رواية الجميلة والوحش -5
قبل العرس بيوم حالة استنفار ببيت ابو عصام وعصام مافي ابرد منه جالس بغرفته و يكلم بتول
عصام : يوووه عمري ماصدق بتكونين معاي بكرا
بتول بخجل : عصام كافي والله اهون
عصام : لا لا لا انا ماصدقت ان عرسنا بكرا وانتي تقولين بتهونين خلاص بسكت
بتول : ههههه
عصام : فديت هـ الضحكه وراعيتها والله
فتحت ميران الباب وسمعت كلام عصام وفتحت يونها عل اخر : ماشاالله الدنيا قايمه وانت طايحلي حب هنا
عصام : وجع ليه داخله كذا من دون استئذان
ميران : يووه سوري قطعت عليكم الجو الرومنسي بس مافيكم صبر شوي بكرا بتنسجنون مع بعض طول العمر
عصام اخلصي شتبين
ميران : ابوي يبيك بمكتبه
عصام : بمكتبه .. ليش صاير شي
ميران : وانا شدراني
عصام :اووف منك .. اذلفي الحين بروحله
:
:
:
واقفه قدام المرايا تناظر نفسها وتحط اللمسات الاخير لمكياجها
دخلت لميا : وااااو طالعه خيااال
مها وهي تدور : شرايك
كانت لابسه فستان اسود لحد الركبه مع شريطه تحت الصدر لونها وردي وكعب ورد
وحاطالها مكياج ناعم
لميا : تهبلين .. حصني نفسك من العين
مها : آآآهـ
لميا : شفيك ليش هـ الـ آآآهـ
مها : صارلي سبوع هنا ومشعل مافكر يسأل عني ولا حتى قالي هو وينه
لميا : يمكن تحسر بعد اللي سواه و ماله عين يكلمك
مها : هههه انتي ماتعرفين مشعل عدل ... هو ما يتحسر ولا يندم على شي سواه ابد
لميا : الله يعينك عليه
مها : اشتقت لـ فراس احس ان هـ الولد مثلي بس الفرق ان ابوه عايش
لميا : عايش بس لاهي عنه كنه ميت مافي فرق
مها : يلا بنتأخر على عمي
:
:
بمكان بقمة الفخامه كل شي مزين باللون البني مع الذهبي وريحة البخور ماليه المكان دخلت مها وراها لميا
مها وهي تحط عباتها : واااو لميا شوفي هذا بس المدخل و بهالفخامه لو دخلنا شبنشوف
لميا : بس... فشلتينا شوفي الناس قامت تطالعنا ..شيقولون عنا مو شايفين خير ... ولا كانك زوجة مشعل الـ ... وعايشه بقصر
مها : لا خلاص انسي القصر انا بعيش ببيت عمي على طول
لميا : اقول اكرمينا بسكوتك لانك تدرين ان زوجك لو بغاك جابك وان كنتي بالصين ... ومن دون ما ياخذ رايك
ولا ناسيه كيف اتزوجتيه
مها : يوووه لميا خلاص لاتذكريني ... غيري السالفه ميران جايه
:
:
:
.... : ها دكتور بشر نجحت العمليه
الدكتور << بالفرنسي>> : فعلنا ما بوسعنا وسوف نلاحظ مدى استجابة جسمه للعلاج خلال الفتره القادمه
( شخصيه اول مره نتكلم عنها ) زياد : طيب دكتور يعني علاجه
بيطول " انا زياد عمري 25 سنه ادرس هندسه بجامعة جده وسيم وطويل حيل و ... اخو مشعل ... "
الدكتور : لا استطيع تقدير المده كل شيء متوقف عليه
زياد : مشكور دكتور تعبناك معنا
الدكتور : هذا واجبي
طلع زياد من المستشفى ورجع للفندق دخل سويته ورما جاكيته على السرير ووقف يناظر المكان من النافذه
تذكر امه من الصبح ما كلمها رح للجاكيت واخذ منه الجوال وبعد فتره : الووو
زياد : هلا يمه
ام مشعل : زياد وينك يمه انتظرك من الصبح ولا دقيت
زياد : اسف يمه انشغلت شوي
ام مشعل : ها طمني على اخوك شقالك الدكتور
زياد : الحمدلله يمه .. يقول الدكتور بنشوف نتيجة العمليه بعد ما يفوق من البنج
ام مشعل : الله يقومه بالسلامه يارب
زياد : ايه يمه ادعيله هو محتاج لدعاك
ام مشعل : يمه طمني عليه بس يقوم
زياد : انشااالله يمه يلا تاميرني بشي
ام مشعل : سلامتك يمه
زياد : مع السلامه
ام مشعل : مع السلامه
سكر زياد مع امه وراح يشوف اوراق اخوه اللي بالمكتب لفت انتباهه ورقه مكتوب فيها تنازل عن
شركة الاستيراد والتصدير بالامارات لـ مها الـ ...
زياد : مها مين هذي وليش مشعل مسويلها تنازل
جلس نص ساعه يدور عن شي يوصله لمها بس مافي تذكر جوال مشعل من بعد الحادث وهو مقفل
زياد : اكيد رقمها موجود بجواله
راح للجوال وفتحه وجلس يدور في الاسماء بس ما شاف اسم مها انتبه لاسم خالد الـ ...
زياد : هذا نفس اسم العايله اكيد يعرفها ... بدق عليه
بعد فتره جاه صوت نعسان : الووو
زياد ( يووه نسيت الوقت متأخر اكيد نايم ) : اسف اخو دقيت بالوقت الغلط
خالد : شتبي
زياد : انت خالد الـ...
خالد : ايه مين انت
زياد : انا زياد الـ... اخو مشعل
خالد بصدمه : مشعل ... وينه ابي اكلمه ... هـ الحقير .. ماكنت اعرفه يهرب من المشاكل
زياد : اهدا شوي .. اي مشاكل ... وانت شتطلع عشان تسب اخوي
خالد : انا عم زوجته اللي ضربها وهي مالها يوم مسويه عمليه وتركها طايحه عل ارض وراح ولا سأل عليها
زياد : زوجته ... مشعل متزوج .. شسمها زوجته
خالد : مها
زياد ( مها ويضربها وهي تعبانه .. وبفس الوقت يكتبلها تنازل عن وحده من شركاته ) : ...
خالد : وينه مشعل ... البنت صارلها اسبوعين عندي ولا فكر يسأل عنها
زياد : مشعل من اسبوعين عمل حادث ودخل بغيبوبه ... ومن يومين فاق بس كان لازم نسويله عمليه
لانه بعد الحادث تأثر عنده العامود الفقر
خالد : انت شقاعد تقول ... وهو ينه باي مستشفى
زياد : خذناه على فرانسا .. عشان نسويله العمليه
خالد : طيب شصار شويتو العمليه
زياد : ايه الحمدلله بس بنشوف النتايج بعدين
خالد : انا بشوفلي حجز وانشاالله نكون عندك باقرب وقت
:
:
مها : ايش عمي انت شقاعد تقول
خالد : انا لقيت حجز بكره .. لازم نروحله
مها : متى صارله كل هذا ... وليش ما قالو لنا من قبل
لميا : خلاص مها هذا انتي عرفتي
مها دمعت عيونها نحس انها لازم تكون عنده بهالوقت : عمي مايصير نروح الحين
خالد بدهشه : الحين ... مافي حجز الحين .. اقرب شي بكره الصبح
مها راحت لغرفتها وهي تبكي
خالد : في وحده تبكي على واحد يعذبها و لا يسأل فيها
لميا : مهما يكون هذا زوجها
:
:
__________________________________________________ _______________________________
وصلت الطياره لمطار باريس كان زياد ينتظر خالد ومها و وصلهم للفندق
مها : عمي ابي اروح المستشفى الحين
خالد : خلنا نرتاح الاول
مها : انا مرتاحه ابي اروح
زياد سمعها : بس باقي على موعد الزياره ساعه ونص لو رحنا الحين مابنستفيد شي
خالد : خلاص سمعتي
مها تجمعت الدموع بعينها : بس عمي
خالد : لا بس ولا شي يلا على غرفتك
مها دخلت غرفتها ورمت نفسها على السرير وبدت تبكي دخل عمها وراها
خالد : مها .. شفيك ليش تبكين
مها : هو اكيد محتاج لي ليش ماخليتوني اروح له
خالد : والله احترت معالك ساعه ماتبينه .. والحين تبكين تبين تروحين له
مها : .... عمي تكفى خذني الحين
خالد : يااربي مافي زياره الحين يعني روحتنا مالها داعي ما بيخلونك تشوفينه
:
:
عند زياد : (( هذي صغير شلون وافقت على واحد كبر مشعل .. اكيد ماخذته عشان فلوسه
ولا شلون مشعل يتنازل عن شركه مثل شركة الامارات ... هي اللي اجبرته يتنازل .. انا لازم اقول لامي شلون اتصرف ))
اخذ التلفون واتصل على امه : هلا يمه
ام مشعل : هلا زياد ها بشر في شي جديد
زياد : لسه ما بدت الزياره...يمه
ام مشعل : خير يمه فيك شي صوتك مو عاجبني
زياد : يمه .. مشعل طلع متزوج
ام مشعل : شنو ... شقلت متزوج من متى و بنت من تزوج
زياد : من متى مادري ... بس متزوج بنت من عايله بسيطه .. والبنت صغيره كبر اختي ريم
ام مشعل : انت شقاعد تقول ... كبر ريم
زياد : ايه يمه ... وهي هنا مع عمها عشان مشعل ... بس يمه في شي غريب
ام مشعل : شنو
زياد : يعني ليش وحده بعمرها توافق على واحد كبر مشعل
ام مشعل : اخوك الكل يتمنى التراب اللي يمشي عليه ...مافي وحده بيجيها مثل مشعل وتقول لا
زياد : وانا قلت كذا ... بس مشعل كاتبلها تنازل عن شركته اللي بالامارات
ام مشعل بصدمه : شنو بنت ابليس ضحكت عليه وخلته بتنازل عن الشركه
زياد : شسوات الحين
ام مشعل : خل اخوك يقوم بالسلامه وبنخليه يطلقها غصب عليه
زياد : يمه اكلمك وقت ثاني الباب يدق
:
:
دخلت وعينها تتلفت يمين ويسار حاطه ايدها على قلبها ودها تشوفه وبنفس الوقت خايفه من اللي بتشوفه
اقتربت من سرير فيه شخص ملامحه مي مبينه من كثر الكدمات اللي عليه والاجهزه اللي مركبه مغطيه نص وجهه
زياد : مها شفيك ..شدورين هذا مشعل قدامك
امتلت عيونها بالدموع وببحه وصوت متقطع : هذا ... هذا مشعل
زياد : ايه .. تعالي
مها مشت خطوتين : كذاب
زياد : نعم
مها : وين مشعل ... هذا مو مشعل
زياد : تعالي طالعيه عدل ... هو تغير شوي من اثار الحادث
تقربت منه وناظرت بوجهه شافته يناظرها بعيون مكسوره وكأنه يبي يقولها شي بس مو قادر من الاجهزه اللي موصله بفمه
مها حطة يدها على يده وبحنيه : ماتـ ...ـشووف شـ..شر ... نزلت دموعها على خدها
حرك يده يبي يمسح دمعتها بس يحس انها ثقيله و ماتتحرك
رفعت يده لها وباستها
مشعل : ااا.. يـ..ـا ...اا
مها خافت : شنو ..ناظرت بزياد .. شيقول
زياد : مشعل لاتتعب نفسك كلها كم يوم وتطلع من هني وتقدر تتكلم مثل ماتبي بس الحين ارتاح
زادت نبضات قلبه وبدة الاجهزه تصدر اصوات عاليه
ثواني والمكان كله تعبا من ممرضات ودكاتره
الممرضه << بالفرنسي>>: لو سمحتم ممكن تتفضلو
زياد : مها تعالي لازم نخليه يرتاح
مها : لا انا بفضل عنده
زياد : مها بلا عناد امشي
:
:
جالس بغرفتة وحاط قدامه اللاب توب ولابس نظاراته الطبيه شرب رشفه من الكفي اللي عنده بعدها سمع صوت الماسنجر
طموح انثى : حبيبي مشتاقه لك حيل
معذب قلوب البنات : وانا اكثر والله ياقلبي ... بس خلي اخوي عمر يخطب بعدها على طول بكلم امي عنك
طموح انثى : جد ... متى
معذب قلوب البنات : قريب انشاالله ... ماقلتيلي كيف صار اخوك
طموح انثى : بيتحسن يوم عن يوم الحمدلله
معذب قلوب البنات : الله يقومه بالسلامه
طموح انثى : تدري انه طلع متزوج وحده بعمري واحنا ماندري
معذب قلوب البنات : والله ... وكيف دريتو
طموح انثى : اخوي زياد كان يرتب اوراق الشركات وانتبه لاسمها على ورقه من الاوراق وبعدها عرف انها زوجته
معذب قلوب البنات : وهي وينها الحين
طموح انثى : كلمها زياد وهي عندهم بفرنسا ... بس امي ناويه عليها بنيه شينه
معذب قلوب البنات : ليه هي شسوت
طموح انثى : مدري بس امي كارهتها
معذب قلوب البنات : حرام .. هي شسمها
طموح انثى : مها الـ ..
<< هذا الحوار كان بين عبد العزيز و ريم اللي ذكرناهم ببداية الروايه وبنعرف قصتهم بعدين >>
:
:
:
وصلو للمصعد ظغط على الزر : في زياره بالليل على الساعه 9 تقريبا انشاالله نروح ويكون احسن
جاهم صوت من بعيد : انشاالله الله يسمع منك
التفتو كلهم لمصدر الصوت ؟؟؟؟
زياد : يمه ..راح لها وباس ايدها .. ليش متعبه عمرك يمه
ام مشعل : جيت عشان ولدي الغالي بعد عمري
زياد : مها هذي امي
مها قربت تسلم على ام مشعل : كيفك خالتي
ام مشعل : دامني عند ولدي بخير عسا الله يقومه بالسلامه ويبعد عنه اولاد الحرام
مها ؟؟؟ : امين خالتي
:
مضت ثلاث ايام على هـ الوضع
:
:
لميا ماقامت تطلع من البيت بعد سفر زوجها
ريان يحط الرضاعه بفم ملك : مااما ثوفي
لميا : حبيبي انت ايه خلك كذا مع اختك >>رن التلفون وراحتله
لميا : الوو ... يمه شفيك ... ها ...شنو شقلتي ..لا . متى ..لا لا >>طاحت منها سماعة التلفون وبدت بنوبة بكاء طويله
:
:
خالد يرتب شناطه : انتبهي على نفسك ولا اوصيك من تقومي الصبح تكلميني
مها : طيب .. طمني على لميا
خالد : انشاالله
تــــوقعاااتكــــــم...
ايش بتسوي ام مشعل مع مها ؟؟؟
ايش بيصير مع عبد العزيز وريم ؟؟؟
شصار مع لميا وايش سر التلفون اللي جاها ؟؟؟
اتمنى البارت يعجبكم ... واتقبل النقد من الكل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
...: ايش عيدي اللي قلتيه
ميران : انت شفيك اليوم .. بقول اسمها مها الـ ...
عبد العزيز ( يووه نفس الاسم ) : ....
ميران : سويلي مثل عمر .. يوم سمع اسمها قام مثل اللي شاف جني
عبد العزيز رما المخده اللي بإيده على ميران وراح ركض لغرفته
ميران : بسم الله شفيهم كل ماسمعو اسم البنت ركبهم شيطان
:
:
نزل شنطته وتوجه للباب وقبل يدق الجرس انفتح الباب وكان واحد مبين عليه التعب اللي يشوفه يقول عمره 60 سنه
عيونه حمر وحولها سواد مو طبيعي ووجهه شاحب
خالد : رائد .. شفيك تعبان اوديك المستشفى
رائد نزلت دمعه من عينه : مستشفى ؟؟ ... ليش في شي
خالد : مادري عنك ...ماشفت شكلك قبل ماتطلع
رائد : راح
خالد : شنو
رائد : يعني ماتدري
خالد : شصاير .. لميا كلمتني وقالت انها تعبانه .. بس
لميا فيها شي؟؟
رائد : لا ... ابوي
خالد : ..... شفيه
رائد : قلت لك راح
خالد شنو ... متى وكيف .. انا سلمت عليه قبل ماسافر ماكان فيه شي
رائد : ارتفع عليه السكر فجأه
:
:
زياد : يمه ..يمه
مها حطة الشيله على راسها وطلعت من غرفتها تشوف شصاير
ام مشعل : شفيك تصارخ شصاير
زياد : يمه المستشفى دقو علــ ..
ام مشعل قاطعته : شنو ولدي ...شفيه
زياد : لحظه يمه خليني اكمل كلامي .. دقو علي يقولون ان مشعل تحسن وبيطلع من العنايه المركزه
ام مشعل طارت من الوناسه : الحمدلله .. الحمدلله يارب
:
:
كانت اول من وصل عنده دخلت بسرعه مثل العطشان وشاف المويه مسكت ايده وباستها : مشعل حمدلله على سلامتك
ناظرها وكان فعيونه كلام كثير لها :...اا..
مها : ايش .. قول . تبي شي
ام مشعل : خليه لا تتعبينه ..(قربت تسلم عليه )
زياد : حمدلله على سلامتك
ناظر مشعل باخوه وكانه يقوله خلونا بروحنا
زياد : اا ... يمه .. تعالي نشوف الدكتور ونسأل عن صحة مشعل
ام مشعل مافهمت قصد زياد بس راحت عشان تشوف الدكتور
مشعل مسك يد مها اللي جالسه بطرف السرير : خفتي علي
مها حست برجفه وبحيا : ايه .... مو زوجي
مشعل : خفتي علي بس لان انا زوجك .. مافي سبب ثاني
مها : سبب ثاني .... ايش تقصد
مشعل : انتي فاهمه
مها نزلت راسها بحيا
مسك يدها وباسها : مها .. انا عتذر على كل اللي سويته معاك
مها : ...
مشعل : ابي اعترف بشي
مها ناظرته باستغراب :....
مشعل : تذكرين القسم القديم ... يوم دخلتيه .. ا ... انا ععصبت
مها تذكرت ونزلت راسها وباين عليها الزعل : ايه اذكره
مشعل : ايه ... كان قسم .......قسم فرح
مها : فرح ( ايه ..هذا الاسم كان مكتوب على السلسال ) مين ذي
مشعل : زوجتي الاولى .... ام فراس
مها : ....
مشعل : كانت فرح دنيتي ... كنت احبها واموت عليها ..بس جالها..... سرطان
وماتت
مها بهدوء : الله يرحمها
مشعل : من ماتت وانا مادخل هناك وحتى الخدم ماخليهم يدخلون ...
ويوم شفتك هناك ... و ماسكه صورتها ....انجنيت
مها : اا...اسفه ....ماكنت ادري
مشعل من يتذكر فرح تتغير ملامحه ويبان فـ عيونه الحزن .. دخلت ام مشعل وانتبهت لملامح ولدها اللي تغيرت
ام مشعل : شفيك .. لحقت تنكد عليك .. توك شزينك و شحلاتك
مها : انا مانكدت عليه
ام مشعل : اذا مو انتي ..مين يعني مافي غيرك معاه
مها عيونها امتلت دموع
مشعل : يمه شفيك .. مها ماقالت شي
:
:
فتحت باب الغرفه وانصدمت من اللي شافته وشهقت بقوه : شهذا شسويتي بالغرفه ليش كذا
ميران وهي جالسه بين كومة اوراق والالوان بكل مكان وعلى ايدها وملابسها : شسويت
ام عصام : طالعي بالغرفه وبشكلك وانتي بتعرفين شسويتي
ميران : ماسويت شي برسم
دخلت بتول بعبايتها وبيدها ورقه وقفت عند الباب مصدومه من شكل ميران حطت ايدها على فمها وانفها لان الغرفه
صارت ريحتها الوان زيتيه : اف ..شهالريحه
ام عصام : الـ..
بتول رمت الورقه اللي بإيدها وراحت ركض للحمام ورجعت كل اللي ببطنها
ام عصام : شفتي كله من الوانك هذي .. قومي نادي الخدامه تنظف
ميران قامت و اخذت الورقه اللي رمتها بتول
ام عصام بعصبيه : اقول نادي الخدامه تنظف .. ترى بخليك انتي تنظفينها
ميران ابتسمت ونزلت الورقه وناظرت بأمها :...
ام عصام : بسم الله .. شفيك
ميران : مبروك بتصيري جده
ام عصام : شنو .. مين قالك
ميران تلوح بالورقه اللي بايدها : هذي
رجعت بتول واخذت الورقه من ميران : هاتيها
ام عصام : انتي حامل بتول
بتول بحيا : ايه
:
:
مر اسبوع و مشعل بالمستشفى كل يوم يتحسن عن اليوم اللي قبله و ام مشعل كل يوم تخاق مها وتدور المشكله معها
جا اليوم اللي يطلع فيه مشعل من المستشفى
ام مشعل وهي تمسك ايد ولدها وتساعده يجلس : حمدلله على سلامتك
مشعل : اااهـ اي سلامه وانا ماقدر امشي
ام مشعل : لا تقول كذا .. كلها فتره ومع العلاج بتقدر تمشي انشاالله
مشعل : وين مها وزياد
ام مشعل : زياد بسوي اجرائات الخروج و مها (قالتها بقرف) بالفندق ماتبي تشوفك ... تقول انها كل ماتشوفك نفسيتها تتعب
مشعل انصدم من اللي سمعه معقوله مها ماعد تبي تشوفني لاني مشلول
ام مشعل : ما عليك منها يمه ... هذي وحده ما همها غير الفلوس ... انت طلقها وانا بزوجك وحده تسوىاها وتسوى اهلها
مشعل : يمه شهالكلام
ام مشعل : ايه .. انا بزوجك وحده مثل القمر وعندها استعداد تضويلك اصابعها العشره شمع
مو مثل هذي من شافتك مريض تخلت عنك
مشعل تنهد وهو يسمع هالكلام يحس انه ضعيف غير مشعل اللي الكل يعمله الف حساب
تذكر اول ماشاف مها ....
جالسه تتلفت وباين عليها الخوف انتبهت ان يدها وربوطه حاولت تحل الربط بسنانها : آآآهـ
بس انصدمت من :سلاااامتك من الـ آآآآهـ يااااحياااتي
قطع عليه صوت اخوه : مشعل .. فيك شي
مشهل : هــا .. لاا
زياد : ساعه اكلمك وانت مو هنا
مشعل : ما نتبهت
:
:
:
جالس قدام التلفزيون ومركز معاه يطالع الاخبار بس ازعجه صياح ريان : لمــ ... يووه نسيت انها عند امها
وقام وهو معصب وراح لريان اللي جالس بين العابه وشاله : خلاص حبيبي .. شفيك .. جوعان وراح قرب بسكويت من فمه بس ريان بعده
خالد : يوووه .. شتبي
راح للتلفون يكلم لميا ضغط عـ اول رقم بس فاجئه صياح ملك اللي انزعجت من صياح ريان ... خالد عصب ورما التلفون وراح شال ملك بأيد وريان بالايد الثانيه
خالد : اوووووف .. لميا كيف كانت تتصرف معاكم
اخذ مفاتيح سيارته وطلع من البيت
ركب ريان وملك بالسياره ورجع للبيت اخذ اغراضهم و طلع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك