رواية غايتي ومناي بالدنيا غلاك -13
جواهر : ياللة عاد
موضــي ساعدت اختة بالطبخ
وراحت جواهر تبدل ملابسة ريحتهم طبخ
ولبست تنورة قصيرة تحت الركــبة لونة بني ومن فوق لبست بلوزة نص كم بدني
وحاطت كحل داخل العين بس وحطت روج بني خفيف
تركــي يتصل علية
تركــي : حبيتي انا عند الباب
جواهر : ياللة طلعت
راحت تعطرت بسررعة وفتحت الباب
سلمت علية وباسة في خدودة
وانحرجت جواهر
ودخلت معة المجلس
وكــان جـايب معاها كيس كبيرة
اللة اعلم وش فيها
تــركــي : جواهــــــر روحــي جيبي صحن وشوكة
جواهر : لية
تــركــي : انتي روحــي جيبيهم بالاول وجيبي معهم كاسين فاضين
جواهر جابت كاسين فاضين وصحنين وشوكتين مثل ما طلب منة تــركــي
جواهر : تفضل
تــركــي : جوجوي ممكن تدخلين داخل شووي لين اناديك
جواهر : ترووك وش سالفتك اليوم
تركــي : سمعي كلام زوجك ودخلي لين اتصل عليك
جواهر : انزين يازوجــي بندخل وبنشوف اخرتة
اتصل تركــي على جواهر
تــركــي : ياللة الحين تــعااااااالي
جواهر دخلت شافت تركــي جايب معاة كيكة وعصير ومرتب كل شي
جواهر : لية كل هــذا
تــركــي : انشاء تفكرين انــي ماراح اعطيك تاكلين كيكة من ايدي مثل باقي البنات
جواهــر : وانشاء اللة الحين بتسويها
تــركــي : اي ياللة قربــي
جواهر : تكفى تركــي ما ابي
تــركــي : ياللة عاد حبيتي تعالي
جواهــر : ترووك قلت ما ابي
تــركــي يمسك من ايدةة تعالي وبسك دلع
قصوا الكيك واكلتها واكله
بعدة
تركــي / والحين غمضــي عيونك يالغالية
غمضت جواهر عيونها
تركــي يجلس على الارض وهي كانت قاعدة على الكنب
ويقرب منها ويبوس يدينها
والحين فتحــي
تــركــي هاذي هدية بسيطة من حبيب قلبك تركــي
جواهر تضربها على صدرها يعني واثق
تركــي : مية بالمية
جواهر : مشكور حبيبي
تــركــي : عجبك
جواهر : لا
تــركي : ليـــــــــــــة !!!!!!!
جواهر : لان راعيها عاجبني اكـثر
تــركــي : ياعمري على هالكلام بموووت انا
جواهر : بسم اللة عليك من الموووت
تــركــي : وتخافين علي
جواهر : اذا ما خفت عليك من اخاف علية
تــركــي : يقووم ويقعد جنبة على الكنب
تركــي : جواهر سوال وبكل صراحة جاوبيني
جواهر : اسال
تركــي : حلفي تقولين الصدق
جواهر : بقول الصدق
تركــي : اول ما شفتيني وش قلتي بداخلك علي
جواهر : الصراحة انا اول مرة شفتك فيها مع ضاري
بالمجمع
تركــي : اي يووم يطيح العصير
جواهر : يعني لازم تذكرني بالسالفة
تركــي : انزين قولي وش قلتي
جواهر : سالت جنى وقلت لة من هالقرد اللي قاعد مع ضــاري
تــركـي : انا قرد
جواهر : ههههه امزح واللة قلت لهم من الحلو اللي قاعد مع ضاري
تركــي : اوووووو يعني عجبتك من اول مرة
جواهر : تقدر تقوول طيب انا اسالك نفس السوال
تــركــي : من اول ما عطيتني السيديات وانتي داخلة قلبي واول ما قالت لي امــي انها خطبتك على طول وافقت ولو اني كنت ما ابي اتزوج واحدة اسمها فية حرف الراء
جواهر : ههههه يعني حبيتني من اول سيدي
تــركــي :هههه ايو هاذي هي من اول سيدي
جواهر بدت تتقبل تــركــي بس في بعض الاحــيان ترجع تتذكر ضــاري لان اللي يحب مو بالسهولة ينسى وانشاء اللة تركــي مع الايام يقدر ينسيها ضااري
اما تـــركـــــي كان يموووووووت بجواهر بشكل غير طبيعي
داليا تكلم موضــي
داليا : وش اخبار اختك مع خطيبها
موضــي : الحمد للة والشكر هي خبلة وهوخبل
داليا : ياللة عقابلك
موضــي : انا غير محمد السلمان ما اوفق
داليا : انتي واللة محمد اخذ عقلك
وبهاللحظة ســامي دخل الصالة
وسمع اختة تقول لــ موضـي محمد اخذ عقلك
قعد سامي جنب اختة
داليا : ياللة انا اخليك مع محمد حبيب قلبك بــاااي
موضــي : بـــــاااي
داليا : باايات
ســامــي : من كنتي تكلمين
داليا : موضــي
ســامي تغيرت الوانة معقولة تكون موضــي تحب واحد
داليا : سامي وش فيك
ســــــامي : صرخ عليها ولا شــــــــــــــي وراح غرفتة
ويتذاكر اختة وهي تقول لها محمد حبيب قلبك
ـــــــــــــــــــــــــ
في بيت هيا ام فهــد
غــــــــرام في ليلة ملكتها
فستان تركوز قصير من فوق علاق على الرقبة
رافعة شعرها ومطلعة خصل ( يعني تسريحة كلاسيكية )
ومكياج بناتي ناااااااااااااااعم
فيصل شــاب طويل عريض شوووي اسمراني جــذاب عيوانة واسعة عسلية شوي خشمة طويل وملامحة ملامح اماراتية
شعره نااعم دائما يلبس بدل بحكم شغلتة ( فيصل يشتغل في الاخــراج والمونتاج ) والحين جايتة بعثة لمدة 3 سنوات بــ امريكــا
دخل عليها فيصل وماكــان مرتبك تدرون عندة خبرة من قبل
فيصل : مبرروك يا احلى عروسة
غرام (بحــيا ) اللة يبارك فيك
فيصل / يسلم قلب اللي يستحون واللة
شوفوا وجة غــرام وش صــار طمأاااطة
فيصل جاية مرة وحدة ياخي خلك حبة حبة
فيصل : ادري انك مترددة وخايفة من السالفة السفر بس انشاء اللة كل واحد يشارك الثاني في كل شي
وننسى الغربة وانا ما عندي مانع اذا حبيتي تكملين دراستك
فيصل : ماسمعت وش رايك
غرام : اللي انت فية انا فية
فيصل : اووووو مبين عليك زوجة مطيعة
غرام من داخلة اصبر واللة لـ اطلع عيونك بس خلني اتعود عليك
فيصل يقووم ويروح يقعد جنبة
غرام تقولون شافطة كهرباء
فيصل : لاتخافين ماراح اكلك
مسك يدة ويبوسة ويقول لها واللة ياغرومتي لــ اخليك اسعد وحدة في هالدنيا
وغرام بسررررررررررررررررعـة تسحب يدة
غرام بداخلة شكلة فري اووي
ــــــــــــــــــــــــــــــــــــــــــــــ
وبعــد ما طلع فيصل من عند غـــرام
جاتها موضــي وجواهر ورؤى وجنى
مبــــــــرووووووك غرومــــة
غرام : اللة يبارك فيكم وعقابلكم
جواهر : اكيد انا موضمنهم
غرام : لية تبين تاخذين غير تــركــي
جواهــر : سكتي لا تجيبين طــارية الحين يتصل
موضــي : غروم ياللة قولي لنا وش صــار
غــرام : ولد عمتك جرئ حده
رؤى : ياللة قولي لنا وش صــار
غــرام تقول لهم وش صاار بينة وبين فيصل
جنــــى : غـرام خطيبك رومناسي مو مثل خطيب بعض الناس اللي ساكت نص ساعة وحتى المسج فااااضي
جـواهـر : اقوول حدك لا تغلطين على تروك
جواهـــر اوووووووووووة ما قلت لكم تركــي وش سوى يوم يجيني اول امس
جنــى : وش سوى
جواهر : لا يروح بالك بعيد
بس واللة ما توقعت تركــي يسويها ابد
موضــي : خلصينا وش سوى
جواهر : تصدقون انة جاء وجايب معة كيك وعصير وقالي انة بيكلني بيدة
رؤى : يــــــاعيني
جنــى : انزين وبعدين
جواهر : اكلني و اكلتة والباقي ملكم شغل فية
غــرام : ياحظك جواهر عطاك فرصــة اسبوعين تتعودين علية مومثل فيصل
موضــي : لية وش سوى فيصل بعد
جواهر وغــرام : هــاذي السوالف ماتصلح لكم توكم صغار
رؤى وجنى وموضــي : مالت عليكم وعلى رجالكم
ــــــــــــــــــــــــــــــــــــــــــــــــــ ــــ
ضــاري ورؤى صــارو يكلمون بعض على المسانجر
جنــى بدت تحس بفــراغ كبير بعد ماانخطبت جواهر وغرام
رؤى كانت مشغولة مع التسجيل بالجامعة وموضــي كان عندها مـركز صيفي
وهــذا اللي خلى جنــى تحس بالوحــدة
سلطــان تعلق بصوت جنى وحب انة يتصل علية ويصااااارحة
سلطـــــان : السلام عليكم
جنى : وعليكم السلام
سلطـان : لو سمحتي اختي انتي اخت عصاام صح
جنــى : وانت وش دخلك
سلطــان : ممكن تجاوبيني لو سمحتي بدون صارخ
جنــى : شوف اخووي ترى انا مو من النوع اللي تعرفهم
سلطــان : انا ادري
جنــى : دامك تدري لية متصل
سلطان : راح اجاوبك وبكل صــارحة انا ماراح ابالغ واقول انا احبك واموووت فيك بس مــادري لية انا من دقيتي علي تسالين عن واحد اسمة ضاري وانا متعلق في صوتك
وحتـى لما اتصلت وسالت عن عصام ورديتي علي مادري وش صارلي
جنــى يوووم عرفت انة صديق عصاام سلطان على طول سكرت الخط
سلطـان كان يتصل علية بس هي ماردت
هو اتصل علية اكثــر من مرة لكنة قفلت جوالة
سلطــان يفكر ( ياربي لا يكون الحين تقول حق اخوها انا لازم اكلمها بااي طريقة وافهما انــي مو قــاااعد العب عليها )
ــــــــــــــــــــ
جنى من قفلت الخط من سلطان وهــي تفكـر فية وبكلامة لها مسكت الجوال بتتصل على رؤى ولا جواهر تقولهم عن اللي صــار واول ما فتحتة سلطــان كــان يتصل علية
ســلطان : تكفين لاتفقلين الخط انا ابي اكلمك
جنــى : قلت لك انا مـاعندي هالخرابيط
ســلطان : ادري وعلشان كــذا انا تعلقت فيك
جنــى : لو سمحت لا تتصل علي مرة ثانية قلت انا ما النوعية اللي خبرك
وقفلت الخط
وسلطان كبرت بعينة كــثير
ــــــــــــــــــــــــــــــــ
وش اخر التطورات اللي بتصير بين جنى وسلطان
ســامي بعد ما اكتشف موضـي تحب غيرة وش بيسوي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ســامي وهو في غرفتة معقووووووولة تكون من موضــي من هالنووع لا ياربي مـاصدق موضــي
بس اكيد هــذا واحد من عيال عمة وهم محيرين لبعــض
اةة اةة يــاربي احبه احبة انا الغلطــان لانــي مارحت وخطبتها على طول
ســامي كان في هالفترة كل معصب وحزين ومصدووم وشلون موضــي طلعت تحب واحد غيرة
ـــــــــــــــــــــــــــ
غــرام مــاباقي له غير شهر وتسوي لها حفلة بسيطة قبل مــا تسافر
مع زوجة فيصل
بدت تحبة وتتعود علية وهو بعد بدء ينسى خيانة من خطيبتة الاولـى
( فيصل كــان خاطب وحــدة واكتشف مع الايــام انها بنت مو مستقيمة وكانت تكلم غيرة )
ــــــــــــــــــــــــــ
موضـــي بدت تفقد مسجــات المتيم
وتقول في خاطرة اكيــد هو انسان لاعب يوم ما شافني عطيتة وجة سحب نفسة
والشيطان يقولها يمكن العكس يمكن حس ان انتي ماتبينة ولا تردين علية سحب نفسة بكرمتها
موضــي تعلقت بالمسجات صـارت كل شووي تفتح جوالها وتشوف اذا جاة مسج اولا بس لللاسف صــار لة شهر لاحس ولا خبر
ولا عـــرفت من هو يكون هالمتيم
فكرت تتصل على غرام وتقولها بس بعدين قالت غرام الحين مشغولة مع خطوبتها مابقي لها غير شهر وتسافر وان ازعجة بالخراابيط
ـــــــــــــــــــ
وكانوا مقررين يرحون نهاية الاسبوع البر
ولما كانت غرام تكلم فيصل
غرام : اقوول فيصل
فيصل : عيوون فيصل انتي
غرام : هالاسبووع احنا طالعين للبر وش رايك تجي معنا
فيصل : تجيني فرصة اشوف غرووووووووومة وما استقلة
غــرام : يعني بتجي
فيصل : وانا اقدر ارفض لك طلب يالغالية
ــــــــــــــــــ
ام عصــام : قووة جواهر
جواهر : اهلين جدتـي
ام عصام : هــا جواهر وش اخبارك
جواهر : انا الحمد للة انتي وش اخبارك وش اخبار جدي
ام عصام: كلنا الحمد امك جنبك
جواهر : اي لحظة شووووي
ام عصــام : هلا وش اخبارك
مريم : واللة الحمد للة انتي وش اخبارك واخبار ابوي
ام عصام : الحمد للة تمام دريتي يمة نورة زوجة عصــام حامل
مريم : واللة يمــة كم صار لها
ام عصام : توها بشهرها اول
مريم : اللة يتمم عليها انشاء وتولد بالسلامة
ام عصــاام : قلت اقولك تباركين لها واسالك متــى ناوين تسون زواج جـواهر
مـريم : واللة يمــة مــادري عنهم بس هــذا تــركــي بدء يجهز الشقة ويمكن يكون بعد شهرين
ام عصاام : مو كنة طولت فترة خطوبتهم
مـريم : هــذا كان شرط تركـي ان فترة الخطوبة تطول
ام عصــام : اللة يوفقهم
ـــــــــــــــــــــــــــــــــــــــــــ
وبــ طلعة الــبر
عند الحريم
جــواهر كانت متضايقة شووي كان ودة تــركــي يجي معهم بس كان معزوم على عرس صديقة ومـاجاء
ومــوضـي كل شوووي تفتح جوالة تشوف اذا جاها مسج او لا
جنــى كانت خايفة سلطان يتصل علية وتصير لها مشكلة
عند الرجــال
فيصل كل شوووي يمسك جوالة بيتصل على غــرام علشان يطلع وياها يتمشى شوووي بس يقول في خاطرة خليني اقعد شووي مع الرجــال
فهــد كان يطالع فيصل
فهــد : اقوول فيصل اتصل عليها صار لك ســاعة بتتصل ومتردد
فيصل : وش دراك عن اللي بخــاطري
فهــد : طالع شكلك كل شوي تمسك الجوال تتصل وبعدين تلغي الاتصـال
فيصل : يمة منك ســاحر ما يطوف عليك شي ياللة عن اذنك
فهــد : وووين
فيصل : برووح اتمشى مع خطيبتي
فهــد : ومن سمح لك
فيصل : ماحد انا سمحت لنفسي
فهـد : ارجع مكانك مــاراح اخليها تطلع معاك
فيصل : مومحتاج موافقتك
فيصل : اقووول عمــي عبد الرحمن
عبد الرحمن ( ابو غــرام ) : سم ياولدي
فيصل : ممكن اطلع اخــذ غرام ونتمشى شوووي
عبد الرحمن : اي يولدي غرام زوجتك
فيصل يلتفت لفهــد / شفت انــي مو محتاج موفقتك
فيصل وغــرام راح يتمشووون بالسيارة
،،،
ضــاري : فهوووود قوووم نفحط شوووي
بو ضــاري : اقعد مكانك وخل عنك هالخرابيط
ضاري : يبة خلنا نستانس شوووي
بوضــاري : اللة يلعن الوناسة اللي من ورى التفحيط
ضــاري : فهـد ياللة قوووم
بو ضــاري : طول عمرك عنيد
مشـــاري : لحظة بجي معكم
مشاري راح مع فهد بسيارة وضــاري بساراتة لحالة
وتمو يفحطووووووون ربع ســاعة
وفجــاءة يطلع لضــاري ولد عمرة 8 سنوات
نزل ضــاري من سياراتة
وشاف الولد متعور كثير وينزف دم
وبسررعة يجية فهــد
فهد : ضروووي انت اللي صدمتة
ضاري كان ميت من الخووف خايف ان الولد يمووت و يرووح فيها
فهد : ضاري جاوبني اللي صدمتة
ضــاري : وش اسوي هو طلع لــي
فهد : وش هالمصيبة يعني انت اللي صدمتة
مشــاري : خلونا نودي الولد المستشفى قبل ما يصير لة شــي
وبالمستشفــى
بو ضــاري حدة معصب
وكان يتحلطم ويقول قايل لك لا تفحط مايجي من ورا التفحيط غير المشاكل لاكنك ماتسمع عنيد واللي براسك بتوية
عصــام : هــدء نفسك يابو ضــاري انشاء الولد يقوم بالسلامة وتنحل المشكلة
بوضــاري : طيب الولد عرفتوا من ولدة
عصام : اي اسمة حمد جاسم حمد
بوضــاري : انا بروح اكلم ابو الولد واقنعة يتنازل وانا مستعد ادفع تكاليف علاج ولدة ولا ينسجن ضــاري
ضــاري : سجــن
برضــاري : هــا وش تفكر السالفة سهلة
عصاام : انا بروح اسال الدكتور عن حــالة الولد
ــــــــــــــــــــــــــــــــــــــــــــــــــ ـــــ
فهد وفيصل والجد وفيصل بعد ماوصلوا الحريم بيوتهم
بعدة راحـــو المستشفى
ـــــــــــ
رؤى كانت تصيح على ضااري خايفة علية ينسجن
دخلت علية اختة
غـــرام : صلي على محمد يارؤى انشاء اللة الولد يقوم بالسلامة
رؤى : علية الصلاة والسلام بس ياغرام لو الولد مــات وش مصير ضاري
غرام : تفألي بالخير يارؤى وانشاء الولد ماعلية شي انتي قوومي صلي وادعي لة يقووم بالسلامــة وانا بتصل على فيصل اشوف وش صار معهم
رؤى راحت توضت وصلت ركعتين
غرام : هلا فيصل
فيصل : اهلين غروم
غرام : هــا فيصل وش قالكم الدكتور على حالة الولد
فيصل : واللة للحين الدكتور ما طلع من عندة
غرام : وضاري وش اخبارة
فيصل :هو الحين بالتوقيف و مسكين حالتة حالة بس اللة يسهل
غرام : تكفى فيصل اول مــا يطلع الدكتور طمني
فيصل : من عيوني
ــــــــــــــــــــــــــــ
عصــام يكلم السستر لو سمحتي وين الدكتور
تاشر لة وتقولة على يدك اليمين
عصــام دخل على الدكتور
عصــام : ســلطان
سلطــان بالبداية خاف من شكل عصام لا يكون اختها قالت لة انــي مزعجة با اتصالاتي
سلطــان : هلا عصــام وش مرضك
عصــام : ماني مريض بس انت قول لي انت اللي تشرف على حالة حمد جاسم
سلطان : اللي صاير معة حادث
عصام : اي
سلطان : اي انا بس هو يصير لك
عصاام : لا واللة بس اللي صدمة ولد اختي ضااري وابي اعرف وشلون الولد الحين
سلطــان : واللة الولد متعور حيل وصــار لة كسر بالعمود الفقري واحتمال كبير انة ما يقدر يمشي
عصاام : ومافي امل للعلاج
سلطــان : احنا بكــرة بنسوي لة العملية وانشاء اللة خير
عصاام : في امل انة يطيب
سلطان : الامل موجود واحنا بنسوي كل اللي نقدر علية
سلطــان : انتو كلمتوا ابو الولد
عصام : راح بو ضــاري يكلمه
ــــــــــــــــــــــــــــــــــ
بو ضــاري : السلام عليك ياخوي
بوحمد : وعليكم السلام والرحمة
بوضــاري : انا ابو ضــاري اللي صدم ولدك
بوحمد : عقد حواجبة اهلين
بو ضــاري : انا مستعد حق كل تكاليف علاج الولد بس اللة يخليك الولد لا ينسجن هو توة صغير
بوحمد : بس لو كل مرة يصدم لة روح و احنا نتنازل عمرة ماراح يعقل
بوضــاري : اللة يخليك يابو حمد حط نفسك بمكاني ترضى ولدك يضيع مستقبلة
بوحمد : وحــياة الولد الصغير عــادي عندك وعند ولدك
بو ضــاري : واللي يسلمك يا بوحمد انا مستعد حق اي مبلغ تطلبونة
بوحمد : لازم تعرف يا بو ضااري مو كل شي فلوس انا مــاعندي غير هالولد لو صــار لة شي امــة وش بيصير فيها
بو ضــاري : اللة يصبرنا كلنا عن اذنك
حس انة مايبي يذل نفسة اكثر من كــذا
عصـام : هــا بو ضاري وش سويت مع ابو الولد
بو ضاري : مو راضي يتنازل بس انت قلي وش قالك الدكتور
عصاام : واللة مادري وش اقولك بس الدكتور يقول الولد تعور كثير وصار لة كســر بالعمود الفقري واحتمال ما يقدر يمــشي
بو ضــاري ضرب بيدة الجــدار ويصاارخ ياليتك سمعت كــلامـي ياولدي ياليتني اصريت علية انة مايقووم يفحط
عصااام : بو ضــاري انت روح ارتاح شكلك تعبان
بو ضــاري : ماراح ارتاح لين مايقووم الولد بالسلامــة
ـــــــــــــــــــــــــــــ
تــركــي ماكـان يدري عن اللي صاير
تــركــي اتصل على جواهر
تركــي : اهلين حبيتي وينك صــار لي سااعة اتصل وماتردين
جواهر : اهلين تــركــي
تركــي : جواهر للحين زعلانة لاني ماطلعت معكم البر
جواهر : لا
تــركــي : الا شكلك للحين زعلانة
جواهر : تركي قلت لك مو زعلانة
تركــي : اجل وش في صوتك
جواهر : لية انت مادريت
تركــي : وش عنة
جواهر : ضــاري
تــركــي : وش فية
جواهر : وهو يفحط صدم واحد وهو الحين بالمستشفى وابو الولد ماهو راضي يتنازل والولد متعور حيل
تــركــي : كل هــذا يصير وانا مــادري جواهر حبيتي انا اكلمك بعدين انا رايح لهم بالمستشفى باااي
جواهر : طمني تركــي
تركـي : اوكــي
ــــــــــــــــــــــــــــــ
فــاطمة راحت لــ ام الولد وترجتة يتنازلون
بس ام الولد قالت لها واللة انا مافي ايدي شي كل شي عند ابو الولد
وانا انشاء اللة احاول اقنعة انة يتنازل
ـــــــــــــــــــــــــ
ابو حمد يتنازل ولا يتم مصر على راية
لو اصر وش بيصير بحــال ضــاري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعــــــــد العملية واول مــاطلع سلطان من غرفة العملياات
عصــام : هــا ياسلطان وش صــار
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك