رواية الغزال الشمالي -11 البارت الاخير

رواية الغزال الشمالي -11

هزاع: حاس بأني مثجل عليج بخليج الحين..

ريم: هزاع؟؟؟

هزاع: فداج..

ريم وهي مستحيه: متى بتسير العمرة؟

هزاع: يالله تحسبت بتقولين شي ثاني؟؟

ريم: شو تقول ما اسمعك؟؟

هزاع: آه لا لا بس كنت أقول بسير الجمعة الياية..

ريم: حط بالك على نفسك ..

هزاع: وانتي بعد ما تامرين بشي من صوبي؟؟

ريم: هالله هالله في عمرك..

هزاع: الله يوفقج في حياتج.... قالها وهو حزين وميت من الهم وسكر عنها..

ريم: مع السلامة..

يلست ريم تفكر وهي تذرف الدمعة ورى الدمعة، هي ودها لو تقدر ترد لهزاع بس شي فيها فيي قلبها مكسور مخلنها مستبعدة فكرة الرجوع.. وصاح تيلفون ريم..

ريم: هلا والله بالغالية هلا..

منى والصوت تعبان من الحمل: بج فديتج... شحالج شخبارج..

ريم سكتت شوي : الحمدالله عايشين.

منى: اسمعي حبيبتي يوم الخميس عرس ساروه..

ريم: ســــــــــــاروة!!!

منى: هي ليش متفاجأة ساروه محد غيرها اتصلتلي لانها تقول تتصلج تلقاه مقطوع وهي عازمه الجميع على العرس..

ريم: ماقدر أسير منوه والله ماقدر..

منى: لاء أفااا عليج عاد ريم أنا ماهجيت تقولين جذيه والبنت تحبج وااايد ... من غلاج انفصلت عن هزاع..

ريم: صدقيني لو ما كنت قايتلها عن سالفتي ويا هزاع ما كانت سوت جذيه .. وبعدين أنا بروحي تعبانة ...

منى: عن الدلع يالله وزهبي روحج يوم الخميس..

ريم بتأفف: لا حول إنزين..

****

الخميس..

ريم وهي تتعدل.. خلصت وظهرت عند باب البيت كانت ريم كالعادة تينن من جمالها الرباني اللي سلب عقول الكثيرين.. كانت لابسة قميص وتنورة وردي كان مك

ياجها هادي يبين بأنها حلوووووة.. عند الباب.. وريم تمشي صوب السيارة عشان تركب وتسير لمنى..

........ : السلام عليكم...

ريم وهي تلتفت: هاه منوه؟؟؟ انصدمت ريم من الشخص اللي واقف جدامها... منوه هزاع

.. ارتبكت واحمرت واعتفست..

هزاع وهي يمشي صوبها ويمد ايده عشان يسلم: شحالج الغالية

؟

ريم وهي تمدله ايدها: هلا والله ... طيبة ووطت راسها..

هزاع: آسف ييت من دون موعد بس أنا يالريم ياي أسلم عليج لاني بسافر العمرة ومن هناك بسافر ألمانيا..

ريم وهي منصدمة ورفعت راسها ويت عينها في عينه: هاه شوه ليش؟؟

هزاع وهو يتأمل الويه اللي حبه من أول مرة : هيه مالي مكان في الامارات بروح برى أكمل دراستيه..

ريم وارتسم على ويهها حزن ورفعت راسها وقالت: ليش ألمانيا؟؟ ونزلت راسها كانت ريم تبى تصيح وتصيح..

هزاع: ريم يالله نسلم عليج... ومد ايده..

ريم نزلت دموعها بدون ارادتها وصدت تبى تمشي صوب سيارتها..

هزاع يمسك ايدها: ريم....

ريم فجت ايدها من ايده : خلني يا هزاع.. خلني اللي فيني مكفيني..

هزاع وهو يقول في خاطره : يارب تردلي.. وقال: ريم دخيلج تراج غالية .. لا تصيحين فديتج.

ريم هنيه صاحت بصوت عالي ومشت وفجت باب السيارة ويلست وهي تصيح بصوت عالي وحطت راسها على السكان، وهزاع مشى وفج الباب مال المعاون ويلس.

.

ريم: بس بس يكفي هموم..

هزاع مب عارف شو يسوي مب قادر يحضنها ويخفف عنها مب قادر يسوي شي..

هزاع: ريم .... دخيلج ما تصيحين...

ريم وهي تسند راسها على السيت وتمسح دموعها ومكياجها اخترب: هزاع؟؟

هزاع: لبيـــــــــــــــــــه..

ريم: ............

هزاع: تكلمي؟؟؟؟

ريم:........ . وشوي الا تلفون ريم يصيح وهنيه تذكرت ريم العرس .

ريم : ألوه..

منى: وينج انتي ؟؟

ريم: هاذوني..

منى: ساروه تبى تكلمج ..

ريم وهي ترفع نظرها صوب هزاع وتقول: ساروه هاتيلها..

هزاع تغير لونه .. ونزل راسه..

ريم: هلا والله بالمبارك حبيبتي..

ساره: عقبالج يالريم يا بنت محمد..

ريم ودموعها تربع على خدودها: ايييييه راحت علينا خلنا العرس والفرح لأهله..

هزاع اطالعها وقال في خاطره: الظاهر قلب الريم مات..

الريم وهي تبند التيلفون: هاه هزاع..

هزاع وهو متردد بس نطق بهالكلمات: خلاص ريماني أنا مسافر واتمنى تسامحيني والله ندمان..

الريم: اللـــــــــــــــه يحفظك..

ونزل هزاع من السيارة وهو يحاول يرحل من الامارات هذي الارض اللي ماتتخلى ويقول في نفسه: يالله تصبرني الرحيل هو الحل الوحيد...

والريم ركزت كل همها في الشغل والعيال..

*********************

وتمر 3 شهور...

في بيت منى...

منى: الريم أبى أقولج شي بس أخاف تتضايقين..

الريم: حبيبي أنا اتضايق من حبيبتي منى مستحيل وأنا الحين خلاص ماعندي شي يضايقني...

منى: مريم إخت هزاع؟؟؟

الريم بكل هدوء: شفيها..

منى تشجعت وكملت: عازمتنا يوم الخميس حفلة نجاح عاشوه اختها..

الريم كملت بكل هدوء: في بوظبي..

منى: هيه وعازمه كل البنات..

الريم: غايته... نحن من مدة ماطلعنا ..

منى بكل استغراب : هاه غايته..

الريم: وشو رايج نروح نشتري هديه لها..

منى: أوكي..

*****************

يوم الخميس طلعت كل من منى والريم والريم الصغيرونة ويا عبدالقادر..

على خط بوظبي .... تدق مريم..

منى: هلا بالغالية..

مريم: فيكم ... فديت أهل الشارجة... لا منهم لفونا نورت بوظبي..

منى وهي تضحك : ولا تنسين ترحبين بلي في بطني.... وتحط ايدها على بطنها ..

مريم: اصلا عشان خاطره ارحبج..

منى: هاهاهاه..

************

في بيت جوم مريم... اللقاء كان غريب الكل مندهش من الريم ..

سلامة نظرتها عتاب بس الريم كانت نظرتها كانت انتصار على كل الظروف..

سلامة: مرحبا الساع..

_الريم: واللي يرحب فينا...

أم هزاع استانست من الريم وقالتلها: فديتج يا بنتي متلومة فيج ..

الريم وهي تبوس راسها

: حسبت الوالدة تراج فديتج..

عايشة: قربن على الوليمة..

الريم: ياي وليمة..

مريم: هل بوظبي فديتج..

الريم: اذا تحدي الاسبوع الياي اعزمكم على وليمة من اهل الشارجة..

البنات:هاهاهاهاهاهاهاه..

بعد العشاء ..

عايشة : جومن بنسير نتمشى ..

مريم

: يالله بنقول للسايق يوطينا ...

منى: وين يوطينا حبيبتي....

مريم : هنيه منطقة قريبة دومنا فليل نتمشى فيها ..

سلامة: يالله بنات ..

وبرى..

الريم: أنا بسوق سيارتي بروحي..

عايشة: بركب وياج ..

مريم: منى ركبي ويانا ..

الريم : منى الريم راجدة ؟؟

منى: هيه عند ام هزاع...

الريم في نفسها: هزاع!!!!

في السيارة..

عايشة : سيارتج حلوة...

الريم وهي تبتسم: مورسيدس بو دمعة توني شاريتنه، تصدقين من متى أولف ..

عايشة: زين والله أنا بعد بشتغل وبشتري سيارة..

الريم: انشالله..

عايشة: الريم طالعي سبقونا....

الريم: برايهم أنا مافيه أسرع... أخاف...

عايشة وهي تترشاها ..

الريم: لا لا...

عايشة: شوي بس..

وزادت ريم في السرعة..

وتطلعلهم سيارة.. الحادث صار ووقف السايق منى نزلت وهي تصرخ : ريييييييم رييييم لاااااااااا رييييييييم لااااااااااااااااااا..

مريم والبنات كلهن يصيحن ويت سيارة الاسعاف والانقاذ..

في المستشفى..

يو الأهل كلهم..

حتى راشد وإخته عمة الريم لكن ابوها ماقدر ايي لانه تعبان ومريض..

منى ياها الطلق وربت بس كانت تعبانة واااااايد وتهاذي باسم ريم..

مريم :تعرضت لصدمة ما قدرت تتكلم وكانت تصيح..

وفيصل كان تعبان وخايف على اخته..

فيصل يشوف الدكتور يطلع من الغرفة يربع صوبه: دكتور بشر..

الدكتور: لاء والله المريضة ديه كويسه بس المريضة التانية حالتها صعبة شوي..

فيصل يمسح بيده على ويهه: لا إلـــــــــه الا الله... ويرن تيلفونه..

فيصل: هلا ..

هزاع: مرحبا فصول شحالكم؟؟

فيصل: الحمدالله الحمدالله _أقول مشغول بعدين بتصل..

هزاع يسكر وهو قلبه مقبوض: ياترى شسالفة؟؟

اتصل لسلامة ماترد والكل كان متعمد مايرد..

اتصل عالبيت...

الخدامة: ألوه مرهبا..

هزاع: مرحبا شو مستوي يا بيلي؟...

الخدامة: انته بابا هزاع..

هزاع: هيه..

الخدامة: هادى ماما عايسة في حادس بارهه ..

هزاع منصدم: كيف... وبند ورد اتصل لسلامة بس للأسف ماترد... طرش مسج لها وردت عليه

سلامة وهي تصيح

: ألوه مرحبا هزاع...

هزاع: سلامي شفيكم عاشوه شفيها...

سلامة: ماشي لا تشغل بالك...

اتضايق هزاع وعلى طول لما شافهم ما يبون يخبرونه شي حجز وفي اليوم الثاني كان في الامارات..

في المستشفى الكل استغرب من وجوده.. سار صوب امه وحضنها والام ماعرفت على شوه تصيح على ردت ولدها ولا على ظناها اللي ماتدريبها شو بيستويبها..

هزاع كان مستغرب خاصة لما شاف راشد والريم الصغيرونة ..

هزاع: سلامة خير أشوف راشد ريل منى ربيعة الريم هنيه ؟؟

سلامة هنيه صاحت ما كانت تبى تقوله..

هزاع وهو يحضن اخته: بلاج ليش تصيحين..

فيصل: ليش ماتخبرونه؟؟

هزاع انقبض قلبه: خير شو ما قلتولي؟؟؟

مريم وهي تصيح: الريم الريم في العناية المركزة الريم هيه اللي ويا العاش في الحادث..

هزاع مب مستوعب شي : هاه ريم العاش شووووه؟؟ يطالع سلامة..

ويصرخ : سلاااااااااااامة ليش يا سلامة..... ماقلتولي.... فيصل يمسك أخوه ويقوله في اذنه: بس غد ريااااال الريال ما يصيح....امسح هالدموع يالله خلنا نرد البيت ..

هزاع يطالعه والدموع مالية عيونه

: جب منك إلهن يالخاينين .. لو فيكم خير .....

وقاطعه فيصل: عسبة بنيه..

هزاع رفع ايده بس سلامة مسكت ايده وهي تصيح: هزاع بس بس يا فيصل فكونا من هالرمسة اللي من دون معنى بس البنات يوتن وانتو يالسين تتهادون..

هزاع خلاهم وهو منهار مب عارف شو يسوي.. راح المصلى اللي في المستشفى وصلى ودعى ربه تغدي الريم بخير...

راشد عند الدكتور يسأله... : هاه دكتور انشالله الريم بخير؟؟

إجابت الدكتور كانت مفاجئة لراشد ريل منى: والله الأعمار بيد الله وبنتي ريم عندها شلل في رجلها اليسرى ..

راشد وهو متفاجئ ويلس على الكرسي وهو يقول: شوووه!!

الدكتور: ماتخفشي يابني الحالة ممكن تستقر ويمكن الريم تقدر تمشي مرة تانية بعد العلاج الطبيعي..

راشد وهو حزين طلع من عند الدكتور وعند الباب لقف هزاع وسلم عليه، بس راشد اتضايق من وجود هزاع وقال يمكن ياي يسأل عن اخته...

هزاع: بشر ياراشد الريم شحالها؟؟

راشد وهو بالقوة يرمس لانه يحس بأنه ماله دخل فيها: ماشي والله انشلت ريلها اليسرى بعيد الشر عنك..

هزاع وهو مندهش: شووووووه ريم انشلت؟؟

راشد راح عن هزاع ودش الغرفة على منى..

منى بصوت تعبان تنادي على ريلها: راشد راشد..

راشد يمسك ايدها: عونج حبيبتي..

منى: الريم شحالها ؟؟؟ ودني عندها ودني عندها.... وهي تصيح...

راشد وهو متوتر: بخير بس استريحي وبعدين بوديج عندها..

حالت منى بعد اسبوع استقرت.. وهي تدهورت حالتها لما عرفت بلي في الريم ولكنها في النهاية صممت توقف ويا ربيعتها وتشد من أزرها.. منى كان لازم تكون في البيت لانها توها مربي.. والريم مازالت هناك في المستشفى وما فارقتها مريم اخت هزاع ولا لحظة..

الريم مثل ما كانت تعبت في البداية بس صممت انها تشكر ربها وتتعالج يمكن ترد مثل قبل..

في غرفة الريم في المستشفى العصر..

مريم يرن تيلفونها..

مريم: ألوه مرحبا..

هزاع: هلا والله هاه شو خبرتيها بأني أبى أشوفها؟؟

مريم: بعدني ...

هزاع: شوفي أنا ألحين ياي صوب المستشفى واللي يصير يصير,,

وصك التيلفون ..

الريم: مريوم شفيج؟؟

مريم: هزاع كان متصل..

الريم وهي منصدمة : هزاااااع ليش متى رد من السفر؟؟

مريم : بعد الحادث بيوم..

الريم سكتت

وطلعت عنها مريم برى..

دشت النيرس..

الريم وهي تبتسم : شحالج حبيبتي؟؟

النيرس: حمدالله .. ماشاء الله عليكي من دون كل المرضانين بالمستشفى هون بحبك كتير بس مو أكتر منه..

الريم مستغربه: من منوه؟؟

النيرس: هيدا اللي اسمه غريب شوي مابعرفه.. بس يالله كيف من إمتى هون كل يوم بيوقف هون وبيسأل الدكاترة عنك.. هو انتو مو مخطوبين؟؟

الريم حست العبرة خانقتنها: هاه لاء..

وطلعت النيرس وشوي وردت : ريم حبيبتي اللي حكيتلك عنه هيدا هزاع بدوه يفوت خليه ؟؟

ريم وهي مترددة وسكتت ثم قالت: هيه خلاص خليه يدش..

هزاع يتأحأح: السلام عليكم..

الريم موطيه راسها: وعليكم السلام..

هزاع: ما تشوفين شر حبيبتي..

الريم: لو سمحت بلا هالألفاظ..

هزاع: لو سمحتي إنتي ريم صبرت وااااايد يمكن تحرميني من كل شي لا حبي لج مستحيل..

الريم: هزاع دخيلك يا هزاع ..

هزاع: الريم فديت روحج والله أنا أباج خلينا نرد لبعض دخيلج..

الريم وهي متفاجأة: نرد لبعض ؟؟؟

هزاع: هيه

؟؟

الريم : اللي ما تعرفه بأني مشلولة مامشي ياهزاع .. يعني بشوه تباني..

هزاع: أباج لو عيووووب الدنيا فيج أباج والله..

الريم وهي تطالعه بكل خوف: هزاع حتى أهلك لو أمس كانوا راضيين اليوم بيعارضون دخيلك انساني..

هزاع: لاء مستحيل انتي الحاضر والماضي وكل شي بدنيتي فديتج..

الريم وهي تذرف الدموع..

هزاع

: بلاج انتي موافقة وانا والله لخلي حياتج كلها دموووووع..

الريم اطالعته وهي مستغربة: شوووووه؟؟

ضحك هزاع وهو فرحاااان: دمووووووع فرح..

الريم : أتحسب..

وبعد 5 شهور ردت الريم تمشي وتزوجت هزاع وعاشوا حياة سعيدة ويا بعض وكل منهم غفر للثاني غلطته..

النــــــهــــــــــــــــــــــــــــــآآآآآآآآآآ آآآآيـــــــــــــــــــــــــــــــــــــــــــــ ــــــــة

تعديل المقال