدالعزيز وقلتلهم ينشون بسرعه عشان نلحق نروح جده ونوصل من وقت
ونفس الشي سرت لحجرة حمد والحمدالله حصلته ناش
ورحاب سرت حجرتها ما حصلتها
رحت للمطبخ لقيتها تطبخ الريوق
زين الحمدالله
ابتسمت لها
وأشرت لي بسرعه ان الأكل بيبرد
أشرت لها ان بيي بعد شوي
سرت حجرتي وحجرة رحاب وغيرت ملابسي
وأنا اتذكر كل اللي صار ويانا بعد الحريجة
بعد ما انقذت او ادعيت اني انقذت رابح من الحريجة ظهرت وأغمى علي
لكن يوم نشيت صدمتني اشياء وايد
رابح كانو حاطينه ف العناية المركزه !
يو بيتفقدونه اليوم الثاني ما حصلوه ؟
رحاب وانهيارها المفاجأ الدكتور استغرب من حالتها وفسرها انها بسبب الخوف والمناظر اللي شافته
قررنا بعد اختفاء رابح
نعيش حياة حلوه طبيعية هادية
بس الشي الوحيد اللي ما بيتغير هي وظايفنا
انا ابقى ع وظيفتي
والشبح والسفاح وبو الجماجم تنضيف الحرم مثل قبل
اما رحاب تقعد ف البيت ...
صح بفضل الريال اللي اشتغل عنده
عطانا بيت كإيجار لكن الايجار ما كان مرتفع بالعكس كان بسييط
استغرب من طيبة هالريال تجاهي لكن يعطيه العافية
اربع شهور واحنا نجهز ف هالبيت من حيث فرشنا أغراضنا
وطبعا بمساعدة افنان المالية
افنان اللي تفاجأت الا صعقت من موافقتها ع الزواج
وهذي هي صار لها اسبوعين من عرست :)
واليوم قررنا نرفه عن عمرنا بعد هالأشهر المتعبة
بالسفر لجده وهذي كانت هدية من المدير اللي اشتغل عنده لأني اششتغل ع قولته بضمير
هه امحق ضمير
اووووه تأخرت ع رحاب بتزعل والريوق اكيد برد
خَـــــالِد
رَديت من السوبر ماركت ودخلت البيت واستقبلني صراخ امي على الخدامة اليديدة
يَالله هي وامي مش متفقات أبد
حرااااااام بنكسب ذنوب فيها
امي بروحها معصبة ع زواج ...
مقدر اكمل احس طعنة انطعنت ف صدري كنت انا بتزوجها ليش هي استعيلت
ليش تزوجت ومسيار بعد
آآآآه لو أعرف منو هالريال اللي تزوجته لأفضحه وارميه ف السجن
بايع خمووور !!
تتزوج لي بايع خموور شو اللي حدها
واللي يقهر
صياحها يوم هددت اني بفضحه وبدخله السجن لأنه يبيع خمور !!
كانت تصيح وتقول اني بهدم سعادتها
أي سعادة اللي بتحصلها معاه ؟
ف النهاية ما بعمل برجاءها مش عشانها او لأني غيران لأنه خذها مني
بس لأن هاي امانة وبكوني شرطي لازم ما اسكت عن هالشي !!
أَفنـــــــــــان
أفنان : يا بقررررة يالحمااار ياللي ما تفهم يا ثووور اقولك برووووح يعني بممشي مع اخواتي لجده فاهم ؟
مبارك (سكران) : انا اقول لا تطيرين فاهمه ؟
افنان : يا بقرررة ما بططططير كيف أطيير بمشي بحرك الريول اليمين بعدين اليسار
مبارك : انا اقول تروحين برا البيت فاهمه ... مافي طلعه من برا البييت
افنان : ههههه احلللف زين ما يصير أدخل البيت بس شوي
مبارك : انتي ما تفهمييين انا اقول لا تطلعين داخل البيت هبله انتي ؟
افف ما عاد فيني اتحمل هالحوار الغبي دزيته ع الشبرية وظهرت برا للصالة
والله حياتي استوت مليانة اكشن وناسة بس ما انكر اني استويت أخاف
حسييييت بحد يمسك ايدي
يمممممممه نظرات مبارك ما تبششر بالخير
ما حسيت ب هالا يمسك رقبتي بكل يدينه ويخنقني
حسيت الهوا انعدم واني بمووت خلاص
يارب ارحمني
إنتهى
السلام عليكم ورحمة الله وبركاته
طرحت لكم الجزئين وان شاءالله انهن يعيبنكم
جدا متأسفة على التأخير لكن رمضان والأهل
بإذن الله اذا حصلت منكم التشجيع احط لكم جزء هالاسبوع
احبكم من الصميم حبايبي
ولي عودة مع ردودكم اللي ما رديت عليها
:)
الجزء السابع عشر
رحاب
يالسَة أرمِس نوف وهي ف الطيارة وايد حَبيت هالبنت بس ساعات أحس اني أحسدها
هي عندها عايلة أم وأخ بس انا ما عندي
ناظرت اللي وياي ف السيارة
حمد جدام حذال راعي التاكسي
وانا حذالي ساره وبعدها راكان وبعدها عبدالعزيز
تذكرت أول أيام حريتنا يوم قررنا ان نحن نرد لأسامينا الأصلية
وننسى الألقاب والماضي الأليم
يَا ف بالي موقف عانيت وياه وايد
يوم شفت المقر يحترق خففت وايد وانا أشوف صور فظيعه تضرب مخي
ويوم جربت صوب حمد وشفت المنظر اللي صدمني
صحححت وصرخت وخفت
بنت محتررقة بالكامل شكلها يخررع أحس اني شفت هالشي من قبل
لكن ماعرف وين ومتى
ليتني اتذكر او يمكن أوهام
أو يمكن ذكرتني باليازية
نفضت عن بالي الفكرة السودا اللي يتني
مب ناقصة انا همووم
اليازية طير من طيور الجنه وموتها راحه لها
هه ضحكت ع عمري مستهزئة بها
ليش أحاول أقص ع عمري
أمثل اني مقتنعه بموت اليازية وانا كل يوم أخاف أرقد بالليل عشان ما تصاحبني الأحلام
اللي تكون هي موجودة فيها تصرخ وتستنجد فيني
ومع البنت اللي ششفتها محروقة
الأحلام زادت والخوف زاد
ما كان خوفي من رابح يساوي هالخوف اللي أعيشه الحين
ع الأقل خوفي من رابح كان يزول اول ما أشوف عايلتي الصغيرة
وأول ما احط راسي وأرقد
لكن الحين
الخوف يلازمني بوجودهم وأثناء رقادي
انتبهت ع لصقت ساره فيني
وشفت انها تبا تبعد عن حمد اللي هاجمنا لورا عشان يضرب راكان اللي أذاه من كثر ما يطنز عليه
ابتسمت
وحسيت براحة لا عايلة نوف ولا اي عايلة ف الدنيا تسوى عايلتي
إختي الحكيمة ساره
وأخوي المدافع عني حمد
وأخوي المضحك راكان
وأخوي الحساس والحنون عبدالعزيز
وإختي اللي بتستوي ام مع الأيام أفنان
على طاري أفنان
إستانست وايد بزواجها اللي مثلنا ما يحضون بهالفرصة
أخيرا بتحصل حد يحميها ويعيشها بدال عيشة التشرد والوحدة اللي كانت عايشه فيها
صح ان اللي خذته واحد سكير وماخذنها مسيار
لكن مبين انه يحبها وهالحب ظاهر من عيونه
وان شاءالله مع الأيام بيتغير
هه أدري إني تخيلت المستقبل وخليته مستقبل مفرح
لكن الأماني مب حرام وانا من حقي أتمنى
ناظرت الشوارع وانا أحمد ربي ألف مره
وادعي للي كان السبب ف تغيير حياتنا
شو أحسن من كذيه
عايلة تحبك ومستانس بها
وبيت يؤيك ويحميك
بقى شي واحد أتمناه
شغلة ساره السريه اللي تشتغلها أتمنى انها تتغير بأسرع وقت ممكن
كم مره قالت انها ما تبا تغيرها لأنها متعبه بالنسبه لها
لكنها ما تقدر هي موقعه عقد مع اللي تشتغل وياهم والعقد ما بيخلص الا بعد 3 سنوات
والله يصبرها ويصبرنا
دايما نسألها عن شغلها وكيف تسويه
وبالأصل كيف يطاوعها قلبها
وترد علينا
( الفلوس تغير النفوس )
مع اني أشك بهالشي ساره أعرفها آخر همها البيزات
يا ف بالي الموقف اللي عرفنا به شغلتها المقززه
كنا نمشي انا وحمد وراكان وعبدالعزيز متوجهين للمقر
لكن انصدمنا يوم شفنا ساره طالعه من بناية عادية وف إيدها كيس
كانت تركض بسرعه
وبعدها دخلت ف تاكسي واختفت ..
كان الفضول بيقطعنا نبا نعرف ليش ساره كانت تركض
وكيف قدرت تدخل هالبناية اللي تعتبر جدام بنايتنا (قصر)
شفنا حمد دخل البناية وتبعناه
ولاحظنا قطرات دم موجودة ع الأرض
تبعناها وركبنا للطابق الثاني وقادتنا بقع الدم لحجرررة
وانصدمنا من اللي موجود فيها
كانت ام عبدالعزيز اللي كم مره شفنا ساره عندها تنظف الأرض
وحذالها حرمه مغطيين ويها واخترعنا
شكلها ميته
زين كيف !!
الدم معقولة يكون منها ؟
زين ساره معقولة كانت ف هالحجرة وساهمت ف ذبح الحرمه
اختبصت علينا الأمور
وام عبدالعزيز مع انها شافتنا
لكن ما رمستنا ولا جاوبتنا على اسئلتنا كانت تنظف وهي ساكته ولا معبرتنا
كأن نحن أصنام
تمينا نص ساعه واقفين
ويوم شفنا ان مافي فايدة من يلستنا
قررنا نروح عشان ما نتأخرعلى رابح
لكن دخلت سارع علينا الحجرة فجأه كانت تصيح وتتمتم
مات يا خالة مااات
يتها ام عبدالعزيز وحظنتها
وحاولت تهديها
كانت ساره تصيح وتقول
ذبحت مرته وخذت كليتها ,, ورحت أعطي ريلها الكلية وتأخرت عليه ومات .. انا جتلهتم جتلتهم الإثنين
انصدمنا من اللي سمعناه وخفنا نعرف أشياء زيادة
طلعنا من الحجرة وكل واحد سرحان باللي شافه واكتشفه
بعدها باسبوع التمينا حوالين ساره نسألها عن اللي صار
وكانت ترد علينا ذبحت الحرمه وخذت كليتها عشان اعطيها لريال ثاني
والريال مات !!
انصدمنا كيف تقولها ببرود
استوينا نخاف من ساره استوت تخرع
وقاسية اكثر من ما كانت عليه
حقد بو الجماجم زاد
واستهزاء السفاح والشبح زاد
والفجوة اللي بينا كبرت
لين ما ابتعدنا عن بعض ولا عدنا مثل قبل
لكن مع السنوات بدينا ننسى لين ما وصلنا لهاليوم
اللي فيه أصبحنا إخوه ما نتعوض عايلة سعيدة
وعسانا ما نبتعد عن بعض
راكان (السفاح)
راكان : جب جب لا افضحك الحين
حمد : يلا قول اتحداك تقول اصلا ما سويت شي
راكان : علينا علينا حاولت تغازل ولا لا
حمد (حمر ويهه من الإحراج) : لا ما حاولت لا تتبلى علي
حمد : والله العظييييم يا ساروه اني ما أجذذب انه حاول يغازل وحده ,, صح عبدالعزيز
عبدالعزيز : هيييه وللأسف ما عطته ويه
حمد : ويعني غازلت شفيها !! والله انتو فظيعين
عبدالعزيز : واااااااااك ككك شوفو ويهه كيف حمرررر ,, تستاهل حد قالك تقلد الشباب التافهين
حمد : انت آخر من يتكلم ,, والهندية اللي تبعتها يوم كامل !! هااا ارمس على شو كنت ناوي
ساره : بسسسسسسس خلاص ,, والله انكم حشرة , آخر مره تروحون مول !!
حمد : انتي بس فالحة تسكتيني وهم من الصبح يطنزون علي ما قلتيلهم شي
ساره : افففف بدينا
راكان : خلاص بنسكت ,, أعوذبالله المره الثانية للبنات تاكسي ولنا تاكسي
ساره : مال عمك ما يهمك
عبدالعزيز & راكان : كاااااااااااااااااااااااااكككككك عطوووووه
سِكت عن الحقوديين هييل وتميت اناظر الشوارع
يا محلا هالشهور مرت سعادة وراحة واطمئنان
من كان يتوقع ان حياتنا تتغير لدرجة 180 وكل ها بفضل اختفاء رابح يعله يدوم
ما أدري كيف أقيس السعادة اللي تجتاحني الحيييين
يارب يارب يارب خل هالسعادة اللي تحيط بنا تستمر وخلني أحصل امي وابوي بأقرب وقت يارب ,, يارب انهم ما يكونون متأذيين ولا متعبنهم الفقر واليوع
دمعت عيني وانا أتخيل انهم يعانون الفقر واليوع والمذلة وانا يالس ومستانس ومرتاح
صارلي قرابة الشهرين وانا ادور عليهم ف مكة والمدينة ..
لكن صعب أحصلهم المدينتين كبار وانا مب عارف وايد أشياء عنهن حددي الطريج من مقرنا للحرم وبعض الطرق اللي تحيط بهم
رحلتنا لجده عشان شيئين اولها نستانسس ونرتاح والشي الثاني ,, حسب توقع ساره إن أهلي بيكونون هناك
لأنها سمعت ان الحي اللي كنا نسكن فيه انا واهلي تعرض للصيانة والتغيير من حي سكني لحي تجاري والناس اللي كانو هناك تلقوا تعوييض بجده
ياترى أهلي حصلو تعويض ولا لا
أصلا هم عايشين ولا
ما أريد اليأس يتخللني ف غيرت محطة مخي وفكرت ف أفنان وريلها اللي أحبه موووت
ههههه يعيبني ريلها يونسني وخصوصا يوم يكون سكران
أستمتع ف السوالف وياه ....
شكله والخربطه اللي يقولها شي لا يعوض
يعني بالنسبة لي هو شي عظييم في مجال التضحيك ,, أصلا شي كلمة اسمها التضحييك المهم انتو فاهمين قصدي
دخلنا الشارع اللي ساكنه فيه أفنان وخلينا راعي التاكسي المعصب من حشرتنا يوقف عند الباب لين ما نناديها
ساره : تمو هنيييه انا بسير أزقرها وياويلكم لو أذيتو الشايب
راكان : لاااااا لااااااا انا بسير ازقرها بلييييييييز ابا اسولف ويا برووك شوي بلييز ساروه
ساره : لا بتأخرونا بعدين تم هنيييه
راكان : وعععد وعد اني ما أتأخر بسرعة بظهر .
عبدالعزيز : خليه ساروه بيأذينا بعدين !!
ساره : خلاص روح لكن والله لو تأخرت بكنسل الطلعة بكبرها
راكان : اعوذ بالله منج ,, زين زين ما بتأخر
نزلت وتميت أدق الجرس وأترياهم يفتحون
ما ادري ليش تخيلتهم ف هاللحظة يتظاربون منو يفتح الباب
ههه ابتسم ع افكاري والصور اللي تكونت ف مخي
حرقتني الشمس وهييل ما فتحووو لي بلاااهم !!
ظهرت فوني ودقيت ع فون افنان وما ردت ونفس الشي مبارك
لا يكون راقدين يا ويلهم
أشرت لساره ان محد راضي يفتح وأشرت لي اني أدخل
هههه شكل افنان ما بتسير ويانا ..
وحليلها ,,, ركبت التاكسي وانا أحاول انرفز ساره عشان نسير من دون افنان وبعدها اتصل ف افنان اغايظها هههه
راكان : حررقتني الشمس وانا اترياهم يفتحون ... وينهم .. وشو بنسوي الحين ؟
ساره : خلاص خل تدبر أمرها ,,, رفيق إمش لجده
ابتسمت وانا أسمع الاعتراضات اللي تصدر من عبدالعزيز وحمد وويه رحاب المعتفس لكن ساره ولا هامها شي
كنت أضحك ف خاطري متأكد ان افنان لو درت ان نحن رحنا عليها مستحيل تسكت
وبتم تأذي مبارك لين ما يرضى وأصلا هو مستحيل يرضى ع زعلها يحبها
يضحكني هالريال
تذكرت موقف استوى ونحن نزف افنان لبيتها بما انها ما حصلت العرس اللي كل بنت تتمناه حسب توقعاتي
دخلنا وأول ما شافته شهقت
حسيت من شهقتها انها خذت كل الهوا اللي ف الحجرة
وبعدها صرخت : بعدددددك يااااااااااااااااااهل ,, طاع شكلك وانا ع بالي شايب ظروسه طايحه
وراحت تصافحه بحماس
افنان : حي الله بالسكير يعلني ما أبكيك ف يوم ,, انا ربيعتك اليديدة أفنان
تقدر تطلب مني اللي تباه بس الواجبات مستحيل أغششك فيها
قوانيني هي ممنوع اللمس ممنوع الإقتراب ممنوع السرقة
اتفقنا !!
ماشي
لاحظت ان الريال انصدم الا عيونه طاحن ف الأرض من جرأتها وكلماتها
لكن بعدها طلعت منه ضحححكه هزت البيت هز
لدرجة ان افنان قامت تمثل ان البيت بيطيح فوق روسنا وهو ميت عليها ضحك
تفشلنا من رمستها وع طول طلعنا برا البيت ونحن نتمنى لها السعادة الدايمة والله يعينها ..
عرفت من ساره انه يبالنا وقت لين ما نوصل ف حطيت راسي ورقددت
أفنان
نرجع لخمس دقايق ورا
كِنت أسبه وأصرخ عليه عشان يصحصح شوي ويرد له عقله
ع الأقل لين ما آخذ الإذن منه عشان أسير ويا الأهل الكرام جده وبعدها خل يفقد عقله للأبد
لككن شكلي زودتها
وما حسيت به الا يمد إيده يبا يخنقني
خفت الا ارتعبت من بينقذني
حسيت ا ني بديت انكتم وحاولت ادزه لين
ما طحت وطاح فوقي ..
كنت بختنق وأحس الهوا معدوم وكل هذا بسبب شيئين مسكت ايده القوية على رقبتي وقربه الزايد مني
لأول مره يكون قريب مني لهالدرجة يالله أحس اني بموووت
وما لقيت حل غير أني أصيح بانكسار
اخاف منه والله أخاف
يعني سكير بالذمه ماتبوني أخاف منه
صح طيب وحنون لكن تصرفاته وهو سكران اطير العقل
عشان كذيه اول ما أعرف انه سكر اروح حجرتي وأقفل على عمري
لكن اليوم وين حجرتي وكيف بقدر أشرد
صحت بصوت عالي وأنا أدعي حد ايي قبل ما اموت على ايد هالحمار
لكن انصدمت وانا أشوف اني أرتفع وضحكته العالية تهز البيت
سحبني لحظنه وهو يضحك بقوة
وانا صحت زيادة خفت انه استوى مينون من الإفراط ف الشرب
لكن حسيت به يضمني أكثر لصدره ويقرب راسه من إذني و يهمس
مبارك : شرايج ف الحركة رديتها ولا لا ؟؟!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك