رواية خاتم في اصابع رجال -17
ساره : ماعرف والله احترق مقرنا الجديم وحطوه ف المسشفى لانه كان مغمى عليه
واليوم الثاني يوم توجهو الدكاترة عشان يشووفون حالته حصلوه مب موجود ف حجرته والمستشفى بكبره
كومار (بشك ) : صددق ؟
ساره : ايوا والله بكذب عليك يعني ؟
كومار : اهااااا ... ومحد شك فيكم ولا شي ؟
ساره : لا محد أصلا اول ما شفنا ان ماشي فايدة من القعده وان المقر رايح فيها
سرنا
كومار : ايوا ايوا ,, يعني رابح مختفي ما مات ؟
استغربت من أسئلته شفيه هذا كم مره اقول .. وبعدين لحظة منو قال له ان رابح مات
بديت اشك ف هالكومار
قبل كان بالنسبة لي ريال غريب متعلق فيني وعنده شخصية قوية ورابح ما يقدر يرفض له طلب
وبعدها اعتبرته اب
وبعدها واحد خاين
والحين واحد غامض ..
فقت من سرحاني يوم شفته يوقف
كومار : يلا شباب بروح الحين
كنت ابا امسسكه وما اخليه يسيير
بس نظراته امنعتني كان سرحان وعينه غريبه
نظراته كان كأنه متوعد وف نفس الوقت حيران
خذت رقم تلفونه
بعد مذلة لانه مب راضي وكأنه خايف من شي
لازم أعرف سر هالريال
شفته يرووح
ووقعدت ع الأرض وين الشلة يالسه
ويلست احاول اسمع سوالفهم
شوي ولا شفت النار تطلع من مال الشوي
نشيت بسرررعه ووصبيت رمل علييه
مبارك الغبي راح ويا افنان ونسا البطاط اللي بعده ع النار
اففف خسرنا 5 حبات بطاط وحبيتين طماط
ناقصين احنا
راكان : شوفو ساره وملامحها عطوني كف اذا ما كانت تفكر انها تخلي مبارك يدفع جيمة الأكل المحروق
ابتسمت باستغراب .. هالولد مش طبيعي يعرف باللي أفكر فيه
يلست وياهم وتمينا نلعب
سبت أحد
لين ما يتصدق علينا مبارك ويحط الأكل لنا !!
مع اني بقولكم اني مستغربة من نفسي كيف معتمدة على غيري
بس عرفت ان هالرحلة ناوية اطلع شخصيتي الأساسية
والله يستر ..
أفنان
كنت يالسة أمشي ع البحر وانا مستحية ع الآخر
وكل شوي التفت لورا
ابا أتأكد اذا الإخوة الكرام يلحقوني عشان يتطنزون علي ولا لا
اكيييد شكلي غلط مع هذا اللي مصدق عمره
على باله في فلم احنا يسوي هالحركات
حاولت أسحب ايدي منه
لكن ما رضى ,, وسوى العكس خذ ايدي وباسها
غمضت عيني وانا أدعي عليه وما بجذب عليكم
كنت مستمتعة بالشي أول مره أحصل حنان من أحد خلني اتهنى فيه قبل ما انحرم منه
وقفت عند جملة أنحرم منه !
وأنا ف السيارة وبين سوالفنا
تخيلت نفسي انحرم من هالشخص اللي عندي
انا ما عطيته شي عشان يتمسك فيني
وهو متزوجني مسيار بييه يوم ويمل مني
هذا غير انه بيتخلى عني للأبد
واكون نزوه ف حياته
واذا الله أراد ما بييني الا بعد سنين ومتى ما يدق براسه ويحس نفسه ملان
سحبت ايدي بقوة عنه وانا أتخيل نفسي
لعبه بين ايدين طفل
وطبعا مبارك هو الطفل
متى ما يباني ياني ومتى ما يباني رماني وعقني ف المخزن !!
حسيت بنظراته المستغربة متسلطة علي وحسيت به يوقف بعدها
بس تظاهرت اني ما حسيت بشي وتميت امشي
لين ما ابتعدت عنه مسافة
وقفت وما صديت لورا
حسيت اني لازم ارد لشلة قبل ما توديني افكاري ف داهية
لفيت صوبه وحصلته واقف وصاد صوبي
بس ما أدري يطالعني ولا لا
هو بعيد وانا ما اقدر اشوف ملامحه
سويت أكبر طاف ومشييت ويوم تعديته ببخطوة
حسيت بإيده تمسك ذراعي بقوة
تحسبته من حركته بيحظني وكنت مجهزة أسناني عشان اعضه ف بطنة
لكن انصدمت وانا أحس به يهدني بعد ما وجهني صوب البحر
طشششش
كان هذا صوت ارتطام جسمي بالماي
كنت بعدني ما استوعبت الحدث اللي استوا
لأن عقلي عند هذا اللي يالس يشلح قميصه وفانيلته
كان يركض ومبين من شكله انه مركز ع النقطة اللي انا طايحه فيها
حسيت من حركته انه بينقز فوقي
فما قدرت غير اني انش وانا أصرخ
ومن زود التوتر اللي فيني
وحركته الغبية يوم نقز
تصادم راسي ف راسه وطحت وطاح فوقي
حسيت اني بموت
انا ما اعرف اسبح وما اعرف اكتم نفسي فترة طويلة
وهذا شكله مستمتع وهو يالس فوق ريولي
حسيت اني بختنق وخصوصا ان راسي تحت الماي
مع ان نحن ببداية البحر والماي مب عميق ف هالمكان
لكن الماي الحين مغطي راسي
حاولت انش بس مب قادرة
ايدي تحت جسسمي ومب قادرة اتحرك وهذا البوتمبه فوقي
حسيت اني بموت خلاص غمضت عيوني
وانا احاول اتذكر
المسلم يوم بيموت شو يقول الله أكبر ولا اشهد ان لا اله الا الله ؟!!
قطع علي سؤالي الخطير ايده اللي سحبتني لفوق
وانا ما صدقت خبر شفطت اكبر قدر من الهواا
تميت اتنفس بسرعه وانا احس اني حقد الدنيا كلها متيمع فيني
شفت ايده اللي زاخه ايدي ورفعت راسي اناظره
كان مبتسم ابتسامة غبية فما عندي سلاح غير العض عشان اشل الابتسامة العبيطة
مسكت ايده بسرعه وحطيتها ف حلجي بعضه
لكن صدمني يوم شفته يدخلها لداخل حلجي عشان يمنع اني اعضه
هذا الحممار المكار شكله متعود على عضة الحريم وكيف يتعامل وياهن
حسيت بقهههر يوم يتني هالفكرة اففف !!
