رواية عشاق يعتلون ناصية القلوب -22
ريما مستغربه :ايش فيه ؟
رانيا :ليش تسلمين عليه ؟
ريما :علشانه مسافر مايصير نمر من جنبه ومانسلم
رانيا :عن كثره الحكي اسكتي لاكسر راسك
ريما بعصبيه من اسلوب رانيا :شوفي رانيا اذا ماتبين تسلمين عليه وبينك وبينه شيء لاتدخليني مو أي شخص انتي زعلانه منه انا اسوي مثلك مشي كلامك على غيري
رانيا تصارخ عليها :ريما
ريما تردها :رانيا
وسكتوا مع بعض حتى وصل السايق كل وحده على داومها .......ريما دخلت هاجمه كانها تبي تذبح احد وشافت فاطمه وراحت عندها
فاطمه بأستغراب :الناس تقول صباح الخير
ريما :ورانيا خلت فيها صباح
فاطمه :يالله منك الحين زعلانه علشان رانيا اول مره تخانقون
ريما بفرحه :اسمعي واتركينا منها قلت لامي
فاطمه وهي متأكده من الجواب :بشري
ريما :طبعا رفضت
فاطمه :وشنو اللي مفرحك
ريما :امي رفضت قالت لما تتزوجين .......
فاطمه بعصبيه :ريما تكلمي وبعدين
ريما بضحكه :خطبت فهد علشان يتزوجني
فاطمه بصراخ لفوا البنات على صراخها :شنو قلتي اكيد انا احلم خطبتيه استغفر الله العظيم البنت انهبلت وقعدت
ريما تهديها وتحط ايدها على فم فاطمه :اسمعي انا ماقلتله زواج اللي خبرك على ورق ولما نسافر يطلقني ولا من شاف ولادرى وانا راح اكمل دراستي على اساس اني متزوجه فهمتي الحين
فاطمه انبهرت من تفكير ريما :ريما ليش تخاطرين بنفسك وشلون اقنعتيه
ريما :كل شيء بمقابل المقابل اللي عرضته اني ادور له معلومات تدخل زهره ومازن السجن
فاطمه شهقت :انت اكيد ماتخافين عليه
ريما :بلى اخاف عليه بس راح اجيبله معلومات دخلهم السجن قبل مايسون فيه شيء والله لو يفكرون يلمسون منه شعره اني لاضيعهم
فاطمه :ريما بصراحه انت تبين تتزوجين فهد علشان تحبينه ولا الدراسه
ريما باسف :اه يافاطمه ياريت اكون زوجته وابني حياتي معه والله اني ابيع الدراسه علشانه انا استغليت الفرصه علشان ادرس برى وماتدرين شنو بصير بعدين هو يحب الغبراء اللي عنده اصلا
فاطمه :خلاص قرر يخطبك
ريما :ايه ويمكن يجون اليوم اذا وافقت امه
فاطمه :وناسه
ريما :الكلام لايطلع مابي احد يعرف اني تزوجته
فاطمه :وليش ؟
ريما :انا واعدته الزواج سكيتي اهلي واهله يعرفون تدرين علشان زوجته
فاطمه :لا تكونين متأمله انه يحبك لما تسافرون
ريما بملل من اسئله فاطمه :لا نهائيا لاني ماراح احتك فيه وبعدين انا كذبت عليه ان فيه بنات اعرفهم بسكن معهم وانا بأخذ كم ريال واستأجر شقه مستحيل اسكن معه ببيت واحد فهمتي تدرين اذكر نوال لما تتكلم على بنت خالتها اللي تدرس ببريطانيا
فاطمه :لينا ايه اعرفها بس كيف تقدرين توصلينها
ريما :بحاول اتصل بنوال
فاطمه :وكيف وجوالها مصادر ؟
ريما :بتصل بالبيت واتحمل الثقاله شتبيني اسوي
فاطمه :ريما انتبهي تكفين ولا تستعجلين
ريما :علشان مستقبلي بسوي كل شيء
منيره راجعه من عند المديره مبسوطه على الاخر وداخله غرفه المعلمات
رانيا :بسم الله احد يجي من عند المديره وهو مبسوط
منيره ارتبكت :لا انا ماكنت عندها كنت مع وحده وسولفت معها شوي
رانيا مستغربه من ارتباكها :ايه
منيره :صارت الساعه 2غريبه باقي مارحتي
رانيا :كلمت السايق بمر ريما بعدين يمرني
منيره :ايه
دق جوال رانيا وكان السايق يقول لها تتطلع ................... لما رجعوا البيت رانيا وتحسه مهجور من غير ناصر وفكرت شنو بيصير فيها لما تتزوج شلون بتعود على فراقه .... ريما راحت لامها على طول
ريما :يمه مااحد اتصل
خديجه مستغربه :لا من يتصل ؟
ريما ارتبكت :لا بس كنت انتظر مكالمه من نوال
خديجه :ريما شنو مسويه ؟
ريما تسوي نفسها بريئه :مو معقوله يمه كل ماسئلتك عن شيء تحسسيني ان فيه مصيبه وتطيح على راسك
خديجه :والله الي مثلك ينخاف منك
ريما وهي طالعه لغرفتها :سويتوني مجرمه
دخلت غرفتها وهي تحاول تتصل بنوال وفجاه رد اخوها ريما طاح قلبها ببطنها من الخوف
ريما بخوف :سلام عليكم
.........:وعليكم السلام
ريما :ممكن كلم نوال
......:منو اقوالها ؟
ريما خقت على سواله وعرفت انها لازم تقول اسمها :ريما يوسف
.......:والنعم
ريما وحست انه يبي يطول السالفه معها :ايه وينها ؟
.......:ايه لحظه
نوال :الو
ريما وتصارخ :لوووووووووول
نوال وتضغط اذنها :بس الله يأخذك طبلتي
ريما :مساء الورد والعسل وينهم طاسين الربع
نوال تضحك :انا اللي مخليني استحمل اني بتزوج واطلع برى
ريما :اطلع معك
نوال فاتحه فمها من الصدمه :تمزحين
ريما :مادري بمساعدتك
نوال بفرحه :شلون اساعدك ؟
ريما :انتي بنت خالتك لينا وين تدرس ؟
نوال :ببريطانيا
ريما وفرحت اكثر :انا ابي اتصل فيها لاني بتزوج واروح ادرس هناك
نوال شهقت :يالملعونه تمزحين
ريما :والله
نوال :وش تبين بالينا اذا انت متزوجه
ريما حست انها خبصت :لا بس اذا ضقت ابي القى احد ااشكليه فهمتي بعدين فهد ماراح يجي معي راح يتأخر بالسعوديه
كذبت ريما علشان لاحد يعرف انه على ورق وهي بنفسها راح تفهم لينا بطريقتها
نوال :الله يوفقك انا بتصل فيها وبعطيها رقم جوالك وتتصل فيك واتفقوا
ريما :اوكيه ياقمر مع السلامه الحين
نوال :مع السلامه
ريما قفلت وهي مبسوطه لان خطتها ماشيه مثل ماتبي بس اللي مستغربه ان فهد مارد لها خبر متى يجون .........
زهره ومازن بالمطار ينتظرون ابوهم ويشفون النظام اللي مرتبينه بالمطار علشان ابوهم والصحافيين منتشرين بكل مكان وياخذون صور للتجهيزات وزهره رافعه خشمها ومفتخره بابوها
زهره تافف :مازن ليش ابوي يجي بطياره عاديه وين الطيارات الخاصه
مازن :ياغبيه علشان يبين للناس انه شخص عادي ويعلم الرياض انه وصل صحاب اكبر شركات عالميه برياض
زهره :والله ان ابوي خطير
مازن :خلي عقلك تجاري
زهره :يالله مامنعي من السفر الا جيت ابوي
مازن :انت جايه من لندن علشان الاستقبال
زهره :اكيد لازم اكون موجوده ماتشوف الصحافيين لازم نربط الاحداث فهمت لاني بلندن اجهز لعرض ماابي اغيب عن الصحافه
مازن معجب بتفكير اخته :والله انك سيده اعمال اشوف مستقبلك باهر انا ادري انك تبين تكبرين بعين ابوي علشان يسلمك كل شيء
زهره بمكر :ماراح اكره اني اصير ناجحه وابوي يثق فيني
مازن كان بيرد بس قطع عليهم نداء الطياره ووصول ابوهم ولما دخل بدى يغطي المكان ضوء الكاميرات والتصوير طبعا افتخر سيف بالتجهيزات وعرف انه ترك ناس يعتمد عليهم يسندونه وبدوا رجال الاعمال يستقبلونه ويهنونه بالسلامه ............
الساعه 4عصر التلفون يدق ومااحد رد على اخر نفس ردت خديجه لانها كانت تصلي بالصاله
خديجه :الو
ام فهد :سلام عليكم
خديجه :عليكم السلام
ام فهد :كيف الحال ام تركي
خديجه :الحمد لله من معي
ام فهد :انا ام فهد
خديجه بفرحه من عزاء نوره وتركي ماشافتها :حياك هلا والله بأم الغالي
ام فهد :الله يحيك
خديجه :شلونكوشلون فهد ونور..... فهد موناوي يتزوج
ام فهد :الحمد لله وبنزوج انشالله قريب كثير
خديجه :وليش مافرحتينا؟
ام فهد :اليوم انشالله بنزوركم طامعين بقربكم
خديجه استغربت :حياكم الله
ام فهد :بعد صلاةالمغرب انشالله
خديجه :حياكم
ام فهد :يله مع السلامه وسلمي على البنات
خديجه :الله يسلمك ..... مع السلامه
لما قفلت خديجه استغربت وشكت انهم جايين علشان يخطبون رانيا ............
ناصر وهم يرتبون مع الخدم الشاليه اللي استأجروه وكان يطل على البحر وشكله جنان والهواء يطير الستائر من كل الجوانب واشتهى ان رانيا تكون معه ويكتمل روح المكان وقطع عليه جواله
يتبع ..................
ناصر :الو
فهد :سلام عليكم
ناصر بفرحه :هلا وعليكم السلام
فهد :شلونك ؟
ناصر :الحمد لله انت شلونك الحين
فهد :الحمد الله ......... وينك يارجال مريتك بالشركه يقولون ماخذ اجازه
ناصر يبتسم :ايه والله حبيت اطلع انا وزوجتي الدمام نريح شوي من ضغط الشغل
فهد :ايه والله صدقت الانسان يحتاج طلعات كذا
ناصر وهو مستغرب من ماكلمه فهد :ليش بغيت شيء
فهد ماعرف شلون يبتدي بالموضوع :والله مادري شلون اقولك
ناصر :بسم الله تكلم خوفتني
فهد :لاتخاف ........انا قررت اتزوج
ناصر :وليش انت طلقت الريم
فهد :لا حتى مابيها تدري اني بتزوج
ناصر وهو محتار شنو يخصه بالسالفه :ايه الله يوفقك
فهد :انا اليوم بنروح ونطلب بنت عمتك وشرايك
ناصر وقف قلبه :بس رانيا انخطبت خلاص
فهد ضحك :لا مو رانيا ريما
ناصر مستغرب :ريما صغيره بعدين يافهد انت متزوج وتدري منو اللي انت متزوجها ومن بنته ماابي اعرض ريما للخطر بعدين باقي بزر
فهد وهو مصدق كلام ناصر بس مجبور :انا بطلبها اذا هي بتوافق او ترفض
ناصر عصب :ولا يكون تبيها بالسر بعد
فهد :ايه
ناصر عصب :ليش يافهد البنت شنو ناقصها علشان تعذبها وتعيشها بخوف ورعب علشان زوجتك
فهد :ناصر قدر ظروفي
ناصر :واي ظروف فهد هذا زواج مو لعبه
فهد :حتى امها واهلها ماابي احد يدري
ناصر عصب اكثر :فهد مالك عندنا نصيب
فهد عصب وحس انه بنفجر وهو مايقدر يشرح اللي اتفق عليه هو وريما :ناصر انا احبها وابيها ومااعتقد انها بترفض
ناصر :شوف فهد هي اذا تحبك بتوافق بس بسر من وراء اهلك واهلها وليش هذا كله
فهد :انا بطلبها رسمي امي بتدري واهلي بيدرون مافيه غير الريم وابوها مابي الكلام يوصلهم انت ماتدري انا شلون عايش صدقني انا مو مصبرني عليهم غير شغلي ومستقبلي بين ايديهم
ناصر حس بكلام فهد :والمطلوب
فهد بثقه :ماتقول لاهلها اني متزوج
ناصر بتردد :موافق بس ريما لازم تدري
فهد ابتسم :اوكيه اوعدك اني راح اقول لها قبل مانعقد
ناصر :امنتك بالله الا حاطها بعيونك
فهد وحس ان اامانه قويه ولازم مايخون ثقه ناصر فيه
فهد :مشكور ياناصر
ناصر :مثل ماقلتلك
فهد انشالله ...... يله مع السلامه واجازه سعيد
ناصر :مع السلامه
قفل فهد والدنيا مو سايعته من الفرحه انه قرب اللي يبي يكسر به خشم مازن وزهره وابوهم واتصل بسرعه بالريم
فهد :الو
الريم مستعجله :الو هلا فهد
فهد مستغرب :ليش مستعجله ؟
الريم :عمي سيف جاء من السفر ومسوين حفله ماتبي تروح
فهد :لا ماراح اروح وياريت تخففين من الحفلات وزهره ومازن
الريم :فهد هذا المجتمع اللي انا احبه هذي حياتي وكذا احب اعيشها
فهد :طيب مثل ماتبين تحملي العواقب مع السلامه
قفل من غير مايعطيها مجال ترد واتصل بامه
فهد :مساء الخير
ام فهد :هلا يمه
فهد :شلونك
ام فهد الحمد لله شلونك انت ؟
فهد الحمد لله
ام فهد حبت تلعب بأعصابه :كيف الشغل؟
فهد وهو مستحي يفتح السيره مع امه :الحمد لله.............. شنو صار بموضوعنا
ام فهد تضحك :اه يالملعون خلاص انا كلمت امها وقلت لها بنزورهم اليوم
فهد ارتاح :ايه يمه تسلمين ماخلا منك
ام فهد :الحين يطلع الكلام
فهد يضحك :اجهزي يمه بسرعه الحين ياذن بصلي وبمرك
ام فهد :طيب من عيوني
فهد :تسلم عيونك يله مع السلامه
ام فهد :مع السلامه وحط بالك على الطريق
ريما صحت من النوم وهي ساحبه فكره ان فهد يجيهم اليوم وشالت جوالها على امل انه يتصل ماحبت هي تتصل وتطلع نفسها رخيصه وميته عليه ..... لما نزلت شافت امها تجهز وترتب وكأن احد بيجيهم
ريما مستغربه :يمه شنو تسوين لا تقولين ام محمد بتجي
خديجه تضحك :لا مو امحمد ام فهد يبون يخطبون رانيا
ريما شهقت من الصدمه :شنو رانيا ؟
خديجه :"والله يابنتي هذا اللي فهمته منها
ريما وارتاحت شوي :ايه الله يوفق
خديجه :روحي صحي رانيا وخليها تجهز نفسها وانت البسي يمكن جايين يخطبونك
ريما تبتسم ان السالفه ماتحتاج اقناع :ايه انشالله انه لي
ونطت ريما على الدرج مثل الفرس وتدق على باب غرفة رانيا وفتحت رانيا وشعرها طاير وتفرك عيونها ومنزعجه من صوت ريما نطت ريما عليها وتبوسها بقوه على خدودها
رانيا بانزعاج :ريما وخري عني
ريما وهي تضحك :ههههههههههه
رانيا وتدفها بعيد عنها :وجع ريما شنو صاير
ريما تغمز لها :ام فهد بتجي
رانيا :واذا
ريما :تبي تخطبني لفهد
رانيا تشهق :شنو قلتي وش دراك ؟
ريما :عارفه وبس
رانيا وهي تأخذ الفوطه علشان تدخل الحمام :بس فهد مو متزوج شلون صايره هذي
ريما بعصبيه وجديه :شوفي رانيا ماحد يعرف انه متزوج غيرك انت وناصر لاتفكرين تتكلمين قدام امي
رانيا بعصبيه :وليش انشالله انت مجنونه
ريما بصبر :اسمعي انا بروح اجهز واكشخ الحين يوصلون لما يرحون اوعدك اقولك على كل شيء
رانيا :طيب نشوف شنو اخرتها معك
ريما وهي تفتح الباب :وانت البسي وضبطي نفسك علشان امي ماتشك على اساس انهم جايين يخطبونك انت
رانيا :لا تستغربين يمكن اوافق
ريما :ههههههه
طلعت ريما وفتحت درجها وطالعت لبس كانت مجهزته من وقت ماقالت لفهد عنها وطلعته وقعدت تناظرفيه لبسته وكان تنوره تنوره فوشيه واسعه وطويله وفيها ربطه من عند الخصر وبلوزه بيج فاتحه من عند الصدر ومبرزه انوثتها فلت شعرها على طوله وكان فيه تموجات حلوه ولمته من الطرف بكريستاله تركواز وحددت عيونها من تحت بنفس اللون وكحل داخلي ورج وردي فاتح وبلاش وردي على لحمي ورشت عليها عطر وقعدت تناظر ساعه بالمرايه وتجرب ضحكتها وكيف تتكلم وتدعي ربها ان اليوم يعدي مثل ماتبي
وصل فهد وامه وضيفوهم بالمجلس ام تركي تحجبت ودخلت سلمت عليهم وسوت الواجب وجلست معهم وفاتحوها بالموضوع انصدمت خديجه بس عرفت ان نصيب ريما وصل حتى ولو لازم تاخذ رايها
خديجه :حياكم
ام فهد :الا وين العروس ؟
خديجه :الحين اخليها تجي
فهد قعد يناظر امه وهو مستغرب من رده فعل خديجه ..... استاذنت خديجه وراحت لريما بالصاله
خديجه بهمس :ريما تعالي ام فهد جايه علشانك
ريما تمثل السحى :يوه يومه
خديجه تقرص خدودها :تجهزي الجماعه ينتظرونك
ريما بدى قلبها يدق توقعت تشوف ام فهد لوحدها ماتوقعت ان فهد انه لازم يشوفها :يمه لازم
خديجه :ايه يمه لازم فهد يشوفك وامه بعد هذي النظره يابنتي
ريما :بس خلاص فهد شافني قبل كذا
خديجه عصبت :ليش انتي فتشتي قدامه
ريما تذكرت المطعم ولما جاء البيت وهي لابسه البيجامه (وشافني بالبيجامه بعد ):لا يمه بس اكيد ماله داعي .......
خديجه قاطعتها :فيه عصير مسويته رانيا بالثلاجه جيبيه وادخلي
ريما :يمه وقفي شوي ادخلي معي
خديجه :خليك مثل اختك
ريما (ناصر اللي سلمها بأيده والله احسدها كيف تحلمت ):طيب خلاص
ريما راحت للثلاجه واخذت عصيرات مجهزتها رانيا كانت اشكالها حلوه وفي كاسات راقية حطتهم بالصنييه وهي ترتجف من الخوف ولبست عبايتها لقاه خالها وهي تبي تدخل
عامر :ريما انت شنو لابسه
ريما خافت :شنو لابسه عبايه
عامر قرب منها وخلها تفك العبايه :لازم يشوفك مثل مانتي
ريما ترفض :لا خالي تكفى خلني البسها
عامر :خليهم يشفونك مثل مانتي ماشفتي رانيا اختك
ريما :بس
قاطعها :يله ادخلي
ريما استسلمت وحست انه بيصير شيء سخيف ياانها بتكب العصير يانها بتطيح دخلت والشيطان يلعب براسها بالمقالب اللي تسويها لروحها
ريم وهي منزله راسها ماتدري وين مواقعهم
ريما بنعومه:سلام عليكم
فهد ماصدق ان هذه ريما خق على جمالها وعلى نعومتها حس ان جسمه قشعر من ريحه عطرها اللي ملت المكان من وقت مادخلت
ام فهد وهي معجبها جمال واخلاق ريما ولما شافتها دعت لولدها انه يوفقه معها وتحس ان اختياره وقع صح على ريما وان ريما احسن من الريم بكثير :وعليكم السلام هلا وغلا
ريما رفعت عيونها وطاحت عيونها على فهد اللي يناظرها وكأن عيونه بتطلع....... خديجه حست ان ريما طولت وهي واقفه وحاطه راسها بالارض
خديجه :ريما ضيفي الناس ليش واقفه
ريما حست ان رجليها نملوا من الخوف وطول الوقفه وقربت على ام فهد اللي قعدت تناظرها وتسمي عليها وراحت لفهد اللي وقف لما قربت خافت وكانت الصينيه بتطيح منها بس مسكتها وسرقت نظره لفهد شافته يبتسم بسخريه ولما قربت منه الصينيه علشان ياخذ العصير
فهد يغمز لها ويهمس:حلو التمثيل !!!!
ريما تذكرت طريقة زواجهم وهمستله :لازم علشان يصدقون
خديجه :تعالي يمه اقعدي جنب خالتك ام فهد
ريما حطت الصينيه على الطاوله وراحت قعدت جنب ام فهد ......... ام فهد قعدت تطالعها ومنبهره بجمالها وحياها
ام فهد تبتسم لولدها :شلونك ريما ؟
ريما بصوت واطي :الحمد الله
فهد قاطعهم :لو سمحتوا ممكن اتفق انا وريما على الزواج لوحدنا
خديجه استغربت من الطلب :بس يافهد الحين خالها يتفق على كل شيء
فهد بجديه :ادري خالتي بس ضروري ابي اسمع رايها شخصيا
ريما عصبت من طلب فهد وتخليهم يشكون ان بينهم شيء ......... خديجه قعدت تفكر بلي يقوله فهد وشافت انه من حقه يتكلم مع ريما
خديجه :مايخالف فهد خذ راحتك انا وام فهد بنطلع
ريما خافت شلون امها توافق (عطت امها نظره علشان يقعدون معهم )امها طلعت هي وام فهد وخلوا الباب مفتوح واللي خلى خديجه توافق ان فهد شكله جدي ومحترم ............. فهد قعد يناظر ريما اللي قاعده تناظر الباب على امل امها ترجع فهد قام من مكانه وقعد جنبها مابينهم غير سينتيمترات بسيطه ريما خافت وصار قلبها يدق وايديها ترتجف اول مره تحس ان فهد قريب منها لهذه الدرجه
فهد هو رافع حواجبه مستغرب من ريما :شفيك لا يكون خايفه مني ؟
ريما تمثل الانكار :وليش انشاالله اخاف منك ؟
فهد وقرب منها اكثر :شوفي ريما الاشياء اللي اتفقنا لازم تصير مبدئيا قبل الزواج علشان اضمن
ريما وهي معصبه لانه مشكك فيها :مايخالف كل شيء بيصير
فهد يبتسم ابتسامه تعذب :اما بالنسبه للزواج قولي انك تبينه بسيط وعائلي ولاتعزمون احد غريب والزواج راح يصير مثل أي زواج راح يكون فيه مهر وزواج وعرس على اساس اهلك يفرحون فيك اوكيه انت اطلبي لاني اذا طلبت راح يشكون اوكيه
ريما وهي متحسفه انها فكرت فيه كالزوج لانه انسان استغلالي :طيب باقي فيه تعليمات
فهد رفع حواجبه ولوى فمه :ايه .......... طالعه حلوه
ريما تلقائيا راح وجهها احمر ووقفت من مكانها وكانت بتطلع بس وقفتها يد فهد ريما صار ارتجافها وخوفها واضح بالنسبه لفهد وحست انه بيغمى عليها التفت وسحبت يدها بعنف :نعم
فهد وهو يضحك على حركاتها :لا تنسين اللي اتفقنا عليه اوكيه حبي
ريما وحست انها مثل اللعبه بين ايده وقررت تتكلم عن نفسها :اشوف التذاكر اسلمك اللي تبي
فهد خق على جمالها وذكائها حتى وهي خايفه تقدر تسيطر على نفسها :اكيد مايبيلها بس
ريما قاطعته :فهد بنتفاهم بالتفاصيل اهم شيء راس الموضوع
فهد وهو يهزراسه باستغراب :من عيوني
ريما طلعت وهي تدوخ من اللي صار وحاسه انها غلطت بحقها وحق فهد وكان ودها تنسحب بس خلاص هي لازم تشوف مستقبلها وهي طالعه لقت ام فهد وامها يسولفون مع بعض وراحت عندهم وبعد دقايق فهد بعد مااتفق هو وخالها على كل شيء ريما عطتهم شروطها وابلغتهم موافقتها
ريما وهي تناظر خالها :انا ابي زواجي كذا
خديجه معصبه :ريما كيف ماتبين نفرح فيك
عامر بهدوء :خديجه اهدي ....... ريما ابي سبب واحد يخليك ترفضين نسويلك زواج ونعزم اللي نعرفهم
ريما وهي تخاف انهم يرفضون اقتراحها :خالي انا ابي كذا مااحب الجمعات والناس بعدين مافيه احد نعزمه خلاص تكفون
خديجه عصبت :ريما انت وفهد متفقين على هذا الشيء
ريما بثقه :لا انا قلتله مانبي عرس وحاول يقنعني بس رفضت شوفوا اذا ماوفقتوا على شروطي راح ارفضه
خديجه :مو لازم بعدين انت تدرسين
ريما عصبت :يمه ليش انت ترفضين على كل شيء اقوله ورانيا لما انخطبت قالت شروطها من غير مااحد يوقف في وجهها هذا زواجي ملا احد خص انا وافقت وهو وافق ليش الناس شنو بيزودون ولا ينقصون
عامر :ريما ليش انت تتكلمين كذا ؟
ريما وهي تبرر علشان تقنع امها :قوللي يمه اللي لازم يحضرون راحوا وتركوني تدرين منهم ابوي وتركي ونوره
خديجه حست ان ريما تتالم :يمه ليش ماتبينا نفرح
ريما قاطعتها ودموعها على خدودها :يمه ماعندي مانع سووا حفله صغيره وبسيطه واعزوموا القريبين وغير كذا ماارضى
خديجه استسلمت لبنتها :خلاص امرنا لله ........(والتفت على اخوها ) الا ليش مستعجلين ؟
عامر :لان شغله هناك ببريطانيا وبياخذ ريما معه
خديجه شكت وناظرت ريما :ريما انت متفقه انت وفهد على الدراسه قبل مايخطبك
ريما :لا ماتفقنا قبل على أي شيء انا وافقت علشان الدراسه برى لانك رفضتي وقلتي لما تتزوجين وهذا انا بتزوج ممكن تخلوني اشوف حياتي
خديجه عصبت من تفكير ريما :يعني كذا انت موافقه علشان الدراسه
ريما صارت تصارخ :انا ماعرفت لكم ان قلت ابيه قلتوا تعرفينه من زمان وان قلت علشان الدراسه قلتوا موافقه علشان البعثه طيب ليش ماسألتي رانيا عن الاسباب ولا انا بس
عامر :انت باقي صغيره
ريما :لا انا ماني صغيره وقد حالي وبعدين صديقاتي كلهم متزوجين عادي وهذا انتوا من زمان تتزوجون بدري وبعدين عمري 21سنه خلاص انا قد المسؤليه يمه الله يخليك خليني اشوف مستقبلي
وراحت لغرفتها من غير ماتسمع شيء لانها تخاف بعد الل صار احد يوقف بوجهها بعد كل اللي سوته علشان توصل للي وصلت له
خديجه وهي تقعد على الكرسي بتعب :هذي البنت جننتني مادري ايش اسوي لها علشان ترضى
عامر يضحك :ياخديجه انت ليش تفكرين ان ريما بعدها صغيره ريما كبرت وصارت عاقله وقد نفسها وفهد راح تحبه بعد الزواج وبعدين فهد ونعم فيه شنو فيها اذا فكرت بمستقبلها انها تروح وتكمل هناك خليها على راحتها فهد ماراح يتركها
خديجه :يعني شنو نوافق
عامر :ايه توكلي على الله واتفقت انا وفهد ان الزواج بعدشهر
خديجه شهقت :شلون شهر متى يمدي نجهز البنت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك