رواية زهرة ضامية -15
:كيفك يا البي اشتأت لك
:وانا بعد والله مشتاق
:مابدك تيجي تصوم معنا وافطرك بأيدي
:اعذريني والله مشغول وانتي عارفه ظروفي
: بس انا كتير مشتاقه الك كتير كتير
: تنهد من قلب لا تحريني بكلامك العسل وتخليني اجي وانا ما اشوف الدرب
: ههههه حبيبي يالله تعى لعندي لك تأبر عظامي
: يا علني ما اعدم هالضحكه
قريب ان شاء الله ما تدرين الا وانا عندكم
بفرحه : والله حياتي عن جد عم تحكي ايمتى ايمتى
قول
: خلاص يا نظر عيني قريب و بس
ويالله سلمي على اخوكي ولاتنسين
اللي وصيتك فيه
: اوكي يا روحي ما تحمل هم
:مع السلامه يا نظر عيني
:مع الف سلامه ياروحي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السادس عشر
ــــــــــــــــــــــــــــــ
ما عمري تلهفت على شي مثل ما تلهفت اني اكمل دراستي
وكانت دعوتي دايم
يارب يوافق يااارب
اني اكمل دراستي
اللي انا تخليت عنها بارادتي
والان انا اللي اسعى لها بكامل ارادتي
اعض اصابع الندم للوقت اللي فاتني
ابوناصر مارفض ولا وافق
سكت وسكوته مخوفني
ولما سألته بعدها بوقت
" وش قلت بالنسبه لرجوعي للمدرسه
سكت شوي وقال : افكر
وبعدها قالي
معزومين بكره عند ابو فيصل على الفطور
قلت له : ان شاء الله
عرفت انه ما يبي اكلمه لمن هو اللي يعطيني جوابه
وانا مالي الا اني ادعي يارب يوافق يارب
ـــــــــــــــــــــــ
جنان تكفين اختار أي موديل
جنان بنظرة تأمل : امممم انا عاجبني هذا
بس بعد هذا حلو
سلمى معصبه: قولي والله هالحين اخذت جواب منتس
قومي بس قومي هناء هي اللي بتفيدني
الا على دخلت هناء وشايله بنتها دانه
سلمى : الله جابتس تعالي شوفي هالموديلات
هناء : تبين نصيحتي
اختاري البسيط الي تقدرين تكونين فيه مرتاحه
سلمى: انا حابه هذا اكثر
بس صدر الفستان مررره مفتوح
هناء :عادي خوذي صد ر هذا وحطيه على هذا الفستان
سلمى بنظره لجنان : شفتي شلون هناء تفكر مو انتي
جنان : طيب هنوو وانا شوفي موديلي حلوو
هناء : يجنن اتوقع بيطلع احلى لو خليتيه
نفس لون هذا الموديل
واستمرن يتشاورن بالموديلات وتجهيزات سلمى
ــــــــــــــــــــــــــــــ
ها يمه ردت عليتس ام محمد
أي ياولدي مبررروك تقول تعالو الخميس
وجيبو الشيخ وخذ مرتك معك
مايبون عرس وطقطه
عبد الهادي : كذا بهالسرعه
ام عبد الهادي: أي وليش التأخير انت جاهزوهي جاهزه
عبد الهادي بتفكير : امم اقول لهدى والا اصبر شوي
ام عبد الهادي :كيفك انت وياها انا مالي دخل بكم
مير مرتك ما تنقرب
ــــــــــــــــــــــــــــــــــــــ
حاس بملل فضيع اتمنى اخلص هالكم شهر وارجع خلاص طفشت وخالد الي كان مونسني بغربتي مشغول بدراسته وتجهيز بيته
كنت مر يح على السرير فجأه دق التلفون
كان عبد الهادي
فرحت بأتصاله واستغربته نادرا ما يتصل علي
سلم علي وبعد السلام حسيته بيقول شي بس متردد
قلت له خير يا خوي تبي شي محتاج شي تراني سداد
قالي : مشكور يا احمد انا متصل ودي اني ابلغك
بزواجي وحبيت انا اقولك
"بصراحه ما انصدمت ابدا بقرار عبد الهادي
ومتوقعه "
قلت له : حقك عبد الهادي بس اختي لا تظلمها
رد علي : اختك بعيوني والله يعيني عليها لا علمتها
قلت له : استحملها تعرف ما امر من الضره على المره
ولابد انها بتزعل لها شوي
بس حاول تداري خاطرها وتراضيها
واحتوي زعلها عشان عيالكم
قالي: ان شاء الله وانهى المكالمه
:لا والله قل انك صادق
عبد الهادي بهدوووء شديد: ممكن تتكلمين معي
باسلوب احسن من كذا
هدى بسخريه اكبر : حاضر يا عبد الهادي
وضحكت باستخفاف
:الحين جايني وتقول انك بتزوج وتبيني اصدق
عبد الهادي : أي زواجي الاسبوع الجاي وهذاني اعلمتس
عشان ما تقولين لي ليه ما علمتني
هدى : وعساك تبيني احضر زواجك الميمون
عبد الهادي : والله انتي وذوقتس بس تراني
بسويه مختصر عشا واجيبها هنا
هدى بروود: قبل لا تجيب
عروستك تراني ابيك تطلقني
عبد الهادي ببرود اكثر :طلاق مارااح اطلق
وانا الان عاذرتس وش ما قلتي
وطلع وخلاها
هدى صفقت باب الغرفه وراه
: الله يا خذ ك انت والكلبه اللي بتاخذها
ــــــــــــــــــــــــــــــــــــــــــــــــــــــــــــ ـــــــــ
مرعوبه ياهناء شوفي يدي شلوون ترجف
هناءضمت كتوف سلمى :ياقلبي مافي شي يخوف
سلمى: هنوو خايفه من كذا شي الحياه مع خالد والغربه
وخايفه من وجوود بنته
انا مدري شلوون بيكون تقبلها لي والتعامل معها
اشياء كثيررره مضيقه صدري وخايفه منها
هناء: شوفي كل العرايس يمرن بهالاحساس
وبعد ما تواجهين الموقف وتتواجدين فيه بيرووح
كل شعور سلبي حسيتيه قبل
تدرين يووم زواجتس
بتمرين بكذا احساس وكذا موود وهذي حلاوة
يوم الزواج وتجهيزاته
سلمى: هنوو تتوقعين ترووح هالرجفه اللي فيني
واحساس الخووف
هناءبلهجه مطمئنه : اكييد بترووح وبيتبدل
بفرحه والله يستر ما ترقصين من الفرحه
ههههه
سلمى ببسمه : تخيلي بالله اقعدكم واقعد ارقص
ههههه هناء بضحكه مجنونه : هههه أي وتمسكين يد خالد وترقصوون سوا
سلمى بخبال : وبعز الرقصه اتعثر انا وياه وتصير سالفة الموسم ههههه
جنااان: بووووو وينكن مختفيات وش يضحكن
صوت ضحككن واصل تحت
هناء بعياره : سلمى تخطط ترقص قدام الناس يوم زواجها
جنان صدقت : لا تقولين يا قليلة الادب
سلمى وهناء فكن ضحك على تعابير جنان
سلمى : يا ختي وش فيها
هناء :لا اوزيدس من الشعر بيت بترقص هي وخالد
جنان نطت على سلمى وهي تضحك: يا خبله والله اني صدقت
الا سليم ما شفتي هدية ام حسين لتس
سلمى طيرت عيونها : لا تقولين انها جايبه لي هديه
جنان تهز راسها : أي والله تو ورتني اياها امي
تجنن اثرها تغليتس بس تكابر
هنا : جنان بلا مزح الحين ام حسين جايبه هديه لسلمى
جنان بتأكيد : والله العظيم انها جايبه تعليقه ذهب مع سلسلتها ومن النوع الثقيل
سلمى ما استوعبت الفكره : لازم اشوف عشان اصدق
ـــــــــــــــــــــــــــــــــــــــ
وصلت ليلة العيد وكانت بنتي شيري في يدي
دخلت البيت وكانت امي موجووده في الصاله
السلام عليكم ياقوووم
تهلل وجه امي من فرحتها فيني
حضنتها :كل عام وانتي بخير يمه
ردت : وانت بخيير يا قلبي
وشيري طبعا كانت لاصقه في رجولي
رفعتها وخليتها قدام امي
:يمااه شوفي شريفه الصغيره
ناظرت بنتي بتفحص وتمعن
وحسيت بنتي انكمشت من نظرات جدتها
قلت لبنتي :شيري شوفي جده شريفه
قالت امي بحزم : لا انا ماما شريفه لا تناديني جده
ياويلتس مني انتي وابوتس
ضحكت من كل قلبي على امي
ومدت امي ايديها لشيري
بس شيري تعلقت فيني اكثر : ااممم ما بدي مابدي
وهي تهز راسها رافضه تروح لجدتها
شريفه كلمتها بحنيه : تعالي ياقلبي
تعالي خليني اشوفتس زييين
شيري مستمره بتعلقها فيني
لمن دخل ابوي علينا
وتملصت مني
وطارت على جدها
: جدووو جدوو
نااصر فتح يدينه لها وحضنها بقوووه وشالها
وتبسم بفرح: هلا خويلد توك واصل
جيت وقربت من ابوي
ووسلمت على راسه
:أي يبه من دقايق
شيري : جدوو وشوشت جدها ناصر في اذنه
ضحك ناصر من كل قلبه
شريفه تبادلت النظرات مع خالد
"عرفتانابويوشيرييعرفونبعضمنقبل
بسشلووونهذاالليلازماعرفه
سألت ابووي: وش قالت لك
ناظرني ابوي ورد : سر بيني وبين شيري مالكم دخل
دخلت عليهم ام ناصر تتعكز على عصاه
: كأني سمعت صوت خالد
خالد ايه ياجده خالد وبنته توهم واصلين
وبسرعه راح وحضن جدته وسلم عليها بحراره
: والله ياسلمى يااني مشتااقن لتس
ابو خالد :هههه واي سلمى مشتاق لها اكثر
امي والا مرتك؟
خالد بضحكه من القلب
:هههههههه كلهن والله بس اكيييد الغاليه اكثر
وضم جدته اكثر
ام ناصر : اهوووه وخر عني خنقتني يا ولد
وهات لي بنتك اشوفها
ام ناصر : ماشاء الله تبارك الله ربي يحفظها مزيونه بنيتك
خالد يرفع بنته عن الارض ويبووس فيها : أي والله بنتي مزيونه طالعه علي
ام ناصر بمزحه : هههه مفارقك الزين
بنيتك ذي طالعتن علي
ناصر : ويضم كتوف امه انا اشهد يمه انتس
منبع الزين
شريفه لوت فمها ونادت خالد
:رح لغرفتك ارتاح توك واصل واكيد تعبان
ــــــــــــــــــــــــــــــــــــــــ
"بكره العيد
و الله على جو ليلة العيد
مسكت البيت ونفضته نفض ما خليت مكان ما غسلته ومسحته
حتى الزوليه اللي في الحوش غسلتها
على انها قديمه بس غسلتها
طلعت ثياب ابو ناصر وبخرتها وجهزت له غترته واغراضه
طلعت لي كاسة مويه وغسلتها وانكسرت ف يدي
وقطعت يدي قطع كبير
كان الدم ينزف بغزاره
عجزت اسيطر على النزف
اخذذذت منشفة المطبخ ولفيت فيها يدي
و امتلت بسرعه دم
بديت احس بالدووخه
وسيقاني ترجف
انهرت بارض المطبخ وغبت عن الوعي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السابع عشر
ـــــــــــــــــــــــــــــــــــــ
الله اكبر الله اكبر ولله الحمد
الله اكبر كبيرا والحمد كثيرا
وسبحان الله بكرة واصيلا
عيد وتكبير
عيد وصلاة
عيد ومن العايدين
عيد ومن الفايزين
عيد وعيادي
عيد ولبس جديد
عيد وحلاوه
عيد ووصال
عيد وتسامح
عيد سعيد عليكم ومعاكم
كل عام وانتم بخير
ــــــــــــــــــــــــ
من العايدين
مهجه: من الفايزين يا عمتي
امجد: من الفايزين يا امي
ها يا أمي جاهزه حتى نلحق الصلاة في مصلى العيد
ام امجد : ايوا يا ولدي يادووب نلحق الصلاة
فتوو يا فتووو
فتو اقبلت بفستانها الابيض وشعرها الملفوف بطريقه حلوه وعليه اكليل من الورد الابيض الصغير
: ايوا ياستي
ام امجد بحنيه واعجاب : ماشاء الله تبارك
أيش هادي الحلاوه يا بت
تعالي بوسيني وعيدي عليا
فتو بحيا : كل عام وانتي بخير ايا احلى ستو
ام امجد : افتحي يدك وخودي العيديه
فتو مدت يدها واخذت 100 ريال من جدتها
ام امجد : كل عام يابنتي وانتي بخير
فتو باست يد جدتها : وانتي بخير يا احلى ستو
امجد : هيا بسرعه
وخرجو لصلاة العيد مع بعض والفرحه تشع من وجووه المصلين
فرحين بالجوائز الربانيه
ـــــــــــــــــــــــــــــــــــــــ
طلعت انا وابو ناصر لصلاة العييد مع انه حاول فيني
ما اروح بس انا اصريت
البارح بعد ما غبت عن الوعي
ما صحاني الا صوت ابو ناصر وهو يسمي علي بلهفه
:زهره زهره بسم الله عليتس
وعيت عليه وهو يعطيني عباتي : البسي خليني واوديتس الطوارئ
وفعلا اخذني للطوارئ وخاطو يدي
ولفوها لي وعطوني مسكن لانها كانت مرره تعورني
وحنا بالسياره تحمد لي ابو ناصر بالسلامه
وقالي : خفت عليتس
والله احسبنتس متي
تبسمت بذبول : الحمد لله والله حتى انا احسب اني بموت
انجرحت والدم مارضى يوقف
وبعدها غبت
ابوناصر : انتبهي ياقلبي تراي بعدتس اضيع
انحرجت منه وبنفس الوقت انبسطت
ــــــــــــــــــــــــــــــــــ
العنود: ها خالد وين مقرر تجلسون في ليلة زواجكم
خالد :امي تقول مجهزه غرفة جديده لنا
بس انا ما ا ابي
حجزت جناح في الفندق
العنود تبسمت : أي خلكم في الفندق احسن
وبنتك شيري بتكون بالحفظ والصون
اصلا جدتي قالت لابوي ان البنت ما تسافر معاكم
خالد برفض :لا ما اقدر اخليها واسافر
لا زم اخذها معي
العنود: والله جدتك قررت وابوك وافق
وتدري احسن عشان تاخذ راحتك مع عروستك
وبعدها بفتره خذها عندك
خالد برفض : لا بنتي معي وماراح تنكد علي
العنود :خلاص تفاهم مع السلطات العليا جدتي وابوي
ــــــــــــــــــــــــــــــــ
فريزا انتي مقتنعه باللي بتعمليه ؟
فريزا : أي ميه بالميه اصلا هاد قراركنت عم فكر فيه كتير
وهلاءصار وقت التنفيذ
محمود: الله يوفقك ويتم عليكي
مبروك مقدما
فريزا بفرحه : الله يبارك فيك اخي
ــــــــــــــــــــــــــــــــــــــ
:بس وقفي مو معقول اللي تسوينه
:اقولتس بموت من القهر خليني
هيا بصرامه : وعيالتس وش ذنبهم تضربينهم
حرام عليتس
هدى بغل :ذنبهم انهم عيال عبد الهادي
انا انا هدى يتزوج علي
ولاا من يتزوج يتزوج صديقتي علي
بس هين والله لا انكد عليهم
هيا : يا بنت الحلال اهدي شوي وضمي عيالتس
وانتبهي لهم
هدى بتفكير : تدرين ما ابيه ولا ابي عياله
هيا عرفت من نظرة اختها انها خلاص باعت العيال وابوهم
:لا حول ولا قوة الا بالله الا عيالتس يا هدى ترى بتندمين
هدى : قلعتهم هم وابوهم
ـــــــــــــــــــــــــــــــــــــــ
يوم الزواج
.
.
.
.
في الصباح
سلمى قومي؟ يمه
:قايمه يمه
ام فيصل بحنيه جلست على السرير
ها يمه عسى نمتي زين
سلمى قربت من فخذ امها وحطت راسها عليه
: أي الحمد لله
ام فيصل تمسح على شعر سلمى
: طيب قومي افطري معي انا وابوتس
سلمى قامت بهمه :يمه انا بجهز الفطور
صحي خواتي
ونزلت للمطبخ ووجهزت احلى فطور لأحلى اسره
ــــــــــــــــــــــــــــ
بعد صلاة العشاء
في صالة الافراح
.
.
العنوود تعالي شوي لو سمحتي
العنود بابتسامه عريضه: هلا آمريني
هناء تبادلها البسمه : ما يأمر عليتس ظالم
سلمى هنا كان تبين
تسلمين عليها
العنوود بفرحه : الله وصلت يا قلبي عليها
هالحين بجيب شيري واجي ازعجتني
وهي تقلد صوت بنت اخوها : وينا العروس وينا
هناء : ياربي عليها تدنن البنيه ماشاء الله
غابت العنود دقايق ورجعت ماسكه يد شيري
بفستانها الابيض المنفوش والشريطه الساتان الحمرا
العنود دخلت مع هنا ءعند سلمى
وقفت العنود للحظه تتأمل جمال سلمى
: ماشاء الله تبارك الله
مــــاشاء الله وش هالزين تجننين يا قلبي
مبروووك وجت عند سلمى وحضنتها : مبروووك
الله يتمم عليكم ويبارك لكم ويجمع بينتس وبين اخوي بخير
سلمى بحيا وابتسامه : الله يبارك فيتس
سلمى شافت شيري واقفه ورى عمتها ابتسمت لها
ومدت يدها لها : تعالي هنا يا دلبي عليها
وسألت العنود: هذي بنت خالد
عنوده : أي وشالتها
وقربتها من سلمى
:شيري يا قلبي سلمي على خالة سلمى
مدت شيري يدها لسلمى
جذبتها سلمى وباست خدودها
: ماشاء الله تجنن
وش اسمها قلتي
ردت عنوده : شريفه
قالت شيري : لا اسمي شيري
سلمى بابتسامه من القلب
: شيري شرايتس تجلسين جنبي
وخاله هنا ء تصورنا مع بعض
شيري بفرحه : أي بدي صور معك
هناء : العنود اجلسي جنب سلمى خليني اصوركم
وفعلا صورتهم هناء كم صوره
وصورت شيري مع سلمى
سلمى : هناء تكفين امي وينها ما شفتها
هناء :امي جايه هالحين علمتها انتس جيتي
وراحت تنادي الخاله ام ناصر وام خالد
دخلت عليهم جنان :وااااو سلمى جيتي
وركظت لها
:ماشاء الله تهبلين روعه المكياج اشوى ما ثقلتيه
قربت منها وعدلت لها الطرحه
ونزلت الفستان على الارض بترتيب
ناظرت في شيري
:ياربي سلم قلبها من هالمزيونه
سلمى بضحكه : هذي بنتي وحطت يدها على راس شيري
جنان شالتها وقطعت خدودها بوس
: تبين احط لك روج شيري تمد شفتها
: عمتو حطت لي روج
جنان انهبلت على البنت : ياربي يسلم عمتو
عنوده ترى با أكلها تدنن
دخلت منيره زوجة فيصل : ماشاء الله كلكن هنا وعمتي تبي احد مع المعازيم انا بس بسلم على سلمى واطلع
: مبررروك يا قلبي مبروك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك