رواية جروح من عبق الماضي -72
العنود تمتمت بحزن : آآآآه يا رائد ضيقت صدري بهـ الخبر .. ومالي خلق اروح اي مكان
رائد :ادري خالتي بس انتي الحين لازم تكوني اقواء .. وهـ الظرف يمكن تمر فيه اي بنت غير جود .. كوني اقواء جود فعلا محتاجة لك كثير .. بس يمكن هي ما تعرف عن وجودكم لازم نهيأ لها الموضوع ..
واما عن االمشوار اللي باخذكم عليه جدا مهم .. وما يصير نأجله ..
تلقى خالد اتصالا مهما من جابر ثم توجه إلى هناك بسرعة ..
خالد تمتم بخوف : خير يا جابر ..!! من سمعت صوتك حسيت بخوف مو طبيعي
جابر وهو يبتسم : ههههه هذا انا لما اتحمس في قضية واكتشف شيء من الخيوط المهمه انفعل كذا
خالد بخوف : ليش وش اللي صاير بالضبط ؟! وإيش اللي اكتشفته
جابر وهو يجلس على كرسيه تمتم بثقة : فعلا نفس ما توقعنا شجن وراء كل اللي جالس يصير مع مصعب
خالد : إيه بس شجن وش اللي يخليها تضر مصعب بهـ الشكل ..! ما ضنتي تخليه عنها .. يخليها تكرهه كذا
جابر وهو يضع قلمه جانبا : اللي ما تعرفه يا خالد انه مصعب تخلى عن شجن وهي حامل بطفلة
خالد كان الخبر بالنسبة له كـ الصاعقة فتمتم بذهول : إيش ؟!! مستحييييييييييييل
جابر : للأسف يا خالد هذي حقيقة اخوك مصعب .. ترك شجن بعد ما عرف بموضوع حملها
خالد تمتم بحزن : الظاهر تمادينا كثير في تدليله ..!! مسؤولية وعجز عن تحملها ما الوم شجن لا كرهته
جابر : وهذا كل اللي صار يا خالد ... ومن هـ النقطة بس بدت معاناة شجن
خالد : وإنت كيف قدرت تربط بين القضيتين ؟!!
جابر : اللي فهمته انه شجن بعد موت صديقتها رحاب دخلت لمصح عقلي ولسبب اهلها وكل اللي حواليها كانوا يجهلوه .. وانا قدرت اوصل لهـ المشفى واخذ منهم كم معلومة .. واكثر كلمه كانت ترددها شجن انا ما قتلتها
خالد : يمكن اكون ما افهم بالقانون بس إيش اللي يخلي شجن تعيد نفس التجربة وتقتل سليمان
جابر : شجن مريضة نفسيا خالد .. وجرح مصعب للحين محفور بداخلها وما قدرت تتخلص منه
خالد : طيب بس هذا مو سبب كافي عشان نتهمها بشكل رسمي
جابر : لا يا خالد انا ما أصرح بأي معلومه قبل ما أتاكد من مدى صحتها ......
خالد : طيب ممكن أعرف إيش دليلك
جابر : الطريقة اللي ماتت فيها رحاب نفس الطريقة اللي مات فيها سليمان . ولقيت الشخص اللي بيساعدنا
خالد وعيناه تتسع : يساعدنا في إيش ؟!! انا مو فاهم شيء جابر .. ولا شيء
جابر رفع سماعة الهاتف وتمتم بهدوء : خليه يتفضل
فتح الباب ببطء وبمجرد ان شاهده خالد نهض من على كرسيه ولم يصدق ما رأته عيناه
جابر بابتسامه : تفضل عبدالله
عبدالله وهو ينظر إلى خالد تمتم بابتسامه : شلونك خالد ؟
خالد : هلا هلا عبدالله .. اسمح لي بس انا مو فاهم شيء .. جابر الله يخليك ارحمني وفهمني إيش اللي صاير
عبدالله : انا راح افهمك كل شيء .. بس لا تقاطعني !! خالد اللي راح اقوله صعب علي كثير وما ودي اتذكرة
جابر : عبدالله انا ما ودي ترهق نفسك اكثر .. انا راح افهم خالد كل شيء وانت يكفينا وجودك بس
عبدالله ودمعه رسمت على خده : بس محد راح يوصل الأحساس اللي احس فيه كثري ..ليش اني عشت هـ الشيء .. رحاب يا خالد اللي اتهم اخوك مصعب بموتها تصير اختي .. سمعتنا تلوثت بسبب مصعب .. اختي حصلوها ميته بشقته .!! تعرف أيش يعني هذا ..! فضيحة دمار عايلة .. عشان كذا حب الأنتقام كبر بصدري يوم بعد يوم .. اضطريت اصاحب مصعب واتحمل غبائة في امور كثيرة بس عشان احقق اللي في بالي .. كنت اشوف مصعب عدوي اللدود وهـ الشيء خلاني انسى التفاصيل البسيطة .. شجن كانت الصديقة الوحيدة لرحاب بحكم انها ما تطلع كثير .. وصارت توهمنا بأشياء غريبة مثل رحاب تحب مصعب ومتعلقه فيه . عيشتنا في عالم هي رسمته .. زرعت بداخلنا حب الأنتقام .. بس في يوم خلاني اشوف الحقيقة كاملة .. مصعب علمني بكل قصتها بحكم انه كان مقهور لما شافها .. وهـ الشيء خلاني اراجع حساباتي واعرف من هو عدوي .. مصعب او شجن ؟! بديت اراقب شجن حسيت انه فيه وراها شيء .. وشيء كبير بدت تتقرب من اخوي الصغير بندر وتقنعه باشياء غريبة .. عشان كذا عرفت انه كل شيء قاله مصعب وزلته بالكلام يوم قال انه احتمال كبير شجن هي اللي تسببت في موت رحاب تركزت في بالي ولا نسيتها .. اخوي بندر صار متهور وحاول يقتل مصعب اكثر من مره بس ربك سلم .. ساعتها عرفت انه شجن ذكية ولازم اتعامل معها بذكاء فخذيتها بالسياسة واوهمتها انه ودي اتخلص من مصعب بسرعة بس ابا طريقة محد يشك فيني ويعتبروا اللي صار حادثه عادية ومحد يشك في شيء .. وشجن من حماسها للموضوع طرحت علي الفكرة وقالت هي نفذتها مره وضبطت معها .. زلت بالكلام بس انا ما بغيت احسسها بهـ الشيء وكذا تأكدت من كل شكوكي والطريقة كانت عن طريق ابرة صينية جابتها من تايلاند
جابر قاطعه بابتسامه : عبدالله انا راح اكمل الباقي
اخرج جابر مسدسا ووضعه امام خالد وتمتم بابتسامه : خالد تعرف شو هذا
خالد : إيه هذا مسدس .. لكن مسدس اطفال إيش يسوي في مكتبك
جابر : تذكر لما كنا صغار كنت دايما ادخل راسه فيه واضربك على راسك .. هـ المسدس نفس القناصة بالضبط .. هناك يحطوا عصاء .. وهذا يدخلوا فيه شيء صلب .. بس المجرمين ما شاء الله طوروه شوي
خالد : انا مو فاهم شيء
جابر : المسدس هذا استخدمته شجن . قتلت فيه رحاب بس كان قصدها تقتل مصعب وقتلت سليمان لنفس الغرض
خالد : بس هي طرحت الفكرة على عبدالله وش اللي يخليها تنفذها
عبدالله : كنا متأكدين انه مصعب راح يلحق نجود فجهزنا كل شيء عشان نقضي عليه . لما وصل مصعب تظاهرت بالتعب واقنعت شجن تكمل المخطط هي كانت مترددة بس بديت اذكرها بموت رحاب وع طول وافقت
ضغطت ع المسدس اللي كان مثبت فيه الأبره .. وع طول الضربة صابت سليمان شجن انهارت وقالت عبارة ادانتها وخلت قلبي يغلي واللي هي ( غلط مره ثانية .. وهذي بعد ما صابته ) ساعتها بس عرفت انه شجن لازم تنال على جزائها وتتعاقب .. فكرة موت مصعب للحين راسخه في بالها ويمكن تأذيه
خالد : طيب يا جابر وش له ما تقدم هـ الأدلة للشرطة
جابر :: الأدلة تقدمت خلاص ..
خالد : وعبدالله ؟!!
جابر : صح اللي سواه عبدالله غلط وراح ضحيته شخص .. بس هو ما كان حاط اي ابرة بداخل المسدس ولا كان ناوي يقتل مصعب !! شجن اللي حطت يعني عبدالله نجح في الأنتقام منها وبطريقته .. خالد تقدر تتصل بمصعب وتخلاه يرجع ..!!
خالد وهو يطلق زفرة طويلة : الحمد لله يا رب .. الحمد لله .حياة مصعب الحين كلها راح تتغير بوجود امه وخواته
سلطنــــــــــــــــة عمـــــان
ظلت جود تبكي للساعات طويلة .. تساؤلات كثيرها دارت في فكرها الصغير .. لم تتحمل الألم الذي ينهش بجسدها .. مسحت دموعها وارتدت ملابسها ثم همت بالخروج .. تركي كان مشغول البال عليها ولكنه لا يزال ضعيفا ليضع عينيه في عينيها .. فظل قابع في غرفته رافض ان يشاهدة احد ..
نورة شاهدت جود وملامح الحزن على وجهها فتمتمت بخوف : جود على وين ؟؟!!
جود وهي تحاول ان تتمالك نفسها حتى لا تبكي قاطعتها بألم : ماما نورة تكفين لا تسأليني اي شيء اللي فيني كافيني
نوره وهي تمسح على رأسها تمتمت بحب : صدقيني يا جود هو الخسران
جود ودمعه رسمت على خدها قاطعتها بحرقة : هو الخسران ؟!! لا ماما نورة انا الخسرانة .!! إياد مو بس جرحني وراح .. سمعتي بعد صارت في الطين .! يعني شو تتوقعي الناس بتقول وهو تاركني في يوم زواجي
هو ما تركني إلا لأنه فيني شيء .. هذا هو في اعتقاد الناس ..!!
نورة قاطعتها بثقة : ومن متى الناس تهمك يا جود ؟! .. جود المهم إنتي لا تزعلي نفسك وتزعلي ابوك معاك
جود : آآآآآآآآآآه إيش اقول .. ماما نورة عندي مشوار مهم وما راح ارتاح إلا لما اروح له ..
نورة وهي تبتعد عن طريقها قاطعتها بخوف : طيب يا جود .. بس ديري بالك ولا تتأخري
خرجت جود مسرعة وبمجرد وصولها إلى باب السيارة اخذت تبكي بحرقة ..
تركي صوت اغلاق الباب اخافه فتمتم سريعا : عمه نوره من اللي طلع ؟!
نوره وهي تهز براسها تمتمت بحزن : جود هي اللي طلعت ..! تقول عندها مشوار مهم وما ينفع تأجله
تركي قاطعها بخوف : مشوار وهي بهـ الحالة ..!! وليش خليتيها تطلع ؟!
نورة : تركي جود مجروحة ما ينفع اصير انا والزمن عليها .. يمكن هـ الطلعة تريحها كثير
توجهت جود إلى الجامعة اوقفت سيارتها وتذكرت اول موقف جمعها مع إياد .. احست بألم كبير . ولكن كان لا بد من وجهة نظرها ان تواجهه كل هذا .. جرتها اقدامها إلى داخل الجامعة .. كان يسيطر عليها سكون فضيع .. لأول مره تشعر بالرعب .. وكأن ما ينتظرها شيء اكبر .. ظلت تمشي بخطوات متثاقلة والدموع قد لطخت خدها .. وصلت إلى المكان حيث تصادمت مع إياد جلست على الأرضية وظلت تمسح عليها بكل حب فتمتمت بحزن : ليش يا إياد ليش ؟! كل حركة وكل موقف صار لي معاك كان لعبه ..!! لعبة وصخة .!! ههه والغريب في الموقف أنه اللي طعني يصير ولد خالي.!! إذا انا من دمكم وسويتوا فيني كذا .! عيل كيف الغريبة ؟!!
شاهدها خالد من بعيد ثم توجه إليها والخوف يملاء وجه : جووووووود وش تسوووين هنا ؟!!
جود وهي تنظر إليه بتعجب تمتمت بألم : كل الأماكن صارت وحده وما عادت تفرق معاي! كلها تحمل طعم الخيانة
خالد وهو ياخذ نفسا عميقا : جود اللي سواه إياد صدمنا كلنا .. حتى لو كان في ثار قديم بالعايلة المفروض يكلموا ابوك ما يحملوك إنتي ثمن خطاء مالك ذنب فيه ..
جود قاطعته بسخرية : ما شاء الله الكل صاير يعرف اللي صار ..!! يعني ما احتاج اتعب نفسي واشرح
خالد وهو يجلس بجانبها : جود إنتي طول عمرك كنتي قويه .. وانا متأكد انك راح تتخطي اللي صار
جود قاطعته وهي تبكي بحرقة : بس انا ضعيفة ..! الصفعة هذي هدت حيلي .. علمني من وين بجيب القوة
خالد : والله ما أدري ايش اقول لك يا جود ..! اللي تمري فيه الحين صعب كثير .. الخيانة طعمها مر
جود وعيناها ركزت على مكتب إياد تمتمت بألم : وينــــه ؟؟؟؟؟؟؟!! ودي بس يجاوبني ليش سوى فيني كذا
خالد : لا تعبي نفسك يا جود ..!! إياد سافر البارحة السعودية وما ضنتي راح يرجع مره ثانية
جود وعيناها تتسع اكثر تمتمت بذهول : يعني إيش ؟؟؟؟؟؟؟؟؟؟؟؟؟!!
خالد وهو يبتلع ريقه : اللي عرفته انه إياد قدم استقالته قبل ما يصير كل هذا انا بالأول ما كنت اعرف ليش ولما سألته قال بكره راح تعرف ..!! وبعد اللي صار امس صارت الصورة واضحة تقريبا
جود : يدخل الجامعه على كيفه ويطلع منها بدون محد يحس فيه وكل هذا عشان ايش بس عشان ينكسر قلبي
عمري ما شكيت في اللحظة انه هـ الكره والبغض موجود بداخلة .. كنت اشوفه اطيب مخلوق على وجه الأرض
خالد : إياد صدمنا كلنا .............!!
جود قاطعته بألم : بس صدمتي فيه اكبر ... اول مكان خطر على بالي الجامعه وجيت هنا على طول كان على بالي اني راح الاقيه .. قلبه ما بيطاوعة يخليني وانا في هـ الحالة ..! بس حسافة صدمني واكتشفت فعلا اني مجرد لعبه
خالد قاطعها بحزن : جود إياد ترك لك مكتوب عندي .. لحظات بس اجيبه وارجع لك
جود ونظراتها تتبع خالد تمتمت بألم : أيش بعد بيكون كاتب لي اكيد راح يستهزأ فيني لأني مشيت وراه وعطيته قلبي بدون حتى ما افكر بعواقب هـ الشيء ..آآآآه إياد ليتك تحس بالألم اللي ينهش بدااخلي كان ما سويت فيني كذا
خالد وهو يمد لها الظرف : ما ادري إيش مكتوب فيه بس إياد عطاني اياه قبل لا يصير كل هذا ..!! وقالي عباره انا ما فهمتها بالأول بس الحين استوعبتها خلاص .. قال اعطيك هـ الظرف بعد ما هو يختفي
جود وهي تأخذ الظرف من يده تمتمت بألم : مشكووور دكتووور خالد ..!! انا لازم اروح حاسة بتعب
خالد بخوف : جود تبيني اوصلك
جود لم تستمع لما قالة احست بألم شديد براسها فتمتمت وهي تصرخ : هذاااااااا مو وقته يا الله انا تعبت خلااااص
خالد بخوف : جود انا اسف ما كان قصدي شيء
جود لم تعد تحس بما حولها .. اصبح رأسها ثقيلا ولم تقوى على حمله .. فسقطت مغشيا عليها
وفـــــــي منزل خلووود \
اماني بحزن : تصدقين للحين مو قادرة اصدق للي صار في جود ..!! بس المشكلة اني شفت بعيوني
خلود بألم : تصدقين لما شفت الخوف بعيون إياد على جود لما دخلت وسط الحريق عشانه ..!! قلت هـ الرجال مستحيل يأذيها وبيحطها في عيونه وجود راح تكون أسعد انسانة معاة ... وهـ الشيء اللي كان مريحني . انه إياد طول الوقت كان معها .. بس سبحان الله اوقات تجي صدمه من أشخاص ما تتوقعي منهم الغلط ..!!!
اماني : بس الزمن والوقت كان اكبر غلط .. يعني كان يقدر يتخلى عنها قبل يوم زواجهم .. هذا بيكون اسهل على جود .. وما راح تخلي أحد من عذالها يتشمت عليها ..
خلود : حبيبتي شوفي انتي لما بغيتي تنتقمي وتاخذي كل شيء من جود ما فكرتي بالتفاصيل كنتي تمشي حسب المخطط بس ..! وهذا اللي صار مع إياد بالضبط .. تتوقعي الحين جود كيف بتكون حالتها .ودي اسير اطمن عليها
اماني وهي تنظر إلى ساعتها : إيه ضروري نروح بس ع العصر !! الحين ما يمدينا .. لازم نسى كل الخلافات اللي صارت بينا عشان نقدر نساعدها وتتخطى هـ التجربة القاسية
في المستشفى
صالح كان يحاول جاهدا الاتصال بجود ولكنها لم تكن تجيبه فتمتم بخوف : وينك يا جود وينك ؟!!
قاطعه الدكتور عمران : صالح إنت هنا ..!! جود وصلت من شوي المستشفى وحالتها كثير تعبانه
صالح وعيناه تتسع : إيش ؟؟؟؟؟؟؟؟؟؟؟!!
المملكـــــة العربية السعــــودية
ريما الصدمة التي تلقتها البارحة من شقيقها جعلتها خائرة القوى عاجزة عن فعل اي شيء
يحيى بعد ان علم بوجودها بالمستشفى بقي طوال الوقت معها .. ليخرجها من زوبعة الحزن القابعه فيها
ريما وهي تبكي تمتمت بداخلها : سامحيني يا العنود ظلمتك ورجعت وظلمت بنتك وكله من تحت راسي .! لما هربتي من البيت كان ودي اصارحهم بكل اللي صار بس نظرات الغضب بعيون ابوي واخوي خوفتني وخلتني اتراجع . . ويمكن خوفي منهم هو اللي خلاني اغرق في دوامة الصمت هذي وخلاني ضعيفة مكسورة
قاطعها صوت اشتاقت كثيرا لسماعه : شخبارها مريضتنا الحلوه
ريما بمجرد ان شاهدته ارتسمت ابتسامه بسيطة على شفتيها .. ولم تعلق على ما قالة فاكتفت بالصمت
يحيى بابتسامه : يلا عاد سمعينا صوتك .!! صار لي سنين وانا انتظر منك كلمه تبرد الضيم اللي بداخلي
ريما وهي تنظر إليه تمتمت بحزن : يحيى
يحيى قاطعها بسعادة : عيووووون وقلب وروووح يحيى .. يا لبى هـ الصوت بس
ريما وملامح الخجل ارتسمت على ملامح وجهها : ................................................
يحيى وهو يجلس بجانبها : ريما تعرفين انا حاس بكل اللي يدور بداخلك .! البارحة ام بندر علمتني بكل اللي صار . واول ما عرفت السالفة على طول جيتك وحسيت بالأنكسار اللي كنتي تعاني منه .! ريما ما ودي تحطي في بالك او تضني للحظة انه انتي سبب اللي صار .. إنتي ما شكيتي ولا تكلمتي بس اخوك برر صمتك على مزاجة
ريما قاطعته بخوف : يعني لما عرفت اللي سويته صورتي ما اهتزت بداخلك
يحيى : وليش تهتز ..!! إنتي كان ودك تحافظي على حبك ..!! ولو كنت في موقفك يمكن اسوي نفسك.!!
ريما بحزن : يحيى إلا هـ الموضوع المجامل فيه ممنوع ..! انا جرحت اختي وكسرت قلبها .!! وامس بنتها انجرحت بنفس السبب .. إذا انا مب قادرة اسامح نفسي أنت كيف راح تقدر تسامحني وتتقبلني ..........!!
يحيى بابتسامه : ريما انا أحبك ومستعد اسوي اي شيء عشانك ..!! انا لما عرفتك كنتي بريئة ..!! واللي صار بالماضي مو انا المفروض اسامحك عليه .. اختك وبنت اختك الأثنين بس لهم الحق انهم يحاسبوك
ريما ودمعه رسمت على خدها تمتمت بألم : آآآآآآآآه يا يحيى إنت انسان طيب وفعلا تستاهل وحده احسن مني
يحيى قاطعها سريعا : بس انا ما ابي غيرك ..!! حرام عليك يا ريما حسي فيني شوي ..........!!
ريما وهي تأخذ نفس عميق:يحيى انا ما راح اتخذ اي خطوه لحد ما اختي وبنتها يسامحوني عشان اعيش مرتاحة
يحيى بحب : وانا راح اكون معاك ع الحلوه والمرة وما راح اتركك ريما ..!! وبنتظر لين اخر عمري
ريما بألم : ليان ............!! ليان كيفها ؟!
يحيى : ما ودي اخبي عليك بس حالة ليان كثير صعبه ..!! والدكاترة جالسين يسووا اللي عليهم
ريما : طيب المحقق أيش قالكم ..!! شو سبب سقوطها المفاجئ من على البلكون .. مستحيل تكون طاحت لحالها
يحيى : ريما إنتي شاكه بأحد
ريما قاطعته بخوف : شاكة بس خايفه بعد ما الله رجع لي نعمة الصوت ارجع اغلط مره ثانية واظلم انسان بريء
يحيى : قولي بمن شاكة وما عليك من الباقي انا راح اتصرف
ريما وشفتيها ترتعش : ام هيثم ...............!!
يحيى وعيناه تتسع : أيــــــــــــــــــــــــــــش ؟؟؟؟؟؟؟؟؟؟؟؟؟؟؟؟؟؟؟؟!!
ريما : من اول يوم شفتها فيه قلبي نغزني ولا ارتحت لنظراتها وحركاتها .. احسها ما تحب ليان ..!!
يحيى : طيب يا ريما إنتي خلي الموضوع بينا وانا بشوف إيش اقدر اسوي طيب
ريما وهي تنظر إليه تمتمت بحزن : طيب ..
هيثم كان يدور يمنه ويسرى .. ويترقب خبر ليان .. علها تصحى فجأة ..
رغد : وبعدين يا هيثم ما يصير اللي تسويه بنفسك ؟!
هيثم تمتم بحزن : رغد اللي صار في ليان انا السبب فيه ..!! انا تركتها لحالها في البيت ..!
رغد : هيثم ما تحس انه الموضوع غريب شوي ؟!! وش اللي يخلي ليان ترمي نفسها كذا وبدون خوف
هيثم : رغد إنتي ايش جالسة تقولي ؟! ليان مستحيل تسوي كذا .........!! اكيد في سر نحن ما نعرفه
رغد : بس محد كان في البيت غير ليان وماما ..!! إذا ليان ما سوت هـ الشيء بتكون ماما اللي سوته .......!!
هيثم قاطعها بسخرية : من جدك إنتي ؟!! المحقق جالس يبحث في القضية .. ويا رب يطلعوا بنتيجة
المحقق منذ البارحة كان يحقق مع افراد العائلة .. ولم يتبقى سوى ام هيثم فأخذ يحقق معها
ام هيثم تمتمت بغضب : وإنت وش هـ الأسئلة الصعبه اللي تسألني عنها .. ما تشوفني انا عاجزة وما اقدر امشي
المحقق : بغض النظر انك عاجزة .. نحن لازم ناخذ اقوال كل اللي كانوا موجودين حوالين الضحية ..!!
ام هيثم : طيب يعني بكون انا اللي رميتها ؟؟؟؟؟؟؟؟؟؟؟!!
المحقق : انا ما قلت كذا ...........!! بس سؤالي كان صريح وواضح جدا وين كنتي لحظة سقوطها
ام هيثم : كل اللي اذكره وقبل ما تدخل ليان غرفتها سألتني عن هيثم وقلت لها طلع عند اخته رغد ..
المحقق : طيب ما لاحظتي شيء عليها ..!! يعني زعلانه ..!! متكدرة ..!! او شيء من هـ القبيل
ام هيثم : لا ما لاحظت عليها هـ الشيء بس ليان من اول ما تزوجت هيثم وهي تعاني من نار الغيرة
المحقق باستغراب : نار الغيرة ..............!!
ام هيثم : إيه من نار الغيرة .. هيثم كان متزوج وحده بس انفصلوا وليان خايفه يكون هيثم للحين يحبها
المحقق : طيب وش اللي يخلي ليان تعتقد هـ الشيء ؟!
ام هيثم : يا كثر اسئلتك وانا وش دراني
المحقق قاطعها بجدية : جاوبي على قد السؤال لو سمحتي ..!!
ام هيثم شعرت بالخوف من تلك النظرة فتمتمت بهدوء :في يوم عرسهم حور كانت موجوده وليان وهيثم تهاوشوا
المحقق : طيب يكفي لحد هنا ..........!! إذا خطر في بالي اي سؤال راح ارجع لك .. عن إذنك
ام هيثم وهي تبتلع ريقها تمتمت بخوف : آآآوووووووووووف ما بغى ..!! حسيت اني راح افضح نفسي
ابو امجد قاطعها بصوت منخفض : ام هيثم إيش اللي صار
ام هيثم قاطعته بخوف : هلكني من كثر ما يسأل بس لا تخاف راح العب عليه لعبه واخليه يعتقد انها انتحرت
ابو امجد بابتسامه خبيثة : كفوا يا أم هيثم ..!! ابيك كذا لا تبيني خوفك لأي احد ..............!!
راما كانت تبحث عن والدها حتى وجدته فتمتمت بخوف : بابا وين ماما ليان ..!! راحت نفس ماما
هيثم وهو يطبع قبلة على خدها تمتم بحب : لا حبيبتي ماما ليان راح ترجع .. بس هي تعبانة شوي .......!
راما : لا مو شوي...!! ماما ليان تعبانه كثير ..!! انا شفت الدم اللي نزل من راسها وانفها ..........!!
هيثم وهو يضمها إلى صدره ويمسح على شعرها : راما حبيبتي لا تخافين ليان راح ترجع لنا طيب
رغد وهي تجلس بجانبها تمتمت بابتسامه : نفس ما قال لك بابا ليان بخير .بس هي تعبت شوي عشان خسرت دم
راما وهي تتذكر ما حدث ضمت والدها بقوه واصاب جسدها شيء اشبه بالتشنجات
هيثم تمتم بخوف : راما وش فيك حبيبتي إنتي خايفة ؟!!
راما : بابا جدتي تمشي .............!! بس هي ليش سوت كذا بليان ........!! ليش رمتها من فوق
كان هناك شخصا مارا فسمع ما قالته راما صدفه .. فانسحب سريعا دون ان يحس به أحد
رغد وعيناها تتسع : راما إنتي إيش قلتي ؟؟؟؟؟؟؟؟؟!!
هيثم : راما حبيبتي وش هـ الكلام هذي جدتك ما يصير تقولي عنها كذا
راما بخوف : بس انا شفتها .. جدتي كانت واقفه . اصلا هي ما تحب ليان
قاطعتهم ام هيثم بتذمر : اوف هلكني هـ الشرطي من كثر ما يسأل ...............!! بغت روحي تطلع
هيثم ورغد وهم يتأملونها بصمت : .................................................. ...........
ام هيثم قاطعتهم بغضب : وش فيكم اكل الفار لسانكم ............!! بلاكم متنحين كذا ..............!!
هيثم : يمه إنتي مشيتي على رجولك ....... راما تقول شافتك البارحة واقفة على رجولك مع ليان ؟
ام هيثم بمجرد ان تمتم هيثم بهذه الكلمات جن جنونها .. لم تعتقد للحظه ان طفله صغيره قد تفضحها . فلم تعلم كيف تجيب .. احست ان اعضاء جسدها تجمدت .. اتسعت عيناها وظلت تتأملهم بصمت شديد ...
هيثم بخوف : يمه وش فيك ساكته .........!! قولي شيء ؟!!
ام هيثم وهي تبتلع ريقها تمتمت بغضب : افهم من كلامك انك تتهمني يا هيثم .!! بسالك سؤال واحد وبعدها راجع بنفسك الجواب ..!! راما كانت عندي بالبيت ولا عندك انت ورغد ..!! انا ما ادري كيف تصدق طفله مثل راما
هيثم وهو يشد شعره للوراء : سامحيني يمه ............!! بس انا بروحي مب عارف كيف افكر وانا ما تهمتك ؟!
لكن راما وش اللي خليها تقول كلام كبير نفس هذا .......!!
ام هيثم : شوف يا هيثم انا عاجزة وأذا مو مصدق تقدر توديني عند اي دكتور عشان حضرتك تتأكد
راما وهي تبكي : بابا رجعني البيت انا خايفه كثير ...
هيثم وهو يطلق زفرة طويلة : طيب حبيبتي تعااااالي .. راح اوديك تاكلي شيء بالاول وبعدها نرجع البيت
ام هيثم وهي تنظر إلى هيثم يبتعد تمتمت بتذمر : هذا اللي ناقص يسمع كلام صغيره ويكذبني انا
رغد قاطعتها بثقه : ماما إنتي متأكدة انه مالك إيد في اللي صار بليان ؟؟؟؟!
ام هيثم وعيناها تتسمع تمتمت بغضب : رغــــــــــــــــد ؟؟؟؟؟؟؟؟؟؟؟؟؟؟؟؟؟؟؟؟؟
رغد : ماما من يوم ما تزوجوا هيثم وليان وانا حاسة بشيء غريب يصير في البيت ..! بالأول كنت اجلس معك بالساعات وما كنتي تعترضي .! ليش يعني الحين وفي يوم وصول ليان وهيثم سويتي مشكله وطردتيني
ام هيثم : رغد إنتي منتبه لكلامك ............!1
رغد : أيه ماما منتبه واتمنى يكون كل اللي في بالي غلط ..!! عن إذنك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك