رواية الغزال الشمالي -9

رواية الغزال الشمالي -9

في بيت جوم هزاع..

سلامة: راد متأخر هزاع؟؟

هزاع: هيه كنت في دبي عند عبادي..

سلامه : زين وشو أخبارهم

هزاع: سلامي شفت إخته أباها ..

سلامة سكتت : وين شفتها؟؟

وحكى لها عن الموقف..

سلامة: ياترى قدرت تنسيك الريم؟؟

هزاع وطى راسه وشوي وجام: سلامة لا تذكريني دخيلج؟؟

سلامة: هزاع دخيلك حاسة بأني ظلمت البنية ..

هزاع: وحدة اخدعتني شو تترين منها بعد..

سلامة سكتت وراحت غرفتها وقالتله قبل ما تروح فوق: باجر اخبر جوم امايه انسير نخطبلك..

الصبح سلامة خبرت امها واتصلوا حق جوم سارة وخذوا موعد..

سارة تتصل لريم: هلا حبيبتي ريموه...

ريم: هلا فيج... شو خير اسمع الصوت مستانسة..

سارة: هيه والله تدرين مرة خبرتج عن ربيع عبادي اخويه الغاوي تدرين بأنهم خطبوني وحددوا الملجة بعد وأنا مستانسة..

ريم: ألف مبرووووووووك حبيبتي الله يوفقج..

سارة: لا لا حبيبي تين الملجة ومنوه وريماني الصغيرة وكل اهلج بعد..

ريم: شي أكيد غصب عنج كم من ساروه عندنا نحن..

سارة: بس أنا هاهاهاهاها..

وسكرت عنها..

***

اليوم الملجة.. ملجة هزاع على ساره.. البنات كما هو الحال دوما مرتبشات..

ريم: منوه شو رايج الفستان الأسود أشوفه أحلى من الأحمر...؟؟؟

ريم الصغيرونه: حالوه اتود إلو ..

منى: صدقها حبيبتي ريمو الأسود حلو ...

ريم: أوكي ..

منى: تدرين وحدة من رايعي في المسنجر بعد اليوم ملجة أخوها الليلة وعازمتني بس أنا اعتذرت..

ريم: منوه كثري من السود فوق عينج وتعدله لها ..

منى: تسلمين يا عمري..

ريم الصغيرونة: أنا حالوتي .... أبى مثل ماماه منى..

منى: إييييه إنتي ليش تقوليلي ماماه قولي منوه.... عنبوه خالتج اللي هي خالتج ما تقوليلها ماماه..

ريم الصغيرونة: باباتي دالي تديه دولي حد حالوه منى ماماه..

اضحكت الريم بضحكتها الجنان.... منى: بس يالله .... واحمرت .

في الملجة..

ساره: شو تشوفيني العنود أوكي شكلي جذيه..

العنود: لوعتي بجبدي ومللتيبي مليوووووون مرة سألتيني وجاوبتج..

سارة: مرتبشة يالله..

ودشن خوات المعرس ..

مريم: ماشالله مو حلوة واايد..

تقرصها سلامة: انجبي ..

سلامة: ماشالله على حرمة أخويه..

مريم تصاصر عاشة: ريم الملاك حد يخليها..

عاشة: بسج عاد ذاك ماضي..

وشوي شوي ريم ومنى صوب الملجة وريم ماتدري بأنها ملجة من تحبه..

ونزلن من السيارة بس الرياااااييل كانوا برع.. ريم الصغيرونة: ماماه منوه توفي حالي هزاع..

منى مستغربة من وجود هزا

ع : لا اطالعينه حبيبي أوكي...

ريم كانت في السيارة تتأكد من مكياجها ونزلت وهي متغشية..

هزاع وهو يطالعهم ويرمس علي: علاوي دخيل ربي هذي الريم شو يايبنها؟

علي: أي ريم؟؟

هزاع : طليقتي..

علي: خيبة يايه تبارجلك .... ما قوى قلبها ياخي..

هزاع: لا أكيد فيه غلط.... ريم مستحيل .... وتم يفكر في السالفة ..

البنات دشن منى وهي مندهشة: ريم هذي سلامة ووووووو

ريم منصدمة: شو السالفة مابى أشوفهن ..

منى: بس مسكي نفسج ما بنيلس واااايد يمكن يقربولهن.... انسير حبيبتي..

المفاجأة ريم الصغيرة من شافت ظبية ربعت لها وتمت وياها الوقت..

ريم كانت متوترة: وتجاوب على الأسئلة..

مريم وهي تحسها ويا الريم ومتعاطفة واااايد وياها: منى تدرين ملجة منوه؟؟

منى: منوه؟؟؟

مريم: هزاع...

منى: شو هزاع لا ياربي ما فيه تمرض الريم عليه..

مريم: وانتو شو يايبنكم..

منى: الصراحة قويه طردة..

مريم: مب قصدي يا منى بس...

منى: سارة ربيعة الريم ..... والعنود ربيعتنا ..

مريم: يالمصيبة..

منى: شو اسوي الحين..

سلامة:شو حالج يالريم؟؟

الريم وهي موطيه راسها والحزن في تقاسيم ويهها: بخير الغالية انتو شو اخباركن.... وينكم ..

سلامة: هنيه ..

الريم استأذنت وراحت لسارة..

الريم: مبرووووووك حبيبتي وهي تبوسها..

ساره: عقبالج فديتج..

الريم: هاهاها..

الكل متوتر بس سارة ما كانت تعرف شي عن السالفة..

وهالوقت بيدش المعرس على العروس.

الريم: ساروه خاطري أشوف ريلج؟؟؟

ساروه: بكل سرور.... وقفي هناك وتغشي وطلعي عيونج..

الريم: أوكيك اتفقنا حياتي..

الريم منصدمة: ه........هـــ......هـ زاع....

منى تدور الريم وما لقتها والريم كانت اطالع ساروه وهزاع..

ريم وهي تمسح دموعها: واحد مثلك ما يستاهل دموعي .... واطلعت برى وعند الباب..

حست بإيد مسكتها: هذا الواقع ..

ريم وهي تصد صوب المتكلم:منوه؟؟؟

مريم: انسيه مثل مانساج واحد مثل هزاع لو اخويه ما حاول يوقف يمج ويعرف الحقيقة..

ريم وهي ترتمي في حضنها: خلاص مات انتهى من حياتي والله انتهى من حياتي ماباه ..

تمت تصيح واخترب مكياجها ..

مريم: ألحين بتسيرين ؟؟

ريم: هيه بسير السيارة طرشي الريم ومنى ....

مريم: ما يهمج..

ومريم وهي داشه مشت دموعها ولاقفها هزاع: بلاج مريم حد يصيح يوم ملجت أخوه..

مريم: مستانس؟؟

هزاع: يمكن بعدين ليش ما استانس ؟؟

مريم: لا ماشي بس انته تدري...... ولا أقول عن إذنك..

هزاع ما لحق على مريم ودشت مريم داخل ..

سلامة : وين كنتي مريوم؟

مريم: كنت وين ماكنت خلوكم في فرحتكم..

عاشة: بلاكم شرار بس فشلتونا ابتسمن..

سلامة: يوه والله سالفة .... أحسلي اروح صوب ساروة..

مريم وهي تمشي صوب منى: منى يالله بسرعة الحقي ريم تترياج في السيارة..

منى: أسميها هالريم وما تفكر بأني بخاف عليها وبدورها..

مريم: يالله يا شما الوادي وفكينا من هالهذربة..

منى متفاجأة: شما الوادي اشدراج؟؟؟!!

مريم: دشي النت الليلة .... يالله روحي بسرعة ..

منى وهي تسلم على بعض الحضور من البنات وخذت ريم الصغيرونة..

في السيارة محد تكلم أبدا وريم ما علقت ولا بكلمة وحدة وتم الكل ساكت حتى ريم الصغيرونة نامت.

.

وصلوا منى عند بيتهم..

منى: ما تبيني أبات عندج؟؟؟

ريم وهي صاده: لا حبيبتي محتاجة أبقى بروحي..

منى: عيل خلاص خذي الريم لان الريم الصغيرة كانت نايمة في حضنها... ونزلت

ريم في غرفتها..

ريم وهي ماسكة صورة سالم وهي تصيح بصوت عالي: سالم تعال تعاااااااال ياخوي تعال وربي إتي تعبت من هالحياة أبى أموت.. كل شي هموم ودموووووووووع حياتي دموو

ع يالغالي.. وينكم رحتوا عني ليش ماخذتوني وياكم وينكم.... ردوا عليه وينكم.... فرحتي ما تكتمل أبدا.... يارب,,,,, قالت هالكلام وشوي إلا اطالع السماء : يارب خذني خذني عندهم دخيلك تعبت دخيلك ياربي....

لحظات إلا تلفون الريم يرن..

منوه ياترى متصل..

ريم: هزاع صدق ه

الانسان ما يحس

ريم: ألوه.... طبعا صوتها مخنوق بس أصرت تكون هذي آخر مواجهه بينهم ..

هزاع: ريم ....... أنا.....

ريم: إنتوه شوه ما تستحي على ويهك .... على ذمتك حرمة وتتصل بوحدة غيرها .... أقولك اسمع..

هنيه قاطعها هزاع: بس.... ولا كلمة يالريم..

الريم: بس لا تنطق اسمي على لسانك تفهم..

هزاع: افهمي ..

الريم: لو سمحت الله يبارك حياتكم وتتهنون فيها وإنته ماتسوى عندي شي تفهم ماتسوى شي..

هزاع: جذابــــــــــــــــــــــة انتي تحبيني والحين غيرانة لاني ملجت على غيرج..

الريم وهي تطلع ضحكة كلها أنين: لا .... إيه انته على شو شايف عمرك.. لازم تفهم شي واحد زين يا أخ هزاع يمكن البارحة كنت أحبك بس تأكد اليوم ما طيق أسمع اسمك.. ما باك من خاطري عفتك والله ما باك.. ولازم تعرف شي أنا بجر بجر ياهزاع ومحد مس شرفي وفي وداعة الله وانته الخسران مب الريم.. ولا تعتقد تقدر تجرحني تفهم... يالله بااااااي..

سكرت الريم عنه وهي تصيح وتسأل نفسها وين يابت كل هذي القوة ياترى وليش خبرته...

قعدت الريم تصيح وقررت تشيل هزاع من بالها وتعتبره تجربة ولازم تنساه

الصبح.... في الدوام..

منى

تدق الباب وتدش: هلا ريموتي....

ريم وهي مشغولة: مرحبتين الغالية....

منى: هاه شو بلاج مشغولة أشوف..

ريم: هيه والله عندي أشغال وايدة خاصة من رجعت من الإجازة وانا احس بأني مقصرة

منى: بخليج عيل..

ريم: بس تدرين بنروح بيتي اليوم أباج بسالفة مهمة..

منى عاد فضوليه: شو خير ؟؟

ريم: قلت بعدين مب ألحين..

منى شافت ريم جدية وهالوقت مب للمزاح: أوكي بتغدى عندكم اليوم.. اتصلي حق اندونيسيتكم وقوليلها تسوي مجبوس لحم إماراتي على اصول..

ريم وهي ترفع راسها وتبتسم: وبدوي بعد أوكيك..

راحت منى عن الريم..

وفي البيت..

ريم: لينا.... لينا ...

منى وهي منهمكة بلأكل: ما تسمعج..

ريم: عيل ما في غيرج يسير اييب..

منى: والله ما تستحين ضيفتج وتأمريني .... عيب منقود.

ريم: سمعوا هذي انتوا ضيفة مب جنج من سنين تاكلين وتشربين وتنامين وتتسبحين في هالبيت والبيت بيتج حبيبي..

منى: هيه ما قلت شي بس ما بشتغلج.... ما رووووووووووم أبى آكل..

ريم: يالله... ولا أقول أنا بسير بس لا تقولين قوليلي..

منى وهي تحيس حواجبها: لا حول بسير مذله..

منى: يالله الغدى وتغدينا قولي عاد..

ريم وهي تتنهد وتحاول تبتسم: راشد فاتحني مرة في الموضوع..

منى وهي مستحية: بس ...

ريم: قلتله بأنه ما عندج مانع وإذا يبى يتقدم عند أهلج ويخطب..

منى وقفت: ريموه ما باه..

ريم متفاجئة: شوووووه!!!!! ما تبينه ليش شفتي عليه شي ولا عشان العيال..

منى: لا والله يعلم الله بغلاه عندي والعيال بعد.... بس..........

ريم : بس شوه فديتج..؟؟؟؟ ليش فهميني.

منى: العرس مسؤلية وهو بيفرق بينا وأنا مابى تفقدين شي في حياتج غير اللي فقدتيه.. مشت منى صوب الدريشة وهي تطالع برى

.. ريم ما تعرفين غلاج والله والله يالريم أغلى ما في الدنيا..

ريم كانت ساكتة ربيعتها فاجأتها بهالكلام: بس.....

منى: خلاص نحن بنهتم بعيال راشد ونحن مب متزوجات..

ريم وهي تصيح وتلوي على ربيعتها: منوه لا لا دخيلج لا مابى أكون سبب هالشي وغلاتي ورب العالمين يامنى تتزوجين راشد.. دخيلج تتزوجينه.. لا لا ترفضين أنا تعبانة ولا يعلم بهالتعب غير الله أ

بى أشوفج عروووس وأشوف الريم وأطمن على عيال فطيم دخيلج..

منى تصيح: خلاص لا تصيحين قطعتي قلبي .

الريم وهي تحط ايديها بإيدين ربيعتها: والله بيسعدج راشد زين...... وعديني تتزوجينه وعديني يالغالية..

منى وهي تصد: بس مابى اخليج..

الريم : ما تبين الريم ربيعة عمرج تفرح..

منى: أكيد..

الريم

: خلاص.....

وصار عرس منى ولا استوى مثل عرسها... لانها وحيدة اخوها وامها..

وبعد عرس منى سافرت وخذوا معاهم ريم الصغيرة ومحمد والمربية..

ريم في الامارات.... وحيدة .... بس كل ما تذكر منى تصيح وهي فرحانة..

ريم تلفونها يصيح..

ريم: مرحبا...

........... : أهلين العفو إختي مغلط....

ريم: لا عادي ما عليك..

وبعد فترة رن التيلفون,,,

ريم: ألوه..

..........: هلا والله .....

ريم: منوه يتكلم....

....... : أنا....

سكرت ريم واغلقت تيلفونها..

والمغرب طلعت الريم تتمشى في سيارتها..

وقفت عند البستان وقالت: هنيه يا قلبي شفناه وهناك خسرنا وراح.. آآآآآآآآآه يا قلبي..وشغلت الfm..

وسمعت هالكلامات..

((ما قلتلي يالغلا وشحالها عيونك ترقب طيوفي أو إن النوم غالبها.. ما قلتلي انت تحب ومنهو مظنونك واللي تحبه احاسيسك يحسبها هذا سؤالك عسى الله يكون في عونك ريح حياتك وجنبها مصايبها.. مادمت سالي وتجهل من يحبونك.. ترجم شعورك وهذي من غرايبها.. ما بان فيك الغلا ولا هيض شجونك.. ولا شفت عيني وكيف النوم حاربها.. ترقب طيوفك وانته عايش بكونك.. وانا على حسرتي وانته سبايبها.. اصبر القلب واترياك واصونك واعقد عزومي على باجر واراقبها واقول يمكن تغيب وتمطر مزونك والارض تزهر وتتحقق مطالبها.. شمس الأماني أخاف تغيب من دونك.. انته المجرة ومشرقها ومغربها.. والنور يصبح ظلام))وبندت ريم الراديووما خلت راشد الماجد يكمل أغنيته...

ريم وهي تكلم نفسها: يالله الله يوفقك... وبندت السيارة ونزلت عشان تروح تشتري أغراض لازمتنها..

في البستان..

ريم وهي داشه استوديو أشرطة..

ريم: لو سمحت بغيت شريط الجسمي اليديد..

........ : تحبي تسمعيه او عادي...؟؟؟

ريااال: شغله لو مافيها ازعاج للإخت بسمعه..

ريم وهي صاده : لا عادي شغله..

وسمعوا أجزاء منه..

ريم: عطني واحد..

الرياال: اثنين واااحد لي ولا أنا بس مرتز اسمع..

.......: اكيد حبيبي ما تزعل..

ريم : تفضل.. وطلعت ريم وراحت يلست بتاكل بيتزا وتذكرت منى واليوم الأول اللي شافت فيه هزاع..

عند بوابة البستان.. ريم تمشي صوب سيارتها.... لقت رسالة عندها.... زخت الرسالة.... وحطت اغراضها في السيارة وبندت الباب الوراني وركبت وفجت الرسالة.. ((أنا معجب فيج... لو في ملكة جمال للامارات تراج ملكة جمال الخليج..ولا تعتقدين ألعب.. من مدة وانا اتمنى تسويلي سالفة..وهذا رقمي((.......)).. في انتظارج..سلطان..))

ريم زخت قلم وكتبت على الطرف الثاني شوية كلمات وابتسمت ووطت الرسالة على السيارة اللي عدالها وشغلت وراحت..

سلطان كان يراقبها... سيدة لما شغلت سيارتها خذ الرسالة وفجها..

أولا : الجمال جمال الروح..

ثانيا: لا تنسى اللي يالس تسويه ما ترضاه في اختك حتى الناس عرضها غالي..

وأخيرا أنا مو مالت لعب .. الله يهديك...

سلطان : يالله يالله عاد مستويه شريفة مكة... وقطع الرسالة..

***

فليل..... في بيت جوم هزاع في بوظبي..

في غرفة مريم: الوووه..

سارة: مرحبا الغاليه..

مريم: هلا والله ساروه

ساره: ودي اشكيلج..

مريم: خير فديتج..

ساره: هزاع..

مريم سكتت: سارة مشاكلكم حاولوا تحلونها بروحكم لانها شي خاص فيكم ..

ساره: والله ادري بس احسه ما يحبني..

مريم: لا لا يتهايلج أكيد يحبج ليش حد ما يحب ساروه ؟؟

ساره: أحس قلبه معلق بهوى حد غيري.. والله صدقيني هو حتى ما يشتاقلي..

مريم ساكته ...

ساره: هزاع اللي كان مالج عليها ليش طلقها لاني كل ما حاول استفسر عن هالموضوع يسكره ويضايق..

مريم: ما قلج منوه كانت حرمته..

ساره: لا الا صدق منوه هيه؟؟؟

مريم : ريم ربيعة إختج العنود..

سارة منصدمة: شوووووووه؟؟؟

مريم: ألووووه ساروه ساروه..

ساره: مريم حراااام عليج شو تقولين كان هو نفسه ....

مريم: هيه بس هذا ماضي والكل نساه..

ساره: بس الريم لا ما نسته..

مريم: الريم الله يكون في عونها..

ساره: يعني انا سرقت املها الاخير بهالدنيا..

مريم: انتي ما كنتي تدرين..

ساره ودموعها تنساب عخدها: خلاص ببند ألحين..

مريم: ألووووووه ساروه..

ساره سكرت ويلست ترمس عمرها: يالله يا هزاع حد يترك وحدة مثل ريم ويسوي سواتك تركتها في عز احتياجها حد يكون بقربها.. ياربي ليش هي ما قلتلي ليش يالريم عكثر ما حبيتج والله تمنيت يردلج يا ما دعيتلج ومنوه طلع في النهاية هزاع ريلي.. لا لازم هزاع يعرف الحقيقة و... وصاحت.. لا لازم؟؟

***

ريم يالسة روحها ترتب غرفتها وتتمشى في البيت..

ريم وهي تتغنى:

((آنا مو ولهان آنا شوفني مو ولهان آنا دنيا من الوله محتاجك أبيك.. آنا مو تعبان آنا مو تعبان آنا آنا دنيا من التعب راحتها ايديك.. ولا ناقص حب ثاني انجرح منه واعاني.. ولا ناقص حب ثاني انجرح منه واعاني الله يرضالي عليك))..

ريم: يالله اشتقت لج يا منوه وااااااايد يالله عاد متى بتردون؟؟

تقاطعها الخدامة: ماماه ريم تلفون؟؟؟

ريم: ألوه..

مريم: مرحبا الريم اشحالج؟

ريم: يسرج الحال شحالج إنتي؟ منوه ؟

مريم: مريم..

ريم: مرحبا الساع الغالية..

مريم: حبيت ......

ريم: خير فيه شي؟؟؟

مريم: لا بس قلت اتخبر عنج واطمن عليج..

ريم: يالله عايشين والحمدالله على كل حال ..

مريم وهي مرتبكة: خلاص ببند عيل..

ريم: برايج ما بطول..

***

هزاع يتصل لسارة وهي ماترد عليه..

وأخيرا ساره شافت التيلفون...

اتصلت... هزاع: ألوه...

ساره : مرحبا..

هزاع: هاه وين من متى اتصل لج وماتردين.... واتصلت حق عبادي مايرد بعد..

ساره: هونك هونك ليش معصب .... حرام ..

هزاع: ساروه ليش يالسة معصبة بلاج..

ساره: بس ... أقول بغيتك بسالفة ضرورية..

هزاع وهو يتأفف : خير شو هناك..

ساره: ممكن اتي بيتنا ألحين ..

هزاع مستغرب: أيي بيتكم ألحين.... ليش انشالله ؟؟

سارة: قلت سالفة مهمة جدا ..

هزاع: بيي بس عقب ساعتين..

ساره : قبل ما تي اتصل..

ومرن الساعتين وسارة تعد ..

هزاع: السلام عليكم ورحمة من الله وبركاته..

ساره وهي اطالعه وتنزل عيونها: هلا تفضل..

سارة يلست وهي تتنهد وهزاع يطالعها مب فاهم شي من اللي يستوي..

هزاع: هاه حبيبي خير بلاج مستويه جذيه حد أذاج..

ساره: هيه حد أذاني ..

هزاع وهي يبتسم ويمشي صوبها ويمسك ايديها اطالعته: حبيبتي بسج دلع عبادي ادريبه يحب يغيضج وانتي ما تصدقين..

فجت ساره ايديها من ايديها وقالتله: خوز ايديك عني واسمعني زين..

هزاع اتضايق من حركتها.... ورد يلس ..

ساره: منوه حرمتك الأولية؟؟؟

هزاع رفع عينه واطالعها: أنا شو قلت؟؟

ساره: وانا شو قلت؟؟؟؟

هزاع : شفيج؟؟؟

ساره وهي عيونها تدمع: ريم يا هزاع الريم كانت حرمتك وانا محد قالي.. الريم ذيج الانسانة اللي وقف

ت دومها وياي وسمعت كل كلامي عنك الريم اللي كانت ما ترضى الا برضاك.. وانته ليش سويت كل هذا.. ليش يا هزاع كسرتوا قلبي..

هزاع مشى صوبها ومسكها من جتوفها : حبيبي ليش وشو صار الريم ولا غيرها؟

سارة: لا تزخني عقب اليوم تفهم ؟؟ جوم عني..

خاز هزاع ويلس: وألحين شو فيج؟؟

ساره: في شي ما تعرفه وما حاولت تعرفه.... تعرف شوه؟؟

هزاع: شووووه؟؟؟؟

ساره: ريم صح اخطفوها بس ريم بجر يا هزاع بجر .. قالت هالكلمات وهي منزلة راسها..

هزاع كأن الصاعقة نزلت على راسه : ب ...... ب.... بجر؟؟؟؟ انتي شو تخربطين ...

ساره: مب يالسة أخربط ولا شي ... ريم الانسانة اللي تخلو عنها كل الناس ظلمتها وانته قلبها ظلمتها وما حاولت تفهم.. تركتها بأول مطب تعرضتوا له.... وأنا ما باك... ما باك..

هزاع: خلينا نتفاهم..

ساره: تذكر هالكلمة يوم قلتها للريم لانها كانت مظلومة.... يأ اليوم اللي تنقال هالكلمة لك فيه.. تفهم...

هزاع: لا مسك راسه وجام وهو طالع..

ساره: اصبر شوي انا ما باك بس عشرط ترد للريم الريم عايشة في انتظار طيفك.. لا تتركها.. دخيلك ردلها الفرحة والابتسامة.. طلقني وبجذب أي جذبه عأهلي..

هزاع: وأخوج؟؟؟

ساره: للاسف يا هزاع هذا اللي يهمك مشاعر اللي جدامك مومهمة..

هزاع طلع.. في السيارة كان يفكر مب مستوعب شي أبدا..

فكر في الر

يم: هيه يا هزاع ألحين فهمت معنى كلامج يامريم.. بس ليش ما قلتولي.. يالريم فديتج الله يعلم بغلاج.. ومشى بالسيارة وسار صوب بيت جوم الريم وريم كانت توها طالعة..

يتبع ,,,,

👇👇👇

تعديل المقال