هديت ايدي بسرعه ومشيت بطلع من البحر لكنه سحبني من كتوفي وطيحني
لكن هالمره راسي كان فوق
وكنت يالسة يلسة عادية
طالعته بقهر
شفته ييلس مجابلني وما بينا الا مسافة بسسسسيطة
حسيت ويهي جريب من ويهه ف صديت بعيد شوي
مبارك : ما ابا شي غيرج
افنان : اقول بروك انجلع عني مب متفيجة
استغربت يوم شفته سكت فترة وعقبها خذ نفس وخلا راسه يغطس
كان راسه ملاصق بطني
نشيييت بسرعه يوم حسيت ان ظروسه وصلت لريولي
الحماااار كان يبا يعضني من دون ما اعرف
كان بعده حاط راسه تحت الماي
ومن زود قهري ركبت فوقه وغرقته
ايوا اباه يغررق
وافتك من هالشعور اللي قام يراودني هالأيام تجاااهه
بعد دقيقتين
خفت انه مات لأني ما حسيت بأي مقاومه منه
وخرت عنه لكنه ماتحرك خفت
رفعت راسه
وشفته مغممض وويهه احمر
حطيت راسه ف ف حظني وتميت المس وييهه بإيدي
واحاول اسوي اي حركة عشان ينش
افنان : مبارك ,, مبارك يلااا نش
استغربت يوم شفته ما تحرك
دموعي تيمعن ف عيني لا يكون مات
جدن راسي وحطيته ع صدره ادور مكان قلبه
المشكلة ماعرف وين يكون القلب
حركت راسي يمين وشمال
افف ما اعرف وين
شوي وثبت على مكان
حسييت ان قلبه يدق
عقبها حسيت بحركه عند بطني
رديت راسي لمكانه الطبيعي بعد ما تذكرت انه ممكن يختنق
وانا الحبيبه خانقتنه وهو ف حظني راقد
رديت وتأملت ملامحه
استانست يوم حسيت بعيونه بدت تفتح
افنان : مبااارك يالحمااار فييك شيي ؟
مبارك : قولي شو اللي مافيني ,, أحلى حظن وربي
انصبغ ويهي بالأحمر هالحمار كان يمثل
قمت بسرعه من الإحراج وانا اسمع ضحكه العالي
وركضت صوب الشلة
ما اباه يأثر علي بكلامه وهو ف النهاية بيروح ويخليني
ما اريد اضعف له
يارب خلني اكتسب قوة شرات قوة ساروه
حمد (بوالجماجم)
كنا يالسين نسولف ونعلق ونضحك ونتريا عصافير الحب اللي موتونا يووع وللحين ما شرفوو
انا من الحين خاطري منكسر عليهم
راكان وعبدالعزيز متوعديين فيهم من الحين
حتى كلهم يسكتون فجأه وعقبها يقولوه التعليقات اللي بيقولونها لهم
سمعت حس عبدالعزيز وعرفت ان عصافير الحب يوو
عبدالعزيز : يا معيييرييس عين الله تراااك ,, والقمر والنور تمشي وراك
شفت راكان قام ييبب ,, والله ويعرف الحمار
التفت اشوف وين يطالعون
لقيييت افنان تررركض ومن وضح لها صوت الزفه وهي غطت ويها ووقفت ف مكانه
حركات هالأفنان وقامت تستحي
لمحت حد يركض وراها وعرفت انه مبارك العبيط
ضحكت عليها يوم شفتها تركض
وتضضرب راكان وعبدالعزيز عشان يسكتون
مبييين انها مستحيه وحليله
التفت لساره لقيتها سرحانه ومب ويانا
من يوم راح كومار وهي مش طبيعيه
افنان : اقولكم اسكتو عني مب ناقصتنكم
شفت افنان تتوجه صوب ساره وتغطي ويها ف حظنها ..
استغربت حركتها وحتى ساره نفس الشي
لكنها سكتت وتمت تمسح ع راسها !
يوم شفنا هالحركة سكتنا
شكلها صدق مب متفيجة
التفت صوب مبارك اللي ياي صوبنا وشفته يبتسم بكل وثوق وهو ياي
وف نفس اللحظة طاحت عيني على رحاب الراقدة
وحليلها رققدة بعد ما قرصها حيوان من البحر وريولها انتفخت شوي
ويوم سألنا واحد سعودي يالس هو وعياله قال هذا ما منه ضرر
مبارك : هههه شفييها الدلوعة !!
راكان : اعترف شو سويت بها هاااه !!
مبارك : بستها جدام الناس
عبدالعزيييز : ههههههههه لايكون هذا من الإحراج ,, فنون صدق
استغربت يوم شفت افنان ما ردة عليهم بلسانها الطويل كالعاده
ناظرت ساره وشفتها تبتسم وهي تطالعها
ساعات أحس ساره امنا كلنا
ومحد غيرها نقدر نلجأ له
أذكر قبل شهرين يوم اتصلت علي ام وديمة
....
ام وديمة : السلام عليكم
حمد : وعليكم السلام .. هلا والله خالتي !!
ام وديمة : هلا بك حبيبي ,,, وينك قطعتنا .! اشتقنا لك
حمد : والله انشغلت ما قدرت اييكم . انتو شخباركم ؟
ام وديمة : والله الحمدالله ,, وديمة زعلانة لأنك قطعتها
حمد : وعمي شخباره ؟
ام وديمة : يسلم عليك , قولي يا ولدي وديمة زعلتك ف شي ؟
حمد : لا الله يحفظها لكم بس انا صدق انشغلت
ام وديمة : والله ما ودي نسافر وانتو مب راضيين على بعض .
حمد : هاااه !!! تسافرون ؟!
ام وديمة : هيه فديتك ناوين نروح بريطانيا يمدحون علاجها الطبيعي ونبا نشوف اذا وديمة تقدر تمشي لنا مره ثانية ولا لا
حمد : اهااا ان شاءالله ربي ما يردكم خايبين وعساها تتشافى بإذنه
ام وديمة : ورحلتنا باجر حبينا نسلم عليك ونعزمك ع العشا
حمد : هااه .. والله ماعرف شو اقول .. اذا حصلت وقت ان شاءالله
ام وديمة : خلاص ما ابا اضغط عليك وترا اذا انت زعلان من وديمة .. والله انها تقول آسفة
حمد : لا لا شووه ما بينا شي ,, فمان الله خالتي
ام وديمة : الله يحفظك
........
ساعتها كنت محتار ما ادري هل أطاوع قلبي واروح
ولا اطاوع قلبي اللي يقول لا تروح بتنهان من وديمة شرات كل مره
كنت ذاك الوقت حززييين ومضايج
كل حد لاحظ
ما كنت اقدر اتحكم ف تصرفاتي
وكيف أقدر اتحكم بها
حب الطفولة والمراهقة والشباب بتسافر
وما ادري متى ترد !
ليش دوم يوم ينفتح باب سعاده ف ويهي ينفتح الف باب شر ف ويهي وف نفس الوقت
تميت لين الساعه 8 ونص محتار ماعرفت اقرر
لين ما يت ساره ودخلت حجرتنا
قعدت ساعتها على السرير هي كلمة وحده قالتها لين ما خلتني اطلع كل اللي ف قلبي
...
ساره : تكلم
حمد : ساره ساعديني ماعرف شو اسوي .. وديمة سفرها باجر عشان تتعالج . ماعرف اسير لها لأنهم عزموني على العشا .. شو رايج اسير ولالا
ساره : وشو اللي كان يمنعك قبل
حمد : كرامتي .. كل يوم انهان بسبت هالياهل ,, كل ما ازورها تفهمني غلط , تفسر الأمور على كيفها آخر مره يبت لها الجوتي فهمت السالفة غلط وتحسبت اني اعايرها لانها عاجزة
ساره : يا حمد يا أخوي العزيز وديمة عاجزه اكيد بتفهم الأمور بحساسية روح عندها على بال ما توصلهم بتكون تسع وعيب تدخل بيوت الناس متأخر
حمد : اففف لكن ان قالتلي شي يا ويلها بذبحها .!!
ساره : لا تمثل وايد ,, ما تهون عليك
حمد : هذي هي المصيبة
..........
رحت لهم وانا ادعي ان الامور تمر على ما يرام
لكن كل ظني خاب وانا اسمعها تصرخ بصوتها انها مستحيل تدخل وتسلم علي
سلمت عليهم
ورحت بعدها وانا اجر ريولي من الخيبة اللي تلقيتها
حرام عليج يا وديمة حراام
فقت من سرحاني على صوت افنان وهي تصرخ عليهم
وحليلها الظاهر قطعوها بتعليقاتهم
هههه شكلها يضحك وهي ف حضن ساره
صدق هالبنت ياهل
ساره : بس خلاص اللي يرمس الحين ما بخلي مبارك يحط له غير بطاط وطماط
راكان : سكتنا خلاص
عبدالعزيز : هالدب أكيد بيغرف له هو ومرته اكثر شي وبيخلينا على لحم بطونا
مبارك : الحين منو الدببب هااه !!
ساره : ياربي خلصنا من سالفة انفتحت سالفة ثانية ,, افنان نششي من فوقي خل اشوف ريول رحاب
افنان : ما اباااااااااااااااااااااا
ساره : خيييبه ما صار كل هذا مستحى مب كأنه مسوي الشي اللي اكبر عنه !! لا تسوين فيها شريفة مكه
شفت افنان تنش بسرعه من فوق ساره وعيونها شوي واطيح من الصدمة
افنان : كريهين
ركضت افنان بعيد عنا وحليلها شكلها شلت ف خاطرها
عبدالعزيز : اروح وراها ؟
ساره : اذا انت بايع عمرك روح
مبارك : اييييه يا حرمه ليش مزعله حرمتي
ساره (برفعة حاجب ) : خلص شغلتك وانت ساكت
مبارك : طع هاي انتو !! بس تتأمر ,, عشان صوماليتي بنفذ اوامرج
ساره : خل يسكت هذا الله يخليكم
شفت ساره تنش وتتفحص ريول رحاب
وعلى حركتها نشت رحاب
وهي تتأوه من الألم
نشيت عشان اشوف العشا كيف تم تقسيمه
ما اضمن هالريال عادي يحط لنا من السم اللي هو يشربه
خَــــــــــــــــــــــــــــالِد
يَالس ف الصالة ويا لطوف اللي رقدت وهي تطالع الفلم ..
وتَفكيري مشتت بعد ما سمعت من لِطيفة ان افنان وريلها ف جده !
يالله كيف وقع الخبر علي ..
توقعتهم مش متافهمين
بيتظاربون
توقعتها من ثاني يوم تيي عندي تقول خالد ما اباااه اباك انت
هه اي تفكير غبي كان يجتاحني
اصحى يا خالد اصحى !!
الحين هي معاه
ايدها بإيده وراسها فحظنه
مستمتعه بسوالفه
وهو مستمتع بشطانتها وحركاتها
تضحك معاه وتسولف وتشكي له وتخبره عن مواقفها !
وهو يتأملها وعيونه مستمتعه بها وبتفاصيلها
قهرررررررر
انا أتعذذذب وهي مستانسة
انا ما اعرف لمنو أشكي وهي ترمي كل همومها عليه
وهو يراضيها بكلمه وكلمتين
زين انا منو اللي يهتم فيني منو اللي يحس فيني وبقلبي اللي مب راضي يبرا
بعد الجرح اللي تسببت فيه هالياهل ..
لاحظت تلفون لطوف يدق
واحساسي الكريه خلاني اتوقع ان هذي هي افنان
خذت الفون
وقريت الإسم الف مره وانا منصدم !!
هي نفسها !!
شو هالحظ اللي لأول مره يوقف وياي
ما قدرت اتمالك نفسي وضغطت الزر الأخضر
وسكت
ياني صوتها الطفولي وطعني وزاد همي هميين
أفنان : خايفة أحبه يا لطوووف ,, بديت أميل له !!
ما قدرت أستحمل اللي انا فيه قفلت الخط
وفريت الفون على لطوف الراقدة
مما خلاها تفز من رقاده وهي خايفة
لطيفة : شفييييك ؟
خالد : عذاااااااااااااااااااب اللي انا فيه عذااااااااااااااب حرااااااااااام عليها
وظهرت من البيت
مشيت بين الشوارع
ومقالبها تدور ف بالي !!
كل المقالب وكل المواقف اللي استوت وياها
تعبها !
صرختها !
لعبها !
تمثيليتها
صياحها !
ضحكتها !
انا كنت بسعدها لو وافقت علي !!
ليش تزوجت هذااااااااااك ليييش
سكير وبالمسيار
والله والله اني ما اخليه يتهنى فيها
خلني امسك عليه دليل وبرميه ف السجن
وهي خل تتعذب مثل ما عذبتني ..
سعيد
يالس ف الطيارة وأنا شوي وأنفجر من فارس
سادس مره يعيد لي هالحلم السخيف اللي شافه
سعيد : ياخي خلاص أذيتنا !!
فارس : انت ماتحس باللي انا فييه ,, ربيعك كان بيموت شاف سكنيه ف حلمه ومب اي سكنيه
سعيد : اففف حتى هالجملة عدتها اربع مرات ياخي ارحمني
فارس : حارب اسمع ربيعك شو يقول
حارب : وهو على حق أذيتنا .. سعيد يوم بنوصل قولي انا باخذ لي غفوه
سعيد : وانا بسير عند نوف ارحم لي
فارس : مالت عليكم من ربع
مشيت صوب نوف وانا أضحك ف خاطري زين اللي حاجزين لنا ف الطيارة مقاعد لشخصيات مهمة ومحد فيه غيرنا وهذا اللي خلانا ناخذ راحتنا
يلست حذال نوف وشفت ملامحها معتفسه
سعيد : بلاااج ؟
اشرت لي ان رحاب ما ترد
سعيد : يمكن انشغلت ,, ارحميها انتي اربع وعشرين ساعه داقة لها
ههه ضحكت على ملامحها المقهورة
وطرت على بالي شيخه ,, افف مادري كيف بستحمل حياتي وياها الله يعين
شفت نوف تناقز من الفرحة الظاهر رحاب ردت
ياني فضول اشوفها بس استحيت ع عمري
بدت نوف ترمسها وتأشر لها بإيدها
الحمدالله انها حبت رحاب
ولا كانت بتم على عزلتها
انصدمت يوم شفتها توجه الكام صوبي وتروني شي منتفخ
سعيد : شو هذا ؟
أشرت لي ان هذي ريول رحاب
وحليلها البنت !
هاي اربع وعشرين ساعه متأذية ..
بدت نوف تسولف تسولف
وانا احس فضولي بيذبحني ابا اشوفها
سعيد : اقول نوف ابا اشوفها
شفت نوف تبتسم بمكر
ولفت الفون باتجاه امي عشان ما أشوف
صدق انها ماتستحي .. طلع عندها عرق نذالة
بس بيني وبينكم ارتحت من حركتها
لأني اعرف بتم أأنب عمري ع اللي سويته
وبعدين انا الحين ماخذ شيخه
لازم اضبط عمري
افف يا كريم صبرنا
( عبدالعزيز) الشبح
يَ الله وين راحت الصومالية على قولت مبارك
تعبت من كثر ما ادور عليها
وبروحي يوعان
لأني الصغير يعني خلوني ادور عليها
مالت عليها
وأنا ادور شفت عايلة مكونة من بنت وولد صغار
وابوهم وامهم يالسين
وياكلون
حسيت ان منظرهم حلوو
وحسيتهم عايلة سعيدة
الريال لاحظ اني اطالعهم
وطرش لي نظرات خرعتني وخلتني اصد الصوب الثاني
خيييبة هذا وانا بس طالعت
شو لو رحت عندهم ويلست وقلت عطوني أكل
بيعقني ف البحر
مشيت لين ما وصلت لمكان مليان صخور
وبما انه ظلام حسيته يخرررع
ف قررت أرد
لين ما شفت شي خلا
الدم يوقف
وقلبي يدق بسرعه
و اصرررررخ من أعماق قلبي
عبدالعزيز : أفناااااااااااااااااااااااااااااااااااااان !!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك