رواية الغزال الشمالي -7
هزاع: خليني بروحي..
سلامة : لا مب على كيفك جان تبى باجر بسير ويا جوم إمايه بنخطبلك الريم..
فز هزاع من على الشبرية ومسك إيدين إخته: احلفي في ذمتج ؟؟؟
سلامة: خيبة وهذا وانته ما تعرف أطباعها ولا عشت وياها..
هزاع: مادري كيف ومتى وليش حبيتها..؟؟
سلامة: يالله عيل جوم كل شي وباجر انشالله بنسير لهم..
***
وتمر الأيام ويخطبون الريم حق هزاع ..
منى: يالله فديتج كيف كنتي حلوة الليله..
الريم: حتى إنتي....
ريم: شفتي هزاع حليو ما شالله عليه؟
منى: لا تحسدين ريلج..
ريم يلست على الكرسي وهي تبطل تسريحتها وقالت: خايفة..
منى وهي تمشي صوبها: حبيبتي فكري بس في حياتج الياية وانسي الماضي واطوي صفحته..
ريم: أخاف ...
منى وهي تلوي عليها : بس خلاص....
***
هزاع المتخبل: أميه شفتيها حرمتيه حلووووووووووة..
الأم : فديتك لازم حلوة مب حرمتك
وراحن البنات كل وحدة لغرفتها..
دش هزاع على إخته سلامي.. وقال: سلامي.... اليوم أنا ياي أأمرج أمر أبى رقم حرمتيه ..
سلامه: شو تبابه؟
هزاع: أبى أرمسها وسولف وياها واطمن عليه..؟؟ شي فيها ..
سلامة: أخاف هيه ما تبى ترمسك..
هزاع : إنزين إنتي هاتيه..
وعطته الرقم..
اتصل هزاع وحرق التيلفون وماردت عليه وفكر يطرش مسج..ووصل المسج للريم...
الريم : (( منى سمعي)) ريموتي ردي أنا هزاع ريلج...
منى: ردي ردي رمسيه...
الريم: لا أستحي...
منى : بسم الله عادي ريلج مب غريب عنج..
وردت الريم: ألوووووه..
هزاع: شحالج حبيبتي؟
الريم احمرت ولا رامت تقول كلمة..
هزاع: فديتج شو بلاج ساكته ما تبين تكلمين حبيبج؟
الريم: لا مب جذيه بس أنا مستحيه شوي..
هزاع وهو يضحك: أنا مستانس يالريم مستانس واااااايد..
الريم: عساك دوم ..
وتمر الأيام وفي يوم من الأيام,,
تدق ريم الصبح لهزاع... هزاع: هلا حبي...
ريم: فديتك يالله جوم ..
هزاع: والله تعبان وااااااايد مب قادر أتحرك..
ريم: ياربي دلوع جوم ألحين..
هزاع: حبيبي ريموتي يالله نبى نعرس..
ريم سكتت شوي: وألحين شو ياب طاري العرس؟
هزاع : أباج تين عندي بسرعة مشتاقلج..
ريم سكتت مستحية من كلامه..
هزاع: ريم..
ريم: عيون وقلب الريم..
هزاع: أحبج يالريم وربي يعلم بأنه مافي قلبي حد غيرج..
ريم: وأنا مب بس أحبك أنا مينونة ماحبيت ولا راح أحب سواك يالغالي ..
وتمر الأيام...
هزاع وهو نازل يبى يطلع من البيت زجرته سلامة: هزاع فديتك بغيتك بسالفة؟
هزاع مشى صوبها هلى طول: شو الغالية؟
سلامة: متى بالضبط تبى تعرس؟
هزاع: لو اليوم ما عندي مانع ... وضحك....
سلامة وهي تطالعه وكلها سعادة: لا .... أقول رمس قول الصدق متى تبون العرس؟
هزاع: ليش تسئلين؟
سلامة: بس أسأل..
هزاع وهو يستأذن: بشوف قلبي ريماني وبقولج..
ركب هزاع سيارته... وبسرعة اتصل لريم..
ريم كانت تبى تسير تسبح وردت: هلا ..
هزاع: بحبي وعمري وكلي..
ريم: عاد هزاعوه متى سبحت وخلصت من 20 دقيقة مسكره عنك ما مداك..
هزاع وهو يضحك من خاطره: بسرعة طلعت من الحمام الله يعزج وتلبست وطلعت واتصلت..
ريم وهي متضايقه منه: هزاعوه بلاك مستعيل جذيه تراك بترمسني ما بسوي ينوح بطير عنك..
هزاع استاء منها وقال: بحفظ الله.... وسكر عنها ..... وأغلق التيلفون..
عيزت ريم وهي تدقله كله مغلق كانت متلومة هو فهمها غلط.. إنزين هو يحبها بجنون ليش هي ما تقدر هالشي هذا اللي كان يدور في باله....
ويت منى عند ريم وفي هاللحظات يأ راشد.. قامت منى تفج الباب ويوم فتحته تسمرت اطالع راشد وراشد استحى ووطى راسه..
منى بعد شوي حست بسخافتها كيف تسوي جذيه وردت داخل..
ريم: خير اشعندج محمرة يالطماطة...
منى: الله يغربلني أنا ما دري ليش أتنح مراااات مثل الخبيل توني عند الباب تنحت في راشد...
ريم تضحك : الله يغربل ابليسج بسير حق الريال..
دشت ريم الصالة : هلا والله ببو محمد..
راشد: اسمحيلي عاد أنا هبطت ربيعتج ما قالتلي قرب..
ريم: آه منوه الله.... أنا لا هيه..
راشد: بلاج ما تيمعين شو هالرمسة..
ريم: ماشي شحال اليهال..
راشد: بخير الحمدالله عند إختيه ..
ريم: خاطري أشوفهم.... بس والله دامهم عند خالتيه مطمنة عليهم..
راشد: ريم باجر انتي بتعرسين منوه حق اليهال؟؟
ريم: شو تقصد؟
راشد: الصراحة أنا أبغي أعرس..
ريم انصدمت من كلام راشد: معقولـــــــة يابو محمد تتزوج عقب فطيم؟؟
راشد: لا تتحسبين موتها يعني إني نسيتها لا والله بس ....... مادري شقول بس أنا أبى حرمة واتمنى تكونين فاهمة يالريم..
ريم: هيه بس....
راشد : بس شوه؟
ريم: ما تخاف على عيالك من حرمة الأبو؟
راشد: عشان جذيه أنا أبى أكلمج..
ريم: شسالفة تكلم وإذا كنت أقدر اساعدك ما بتردد.
راشد: ربيعتج منى؟؟
ريم: بلاها منوي؟
راشد: شو شو بلاها أباها حرمة لي وأم لعيالي..
ريم متفاجأة: شوووووووووه منوي ربيعتي ما غيرها؟
راشد قام وحس بأن ريم مستهينه به وطلع وريم تناديه : يابو محمد.... بس طلع وهو متضايق..
منوي سمعت دقت الباب وطلعت بسرعة: ريماني شو فيج شو استوى؟
ريم وهي تحط ايدها على ثمها : يالله ..... أنا زعلت راشد وطلع معصب..
منى: يالله بلاج اليوم تزعلين الرياييل متوعدتلهم..
ريم اتذكرت هزاع: حبيبي يغربلكم نسيته وانا اللي ما انسى..
منى : قوليلي شو سويتي برشود؟
ريم تطالعها بنظرة استغراب: شوه حبيبتي رشود؟؟؟ خير شروف..
منى وطت راسها: ماشي ماشي خلاص ..
ريم ترفع راس منى: تحبين صح؟؟
منى قافطة : لااااا بس...
ريم : تصدقين حياتي ليش عصب لأنه قالي يباج حرمة وأم لعياله..
منى: شو قلتيله؟؟؟؟؟؟؟؟؟؟؟
ريم: طبعا قلتله انته آخر واحد تفكر فيه منوي ..
منى: لا والله ؟؟؟؟؟؟ وكلها غيظ...
ريم : لا وقلتله منوي تحب واحد وهم متفقين على العرس بعد مدة..... وياويلك ياسواد ليلك من يبت طاريها على لسانك تفهم..
منى: إنتي اللي ياويلج ويا سواد ليلج... وتدفرها وتضربه..
ريم: لااااااااااا والله أجذب فديتج خليني.... هديني أقولج....
منى: لا عاد قولي الصدق إنزين؟
ريم وهي تعدل شعرها وتيلس زين: والله ما مدالي أتكلم معاه كنت متفاجأة عصب وفهمني غلط وروح ويو ناديته طلع برى..
منى وهي تمدلها التيلفون: هاه دقيله اعتذريله وقوليله بأنج بتسئليني وبتشوفين رايي..
ريم: لا الله مارووم تعبانة باجر باجر..
منى: والله يالريموه ياويلج بضربج ضرب..
ريم: هاه عيب والله عيب منقود عند العرب بنية تسوي جذيه إمه عيب يالله تسنعي ....
منى: ريم حبيبتي إختيه كل الدنيا و......
ريم بجديه: ما عليج منوي بس أنا بتصل فيه وبعتذر منه وبخبر خالتي أم سعيد .... حياتج أهم من حياتي حطي هالشي في بالج ولو سعادتج ويا راشد ما يهمج أبد بسوي المستحيل عشانج... وحضنتها وقالت: ما لي وصية إلا عيال فطيم بقلبج حطيهم..
منى وهي تطالع ريم : أفااااااا ..
هزاع وعلي يحاوطون في الذيد لأن لهم عزبة فيها هزاع مشى بالسيارة لين عزبتهم
علي: يالله هزاع انزل..
هزاع: بنزل انزل انته... علي فهم بأنه هزاع يبى يتم بروحه..
هزاع فتح تيلفونه..
وصل مسج.. (( أغلى حبيب هزاع ... أحبك ... دق لي تعبت كله مغلق)))
فز هزاع بس هذا ما يعني بأنه مب زعلان اتصل..
ريم: هلا بحبيبي..
هزاع ساكت هيه لازم دلع رياييل : ..........
ريم وهي تغني: يكفي لا تجافينا تاخذنا وتودينا.... غيرك ما ترجينا إلا انته ترجيناك...
هزاع بصوت هادي: أنا أحبج..
ريم: حياتي فداك... سامحني بس أباك ما تشتط..
هزاع: برضى بشرط..
ريم: عيون الريم انته تدلل..
هزاع: نطلع نتحوط شوي في الشارجة..
ريم : لا لا لا لا ..
هزاع: خير انتي حرمتيه بلاج انتي ..
ريم: هزاع لا تحرجني بليز..
هزاع: ليش حبي أنا ريلج..
واقنع هزاع الريم تطلع وياه .... ريم اتصلت لمنى ومنى قالتلها عادي ..
منى: اقول البسي كندورتج مالت العيد المخورة في العين روووعة عليج وهي عنابية وريلج وحداوي..
ريم: يا ويلي ...
منى: عيل يوم العرس شو بتسوين؟
ريم: جب عيب عليج ..
منى: يالله ولا تنسين تحطين الظل الأسود والعنابي سوى مب لون واحد وحاولي تكبرين عينج أكثر..
ريم: خلاص..
منى: هيه يالله بااااااااااي..
ريم : باي..
ريم كانت مرتبشه ..
ودق هزاع كان هزاع بيتخبل عشان لأول مرة بيطلع ويا حبيبته وحرمته..
ريم : ألووووه...
هزاع: أنا جدام البيت حبيبي..
ريم: لازم يعني..
هزاع: يالله ريموه ... أقولج جدام البيت..
ومشت ريم صوب الإكس فايف مالت هزاع كانت سيارته عنابية حلوة فجت الباب.. ريحت السيارة عطر اينن ريم كانت متغشية: السلام عليكم..
هزاع وهو يقصر على صوت المسجل وكان محطي أغنية من أغاني ميحد: طال ليلي..........
هزاع موطي راسه: وعليكم..
ريم: ..............
وحرك هزاع السيارة الوقت كان بعد المغرب..
وسار هزاع ووقف السيارة وقفل البيبان..
هزاع وهو يرفع بإيديه راس الريم
: حياتي اشفيج؟؟ طالعيني حطي عينج في عيني؟؟
ريم موخيه ومستحيه مووووت ولا قالت ولا كلمة..
هزاع مسك إيديها وقال: حبيبي تدرين أنا أمووووت فيج أحبج..
ريم صدت: حتى أنا ولو ماكنت أحبك ما كنت طلعت وياك ..
هزاع وهو يحضن ايديها بحنان : اللي يسمعج يقول انسوي شي حراااااااام انتي حرمتيه على سنة الله ورسوله..
ريم سمعت كلمة الله ارتاحت واطالعته : هزاع ..
هزاع: لبيه يا نبضه وقلبه..
ريم: خلنا نرد البيت أبطينا..
هزاع وهو يزخ سكان السيارة : لا والله وأرد من هالطلعة جذيه..
ريم خافت وااااايد وظكت صوب الباب..
هزاع : هاهاها شوفوا هذي تخاف مني ..
ريم: بلاك جيه شو تقصد كلامك يخوف..
هزاع وهو يقترب منه: أبى.....
ريم: هزاعوه جوم عني ..
هزاع: اتضيق والله انا أبى أبوسج بس..
ريم: لا ..
هزاع وهو حاط عينه عليها هيـــــــــــــــــــــــــــــــــــــه..
ريم: يوم بنعرس..
هزاع: عيل مافي ردة حق البيت باتي هنيه ويوم ترجدين يالله ما تضمنين شو بيستوي..
ريم وهي تطالعه بضيق: هزاع ؟؟؟
هزاع: انتي احبج... احبج ... احبج..
وصار اللي صار ما بين هزاع وحرمته..
***
هزاع داش البيت وهو فرحاااااااااان مستانس..
مريوم وهي تطالعه باستغراب...: خير شو هالضحكة؟؟
طنشها ودش حجرته واتصل حق الريم ..
مريم: سلامي أبى أقولج شي بس لا تصعبين..
سلامة: شوه..؟؟؟ ما بعصب..
مريم وهي تبعد عنها تخاف تلطمها: شفت ....
سلامة: شووووووووه؟؟؟ قهرتيني ..
مريم: هزاع سلامي..
سلامي: يعلج الخيبة زيغتيني....
مريوم: شفته وهو داش البيت على خده روج..
سلامي : يالي ما تستحين..
مريوم: والله والله العظيم سلامة تراه اليوم مادري بلاه محلق اللحية مقفل وتراه ابيض مبين الروج بأنه روج والله
سلامة مشت عنها صوب حجرة هزاع وفجت الباب بقوة وكان هزاع يضحك وهو يتكلم وفج عيونه: ريموه اتصلبج بعدي
ن؟؟ وسكر التيلفون.....
سلامة قربت منه وحطت ايدها على مكان الروج: من وين هاظل يالرغيد؟؟
هزاع: هاه شو فيج ياي من الذيد..
سلامة وهي الضيقة فوووووول: هزاع يالخايس ياللي ما تستحي على ويهك ويا منوه كنت طالع؟؟
هزاع اتضايق من سلامي: بلاج أنا ريااااال وأعرف الصح والغلط..
سلامة: والله ما تستحي ..
هزاع جام وطلع.. في السيارة اطالع ويهه في المرايه : أوووووه الله يغربل ابليس ...
في البيت س
لامة ميته من القهر.
يلست في غرفة هزاع بروحوقالت: معقولة أنا اللي مربيتنك يا هزاع آخرتها تطلع ويا بنية ولا وانته مالج وريماني هالملاك على ذمتك.. لا مستحيل واطلعت من الغرفة وسارت حجرت _أمها ..
سلامة تدق الباب وتدش: هلا أبويه عيل الوالدة وينها؟
بو هزاع: هاه فديتج أمج تحت..
سلامة البنت العودة وهي مربية إخوانها ويا أمها بس هزاع ولدها لأن أم
ها تركته لها وسلامة رفضت تتزوج لأنها كانت محيرة لولد عمتها ومات في حادث وبعدها رفضت الزواج وفضلت تيلس فس بيتهم..
سلامة وهي نازلة من فوق..: أمايه ... أمايه..
الام: هلا هنيه أنا ...
سلامه: أبى عرس هزاعوه الشهر الياي..
الام: جان زين..
سلامه: أوكي.. وطلعت برى عند كراج السيارات وسيده صوب هزاع وفجت باب السيارة : هزاعوه .. تصدق ما توقعت كل اللي سويته.
هزاع يقول في خاطره: يالله لو أقدر أقول بس لا يمكن تقول بأن الريم مب زينة.. برايها خلها تتكلم وبتسكت..
سلامة: على العموم دام انته ما تروووم تقبض عمرك العرس بعد اذن ابويه بيكون الشهر الياي...
هزاع: لا والله ..؟؟؟؟ عاد ونه ما يهمه..
سلامه: ولا كلمة بس ..... باجر تسير تسحب 50000 درهم وتيبهن عشان الزهبة..
هزاع: انزين الريم..
سلامة: ألحين بكلمه واكيد ما بتقول لا ... ونزلت من السيارة..
هزاع اتصل حق الريم قبل سلامة وخبرها وهي ما كان عندها مانع.. سلامة فولت من القهر وطلعت صوب هزاع شافته يتمشى في الحديقة ويتكلم ويضحك ..
سلامة: هزاعوه بند عن الريم كله مشغول أبى أكلمها عنبوة خلها ..
هزاع يضحك : سمعتي حبيبي بخليج ألحين بس بدقلج عقب ساعة..
ريم: إنزين قلبي باي..
وكلمت ريم سلامة واتفقن على كل شي..
الساعة 2 فليل بتوقيت الشارجة..
ريم تتريا هزاع يتصل.. بس قعدت اطالع صور اهلها اللي راحو عنها بدون اذن.. كلهم راحوا من دون سابق انذار..
***
علي: هزاع تعال بنسير عند الشباب ..
هزاع: آه انزين.. وطرش مسج حق ريم وقالها تترياه... لأن باجر اليمعة وما عندها دوااام ..
ناصر: هلا والله شباب..
وتوايهو ...
هزاع: علاوي منوه ذاك الريال أول مرة أشوفه..
علي: هذاك ؟ هذا مروان ولد راشد بن محمد..
هزاع وعلي مشوا صوب الشباب..
مروان متكبر وحقير ونذل..
ناصر: والله بأن أحلى البنات كلهن تحت ريل مروان..
اضايق هزاع من هالكلام وقال: ما تخاف الله انته؟
مروان طالع هزاع بنص عينه: والله الشهوه شو نسوي؟؟
هزاع: لا والله نسيت نار جهنم انته....
مروان كأن أحد صفعه: نار جهنم هذي العبارة سمعها بس وين.. هيه ريم بنت محمد اخت سالم الله يرحمه يوم كانت تتوسلي قالتلي: لا تنسى وراك حساب لا تنسى نار جهنم..
هزاع: صدق نذل تلعب بشرف الناس جيه الناس ضناها مب غالي عندها؟
مروان اضايق وأشر حق ناصر يستلمهم.. ناصر: بصراحة في بنات ما تقدر تملك نفسك والله انا تقريبا من 4 سنين والله يا شباب شفنا بنية شرجاويه شو جمال
هزاع انقبض قلبه : جب استح على ويهك..
سيف وهو يمسك هزاع من ايده لانه كان يبى يصفع ناصر طراق: أفاااااا يا ولد العم..
علي: غيروا السالفة شباب..
مروان: في شو نرمس
؟؟
وقام هزاع ويلس هو وناصر وسيف ..
هزاع : خاف الله يا ناصر ..
ناصر: والله خايف خاصة من سالفة ال4 سنين اللي مرن والله ماجذب لو قلت ما أرجد بسبة ذيج البنية..
سيف: هالجد حلوة ؟؟
هزاع ساكت ..
ناصر : بخبركم بشي بس لا تيبون طاري حق مروان الجلب..
وكمل ناصر عقب ما اوعدوه بأنهم ما بيخبرون أحد: مرة خطفنا بنيتين حق مروان.. بصراحة كانن البنات هن اين بإرادتهن ويا مروان إلا بنية وحدة تقول للقمر خوز.. أخلاق وأدب وعارفة الله بعد.. المهم حاول وياها مروان بكل الطرق ما رامها وفي النهاية خطفناها..
هزاع : وبعدين.؟؟؟؟؟؟؟
سيف: كمل بسرعة؟؟؟؟؟
ناصر: ما شي كانت ربيعتها وياها ومروان اعتدى على البنية؟؟؟ دمرها لو شفتوا حالتها..
سيف: وليش ماتنام الليل يعني؟؟
ناصر: طالعتني هي وربيعتها وقالت: الله ينتقم منكم يالله تشهد اني مب مسامحتنهم يالله تنتقم منهم.. وكانت تصيح وربيعتها تدعي علينا..
هنيه علي كان يزجر سيف وجام سيف وراح له..
هزاع بخوف: وانتو هالبنية تعرفونها بنت منو ولا بس جذيه شفتوها و...
ناصر موطي راسه: تدري شو السالفة يا هزاع هالبنية كان له أخو وفي ليلة من الليالي كان هو ومروان جاعدين ويا بعض ومروان قال: سالم تيوزني وحدة من اخواتك؟
سالم: شو مروانوه انته بعقل ولا بلاه؟؟
مروان اضايق: شو شو قلت كفرت ؟
سالم: انته تعرف شو اللي تسويه ولوما ابوك ومركزه كنت الحين خايس في السجون... صح ولا ؟؟؟
مروان: جب خلاص جنه محد في الدنيا غير اخواتك ... أصلا أنا ما تنزل..
سالم يوم سمع هالكلام عصب وصفع مروان وقال مروان :والله بتندم يا سالم بتندم..
هزاع: وبعدين شو استوى؟
ناصر: ما شي جام وراح سالم لأن سالم ماكان راعي سوالف أصلا..
والله يا هزاع سبب كل هذا إن مروان سمع سالم يرمس مرة إخته وهو يقول ويكرر الغزال الشمالي الغزال الشمالي... واستغرب مروان وسأله منوه يكلم وقاله بأنه يكلم أهله..وتم مروان يراقب اخته وشافها وتمت في باله..
ومرة تعرض لحادث ومروان كان وياه النذل رغم الحالة اللي كان فيه سالم استغل حتى هذا الشي ومثل تمثيل مستحيل تنخدعبه.. كنت ساكت وحزين لأن الحادث إللي تعرض له خلاه يتفحم..
هزاع وكله توتر : كمــــــــــــــل بسرعه دخيلك ..
ناصر : ماشي يالغالي.. بس وحاول مع البنية ومارام لها لان البنت اخلاق وجمال وادب..
بس للأسف للأسف مروان .....
هزاع جام وركب السيارة وتم يتذكر ريم أخوها سالم الله يرحمه.. متفحم.. لا مستحيل ريمان لاااااا مستحيل.....
تم هزاع يربط كل الأحداث في باله... حرك السيارة مشى في دربه طلع من بوظبي وين ساير ياترى.....؟؟؟؟
وصل لحد بيت ريم..
ريم: يالله بلاه هزاع ماتصل؟؟
وفجأة يدق لها...
ريم: هلا بحبيبي ما بغيت تتصل....
هزاع وصوته خوف وتردد ومشاعر مختلطة: ريم أنا ....... أنا برى عند بيتكم طلعي أبى أتكلم وياج..
ريم متفاجأة ومستغربة: بس عن السوالف حبي بلاك منوه مضايقنك؟؟
هزاع وهو يصارخ وبصوت عالي: ريم أنا برى طلعي يالله..
ريم خايفة حست بأنه في شي صاير : أوكي يالله بيي ألحين..
نزلت ريم من غرفتها وهي تمشي صوب الباب وطلعت الساعة 3 ونص الدنيا ليل..
فجت باب الحوي ومشت صوب سيارته: هزاع.. هزاع كانت نظراته لأول مرة جذيه..وراحت ريم صوب الباب إللي صوب هزاع وفجته: حبيبي فديتك بلاك مويم.. وحطت راسه على صدرها ...
هزاع: أبى أكلمج..
ريم: تعال داخل ..
في الصاله..
ريم وهي يالسة بعيد عن هزاع: يالله قول شو السالفة؟
هزاع: إنتي ...... إنتي....
ريم خايفة: شوووووو......
هزاع: ريموه أنا اليوم سمعت شي بس مب متأكد أبى الصدق.... ريم إنتي تعرفين واحد اسمه مروان بن محمد؟
نزل السؤال مثل الصاعقة على راس ريم وطت راسها........ ساكته..
جام هزاع وهو بيموت ومسكها من جتوفها وهزها وصوته عالي يخوف: ريم يالله قولي تكلمي..
ريم وهي ترفع عيونها في عيون هزاع: ما عرفت غيرك ورب البيت..
هزاع: لا لا حبيبي مب تعرفتي عليه ... حد خطفج؟؟
ريم وحست أنها بتموت وكل أحلامها اندفنت: هيـــــــــــــــــــه!!!!!
يلس هزاع صاح واااااااايد : خدعتيني ليش ليش؟؟؟
ريم وهي تقترب منه : هزاع لا لا تفهم غلط؟؟؟ إنته منوه اللي قالك...
ودزها عنه....... وقال: ما باج يالريم ماباج
ريم انصدمت وما رامت ريولها تشلها.... وطلع هزاع من البيت حزين بيموت من الهم..
ريم اتصلت بمنى : منوي وهي تصيح منوي كل شي راح كل شي انتهى منوي الدموع ردت الهموم يت ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك