رواية الغزال الشمالي -10
ساره: للاسف يا هزاع هذا اللي يهمك مشاعر اللي جدامك مومهمة..
هزاع طلع.. في السيارة كان يفكر مب مستوعب شي أبدا..
فكر في الر
يم: هيه يا هزاع ألحين فهمت معنى كلامج يامريم.. بس ليش ما قلتولي.. يالريم فديتج الله يعلم بغلاج.. ومشى بالسيارة وسار صوب بيت جوم الريم وريم كانت توها طالعة..
استغربت من وجود سيارة كلها مخفي جدام بيتهم طنشتها ومشت صوب سيارتها وهي تفج الباب.. سمعت صوت ياي من وراها : الريم؟؟؟
الريم وهي تصد: هلا....هزاااااااع!!!
استغربت الريم وكانت ميتة _من الدهشة ومشت صوبه:نعم... وهي موطيه راسها..
هزاع: الريم ممكن نتكلم؟؟
الريم وهي تطالعه وعينها بعينه: نتكلم؟؟
هزاع: مب هنيه؟؟؟ الناس؟؟؟
الريم: من متى تسوي سالفة للناس ولا لمشاعرهم..
هزاع: دخيلج الريم..
الريم مشت ورى كلامه تفضل ودخلته الميلس..
بالريم : تفضل..
هزاع: أنا ادري بأني ظلمتج
الريم ونظرت الدهشة صوب هزاع: ظلمتني؟؟ وضح أخ هزاع..
هزاع: لا تقولين أخ ..
الريم: نعم..
هزاع صاح..
ريم وهي متفاجأة وراحت صوبه ومسكت ايديه: منوه مضايقك؟؟
رفع راسه وهو متلوم : فديتج يالغاليه..
ريم وطت براسها وهي تحاول تخوز ايديها من ايديه بس هو مسك على ايديها: خلي ايديج في ايديني.. اشتقتلج..
ريم: شوه... وقامت ومشت ويلست بعيد عنه..
هزاع وهو يمش دموعه: بلاج؟؟ أنا عرفت الحقيقة .. انتي ليش ما قلتيلي؟؟ ليش..
ريم: ما عطيتني فرصة..
هزاع: خلاص نحن بنرد لبعض.
ريم وقفت: شووووه الدنيا عكيفك ..
هزاع مستغرب: شوه..
ريم: اقول .. تركتني وانا أباك.. جافيتني ولما عرفت عن مرضي ما سألت عني ذبحتني وأنا ظنين بين ايديك..
ياما قلت اباك واباك.. (وقفت ريم عن الصياح هنيه)..هيه والله بغيتك بس انته كنت تلعب ما كنت صادق في حبك.. قلتها بكل قوة ذاك اليوم ماباج يالريم؟.. تعرف شو معنى هالكلمة بالنسبة للحرمة معناتها الموت..واليوم أنا اقولها ما باك.. تفضل الحين .._
هزاع: الريم بس أنا ....
الريم انهارت وهي تصيح بصوت عالي.. حراااام عليكم كلكم ظلمتوني .. حراااااام.. وتمت تصيح....
تقرب هزاع منها : حبيبتي فديتج سامحيني فديتج والله لعوضج عن كل لحظة والله ..
ريم وقفت وطلعت من الميلس صوب حجرتها..
راح هزاع وهو يصيح حس بأنها صدق ظلمها وصدق الريم صادقة بكل كلمة قالتها هي انظلمت من كل اللي حولها.
ريم كانت تعبانة ويالسة تصيح وكانت مستغربة منواللي خبره؟ ولو كانت ساره؟ شو درى سارة أساسا بأن هزاع وأنا كنا مالجين؟ أسأله تدور في بالها وهي تذرف الدمعة وراء الدمعة.
الريم يلست تصيح وخاصة محد عندها…. قررت تطلع تغير جو
..
ريم عند البحر يالسة وهي تفكر في هالدنيا ... وتكلم نفسها : يالله من تخرجت من الثانوية والمشاكل الحمدالله ما وقفت... أيام حلوة ذيج اللي قضيتها أيام ملجتي... بس بعد هي راحت.
وفجأة حد ياها من وراها وحضنها... ريم استغربت وبسرعة اطالعت منوه؟؟
ريم: منوه!!!!!!!!!!!! وانفجرت تصيح..
منى: حبيبتي شحالج عمري والله اشتقتلج..
تعرفون كيف الواحد يشتاق للراحة لحد يخفف عنه... كانت ريم تصيح وهي حاضنه ربيعتها.
##########################
في البيت..
ريم تربع لريم الصغيرونة وتحضنها وتشل محمد تحضنه..
وتسلم على راشد..
راشد: والله لكم وحشة انتي والاهل؟؟
منى: صدق والله وحشتيني موت فديتج.
راشد: والله يالريم حشرتنا وهذا ترمسج كل يوم..
ريم: لا تحسدنا ياخي..
منى+ ريم+ راشد: هاهاهاهاهاهاهاها..
راشد: يالله بروح عنكن ألحين أمر عليج بعدين منى أوكي؟
منى: الله يحفظك حبيبي..
ريم وطت راسها وهي تقول بصوت واطي: صدق ما تستحي هالمنوه عنبوة حبيبي عدالي
منى وهي رادة من عند الباب: شو تقولين؟؟
ريم: استحي وثاني مرة لاتغازلين ريلج عدالي تفهمين؟؟
منى وهي تضحك: يالله فديته انزين مارووم ماقول جذيه تعودت..
ريم وهي تبتسم: زين زين الله يهنيكم..
منى وهي تطالع ريم بنظرة فاهماتنها الثنتين..
ريم: بلاج؟؟؟
منى: ماتوقعت تخبين عليه..
ريم: هاه شوه؟؟؟؟ قالت جذيه بإنكار..
منى: سالفة هزاع يا ريم تتحسبيني برى البلاد مادري شي..
ريم: تعالي منوه اييب لج الأخبار..
وحكت كل وحدة للثانية السوالف وخبرت منى الريم عن مريم وانها تكلمها وعرفت منها..
منى: وانتي صدق ما تبين هزاع؟؟
ريم: هيــــــــــــــــه..... قالتها بكل هدوء..
منى: على راحتج بس فكري مليوووون مرة..
ريم: مفكرة من زمان الغالية وما بفكر زيادة.. ومن باجر بروح اتصالات وبشتري بطاقة يديدة وبقطع هذي عشان هزاع ما يقدر يتصل فيني..
منى وهي تحضنها: يالله يريحج... والله حبيبتي اني حاسة بج ..
ريم وهي تتنهد في حضن ربيعتها اللي هي امها واختها وكل شي من فقدت كل شي...
الريم الصبح بكل نشاط وبكل حيوية... ترتب البيت ويا الخدامة..
التيلفون يرن..
ريم وهي تنط على الغنفة : هلا منوه يتكلم؟؟؟
منى: وينج عن الموبايل؟؟
ريم: هلا والله بحبيبتي..
منى: هاه شو حالج اليوم؟؟
ريم وهي تبتسم : أكيد بفضل الله أوكي... وعال العال..
منى: عيل برايج بسير اطالع محمد وريموة لا يوعون رشود..
ريم : هاهاهاه شوي شوي على رشود..
منى: يالله يالله مالت..
وسكرت عنها منى والريم من يوم هن في الثانوية وعلاقتهن أوكي.. وهي مثال للصداقة الحقيقية.. وريم هنيه تنهدت والضحى راحت اتصالات..
ريم خذت بطاقة و طلعت وسارت وقررت اليوم إنها تسير تطلب غدى لمنى وراشد
خاصة محد في الزام والعيال مشتاقتلهم..
مسكت التيلفون واتصلت لمنى
..
منى: هلا بريم..
الريم: بالمهلي فديتج..
منى: هاه سرتي الاتصالات وخذتي بطاقة وقطعتي هذيج..
الريم: هيه والله ورقم منقع عشان محد يغلط عليه..
منى: أسميج ... أقول بس هالرقم مب منقع انزين ..
الريم: هاها أونه ..
منى: ووين سايره الحين؟؟
الريم: المطعم بطلب غدى وبييكم بتغدى وياكم ولا في مانع...
منى: أكيد بتتغدين ويانا ولا ونج بتيبين الغدى وبتروحين... وأكيد مافي مانع ولا حاجز..
الريم: هاهاها مالت عليكم كلكم ماعدى حمود فديته ..
منى: وفديت أبوه..
الريم: يالله يالله أنا ألحين بخليج يلسي تفدي ريلج وشوي شوي عليه..
منى وهي تضحك: ربي يحفظج الغالية... سايري ..
الريم: مع السلامة..
الريم طلبت الغدى وراحت وتغدت وياهم وردت بيتهم ونامت لحد العصر وقامت للصلاة وبعده كلمت منى واطمنت عليهم ويلست تخلص أوراق عندها وطلعت الحديقة تتمشى وهي يالسة تشرب الجاهي..
مسكت ورقة وقلم وكتبت هالكلمات..
كان عايش فيني شخص.. كنت أحبه كان يحبني..كنا للهوى وكان الهوى لنا..للأسف تخلى في أول مطب..ما حاول ما اجتهد..واليوم دارت الأيام وجاني متوله عاني..وأنا من الخاطر عفته وأقولها ماباه لو هو يباني..
وتمت تشخبط على هذي الكلمات وهي تدمع عليهن وامتسح الكلام ومابان شي من الكلام..
واسندت راسها لراس الكرسي وبكت وقالت: يالله تبعده عني وانساه.. لانه ياربي لو كان يحبني ماكان بيتخلى أبدا.. وهو يباني ألحين وأنا ماباه ماباه..
وجامت واتصلت لها منى..
الريم: ألوه...
منى: هلا ومن دون مقدمات طلعينا نتحوط ونتكشت فديتج ملانين..
الريم: هونج... وإنزين أنا موافقة لاني بعد مليت من الوحدة..
منى سكتت وعرفت كم الريم تعاني خاصة بعد زواجها عنها واصبحت منى مشغولة بحياتها وبراشد والعيال..
الريم: حوووه وينج؟؟
منى: يالله نترياج ..
الريم: 15 دقيقة وأنا عندكم..
طلعت منى والريم والعيال يتحوطون ... ه
الأيام كانت في شهر 3 وهالوقت مهرجان دبي..
منى في السيارة: الريم نبى الليلة نفر دبي فر..
الريم: دخيلج عاد دبي ألحين زحمة بس يالله عشان حمودي..
محمد كان بعده صغير توه ييلس.. والريم ماشالله عليها اللي يشوفها يعرف بأنه تقرب للريم من الجمال اللي بينهن..
الريم الصغيرونة
: حالوه تل تي أمودج ريم أنا ما تي.. وصدت وهي مادة بوزها وزعلانه..
الريم: أفااااا عاد يالله منوه إحنا بنلف دبي وبنروح تويز آر أص عشان ريموتي أنا..
الريم الصغيرة ابتسمت بس بكبرياء
******
في دبـــــــــــــــــــــــــي...
الريم ومنى واليهال في القرية العالمية..
الريم: يالله بنطلع من هنيه..
منى: ما شفت القرية السورية؟
الريم: لا حول ولا قوة إلا بالله... سيري بس دخيلج لا تشترين شي بسج..
منى: حق رشود..
الريم تعبت منهم لانهم لما يدشون مكان ينشبون وما يطلعون..
وركبوا السيارة وراحوا لسيتي سنتر..
ريم: أبى أشتري قطعة فستان حق العيد..
منى: والله أنا مافيه ألعب أكثر بالفلوس ..
اشترت الريم الفستان ولكن الصدفة يت في سيتي سنتر الريم ما تغشت بس منى كانت متنقبة وهي طالعة من المحل لاقفت شخص منوه.. هزاع..
الريم مرتبكة : منوه يا الله هذا هزاع..
منى: خيبة شو هالمصيبة ..
هزاع مشى صوبهن والتعب باين عليه بس يتظاهر بشي يخالف الواقع..
الريم في خاطرها: يالله _اشتقتلك..
هزاع وخى للريم الصغيرونة وباسها بلهفة وقال: شحالج حبيبي؟
الريم الصغيرونة : بحير حالي هداع إنته ليت ما تينا البيت عند حالوه (أنا)؟
هزاع وهو يوقف وشايلنها: بيكم بيكم حبيبي بس انتي لا تعبين ماماتج منى..
منى: هلا أخ هزاع شحالك؟
الريم تغشت وهي كانت مخنوقة ..
هزاع وهو يطالع الريم وهو يبوس الريم الصغيرونة...: بخير لو اني مب بخير..
الا انتو شو أحوالكم سبحان الله ماتوقعت أشوف حد هنيه أعرفه..
منى وهي متوترة: ربك عاد..
وطى هزاع الريم الصغيرة وقال: بخليكم عيل.. وهو ماشي مر بقرب الريم وهمس في إذنها : ليش غيرتي التيلفون؟؟ والله حرااام.. وراح هزاع..
الريم ومنى والريم الصغيرونة ومحمد اللي كان في العربة طلعوا من السيتس سنتر...
في البيت عند منى..
مريم: ألوه ..
منى: هلا والله بالغالية مريومة..
مريم: هلا هلا الساع والله انج بنت حلال..
منى: عندج شك حبيبتي..
مريم+منى: هاهاهاهاههاهها..
منى: ليش منوه يحش فيني؟؟
مريم: لا والله كنت ضايقة وأبى اتصلج بس ماقدرت خفت ريلج عندج..
منى: لا والله اتصلي أي وقت لو كنت مشغولة مابرد.... انزين الحين شو بلاج..
مريم: تدرين سارة بعد ماعرفت اللي عرفته طلبت أنها تنفصل عن هزاع وهزاع ماقال لاء..
منى: انزين؟؟
مريم: بس وهزاع طلب من الريم يردها بس للأسف ريم رفضت وهي ماتنلام.. بس هزاع ماعرف كيف يوصل لها وأنا دقيت لها بس يطلع مقطوع.. تر
جاني أكلمها لانه يبى يقولها شي..حاولت بس مافي فايدة وقلتله ينسى الموضوع.. لكن كيف وعقب اكتشفنا..............
منى: شوه كملي..
هنيه صاحت مريم...
منى: مريومة شو خير بلاج؟؟؟
مريم : هزاع يشرب.......
منى: شوووووووه!!!!!!!!!!
مريم: هيه والله مادري منوه السبب إنا نحن ماخبرناه بالحقيقة ولا منوه.. وتمت تصيح..
منى: وأبوج أخوج فيصل..؟؟؟؟ وسلامة..
مريم: البيت معتفس والله وسلانة ما
تكلمه وفيصل حاول وياه بس هو في حالة انحراف وابوي كم من مرة كلمه بس مافي فايدة..
منى: انزين؟؟
مريم: وبس فديتج والله الوم نفسي بأني ماخبرته يوم ما عرفت..
منى: مقدر ومكتوب..
مريم: يالله الحمدالله إدعيلنا انتي..
منى: الله يهديه..
مريم: أقول الغالية أميه تزجرني بسير أشوفها وادقلج بعدين..
منى: زين خلاص..
وبعد ما سكرت منى عن مريم..
اتصلت للريم..
الريم: هاه شو الأخبار؟؟
منى: والله ماعرف شو أقول..
الريم وهي خايفة...: شو السالفة تكلمي منوه...
منى: هزاع ياريم...
الريم: شو بلاه شو؟؟؟؟
منى: انحرف..
الريم وهي تدمع على بالها شي أكبر بوايد من انه ينحكى: شوه انحرف شو يعني؟؟
منى: صار الحبيب يشرب..
الريم: يشرب... شوه هزاع مستحيل!!!
منى: توني مكلمه مريم والبنية تصيح هامنها اخوها..
الريم وهي تصيح: أنا السبب كله مني.. بس.. بس هو تخلى عني خلاني قالها ما يباني منوه أنا صدق أحبه بس عندي كرامة ومستعدة أضحي بكل شي في سبيل كرامتي.._
منى: حبيبتي لا تصيحين .... والله هو حر والله يهديه نحن مالنا خص فيه..
الريم وهي معصبه على منى: شووووه!!!!! شو تخربطين ... يالله برايج..
وسيدة الريم دقت لهزاع لما دقت الرقم تمت تطالعه على الشاشة وتقول: برغم اللي سويته حقك عليه لازم أساعدك..
ويلست تفكر وتفكر وأخيرا دقت اتصال..
هزاع: ألوه ؟
الريم: السلام عليكم ورحمة الله..
هزاع: نعم منوه يتكلم؟؟
الريم: طيف من بين طيات الليالي الماضية ودمعة على خد الزمان ساهرة.. شوق من بين أشواق ولوعة وحرمان وأنين..
هزاع: منوه يتكلم ؟؟
الريم: قلب هجرته وخليته.. روح تركتها ومابيت بها.. انسانة كانت تموت فيك جتلتها ورحلت..
هزاع: ريم؟؟؟
الريم: احساس قلب ... نبض وفا..
هزاع: حبيبي ريموه انتي تتصلين فيه مستحيل.. ري..._. ريموه أنا واااايد حاولت وااااااايد بس ماعطيتيني فرصة..
الريم: شو اللي سمعته يا هزاع عنك؟؟؟؟؟ أفااااا وين هزاع الريال..
هزاع وهو معصب : شو قصدج تراني رياااال..
الريم: الريال هو اللي يخاف ربه اللي يحافظ عصلاته.. مب السكير الخمار..
هزاع كأن حد اصفعه عويهه: شو.... شو دراج؟؟
الريم تنهدت وسكتت..
هزاع: ريم شو فيج ساكتة ماتردين عليه؟؟
الريم وهي تحاول تدوس عكرامتها: هزاع ليش ليش تشرب نسيت الآخرة نسيت الله يا هزاع ؟
هزاع وهو يلكك يبى يبرر موقفه وغلطه: أأأأ.... أنا .....
وتقاطعه الريم: إنته شوه ؟؟ شوه يالله.. قولي .. كانت ريم تتكلم وهي مخنوقة..
هزاع: الظروف ... الظروف... يالريم..
الريم: عيل ليش غيرك مانحرف ليش.. غيرك ياخوي ياهزاع..
هزاع لما سمع هالكلمة تنهد ودمعت عيونه..
والريم تتكلم وهي تقول: ماتوا أهله كلهم عنه وتخلى عنه الانسان اللي يحبه غيرك.. غيرك الدنيا كلها ضده ووين ما يطقها عويا.. شو سوى ياترى صبر ولجأ لله غيرك ابتلاه الله بالمصايب وبالمرض بس مانحرف مابتعد عن ربه.. سألت نفسك ليش؟؟ إسأل نفسك وشوف بشوه بتجاوبك..
هزاع وهو انفجر يصيح وبند التيلفون عن الريم..
الريم: ألوه... ألوه.... بند .. اتصلت فيه بس مارد عليه.. يلست الريم تدمع مرة وتتذكر الماضي مرة ثانية.. وتقول: يالله شو أسوي يا هزاع عواطفي خلتني أذل عمري لواحد ما يستاهل هيه انته ياهزاع حتى لو غالي ما تستاهل.. طعنتي بصدك.. خليتني وأنا في عز إحتياجي لك.. بس يالله والله أحبك..
ومرت 9 أيام والريم تدعي في صلاتها لهزاع وحاولت تنساه لانها قالت يمكن اضايق من كلامي وماعيبه كلامي.. برايه الله يهديه..
اللـــــــــــــــــــــــــــــه يهديه...
والليلة عيد ميلاد الريم 29/مــــــــــــارس.. محد تذكر منى كانت تتذكر بس الحين مشغولة بالعيال.. وخاصة وهي حامل.. يلست الريم تتذكر ما مضى من أيام وليالي وتتذكر أخوها سالم وتتذكر كيف كان يدلعها وتذكرت أحلى كلمة كان يقولها الغزال الشمالي..
الريم: الحمدالله .... بس وينك انته وينك يالغالي..
وفجأة تيلفون الريم يرن... الريم: هـــــــــــــــــــزاع!!!!!! أرد ولا مارد... يالله شو اسوي...
وردت.. الريم: ألوووووو
ه..
هزاع: مرحبا الريم..
الريم : مرحبتين .... اشحالك وشحال أهلك؟
هزاع : الحمدالله كلهم بخير..
الريم: الحمدالله .. وسكتت ثنيناتهم وكملت: وانته شو أخبارك....
هزاع: الحمدالله أحسن عن قبل..
الريم وهي مبتسمة:صدق؟؟!!
هزاع: أنا متصل عشان أقولج بأني ......... بأني...
الريم: شوه؟؟
هزاع: أنا الحمدالله خليت الشرب وناوي أسير العمرة ..
الريم بصوت كله فرح فرح لان حبيب قلبها اللي في يوم ما بغاها رد زين واعتدل هذا اللي همها هي ماكانت تبى هزاع يردلها بس سوت جذيه عشان حست بتأنيب الضمير: الحمدالله فديتك فديتك جذيه أباك؟؟
قالت هالكلام من دون وعي..واستحت وااااايد وسكتت ...
هزاع ارتسمت ابتسامة عووووووودة على ويهه: شو ريم شوه قلتي؟؟
ريم:............
هزاع : مب وقت تسكتين ألحين دخيلج شوه قلتي؟؟؟
ريم: هزاع آسفة طلعت غلط......
هزاع: ريموه مابى أضغط عليج وانتي تدرين بأني أباج.. بس دامج اخترتي تبعدين خلاص والله يوفقج ..
ريم:....................
هزاع: حاس بأني مثجل عليج بخليج الحين..
ريم: هزاع؟؟؟
هزاع: فداج..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك