رواية تحياتي لمن دمر لي حياتي -8
ام ناصر:طيب رووحي نامي لك اشووي ..
وبجيت اسماء:اقووول رنووي احين انتي وديتي اغراضك هناك..
رنا:لا موديتهم بيوديهم رائد وانتي طبعاً بتروحين معهم..
اسماء :ايه ادري وراحت تركض مسكت الجوال ودقت ع رنيم :هلا رنووم سمعي ..
رنيم:هاااا وش صاار ..
اسماء:اغراضها مودتهم اهي العصر بتروح المشغل تسووي شعرها انتوو تعالوو وسوو كل شي اووكي ..
رنيم :طيب خلاص دقي علي اذا راحت عشان نجي انا وهندوو وسور..
اسماء:طيب يلا سلام..
رنيم:سلام..
*في بيت ابو خالد *..في غرفة هند كانوو مسووين فووضه ..
رنيم:هندوو وين الهديه ..
هند وهي تأشر ع السرير:شوفيها جنب السرير ..
رنيم راحت وعدلت الهديه وتشيك ع الرساله اذا فيها خطاء ولاء..:زين ماافي شي كل شي عدل ..
هند:أي كل شي عدل بس لاتنسين قمصان النوم اللي بنحطهم في الشنط ونوديهم ..
رنيم:ادري منسيت شي طيب مين بيروح يشتري الأكل العده اقصد..
هند:طرشي السواق انتي كتبي كل شي في الورقه وعطيه يشتري عشان نروح نعدل كل شي اوكي ..
رنيم راحت حق السواق وقالت له وفهمته وجاء العصر ورنا راحت المشغل والبنات راحو ع بيت ابو ناصر يسوون كل شي وجاء المغرب وجات اللي تحني واهلها كانت جايبه معها ناس واجد عشان يخلصون بسرعه خلصووهم كذا ع الساعه 9:30..وراحوو البنات لما جف الحناء اللي ع ايدهم ورجولهم ع غرفة اللي جهزوها حق رناا عشان تودع العزوبيه..رنيم:يلا انتوو اجلسووو او انخشوو في أي مكان تيب وطفوو النور وانا بجيب رنووي ..انخشوو البنات اللي تحت الطاوله واللي ورى الكنبه وراحت رنيم جابت رنا:امشي رنووي معاي بوريك حاجه..
رنا:وشو توريني ..
رنيم سحبتها من ايدها وقفت جنب الباب :يلا غمضي عيونك ..
رنا:يووه لا مابي اول قولي ..
رنيم حطت ايدها ع عيون رنا وفتحت الباب ودخلت وخرت ايدها وشافت المكان شموع ع الكيكه والأنوار مطفيه معدا نور الشمووع وصوت المسجل يشتغل ..وقامو البنات قالوو لها سبراااااااايز ..
رنا من الفرحه راحت ضمتهم وحده وحده وتبكي وجات رنيم بعدتهم عاد هنا رنا مقدرت ضمة رنيم بقووه وتبكي رنيم بعدت عنها وعينها مليانه دمووع:بفتقدك يالخااايسه..
رنا وهي تمسح دموعها:حتى انا بفتقدك يالخاايسه الثانيه ..وقاموو ضحكوو ع بعض رنيم:يلا قصي الكيك ترى عيونا عليه ..
رنا:هههههههههههههههههه طيب وعدوو من الواحد لين الثلاثه ..
1
2
3..
وقصت الكيك وصفقووو بقووه ..وجات لها ساره وهي تمسح دموعها وضمتها :مبرووك يالدبااا ...
رنا:الله يبارك فيك عقبالك ..
ساره ضربتها ع كتفها بخفيف:جب جب انا مابي خلينا العرس لك ..
رنا بعدت عنها وهي تروح تضم اسماء :هههههههههه مالت عليك ..
اسماء :فديت خشتك مين بيتهاوش معااي ..
رنا:ههههههه عادي بعدت عنها وضمتهم كلهم وبعدين قالت هند:يلا يلا افتحي الهديه ..
رنا:تيب وراحت فتحتها واول شي اخذت الكرت عشان تقرا اللي كاتبين ..
وكانت اول شي اختها اسماء..كانت كاتبه كذا..
أحلي من العقد لبــــاسه ..
يزها بها العقد في جيده
الماسة تلبس الماسه ..
مــا زادها الجوهر تزيده
سيـــد الغنادير ياسيده
رمشه غدا جند وحراسه ..
يبيد من وده يبيده
رمشه انا اخاف من باسه ..
رته ولو كنت ماريده
عيني عليكم عساسه ..
قلبي في هواكم تغريده
راعي الهوي عارف ناسه ..
عيده مع الولف وسعيده
وأحلي من العقد لباسه
واخار شي كاتبه ملاحضه:عقباالي ياارب ههههههه الله يوفقك ياقلبي والله بفقدك ..
والرساله الثانيه كانت كاتبتها هند..
فما كل من تهواه يهواك قلبــــه ولا كل من صافيته لك قد صفا
إذا لم يكن صفو الوداد طبيعـــة فلا خير في خل يجيء تكلـفــــا
سلام على الدنيا إذا لم يكن بها صديق صادق الوعد منصـفـــا
ع اني كاتبه شي قليل بس حبي لك كثير ياقلبي انتي الله يوفقك ويسعدك في حياتك الجديده ان شاء الله وعقبااالي ..
والرساله الثالثه كانت كاتبتها رنيم ..
ادري بتقوولين وااجد كااتبين لي بس ماقول الا مالت عليك لو انا منك افرح الموهيم ادري انك بتفرحين من رسالتي اكثر منهم يادووبه وها الله بلغثيث اقصد النشبه فيصلووو لا أوصيك فيه عذبيه وجننينه وبث وعقباالي اتزووج رئوود ..والله فله ههههههه يلا سلاام ..
والرساله الرابعه كانت كاتبتها ساره كانت كاتب لها ..
المعزه تراها داخلي مزمنه
واللي اعزه اشوفه في عيوني ملاك
وان سال عن وداده صاحبي طمنه
قول له من يعزك ابد مانــــــــــساك
رفاق الدرب مازلتم
بعمق القلب احبابا
وان غبتم وان غبنا
فان الحب ماغابا..
ومعزتك غاليه يادووبه الله يوفقك يااارب وبث خلصناا ودعتي ايام العزوبيه وبصير بعدها عندك عيال وزووج يلا ان شاءالله عقباالنا كلناا احين بتقولين مطفووقين ع العرس ادري يلا سلااام ... واتمنى تعجبك هديتنا المتوااضعه ..
قامت لهم رنووي وضمتهم كلهم :الله لايحرمني منكم ..
البنات:ولا منك يااادبه ..ردوود مختلفه ..
وبعد سهر ورقص نامووو كلهم ...
توقعاتكم وش بيصير في البارت الجاي وهل بيتم العرس ولاء ..؟؟
تحياتي لمن دمر حياتي
السلام عليكم..
كيفكم وش اخباركم اليوم ان شاء الله بخير ..
الموهيم مأطول عليكم حبيت انزل لكم البارت اليووم وباكر راح اكمل لكم وهذا هوو ان شاء الله ينال اعجابكم ..
بليز بليزز ابي ردووود وابي توقعااتكم لووو سمحتووو ...!!
8
8
8
8
8
وهذا البارت لعيون اشعار لأنها متابعتني ...
8
8
8
8
8
8
قراءه ممتعه ..
ادري انه قصير بس عذرووني ..
وجاء اليوم المنتظر يوم زواج رنا وفيصل ..
في بيت ابو محمد ..كانووا مرتبشين مرره اللي يشيل واللي يحط وكانت اللي تشرف امهم واختهم منى ..
ام محمد وهو تقول حق الخدامه :رووحي مسحي الأرض بسررعه يلاا ..
الخدامه :تيب مدام ورااحت تسووي اللي قالت لهاا ..
اما منى كانت جالسه مع اخوانها محمد وفيصل وعيالهاا يلعبون ..
محمد:ياخي ولا كأن زواجك قووم تروش وجهز نفسك ..
فيصل:لسه لسه بدري بعدين بقووم ..
منى تدخلت :متى ان شاء الله ..
فيصل وهو يطالع ساعته :توها الساعه 1 الظهر الساعه 2بروح اجهز نفسي وبعدين انا محتاج شي كلها ثوب وبشت ..
محمد:أيه ندري بس قوم خلصناا ..
فيصل وهو يتنهد:اوووف خلاص كاني قمت وراح الحلاق يحلق ..ورجع لبس ثوبه ولبس شماغه وبشته ونزل لهم ..شافه محمد صفر:اوووخص عليك بس يالمعرس افا افا بس طالع احلى مني ..
فيصل بغرور:ادري اني احلى منك ملا داعي ..
منى نزلت وهي كاشخه ومخلصه:أيوووا ايووا يحق لك تغتر اجل اليوم رنووي بتروح فيهااا ..
محمد:أي والله بتدووخ عليك ..
فيصل ضحك عليهم :هههههههههههههه خلاص زين يلا خلونا نروح الأستراحه ..
محمد:يارجال مايصير بعدين انت تروح ..
منى وهي بتطلع:انا بطلع زوجي برى طلعت وراحت ع الاستراحه هي باقي محمد وفيصل ..حموود يووه خلنا نروح احين ..
محمد:طيب طيب يلاا قووم اقلقتني يارجال اللي يقول بس انت اللي بتعرس في غيرك الف بيعرسوون ..
فيصل:اووف طيب وقاموووا راحووع الأستراحه..
..............................
في بيت ابو خالد ..في غرفة هند ..
هند:رنووم متى بتجي هذي ..
رنيم:والله مدري عنها دقايق اتصل عليها اشووف متى تجي تأخرت الصراحه احنا نبي نخلص..
هند:أي والله اتصلي اتصلي عليها..
رنيم وهي تمسك جوالها وتتصل على الكوفير االلي بتزينهم :الوو اهلن..
الكوفير:اهلن فيكي ..
رنيم:متى راح تجين تأخرتي ..
الكوفيرا:خلاص انا في الطريق احين اشووي وأوصل الكم ..
رنيم:طيب يلا ننتظرك ..سكرت منها والتفت على هند :هندووو جهزتي الفستان عشان لجات تشووف الألوان ..
هند وهي تأشر بعيونها ع السرير:أي كااهو هناك ع السرير ..
رنيم:تيب يلا بقووم اترووش عشان اخلص..
هند:اوكي لتتاخرين لأني انا بعد ابي اتروش ..
رنيم وهي تتروش جات الكوفير ودخلتها هند غرفتها :اهلن تفضلي اجلسي انتظري تطلع رنيم من دورة المياه *الله يكركم *..
رنيم طلعت سلمت ع الكوفير :يلا ابدي فيني انا قبل ..
الكوفير:طيب راح نبتدي بشعراتك اول وبعدين المكياج ..
رنيم :طيب طيب بس خلصيني بسرعه ..
الكوفير :اوكي ..وبدت برنيم وخلصتها كذا ع الساعه 4ونص ..يلا هند تفضلي ابتديي فيكي ..
هند راحت جلست :امم انا ابي شعري بس استشوار وارفعيه بحركه بسيطه مابي شي ثقيل وحتى المكياج أبي شي خفيف طيب ..
الكوفيرا:طيب ..وبدت فيها وخلصتهم ع الساعه 7..
وراحوو البسووو فساتينهم ونزلووو تحت وشافووا اخوانهم جاهزين وجالسين ينتظرونهم
محمد:وهو يصفر حق لهم:يابختي بس تهبلووون ..
رنيم وهي تسبل له بعيونها:من يومي اهبل ..
وهند بعد تسبل له بعيونها:يس يس صح كلامك رنووم من يومنا احنا نهبل ..والتفتووو ع صوت خالد وهو يصفر من فوق الدرج هو وشيماء نازلين من الدرج :ياعيني ياعيني ع الجمال مأقدر انا اخواتي طلعوو احلى من زووجتي ..
شيماء ولعت ضربته ع كتفه بقووه..
خالد وهو يمسك كتفه:اييييي عورتيني ..
شيماء طالعت فيه بغضب:احسن ..
خالد:ههههههههههههههههه ..
رنيم شافت شيماء كيف معصبه سحبتها ودورت فيها لين قالت بس :ههههههههههه حتى انتي طالعه قمر يالدبشه عورتي اخووي ..
شيماء :احسن يستاهل وبعدين انتي دوختيني مع وجهك ..
خالد :يلا يلا شيووم بنرووح الأستراحه ..اللي يبي يرووح يجي معنا ..
هند ورنيم طلعووا بسرعه ..وراحوو ع الأستراحه ..
.................................................. ....
*في بيت ابو فهد *.. في غرفة ساره كانت مسوويه الغرفه حووسه من كثر ماهي تدور الفستان اللي شرته ..واخيراً لقته ..وقالت في خاطره وه بث وأخيراً لقيته صج اني حووسه >>>توك تدرين ..
نزلت تحت حق امها وشافت طارق جالس ومعه فهد جالسين:اووووف وش جلسكم انتوو هنا قوومووو اتجهزوو ..
فهد:محنا حرمه مثلك كلها ثوب ونخلص ..
طارق:أي والله ع فكره منحتاج شي مثلكم ..
ساره:اووف زين ماعلي منكم وين امي ..
طارق:تلقينها في غرفتها تتجهز مثلكم ..
ساره :ويه فديتهاا امي يلا ببباي وراحت حق امهاا..وطقت الجناح..افتحت لها امها اللي كانت تدور لها لبس :شفيك ساروونه ..
ساره:مافيني شي بس ابي اسألك متى راح نروح ..
ام فهد:والله يمكن بعد اشوي ليه ..
ساره وهو تتنهد:اشووى اني خلصت برووح البس عبايتي ..
ام فهد:طيب وسكرت الجناح ..نزلت تحت لقت ولدها طارق بس اللي موجود:وين فهد عنك..
طارق:فهد راح يودي حرمته الأستراحه يلا يمه مخلصتووا عشان اوديكم ..
ام فهد:الا خلصنا يلا بس بنادي ساره ..راحت نادت ساره وراحو ع الأستراحه ..
..............................................
*في بيت ابو ناصر*..كانوو مرتبشين اخار شي ..
في غرفة رنا كانت جالسه لأنها خلصت قبلهم بس جالسه تستناهم يودونها عشان الزفه وجات لها اسماء:ها خلصتي ..
رنا وهي ماسكه دموعها:أي خلصت من زمان ..
اسماء :طيب وراحت لها وضمتها بقووه وجلسووا يبكون وجات لهم امهم:وييييييييه بتخربوون المكياااج وراحت تبعدهم عن بعض:قووموو اشووفوو أي اشووى مخترب ليه تبكون بعدين هي بتنط عندك كل يوم مو صح رنووي ..
رنا تدري انه امها ماسكه دموعها بس عشانهم :أي صح كل جايه لكم ..
اسماء وهي تمسح دموعها وتحاول متخرب الميك اب :أي صح وغصبن عليك ..
رنا:ههههههههههههههه اووه من احين تتحكمين فيني ..
ام ناصر:يلا يلا قوومووو عشان نروح الأستراحه ..
رنا:طيب تعالي اسووم ساعديني البس عبايتي ..
اسماء راحت تساعدها عشان تلبس عبياتها ..وراحوو ..
وفي الطريق ع الأستراحه كانووا يصيحوون هرن السيااارت ورى بعض مسووين زفه في الهرن وصلووو الاستراحه ...
توقعاااتكم ...
تحياتي لمن دمر حياتي
وهذا تكلمة البارت العاشر ..
لاتقلون لي صغير ادري ان صغير بس هذا اللي قدرت عليه ان شاء الله مره ثانيه راح اطوله لكم ...
ع العموو يسلموو مرور اشعار ورهووفا نورتووو لاتحرموونا من تواجدكم ..
وهذا البارت لعيوونكم..
8
8
8
8
8
8
قارءه ممتعه ..
في الأستراحه كانت رووعه من برى ومن داخل كانت الأستراحه كذا ..
من برى ..
من داخل القاعه ..
في غرفة العروس كانت جالسه رنا ومعها رنيم تهدي فيهاا لأن بعد اشوي زفتها ..
رنيم:خلااص رنووي والله مبيصير لك شي ..
رنا:والله خايفه خلاص بطلت مابي زفه ..
رنيم :لاوالله تعبنا عليها واخر شي متبين زفه ..
رنا تغير الموضوع :تدرين انك حلووه ..
رنيم تسبل بعيونها:من يومي حلووه ..
رنا:هههههههه يالوااثقه صحيح وين هند ..
الا بدخلت هند عليهم :كأنكم تحشوون فيني ..
رنا:هههههههههه لا بالله عادي يعني منحش فيك بخير..
هند:وش تقولون بسرعه..
رنيم:ابد ياشاطره تقول رنوي وين هندوو وبس ..
هند طالعتها بنص عين:اكيد ..
رنيم:ايه اكيدين زين ضفي وجهك ..
هند:هههههههههه اسووم قومي معاي خليهم يولون ..
اسماء:ماابي اقووم بجلس جنب رنوي بشبع منها بعدين بايخذهاا فيصلوو ولا بيتركهاا ..
رنيم:اهم شي مراح يتركها وانتي صادقه مين يشووف رنوي ويقدر يقوم عنهاا ..
رنا:احم احم لاتمدحوني ترى اشوف نفسي عليكم ..
هند:يحق لك ياختي تشوفين نفسك..
الموهيم ضلينا اشووي نسولف لين مجات امي وقالت لي يلااا زفتك احين قمت ضميت امي من الخوف اللي موب طبيعي كنت مرتبكه مره الموهيم نزلت عشان الزفه .. وكنت انتظر البنات يخلصوو الزفه طبعاً كانت واقفه جنب الباب بحيث محد يشوفني واشووف وش يسون بزفه طلعت شي خياال كاانو يمشوون ورى بعض وكل وحده تسووي حركه ولما وصلوو اخر شي جاو ثنتين من البنات عشان يمسون ايدي ويدخلوني الموهيم مسكوو ايدي ودخلووني والمسكه مكانت عندي كنت لابسه فوق الفستان عبايه حمراً حوليها ريش ابيض وكنت امشي والبنتين اللي جنبي كانوو يسون حركات فضيعه يعني تهبل بمعنى الكلمه الموهيم واخيراً وصلت للكووشه يوم صلت للكوشه وقفت عشان بتجيني بنت صغيرونه وبيدها المسكه جات لي وبيدها المسكه وعطتني ايها وانا بوستها ع خدها
وهذي الزفه >>>عشان تعشوون الموقف ..^_^
وبعدها جلست وجلسوو يشغلوون انوواع الأغاني والبنات يرقصوون عليها بعدين جااوو يبركون لي زي متعرفون يعني وبعدها جات لي منى اخت فيصل قالت لي احين فيصل بيدخل مع الرجال لأنهم كانوو متفقين انهم يرقصوون اخواني رائد وناصر الموهيم فتحوو الباب ع زفه حق العريس وصلوووجاء لي فيصل باس جبيني كنت متتوتره مره ..:مبرووك رنا:الله يبارك فيك ..وانت بعد مبروك ..وجلسووو يرقصوون وانا جالسه ع الكوشه اشوفهم كانو رائد وناصر وابوي معاهم بعد وفيصل رقص معاهم رقص فيصل كان شي وانا ساكته بس اشووفهم وجاء لي رائد بيقومني ارقص معه بس كنت رافضه واخر شي بلغصب قومني ورقصت معاهم بس رقص مو قوي بس يعني احرك ايدي معاهم وجاء فيصل جنبي وقال يلا برقص معاك بس انا مرضيت بس بلغصب خلاني ارقص معه سلوو الموهيم طلعووو رائد وناصر وانا فيصل جلسنا اشووي وبعدها طلعنا عشان نصوور ورحنا غرفه ثانيه كانت المصووره حركاتهاا ملا داعي طبعاً عصبت وفيصل هذا اللي يبي ويوم شافني مو راضيه مسك خصري بقووه وقرب جنب اذني وهمس بتنفذين اللي تقوله المصوره ولا شلون خلينا نخلص تراني طفشت الموهيم خلصنا التصوير وطلع فيصل ينتظرني بسياره لأن مرضي احد يسووق غيره هوو الموهيم سلمت على امي واهلي كلهم وطلعت شفت رائد وناصر وابووي واقفين سلمت عليهم وركبت السياره ورحناا ع الفندق وانا ع طول فصخت العبايه وجلست انتظره هو راح يبدل ملابسه وبعدها طلع طالعني بأستغراب:وش عندك مبدلتي ذا الفستان ..مرديت عليه طنشته ورحت اخذت ملابس وكنت اشوي وبصيح مع ذا الفستان كان طويل وتعبني الموهيم رحت الحمام *الله يكركم* وبدلت ولبست بجامه كذا عاديه يعني
وطلعت كنت بنام بس قال لي قوومي تعشي ورحت جلست انتظر العشاء يجي وطالع فيني مده شكله توه منتبه لي اني قاصه شعري وبعدين طالع فيني مره ثانيه :قصيتي شعرك ..
رنا:أي ..
فيصل:وجع ليه ان شاء الله متقولين لي ..
رنا:يووه هذا شعري ولاشعرك لازم كل شي اقوله لك يعني ..
قام لي من عصبيته ومسكني من كتووفي ولصقني في الكنبه وانا كردت فعل رجعت ع ورى خفت منه طالع فيني بغضب :لاموب كيفك مسك شعري بأطراف ايده مره ثانيه اذا جيتي بتقصينه قوولي لي فااهمه ..
كنت ساكته مستغربه من تصرفه عشان شعر سووى كذا اجل لو شي ثاني وش بيسوي فيني وهزني مره ثانيه يأكد:فااااهمه ..
رنا هزيت راسي يمعنى ايه :ايي فااا..همه..بعد عني ..
فيصل متركني باااسني بقوووه وشالني ع طوول ع الغرفه قلت له العشاء قال يووولي وووو صار اللي صاار ......... ^_^
انتظرووني في البااارت الحادي عااشر ..
توقعاتكم ..
تحياتي لمن دمر حياتي ..
وهذا البااااارت ادري ان قصير بس ظرووفي متسمح اطوله اكثر من كذا اعذرووني وان شاء الله يعجبكم
8
8
8
8
8
8
8
8
8
قراءه ممتعه ..
8
8
8
8
8
8
8
*البارت الحادي عشر *..
في الصباح في جناح فيصل ورنا ..
كانووا فيصل ضامها لصدره ونايمن ورنين الجوال اللي مصر ان احد يردون عليه انزعج وفيصل وصحى من نومه ورفع الجوال خايف تصحى رنا :الووو وش ذا الأزعااج من صباح الله خير ..
..:أي صباااح قوول العصر وانتووو نايمين يلاا قووموو بسكم نوو ..
فيصل:اووف طروووق وجع شتبي ..
طارق:ههههههه ماابي شي بس يلا قووم ..
رنا حست فيه صحت من النوم بس محبت تبين ودفنت نفسها بصدره وفيصل طالع فيها وهي تتحرك كأنها حاسه فيه ان جالس:طرووق خلاص انقلع وسكر في وجه..
رجع ضمني بقوووه وهمس في اذني:ادري انك جالسه قوومي ..
رنا بعدت عنه اشووي وهو ماسك خصري طالعت فيه وابستمت له ..
قرب مني وباس شفايفي بهدووء وبعد عني :يلا حبيبي قوومي صلي فاتتنا الصلاه..
مسكت الشرشف ولفيته علي وكان ظهري من ورى مبين يعني مستفدت شي وهو شافني كذا طالعني بخبث وسحبني في حضنه صار ظهري ملاصق في صدره :ااا ..فيي.ًصل..
فيصل :عيونه قلبه رووحه ..
نزلت راسي وأنا احاول افك ايده من خصري :بعد عني بقووم اصلي ..
طالع فيني بخبث:ههههههه ياخووفي مأخليك تقوومين تركني وانا قمت بسرعه ع الحمام وسمعت ضحكته عصبت يضحك علي هو وجه يعني ميقدر اني استحي ..
.................................................. .........
*في بيت ابو خالد *..في الصاله كانووا جالسين كلهم ..
رنيم :اوووف هندوو احين رنووي وين بتروح عشان نسلم عليها وبتسافر..
هند:والله اكيد بيت اهلها ياذكيه..
رنيم:أي أي ادري زين يلا بااي ..
هند رفعت حاجب بأستغراب :وووين ..
رنيم:ههههههه بصعد فووق انتي وجهك يلا سي يااا وراحت..
مابقى الا هند ومحمد وخالد ومنى جالسين ..
.................................................. ........
*في بيت ابو ناصر *..في غرفة اسماء ..
كانت تفكر :اووف مدري متى تجي رنووي زهقت وربي قامت من سريرها وهي تتأفف وبعد حمود مدري متى يجي والله تعبت اووووف طلعت من الغرفه نزلت تحت وهي تنادي :ييييييييييييمه ..
ام ناصر وهي في المطبخ:وووصمه ان شاء الله شتبين..
اسماء راحت لها للمطبخ وباست راس امها :صباح الخير يالغاليه ..
ام ناصر:أي صبااح احين قوولي العصر موو الصباح ..
اسماء:اووف تيب متى تجي رنووي ..الا بجيت رنا :هذا انا جيت
اسماء جات لي وضمتني بقوووه:فقدتتتتتك ياادوووبه والله لك محل ..
رمشت لها بعيني :ادري ادي هههههههه ..
ضربتني ع كتفي:مااالت ياثقه ..وسحبتني معهاا للصاله وجلستني :يلااا قوولي وش صاار ..
تذكرت الملابس اللي حطوها لي في الشنطه امس:تعالي مين منكم فكرته..
اسماء تطالعني بأستغراب:وشوووو أي فكره ..
طالعت فيها :بلا استعبااط الملابس اللي في الشنطه عصبتووني امس ولا كلهم خلاعين ولا واحد ساتر ..
اسماء جلست تضحك علي :ههههههههههههههه تستااااهلين هذي فكرت رنيم ..
وانا اتوعد فيها خلها تجي والله اذبحهاا ..
ردت علي اسماء وهي تضحك:هههههههه اجل الله يعينك يارنووم ..
اجل تسووي فيني كذا انا بس تصبر اذا مرديتها لهاا..
اسماء:طيب فكينا ترى طفشتيني ولمحت اللي في رقبتي :احم احم رنووي ..
رديت عليها بفهاوه :هااااا شتبين..
اسماء وهي تأشر على رقبتي :احم احم وش ذاا ..
لفيت عليها وشفت اصبعها مكان متأشر انحرجت بقووه منهاا وسكت ولا رديت عليها ..
اشووي الا جااو رنيم وهند واكتملت الفووضه ...
رنيم:والله موب قصدي حبيت اسوويها لك مفاجاء..
اوما عاد مفاجاء انطمي بس احرجتيني وربي ..
ردت علي :والله قلت لك موب قصدي ..
قمت لها وحطيت ايدي ع فمها :جب جب زين فكيني ..
رنيم وخرت ايدي من فمهاا :انزين اووف خنقتيني تعالي ..
رديت عليها بعصبيه:هااااا ..
رنيم:هويتي ان شاء الله متى بتسافرون ..
تبين الفكه مني ..
رنيم:أي ابي الفكه منك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك