رواية صرخات هادئة -21
غيوض:وش فيه وش تبي حنان
غرور:ماادري تقول خالد جاي يبي سعود بموضوع
شموخ:موضوع وش
غرور:وأنا وش عرفني
شموخ قامت بسرعه وطلعت كلمت تركي:الو تركي خالد جاي يبي سعود بموضوع
تركي:موضوع وش؟
شموخ:ماادري بس أكيد يبي يخطب غيوض
تركي:والله لذبحه
شموخ:بسرعه أخطبها قبل مايسبقك
*
نرجع لتركي وخالد
خالد:أنا سويت هالخطه كلها كنت عارف أنك تحب غيوض من زمان
تركي:وأنت ماكنت تحبها
خالد:لا كنت معجب فيها بس بعدين أكتشفت أني أحب أخت راشد
تركي:ومن متى؟
خالد:يوم كنا في المزرعه قبل زواج حنان
تركي:أف كل هالمده
خالد:هههههههههه ايه كل هالمده
تركي:حسبي الله عليك وكل هالمده مخليني احترق
خالد:والله وأنا وش أسوي لك انت ماتتحرك
تركي:وأنا كنت ظالمك
خالد:عادي الي صار صار,على فكره ترى غيوض تحبك
تركي رفع حاجب:وأنت وش عرفك
خالد:لا تفهم غلط أنا عرفت يوم طحت في ملكة غرور غيوض هي اول من شافتك وسمعتها تقول تركي أحبك
تركي بهدو:يعني ماكنت احلم
خالد ماسمعه:هلا؟!
تركي:لا ولا شئ
&&&&&&&&&&&&&&
بعد يومين
قرروا ملكة غيوض وتركي وخالد وجنا بعد زواج غرور
اليوم الي بيسافرون فيه راشد واهله الأمارات
غرور وهي تسلم على جنا وتحضنها وهي تصيح:بشتاق لك
جنا:حتى أنا بشتاق لك موت
أم راشد:الحين ليه البكاء كلها كم اسبوع وبتشوفون بعض
غيوض وهي تصيح:حتى طويله خلوا جنا عندنا
ام راشد:لالالا جنا نحتاجها ابوها يقول اشتاق لها
جنا دق جوالها:الو ......طيب
جنا بعد ماسكرت وهي تصيح:غرور راشد يبيك في المجلس
غرور راحت دخلت المجلس وهي تمسح دموعها...........
نهاية البارت
ردودكم ودعواتكم
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
البارت ياحلوين
البارت عشرين
جنا بعد ماسكرت وهي تصيح:غرور راشد يبيك في المجلس
غرور راحت دخلت المجلس وهي تمسح دموعها وبصوت فيه بحه من البكاء:هلا
راشد:ليه تبكين؟
غرور:ماكنت أبكي
راشد:ايه واضح.......وبأبتسامه: ترى كلها كم أسبوع ونشوف بعض
غرور:.........
راشد عطاها كيس:خذي
غرور:وش هذه؟!
راشد:جوال
غرور رفضت:شكراً مااحتاجه
راشد بأصرار:غرور خذيه أنا جبته لك هديه
غرور أخذته:شكراً
راشد:خلي الجوال مفتوح وردي علي ماتطنشيني
غرور:هههههه أن شاءالله
راشد أبتسم:ياللا روحي ناديهم تأخرنا على الطياره
غرور طلعت تناديهم وماقدرت تودعهم اكثر طلعت الغرفه وهي تبكي
بعد الوداع ركبوا السياره
غرور طلت بالشباك شافتهم يركبون نزلت دموعها راشد رفع راسه شاف غرور أشر لها مع السلامه وركب السياره ومشوا الى المطار
غيوض دخلت الغرفه :راحوا
غرور جلست على السرير وهي تبكي:أحبه ياغيوض أحبه وأحس أشتقت له من الحين
غيوض ضمتها
*
خلال الشهر
غرور وجنا وشموخ كل يوم في السوق ومعهم الحريم
راشد وغرور بينهم مكالمات خفيفه
تركي وغيوض احسن مايكون بينهم رسايل
ونفس الشئ مع خالد وجنا
&&&&&&&&&&&&&&
في الصباح
يوم زواج غرور وراشد
غرور مانامت من التوتر وماخلت البنات ينامون كانت رايحه جايه بالغرفه
جنا بعصبيه:غرور وجع حولتيني اقعدي شوي
غيوض:غرور صدق كأنك تولدين
شموخ:هههههههه الي يسمعك مجربه الولاده
غيوض:لا بس اشوفهم في الأفلام.......وبعبط:بعدين انا مريت بهالحاله يوم كنت في بطن امي كانت تخظني مثل اللبن
البنات:ههههههههههههههههههه
غرور:والله أنكم رايقين
حنان:سلام
وشافت غرور:غرور وش فيك؟
غرور وهي خلاص فيها بكاء:خايفه
حنان أبتسمت:من وش خايفه لاتخافين ولا شئ أنت بس أجلسي وأهدي كذا توترين نفسك اكثر
غرور جلست وغطت وجهها بإيدها وصارت تبكي ماقدرت تصبر أكثر
حنان جلست بجنبها:أوووه غرور الحين ليه تبكين؟
غرور وهي تبكي:خايفه من الزواج, خايفه من حياتي الجايه
البنات كلهم جلسوا حولها
شموخ:حياتك الجايه أن شاءالله بتكون حلوه
جنا:صدقيني بتكونين مبسوطه مع راشد
غرور من بين شهقاتها:مابي أروح واتركم مابي اترك امي لا خالد ولا أي احد مابي اترك غيوض.....وزاد بكاها
غيوض ضمتها وصارت تبكي معها:حتى أنا مابي أترك
شموخ ضربت غيوض:وجع بدل ماتهدينها بكيتي معها......ودمعت عينها:بكيتوني معكم
جنا رصت معهم:غرور أنا بكون معك
دخلت عليهم خلود شافت البنات كلهم يبكون:هههههههههههههههه وش هالدراما الي مسوينها هههههههههه
أم سعود:غرو...........وماكملت يوم شافت المسرحيه:وش فيكم؟
خلود:ههههههههههههه قاعدين يبكون
أم سعود:وليه تبكون أن شاءالله؟
حنان وهي تمسح دموعها:غرور بكتنا
أم سعود:وأنتم بدل ماتهدونها بكيتوا معها ياسلام عليكم.........ياللا قوموا كلوا علشان بتروحون عند الكوفيرا
غرور بدلع:مابي شئ
أم سعود:مايصير لازم تأكلين علشان ماتتعبين بعدين.....وأشرت للبنات يعني كلموها
شموخ قامت وسحبت غرور من يدها تقومها:قومي أنا عن نفسي جوعانه وأبي أكون حلوه في الزواج مابي اكون ذبلانه
جنا:وأنا بعد .....وسحبت غيوض:قومي أنت بعد
&&&&&&&&&&&&&&&&&&
في القصر
غيوض كانت لابسه ثوب أسود مافيه لا حبل ولا أكمام كان الظهر مفتوح ضيق من عند الصدر وبعدين يصير نفاش على الخفيف كان قماشه من التل الناعم وله ذيله طويله كانت حاطه قفاز من التل بيد وحده وعليه كرستالات صغيره على الأطراف وكانت مسويه تسريحه على الجنب وحاطه طقيه كبيره مثل الأسبانيات وكانت حاطه ميك أب لونه أسود وفضي وروج أحمر
شموخ كانت لابسه ثوب لونه أبيض من الستان ناعم وهادي ضيق بعدين يجي قطعه من القماش ذهبي يجي من الكتف اليمين وينزل تحت اليد اليسار فيه طويل يلتف على الجسم يتداخل مع ذيلة الثوب وعند الكتف اليمين فراشه كبيره كانت مسويه تسريحه حلوه وحاطه ميك اب لونه ذهبي وبني وأبيض وحاطه روج لحمي
جنا كانت لابسه ثوب لونه أخضر وليلكي خفيف ضيق قصير من القدام وطويل من ورى يكون القماش واقف عند الصدر مكسر وبارز كانت حاطه ميك اب ليلكي واخضر وروج فوشي
كانو البنات يرقصون وفرحانين وكان الزواج احسن مايكون
غرور وصلت القصر وتصورت كم صوره دخلوا عليها البنات
غرور كان ثوبها ضيق من الصدر عليه تطريز ثقيل بس حلو بعدين يصير نفاش مثل عرايس باربي وذيلتها طويله وطبقات كان وراها فراشه كبيره والظهر كان مفتوح على شكل سبعه كانت حلوه وكانت مسويه تسريحه ملمومه وحاطه تاج مثل الملكات وحاطه ميك اب عرايس حلو وحاطه روج احمر كانت حلوه وناعمه كثير
غيوض بأنبهار:وااااااااااااااااااااو تهبلين
خلود:قولي ماشاءالله
شموخ:ماشاءالله حلوه مررررررره
جنا:الله يعين راشد بتذبحينه
غرور دمعت
خلود بملل:اووووه غرور وبعدين معاك خلاص بنات أسكتوا لاأحد يكلمها من الصبح وهي تصيح والكوفيرا عشر مرات تعدل لها المكياج الحين بيخرب
حنان:أنا نفسي أعرف ليه تبكين ترى والله الزواج يهبل
غرور بصوت فيه بحه:أبي منديل
خلود أخذت منديل:أنا بمسح دموعك أنت بتخربين المكياج.....ومسحت لها دموعها
غيوض:غرور تصورتي
خلود:أيه تصورت كم صوره لحالها
دخلت أم سعود:بنات أطلعوا راشد بيدخل
غرور خافت:ألحين
أم سعود:أيه الحين ياللا بنات اطلعوا
طلعوا كل البنات الا جنا
دخل راشد وكان كاشخ كان لابس ثوب وشماغ أبيض مسويه كوبرا وبشت أسود وكان مسوي سكسوكه طالع جنان:السلام عليكم
أم سعود:وعليكم السلام
راشد ماسمع لرد أم سعود كان منبهر بشكل غرور(ماشاءالله قل أعوذ برب الفلق ملاك مو بنت)
غرورنزلت راسها على طول
جنا:ههههههههههههههه أحرجت البنت
أم سعود(الله يوفقكم): أنا طالعه
غرور على طول مسكت أيد أمها وناظرتها بترجي:لاتروحين
أم سعود باستها وبهمس:مايصير بروح أشوف الضيوف ..........وطلعت
جنا راشد بهمس:أكلت البنت بعيونك أرحمها هههههههه ,باي ياحلوه ههههههه.....وطلعت
راشد قرب من غرور الي كانت خايفه:كيفك
غرور كانت منزله راسها والدموع بعينها:...................
راشد رفع راسه بأيده:طالعه حلوه ملاك
غرور:.............
المصوره طلبت من غرور تحضن راشد بس غرور رفضت راشد حط أيده على خصر غرور وقربها لصدره ورفع راسها بأيده الثانيه وحط عينه بعينها المصوره أنبسطت
وصارت تطلب منها تسوي حركات جريئه وغرور أرتفع ضغطها ودها تطلع الجزمه وتضربها فيه أما راشد كان مبسوط على الأخير والكوفيرا مبسوطه من راشد
غرور خلاص تحس ودها تصيح جلست وبصوت فيه بحه شوي تبكي:خلاص مابي أتصور تعبت
المصور:بس دا أنتي ماتصورتيش كتير
راشد شاف غرور دمعت عينها:خلاص يكفي هذه الصور
المصوره:على راحتكوا
*
جاء وقت الزفه
جنا:ياللا الزفه وقفوا عند الدرج ولا تطلعون الا أذا سمعتوا الموسيقى ,غرور وين مسكتك
غرور بهمس:ماادري
جنا دخلت جابت مسكتها وكانت المسكه مظله معبيه ورود ويد المظله كانت سلاسل وبعدين طرفها أسواره تنحط على الأيد
جنا عطت غرور المسكه وقفلت لها اسوارتها:خلاص مثل مااتفقنا لاتخربون الزفه
راشد:أن شاءالله
جنا راحت عند البنات:بنات غرور تبين خايفه أخاف تخرب لزفه
غيوض:لا أن شاءالله الله يستر
شموخ:والله الي يشوف غرور يشوفها وحده ثانيه ماكأنها غرور القويه
جنا :يارب ماتخرب الزفه ولا يصير شئ
ووقف هو وغرور عند الدرج راشد حس بتوتر غرور مسك أيدها حس ببرودتها وشافها ترتجف ضغط عليها:أهدي لاتتوترين.......وسمع الموسيقى:ياللا أمشي
غرور كانت تحس بتوتر فظيع وتحس رجولها ماتقدر تحركها
راشد شافها واقفه ضغط على أيدها:غرور تحركي الزفه بدت........سحبها من أيدها بهدوء علشان تتحرك
غرور تذكرت كلام غيوض(غرور أرفعي راسك ولا تخافين لاتخلين أحد يضحك عليك )غرور رفعت راسها بشموخ ومشت
أول مانزلت درجه سلطوا الضوء عليها وصار كل درجه تنزلها تنور
وأنزفت على أغنية
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر
هي عروس النور في هذا الزمان *** هي ملاكٍ بس في صورة بشر
من غلاها انقول صلواعلى الرسول *** يا اللي شفتوها بقلبٍ او نظر
الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر
وجلست في الكوشه وصار الكل يبارك لهم من المحارم
مشت بأتجاهم وحده تمشي بدلع ووقاحه وهي بس متحجبه:مبروك راشد
راشد وهو منزل عينه:الله يبارك فيك وعد
الكل أنصدم من جراءة وعد
وعد سلمت على غرور وهمست بأذنها بغيره:لا تفرحين كثير هذه فرحه مؤقته راشد بيكون لي .......وراحت تاركه غرور بحالة صدمه
غيوض شافت شكل غرور من بعيد:أكيد قالت لها شئ الوقحه
شموخ قهرانه:ماتستحي جايه بكل جراءه تسلم على راشد
جنا:لا وبعد فاتحه وجهها
شموخ تناظر وين ماراحت وعد:شوفيها تضحك مع شهد ونور
غيوض ناظرت غرور واشرت لها من بعيد بأيدها مجنونه لا تهتمين فيها
غرور أبتسمت
راشد شاف أبتسامة غرور ناظر وين ماتناظر غرور شاف غيوض تسوي حركات ضحك بصوت خفيف:هههههه
أم راشد:ياللا قوموا جنا تقول قوموا بتشغل الزفة الي بتروحون فيها
راشد قام وقوم غرور معه
ومشوا على أغنية أنا من قلبي اشكركم
أنا من قلبي اشكركم **وأشكر من حضر هاليوم
حقيقة فرحتي تكمل **لشفت الكل قدامي
يأمي ياضياء هالكون **ياقلب ضمني على الدوم
حنانك عايشً فيني ** يانمش طول أيامي
أنا من قلبي أشكركم **وأشكر من حضر هاليوم
أبد ماأنسى وقفتك **اذا صاب الخفوق هموم
علشاني سهرتي الليل**كلامك بلسم ألامي
ياأخواني لكم قدرً** تعلى في سماي غيوم
معاكم عشت أنا الفرحه**واجمل واصدق أحلامي
*
غرور وهي رايحه
حضنت أمها وبكت
أم سعود:ياغرور لا تبكين خلاص
غرور كان جوابها البكاء
أم سعود عيونها دمعت
أم راشد:راشد خذ زوجتك وروحوا والا ماراح يخلصون بكاء
راشد مسك غرور من ذراعها بهدوء:خلاص غرور ياللا أركبي بكره بجيبك عندهم
غرور ركبت السياره وهي ماوقفت بكاء الى أن وصلت الفندق نزلوا
في الفندق راشد نزل البشت وجلس على السرير شاف غرور واقفه مكانها:تعالي أقعدي ليه واقفه
غرور مشت بخطوات هاديه وجلست على الكنبه
راشد بهدوء:ماراح تغيرين ثوبك؟!!
غرور:..............
راشد عرف انها خايفه دخل الحمام ياخذ شور
&&&&&&&&&&&&&&&&&&
في القصر الكل كان رايح
في حوش القصر الخارجي
شموخ كانت طالعه بعاباتها بس وقفها صوت جنا:شموخ
شموخ لفت عليها:هلا
جنا:بتروحين الحين
شموخ:أيه خلاص تعبانه
جنا:طيب أنتظري أحنا البنات بنجي معك
شموخ:والباقين؟!
جنا:سعود أخذ خلود وخالد أخذ أم حنان وحنان راحت مع زوجها وأمي خالتي بيقعدون مع الشغالات يتأكدون أن مافي شئ نسوه وأحنا البنات تعبانات نبي ننام
شموخ بتعب:اوكيه أنتظركم.......دخلت جنا تنادي البنات
*كان في شخص سمع أسم شموخ لف على طول :هذه مو معقوله تكون شموخ,بس نفس الصوت,أذا كانت هنا وش تقرب لهم
ومشى لعندها:شموخ
شموخ لفت :أيمن!!!!!!!!
أيمن:أنت تقربين لأهل الزواج
:ياسلام لا والله
شموخ وأيمن لفوا بأتجاه الصوت
شموخ بخوف: تركي
أيمن:تعرفينه؟!!!!!!
تركي بعصبيه:أيه أنا أخوها
أيمن(ياسلام رحنا وطي) وبهدوء:تركي........
تركي قاطعه بصراخ:شموخ روحي السياره
شموخ راحت وهي ترتجف
أيمن:تركي أنا ماكنت ........
تركي دفه بأيده على صدره وبصراخ:ماكنت وش ها؟ تكلم.........وصار يدفه
أيمن يحاول يفهمه:تركي أسمعني
تركي:مابي أسمع منك شئ
أيمن مسك تركي ولزقه بالجدار وبعصبيه:تركي والله ماكنت أعرف أنها أختك ولا بيني وبينها شئ
طلعوا البنات شافوا الهوشه
غيوض:تركي
تركي صارخ:داخل
البنات كلهم راحوا السياره عند شموخ بيفهمون منها السالفه
تركي بعده عنه:أبعد ماتوقعتك حقير أنت خنت صداقتنا
أيمن:تركي.....
قاطعه تركي:مابي اشوفك ابد خسارة ياايمن خساره صداقتنا وطلع ركب السياره
شموخ وهي تبكي:تركي
تركي رمى عليها شريط بس ماجاء عليها:مابي أسمع ولا حرف حسابك معي في البيت
شموخ سكتت علشان الموضوع مايكبر بس خلت لدموعها الحريه
البنات ماكانوا فاهمين السالفه
غيوض(يمه يخوف أذا عصب)
&&&&&&&&&&&&&&&&&
راشد طلع من الحمام وهو لاف على خصره منشفه
غرور شافته نزلت عينها وصارت تلعب بأصابعها
راشد أبتسم:قومي غيري ثوبك
غرور قامت وهي ماتناظره دخلت الحمام وأخذت نفس:ياربي أنا وش فيني خايف ماكأني أعرفه
وصارت تفك التسريحه وأخذت لها شور بارد علشان يهديها
وبعد دقايق طلعت وهي لابسه قميص نوم عرايس لونه أبيض حرير وناعم وتاركه شعرها مفتوح على كتفها
راشد أول مافتحت الباب ناظرها من فوق الى تحت
غرور حست بأحراج من نظراته حطت أيدها على رقبتها وصارت تحكها دليل الأحراج
راشد أبتسم:تعالي كلي طلبت لك ورق عنب وعصير كوكتيل
غرور هزرت راسها:مابي شئ
راشد:مو على كيفك تعالي كلي لأكلك بالقوه
غرور عرفت أنه يسويها قعدت بهدوء بعيد عنه
راشد فتح غطاء الصحون:ياللا كلي
غرور ناظرت الأكل(ماخلى ولا شئ الا وجابه)
راشد مد لها شوكه:خذي
غرور مدت أيدها وهي ترتجف وأخذت الشوكه وتلامسوا أصابعهم توترت(غرور أهدي ترى راشد مو أحد غريب يعني حافظته)
وبدت تأكل بهدوء
&&&&&&&&&&&&&&&&&&&
تركي وصل غيوض وجنا للبيت بعدين وصل بيتهم
تركي نزل من السياره بعصبيه وفتح باب شموخ وسحبها من أيدها بقوه:تعالي يالحيوانه
شموخ بألم:أي تركي تعورني
تركي دخلها داخل البيت وترك أيدها وبصراخ:من وين تعرفينه؟
شموخ وهي حاطه كفها على أيدها وبتلعثم:هو ..هو
تركي بصراخ يهز البيت:تكلميييييييييي
نزلت أم تركي وابوه على صراخهم
أبو تركي:وش فيه ليه تصارخون
تركي ماكان يسمع أو يشوف أحد الا شموخ:شموخ تكلمي لأذبحك
شموخ:هو دكتوري بالكليه
تركي :وتتكلمين معه عادي ها؟
أبو تركي:تركي شموخ فهمونا وش السالفه
شموخ:لا والله هذه أول مره أشوفه
تركي بتكذيب:أول مره تكذبين على مين أنا شفته يكلمك عادي
شموخ ببكاء:والله مااكلمه كل الي بينا دراسه هذه اول مره اشوفه
تركي:وليه ماقلتي لي أنه صديقي يكون دكتورك تكلمي؟
شموخ بصراخ دفاع عن النفس:وأنا وش عرفني أنه صديقك شايفني قاعده عندكم والعب معكم
تركي عطاها كف قوي:تكلمي معي بأدب
شموخ طاحت من قوة الكف
أم تركي حطت أيدها على فمها
أبو تركي بعصبيه:تركي!
تركي لف على أبوه:والله أن شموخ طلعت من البيت لأذبحها........وطلع من البيت
أم تركي حضنت بنتها شموخ:وش فيه تركي
أبو تركي بصرامه:وش كان يقول تركي مع من شافك
شموخ قالت لأبوها كل شئ:والله يايبه والله مااكلمه هو اليوم وقفني قال أنت تقربين لأهل الزواج......وصارت تبكي
أبو تركي بحنيه:مصدقك يابنتي خلاص الحين أنت روحي نامي وانا بفهم تركي
طلعت شموخ غرفتها ونامت وهي تبكي
*
عند أيمن المقهور من تصرف تركي(ياربي أكيد بيسوي لها شئ,يالله وش هالصدف شموخ تطلع أخت أعز أصدقائي,أنا بكره لازم أروح أفهمه)
&&&&&&&&&&&&&&
اليوم الثاني في الصباح
تركي ماجاء البيت كان طول الوقت يلف بالسياره وبعدين راح شغله
البنات جوا عند شموخ لأنها نادتهم
غيوض:ماله حق صراحه سخيف
جنا تحاول تهدي الوضع:أكيد كان معصب بس أبوك بيقول له وهو بيفهم
غيوض:غلطان المفروض مايضربك
شموخ وهي تبكي:هذه أول مره يصير كذا مااحبه يزعل مني
جنا:غيوض ليه ماتكلمين تركي وتفهمينه
غيوض بسرعه:لالالالالا مافي أمل
جنا:وليه مافي امل
غيوض:كذا بصراحه أخاف
شموخ عجبتها الفكره وبترجي:أمانه ياغيوض كلميه من أمس ماجاء وهو أكيد بيسمعك وبيفهم عليك
غيوض بتردد:بس
شموخ:الله يوفقك ياغيوض كلميه
غيوض:طيب .....ودقت على تركي:مايرد
شموخ:حاولي مره ثانيه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك