رواية خاتم في اصابع رجال -19
يومين مروا وانا مخليها على راحتها
واللي ساعدني ان ابوي خلاها تسكن ف الملحق
في اليوم الثالث وصلت متأخر وكان ابوي مسافر عنده كم شغلة
واستغليت الفرصه وخصوصا اني ما حصلت غرشة خمر اشربها لليوم
دخلت الملحق وانا متحمس للعبة اللي بلعبها .,
فتحت حجرتين وما حصلتها فيهن وبقت حجرة ,
فتحتها بهدوء
وحسيت بفرحه وانا اشوف جسم وسط الظلام راقد ع الشبرية
تسللت بهدوء وقفلت الباب بالمفتاح
انسدحت ع الشبرية اللي لشخصين ولحفت عمري
حسيت بشعرها الطويل على السرير متناثر
بديت اقترب صوبها لين كنت وراها وملاصق فيها
مديت ايدي لكتوفها ولفيتها صوبي
سمعت شهقة خفيفة تطلع منها
ويوم شافتني تبطلت عيونها الوساع ع الآخر
ابتسمت لها بخبث لكن اللي صدمني انها ردت لي الإبتسامة
وقربت مني زيادة
وباستني
استغربت وقتها
لكن ما يا في بالي شي غير ان السهره بتكون اليوم احلى عن سابقتها
وفعلا كانت سهره هادية وحلوة
بعد ما اشبعت غريزتي نشيت بظهر لكن
مسكتني وقالتلي انها تترياني كل يوم
هاي شفيها متغيرة !!
لكن حاظرين للطيبين ما طلبت
ابتسمت لها وطلعت من مخباي حبوب منع الحمل
ما فيني اتوهق خصوصا اني ببركن عندها كل يوم ف الليل
استمرت فعلتي للفاحشة واستمر حب هالبنت المسكينة لي .,
لين ما حسيت ان امي بدت تشك فيني بعد ما خبرها او لمح لها واحد من العمال عن زيارتي المتواصلة للملحق
فما لقيت غير اني اسفرها للخارج مدعي اني اباها تكمل دراستها .,
فقت من ذكراي الشنيعة على صرخة مريم وتأففها من تأخرنا للروحة للفندق
يالله هالبنت ما تستحي
صديت لورا وشفت خالتي ام سعيد مو وياها ابد سرحانه ودموعها تنزل
ولمحت امي تغمز لها عشان تسكت
لكن يا جبل ما يهزك ريح
مريم : شو ها وايد تأخرنا تلاقينهم محصلينها من زمان بس يالسين يشترون من داخل .
طاح ويهي وانا اسمع رمستها .,
شو من بنت هذي ..
التفت للدريشة بعد ما سمعت حد يدقها وكان حارب
استحيت على ويهي الريال ناقع برا وانا داخل
فارس : اسمح لي والله بس اضطريت ادخل
حارب : لا افا عليك بس بغيت اقولك ان سعيد يقول امشوا انه حصل اخته وانا وياه
بنكون ف التاكسي الثاني
فارس : خلاص عيل نلقاكم ف الفندق
حارب : فمان الله
ركبت التاكسي وبشرت خالتي ومن بشرتها بدت تصيح بصوت اقوى وتحمد ربها
الحمدالله اللي حفظ لهم بنتهم .,
امرت السايق انه يتوجه للفندق وحسيته فرح اخيرا انه بيمشي
وحليله نقعناه .,
خَـــــــــــــــــــــــالد
حركت ايدي منزعج من صوت الفون اللي قام يرن
تميت ادوره وانا مغمض عين وفاتح عين ثانية
وفي خاطري العن واسب اللي يدق في هالوقت
شو هالناس اللي ماعندهم دم ولا ذوق حد يدق يوم اليمعة
ناظرت اسم المتصل ولقيته عمي يتصل بك
غريبة شو اللي نزل عليه فجأه من متى ما دق علي
رديت عليه بسرعه خفت لا يكون مستوي به شي
خالد : السلام عليكم ورحمة الله وبركاته .,
عم خالد : وعليكم السلام , هلا ولدي خالد شحالك ؟
خالد : يسرك الحال عمي شخبارك انت ؟
عم خالد : آآآآه يا ولدي شو اقولك .. انا مب بخير ابدا مب بخير
خالد : عسى ما شر عمي من شو تعبان في شي يعورك ؟
عم خالد : تعبان نفسياً وجسديا يا خالد انا ما قمت انام هالشهر افكر ف نسرين
بطلت عيوني بصدمه وحسيت الرقاد طار من عقلي
نسرين شو ذكره بها
مب هو اللي كان مهملها وعاقنها ع الخدم
مب هو اللي كان ما يتحمل وجودها عنده
مب هو اللي فضلني عليها وخلاني فوق ف السما وهي تحت الأرض
مب هو اللي بعد ما ماتت ما نزلت منه دمعه وقال ( عله وراحت عني )
الحين شو اللي ذكره بها
بعد ما حصلت العذاب مني ومن الحياة اللي ما رحمتها
رديت عليه وانا احس اني من قهري عادي اصرخ باللي افكر فيه
لكن شفقة عليه حاولت أهدي عمري
خالد : ياعمي طير من طيور الجنة ان شاءالله , في الجنة بنلتقي فيها
عم خالد : يا ولددي ندمان واللي بعث فيني الروح ندمان ., اشوفها ف احلامي تصييح وتترجاني كانت تتكلم ف الحلم يا خالد كانتت تتكلم وهي اللي ما عمري سمعت صوتها , تقول يبه احبك لا تخليني .. وانا ولا اهتميت فيها ,, آآآه مني ومن ظلمي .. بنتي بنتي اللي من لحمي ودمي وبنت الغالية عذبتها خليتها تعيش ف وحده فظّلت الكل عليها وف النهاية ماتت .. ماتت محروقة .. آآآه يالدنيا واااه مني
حسيت بغصه تجتاحني وحليله عمي
الشعور اللي يحس به يثقله مثل ما شعور الندم مهلكني
هي عانت منّا وفي النهاية ارتاحت لكن نحن متى بنرتاح
نحن ما نستاهل الراحة هي طول ماهي عاشة ما ذاقت لا سعادة ولا غيرها
لا تنعمت بالصحة والعافية
ولا تنعمت بالأم اللي توفت وخلتها
ولا تنعمت بأب حنون
ولا تنعمت بعايلة دافية
ولا بولد عم يريحها وتعتبره اخوها
قفلت من عمي عقب ما قلتله اني ياي صوبة
مع انه ما ودي لأني اعرفه بيتم يحن فوق راسي نعيش وياه في البيت وانا ابا اعتمد على نفسي
ظهرت من البيت وانا افكر بأمور كثيرة وفي النهاية كلها تتطرق لثلاث أشخاص
ريل أفنان , افنان , نسرين
سعيـــد
نَشيت برفع درجة المكيف لأني ميت برد
شو ها منو اللي مخلينه جيه بارد اكيد هالدب فارس
رفعته ويوم ما حسيت بفرق بندته وخل السبلان فارس وحارب يموتون من الحرر
سمعت فوني يدق .. غريبة منو هذا اللي متصل
شفت الشاشة وقريت اسم محمد يتني ضحكه متأكد ومليون بالمية انه بيسبنا عيل نسافر ونخليه
رديت وانا متهيأ نفسياً لتلقي الكلام الجميل
سعيد : يا مرحبا ملاااااااا......
محمد : جب يالهرررم اللي ما تستحي يالخونه يا اللي ما عندكم نخوه ولا وفاء يالسبلان يا يال وينهم الإثنين عنك خل اهزبهم وياك انتو كيف تحسووون كيف تشعرووون كيف تتنفسون من دوني
سعيد : نحمد ربي على النعم والأعضاء اللي تساعدنا نسوي هالأشياء
محمد : جب ولا كملة
سعيد : حاظر طال عمرك
محمد : اي فندق انتو ؟
سعيد : هاه
محمد : اي فندق انتوو بسرعه التاكسي معصب صار لي فترة ادليه اماكن غلط
سعيد : لالا جد انت في فرنسا
محمد : لا استهبل
سعيد : اوووه مول مب وقتك ,, قول انت وين
محمد : وين بعد ف الإمارات الحكومة العليا مب راضية تخليني اخاويكم .. شو من حياة هذي
سعيد : مالت عليك وانا صدقتك , اقول بكمل رقادي تصبح على خير
وما ترييت اي كلمة منه قفلت ف ويهه ورديت ع الخط الثاني
سعيد : مرحبا
شيخه : مرحبا بك زوود ,, الحمدالله ع سلامه عمرري
سعيد : الله يسلمج , شخبارج عساج بخير وسهاله ؟
شيخه : الحمدالله بس مشتاقه لك مب عيب عليك ما تبشرني انك وصلت
سعيد : والله انشغلت ورقدت ونوف ضاعت ف المطار وعفسة ..
شيخه : ويييي نوفي شخبارها لا يكون صادها شي ؟
سعيد : لا الحمدالله ما بها شي
سعيد : ممم نشيت من الرقاد من كثر البرد اللي احس به السبلان حارب وفارس مجمديني برد ويوم بندته دق لي محمد شرشحني
شيخه : مالت عليه اللي ما يستحي
سعيد : ههههه حبيبي هذا ربشششه الله يحفظه
شيخه : اهااا زين ما اوصيك بالهدايا اذا بتيي من دونها خلك مكانك احسن .. سلام حبي
للحين مب مستوعب انها بندت من دون ما تسمع ردي
هذي اللي ماتستحي حسابها بعدين
سمعت صوت رنة مسج وكان منها
اذا ربيعك حبيبك انا شو اطلع ؟!
طع هاي لو على بالها بسولف وياها مسجات ف تنتحر احسن
انسدحت ع شبريتي وغمضت عيني ناوي اكمل رقادي
لكن حسيت بحر يالله شوهـالجو اللي مب راضي يعتدل
شغلت المكيف ورقدت اتجمد من البرد احسن من اني اموت من الحر
رحــــــــــاب
ظهرت مِن الحمام ناوية أصلي الفجر اللي راحت علي والساعه الحين 7 الصبح
صليت وانسدحت على السجادة ويلست أفكر في نوف ..
نوف من امس وانا أدق لها مب راضية ترد غريب امرها
يمكن مع الوناسة نستني , هه مب يمكن الا أكيد شو تبا بي الحين
تأملت الحجرة ساره راقدة ع الشبرية وأفنان مب ف شبريتها غريبة وين راحت
ظهرت من الحجرة اللي تطل ع الصالة ولقيت افنان يالسة ومبارك منسدح فوق ريولها
ابتسمت يوم شفت مبارك يلوح لي وافنان تحاول ما تناظر فيني من الاحراج
كانت منزله راسه وعيونها على راس مبارك وما اقدر اشوف حلجها وحركته
ومبارك يطالعني مستغرب ..!
يالله شو السالفة الحين كيف بفهمهم والظاهر مبارك نفس السالفة مب فاهم
او بالأحرى ما يدري اني ما اسمع من جملته يوم يرمسني
مبارك : شفيج ما تسمعين يالسة تسألج !!
ابتسمت له وعقب انتبهت ان افنان تقرصه ف ايده عشان ما يرمس زيادة
لوحت ب مع السلامة وظهرت من الشقة
احس اني محتاجة أشم هوا
مشيت شارعين وبعدها وصلت للشاطئ
الحمدالله الشقة اللي قاعدين فيها جريبة من البحر
مشيت لين وصلت جريب الماي وييت بييلس
بس تذكرت سرطان البحر اللي قرصني امس وتوبت ايلس
تميت امشي وامشي وانا مستمتعه بالهوا الخفيف اللي حسيته يلعب وياي
كان المكان فاضي عدا كم من شخص ينعدون ع الأصابع
واحد يالس ع الرمل ويلعب بفونه
وواحد يالس بعيد ويتأمل
وثالث يالس يتسبح ..
وغيرهم أشخاص بعيدين ما اقدر اشوفهم عدل
حسيت اني تعبت ومحتاجة ايلس
بس ف نفس الوقت خايفة من السرطان ايي ويقرصني
ياربيي شسووي
حصلت طاولة وكرسي شوي بعيده وفرحت يوم شفت ان محد يالس عليها رحت وسحبت الكرسي
وخليته وين ما ايي الماي ويلست
حطيت ريولي ع الأرض وكل شوي الماي ايي ويرد على ريولي
متعة صراحة .. ما توقعت البحر بهالجمال
غمضت عيوني ويلست افكر وأسرح واتخيل تخيلات
وأولها اني اتزوج مثل افنان
صح صعبه بس انا احس اني ابا اتزوج ابا اييب اطفال مثل , مثل اليازية ومنصور
ابا ريل يهتم فيني أضاربه ويضاربني
اتناقش معاه اشكلي له ويشكي لي
صعب انك تعيش وحيد وكاتم همومك
لكن صعبه وفي مثل حالتي
انا انسانه ما اقدر اعبر واذا بعبر فعن طريق دموعي
او اشارات محد يفهمها الا قليل
ضحكت على عمري وانا احس بأشياء ف بطني تنشد
شكلي يعت الا انا ميته يوع امس تبرعت او صراحة راكان خذ عني قطعتين دياي
موتني يوع الله يهديه ,, نشيت والتفت وراي صوب الطاولة اللي خذت عنها الكرسي
افتشلت وايد يوم شفت واحد يالس فوق الطاولة ويناظرني
يا فشششلة لا يكون اخذت كرسيه
انا ع بالي الكراسي مب ملك أحد
ياربيييي اف
المهم ما اقدر اصبر اكثر يوعانة وايد
خل ارد الكرسي وبعدين بفكر بالموقف المحرج
شليت الكرسي وتوجهت صوبه
ويوم شافني متوجهه له نش صوبي الظاهر يبا يساعدني
عاد من ثجل الكرسي = . =
شفت ايده تنمد صوب الكرسي وخذه عني
ابتسمت له
وشفته يقول : مب محتاجه انا لو تبينه يعني !!
هزيت راسي بلا وأشرت بإيدي اني ما كنت ادري انه ماله ومشكور
حسيته انصدم يوم شافني أأشر بيدي شكله ما توقع اني بكمى
وحليله بس بعدها أشر كأنه يقول تفهميني !!
هزيت راسي ب هيه وأشرت ع شفايفي عشان يعرف اني اعتمد على لغة الشفايف
ابتسم وابتسمت له لوحت بإيدي باي وسرت
وانا شوي واركض مييييييييته من اليوع
يارب ان حمد سار يشتري الأكل
المصيبة لو ما كان شاريه عادي انجلط ..
توجهت للشقة دقيت الباب وفتح لي مبارك
كانت نظراته غريبه كأنها شفقة او شي ثاني
شكله عرف بحقيقتي
يلا مصيره يعرف
ابتسمت له وهو تم جامد مكانه ولا تحرك
شفف اللي ما يستحي عبرني زين
طنشته ودخلت شفت ساره تطالعني وشكلها جاهزه عشان تعصب علي
ليش اني ظهرت بروحي ومن دون ما اخبرها وخصوصا ان نحن مب ف مكه اللي متعودين عليها
بس ابتسمت لها وأشرت على بطني اني يوعانة
حسيتها استغربت مني من متى وانا اقول يوعانة
بعدها ابتسمت وقالت ان عزوز بييبه الحين
نفسيتي اليوم حلوه ماعرف ليش
يمكن لأني سرت البحر
اومن الحلم الحلووو اللي شفته
بَعد مُرور إسبوعين :
راكــان
...... : اشتقت لج يمه , اشتقت لحضنج الدافي , يمه لميني لميني خلني احس بوجودج
.... : وانا والله يا ولدي اشتقت لك غبت عني وايد و أهلكني فرقاك ما عاد اتحمل
أفنان : وقفو وقفو وقفو ,, شو ها الحين ريمي كذيه قالت !! انا ما احيدها قالت اشتقتلج احيدها قالت إشتقت لك يا أمي إشتقت لحضنك الدافئ
عبدالعزيز : اوهووو شو فرقت كلهم نفس المعنى
افنان : في عينك نفس الشي يلا نعيد المشهد ومبارك احضن عبدالعزيز صح !! مب كذيه كأنك مب طايقنه
مبارك : تراج أذيتينا =_= كم مره تخلينا نعيد
افنان : صدقني ما وصلنا للمرات اللي عادت فيها سبيستون هالحلقة في هالإسبوعين
..
صَار لنا اسبوعين واحنا في جدة تأخرنا وايد عن الموعد اللي كنا ناويين نرد فيه
وكل هذا عشان احصل اهلي اللي للحين مب محصلنهم دورتهم ف كل الأماكن المعقولة بس بعد مب محصلنهم سألت الكل عنهم لو يعرفون ابوي سلطان ال.. بس كلهم قالوا ما يعرفونه
أصلا ابوي من يوم انا وياه وهو ما يحب يختلط في الناس وايد ماعرف ليش
وان شاءالله باجر بنرد مكه
واليوم بيكون آخر أمل لي وان شاءالله يارب أحصلهم
يلست أطالع المشهد اللي ماخذينه من رسوم ريمي يوم البنت حصلت أمها
ويحاولون يعيشوني الموقف
صراحة احس اني ما اباهم يسوون هالأشياء ويحمسوني
أخاف في النهاية كل اللي أحلم به سراب
وأهلي يكونون مختفين من الوجود
بعدت أفكاري بدخلت ساره للشقة وملامحها ما تبشر بالخير
مادري ليش قلبي قاد يدق بقوه
معقولة خلاص !!
الأحلام طلعت أوهام ؟
ماعاد بشوف اهلي
ناظرتها بنظره تدل على خوفي من اللي بتقوله
وهي ما قالت غير : في سيارة تتريانا تحت يلا بنروح
وانقطع الأمل عندي وما لقيت حل أعبر فيه عن مشاعري
غير اني اصيح وانا أشل أغراضي ...
إنتَهى
الجزء العشرون
بعد مرور اسبوع
راكــــــان ( السفاح )
راكان : ياخي ادري وربي , انجلللع ابا افتك منك ولو ثانية خلني براحتي
عبدالعزيز : شفف اللي ما يستحي ما يحمد ربه , يالهرم اقولك اشتقت لك ترد علي جيه ؟
راكان : شسوي بك كل دقيقة متصل , اشتقت لك , متى بتييوون , محد يعطيك ويه , خلني ارتاااح
طوط طوط ..
طاااع بند ف ويهي ههههه كأني زودتها عليه شوي ؟
لا لا عبدالعزيز مستوي حساس من يوم ما انتقلت لجده
آآآآآه ياهي راااااحه
انا بين امي وابوي واخواني
ارقد وانا شبعان , انش واحصل بويهي ناس يفتحون النفس مبتسمين
احس اني اغتسلت من الهموم اللي كانت ملتصقة فيني
نشيت من شبريتي وشفت الساعة ثمان
البركة ف رابح معودنا نصحا ع الفير ونبدا بالشغل
انصدمت اول الأيام يوم كنت انش الفير وما احصل حد ناش
اللهم للصلاة ينشون وعقبها يكملون رقادهم ليين 12 الظهر او 11 الضحى
ابوي احس نومه خفيف ف ينش بروحه
لكن امي ابركن عند حجرتها ساااعة عشان تنش وتصلي
دخلت الحمام (عزكم الله ) غسلت ويهي وظهرت
كل ما اذكر اللحظات اللي جابلت فيها اهلي احس بصييح من الفرح
الحمدالله الحمدالله اللي حصلتهم وكل الشكر لسارة الله يخليها
اذكر يوم ظهرنا من الشقة كلنا , اذكر كيف كانت ملامحها ما تسر
ومبين انها مش قادرة تصبر اكثر وبتردنا مكة
اذكر اني صحت ف السيارة
لكن صدمتني بعد ربع ساعة من سيرنا بالسيارة تقول
سارة : انزل
ما رضيت اتحرك , لكن الأمل بدا يتجدد عندي , اكيد حصلتهم وتبا تفاجأني
لكن ما بغيت افرح وفي النهاية تطلع اوهام
نزلت من السيارة وانا خايف
قلبي يدق
احس ان الدم ينضخ ف انحاء جسمي بقوة
خايف وربي خايف
دقت ساره الجرس .
فتحت لنا الباب ياهل عمرها 4 سنوات , استغربت ف البداية
ساره وين تبا توديني ؟؟
لكن بديت اتخيل ان هاي اختي وهالبيت بيتنا
تفحصت البيت من برا
حلو بيت مرتب وشكله كبير
لو كان هذا بيت ابوي وامي
فسبحان مغير الأحوال
وين كنا ووين استوينا
شوي وطلع لنا واحد أقدر عمره ف بداية الأربعين
كان شكله مرتب وشكله حازم وله هيبة
تميت اتأمل ف ويهه هذا ابوي معقولة
حاولت اتذكر شكل ابوي
بس ما فادتني ذاكرتي مب قادر اتذكر ملامحه بالتفصيل
سمعت ساره تسلم عليه ورد عليها السلام بهدوء
شفته يلتفت لي وكأنه مستغرب كيف ان البنت هي اللي ترمس والولد ساكت
ابتسمت له
وصافحته
راكان : السلام عليكم .,
الريال : وعليكم السلام ورحمة الله وبركاته
سكت متوتر انا مب عارف ليش نحن هنييه
وليش سارة نزلتني ,, تميت اتأمله
ولمحت البنت الصغيرة اللي فتحت لنا الباب ماسكة يد الريال وتسحبه لداخل تبا تشرد من الحر
شفت الريال يطالعنا وكأنه يبا حد يرمس ويفكه من اشعة الشمس المسلطة عليه
الريال : آمروني
سارة : نبا عمر سالم الــ...
طالعت ساره منصدم هذا اسم.. اسم ابوي
انا اذكر اسمي هو الشي الوحيد اللي أذكره صح وبدون اي خطأ
راكان عمر سالم الـ....
طالعت في الريال اترياه يرمس .. وودي اصرخ ف ويهه ارمس بسرعة حرقت لي اعصابي
الريال : مب موجود منو يباه ؟
طالعته بقهر وصدمة القهر ان ابوي مب موجود والصدمة ان ابوي حيي و هالشخص يعرفه
سارة : ومتى بيكون موجود ؟
الريال : ماعرف , بس منو اقوله ؟
رمست انا بسرعه
راكان : قوله .. قوله راا.. راكان ولده يِباه
ونزلت راسي بسبب دموعي اللي قامت تنزل .. فرح او الم او ندم ماعرف
بس اللي اعرفه اني ابي ابوي
الريال بصدمة : رااااااااااااااااااااااكاااااااااااااان
رفعت راسي منصدم من ردة الفعل اللي طلعت من الريال ..
وخفت ف نفس الوقت ملامح ويهه ما كانت طبيعيه ويهه معتفس
ولونه استوى اسود كأنه من الصدمة
شفت البنت تركض لداخل الظاهر انها خافت من صوت ابوها
الريال : انتت ,, انتتت راكان ... كيف ... انت وِلدددي ؟
فتحت عيوني بصدمة هذا هو ابوي .. ابوييي
ابا اتجدم له .. ابا احضنه بس في ألف شي يمنعني
ملامحه المصدومة وعدم ثقتي ان هذا هو نفسه ابوي
شفته يطلع بوكه ويفتحه ويمده صوبي
كان يراويني صورة لولد صغير عمره تقريبا 5 سنوات او اقل
الريال : انتتت ... اننننت راكان ولدي اللي في الصورة
تأملت الصورة زين انا ماعرف كيف شكلي وانا صغير
هزيت راسي بلا
راكان : ماعرف انا ولا لا اللي أعرفه ان اسمي راكان عمر سالم الــ .... كنت ساكن في مكة شارع جديم بيت متهدم .. بسسس
وصحت بقوووة يارب يطلع هذا ابوي يارب تطلع امي داخل يارب تكون هالبنت اختي
يارب يارب
سمعت صوته : وللللدي راكان .. انت ولدي ... ولد عمر سالم .. انا ابوك يا راكان شفني
شفني ما تتذكر شكلي ماتعرف انا ابوك ولا لا
رفعت راسي وشفته يصيييح
خلاص هذا ابوي ايوا هو ابوي رحت حضنته بقوة وانا اصيييح
راكان : يببببه ورب اللي بث فيني الروح اشتقت لك .. يبه وربي عانيت ف بعدك
يبه انت اهلي وناسي ... يبه عانيييت وكم عانيت ف بعدك
ما ادري كم مر من الوقت واحنا حاضنين بعض ونصيح
لكن اللي متأكد منه انه مر وقت طوووووويل وسارة مب راحت وما انتبهت لها
دخلني ابوي الميلس
وتم يسألني عن اللي صار واللي استوى وكل شي ف بعده
خبرته عن رابح وعن اخواني عبدالعزيز وسارة وحمد ورحاب
وخبرته عن اليازية ومنصور
كان بين كل كلمة والثانية يقول انا السبب
تم يخبرني عن اللي صار له ولامي ف بعدي
وكيف صار بهالمستوى المعيشي
ساعات مرت بلمح البصر وسمعنا اذان العصر
رحنا للمسيد وصلينا
دخلنا البيت مره ثانية
وشفت ولدين وبنت
هيييل أخواني زين وينها امي
راكان : يبببه وينها امي ؟
بو راكان : شرايك نروح المستشفى اول وبعدين تشوف امك وتسلم عليها
راكان : ليييه امي تعبانة ف المستشفى ؟
بو راكان : لا بس ابا اتأكد انك بخيييير
رحنا المستشفى وسوولي اشياء مب عارف شو هي لكن اتوقع انه الأشياء يسموونها فحوصات
تميت يالس ع الكراسي بملل اتريا ابوي اللي دش الحجرة ولا ظهر
نشييت وانا اعصابي تلفانة ابا اشوف امي
دخلت الحجرة وشفت ابوي ساجد ع الأرض
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك