رواية خاتم في اصابع رجال -8
يَالسيين ومستانسسين اليلسة كانت حلووه وخفيفة ع قلوبنا الحمدالله سعيد ومحمد وحارب ارتاحوو ويا خالد وخالد مبيين انه مستانس وياهم
صح انه اكثر واحد هادي بينا بس مع ذلك يسولف وبعض الأحيان يستنذل ع محمد
محمد العزيز مسوي لنا جو بنكاته وحركاته
وسعيد بضحكته وتمثيله
وحارب بمسجات مرته
وخالد بهدوءه
وانآ بسرحاني بسالفة البنت اللي مآتتسمى (ساره)
حقدت عليها بالقوو امس استغفرالله الود ودي لو أذبحها
ما علينا
الحيين خلني اتفاهم ويا خالد بخصوص عرضه المغري
خالد : العشى عندنا ف البيت اليوم
فارس : لا والله ما نبا نتعبكم ويانا المطاعم متروسة والحمدالله نروم نآكل منها
بيني وبينكم ما ودي يكنسل عرضه ابا اكل اكل بييت مليت من أكل المطاعم وأنآ انسان ما احب آكل من المطاعم الا بالضرورة
خالد : اي تعب الله يخلييك عن السخافة خلاص نقول تمم بتيوون وبتتعشون عندنا حشششى ما مليتوو من أكل المطاعم وخصوصاً انت يا فارس
محمد : هههه ترا يقص علييك ولا مبيين ف ويهه انك ا ومآ قلت بتعشيني ف بيتك وهو تشقق فرووس مآ يحب أكل المطاعم
خسسس الله بلييسك يا الهرم فضحتني عند الريال اسميني قاافط
خالد : افاااااااااااااا يا فارس افا وانا اقول ربع ومآ بتخفي عني شي دامك مآ تحب تاكل من المطاعم لييش مآ خبرتني اخلييك تاكل ف بيتنا
سعييد : محمد أبصصم بالعشر انك اليوم بتحجز لك حجرة برووحك رحت فيها
حارب :هههههههههه شوفو ويه فارس كييف
فارس : لا والله ما بغييتك تعتفس وياي وأكون ضيف ثجييل ع قلبك وبعدين خلاص ان شاءالله اليوم بنتعشى عندك ومآ يرد الكريم الا اللئيم
خالد : غيير غيير السالفة
سعيد : بس خالد مب كأنه تعب ع امك تطبخ وريولها مكسورة وبشكارتكم شردت شرايك نخليها وقت ثاني
فارس : هيه والله صصح توني انتبه
خالد : لا ماعليكم الأهل مآ يقصرووون بيسووون انتو علييكم اتيوون وبسس
حارب : خلاص تمم بس الحيين ابا اروح مكان افرفش فييه مليت من اليلسسة
محمد : ابا ارووح البحححر
سعييد : هيه والله من زمان عننه
خالد : خلاص عييل يلا بنسيير
نشينا كلنا وظهرنا من الكوفي اللي كنا يالسيين فيه
صدق مفتششل من حركة محمد ماعلييه برآوييه يوم بنرد
وخالد شكله تحسس ياربي احرآآج
المهم ركبنا السيارة واتجهنا سايرين للبحر
وكل شوي اسرح ويرووح ذهني للبنات الثلاث
رحاب وشعوري الغريب اتجاها
افنان : وحزني عليها واشفاقي عليها
ساره : وكرهي لهآ وكيف انتقم منها شوه البنت احسها مش بنت اعوذ بالله
يا ترى شو سر العلاقة بينهم
بس اللي مستغرب منه لييش كل هالإهتمام بههن
يارب لا تردني لطرييق السوء يارب اهديني
صحييت ع صوت مسج وصلني ع الفون
وكان من مريم اختي
" انا اختتتك حورية ذابحتنها ذابحتنها والأيام بينا تخييل انها تهددني انها تخبر امي اني خآشة حلويات وككاوز ف الدرج وبتخبر امي اني صرفت 500 درهم علييهن
ترا ذقت ذرعاً منها اذا ييت وحصلتها ميته فلي الحق في قتلها "
ياربي هالثنتين متى بيعقلن اشك انهن أخوات وأموت واعرف شو سر العداوه بينهم
فظييعات بشككل يا ترى قببل مآ التزززم كانن كذييه ولا لا
تصدقون اني مآ كنت ادري بشي عنهم لأني وباختصار ما كنت ايلس وياهم ابد
الا يومين ف الاسبوع والايام الباقية ف الشاليهاات وغيره وكنت ف هاليوميين دايماً ارقد
صحييت ع ضربة محمد ع راسسي وهو يسألني برايه عن نكتته اللي مآ سمعت منها الا
عزيزي
وهاي نوعية نكت البلاك بيري اللي أكرهه
مآعمري كرهت فون او آلة كثر مآ كرهت هالشي
شي سخييف وتافه ومآخذ عقول الملااايين
خَـــــــــــــــــــآلِــــــــــد
كنت راد من المسيد بعد ما صلييت العصر احس اني مرتبش ومعفووس بيية قوم فارس يعني اول مره أضييف حد بعد موت أبوي والسبب عزلتي عن العالم مع اني كنت ارحب بهم بس الأغلب يرفضوون خوفاً منهم يثقلون علينا
يوم خبرت امي ان قوم فارس بييون وبالأحرى قلتلها ربعي حسيتها خافت وكأنها تتحسب انهم رفاق سوء وبيردوني لطريج الشر مره ثانية
فهمتها اني تعرفت عليهم وانهم من الامارات ويايين للعمره وبيسيرون بعد ايام حسييتها ارتاحت نسبيا لكن المصيبة الحين اني مآ ابا اتعبها وهي بريولها المكسوورة
وتمييت معززم باختي لطوف الله يحفظها عمرها تقريباً 19 سنة وواثق بها وشغلها وتنسيقها الراقي اللي خذته وتعلمته يوم كنا غارقيين بالبيزات
لفت انتباهي بيت ييرانا اللي ماعرف شوا قول عنهم استغفرالله
ابوهم متوفي وأمهم وحليلها عيوز
وثنين أولاد دوم أشوفهم سكرانين قاهريني بعدهم صغار الإثنين مآ يتجاوز عمرهم العشرين
والإخت المسكينة الباره فيهم واللي ادور لهم لقمت العيش كم مره عرضت امي علي أتزوجهآ بس مآدري شو الل منعني هل هو سمعت أخوآنها السيئة ولا الماضي اللي يلاحقني
المهم لاحظت ان الولد اللي اللي عمره 20 يالس يرممس بنت ووجريب منهآ وايد والمشكلة عيني عينك الناس رايحة رادة
حسييت البنت مضايجة وهي تبا اددش استغربت من هالبنت احس ان ويها مألووف واايد بس ماعرف وين شفتها
لكن مآ قدرت أسكت يوم شفته يسحبها ويحاول يركبها السيارة وهي مش راضية وإددزه
عرفت بعدها ان ف السالفة إن
اقتربت منهم وسمععت اللي يدور بينهم
..... : رآآآآآآآآئد هدددني يعللك الحررق
استغربت يعني هي تعرف الشخخص كنت برووح خلاص واسوي للسالفة طآف دامها تعرف الشخص انا شو يخصني يمكن اخوها او يمكن تطلع مرته بالسرر
بس اللي صدمني يوم سمعت صوت صرختهآ وعقبها صرخته لفييت ع طول وأنآ اشوفه رامي شيلتها ويالس يشد شعرها ويسبها
وهي يالسة تعضه بكل قوتها وواضح هذا من تسكيرها لعيونها
حسيت الموقف زآد سخافة مما خلاني ادخل من بينهم وخرته عنها وحآولت اخلي لها فرصة تدخل البيت
لكن اللي صدمني قوتها خيبة مب بنت هاي
... : والله يا رائد ان عدت حركاتك الزفته هذي بذببحك فااهم
رآئد : إخسس على امي منو قالها ترضععج الحين كنت قدرت اسوي بج اللي اباه (والتفت لخالد) وانت اييه شو تسوي هدني
هديته واستغربت يعني هم خوآن بالرضاعه ضحكت ف قلبي
يوم قال انها لو مآ كانت اخته كآن سوا بها اللي يباه واللي من شوي شوو
.... : اففف مآ ادري كيف منيرة متحملتنكم الله يعينها صدق تييبون المرض
شفتهآ تدخل البيت وهو يطالعني بنظرات كره حسيت الموقف سخييف
فرحت للبيت أشوف الإعدادات وأنآ احاول قدر الإمكان اتذكر وين شفتها
وفعلاً تذكرتها هي نفسسها البنت اللي ضربت فارس مره بالنعال وكآن فارس يسب أخلاقها ف السياره
أفــــنــــان
قهرني هالرائد كان بييبلي الجلطة كرييه اف زيين ما شفت أخوه يحيى ولا كنت بنجلط اف منهم هالإثنيين مآ ادري منيره كيف متحملتنهم
دخلت وشافتني منيرة واستانسست ع بالها ياييتنها لله ماتعرف انه لمصلحة والمصلحة هي ان بيتنا فاضي ما في لقمة للأكل وما بتم لليل بدون أكل
دخلت وسلمت عليها وسلمت علي هي بابتسامة حاره ع بالها نسيت فراق ابوي وتأنيب الضمير اللي يجتاحني
بس اللي انا فييه لايمكن انسااه والأحلام قامت تزيد عليي
صررت أخاف حتى من ظلي
الله يرحمك يبه
رحت صوب الغنفه المقطعه ويلست اتريا امها تظهر من الحمام (عزكم الله )
وفعلاً ظهرت حسيتها تفاجأت بشوفتي ولقيت نظرة الاشفاق تطلع من عينها اكره هالنظره واايد بس يلا مآلي غيرها الحين
وقفت وسلمت عليها واستغربت يوم شفتها تلمني لحظنها
هالحرمه مزآجيه وااايد ساعات تطردني من البيت وساعات احسها امي
تمييت افكر وأنآ ف حظنها افررغ اللي ف خاطري دامني حصلت حضضن يلمني لدقايق ولآ اصبررر واسكت ليين البييت وافرغ اللي بخاطري ع مخدتي المهترية
مآ طولت وايد بالتفكير لأني تذكرت وآحد من مواقفي مع ابوي وبعدها يتني نوبة بكاء فظيييعة
سَــــــــــــــــــــارة
مابا أهِد اي واحد منهم وصلنآ لمنطقة الإجتماع وانا اخاف عليهم اخاف اي واحد يتجرأ عليهم ويضربهم هييل أحسهم مساكيين عكس العبيييد والسوود اللي مورحابيين بكثرة
هذيلااك أحسهم ياكلون لحووم بشر استغفرالله
يلسنا ف زاوية نتتظر الأربع الكبار يظهروون
رابح , سيزار , ماجد بسام
حاسه انه اليوم مآ بيعدي ع خير
التفت لهم وآحد واحد أشوف اشكالهم
كان منصور زآخ ايد اليازية وهو خآيف عليها
امآ اليازية تطالع الأشكال باستغراب وخوف واضح
رحاب منزله راسها وشكلها مرتبكه لأكبر حد
السفاح وبو الجماجم والشبح قالبيينهآ ضحك وسوالف وطنازه ع هذا وهذاك وذييك
لاحظت انهم ردوو لبعض واستوت علاقتهم ويا بو الجماجم شرات قبل ارتحت لهالشي
مآعرف ليييش اني بفارقهم جرييب
التفت للأربعه اللي دخلوو وهم الكبار اللي كنا ننتظرهم عساهم الموت
أشكالهم فظييعه كل واحد عيونه إدل على انه له ملف كآمل بالجرايم اللي سواها والله يستتتر
هدآ الكِل وجآءت اللحظه الحاسمة
بُو الجمــــــــــآجم
كنا يالسيين ونطالع هالخبلان شو يسووون وكيف يضاربوون على الأشخاص اللي يبونهم حسيت سخافة وثجالة دمم
لكن كل شي وقف فيني حتى رمش عيني وأنآ اسمع المدعو مآجد يأشر ع ساره ويقول بكل بسآطة
ماجد : انا ابا الجتالة اللي في مجموعتك يا رابح لمدة اسبوع بسس ,, خل تربحني هالإسبوع
راآآآآبح : ومنو بتعطيني بدالها
حسيييت اني بنجلط كيف ياخذون ساره عنَّآ صح مآ حبها بس خلاص احنآ عشرة عمر مآباها تروح عنّا لا يارب لااا
التفت اشوف الباجيين كيفت تعابيير ويووهم
رحاب بدت تصييح
السفاح والشبح الإرتباك باين ف ويوهم
ومنصور بدا يخاف كأنه فهم السالفة
امآ اليازية خاشه ويها ف حضن رحاب لأنهآ خايفة من أشكال هالسود
مآجد : بعطييك نبييل الباكستاني حريف سرقة محلات
رابح : نعععععععععم لا لا هآي تربحني وآيد أكثر عن اللي يكسبها هذا من المحلات بس شو رايك اعطييك ثنتين وتعطيني نبييل
يتني رآحة نفسسية وأنآ اسمععع هاالعبارة لكن ألجمني الصمت بعدها
من يقصد بالثنتين ؟
مآجد : انا بغييت الجتالة بسس بتخليني اخذهآ ولا كيف ؟
رابح : شو رايك تعطيني نبيل لمدة 3 أيام وأعطييك البنتين لمدة اسبووع
ماجد : وشو وظيفتهن ؟
رابح : يشحتتتن .... أأأ شو اسمهن هالثنتين رحاب كأنه والياهل قومن بسرررعه
لالالالالالالالالالالالالالالالالا يارب يارب مآ يوافق ع العرض رحاب واليازية لا مآبيتحملن
يارب عفوك
أحآسيس
سارة : خل ياخذوني أنآ لكن رحاب واليازية لا مآ بيتحملوون ياربي أنقذنا يارب يلست أطالع رحاب وصدمتها ومنصور اللي بدا يصييح ياربي عشان هالياهل لاتفرقه عن اخته
بو الجماجم : يارب ارحمنا هالثنتين بيموتن من اول يومين عندهم مآ باهم يتمون عند هالسوود ياربي ألطف بهم
السفاح : مآ أقدر أمنع دموعي من السيلان رحاب غالية واليازية ياهل مآباهم يروحون عنآ للموت رابح يعتبر أرحم عن البقيية
الشبح : انا اللي سمعته صدق ولا لا يعرضوون اليازيية ورحاب المزآيين وبييبون بدالهم هالباكستاني اللي ولا ضرس من ضروسة الأمامية باجي يارب لا مآ نباهم يروحون للموت
رحاب : كل اللي أعرفه ان الموت قررب صح خآيفة وصح أصييح لكن بدآخلي شعور اني برتآح من الدنيا بموت لكن شو ذنب اليازية تموت وياي ويحززن عليها منصور ؟
السَّــــــــفــــــــــــــاح
تفصلنا لحظآت الا ثواني ونعرف هل اتفق رابح ومآجد بالمبادلة
خايف ومرتبك حددي ودموعي بدت تسيييل
لكن اللي صدمني صرخة أحدهم
منصور (ببكاء) : لا يشلووووون اختيييي مآبا اختييي لا يشلونها لاااااااااا والله مآ يشلونهآ بذبببحهم
يلست أشوفه يصيح بهستريا ويسحب اليازيية له
منصور : مآآآباااااااااااااااا لا تشلونها يا جلاااااااااااااب ردووني عند امي ردووووووووني ابا امييي اباا ابوووي والله اخبرهم علييكم والله اليازية لا تشلونها
إنطَلقت ابتسآمة خَبيثة من أحدِهم ليتبعهآ القَراار
يا تُرى هَل لنآ أن نقولَ ودآعاً رحآب واليازية
أم أن الإبتسامة التي صدرت من المَجهول سَتكون المُنقذه
انتهى
الجُزء الحادِي عشر
أفنان
افف مِن الصبح وأنآ اشتغل عشاان خآطر هالبيزات تعععبت يخرب بيت العدو .. أنآ استاهل منو ضربني ع ايدي وقالي اشتغلي لو تمييت ف بيتنا مب أحسسن الحيين شو بستفييد من هالشغلة غير الهوآش والتأمر وغيره يآمآ نصحووني وقالو هالشغلة مب زينه لج لاتفكررين احنا متعذبين منها لا تشاركينا عذابنا بس انآ ما اسمع الكلام ...
افففف شو هالشيي اللي مب راااضي يغلي اغلللي يا بووي اغلللي وراااي شخص لآزم احررقه ليين مآ جلده يتلللف تمييت أتخييل كيف أتخلص من هالمستهتر العبيييط البوتمبه تمييت أطالع المآي وهو يغللي يا ترى بيموت اذا رشييت علييه هالماي براسه وافتك انا منه ويفتك العالم منه ومن أذيته
خلص المآي وشلييييته عشان احطه ف سطللل
وطررت بعدها لأفكاري ليين مآ يبرد الماي شوي احس حرارته مبالغ بها
في هالإسبوع استوت وآيد أشيآء مؤلمة وحزينة ويمكن بعضها سَعيييد
بكينا وصرررخنا وخففنا وودعنا
اللي رآحو وتركونا يمكن يرد بعضهم والبعض الآخر لا !
واللي استوآ يصححى من النوم بفززع ..!
واللي يعاني مرارة الفقد !
واللي يعيش فَرحة اللقاء !
واللي واللي واللي واللي
أشياء أحاول اطيرها من عقللي مآ ارييد أرد للحزن اللي كنت فييه ابا ارجع أفنان الأولى القَوية الغير مباآلية
وأبوي الله يِرحمه مآ بتم طُول عمري اصييح ع غلطة مستحييل تتصحح
خلاص اللي فات مآت
اووووه نسييت المآي وحليلها العيوز تترياني خل أودييه لهآ
صبييت ملح ع الماي ع قولت العيوز الريول تطييب يوم تحطين ملح وماي دافي
كلام عيايز مآ لنا خص به
شليييته وسرت حجرتها ويوم يييت بفتح انفتح الباب ورفعت راسي بشوف منو اللي فتح الباب
اوووه هذا ولدهاا الصامت وايد يذكرني برحاب بس هذا نظراته تخرررع ههه ضححكت وأنآ اخطط باللي بسويه ف هالريال ف الأيام اليايه وأقولها من الحين
عآدت حلييمه لعادتهآ اللئيمة والله يعينك علي
شفففته يصد بنظره عني يوم انصدم بورحابي سللم ورآآح وانآ دخلت بعدها حجرة امه
أحط لها الماي وأبدا اشتغل في هالبيت
البيت حلو صراحة مآ انكر صح انه مب كبييير لكن بالنسبة لشقتنا وااااااااايد كبيير وروعة
تأثيثه حلو وايد صح ان كل شي بسييط بس بعد اللي أثث البيت ذويييق وبكل جدارة
بدييت اشتغل ف البيت اخم وأغسل الحمامات وارتب الحجر
كنت أقدر اطب البييت كامل وافتش واسوي اللي اباه عدا حجرت الصامت هذا
ع قولت امه منقود تدخليين غرفة شاب
فكانت اخته العسسل لطييفة هي اللي تدخل وترتبها
هالبنت عسسسل صفاتها شكلها
وايد اتونس وياها
تعلمني اشيااء ما اعرفها اصلا
من ثلاث ايام وهي بادية تعلمني كيف أقرا صح وشو الحروف بالانجليزي وبالعربي
لأني وبكل بساطه أميه لآ اقرأ ولا أكتب وكل هذا بسبب فقر أبوي الله يرحمه
مآ كان يقدر ييب لي حتى لبس المدرسة او الأغراض داومت اول يوميين وافتشلت وانا اشوف شكلي بين البنات شكلي كان رثث وحالتي كانت صعبه كنت اقعد في الفسحة اناظر البنات كيف ياكلون واتم ماسكه بطني متى باكل مثلهم
وساعات مآ اقدر اصبر اروح اخذ منهم وبما انهن أطفال كانن يرفضن
ثلاث ايام داومتها وبعدها كرهت كل شي وتميت يالسة ف البيت الين الحين
ردت بي أفكاري للبوتمبه رائد أخو منيرة وأخوي بالرضاعة وكيف اتخلص من مضايقاته ونغزآته
هالولد صايع مآدري متى بيعقل لا هو ولا اخوه منهم فايدة ترتجى
الله يعينج يا منيرة ويعيني ان بيستمر وضعي جيه
طالعت الساعه اللي معلقة باليدار الحين بتوصل لطوف من المدرسة وبنبدا نتسلى
فــــَآرِس
يَالله مسرع مآ مر الإسبوع وردينا للبلآد يالله شكثر استانست
يوم وصلت حسيت اني في أي وقت بنزل وببوس الترآب اللي أمشي عليها دآر زآيد .. ترابها غالية و أفديها بروحي كآنت هالسفرة غير عن سفرآتي كلها صار لي يومين من ردييت لكن اتمنى تتكرر هالسفرة بكل موآقفهافي هالسَفرة تقربت من ربي وعساني مآ ابتعد عنه ان شاءالله الله يتمم هدايتي ويهدي اليميع يالله كِل مآ اتذكر المواقف اللي استوت لي ف العمرة أحِن لهاخالد والشلة صدققق استانسنا ويا بععض وخصوصا ف آخر يوميين يوم تيمعنا مع عبدالعزيز وراكان وحمد صح ان نحن انصدمنا يوم شفنا كف حمد مقطوعه جد جد خفففت تميت أسأله وانصدمت يوم قال انه حآدث وحليله بعده صغير الله يكون ف عونه بس كآن شكله عادي مب متأثر استانسنا وااااااااايد ف آخر جمعآتنا مآ انكر ان هالثلاثي كانو ساعات زعلانين ومتضايقيين لكن فجأه يردون عادي ويونسونا ونونسهم بركَنت سيارتي ف الباركنات ونزلت لشركة ابوي اطّمش وأشوف آخر الأوضاع لازم ارد لها الحين ماعندي عذر عشان اغيب وانآ نازل تذكرت افنان وساره هالبنات صح غريبات عجيبات وخصوصا يوم شفتهم آخر مرتين بس في شي يشد الوآحد لهم ومآ يقدر ينساهم ملامحهم تصرفاتهم شدتهم أحسهم مش بنات ابدد صفات البنات مآ تتيمع فيهم واللي صدمني اكثر يوم شفتهن ف المطار يسولفن مع راكان وعبدالعزيز وحمد انصدمت شو يابهم لهم كان فيني فضوول ابا اأعرف بس حسييت انه عيب ومش من خصوصياتي التفتت لي أفنان وابتسمت لي باستهزآء ساعتها استغربت من ابتسامتها واستغربت لأنها لو كانت اخت راكان او عبدالعزيز او حمد مآ تجرأت تبتسم لغريب ف حظورهم وجدام عينهم شفت افنان وعبدالعزيز وراكان وحمد يروحون لوآحد من الأسواق المورحابة في المطار وبقيت ساره بروحهامريت وخليتها تنجلع هالبنت ما ابلعها ابد .. جبدي تلوع كل مآ اذكر اللي صبته علي بس للأسف الشديد مآ كملت تطنيشي لها لأن فوني طآح ساعتها كنت مععصب الآي فون من ابسسط شي يخترب كيف لو طاح هالطيحة اكييد اخترب ومآخاب ظني شفت الفون طاااح بعيد عن ريولها بكم من خطوة توقعت منها تاخذه من تحتها وتمده لي بس خاب ظني وانا اشوفها تنقل نظراتها بيني وبين الفون حسيتها تستهزئ بي من نظراتها انقهررت بس مسكت اعصابي ونزلت اخذ الفون وجيكت عليه وطلع ان الشاشه اختربت افف وأنآ كنت مخطط اطالع محاظرة لسليمان الجبيلان حسافة المهم خذته وحاولت اني مآ اناظرها وسرررت بس حسييت ان نظراتها اتابعني والله اعلم يلست صوب خالد وسعيد ومحمد وحارب ويلسنا نسولف .. بعدها يوو راكان وعبدالعزيز وحمد ومعاهم ولد صغير اسمه منصور قطع علي افكاري صوت الفون ظهرته ولقيت اسم سعييد ظآهر لي ع الشاشة ردييت علييه فَآرِس : مرحبا ملااييين ولا يسدن سعيد : مرحبا بك زوود فارس : شحالك ! سعييد : طيب طآب حالك ومن صوبك ؟فارس : يسررك الحال .. هآ شو الأخبار بشررر !سعييد : حصلناهم الحمدالله ,, يالله يا فارس لو شفت أشكالهم تقطع القلب انا مآ حصلت الا اني اصيييح وياهم فارس : والله ... الحمدالله الحمدالله
سعِيد
بندت عن فارس بعد مآ بشرته بالأخبار اللي تسر يالله شو من دموع نزلت من عيني اليوم وانا اشوف المنظر
الحمدالله اللي حصلنا اهل منصور مآ صددقت أحصلهم من يوم مآ ردينا البلاد وانا ادور عليهم
تذكترهم وهم يحظنون بعض والأم تصييييييح صيآآآح حتى الأب كآنت عينه تدمع ومنصور يصيييح صيآح كأنه يفظفظ سبحان الله اللي جمعهم وهم ف بلاد مختلفة
والفضل يرجع لراكان وحمد وعبدالعزيز بعد الله مآ قصروو فيهم الخير الله يجزآهم الجنه
يوم كنآ مسافرين خبروني وانا ع طول اشتغلت وتمييت ادور لين مآ حصلتهم
نششيت من مكاني وظهرت من حجرتي وسرت صوب اختي نوف
هالبنت اختي الوحيدة
عمرها 16 سنة وآيد اعز هالإنسانه الله يخليها لي
دخلت حجرتها وانا ابتسسسم شفتها منسدحه ع شبريتها بسرحان تجربت منها عشان تنتبه لي وتعرف اني دخلت بحكم انها ما تسمع ولا تتكلم الا القليل
شفتها تبتسم لي ابتسامه كبيرة
عساني مآ افقد هالابتسامة يارب
بستها فوق راسها ويلست حذالها أأشر لها واسألها عن أحوالها وليش مب يالسة تحت
جآوبتني انها ملانة ومالها خلق لأن شي حريم تحت عند امي
يالله هالحرييم اربع وعشرين ساعه امبركنين ف بيتنا ونوف بطبعها تتضايق ومآ تحب تختلط بين الناس عشان ما تشوف نظرات الشفقه بينهم
طرَت ف بالي فكرة بعد مآ تذكرت بحر جده اللي سرناه انا والشباب يوم سسرنا نعتمر
ونوف بطبعها تحب البحر أشرت لها ان قومي بنظهر برا
شفتها تنقز من الوناسة وراحت تلبس عباتها وشيلتها
كانت تناظرني متردده ومآسكه بإيدها شي
عرفت انها الغشوة ههه وحليلها ألزمت عليها الغشوة من يوم مآ قمت اظهرها ودوم ترد علي
بروحي بكمى ومآ اسمع تباني أنعمي بععد !
مآ احبها تقول هالكلام مآ اباها تحس بالألم واليأس وتحس انها غيررر عشان كذيه اعاملها بشكل عادي مثل مآ الواحد يعامل اخته الكامله
أشرت لها ان يبيي الغشوة وياج شفتها تبرطم بس مآعلي منها هاللي قاصر تمشي وياي وكل من هب ودب يطالعهآ
لا البنت جوهرة غالية مب كل حد يقدر يشوفها
نزلت انا وياها بهدوء عن تسمعنا امي وتحتشر ههه
تسللنا لبراا
وركبنا السيارة
تميت اسولف لها عن البنت اللي مآ تسمع ولا تتكلم واللي صادفتها بمكه كيف شكلها
حسيتها تحمست واستانسست مآعرف شو السبب
توجهنآ للبحر واحنآ ساكتين هي مآتحب تأشر لي واحنا ف السيارة عشان مآ تشغلني عن السواقة وانآ انسان اسرح وآيد ومآ اعرف اتكلم وايد
يتبع ..
خَـــــالِـــد
دخلت البيت وانا حدي متنرفز تعبببت اليوم تعبب سبحانه الله
شتان ما بين قبل كيف كنت آخذ البيزات من البنك ع الجاهز وما بيين الحين
لكن الحمدالله ع كل حآل
دخلت البيييت وانآ منصدم بهييكل شاب جدامي انصدددمت لا والمشكلة لطوف اختي تناظره وتضحك كآن الشاب معطيني ظهره
شبببت نآر ف صددددري وتوععدت ف لطووف
وصلت فيها المواصيل تواعد واحد ف بيتنا تجربت وشفت لطوف انتبهت علييي وارتبكت
مسكت كتف الشاب ولفيته صوبي رفعت ايدي بعطييه كف لكن انصدمت من اللي جدامي
بنتتت !!
ومب اي بنتت
هذي أفنان اللي مخلينها تشتغل ف البيت
ع طول شلت ايدي ونزلت نظري وانآ أتأسف
لكن رفعت عيني مره ثانية وانا معصببب
انتبهت الحين انها لابسه كندورتي ووحده من غترييي بغييت اذبحححها
امي اللي هي اميي مآ تجرأت تدخل حجرتي وتفتح الكبت وهآي تيي وبكل بساطه تلبسس ملابسي
تخيلت لوهله انها فجت اكباتي وتعبثت بكل اللي فيها وخصوصاً دفاتر الشعر اللي اكتبه
عصصصبت من الخاطر ومن نظراتها خصوصا
تطالعني بكل برود وكأني انا الغلطان
خالد : لطيييييفة منو قالج انتي وياها تدخلوون حجرتي وتاخذون ملااابسيي هاااه
سمععت صوتها تتكلم بكل وقاحة
أفنان : والله يا اخ ماعرف شو اسمك يا اخ لطييفة مآ توقع ان انت اللي مسوي هالكندورة ولا انت اللي تعبت فيها وانا انسانه آخذ الإذن من اللي تعب على الشي فمآ عرفت عند منو مخييط ف لبستها من دون إذن ... وبعدييين تعال يالأحول منو اللي لابسنها انا ولا اختتك ليييش ترمسها هي وتعصب عليها !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك