رواية غايتي ومناي بالدنيا غلاك -20
موضـــي : نــــــــــــــــــــــــايمة ولا ؟؟!..
جواهر : اقول عن القلت الحيا وقولي وش عندك
موضــي : واللة اسفة ازعجتكم
جواهر : يالبايخة قلت لك ناايمة
موضــي : انزين يالنايمة بكرة تعاالي عندنا البيت
جواهر : لية وش عندكم
موضــي : بكرة عاازمة سمووي على العشاء وابيك تجين تساعديني
جواهر : الحين كل هالاتصالات على شاان تقولين لي بكرة عازمة سمووي واللة ان انتي ماعندك سالفة
موضــي : انزين بتجين
جواهر : لا مــاني جاية انا جواهر زوجت تركــي اطبخ حق سموووي
موضــي : واللة كيفك بتجين ولا نسيتي اني تعبت وانا اطبخ حق المليق
جواهر : احترمي نفسك ولا ماراح اجي
موضــي : وابي طلب بعد
جواهر : وش تبين
موضــي : ابي عصيغ
جواهر : هههههههه باايخة
موضــي : انزين روحي كملي نوومك ولو اني اشك بس ياللة كملي نومــك واسفة مرة ثانية على الازعاج
جواهر : سكري بس يالبايخة
ــــــــــــــــــــــــــــــــــــــــــــــــــ ـــــــــــــــــــــــــــــــــ
الجــدة : الو
فهــد : هلا جدتي
الجــدة : فهوود وين امك
فهــد : ول جدتي حتى ماسالتي عني
الجدة : فهود عن الهذرة عطني امك
فهد : دقايق جدتي المستعجلة
فهـد : يمة جدتي تبيك
هيــا : هلا يمة
الجدة : هيا نورة ولدت
هيا : صدق يمة وش جاابت
الجدة : عباادي
هياا : مبروك يمة
الجدة : اللة يبارك فيك هيا انتي قولي لــ خواتك انا برووح عند نورة بالمستشفى
هيــا : خلاص يمة انا اقولهم واحنا نجيكم المستشفى
فهــد : يمة زوجت خاالي ولدت
هيا : اي وجابت ولد
فهد : وحليله خالي عصام صار ابو
هيا : وياللة انت بعد شد حيلك وتزوج خلني اشووف عيالك
فهد : لا حقين يمة على العيال وعلى الزواج
هيا : ياللة بس تزوج خلني اشوف عيالك قبل ما اموت
فهــد : اللة يطول بعمرك يمة وانشاء اللة بتشوفينهم
ــــــــــــــــــــــــــــــــــــــــــــــــــ ــــ
اليوم ســامي جااي عند موضـــــــــــــي
موضــي مسويها حق سمووي ليلة حمراء وشموووع ورود حمراء
موضــي لبست اللي اشترتها يوم تروح السوق مع داليا وفتحت شعرها وحاطت كحل اسود وروج احمـــــــر مغري
واول مافتحت لة الباب
ســــامي يصفر :: اووو وش هالجمال كلة كل هــذا لي
موضــي : سموووووي بس عاد خجلتني كــذا
دخلت موضــي مع ساامي لغرفة الجلوس
موضــي : حبيبي وش رايك بالمفجاءة اللي مسويتها
ســامي يقرب منها ويبوسها بخدها تجنن
موضــي : سمووي البدلة تجنن عليك
سامـي : لانك انتي مخترتها بس انتي اليووم لبسك فضيع
موضــي : تعال سمووي
يقرب منة زود
موضــي : ووجع مااقصد يعني تقرب مني كــذا
ســامي : انتي تقولين تعال
موضــي : هههه انا اقصد اني بقول لك شي
ســامـي : امري
موضــي : انت وشلون حطيت الوردة بشنطتي
ســامــي : هههههه واللة اني تعبتك هاذيك الايام
موضــي : ياللة خلصني وشلون حطيتها
ســامي : قلت حق الخادمة تحطها حبيبتي بصراحة من كنتي تتوقعين
موضــي : ماتوقعت احــد ابد
ســامــي : تصدقين اول ماجاني المسج اللي كاتبة فية جنووو عارفة حركاتك مت من الضحك
موضــي : تدري لية رسلت لك المسج
ســامي : لية
موضــي : لانــي مرة مسويها فيها مقلب وكاتبة لها مثل الكلام اللي كتبتها اول مرة وعلى طااري المسجات انت لية تسمع اغااني
ســامي : انتي وشلون دريتي انهم ااغاني
موضــي : دريت وبس
ســامي : يعني انتي تسمعين اغانــي
موضــي : لا انا ما اسمع بس بنت خالتي قالت لي ولاتضيع الموضوع تراني ماابيك تسمع اغااني
ســامي : تبيني اسمع محمد السلمــان
موضــي : نعم
ســامي : محمد السلمان حبيب قلبك
موضــي : حسبي اللة عليك يادليا اكيد هي اللي قالت لك
ســامي : حرام عليك لا تظلمينها
موضــي : انزين وشلون عرفت
سـامي : يوم من الايام كنت قاعد بالصالة وسمعت داليا تقولك محمد حبيب قلبك ومنة انقهرت وكانك تذكرين اني انقطعت عنك ماقمت ارسل لك افتكرت انة يكون ولد عمك وتحبينة ويحبك
بس يووم شفت المقابلة اللي كانت على شــدا تاكدت انة مو ولد عمك وفرحت كثير ومن اليوم رايح انسي محمد السلمان
موضــي : وش اسوي احبة
سامــي يقرصة بخدودها وش قلتي
موضــي : قصدي احبك
ســامي : اي كــذا ابيك
موضـــي عن اذنك شوووي
ســامي يمسكها من يدة قعــدي وين رايحة
موضــي : بروح اجيب لك العشاء
ســامي : انتي عشاي وانت غداي وفطوري وكل شي
موضــي : ياللة سموووي تركني خلني ارووح اجيب العشاء
ســامي : مــاابي عشاء بس ابي اشوفك يمــي قعدي
موضــي : لا شنو ماتبي عشاء يعني هالتعب اللي تعبته يرووح على فااضي بتتعشى يعني بتتعشى
راحـــت موضــي المطبخ
ومسكت اختها من خصرها مشكوره جواهر تعبتك معاااي
وووجع مااحب احد يمسكني كــذا
موضــي : لو الحين ترووك اللي ماسكك ماقلتي كذا
جواهر : انزين اخــذي العشااء جاهز
موضــي : تبوس اختها مشكورة حبيبتي
وتطلع من المطبخ
جواهــر : ميمي لحظة شوووي
موضــي : نعم
جواهــر : قبل ماتدخلين لســامي كــان فيك رووج والحين مافية ؟؟؟؟؟
موضــي انحرجت : جواهر تذكرين مرة قلتي لي لية مااشتغل محققة الحين انا اقول لك لية ماتشتغلين مدققة
جواهــر : يعني اللي فهمتة صدق
موضــي : صدق ويالوجة
جواهــر : من الحين بديتوا تبوس توا الناس على هالسوالف
موضــي : ووجع سكتي لا تسمعك امي
جواهــر : هههههههه كنت اتوقع تركــي اللي يسويها موســامي بس طلع العكس
موضــي : صدق دايم الساكت تطلع منه سوالف مانتوقعة
جواهــر : انزين روحي روحي حق سموووي وياللة مع السلامة
موضــي : بتروحين
جواهر : لية وش مطلوب مني بعد
موضــي : جواهر قعدي سمووي بيتعشى وبيطلع
جواهــر : لا بروووح ازور نورة قبل ماتنتهي الزياارة
موضــي : سلمي عليها
جواهــر : لية انتي ماراح تروحين لها
موضــي : لا برووح بس مو اليوم انشاء اللة بكرة
جواهــر : انزين ياللة بااي اخاف اطلع ومااشوفك بــاااي وباست اختها
ــــــــــــــــــــــــــــــــ
جواهــر : هلا ترووك وينك
تــركــي : عند الربع
جواهــر : متى بتجي تاخذنــي
تــركــي : متى ماحبيتي
جواهــر : ياللة اجل قووم شغل سيارتك وتعاال
تــركــي : اكيد بشغلها ولا شلون بتمشي
جواهر : ههههههه بــااي
تــركـي : باايات
طلع سامي من عند موضي مبسوط على الاخر يحس الدنيا ماهي شايلته
موضي صارت حلاله صار يقدر يقول لدنيا كلها انا احبها
ويدخل البيت وهو سرحان
ام سامي : ها يمه سامي جيت
سلم على امه وباس راسها
ام سامي : كنت عند موضي
سامي : اي يمه
ام سامي : اليوم رحت بيت خالتك منيره وتمت تصارخ زعلانه ليه ماخذت بنته نوف
سامي : وهو الزواج بالغصب
ام سامي : بس انت عارف نـوف تحبك من كانت صغيره وماكانت تتخيل انك تتزوج غيرها وانا اقول يايمه دام انت وموضي توكــم على البر
ســامي : لاتكملين يمــة انا لو يكون اخر يووم بحياتي اني اطلق موضــي مااطلقة
ام سـامي : ياسامــي انت الحين متعلق فيها صدقني يوم يومين وبتنسها
ســامــي : اللة يناسني اذا انسى موضــي
ام سامــي : سامي حبيبي انت فكــر صدقني بتلقى بنت خالتك احسن لك وموضــي انشاء اللة بجيها ولد الحلال غيرك
ســامــي : يمة انت قاعدة تطلبين شي من المستحيل
ويقوم يروح غرفتة وهو يفكر وشلون امة تطلب منة هالطلب وهي تدري انة يموووت بالتراب اللي تمشي علية موضي
ســـامي معقولة يقتنع بكــلام امة ويتزوج نوف ويترك موضــي بعد ماحبتة وتعلقت فية
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالسيارة
تركــي : حيااتي لاتتاخرين
جواهر : 10 دقايق
نزلت جواهر لعند زوجت خالة سلمت علية وكان الوقت متاخر
جواهر : هاحبيبي تاخرت
تركــي : لا مظبوطة عشر دقايق عشر دقايق
جواهر : تدري لية ماتاخرت
تـركـي : لان موعد الزيارة انتهت
جواهر : وجع مافي شي يطوف عليك
جواهر : صح ترووك ابيك بكرة توديني السوق اشتري هدية لزوجت خالي فشلت من شووي داخلة عليها يدي فااضية
تركــي : اوكــي بكرة العصر اوديك لان بالليل زحمة
جواهر : ماتفرق معااي
تركـــي : حريم عاادي عندكم اي ووقت اهم شي ترحون السوق
جواهر : حرام عليك انا ماحب السوق كثير
تركـي : بااين ماتعبتيني بــ روما
جواهر : لا هــذا غير اللي عندنا شبعانة منة يعني بخذ اللي ابية وبطلع
تركــي : بكرة نشووف
ــــــــــــــــــــــــــــــــــــــــــــــــــ
بــ امريكــا
فيصل : غروووم وش رايك نقووم نتمشى
غــرام : حبيبي ماالي خلق
فيصل : افاا مالك خلقي
غرام : لا واللة بس تعابنة شووي
فيصل : عسى ماشر
غــرام : ماادري راسي يعورنــي وفيني النووم
فيصل : طيب روحــي ارتاحــي بالليل نطلع اوكــي
غرام : اوكــي حــيااتي
ــــــــــــــــــــــــــــ
ســامي بعد ماكلمتة امــة بموضوع نوف بنت خالتة قرر يتصل على خالته ويتفاهم معة
ســامي : الووو
نوف : اهلين ســامي كنت متوقعة انك راح تتصل
ســامي : لو سمحتي ابي اكلم خااتي
نوف : دقايق
الغبية تتفتكر انا بيخطبها ومستحي يقول لها
نوف : يمة ساامي يبي يكلمك وشكلة بيخطبني واستحى يقول لي
الام : عطيني اكلمة بسرعة
ســامي : هلا خالتي وش اخبارك
االخالة : انا الحمد للة انت وش اخبارك
ســامي : واللة من اللة بخير بس حبيت اكلمك بموضوع واتمنى تفهميني خاالتي
الخــالة : يمة ساامي لاتكمل انا فاهمتك وعاارفة هالشي غصب عليك بس خلاص احنا ماعندنا مانع وانت مو اول واحــد بالدنيا يطلق
ســامي : نعممممممم خالتي فهيتني غلط انا اللي بغيت اقولة انــي مستحيل اتزوج نوف انا اعتبرها مثل اختي وانشاء اللة ربي بيرزقها باللي احسن مني
ولا تقعدين تصاارخين على امــي هــذا اختياري مو اختيارها
الخالة : يعني متصل علشان تقولي هالكلمتين اللي مثل وجهك اصلن بنتي ماهي ميتة عليك في الف من يتمناها
ســامـي : خالتي مافية داعي للزعل الزواج قسمة ونصيب
قفلت الخالة بوجة معصبة
ســامي مسكين جااي مبسوط من عند موضــي بس خالتة خربت علية الفرحة
ــــــــــــــــــ
اليووم الثاانــي
جواهر وتركــي راحوا للسوق
واول مادخلو كــان في واحــد يلاحق جواهــر
تركــي : ياللة جواهر ماخلصتي
جواهر : اوكــي هــذا اخر محل
دخلوا المحل وخــذت جواهر هـدية لزوجت خالة عصام
وتــركــي راح يحاسب
جواهر وقفت تنتظرة عند الباب
قرب منة اللي كان يلاحقها
وش تبين فية صــايع تراني احسن منة
تركــي في هاللحظة توة طــالع وشافة وشلون قااعــد يتحرش بزوجتة
على طوول بيروح يتضارب معة بس جواهر مسكته خلاص تركــي خلة يولي
تركــي عصب وصرخ عليها ياللة قــدامي
واول ماوصل البيت
تــركــي : وش قالك الكلب
جواهر : خلاص تركــي واحد قليل حيا لية تشغل بالك معة
تركــي : انا ولد هالكلب ماعلي منة بس انتي من اليوم ورايح طريقة لبسك بالعباية تغيرينها
جواهر : وش دخل الموضوع باللي صار
تركــي : الا لها دخل ومن بكرة عباية على الكتف مابي ولثام مابي البسي عباية على الراس وبرقع مثل اختك وعيال خالتك
جواهــر : نعم نعم واللة مو على كيفك انت تزوجتني وهــذي طريقتي ولانـي مغيرتة
تركــي يقرب منة ويهمس باذنها
جواهر ماراح اكثر كلام عباتك تتغير مفهووم ويدخل الغرفة ويناام ولاول مرة من تزوجوا ينام وهو زعلان من جواهر
بالصبح قعــدوا على الفطور وكل واحـــد سااكت ويطالع الثاني وعيونهم كل وحــد في شووق للثاني بس كل واحد يكابر
صوت التلفون
تركــي : الوو
ام تركــي : هلا يمة تركــي وش اخبارك
تركــي : انا الحمد للة انتي وش اخبارك واخبار ندووش
ام تركــي : احنا الحمد للة وش اخبار زوجتك
التفت عليها وقال جواهر بخير يمــة
ام تركــي : اليوم انا عازمة اخوك خالد وعيالة على الغــدا تعال وجيب جواهر معااك
تركــي : انشاء اللة يمــة
ام تركــي : مع السلامة
قفل الخط من امة
تركــي : اليوم امي عازمتنا على الغــدا بتروحين
جواهر : اوكــي
وراحت للغرفة تبدل ثيابها
ـــــــــــــــــــــــــــــــــ
جنــى ماباقي غير شهر على زواجة ولازم تستعجل وتروح للسوق وتجهز نفسها اتصلت بموضي علشان تروح معها
واتفقوا يقولون حق جواهر ورؤى يروحون معهم
ـــــــــــ
جنــى : هلا جواهر كيفك
جواهر : اهلين جنى انا الحمد للة انتي وش اخبارك
جنى : تمام انتي وينك ماعدنا نشوفك
جواهر : توني شايفتك ذاك الاسبوع
جنى : اووو اللة من يوم نروح الحديقة
جواهر : بتشوفيني الخميس
جنى : لية انتي موضي ماكلمتك
جواهر : وش علية
جنى : احنا بكرة بنروح السوق تدرين ماباقي شي على زواجي
جواهر :لا انا ماني رايحة معكم
جنى: لية
جواهر : بس ماابي اروح توني جاية من السوق امس
جنى : على راحتك بس مو تقولين ماقلتولي
جواهر : لا ماراح اقول وبعدين سكري اكلمك بعدين
جنى : وش عندك
جواهر : بطلع بــاااي
راحت جواهر تلبس عباتة اللي كانت تلبسها من قبل يعني ماسمعت كلام تركــي
تركــي مو من النوع العصبي كثير تم يناظرها وقال بــ داخلة تعناديني ياجواهر خليني ارجع واعرف اتفاهم معك
ـــــــــــــــــــــــــــــــــــــ
في بيت ام تركــي
جواهر سلمت عليهم وكــان باين علية الزعل وهي حااولت قد ماتقدر انة ماتبين لحـد شي بس جواهر يبين عليها مهم حاولت تخفي
ام تركــي : ماقلتي لي جواهر وش رايك بالمطبق زبيدي تركــي قايل لي انك تبين تذوقينة
جواهر : اي واللة خالتي من كثر ما اسمع عنة قلت ابي اذوقة وبصراحة عجبني تسلم يدك خالتي
ام تركــي : اللة يسلمك وكل ما اشتهيتيها قوليلي واسوية لك
فاطمة : اقول خالتي من جات جواهر مو معطتني وجة
ام تركــي : ههههه تغارين من بنت اختك
فــاطمة : مادري عنك خالتي مطنشتني من جيت
وتمت ام تركــي تسولف مع فاطمة ونــدى ماتحب قعدتهم راحت لغرفتها جواهر تفكر بتركــي اللي ماتدري من الحق معها ولا معه
قعدوا بيت ام تركــي لين الساعة 8 رجعوا لشقتهم
جواهر عافة ان تركــي بيفتح لة الموضوع علشان كــذا على طول دخلت للغرفة ونــامت
ـــــــــــــــــــــــــــ
صار لهم يومين من تزعلوا
واخير تكلموا
تركــي : اليوم انا بطلع مع ربعي تبين اوديك بيت اهلك
جواهر : وصلني بيت جدتي كلهم متجمعين هناك
تركــي : اوكــي ياللة قوومي اوصلك
ونفس الشي ماغيرت العباية
تركــي في داخلة هاذي بجد زودتها بس المرة الثالثة لي كلام ثاني معه
راحت جواهر بيت جــدتها
جنى : بسم اللة تقولين مانتي جاية
جواهر : تركــي طلع وقلت اجي اروح معكم
جنــى : يعني لو ماتركــي طلع ولا كــان ماجيتي
جواهر : خلينا من تركــي الحين وقولي لي وين بترحون
جنى : للحين مادري اذا جات موضــي نقرر
جواهــر : ومن بيوديكم
جنى : عصام
جواهــر : خالي عصام هنا
جنــى : اي فوق بشقتة
جواهــر : عن اذنك بروح اسلم علية
السلام خاالي
عصاام : اهلين خالي دخلي
جواهر : سلمت علية وباست راسة
عصاام : ها وش اخبارك
جواهر : انا الحمد للة بوعبد اللة وش اخبارة
عصاام : استحي على وجهك يابنت وقولي خــالي
جواهر : خالي ممكن اكلمك بموضوع
عصــام : حس انة مو طبيعية فيها شــي خير جواهر قولي وش عندك
جواهر : خــالي انت تعرف ان ماعندي صديقة اشكــي لة ورؤى وجنى وموضــي غرام مابي اقولهم بالموضوع خالي مالي غيرك اقولة
عصام : افا عليك قولي اعتبريني اختك اخوك صديقتك اللي تبينة
جواهــر : تركــي
عصام : وش فية
جواهر : انا وتركــي صار لنا يومين مانكلم بعض
عصام : انتو امــدكم تتهاوشون ماخذتوا غير شهر من تزوجتو
جواهر : وهــذا اللي قاهرني خالي صدقني يا خالي انا مالي دخل بالموضوع
وقعدت تبكـي
عصام راح للمطبخ وجاب لة موياة اهــدي انتي الحين وقولي لي كل شي
جواهر : من يومين رحت للسوق معة وكان في واحد يلاحقني وتم يلاحقني ولم تركــي راح يحاسب جاء وكلمني
ويوم رجعنا للبيت تركــي عصب علي وقال لي اني لازم اغير طريقة لبسي بالعباية وانا رفضت ومنها ماعاد يكلمني
عصام : اسمحيلي ياجواهر اقولك انتي الغلطانة
جواهر : نعممم
عصام : اذا تبين نصيحة خالك اللي يحبك ويخاف عليك سمعي كلام تركــي اول شي العباية على الكتف تسمى تبرج واللثام بعد يعني انتي تركيها علشان ترضين ربك وزوجك
جواهر : انت تشوف كــذا خالي
عصام : هـذا رياي صــدقيني بتكبرين بعيونة وروحي واعتذري منة
جواهر : اعتذر منة مستحيل
عصام : لية مستحيل لو هو الغلطان كان جاء واعتذر
جواهر : وانا بعد ماغلطت مامسكت الرجال من يدة وقلت لة تعال الحقني
عصام : بس طريقة لبسك تلفت النظر وهو من حقة يغار عليك ولو مايحبك ماكان غار عليك وياللة قومي مسحي دموعك خليني اوديكم السوق وانتي فكري بكلامــي
جواهــر : مشكور خالي ريحتني
عصام : انا خالك وقت ماتبيني انا عندك وانا عارف انك مقتنعة بالكلام اللي قلتة لك بس تبين من يقولة لك
باسته على راسة وضمتة اللة يخليك لي خالي ربي لايحرمني منك
ـــــــــــــــــــــــــــــــــــــــ
رؤى مارحت معهم قالت عندة اختبار وبتذكر
رحــوا للسوق ثلاثتهم
جواهــر : انا بروح اتمشى لحالي
موضــي : لية تعاالي معنا
جواهر : لا انتو بتمشون كثير انا باخذ اللي ابية وبروح الكفتيريا
جنى : خلاص احنا ذا خلصنا نجيك هنااك
جواهر دخلت محل العبايات واخذت لها عباية على الراس واخـذت شيلة وبرقع
وبعدة طلعت وشــافت فستــان قصير من فوق علاق عجبة كثير وخصوصا ان لونة اخضر وتركــي يمووت باللون
اخــذت الاغــراض وراحت لعند الكفتريا طلبت لة عصير وذكرت تركــي يوم تشوفة اول مرة مع ضــاري
موضــي : خلصتي
جواهر : من زماان
جــى : اجل ياللة قومــي عصام ينتظرنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك