رواية خاتم في اصابع رجال -14
أذكر من سنتين حرقها رابح ف ريولها لين مآ ذابت ريولها واستووو مو قد بعض
يعني في ريول اقصر من الثانية عشان جيه ساره تاخذ نعال متخصصه لهالحالات وهذي هدية من اللي تشتغل عنده ف سلب الأعضاء
مشينا وركبنا تاكسي وتمينا نسولف ونتذكر الأحداث اللي استوت
ونقول انهم أكيييد شكوو فينا ومستحيل ما يتبعونا ف يوم من الأياام
طالعت ف الشبح الهادي واللي مب معبرنا
انقهرت منه يوم قال انه ناوي يشرد
مينون هذا يبا يذبح عمره ,, رابح موكل ناس تراقبنا للي يبا يبلغ ولا يشرررد
حطيييت راسي ع الدريشة اتريا متى نوصل
هذي هدية ساره لليوم ف العاده نروح مشي بس شكلها ما تروم تروح مشي ف وقفت تاكسي
نزلنا جريب من العماره اللي احنا فيها يعني مسافة ربع ساعه
مشينا ومشينا ونحن مستغربيين من الريحة اللي منتشرة
رييحة شي محرووووق
وصلنآآآ المقررر وانصدمنآ ونحن نشوووف العمآآآرة تحترق والشرطة والاطفاء متجمهريين يحاولون يطفون الحريج
أَفـــــــــــــنــــــــــــــــــــــــــــــآن
يالسة ف السيارة وحاطه راسي ع الدريشة تعبانه وهلكانة ,,, الظاهر طلع صدق كلام الدكتور وعندي فقر دم ناظرت خالد اللي اليوم حسيته اكره انسان ع وجه الأرض كلها مع انه ف النهاية اصطلب
ساعات احسه يهتم فيني بشكل غريب
ولا لييش يرووح يطلب تحاليللي من المستشفى ويييب لي الدوآ
طالعت ف الحبوب وانا مستغربة كيف ببلعهم مآعمري بلعت حبوب ف العادة اشرب السائل
افنان : لو يبت شراب أحسن ماعرف ابلع هييل أصلا ما جربت
خالد : شوو تستهبلين انتي شكبرج مآ تعرفين تبلعينهن عاد من كبرهن
افنان : اوهووو خلاص لا تتفلسف ماله داعي ,, ماتستحي ولك عين تتكلم بعد اللي سويته الصبح
خالد : يابنت الناس تأسفنا شو تبين أكثر عن جيه
رحت وحطييت راسي بين الكرسيين اللي جدام ومديتا يدي جدام ويهه
أدري حركة جريئة وتبين اني مش متربية بس صدق انا مش متربية
افنان : حط خمسين ريال
شفته يرفع حاجبه باستنكار : انتي متوعده تلصقين ف الرياييل جيه
افنان : والله ما اذكر بس اتوقع ايوه المهم لا تضيع الموضوع حط خمسين ريال
خالد : والراتب اللي نعطييج اياه آخر الشهر ؟
افنان : لا تستهبل ها تعويض عن اللي سويته بي
خالد : اقول انزلي انزلي وصلنا وبعدين بنتفاهم محد يعطيج ويه
شفته ينزل بعصبية ويدخل البيت
بسم الله هالريال مسررع ما يتغير مزآجه
نزللت وييت بقف باب السيارة
وشفت رايد اخوي طالع من البيت
تجدمت صوبه
افنان : راآيد انا موافقه اتزوج راعي الخمور مسيار
إنتهى
الجزء السادس عشر
رحاب
اليوم كان رهييب الا روععة استانست ويا اخت المدعو سعييد وحبيتها من الخاطر
أحس حياتي بدت تتحسسن وتحلوو
سعادة كبيرة اجتاحتني وانا اتذكر اهتمام سعييد بنا
حسيته اخ حنون يا حيها نوف به
وقفت فجأه بعد ما حسييت بحراارة وشفت الكل وقف رفعت راسي بسرعه اجوف
وتفاجأت باللي اشوفه ...!!!!
يالله احنا مستحيل نستانس يوم كامل....!
صرخت بدآآخلي...لاااااااا...حرآآآآآآآآآآآآآآم......!!
وقفنا نطالع المقر وهو يحترق الاسعاف والاطفاء
والكل يطالع المقر بصدمــــــــــــــــــة وألـــــــــــــم..!
صعــــب صعــــــب يحترق المكان اللي قضينا فيه أغلب عمرنا ...!
كنت أصيح بصمـــــــــت...وقلبي يتقطع ع المكآآن اللي احتوآآنا سنيين..والحينة يحترق جدامنا..!
التفت اطالع بو الجماجم والشبح والسفاح
نظراتهم غريبة ومختلفة
واحد يطالع بألم ..!
وواحد يطالع بانتصار ..؟؟
وواحد يطالع بأمل ..!!!
اما ساره ..
تفاجأت لانها..
ركضت بريولها المصابة وهي خايفة ....
اول مره اشوفها خايفة لهالدرجة ..!!!!!!
راحت تركض صوب الاطفائيين وهي منبهه علينا ما نتحرك عشان ما نتأذى ...!
عارضناها كلنا ف البداية نبا نسير وياها.. لكن صرخه من اعماقها خلتنا نقعد ف مكانا
لمحتها من بعيييد تحاول تدخل العماره ...!!!!
استغربت من تصرفها ..؟
وكانت تصرخ عشان يخلونها تدخل..!
ما ادري شو كانت تبا من دآآآخل....ومصّرة تدخل..!!!
كنآآ نرآآقبها بخووف....شو هالمينوونة بتسوي...؟
بسسسرعه ياا فــ بآآآلي........
رابح !!
رابح داخل المقر ولا لا ....؟!!!!!
اللي اعرفه انه قال انه ما بيظهر من المقر اليوم ابد
قالها بلسانه بيتم عله ع قلوبنا اليوم وبينتظرنا ويا ويله اللي يتأخر منا ..!
معقولة يكون راقد ومش حاس بالحريقة ..؟
معقولة يموت ونرتاح منه ....؟
لحظظة
خفت من هالفكرة !!
يموت
زين احنا وين نروح
وين نعيش
نفترق !!!!
احنا اذا مات رابح ما بنرد للعصابة الكبيرة والأفرع الثانية بريولنا
مستحييل يسوونها البقية !!
يعني
يعني
خلاااص ؟!
بودع اخواني ؟!
بتم وحييدة ؟!
محد بيكون وياي ؟!
بكون منبوذه ؟!
ساره بتروح وبتعرف تدبر امرها عندها البيزات اللي تعيشها
السفاح عند اهله بيحصلهم أكيد
بو الجماجم عند وديمة وأهلها صح اهله ما يبونه لكن كم مره شفته يقول ان
والشبح بيعرف يدبر عمره ريال ما ينخاف عليه
زين انا ..؟!
من لي ....!؟
منو بيتقبلني ....؟!
صحت بألم ما اريد افارق حد ابا اتم وياهم ..
ما ابا اعيييش بروحي ...
انا اليوم استانسست ....
استانسسست حسيت صدق بشعور العايلة الواحدة...
وليتني ما استانسست ..
لأني كل ما استانسس يستوى شي يخرب علي حياتي
يدمرهااااا
ويردني لأفكاري السودا
ليييييش ياربي ليييييييش
حسيت بهم يلتفون حولي
شو يبون مني هيييل
هم بيتركوني بيخلوني بروحي شو يبون مني الحين يبون يعذبوني !! ويزيدون اوجاعي
صحت زياده
وكرهت عمري وانا اسمع صوتي الخايس يظههر
اكرهه اكره عمري اكره كلللل الدنيا ما احب حدد
يارب اموت يارب اموت ..
السفاح
يَالس اطالع رحاب الغبيية !!
ع شووو تصيييح
على الحرية اللي بنتحلى بها
ولا على الراحة اللي بنحظى بها
ولا على الدنيا اللي بنبدا نستانس بها
ولا على المستقبل المزهر اللي بنحصله
يلست حذالها وانا اهديهاا
وأحاول انكت
المصيبة انها منزلة راسي كيف بتسمع نكتي
ما انصحها تفوت نكتي
كل شوي ارفع راسها واقول لها نكته
وما تعطيني ويه وتضحك
اعوذ بالله ما تجامل ==
رفعت راسها وقلت أول نكته سمعتها ف حياتي
السفاح : في عيوز طاحت قالت شفتو الحركة
شوي والا أشوفها تبتسسسم تبعت هالإبتسامة ضضححكة
طع هاااي
تضحك ع هالنكته السخيفة واللي قبلها كانن احلى..
يَ الله أهم شي تضحك ...
سمعت صوت الشبح وهو يصرخ
الشبح : شبااااااااااااب شوفووو ساره دخخخخلت العماااااااره
نشيت بسرعه وانا مصدوم تستهبل هاي
شفت بو الجماجم يرركض
ولمحت الناس اللي هناك يركضون وراها يبون يمسكونها
لكن ما قدرو يلحقونها لأنها دخلت خلاص
اعوذ بالله هاي مب كأنه ريولها تعورها
كيف تستحمل
بس شو الشي اللي نسته داخل عشان تركض له هالركييض
لمحت بو الجماجم يضارب وياهم لييش انهم ما انتبهو عدل مما أدى انها تدخل
تبون الصدق ..!!
ابد مب خايف عليها احس هاي قطوة بسبع ارواح
ما بيصيبها شي ....
السفاح : شبووح انا بسير اشوف الأوضاع عن كثب اقولك هم يقولون كثب ولا كثف ولا كتم ؟
الشبح : ممم كثم أحسن ,,, المهم روح روح فكنا واذا بتموت تسوي خير
السفاح : الله يخليك تسلم على التشجيع كنت محتاج تشجيع حق للإنتحار
الشبح : الله وياك ولو شي ف مخباك بيزات ولاشي عطني اياه اخاف تحترق ويحترقن وياك خل نستفيد منك شوي
السفاح : ف أحلامك والله حتى نعالي المقططعه اللي ما بقى فيها حيل تلمس الأرض بشلها معاي أخاف تستفيدون منها
هههه حسيت ان نحن بارديين يوم شفت ملامح بو الجماجم احس عيونه بتطلع
رحت وأنا الوح بإيدي مع السلامة حسيت اني عشت الدور واني رايح انتحر الحين
وصلت للشرطة وشفتهم يحققون مع بو الجماجم عن سبب قطع ايده
وكل ما سألوه سؤال كان جوابه " مايخصكم "
حسييت الشرطيين استغاظو منه
لمحت الإسعاف وهي تنقذ الأطفال والحريم والأشخاص اللي ف العمارة
تصدقون أول مره أعرف ان عمارتنا فيها ناس وايد !!
مساكين وين بيحصلون لهم سكن
سمعت خطوات تقترب شفت رحاب والشبح يايين
يَالله أخاف رحاب يغمى عليها من هالمناظر ما فينا
شفتها تقترب صوب الإسعاف وتطالع الناس رحت صوبها
ومسكتها عشان أسحبها ونروح بعييد
هاي انسانة خواافة من اي شي تخاف
وهالمناظر خرعتني انا كيف هي
استغربت يوم شفت اني أسحبها وهي ما تحركت
عيونها كانت مركزه ع شي وتطالعه بصدمه
ناظرت وين ما هي تناظر
واقشعر بدني
حاولت اسحبها بس هي قاومتني وتمت تطالع
حسيتها تطالع وفكرها مب وياها كأنها ف حالة صدمه
ساره
حررررر بموت من الحر , وريولي تعورني صعب علي أتحرك
ما صدقت وصلت الطابق اللي إحنا فيه كنت يايه بفتح الباب لكن فجأه شفت شي يطيح ع الأرض
رديت ع ورا بسرعه عن يصيبني شي
يَالله ربي ستر ولا كانت بطيح الخشبه ع راسي
عديت الخشبه وحاولت افتح الباب
حسيت بحراره ف ظهري
يالله مسكت بإيدي البقعه الحاره
اكتشفت انها شيلتي وانها احترقت
اللهم لك الحمد أذكار المساء كان لها فايدة
فتحت باب شقتنا وأنآا أأمل اني اشوفه يارب اني أشوفه
دورت بعيني عن اي شي بيدلني ع مكانه وكنت حاطه ايدي ع حلجي وخشمي
أحس اني بختنق من الدخان
وبديت احس صداع من هالريول اللي تنزف دم من الصبح
دخلت حجرتنا اللي نرقد فيها وحصلته
كان متمدد ع الأرض بجثته الكبيرة والنار من حوله
ركضت بسرعه صوبه وأنا ادعي ان ما استوى به شي
حاولت اقومه لكن ماشي فايدة هو أثجل عني
والنار بدت تخنقني ابا اساعده يارب استتر
تميت أدور ف الحجرة عن شي بيساعدني
وحمدت ربي يوم حصلت لوح التزلج حق الشبح
ذكروني اذا طلعنا بسلامتي اهزبه عيل كيف يرميه وهو بقيمة 20 ريال
استوى الأخ يسرف
ربطته بعباتي ع اللوح وأنا اتأسف منه لأني بجره شرات الكلاب
طبعا هو خبر خير أصلا ما ادري حي ولا ميت
تميت أسحبه
وتبون الصدق ما كنت أهتم اذا جاسته نار ولا لا
المهم اني اسوي عمل بطولي وانقذه سواء كان حي او ميت
توهقت عند الدري ما ادري كيف انزله
والحل الوحيد اني افره منه اذا سلم الحمدالله
واذا مات الله يرحمه
وفعلا دزيته بهدوء عشان تخف عليه وقع الطيحه
يارباااه ع قولت السفاح
طاح كم من طيحه
نزلت تحت بسرعه يوم شفت النار بدت تاكل ثوبه
وراسه بدا ينزف
حسيت انه لو مات مكانه كان أحسن من العذاب اللي انا سويته به
شفت واحد من الاطفائين شافني وانا أسحبه ف يا وساعدني
وطلعت بعد ما حسيت ان جسمي انهد واني بموت من التعب
آخر شي لمحته هي عيون بو الجماجم المصدومة وصرخت السفاح
السفاح: لييييييييييييييش ؟
وبعدها ما قمت اشوف شي
سعيد
وصلت منصور صوب حجرة أهله سلمت على أبوه ورحت صوب حجرتنا انا ونوف
يوم أتذكر الأشياء اللي استوت ف هالعايلة أشفق عليهم مساكين والله
وصلت صوب الحجرة فتحت الباب وحصلت نوف يالسة صوب التلفزيون تطالع الأخبار او يتراوالي انها تطالع الأخبار بس هي كانت ف عالم ثاااااااني
رحت ويلست صوبها ومن شافتني احتضنت ايدي وحطت راسها ع ذراعي
حسيتها مرتاااااااااااااحه ومستانسة وايد والله يدوم هالوناسة عليها
مسحت ع شعرها لين ما شفتها تلتفت لي وتأشر انها حبت رحاب
ابتسمت لها
سعيد : الحمدالله الله يديم المحبه ,, تبين تشوفينها باجر ؟
شفتها تهز راسها بحمااااااس وبقوة خفت يطيير راسها من جسمها
مسكت راسها بإيدي
سعيد : خلاص خلاص فهمت بتجلعين راسج ان استمريتي
ابتسمت وأشرت لي انها تبا اتم وياها دايما
سعيد : يا سلام كيف اتمين وياها دووم احنا بنرد دارنا وهي بتم ف دارها !!
شفتها ترفع حياتها بطنازة
وتأشر بشي انصدمت به هههههه الخببيثة
سعيد : تستهبلين وبنت عمج اللي محيره حققي وين اوديها ؟
هههه لاحظت ويهها كيف اعتفس وها دليل انها تكره شيخه بنت عمي ,, وطبعا انا مثلها يعني مب مثلها اكرها بس ما ارتاح لها و ما بغيت أكسر بكلمة يدي
التفت لها اشوفها ولاحظت انها سرحانه بشككل فظييع وكأنها تفكر بحل
ظربت راسها بخفه
سعيد : لا اتعبين عمرج انا باخذ شيخوووه ورحاب ان شاءالله كل ما تبينها بنسافر لها
طالعتني بطرف عينها وردت تطالع التلفزيوون وع طول غمضت عينها
التفت اشوف شوا طالعت واقشععر بدني وأنا اشوف واحد ليبي مجتول والدم مغطيه والمنظر مأثر وايد بندت التلفزيون ما فيني نوف اتم تحلم طول الليل وتقومني وانا ابا ارررقد
فجأه طرت ف بالي امي
دقيت لها وكلمتها وشكلها حاسه بالوحده مسكينه
ونوف من سمعت صوتها تمت تصييح
شفف هاي مب كأنها من شوي تقول بتم عند رحاب دايماً
بندت عن امي وسرت حجرتي بعد ما خلت نوف تبوسني غصب فوق راسي هههه
لازم تحترمني عيل شو تسير حجرتها وترقد من دون ما تشكرني ببوسه بسيطه ع راسي
صدق ان البنات منككر ...
فريت عمري ع الشبرية وتميت انقز فيها شوي الين تعتفس
طبعي جيه احب الشبرية تعتفس وعقب اقدر ارقد وارتاح
هههه ضحكت بيني وبين نفسي يوم سمعت صوت شي تكسر
شكلها خشبه من الخشب اللي تحت
الله يستر لو يكشفون فعلتي السودا ويدفعوني
انسدحت وتميت افكر بحياتي ككل
سنه وبدخل القفص الذهبي مدري شو يقولون له الزبده اني بتزوج !!
نوف بتدخل الجامعه هذا اذا رضت البنت هاي ما تحب تختلط ف حد وانا خايف عليها
خلنا من نوف الحين
خلنا ف المصيبة الكبرى !!
كيف باخذ بنت عمي شيخه
هي حبوبه وفرفوشة لكن مشكلتها حناااااااااانه وااااااااايد ودلوعة واربع وعشرين ساعه تطلب
وفوق ها تييها هفات ساعات تكون خقاقة
احس فيها انفصام ف الشخصييية
استغفر الله من هالتحييير يقهر بالواحد ويكون فيه ظلم للطرفين
سخافة صراحة والمصيبة يوم تكون ريال ومب قادر تقول رايك
فجأه قطع علي صوت الفون وهو يصييح
منو هذا اللي متصل علي ف هالوقت
شفت اسم حارب ع الشاشة ردييت ع طول يا ويلي لو عرف ان نحن مسافرين وما قلناله بيعتبرها خيانة !!
سعيييد : مرحبآآآ ملاااااااين ولا يسسسسدن بروميووونا ,, عاش من سمع صوتك
ما سمت اي اجابة منه
لكن ..
كل شي جمد فيني وانا اسمع شهقاته المتتالية وكلمته اللي بعد عناء طلعت من حلججه
حارب : ماااااااااااااااااااااااااااااااتتت آآآآآآآآآآآآآآه
أفنان
راكبه التاكسي بعد ما تأكدت ان خالتي ام خالد ما تبا مني شي
متوجهه لشقتي اقصد شقت اللي اونه ابوي الكريهه والكأيبة
سنوات عشتها ف كنف واحد يطلع ف النهاية واحد كفلني ؟!
انا طلعت لقيييططططة يالله يالدنيا !!
كل يوم تزداد قسسسوة
انا لقيطة خذني المدعو ابوي وكفلني ما كان متزوج
هه وأنا اتمصخر ع اللي يشربون خمور وأهل المخدرات واللي يزنون
وف النهاية اطلع انا نتيجة الزنا !!
يا مصيبتااااه
قعدت أفكر باللي استوى في ما يقارب النص ساعه
حتمت على نفسي بالإعدآم !!
بتزوج سكيير بايع للخمور وفوق هذا معرس ومادري كم عنده من ولد
ثاني شي خالد !!
اللي كان يتجسس ع اللي قلته لرايد
كل ما اتذكر ملامحه احس بإحباط شديد
حزززن اجتاحني
شكله كان يباني اكمل الشغل عندهم عشان ما يطلب وحده من برا
وانا خيبة أمله وآمال امه !!
يلا بيحصلون اللي احسن عني ان شاءالله
بس طبعا بستمر وياهم الين ما نشوف ترتيبات دفني " زواجي "
اففففف كل شوي تتردد كلمات خالد ع مسمعي شو يبا فيني هذاااا ؟
لييييش كان يتجسس الحين بتخترب سمعتي واطيح شهرتي ==
لأني بتزوج هذاك مسيار
لالالالالالا !!
شو هالغباء اللي فيني بالععععكس
انا بشتتتهر بستوي معروفة
زوجة راعي الخمور ...
الله حلو اللقب بس خلني أعدل عليه
بنت الحرام زوجة راعي الخور
ايوا كذا الدنيا ولا بلاش
تأملت الزحمه اللي احنا وسطها
استغربت هالشي مش من عوايد هالشارع
لأنه شارع مهجور وجدام العمارة ع طول
نزلت من التاكسي بعد ما عطيت راعيه ريالين وتم يصرخ فوقي ويحلف انه بيبلغ الشرطة
وانا ولا ع بالي نزلت ويوم شفته نزل وياي ركضضت ركضضض
وهو يلحقني
حسيت اني بفلم اكششن وخصوصا اصوات الشرطة والاسعاف اللي يالسة اسمعها وتقترب
تميت اضحك ع البوتمبه اللي وراي شكله تعب ... وحليله
التفت فجأه وصعععقت من المشههد
العماره تحترق ....
الييران وعيالهم ف سيارات الإسعاف ....
سارة ينقلونها لوحده من سيارات الإسعاف ...
رحاب منهارة تصيح وشرطي واقف يهديها ...
بو الجماجم والشبح وكم من دكتور ملتفين حول شخص ....
رحت اركض بسرعه صوب رحاب اللي تصيح وحظنتها وانا اهديها
وللأسف وصل الهنديي وهو يسب فيني
واشتغلت اللعانه فيني بعد ما قال
راعي التاكسي : هذا بنت ما يريد يدفأ فولوس مال توصيلة .!!
افنان (بتمثيل) : انا اللي ما رضيت اعطيك البيزات ولا أنت اللي قلت بتذبحني ان ما عطيتك زيادة ... حرام عليك انا بنت فقيرة وكنت ناوي تخطفنييي
راعي التاكسي (مبقق عينه ) : والله هازااا بنت في كزاااب شو هاداا انا مايريد انتي انا في هورمة وبيبي ما يريد وجه سيمسم وجه انتي
الشرطي : بس انت روح وبنتفاهم وياك عقب اذا تبا بيزاتك
راعي التاكسي (بخوف) : لا لا ما يرييد خلاص ..
شفته يروح وهو يتحرطم,,, ضحكت عليه وعلى مشيته لكن بعد ما حسيت بشي غريب
صوت هالشششرطي مألوف
رفعت راسي اشوف ويهه بما انه أطول عننني وانصدددمت !!!
خـــــــــــــــــــــــالد !!
هذا لاحقني لاحقنيي
شفته يبعد عينه عني وما يبا يطالعني كأنه كارهني
حشششى كل ها عشاني ما اريد اشتغل ف بيتهم !!
رفسته بريوله
افنان : يوم اطالعك لا تودي عينك بعيد استح ع عمرك وبعديين يلا روح شو تبا من منطقتنا
شفتتته يلتفت لي وعيونه حمرررر يارب سسترررك
غمضضت عيني بخووف
افنان (بسرعه) : كووونت أستهبببل
خالد : ساكنه ف هالعماره انتي ؟
فتحت عيني بارتياح يوم سمعت صوته وكأنه مش معصب
افنان (تضرب ع صدرها ) : هيه نعم حياك لو تبا تدخخل
خالد : تبين الفكه مني وين أدخل والنار جيه ,,, المهم تعرفين هالبنت
افنان : اووه نسيتها ف حظظني ..
بعدت رحاب عني
افنان : هييه شفيها ؟
خالد : ماعرف بلاها لكن من يوم ما شافت جثة البنت المحترقه و شافت ربيعتها وهي جمدت حاولي تهدينها انا بسير اساعد
شفته يرووح والتفت ع رحاب اللي تصيييح ومررركزه ع نقطه وحده
المكان اللي انشلت منه ساره
افنان : رحاااب
ما التفت
افنان : حوووه رحووب
ما التفت
دزيتها ع كتفها انبهاا
وليتني ما سويت هالحرككككة
صررررخه خلتني أسد أذاني من كثر ماهي عاليه وحاده والصوت كريه
طالعت فيها وهي اطيييح وتضرب الأرض وبعدها تمسك راسها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك