رواية الجميلة والوحش -9
ميران : لا حوووول .... اخر كلام ...شسمها
عبد العزيز : انا قلتلهم سموها ريم مارضو
ميران بصراخ : نعـــــــــــــــم ..... الا هالاسم لاتسمونه
عبد العزيز بحماس : سمعـــوني ...سمعـــوني ....عندي لكم مفاجئه
ميران بنفس الحماس : شنــــو
عبد العزيز راح للباب وفتحه : تراااراااراارام
دخل عمر ومعاه باقة ورد كبيره : مرحبــــــــــــــــــــا
الكل : عمــــــــــــــــــــــــــر
ونطو عنده وطبعا ميران اول وحده
:
:
:
دخلت البيت وهي فـ قمة سعادتها ودها تصرخ باعلا صوتها ...يــــــــــــــانـــــــــــــــــــــــاس واخيـــــــــــــــــــرا اعترفت له بحبي
ماحست غير بكـــف قطع عليها وناستها حطت يدها على خدها وبصوت باكي : عمي
خالد بصراخ : ويـــن كنتـــي ... ليه قايلة لسايق يرد البيت وما ياخذك من المدرسه
مها بخوف : والله عمي مو انا اللي قايلتله ....والله ....وبدت تبكي
خالد بعصبيه : وين كنتي ....تكلمي وين كنتي لا تشوفين شي عمرك ماشفتيه
لميا : خالد ....هد اعصابك شوي
مها وهي تبكي و تشاهق : كنت.....كنت.... مع مشعل
خالد و كل الشياطين تناقز قدامه جرها من شعرها : شنــــــو .... مع من ..... مشعل ها ... و ضربها كف ثاني
لميا وهي توخره عن مها اللي تصيح ومي قادره تكلم : خااالد .... وخر عن البنت .....خالد حرام عليك البنت حامل
مها بترجي : عمي تكفى اسمعني للاخر ....تكفى عمي
خالد رحم حالها وقرر يسمعها وبصراخ : تكلمي .....شكنتي تسوي مع هـ الحقيـــر ... اللي راميك عندي وتزوج غيرك
مها : يبي يردني .... وقال انه بيطلق بيت خالته
خالد : و انتي وافقتي
مها : .....
خالد : ردي علي ....وافقتي تردين له
مها وهي تناظر بلميا تبيها توخر عمها بعد اللي بتقوله: ا...ايــ....ـــه
خالد زاد غضبه : ايــــه ......ليه .....ليه تذلين نفسك له ولامه .....ليه.....هالحقيــر مايستاهلك
ليه وافقتي ...انا مقصر معك بشي ....قاصر عليك شي
مها من بين شهقاتها : لا ....لا والله الشاهد انك ماقصرت معي ولا مع اخوي .... وان اللي سويته معنا دين على رقبتي
بس هذا زوجي .....وانا ماقدر اخليه ..... انت ماشفت حاله عمي .....كان مثل الغرقان ويبي احد يساعده
خالد بهدوء مفاجئ : تحبينه
مها واكبر علامة تعجب على راسها و ناظرت بلميا وباستغراب : شهالسؤال
خالد بنرفزه : ردي علي ....تحبيه
مها بعصبيه : ايـــه ....احبه ..خلااااص وطلعت ركض لغرفتها وهي تبكي
خالد ولميا ظلو يناظرون بـعض بعد اللي قالته مها ماتوقعو انها تحبه
بعد كل اللي سواهـ فيها هو وامه
:
:
:
بعد شهر
ميران نجحت بنسبه 98
ماكانت تتوقع هانسبه لانها من رجع عمر وهي كله عنده شتاقتله حيل
و فوقها صياح منار بنت اخوها كل شوي و امها تقولها عادي
انتي كنتي مثلها واكثر
.....
مها كل يوم وهي بحال مع هـ الحمل اللي ماذيها
ونجحت بنسبة 88 و مشعل كان مجهزلها قصر لحالها
بعيد عن امه هي بالبدايه كانت رافضه بس مشعل اصر
.....
مشعل طلق سهام .... و امه قاطعته من درت بالخبر
بس مشعل ما قال لها انه بيرجع مها وحط لها قصر لحالها....يقول كل شي بوقته حلو وهي مصيرها
تدري
.....
ريم و زياد
ام مشعل طلبت منهم ينقلو للرياض بالبدايه رفضو بس بتهديد من ام مشعل
رضو بالامر الواقع و نقلو للرياض
.....
عمر خطب بنت عمه دانه بعد الحاح من امه على كم دمعه مشا الحال بس هو من داخله
موافق بس عشان يرضي امه وبعدها بتخطب ريم لعبد العزيز وبيكون زواجهم بنفس اليوم
......
الساعه 9.30 صباحا
دخل قصرهـ وهو بقمة السعاده يدور امه : يمـــه .....يمـــه....وينك ....يمــــه
ام مشعل كانت تطالع تلفزيون وبدون نفس: شفيــك تصارخ ..... شصاير
مشعل راح لها ركض وباس يدها
ام مشعل بزعل : خيـــر ... هذا اسلوب جديد للاعتذار....اقولك هي من الاخر
لا تحاول ما بارضى
مشعل : يمه خلاص .... انسي اللي صار.... لا تخربين وناستي
ام مشعل : وشلي مخليك مستانس ....وانت مطلق بنت خالتك...وهي اللي تحبك وتمنى رضاك
مشعل بطفش : يمه ....خلاص ...هذا نصيبها ....المهم ....مبروك
ام مشعل بنظرات استغراب : مبروك على شنو
مشعل : صرتي جده
ام مشعل : شقلت
مشعل بفرح لا يوصف : مها ولدت
ام مشعل بفرح : جد .....شجابت .....لاتقول بنت
مشعل : لا يمه ....ولدين مثل القمر
ام مشعل بفرح اكثر: ولديـــن ....اثنين
مشعل : هههه. ... ايه يمه اثنين
ام مشعل تبوس ولدها : بالمبارك يايمه .... الله يخليهم لك ويخليك فوق راسهم
مشعل : الله يبارك فيك .....و مها يمه الحمدلله بخير
ام مشعل واللي نست تسأل عن مها : ايــه ...الحمدلله ....متى بتاخذني لهم
مشعل : انشااالله يمه ....بس خل ريم وزياد يقعدون ونروح كلنا
ام مشعل راحت بسرعه تقعد عيالها عشان يروحون المستشفى
:
:
الكل مجتمع على الغدا
ابو عصام : ها يا ام عصام .... الجماعه ردو عليك
ام عصام تناظر عمر : ام وائل ردت علي .... تقول ان البنت موفقه بس عندها شرط
ابو عصام : خير انشااالله شنو شرطها
ام عصام : تدري هي موظفه .... وتبي تستمر بشغلها
ابو عصام : شرايك عمر ...موافق على شرطها
عمر بدون نفس : موافق يبــه
ام عصام بفرح : بالمبااارك ياايمه ..... الله يوفقك ويرزقك الذريه الصالحه قول امين
عمر : امين
عبد العزيز : و انا يمه شصار بموضوعي
ابو عصام : هههههه ...... شفيك مستعجل
ميران : من الحب
عبد العزيز داس عـ رجلها بقوه : هههه ... لا يبه .. بس عادي مو مستعجل .....بس سؤال
ميران بهمس : اااااه يادب .....كسرت رجولي
عبد العزيز بنفس الهمس : احسن
ام عصام : كلمتهم .....يقولن البنت تبي وقت تفكر
:
قربتهم من امهم : مااشاالله ....يهبلوون .....مبروك ماجاك حبيبتي
مها : الله يبارك فيك
خالد : شبتسميهم
مها : مادري ...مافكرت
لميا : المفروض تفكرين من قبل .....خلاص انا بريحك وبختارلك
امممم....كرم و كريم
مها : لاااا شهالاسامي
خالد : مازن و ماجد
مها : لااااا عمي مابي بحرف الميم كافي انا و مشعل كلنا بحرف الميم
دخل مشعل و معاه امه و ريم وفراس
خالد من شاف مشعل طلع وحتى ماسلم عليه ولميا سلمت على ام مشعل وريم وراحت عند خالد
مشعل راح لمها وباس ايدها : حمدلله على سلامتك ....ومبروك ماجاك
مها بحيا : الله يبارك فيك
ام مشعل : مبروك ماجاك
مها استغربت من جية ام مشعل عندها توقعتها ماتفكر تسأل لاعنها ولا عن عيالها : الله يبارك فيك
ريم بعد ما سلمت على مها راحت تشوف عيال اخوها
مشعل : شرايكم بـ انتاجنا
مها ودها الارض تنشق وتبلعها من الاحراج
ريم : هههههه...الله يخليهم لك
ام مشعل : شبتسميهم
مشعل : مادري انا بخلي هـ الموضوع على امهم
فراس : سمي واحد ياسر
مها : والثاني
فراس : مادري على كيفك
مها : اممممم شرايك .... ياسر وناصر
فراس : ايه ...حلو
مها ناظرت بمشعل وبابتسامه : شرايك
مشعل خق عـ ابتسامتها
مها باحراج من نظراته : مشعل ...شفيك ..اكلمك
مشعل : ها ....شنو ماسمعت
ريم بتلميح : مو وقتك تسرح ....شرايك بالاسماء
مشعل : ايه ... حلوين .. دام حبيبتي هي اللي مختارتهم
مها ياااربي ...هذا شسالفته اليوم طايحلي مغازل قدام امه وبهمس: مشعل خلااااص شفيك
ام مشعل حست بحب ولدها لمها وفراس اللي من دخل وهو جالس بجنبها
حست انها ظلمت ولدها يوم اجبرته يتزوج بنت خالته وحمدت ربها ان مشعل
طلقها و ماخذها وظلمها معاه
:
:
وافقت ريم على عبد العزيز و حددو الملكه بعد شهر لين مها تتحسن
هالخبر زعل عبد العزيز كثير بس اللي خلاه يصبر كل هالمده يخليه يصبر شهر
اهم شي انها وافقت
:
:
:
:
مها رجعت لمشعل وعشت احلا ايام حياتي مشعل تغير 180 درجه بعد عمري
يدور رضاي ويخاف علي من الهوا
ياسر وناصر صار عمرهم 3 سنوات جننوني هالتوام مابقى شي بالبيت ماكسروه
وماعندهم غير يضربون باختهم يمنى هههه صار عندي بنت تشبهني بس عيونها مثل ابوها
وماخذه طبعي بالهدوء و اكثر شي قاهرني انها ماخذه طيبتي اخوانها يضربونها وهي ساكته
مشعل : مهااا .... تعالي خذي عيالك صكو راسي صياح
مها : حبيبـــي تحملهم شوي انا عندي شغل
:
:
ميران تزوجت زياد اخو مشعل بعد قصة حب ابتدت من زواج عمر وعبد العزيز
كنت طالعه اصور مع اخواني و هو كان نازل وشافني
زياد كانت اول مره اشوف بنت واخق عندها ههههههه بس هي ماقصرت
قـ..
ميران تحط يدها على فمه : بـــس ...زياد لاتذكرني
زياد : هههههههه ..طيب خلاص .....قرب منها يبوسها بس وقفه صياح بنته
تولين اللي صار عمرها سنه
زياد : يووووهـ بدات صياح
ميران هههههههه و راحت تشوفها
:
:
لميا انتقلنا لبيت جديد واكبر لان عايلتنا صارت اكبر
ملاك صار عمرها 5 سنوات
و منال عمرها 3
و فيصل سنتين
الله يخليهم لي كلهم طالعين علي هادين وخالد اشتغل مع ابو فراس
و بعدها فتح له شركة لتأجير السيارات
:
:
عمر تزوجت بنت عمي دانه بالبدايه كنت اعاملها معامله رسميه بصراحه كنت سخيف
بعد ماعرفتها ملكت قلبي وكل احساسي ونقطة ضعفي ابتسامتها
بس اشوف ابتسامتها اخق
ربي رزقنا بـ مؤيد الله يخليه لنا صار عمره 9 شهور
دانه فتحت الباب : عمور حبيبي ... الغدا جاهز
عمر : ماني جوعان
دانه قربت منه وباسته : اذا ما كلت انا بعد ما باكل
و رسمة احلا ابتسامه لانها تدري ان عمر بيدوخ قدام ابتسامتها
عمر : خلاص خلاص ....باكل ....يلا قدامي
:
:
عبد العزيز : يلا ريم .....تاخرنا عـ الطياره
ريم : يلا حبيبي .....بس البس ساره جزمتها
عبد العزيز: يلا انظرك بالسياره
تزوجت ريم وبعدها سافرنا للشرقيه عشان شغلي ..اشتغلت ببرمجة الكمبيوتر
جتنا ساره اول فرحتنا اللي صار عمرها سنه نسخة امها بس فيها شطانتي
وتحب تكسر العابها بس عشان تشوف شنو داخلها ههههههه مثلي يوم يوم كنت صغير
ريم وهي تدخل السياره : اسفه حبيبي ...تاخرت عليك
عبد العزيز يبوس يدها : عادي حبيبتي خذي راحتك ....انا من لي غيرك انتظره بالشمس
ريم : ههههههه
:
:
بالليل و بقصر مها الكل اجتمع يحتفلون بعيد ميلاد يمنى الاول
مها : ريان ....وين الشموع اللي شريتهم
ريان اللي صار عمره 7 سنوات : عطيتهم لـ ماما
مها : لميا ... وين الشموع
لميا راحت تجيب الشموع من المطبخ وانصدمت من شكل ياسر وناصر اللي جالسين وحايسين الدنيا بالشكولاته
لميا : مهااااااااا
مها راحت لها : شفيك تصارخين
لميا : طالعي عيالك شمسوين
مها شهقت بقوه وبعصبيه : شسويتو ....ليييييه ....وين ماري ...انا قايلة لها تشوفهم
ماري توها جايه ومعها اغراض كثير
مها : شنو هذا ....وانتي وين كنتي ...انا ماقلت لك شوفي ياسر وناصر .....طالعي شمسوين بنفسهم
ام مشعل من وراها : انا ناديتها .....كنت ابيها تساعدني ندخل الاغراض
مها راحت تسلم عليها : هلا والله عمتي ....تو مانور المكان والله ......ليه كل هذا مافي داعي
ام مشعل : والله هذا قليل كان ودي اجيب اكثر ......تستاهلين يابنتي .....الا وينهم اللي مطيرين عقل ولدي
مها : هههههههه ....اخذتهم لميا تبدلهم .....تسبحو بالشوكولاته
:
:
و بالمجلس ...
ميران وهي شايله بنتها اللي تصيح : هي ....سويره ليش تشدين شعر بنتي
ساره تناظرها بكل برائه وكنها ماسوت شي
ميران : لاتنظريني بـ هذي النظرات
ريم : شفيك على بنتي ....تعالي يمه عندي ماعليك منهم
شوي وتجي ملاك وهي تسحب منال من ايدها وتروح لامها : ماما منال
كله تشد شعر تولين
ميران تشهق : هذا انتي ......ظلمناك يا سويره ....اسفين
لميا : يمه روحي بوسي تولين .....شوفيها تبكي حرااام
جاهم ياسر ركض و ماشاف مؤيد اللي يحبي
دانه بخوف : لحظه ...لحظه لحظه لحظه ......ولدي
وشالته وهو صدم فيها وطاح عـ الارض
مها جات وهي شايله يمنى وشافت ياسر يوم طاح وشهقت : شفتك .....ليه واقفه بطريق ولدي
ماتدرين انه ماعنده فرامل .....كله يركض ومايعرف يوقف
دانه : اجل اخليه يدوس عـ ولدي
مها : ههههههه .....فراس ..فـــراس
فراس اللي صار عمره 10 سنوات : نعم
مها : حبيبي فراس ....شوف اخوك ناصر وينه ....جيبه و ناد ريان ...يلا عشان بنطفي الشمع
:
:
تجمع الكل حول الكيكه اللي عليها صورة يمنى : Happy pirthday to you
Happy pirthday to you
Happy pirthday to youmna
Happy pirthday to you
النهــــــــــــــــــــــــــــــايه...
**********************
اتمنى الرويه عجبتكم ....وانشاالله ماكنت ثقيلة دم و طفشتكم
ادري كنت اتأخر بالتنزيل لاكن والله ظروفي هي اللي تأخرني
ودي اشوف ردودكم وارائكم عـ الروايــــــه
****
شكر خاص ....لـ ...... Mi$s SwEeT
اللي ساعدتني فـ كتابة بارت من الروايه
بــــــــاي ^_^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫..
اللهم لك الحمد حتى ترضى وإذا رضيت وبعد الرضى ,,, اضف تعليقك