رواية خاتم في اصابع رجال -7
ســــــــــــــــــــآره
مِن صادفت هالشلة وطآحَت عيني عَلييهم وأنآ ف خآطري أكفخهم تَكفييخ من أولهم اليين آخرهم أحسهم وايد مستانسسين
ويا ف بالي اني أحطمهم
ضحكهم وسوالفهم قهرتني وحسستني ان الدنيا بخيير وهي مش بخير
كنت أتريا منهم أي حركة تصدر عشان أنفجر فييهم وأرويهم قدرهم
ومآ اخفي علييكم اني طرت من الونآسة أول مآ صب علي وآحد منهم الحلييب حسيت ربي استجاب امنيتي وحققها
بعد مآ دار الحوآر اللي بينا ومآ اخفي علييكم برودي من دآخل كنت باردة جداً لكني أظهر العكس ولو بقلييل
كلام هالشاب مآ هز فيني شعره أصلا مآ حسييت انه دخل دآخل اذني عشان كذييه مآ عطيت كلامه أهميه ابد
لكن مآ اخفي عليكم ان فكره طارت ف بالي أثناء الحوآر وبترد اعتباري منه
وكل الشكر لمعلمتي أفنان
توجهت للحمام وتبعتني منيرة
كنت أطمح إني أشوف شيي وصخخ ومقزز عشان يعرف بعدها شو هو الوصخ الحقيقي
والحمدالله اللي لقييت عآمل النظافه ظآهر من حمام المطعم ووياه زبالة
مآ صدقت خبر شليتها منه ومآ انكران ريحتها كانت تسم البدن ولحسسن الحظ كآن واحد مرجع ( تقيء) بها حسيتا اني لو اعرف منو هو عآدي ابوس راسه
ريحة الزباله يابت لي المرض لكن كل شي ف سبييل انتقامي اسويه
وبعدين انآ متعوده اشوف اللي أفضضع
ترست الزباله ماي
وظهرت وانآ اضححك ف خاطري من زمآن مآ قهرت حد أو ذليته
ويا دوور هالشخص اللي مآ يتسمى
قربت منه بهدووء وحآولت أخفي الزبالة قدر الإمكان تجربت وكنت وراه ومآ يفصل بيني وبين كرسييه شي
تجربت منه ورفعتهآ وأول مآ لمحوني ربععه صرخوو ينبهونه
لكن راحت عليهم لأني صبيت الخلطة العجيبة علييه
وحطيت الزبالة ع الأرض بكل برود
وسرت صوب يزوي اللي كانت تركض صوبي وهي مستانسسة
فــــــــــــــــآرِس
لحظظة لحظظة أبا استووعب اللي صار بزووع شو هالريحة شو هآآآ يعععععععع مآ ارووم أتحمل يلست انآظر ربعي بصدمه وكأني أطلب المنقذه منهم شفت حآرب يضحححك من كل قلبه امآ محمد قام يساعدني وسعييد متصنم مكآنه ياربييي شو هآآ
لا يغركم كلامي البارد كنت أشتععل من دآخل ف الوقت اللي يلس محمد يحآول يشلح قميصي التفت للبنت الزفففته اللي مآ تتسمى شفتها تمششي بكل برود ومب كأنهآ مسويه شي ورايحة لبنت صغيرة تركض صوبها
كنت مقهور منهآ واايد التفت للثآنية شفتهآ تطالعني بقررف مآ رمتت أتحمل أكثر نشييت وانآ حآلف اني اضربها ليين الموت
انآ لو عصببت الله يستر مني
منو هيي عشآن تسوي هالحركة بي
رحححت صوبهآ وانآ احاول اهدي عمري لكن مآ شي فايدة أحس غضبي هو اللي يمشيني مسكتهآ من ايدهآ
وووو
طرآآآخ
عطيتها كف يخلييها تندم انهآ بس فكرت تسوي بي هالشي بس هآ كلله ما هزهآ حسيتها تطالعني ببرود وجنهآ تقول هاللي قدرت عليه
نظراتهآ وصياح البنت الصغيرة اللي حذالهآ خلاني ارتبك وانش واضربهآ زيادة كنت خلااص نآوي أجتلها نظراتهآ قاهرتني
بروودهآ مش طبيعي ومآ نشييت الا ع ضربة ع ظهررري
التفت بكل عصبية وأشوف منو اللي يبا ينجتل ويا البنت هآي لكن انصددمت
وأنآ اشوف عاملة الفندق هي اللي ظربتني مب هذا اللي صدمني
انا توقعت انهآ رحاب مآ دري لييش لكني كنت أشوف رحاب هي وأفنان يطالعوني بكل بروود ومش خآيفين عليها معقولة مآ يعرفون البنت اوانها هب هآمتنهم بس نظراتهم كآنت غيير
نظرتهم كآنت مليانة تحدي وبالمختصر كأنهم يقولون لي
انت مش قدهآ وبتندم
ثورة غضبي هدت مع نظراتهم هاي
ومآ اجذب عليكم محمد وسعييد كآنو زآخييني يحآولون يهدوني بينمآ حآرب البارد طآيح ضحك ع أشكالنا
سوينا زوبعه ف الفندق كل حد كآن ينآظرنا باحتقار كأنهم يتحسبونآ صييع أو شي من هالقبييل
ع طوول مشيت بتوجه لجنآحي مستحي من اللي سويته وتصرفي الطايش المتسرع ولأني بدييت أكره عمري وأنا بهالريحة
وأنآ ساير سمعت صوت اللي كفختها (ساره ) : هههه باي يا بططل
حسسيت اني مقهوور شو من بنت هآآي لو وحده ثانية عادي توصل المستشفى معقولة هآي تكون صاحية أنآ احس اني بنجلط
نآظرتهآ توقعت انهآ تكون طآيحة ع الأرض من التعب والخوف ولكني حصلتها تمشي بكل برود صوب رحاب وأفنان والبنت الصغيرة
اللي يحاولون يهدونهآ
شكلهآ خافت وايد وتأثرت كسرت خآطري البنت الصغيرة
نوييت اني لو بدلت ونزلت وحصلتهم أشلها والعبهآ حرام اتِّم كذيه خآيفة أخآف تتعقد ويصيبهآ شي
رححت حجرتي وتركت سعييد يتفاهم ويا البنت
وكِل مآ أتذكر البنت أحس اني أبا اجتلهآ خربت علي يومي وعكرت مزآجي
تبون الصدق أحس اني شوي متزيغ مآدري ليش حسيت انهآ بتسحرني او تسوي بي شي وعآد الحين منتشره هالأشياء
بس لا الحمدالله انا اقول الأذكار
ان شاءالله مآ يصيبني شي
بس لحظظظة راحت ع بالي رحاب ليش يا ترى مآ يت صوبي وحآولت ادافع عن ربيعتهآ بس لحظة منو قالي انهآ ربيعتهآ
بس كلامها وياها ف الفون يدل ع كذيييه
ياربي صدددعت من التفكيير
بس اللي متأكد منه اني طحت من عيين رحآب
رحـــــــــــــــــــــــــآب
ههههه هههههههه
والله اني ناقعة ضححك من هالمششهد مسكيين هالفارس بيروح فيها وربي
هههههههههه لو شفتوو شكله كيف يضرب منقهر
يعني هو بالذمه يتحسب انه بيشرد من ساره
لو يسافر ليين آخر الدنيا ساروه وراه وراه
وحليله كآسر خآطري بس يلا محد ف هالدنيا غير عايلتي الصغيرة يستآهل الشفقة
يوم كآن يضربها كنت أضحك ع باله ضربه يساوي ضرب رابح
لالالا هو غلطان
ضربه مآ يسوا شي جدام ضرب رابح
كنت أطالع المشهد بكل برود انآ وافنان لأن نحن واثقيين
ان ساره قد هالشي ومآ ينخاف عليها
حسييت نظرات افنان نظرات شماته ههه كأنها كانت كارهتنه وتبا سارووه تنتقم منه ليين مآ ترد هي لطبييعتها
ناظرت يزووي كيف تصيح كاسره خاطري وحليلها وايد خافت
أخاف هالبنت تفقد عقلها قرييب من كثر المشاكل والعنف اللي يستوي جدام عينها
كآن وآحد من الشباب اللي يالسين حذال فارس يلعب وياها يحاول يهديها
حسيته حنوون وان يزوي كآسره خآطره
ومن رمسته عرفت ان هو ويزووي من نفس البلاد
حسسيت بخوف انه يعرفها
بس اللي فرحت به ان يزوي قامت تتفاعل وياه وقامت تضحك
ارتحت الصراحة
كآنت منيرة تهددي الأوضاع عند العمال المعصبين
مالت عليهم يقهروني
أمآ أفنان يالسة ف واحد من الكراسي وسرحانه ع الآخر
ياربي متى بترد هالبنت لعهدها السابق أحس انها تعاني
وانا بس بقول الله يعينها
وساره يالسه تشرب ماي ويالسة ترمس حد بالفون شكلها تتطمن ع منصور والأولاد
التفت لي الشاب اللي يلاعب يزوي حسيت بارتبااك مآحب حد يناظرني لأني وبكل بساطة خوآفة
تقرب مني أنآ خفت ورديت خطوة لورا شفته يحط يزوي ع الأرض وكأنه يفهمني انه يبا يعطيني اياها بس
سعيد : مرحباا هذييل إحن بعد الفوضى والأذية اللي سويناها بكم خلينا بنتكم تستآنس يعني مآ يحق لكم اتمون زعلانين علينا
ابتسمت بربكه له شكله طيب مثل فارس بس فارس الحين عرفت شخصيته هو كريه يوم يعصب
مآ علينا منه
خذت اليازية منه وأنآ اشكره بنظراتي حسيته استغرب من هدوئي لكن مآ ادري شو قصدي من الحركة اني أأشر له بأني مآ أتلكم
انا بروحي انصدمت من عمري ليش خليته يعرف
حسيته انصدم وارتبك وقام يأشر لي إنه آسف مآ كان يعرف ابتسمت له عشان مآ يحس بالذنب والخجل وإن الأمر عادي
بس انصدمت وهو يأشر لي إن حد من اهله شراتي
شو قصده مآ تتكلم يعني
مآدري لييش استانست وايد حسيت وناسة حصلت حد يشبهني ولو بشوي
شفت منيرة يايه صوبنا وتكلمت ويا الشاب
منيرة : ترا تروم ترمس وياها بالصوت تعرف تقرا حركات الشفايف
سعييد : مآشاءالله حلوو شرات اختييه يعني
منيرة : الحمدالله ,,, الحيين اسمح لنا بنسسير وربيعك هآه مآعنده ذوق مآ اصدق ان هو من كم من يوم مساعد ربيعتنا
صدق انتو يالرياييل تخرعوون,,, ذئاب مزآجية
شفت الشاب يضححك وكأنه مستانس بتعلييق منيرة
سعييد : الله وياكم واسمحو لنا بس هو يوم يعصصب ما يعرف شي وع فكرا بنتكم عسسل الله يخليها لكم
واقترب من اليازية يبوسها ويأشر لها باي
اليازية : انت حلوو شرات بابا
حسسيت انه استحى وف نفس الوقت انصدم من رمسة اليازية كيف ترمس بلهجة غير عن لهجتنا وجريبة من لهجته
سعييد : ممكن اعرف هاي بنتكم ولا ... رمستها جريبة من رمستنا
منيرة بارتباك واضح : هااه ... أأأ .. هيه بنت جيرانا ماخذينها لأن امها ف المستشفى
سعييد : أهآ سبحان الله خلق من الشبه أربعين بنت ييرانا نفس الملامح بالضبط تشبها وايد بس بنتكم أسمر واضعف بوايد الحين مادري وين هم سارو الحج ولا ردوو
حسييت قلبي يطييح ف بطني هالشاب يعرف منصور واليازية حسيت اني بتهور فأي لحظة
ركضضت صوب ساره أخبرها بالأمر عشان تعرف تتصرف خل يودوون هالمساكين صوب اهلهم حرام يعانون أكثر
اقتربت من سااره وانآ اهزها بالقو حسيتها تضايقت من الحركه وسكرت من اللي كآنت ترمسه
ساره : هاه يا رحاب اعصابج شو فيج ؟
كنت أأشر لها بارتباك ناحية الشاب وهو كآن يطالعنا ف اظطرت ساره تسحبني بعيد عن نظراته
فهمتها السالفة وأحسها شوي ارتبكت
ساره : يمكن مش هم شو يعرفج المهم أنا بفكر وبرد لج خبر ولازم نعرف كل شي عن هذا لأني وبصراحة مش متحملة ذنب هالطفليين مافيني يموتون عندي
حسييت اني بطيير من الوناسة الا طرت وخلصت صح اني بفتقدهم بس هم بيكونون مستانسين وبعيدين عنا وعن المشاكل
وبنكون نقطة سودا ف حياتهم وانمسحت
حسييت التعبير ياب لي الحزن بس ماعلييه الحزن مب شي يديد علينا
منيــــــــــرة
اسميني توهقت ويا اللي يسمونه سعيد خفت يعرف منو اليازية ويوهقنا ان نحن خاطفينها ولا شي بس شكل يلست اليازية ويا المجرمين فادتنا وايد لأنها سمرت ع قولتها وضعفت ويمكن ما تطلع هي بنت ييرانه فعلاً
المهم شفته يبوس اليازية واليازية عاد لصقت فييه
تم يطالعها مستانس شكلها يحب اليهال وايد
استأذن مني انه ياخذها يلاعبها شوي لين مآ نخلص شغلتنا وحسسيت اني اذا قلت لا بحرم اليازية من فرحة لكن خفت ترمس عن اهله وكذييه كنت وايد خايفة
رحت ناديت ساره تتصرف وياها
ساره : هاه يا بنت ماتبين تيين ويانا
اليازية : ابا ايلس شوي ويا عموو سعييد هو حلو شرات بابا شوفي
حسيييت سارووه قفطت شوي لكن كالعاده مسرع ما تتغير معالم ويها وحاولت قدر الإمكان انها ما تنطق باسم اليازية عشان مايشك سعييد
ساروه : زين يعني نخلييج هنيه ونسيير شو رايج واتمين انتي بروحج
اليازية : لالالا انا بس شوي بيلس هنييه هو بيلعبني
والتفت لسعيد
صح عمووو
سعييد : هيه بطيرج فوق جان تبين آمري انتي
اليازية (بفرحة طفل) : شفتتي ساره شوي شوي الله يخلييج
ساره : زين بس تعالي بقولج شي فإذنج
سعيد : حبيبتي قوليلها عيب تقولين شي والناس مآ تسمع
اليازية : انت عييب تبا تسمع كلام البنات صحح
ههههه حسييت هالسعييد قفط قفطة ههههههه حبيبتي اليازية عسسل
شفتها تسيير صوب ساروه وكأنها تنبها ع اشياء وايده وملامح يزوي مستانسة كأن ساروه واعدتنها بشي
صدق ياهل
شفت سعيد يناظر ربعه ويقول : والله هالبنت شكلها ملسونه بييبها لكم تسليكم
شفت واحد منهم يضحك والثاني يقول
محمد : ههه يبها بنسليها وبنتسلى بعلمها كيف اطول لسانها صح
سعيد : اذا البنت ردت وهي ملسوننة ما يخصني تراه من محمد
محد سوا له سالفة لا أنا ولا ساره
خلصت ساره من نصح اليازية وسارت عند سعييد مادري ليش حسييت بخوف
لكن ساره خلتها واتوجهت صوب افنان ورحاب مادري ليش حسيتها بارده تقهرني هالبنت ع الأقل تيلس وتتأكد انه البنت بتسوي كل شي صحح
شفت اليازية تقول لسعييد يشلها
سعييد : حاظر يا أميرتي يلا قولي حق ربيعتج باي
اليازية : مايخصك اسمع ترا انا اسمي ريم مب اليازية لا تغلط
انا ف هاللحظه صفعت عمرررررررري شو هالبنت
شفت ساره وقفت ف طريجها شكلها سمعت اليازية
لاحظت ان جتفها يهتز دليل ع الضحك استغربت من برودها
بس ف نفس الوقت يوم تذكرت تصرف اليازية اللي يدل ع البراءة ضحكت وسرت صوبهم
وخليتها تدبر امرهم ف النهاية اي شي بتقولة بيتحسبونه من حلج
ياهل وما بيهتمون
بُو الجمـــآجم
هههههههههههههههههههههههههههههه
والله اني بس يالس أضححك طوول اليوم
صدق ان الإبتعاد عن الحرآم يطمن قلب المؤمن ويخلييه مرتاح
الحمدالله قبلووني في وظيفة تنظيف الحرم أمآ منصور بيدورون له وظيفة تناسب عمره
صدق مستانس باللي نسويية
طريقة تنظيف الأرضية طريقة وآيد حلوه وسهله
لكن يبالها سرعه وان الواحد ينتبه
اللي يضحكني ان السفاح والشبح مآخذيين الوظيفة لعب
ويالسيين يتزحلقون بالماي والصابون
نحمدالله ان المكان فاظي ولا ع طول بيطردونا
كانو الهنود اللي ويانا يطالعونا ويضحكون شكلهم مستانسين منهم
وكأنهم يقولون ان هييل بيسوون لهم جو
الشبح : بو الجمآجم تعال لا يفووتك وربي تروم تسوي حركات عجيبة
السفاح : شوف شوف هالحركة
شفته وهو يسوي حركته السخيفه يركض يركض ويتزحلق ع ركبه
وكأنه ياهل مآ يتعدا عمره ال 12
ضحكة بألم احنا انحرمنا من الطفولة وايد والحين وف هالوقت يالسين نعيش طفولة متأخره
كان منصور يتأفف بقهر لي شاني ما خليته يتزحلق وياهم
منصور : بو الجمآآآجم خللللني الله يخلييك بس بجرب شوف كيف يالسين يغايظوني
بو الجماجم : لا بتتكسر بعدين
منصور : انآ ريال ما بيستوي بي شي
بو الجماجم : عيل انا ريال وانقصت ايدي
منصور : الله يخلييك مره وحده يلااااا
بو الجماجم : واذا طحت
منصور : ما بطييح
بو الجماجم : قول ان شاءالله
منصور بفرحه : ان شاءالله
شفت منصور يركض مستانس وشفت واحد من العمال يحاول يمنعه اشرت له انه يخلييه مره
شفته يتزحلللق بونآسة ويضححك
كسر خاطري وايد احس هالابتسامة فارقته من يوم ابتعد عن أهله
دعيت بقلبي ان ربي يرده لأهله سالم ويبعده عن كل شي بيضايجه هو واليازية
انقطعت افكاري ع صوت الفون وهو يعلن بوصول رسالة
قريتها وضاق خلقي
(يوم الخميس تاريخ 12 – 2 سيتم تجمع جميع الأفراد من جميع الأفرع مع إمكانية التبديل بين أعضاء الأفرع ومن لم يحظر ويتغيب سيكون مصيره القتل وسيكون اللقاء في مقر ال..... بمنطقة وحي ال......)
الجُزء العاشر
....... : تعاآلي بنروح نلعَب داخل ذييج الحِجرة بتستانسيين
أمسَك بالطِفلة الصَغيرة وأخذ يشُدهآ الى الغرفة القابعَة في المُلحق
ليَعُم الهدوء وسَط الحَديقة التي كآنت تلعب فيها بِصخب
*
كُل مِنهما يجلِس فِي مَكان يجعله يبتعد بِه عَن الآخر أمتآر
هُو
خآئف مِن الفضِيحة
وفِكره مشتت ويبحث عَن الحَل الذي سَيغطي على ما فعله
لِيَجد ان هنآك حلٌ واحد رَسمَه عَقله الأسود
أماهي
تنتَظر أباها لتُخبره عن مآ فَعلت اليَومَ معَه
فَهي تَجربة جَديدَةٌ في حيآتهآ
متحمِسه نعم
ولكِنها لآتعرف مآذا سينتظرها
لِيدخُلَ بعدهآ من كآنت تَنتظره ويَقطع عَليها سَرحانها
لتُركض اليه بسروور وسعادة
ويستقبلها هو بسلامٍ بارد
عَكسَ سلامه للآخر
لَم تَشعر بِالغِيرة أو الحُزن فَهناك شَيء يِشغلها عَن هذه المَشاعر
وهي التَجربة الجَديدة وكَيف عاشتها
حآولَت أن تَلفت انتباهه
لتَقص عليه مآ حدث معها
ولكن هو لم يَكن يُسلط الضوء إلا على الآخر
الذي قَد وصَل بِه التوتَر حَتى بدأ يَضربها لتَذهب إلَى الأعلَى
وَفعلت هِيَ بِأمره بأَلمٍ وحزن
ليَلحقها هُو لِإخبارها بِمآ خَططه عَقله الأسود
.... : سِمعي نسريين باجر ان شاءالله برويج مكان حلووو واايد زين
وخَرج هُو بِسرعه
أمآ هِي فَقد ابتدأ فضول الأطفال يَلعب بعَقلها الصَغيير
ليبدأ ذهنها بالسؤال هل ستعاد تِلك التجربة الغَريبة
خــــــــــــــــــــــــــــالـــــد
اليوم ان شاءالله بنتيمع انا وربع فارس وايد منحرج منهم يعني المفروض نتيمع امس لكن امي وطيحتها ومتطلبات البيت وأنآ انشغلت بزيارة عمي الكريه
استغفرالله انآ من سالفة قبل اللي استوت ف الماضي وانآ كارهنه
مع انه ماله ذنب
لا له ذنب هو كآن مهمل هو مآكان يهتتم هو اللي حرضني بتصرفاته اجتلها
آآآآه شو سويت انا
فقت من سرحاني ع صوت هرن سيارة من وراي تباني اتحرك لاني واقف عند الاشارة
مشييت صوب الفندق وأنآ احاول ابعد الافكار السودا عني
خلااص الله يرحم البنت ويثبتني ع الطريج اللي انا ماشي فيه الحين
ويهدي عممي
وصلت الفندق ونغمت ع فارس عشان يظهر هو وربعه
دقايق ووصلوو
أشكالهم مآشاءالله عليهم ناس محترمه ورزيينه
والله أعلم لأن المظاهر خداعه
دخل فارس ويلس حذالي ودخل عقبها اثنين
وفجأه وفارس يقول السلام عليكم
مآ حسييت الا بششخص يسسحبه لبرآ بأقوى مآعنده وييلس هو بداله
استغربت من الحركه بسم الله منو هااا
شفته يبتسم لي ... ابتسمت له ابتسامة مجاملة
لأني حسيت اني ما بتحمله وايد اذا هاي حركته من البداية
سمعت حس فارس وهو يقول
فارس : محممممممد ياللي مآ تستحييي بذبححك يالهررم انززل يلا
محمد : مآبااا خلوود طفر منك يبا واحد يديد صح خلود
شفته يغمز لي حسيت اني ابا استنذل شوي
خالد : لا مب صح انا بس ابا فارس حذالي
محمد (محدِثاً فارس ) : اوه اوه وطلع ربيعك يعطي كاش بععد ما علييه مااعلييه لا تترجوني بعدين اني اركب وياكم لو تموتون مآ بركب زين
فارس : أحسسن بععد يلا خلصنا عييب عليك الريال شو بيقول عنك
محمد : وعناداً فييك مب نآزل
وبحركة طفولية مقصودة من محمد : مآبااا مآبا لآ تترجووني
خالد : ههههههههههههههه خلاص فارس خله اليوم بس زين يا بيبي ؟
محمد (بعبط باس خالد ع خده ) : أنآ احبك عمو خالد
ثوآني ويلسست اضحححك ع حركة هالشخص واللي اسمه محمد هههه دمه خفيف
يلست أسولف وياهم وعرفت عنهم اسماءهم وشغلتهم
سعيد : 24 سنة ويشتغل ضابط أمن وسلامة في المطار
حارب : 26 سنة ويشتغل في الجيش
محمد : 23 سنة ويدرس هندسة معمارية
فارس : 25 سنة ويشتغل في شركة أبوه
وأنآ
خالد : 27 سنة وأشتغل في الشرطة قسم مكافحة الجرائم
كانت سوالفهم حلوه وخذت وحللت شخصية كل واحد فيهم
حارب : الرومانسي من سرحانه وسوالفه ويا مرته لاتقولون كنت اتسمع بس هو فاضح عمره اول ما يوصله مسج او شي يرتبش ويسرح ومادري شو ووووهو طيب مع ورحاب بعض النذالة به وخريش طبعاً
سعيد : هادي وحبوب ووايد ينكت وخريش ممزوج بهدوء حلو
محمد : مهرج مفلووع بنعال ههه بس شخصيته حلوه ومرحه وايد
فارس : ياي بالنص بينهم كلهم ماخذ العقل وماخذ الهدوء ف أوقات واقات ثانية لا والفرفشة
باختصار هم جمآعة الله لا يفرقهم عن بعض ويهديهم
*
...... : شوفي نسرينووه أنآ بسيير اييب لج ماي وبرد لأن انتي تعبانه لان مشينا وايد صح ادخلي هالبيت الصغير هذا المكان دايماً العب فييه حلووو وايد يلسي لين مآ انا ايي ولا تظهرين زين ؟
لم ينتظر اجابتها أخذ يمسك بيدها ويدخلها البيت المتهالك
ويغلقه بحجرة تكبره كثيرا بعدما عانى الكثير لسحبها
ورححل
أمآ هِي
ف أخذت تنتظره في إحدَى الغرفتين بهدوء مع خوف قليل
ليأتيها صوت من الغرفة الأخرى أرعبها كثيرا
لكِن فضول الأطفال له معنىً آخر أي
مهمآ كنت أخاف يجب أن أعلم مآلا يجب أن علم
اقتربت من الباب لتفتحه وتلجمهآ الصدمه على أن تفتح فاها وتظل واقفة تنظر الى المشهد برعب
جثة طفلة من عمرها
ورجلان من الجنسية الآسيوية يقطعان جثتها قطعاً صغيرة
لتسقط هي مغمى عليها جرآء خوفها وصدمتها
ويهم المجرمون بخوف لإيجاد حلٍ لهذه المشكلة
ولا شيء يصعب على المجرمون
أَفـــــــــنـــــــــان
ياربييي سآر ه أذتني أمس من بعد مآ دخت علييهم بعد دفن أبوي وهي حاشرتني كلي ارقدي ارتاحي سوي لا تسوين افف مآحب جييه
المهم ان اليوم بيسيرون الإجتماع وبيكون ع العصر تقريباً عشان لو شافو الناس هالأفواج القادمه كلها لا يقولون شي أو يشكون يعني يتحسبونها يمعة وقت العصر
وبعد مآ حشرتني سارووه اني لازم اسيير عند منيرة لين مآ هم يردوون عشان ارتاح بما ان مدير الفندق مآ بيسلمني راتبي الا بعد اسبوعين والبييت فاضي منتف
المهم ألحين اسمع وصايا ساره للكل انآ حفظتها كيف هم
ساره : يوم يسألونكم انتو ويا منو شو تقولون
منصور : نحن ويا رابح
ساره : ويوم يسألونكم شو يايين تسوون
اليازية : نحن ما ياايين نبدل بس نشوف الأماكن الحلوه عشان نسرق
الشبح (باستهبال يصصفر ويصفق ) : شطووورة يزوي
اليازية بفرحة : حافضة بعد شي ثاني
السفاح : شو هو
اليازية : احنا لازم آآآ آآآآآ (بحزن) نسسيت
منصور والشبح والسفاح : هههههههههههههههههههههههههههههههههه
اليازية : لا تضحكووووووووووووووو انا شاطرة قلت واحد طويل
ساره : بسسسسسسسس
ويهدأ الجميع
ساره : اي حد يسأل وين مقركم لا تجاوبونه ويوهكم خلوها ملثمه محد يشوفها للحيطه اسمآءكم معلومآتكم ممنوع تقولونها لححد حتى للزعماء ممنوع اي واحد يتم بروحه لازم كلنا ويا بعض مفهوم
الكل : مفهوم
بعد 4 ساعات بيسيرون ولازم أنآ اسيير بعد صوب منيرة مع ان مالي خلق ابداً لأخوانها وصياعتهم وطنازتهم
يتبع
فـــــــــــــــــــــــارِس
يَالسيين ومستانسسين اليلسة كانت حلووه وخفيفة ع قلوبنا الحمدالله سعيد ومحمد وحارب ارتاحوو ويا خالد وخالد مبيين انه مستانس وياهم
صح انه اكثر واحد هادي بينا بس مع ذلك يسولف وبعض الأحيان يستنذل ع محمد
محمد العزيز مسوي لنا جو بنكاته وحركاته
وسعيد بضحكته وتمثيله
وحارب بمسجات مرته
وخالد بهدوءه
وانآ بسرحاني بسالفة البنت اللي مآتتسمى (ساره)
حقدت عليها بالقوو امس استغفرالله الود ودي لو أذبحها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك