رواية الجميلة والوحش -8
سهام وهي تمسح دموعها : يمه خلاني وراح...راح لها يمه
سعاد : انتي متأكده ان هي اللي داقه عليه ... يمكن واحد من ربعه
سهام : ايه متأكده .... سمعته يقول لها بـ اي مستشفى انتي
سعاد : مستشفى ؟؟ وانتي يالخبله ... ماعرفتي تقولين له بتروحين معاه
سهام : ماعطاني مجال .... طلع بسرعه وكنه ماصدق
سعاد : خلاص يمه ... لا تتعبين عمرك ... انا بكلم خالتك و اخليها توقف هـ الشينه عند حدها
سهام : يمه ... انتي ماقلتي انه بيطلقها
سعاد : والله هذا اللي قالته خالتك ... بس بشوف شسالفتهم .... بس انتي خليك مركزه معاه
اشغليه عنها ... وخليك دايم قدامه
:
:
فتحت الباب بـ كل قوتها وبـ كل حماااس : غزوووووووووووووز
عبد العزيز نقز من مكانه : وجع يالدبه .... شفيك .. طيرتي قلبي
ميران بخبث : انا اللي مطيره قلب ها
عبد العزيز يصرف : اخلصي علي ... شعندك
ميران : بس مو تنسا مكافئتي
عبد العزيز : افااا عليك بس .... انا انسا ميمي حبيبتي واختي وكل شي حلو بـ هالدنيا
ميران : والله اخاف تلعب فيني ... وبعد ما توصل لـ حبيبتك ... تسحب علي
عبد العزيز : اقول ... ترى عطيتك وجه ..... اخلصي
ميران : ظليت احن على راس امي ... لين وافقت وكلمت ابوي
عبد العزيز وقف من الفرحه : جد.... تتكلمين جد ولا هذي وحده من العابك الغبيه
ميران شهقت بقوه : انا غبيه ... هذي جزاتي يوم اساعدك ... طييييب انا اوريك ماني مساعدتك
وبروح لـ امي وافضح كل شي عندها
عبد العزيز : سويها وانتي بتشوفين شي عمرك ماشفتيه
ميران : يمه منك ... بس ياخي عليك تمثيل
عبد العزيز : هههه تصدقين يوم شفت امي تصيح كنت بقولها ان هذا كله تمثيل
ميران : هههههههه ايه حرام ... صدقت
:
:
مشعل : حبيبتي .... ياني مشتاقلك حيل
مها : .......
مشعل : ليه ماتردين .. عل اقل قولي وانا اكثر ولو كذب
مها بتلميح : انا ماتعودت اكذب
مشعل : طيب ... جامليني ... لا تقولين ماعرف اجامل
مها : انا لو عندي رد لك رديت ... مااجامل ولا اكذب
مشعل : اممم افهم من كلامك ان انا اللي اجامل ... وانا .... اللي اكذب .... صح
مها ناظرته ببرود : والله انا مادخلت بقلوب الناس وشفت نواياهم
مشعل : بس انا مو اي واحد من الناس ..... انا زوجك و لازم تعرفين اللي بقلبي واللي يدور فـ راسي
مها : انا ادري .... بس مو احساس ... او مجرد افتراض........ادري لان اللي بقلبك و صلني
بـ مسج
مشعل : اي مسج
مها : مشعل ترى انا مو غبيه ولا لعبه بـ ايدك .... متى ما بغيتني سمعتني
من هـ الأسطوانه ... ومتى ماضاق خلقك ... قلبت وحش.... انا صح مو من نفس مستواك
المادي لاكن انا انسانه كرامتي فوق كل اعتبار........ كافي ذل واهانه
صارلي سنه معاك .... ماشفت منك شي حلو بـ حياتي ... كل يوم اسوء من اللي قبله
ولا اكملت .... بـ امك .... اللي تصبح علي بمشكله .. وتمسي علي بمشكله
مشعل واللي يرحم والدينك فكني منك ... انا خلاص .... ماعاد فيني اتحمل اكثر...... ذل واهانه وضرب وتعذيب
انا شسويت لكم عشان تسوون فيني كذا ....ها ... ماتقول شـ هالذنب اللي ارتكبته بـ حياتي عشان تعذبوني بـ هالطريقه
مشعل بصدمه:كل هذا بقلبك علي يا مها والله حرام عليك..... ظلمتيني ... انا جاي ومستعد افتح صفحه جديده
بيضا ... حلوه ..... ما توقعت منك هـ الرد
مها : هههههههههههه .... تصدق ضحكتني وانا ماودي اضحك ...... مشعل اي صفحه بيضا
واي خرابيط .... وبعدين شتبيني ارد عليك ... شقول ... تبيني اقولك مبروك .. منك المال ومنها العيال
تبيني افتح صفحه جديده معك وانت متزوج علي ..... مشعل تكفا واللي يسلمك قوم اطلع بره قوووم
:
:
:
مر شهر وكل شي مثل ما هو مها بـ بيت عمها
ومشعل ضايع ما عاد يقدر يركز بشغله شتاق لـ مها اللي حبها وعشقها يحس ان الدنيا من دونها
ولا شي ومان يتحسر الف مره انه ماعترف لها بـ هالحب تحسر مليون مره على كل دمعه طاحت من عينها وهي
بـ بيته ندم وتحسف انه تزوج سهام
وهي كل يوم ناطه عنده يا بالبيت او بالشغل تبيه يلتفت لها لو بنظره
بس مشعل ما كان يعطيها وجه
قربت امتحانات نهاية السنه مها جالسه بالارض و ناثره الاوراق حولها و تناظر سقف الغرفه
دخلت لميا و انصدمت من شكل مها: هي .... الاوراق بالارض شعندك تناظرين السقف
مها : بصراحه مو قادره اشوف الاوراق
لميا شهقت : ليه .... عيونك فيها شي
مها : لا ..... ماتشوفين كرشتي شكبرها وهذا انا بالسادس .... يوم اصير بالتاسع شبيصير فيني
لميا : ههههههههههههه ... بتشيلينها بعربا
مها : اااااااهـ .... شكلي يفشل ..... ماقدر اروح المدرسه وانا كذ
لميا : شبتسوين يعني .... انتي مو اول وحده تحمل
مها : لميا تكفييين ... ودي بقهوه تركي من ادينك الحلوه عشان اسهر اليوم .....لازم اخلص هـ الزفت اليوم
لميا تحس ان نفسها لاعت من سمعت طاري القهوه التركي : وععع ... قومي سويها انتي ...... انا ماحب ريحتها
مها مصدومه : انتي ماتحبين ريحة القهوه ....... انتي احسن وحده بالدنيا تسوي قهوه تركي
لميا حطت يدها على فمها وقامت ركض للحمام ترجع
:
:
:
وحالة استنفار عند ميران حايسه الدنيا حوس ... اللي يشوفها يقول هذي اول مره تذاكر
وكل ماحد كلمها عصبت وصارخت بوجهه
بتول : شفيك ... ليش الصراخ .... ترى كل الناس عندهم امتحانات محد صارخ
عصام : هههههههه ... عاد هذي ميران طول فترة الامتحانات وهي على نفس الموال وبالاخر طالعه من الاوئل
ميران : قل اعوذ برب الفلق .... خير انتو بتصكوني عين
بتول : حنا عيونا مي حاره
ميران : اقول انتي يالبطه .... كانك طولتيها وهي قصيره صارلك سنه حامل متى بتولدين وتخلصينا
بتول : وجع .... وانتي شعليك .... انا اللي حامل ولا انتي
ميران : اخلصي ....تكلمي ....بروح غرفتي
عصام : باقيلها اقل من شهر
بتول شهقت : احلف
ميران : لااااا اله الا الله .... توك تقولين ان انتي اللي حامل .... كيف ماتدرين انتي بـ اي شهر
بتول : روحي غرفتك .... يلا بسرعه ثالث ثانوي وعندها امتحانات و رازه وجهه معنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البــــــــــــــــــــــــــــــ الاخيــــــــــــــــــــر ـــــــــــــــــــــــــارت
_____
لو شفت حالي .. كيف عايش بلياك
تبكي على حالي وتكــــرهـ غيابك
سولف لي عن غيبتـــك وشلون دنياك
عساك تضحك والحزن مادرا بك
لامر طيفك قلت اقلط وحياط
وسط الفؤاد اللي هواك وشقى بك
....
حطت جوالها عـ طاولة السفرة بعد ماقرت الرساله و تظاهرت بالبرود وهي بداخلها كلام اكثر ودها تقوله له
ودها تقول
...
مشكلـــه لا صرت تجهل في حيـــــاتك
وش تبـــــــــي ؟؟!
و
مشكلــــــه لا صرت تدري بــــس
ماتقـــــــوا الوصـــــــــول
.....
ودها تقول
.....
ترى مايهم غربالـــــي
و
تعذيبـــــــي
و
شقـــــا حالــــي
لكن حز في نفســـي
اذوق الجــــــــــــــــــــرح
من ...غــــــــــــــــــالــــــــــــي..
.......
لميا لاحظت مها اللي سرحت : مها شفيك ...كملي فطورك بتتأخرين عـ المدرسه
مها : اووووف .... ودي اوقف هـ السنه ... مالي خلق امتحانات وتوتر
لميا : مجنونه .... وصلتي لنهاية السنه ...وتبين توقفين
مها : هذا اذا ما رسبت وعدت السنه غصب
لميا : اعوذ بالله لاتقولين هالكلام .... وبعدين انا بساعدك لا تخافين
خالد : يلا مها
:
:
:
وعند ميران
جالسه و بإيدها الكتاب وما تكلم احد وكانها بعالم ثاني
ام عصام وهي تفطر انتبهت للوقت ولفت لميران اللي جالسه بالكنبه وراها : هيييي ...ميراااان ..... شفيها هذي ماتسمع
عبد العزيز : من زمان توك تدرين انها ماتسمع
ام عصام قامت تشيل الكتاب من ايدها بس ميران كانت ماسكته بقوه : ووجع ....ميران قومي بتتأخرين عـ مدرستك
وميران جالسه وكأنها صنم ماتتحرك ولا ترد ولا حتى تلتفت
ام عصام ناظرت عبد العزيز وبعصبيه : قوم شوف هذي مادري شصاير فيها
عبد العزيز راح لميران وسحبها من شعرها ووقفها : هي شفيك جنيتي
ميران سحبت شعرها من ايده بهدوء : وخر مو ناقصتك من الصبح
ام عصام و عبد العزيز ساكتين من الصدمه
ميران : شفيكم؟
عبد العزيز : بسم الله عليك ... احنا اللي شفينا والا انتي
ميران : انا ؟؟ ليه
ام عصام : الله يكون فعونك يابنتي...روحي روحي تأخرتي عـ المدرسه
:
:
:
جالس بمكتبه وجواله رن عشر مرات وهو مطنشه بس بالاخر استسلم ورد ومن دون نفس : نعم
سهام : اهلين حبيبي وينك ماترد خفت عليك
مشعل : ايه انا عمري سنتين عشان تخافين علي اضيع
سهام : ههههههههه ... لا والله ماقصد بس ليه ماترد
مشعل وهو ياحول يضبط اعصابه : سهاااام وبعدين معاك متى بتفهمين ان عندي شغغغل
سهام : طيب حبيبي اسفه عـ الازعاج
مشعل : شتبين
سهام خافت تقول انها بس كانت تبي تسولف معاه : ااااا... بقولك اني لقيت فستان
مشعل : فستان ؟؟
سهام :فستان زواجنا.... ابيك تشوفه وتقولي رايك
وهي اصلا ما فكرت بالموضوع بس حبت تصرفها
مشعل : انا ماعرف بهالسوالف خذي اللي تبينه
سهام بحزن مصطنع : اووكي بس رايك يهمني ... يلا مابي اعطلك اكثر...باي
مشعل سكر من غير مايرد عليها وتذكر مها و الرساله اللي ارسله
كان ينتظر ردها بس هي ماردت عليه ناظر بساعته وكانت 12 وربع شال اغراضه بسرعه وطلع
:
:
:
فاتحها كتابها وتناظر بمها : هذا السؤال ... حليتيه
مها : هو كان هذا...يوووهـ ... ماكنت ادري فكرتها تبي القانون الثاني
ميران بصراخ : هييييييييي..... شسويتي انتي... ماحليتي شي ....غبيه
مها : انا ماني غبيه
ميران : الاختبار سهل وانتي حايسه الدنيا
مها : ايه سهل ... لان حضرتك بتذاكرين وانتي مرتاحه مافي شي كاتم عـ نفسك ومتعبك
ميران حطت يدها عـ بطن مها : ياقلبي عليه والله ... ايه ماقلتيلي بنت ولا ولد
مها : مادري
ميران : مارحتي المستشفى
مها : رحت بس مافهمت شي من اللي قالته الدكتوره
ميران : نعــــــــــــــــــــم....الشغله ترى مي كيميا ... كلها كلمتين ... بنت او ولد
مها : اقول مالي خلقك ....يلا بروح البيت فيني النوم
ولبسو عبيهم وطلعو بس مها ماشافت السايق تسمع الحارس ينادي خالد ال (...) بس ماشافت السياره : وجع ...هذا الغبي مادري وينه
ميران شهقت بقوه : مها ....شوفي
مها : بسم الله عليك ...شفيك
ميران : شوفي مين واقف هناك
::
لابس ثوب مطرز ونظاره سودا و ماسك جواله ومفتاح السياره وشكله مررررهـ رزززززززززه
مها شهقت : مشعل
ميران : بتروحين معه
مها : مجنونه انا اروح معه ... اكيد لا
ميران : بس وين سواقك
مها : مادري الغبي انا بعلمه والله لا اخصم عليه
ميران : بس بس لاتولدين علينا .... يلا انا بروح سيارتي وصلت
مها قررت تتحرك من مكانها لان عيون مشعل بتاكلها
ناظرت حولها تدور السايق بس مالقته قررت ترجع مشي بس اهم شي تبعد عن مشعل
و طول ماهي ماشيه تسب وتلعن بـهـ السايق وماحست بغير سياره وقفت عندها ونزل منها واحد
خافت وحست ان كل عظمه بجسمها ترجف ... خصوصا انها ماتقدر تركض من كرشتها
وقف قدامها فجأه وصدمت بطنها فيه : ااااه ...بطني
مشعل : اسف .... بس انتي مدري شفيك ماتردين علي ساعه وانا اناديك
مها ناظرته بصدمه : هذا انت ...وناظرت بسيارته الهمر الجديده ...
مشعل :ايه ... شرايك بسيارتي
مها : مبروك
مشعل : الله يبارك فيك ... تعالي ... تجربينها ؟
مها بعصبيه : لا ... وخر عني
مشعل كان متأكد انها بترفض فكان مجهز لها كذبه لانه داري انها خوافه : مها مها ... ركبي السياره بسرعه .... الهيئه وراك بسرررعه لا ياخذونا
اشكالنا كذا غلط
مها من الخوف راحت من غير ما تناظر وراها وركبت معه
وطول الطريق وهي ساكته وتناظر عـ اليمين
مشعل لف وجهها له : شفيك .... ليه ماتردين علي
مها وخرت ايده عنها : انت وين موديني ... ردني بيت عمي
مشعل : بس انا حاب اعزمك عـ الغده
مها : مشكور ماشتهي
مشعل حط يده على بطنها : حتى عشان ولدنا او بنتنا
مها :وخر ايدك عني... قلت لك ماشتهي ردني البيت
مشعل مارد عليها وزاد من سرعة السياره
مها : مشعل ....شوي شوي وبعدين هاذا مو طريق البيت
مشعل : ....
مها : مشعل .... مشعل رد علي .... وين موديني
مشعل :.....
مها بصراخ : مشعـــــــــــــــــــــــــــــــــــــــــــــــ ــــــــــل .... ردنــــــــــــــــــــــــــــي البيــــــــت
مشعل حط يده على فمها وبعصبيه مصطنعه: بس ..... مابي اسمع صوتك .... بتروحين معي وانتي ساكته فاهمه
مها بدت دموعها تنزل على خدودها الناعمه وبدت تبكي بصمت
:
:
:
وبنفس الوقت بمطعم رومنسي ماينسمع فيه غير صوت الشلالات اللي بكل زوايه من زوايا المطعم
جالسه مع صديقاتها بعد دوخة الجامعه يتغدون
فرح : اقول سهام .... شرايك تفصلين فستانك عند مصمم فرنسي
عهود (كويتيه): ايه صج ... ترى ذوقهم خياااال ....اكيد بيعجب الامبراطور مالج
سهام : مادري ... اشوف بعدين
فرح : الله سهام ناظري وراك .... شكلهم عشاق ههههه
كان واحد جالس على ركبته و يبوس ايد البنت اللي معاهـ
عهود : لا ... مبين عليه بيراضيها .... طالعيهم عدل البنيه تناظره بطرف عينها
لفت سهام تشوفهم بس انصدمت ولا شعوريا قامت عندهم
لحقتها عهود و سحبتها من ايدها : هي انتي ... وين رايحه .....تعالي لاتفشلين عمرك وتفشلينا معاك
سهام سحبة ايدها وراحت
:
:
:
دخلت البيت وهي مستانسه حدها بعد اختبار الرياضيات .... تحس ان هم وانزاح عنها : يمااااا.....يمااااا
دورتها بكل البيت مالقت احد نزلت عند الخدامه بالمطبخ : وين ماما
الخدامه : روهـ مستشفى
ميران بصدمه : مستشفى ........ليه فيها شي
الخدامه : لا لا .... ماما بتول وايد تأبان
ميران : وااااي خل ادق عليهم لايكون ولدت وانا مادري
وطلعت لغرفتها ركض
:
:
بزحمة الطوارئ ناس رايحين وناس رادين واللي ماشي ومستند على عكاز
واللي يدفعونه بعربا واللي مدخلينه بنقاله
وهي جالسه بغرفه وعندها عصام وامه : آآآآآهـ الحق علي عصام .....تكفى واللي يخليك
ام عصام : روح كلمهم ثاني .... حرام البنت مو قادره تحمل
عصام : والله يمه كلمتهم ترجيتهم .....يقولون خلها تحمل شوي لين الدكتوره تنزل وتشوفها
بتول : عصاااااااااااااااااام ......آآآآآآآآآآآهـ ....... روح نادهم .....قول لـ اي احد .. رووووح
ام عصام : روح شوف دكتوره ثانيه .... ولا خلنا نوديها لمستشفى ثانيه
عصام طلع و دق تليفونه رد بصوت متوتر وخايف : الووو
ميران : هلا عصام ......كيفكم
عصام : اخلصي شتبين
ميران بخوف : بتول فيها شي
عصام : لا مافيها شي .... بس مو راضين يدخلونها
ميران : ليه
عصام : ميران ... انا مو فاضي الحين ...اكلمك بعدين
وسكر من غير مايسمع ردها
:
:
امواج من الاحاسيس المتعاكسه تتضارب داخلها.. صدمه .. حزن .. حيره .. الم ..
ماتدري تكلم ..او تصارخ .. تسكت ..او تصيح .. تروح .. ولا تستنا
واقفه ودموعه متجمعه بعيونها تبيه يتكلم يقولها لا ترا هذا حلم ... مو حقيقه
مرت دقيقه من الصمت والكل مصدوم من الثاني
مها مصدومه من البنت و زاد من صدمتها دموعها اللي مو قادره تنزل
مشعل واقف وينتظر كلمه من سهام او من مها
بس الكل كان مصدوم وساكت
عهود : سهام ...شفيج ... امشي...حرجتي الريال
مها وقفت وبصدمه : سهام ؟؟؟ انتي سهام
سهام : تعرفيني
مها بتوتر : إيـ...لاا ...هااا ...انا
مشعل : هذي مها
سهام بخباثه :مها ..... انت ما قلت انك طلقتها ..... ليش قاعد معها الحين
مشعل : اناما قلت هـ الكلام .... شقعاده تخرفين انتي .... انا احب مها ومستحيل اتخلا عنها
سهام نزلت دموعها بعد اعتراف مشعل و اللي كانت شاكه فيه بس تأكدت منه : وانا؟؟ ....ماتحبني ؟؟ ....ماتشتهي تسمع اسمي صح ؟؟.......بس انا شذنبي اتعذب؟؟...مشعل انا
احبك ومابي احد يشاركني فيك
مشعل بعصبيه : نعــــــــم ....لعبه انا عندك ......ماتبين احد يشاركك فيها
سهام : مشعل انا ماوافقت على زواجنا ....غير بعد ما امك اقنعتني انك ماتبي زوجتك ورح تطلقها.....وقالتلي على كل المشاكل اللي كانت
تسويها لك ....تكفى مشعل طلقها ...وانا اوعدك اني بعوضك عن كل شي ...تكفى مشعل
مها ماقدرت تتحمل اكثر حست ان سهام عندها من غرور ام مشعل وانانيتها وظلمها.........اخذت شنطتها وطلعت و دموعها على خدها
مشعل طلع وراها متجاهل نداء سهام وبكاها : مهااا....مها تكفين انتظري شوي.....مها
مها لفت له وبعصبيه : نعم .....عندك شي تبي تضيفه......قول......ترى عادي .....مابزعل......اتوقع ان كلام زوجتك ماكفاك......وتبي تزيد عليه
مشعل : انـ..
مها قاطعتها ومن بين دموعها : تكفى واللي يسلمك ...مابي اسمع شي ......ابي ورقتي توصلني بـ اقرب وقت
ومشت وتركته وراها
مشعل راحلها وسحبها من ايدها بقوه وبعصبيه : سمعيني شوي ....صارلي ثلاث شهور وانا احاول اقولك كلمه وحده
وانتي ماعندك غير طلقني وطلقني ....وانا اسمع كل اللي بخاطرك تقولينه...واتحمل ظلمك لي.......وانتي ماتبين تسمعين مني كلمه....... عل اقل خليني اكمل كلمتي
مها حست بكلامه..... وحست انها هي بعد انانيه وظالمه ....وبألم : أأأهـ..... مشعل ...يدي ....اتركني مشعل
مشعل تركهاو حاول يهدي نفسه و ركب سيارته وهي لحقته
بعد دقائق من الصمت كسرهـ مشعل : مها .... اتمنى تسمعيني من غير مقاطعه
مها : تفضل
مشعل : انا بـ.. بطلق سهام
مها ناظرته بستغراب
مشعل : ايه بطلقها .... اخاف اظلم البنت معاي ...... انا لو قلت احبك مابقدر اعبرلك عن اللي بقلبي
لو قلت اعشقك بعد شويه عليك ....اللي بقلبي اكبر من كلمه تنقال......مها حرام عليك اللي تسوينه فيني
مها تكفين لا تخليني .....انتي الهوا اللي اتنفسه ....انـ..
حطت يدها على فمه تمنعه يكمل : احبـــــــك
مشعل ماستوعب اللي قالته و وقف السياره
مها تناظر حولها وبخجل : شفيك وقفت
مشعل عدل حلسته ولف لها : شقلتي
مها باستعباط : شفيك وقفت
مشعل : لا .... اللي قبلها
مها نزلت راسها وبدلع : خلااااص
مشعل مسك ايدها وباسها بقوه : تكفيــــــــــــــــــــــــــــــن ......عيديها
مها : بس ....بشرط
مشعل : امري ...تدللي.....عيوني لك
مها : تسكت لين نوصل للبيت
مشعل : اووكي
مها : احبـــك ... اعشقك ...واموووووت عـ الارض اللي تمشي عليها
:
:
:
جلست عـ الكرسي وهي حامله بنت اخوها : ياااااااااااااحلوها بنتك تهبل ....طالعه لعمتها
ام عصام راحتلها وشالت البنت منها : لااله الا الله ....اذكري الله
ميران : شبتسمونها
بتول : لنا
عصام : لاااا ... نور احلا
ميران : وع ...شهالاسامي .... تلوع الكبد ..... سموها ميران
باسل : لااا ...وع ... سموها يارا
ميران : وع بعينك .... وبعدين شنو يارا ....تبي البنت تتعقد
باسل : بتتعقد اذا سميناها ...وبقرف ... ميــران
ابو عصام بجديه : بس انت وياها....انا اقول لو تسمونها ...داليا احلا
باسل : لا ....داليا اسم قديم
دخل عبد العزيز و بتول تغطت : السلام عليكم
الكل : وعليكم السلام
عبد العزيز يسلم على اخوهـ : مبروك يابو ساره
ميران : مين ساره
عصام : بنتي
ميران : لا حوووول .... اخر كلام ...شسمها
عبد العزيز : انا قلتلهم سموها ريم مارضو
ميران بصراخ : نعـــــــــــــــم ..... الا هالاسم لاتسمونه
عبد العزيز بحماس : سمعـــوني ...سمعـــوني ....عندي لكم مفاجئه
ميران بنفس الحماس : شنــــو
عبد العزيز راح للباب وفتحه : تراااراااراارام
دخل عمر ومعاه باقة ورد كبيره : مرحبــــــــــــــــــــا
الكل : عمــــــــــــــــــــــــــر
ونطو عنده وطبعا ميران اول وحده
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك