رواية صرخات هادئة -20
راشد:وش فيها ؟!!!!!! شفتي لبسك كيف الظهر طالع والفخذ طالع
غرور كانت لابسه ثوب أبيض طويل ضيق على الجسم كانت قصة الصدر سبعه ومن الظهر كان مفتوح وبنص الظهر كان حزام كرستال وكان عادي وبسيط بس روعه عليها فيها فتحه للفخذ وحطت ميك أب فضي وأسود وروج أحمر صارخ
كانت غرور متصوره على جنب كانها طالعه الدرج كانت مبينه فتحة الظهر والفخذ
غرور أستحت:مالك دخل تصورت وخلاص
راشد:بس جد حلوووووووه بصراحه فاتني ماشفتك يوم الزواج
غرور حمرت خدودها من الحيا:راشد خلاص قوم نروح السوق
راشد ضحك على حياها:ههههههههه خلاص ماراح أعلق
وكان يشوف الصور شاف صورتها هي وسلطان كانوا يضحكون كان أعمارهم 9 سنه ضيق عينه
غرور حست بضيقه أشرت على الصوره الثانيه:شوف هذه وأنا راكبه الخيل
راشد أبتسم وصار يناظر الصور شاف غرور وأبوها كان ابوها شايلها على كتفه وهي تضحك راشد لف الصوره بسرعه
غرور أبتسمت بحزن:الله يرحمه
راشد بهدوء:الله يرحمه .......وشاف الصوره الي بعدها كانت غرور عمرها 13 سنه مع خالد وكانت ضعيفه:هنا كنت ضعيفه بالحيل ليه؟
غرور:هنا كان نفس السنه الي مات فيها ابوي الله يرحمه
راشد:اها..(ياربي ابي أنسيها ذكرتها) وشاف الي بعدها كانت غرور لابسه نفس لبسها الي في الصوره مع خالد وكان في شخص حاملها وهم يضحكون
راشد ضيق عينه:هذا مين
غرور على نياتها:هذا جاسم هنا كنت طفشانه وكان يبيني العب وانا رفضت حملني يبي يرميني في المسبح
راشد:وليه متصوره معاه أساساً كيف كنت تقابلينه؟
غرور:عادي كنت صغيره عمري 13
راشد عصب:لا مو عادي ومحتفظه فيها .......وأخذ الصوره
غرور بتعجب:ليه طلعتها
راشد:بقطعها ماله داعي تحتفظين فيها مابي أشوف ولا صوره للخايس جسوم
غرور عصبت:مو على كيفك راشد رجعها مكانها
راشد:ماراح ارجعها
غرور سحبت الصوره وراشد سحبها الى أن أنقطعت
غرور شهقت:أنقطعت
راشد ماأهتم:أحسن أنا ابيها تنقطع
غرور قامت وهي معصبه أخذت الألبوم والصوره المقطعه نصين:أنت أناني وماتترك عنك التسلط ابد
تحب تفرض سيطرتك على كل الأمور ماتهمك أن كان يأذي الشخص الي قدامك
راشد عرف أنه غلط بهدوء:غرور
قاطعته غرور:مابي أسمع منك شئ , مابي تسلطك ..... والدمع بعينها:مابي حنيتك
وبصراخ:مابيك أنت,أنت مابيك........وطلعت وهي تركض
راشد بتأفف:أفففففف ياربي .........وطلع من البيت
&&&&&&&&&&&&&&&&&&
اليوم مر على الجميع
تركي الي كان مبسوط والدنيا مو سايعته من الفرحه عزم أيمن على العشاء
غيوض الي كانت فرحانه وكانت طول الوقت تناظر الأسواره الي في أيدها وتغني الدنيا حلوه وأحلى سنين
ودقت على رهف واعتذر لها وقالت انها ماتحب الا تركي وانه تركي اعترف بحبه لها رهف تضايقت شوي على اخوها وفرحت كثر لغيوض
جنا كانت طول الوقت تفكر بخالد والمواقف الي صارت معها وخالد نفس الشئ
غرور الي كانت متضايقه طول الوقت وقهرانه(ليه مره يصير حنون ومره قاسي ومتسلط ليه مايطلع دائما حنون مثل خالد ,ياربي على حظي)
راشد (أنا ليه كل مااشوف جاسم او اسمع صوته يطلع لي شياطين الدنيا,خلاص البنت صارت لي ,بس قهر أحسها ماتحبني ماادري أطلقها وأنساها بس احس أني تعلقت فيها,يارب يساعدني)
*
اليوم الثاني
عند تركي دخل على الضابط:أنت طلبتني
الضابط:أيه أقعد ياتركي
تركي جلس
الضابط:تركي أنت طلبت نقل صح؟
تركي قلبه دق:ايه
الضابط:خلاص بيتم نقلك للأبها
تركي قام من الصدمه:بس............
نهاية البارت
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
البارت وصل
قراءه ممتعه اتمنى تنال اعجابكم
البارت التاسع عشر
اليوم الثاني
عند تركي دخل على الضابط:أنت طلبتني
الضابط:أيه أقعد ياتركي
تركي جلس
الضابط:تركي أنت طلبت نقل صح؟
تركي قلبه دق:ايه
الضابط:خلاص بيتم نقلك للأبها
تركي قام من الصدمه:بس............
الضابط:بس وش؟
تركي :أنا غيرت راي ابي الغي طلب النقل
الضابط مستغرب:مو أنت طلبت النقل؟
تركي:أيه بس الحين أنا مابي أنتقل
الضابط:أسف مااقدر ألغيه ياتركي
تركي خاب أمله(ياربي أنا اطلع من شئ ادخل بشئ) وقام طلع وهو متضايق
&&&&&&&&&&&&&&
في بيت أم سعود
راشد دق على جنا وقالها تعالي
جنا نزلت وبأبتسامه:هلا راشد آمر
راشد يرد لها الأبتسامه:مايآمر عليك عدو ,أبيك تخلين غرور تنزل أبيها
جنا:ألحين منزلني علشان كذا كان خليت كالي تناديها
راشد:أش وجع غرور ماراح تنزل اذا عرفت أني أنا ابيها
جنا:وليه ماتنزل لايكون متزاعلين
راشد بطفش:ياربي على الحشريه ,أيه زعلانه علشان امس قعدتها وماوديتها السوق
جنا وهي تتخصر:وليه ماوديتها السوق؟
راشد عصب:جنا وجع وبعدين معاك تحقيق هو سوي الي اقلك عليه
جنا:وش تبيني اسوي؟
راشد:تصرفي قولي أي شئ اهم شئ نزليها
جنا بطفش:طيب امري لله تعبتوني معكم تزوجوا وخلصوني
راشد:أقول روحي وعن الهذره الزايده
جنا:على فكره تراها مانامت من امس يعني لاتقول شئ يزعلها وتكسر الدنيا على راسك
راشد:طيب روحي
*
جنا دخلت على غرور الي كانت في الصاله الفوق قاعده تشوف تلفزيون وحولها طقطقه"يعني شبسات وشوكولاتات وحب ووووووو.... ألخ
غرور كانت قاعده متربعه وحاضنه مخده الكنب وتأكل حلاوة مصاص كانت لابسه بيجامه طويله لونها فسفوري مرسومه عليها الجاسوسات>>>>>>تعرفونهم الي يجون في mbc3
ومجدله شعرها جديلتين ولافتهم بشرايط ورديه
جنا مو عاجبها الوضع:هيه انت من امس على نفس الحال
غرور ساكته منها وتتابع فلم هندي jab we met>>>>>أنا تابعته أنا واختي 5 مرات ماامل منه ابد
جنا طفت التلفزيون
غرور وهي منسجمه:جنااااااااااا وجع شغليه تحمست
جنا:تحمستي الي يسمعك يقول هذه اول مره تشوفينه ماكأنك ثالث مره
غرور وهي مالها خلق:الحين انت وش تبين
جنا:ليه مانمتي
غرور:النوم هرب مايبيني في شئ ثاني
جنا:هههههههه ايه أبي اوريك شئ
غرور:بعدين مو الحين خليني اشوف الفلم
جنا بأصرار:لا الحين ضروري مايتأجل
غرور بملل:طيب وريني
جنا:مو هنا تحت
غرور ومالها خلق:أففففف ياربي ..........وقامت معها الى ان نزلت تحت :وينه
جنا:مو هنا في الحوش
غرور بطفش:حسستيني أنها سياره وش هي خلصيني؟
جنا سحبتها للحوش:لحظه
غرور:جنا والله مالي خلق.........وماكملت كلامها يوم شافت راشد...
وبعصبيه:اه يالكذابه أنقلعي عني ......ودخلت راشد بسرعه دخل وراها وسحبها لبرى:غرور لحظه
غرور وهي معصبه :أبعد مابي
راشد بهدوء:غرور لحظه بس بكلمك شوي
وشاف شكلها: والله كأنك بزر بالبجامه
غرور زعلت:بزر بعينك...ولفت بتروح
راشد ماتركها:ههههههههه لحظه ماتكلمت
غرور كتفت أيدها علامة نفاذ صبر:تكلم وش تبي
راشد:أولا ليه مانمتي أمس
غرور:مالك دخل .....وبسرعه:ولا تقول لي دخل, مو على كيفك تتحكم بنومي أخلص وش تبي
راشد عارف انها زعلانه:كنت .........
قاطعته غرور:لا تعتذر وفر على نفسك, اعتذارك مرفوض
راشد:ماكنت بعتذر كنت أبي أوديك السوق
غرور:شكراً مابي اروح معك
راشد:أنا امس قعدتك ولازم اعوضك اليوم
غرور بسخريه:لا ياطيب,بس انا مابي اروح اليوم السوق
راشد:طيب بطلعك نتغدى
غرور:مابي بعد أتغدى معك
راشد:وانا ابي أتغدى معك
غرور وهي داخله:وانا مابي واذا كنت شاطر طلعني من البيت بقوه
راشد كان بيمسكها بس غرور حطت رجلها وركض لداخل
راشد:ياربي من ذي البنت
&&&&&&&&&&&&&&
في العصر
غرور لبست لها برموده أبيض وبلوزه كت كحل وفتحت شعرها ونزلت لتحت:سلام عليكم
الكل :وعليكم السلام
غرور بدلع:مامي أبي أروح السوق
أم سعود:وش عندك بالسوق؟
غرور:أبي أشتري أغراض وملابس
أم راشد:خليها تروح ياسيوف
أم سعود:خلاص روحوا بس لالاتتأخرون
غرور باست أمها وبنفس دلعها:ثانكيو مامي.....ووجهت كلامها للبنات:ياللا بنات نطلع
لبسوا البنات عباياتهم وهم طالعين شافهم راشد
راشد:على وين؟!
غرور طنشته
جنا:رايحين السوق
راشد:وش عندكم بالسوق
جنا:غرور تبي السوق علشان تشتري أغراض
راشد ناظر غرور وهو رافع حاجب:غرور تبي السوق.........وبأبتسامه:طيب أركبوا أنا بوصلكم
غرور:لا مايحتاج بنروح مع السواق
راشد مشى لعندها وسحبها من أيدها لسيارته:أنا قلت بوصلكم
غرور وهي معترضه:مابيك توصلنا
راشد سكت منها ووجه كلامه لغيوض وجنا:ياللا أركبوا ...شافهم واقفين:شوفوا بتركبون مابتركبون شئ راجع لكم أنا بأخذ غرور معي
غرور عرفت أنه مصر:طيب أتركني
راشد:ماتهربين مثل الصبح
غرور أبتسمت:لا مابهرب أتركني......راشد تركها وجات بتركب ورى بس راشد مسكها وفتح لها الباب القدام:أركبي قدام
غرور ركبت وهي تتأفف وبهمس:هذا وأحنا لسه ماتزوجنا يتآمر كيف لو تزوجنا الله يعين
راشد سكر الباب وبأبتسامه قريبه للضحك:سمعتك ياحلوه
غروروهي تلف وجهها:وأذا سمعت, ينقال لك خفت
راشد:هههههههههههههههههههههههههههه
ركبوا جنا وغيوض
جنا:راشد مر على شموخ بنأخذها معنا
راشد وهو يحرك:أن شاءالله
*
مروا على شموخ ووصلوا للمجمع الي يبونه نزلوا البنات كلهم
وجات بتنزل غرور بس راشد منعها:لحظه بنوقف السياره بالمواقف وبنزل معك
غرور بدهشه:بتنزل معي وين؟!!!!!
راشد:المجمع
غرور بأستهزاء:لا والله ,وليه تنزل معنا أن شاءالله.......وبجديه:نبي بس أحنا البنات,البنات ماراح يأخذون راحتهم معك
راشد مشى بالسياره مطنشها:ومن قال أني بقعد معكم أنا وأنت بنروح لحالنا وهم لحالهم
غرور بعصبيه:وأنا ابي مع البنات
راشد وقف السياره ونزل:ياللا أنزلي
غرور تحس أنها شوي وتصيح:ياربي أعطيني الصبر.......ونزلت
راشد مشى معها وهو مبتسم وغرور معصبه
*
بعد اللف والدوران في المجمع
راشد:ماأشتريتي ولا شئ مافي شئ عجبك
غرور(يأخي مااعرف أختار وأنت معي أحس بربكه):لا مافي شئ عجبني
راشد دخلها محل وشاف ثوب طويل حلو لونه فوشي كان عاري بدون أكمام او حبل يمسك على الصدر كان أسترتج يجي ضيق الى الخصر بعدين يتوسع بس على الخفيف ينساب بنعومه :وش رايك بهذا
غرور عجبها:حلو,بس أمممم الكحلي مو أحلى
راشد مايحب اللون الكحلي بس ماحب يفرض رايه:حلو
غرور:ماتحب اللون الكحلي صح بس أنا أحبه
راشد يكلم البايع:عطني الكحلي
غرور:لا الفوشي
راشد لف عليها مستغرب تغير رايها
غرور تصرف ماتبي تقول أخذت اللون علشان هو يحبه:عندي كحلي كثير قلت أغير
راشد أبتسم:نزل الفوشي
عند الكاشير غرور فتحت بوكها علشان بتحاسب راشد حط أيده على البوك ونزله وبهمس:أنا بحاسب مو مالي عينك
غرور أعترضت:لا مااحب أحد يحاسب على أغراضي
راشد بنفس الهمس:وأنا مو أي أحد .....وحاسبوا وطلعوا
*
على أذان العشى
ركبوا راجعين البيت وكل وحده محمله معها أكياس
راشد بمزح:وش هالأكياس؟ أخذتوا المحل كله ,حسستوني زواجكم بعد شهر مو زواج غرور,شوفوا غرور ماطلعت الا بكيس
غرور(يعني لازم تذكرني)
جنا:والله غرور ماشترت اليوم أكيد علشان أنت معها والا أنت ماتعرفها ماترجع الا ومعها عشر أكياس
راشد ناظر غرور:صدق كلامها
جنا:بتشوفها اذا تزوجتها
غرور:عاد لا تبالغين مو لهالدرجه
جنا:الأيام بتثبت كلامي
وصلوا البيت ونزلوا البنات
راشد حط أيده على ايد غرور:جنا أنا وغرور طالعين نتعشى قولي لأمي وخالتي
غرور:بس.......
راشد قاطعها:غرور من يوم ماملكنا ولا يوم طلعنا خلينا اليوم نطلع
غرور(هذا كله منك ,بس خليني على الأقل اقضي يوم حلو معها قبل الزواج) وبأبتسامه:أوكيه نطلع
&&&&&&&&&&&&&&&&&&&&&
في المطار
وصلوا عصافير الحب
حنان:يااااي أشتقت للرياض وأهلي وكل شئ
فهد وهو يحط أيده بذراعها:هههههههه خلاص الحين بتقعدين فيها
حنان:حمدالله والا كان أنجنيت هناك
فهد:حرام عليك عاد ماليزيا حلوه وفيها عرب كثير
حنان:مااختلفنا أنها حلوه بس مافي أحلى من بلدك
فهد وهو يأشر على وليد:هذا وليد جاء
وليد وهو يحضن فهد:حمدالله على السلامه ياعريس
فهد:الله يسلمك,كيفك وكيف الأهل
وليد:الحمدالله كلهم بخير........وبمزح:والبيت يهبل من دونك
فهد يضربه براسه على الخفيف:أقول أنقلع يالكذاب......وناظر وليد:كأنك طولت ياوليد
وليد:ههههههههههه أيه أهتموا فيني من بعد مارحت أثاريك مااخذ الأهتمام كله علي
فهد:ههههههههههه والله أشتقت لك
وليد:وأنا بعد أشتقت لك يافهود الدب
فهد وهو يرفع حاجب:فهود بعينك ومااحد دب غيرك
وليد:هههههههههههههههههه.....ووجه كلامه لحنان:كيفك يامرة خالي
حنان وهي مستحيه مو متعوده على وليد:حمدالله تمام
وليد:ها فهود....وبهمس:كيف الزواج معك
فهد بأبتسامه:مالك دخل وعن اللقافه
وليد: ماني بتارك بس الحين على البيت والا.....
فهد قاطعه:على البيت أكيد
حنان بسرعه:لا أبي أروح عند أمي اشتقت لها
فهد:بنروح بكره حبيبتي الحين ننام نرتاح وبكره نروح
حنان:أوكيه
&&&&&&&&&&&&&&&&&&&&&
في المطعم في أحد الغرف الصغيره للعوائل
راشد وهو ماسك المنيو:وش تبين تأكلين؟
غرور:أمممممم ورق عنب
راشد:وش بعد؟
غرور:بس ورق عنب
راشد:الحين هذا أكل وقلنا ليه عندك فقر دم,تغطي بنادي الجرسون ياخذ الطلبات
غرور تغطت ودخل الجرسون
راشد طلب الطلبات:وش تبين عصير
غرور:بيبسي
راشد:وش تبين عصير مو بيبسي
غرور:كوكتيل...........الجرسون راح
غرور وهي تبعد الغطاء:ليه السمك والطلبات كلها
راشد:علشان نأكل
غرور:وهذا كله بنأكله أنا وأنت
راشد:هههه أيه
*وصل الأكل وصاروا يأكاون
غرور كانت منزله شيلتها على كتفها وكانت تأكل ورق عنب بشهيه
راشد كان يناظرها وهي تأكل كان يشوف وجهها الخالي من أي زينه (حلوه حتى من غير أي شئ)ويشوفها كل شوي تبعد شعرها
(شكلها تحب شعرها مفتوح دائماً أشوفه مفتوح)
غرور أنتبهت عليه وأرتبكت من نظراته حاولت تلتهي بالصحن الي قدامها بس ماقدرت نزلت الشوكه من أيدها وبهدوء تحس بأحراج:حمدالله شبعت
راشد حس على حاله وناظر صحنها الي مااكلت منه الا شوي:ماأكلتي شئ بس قاعده تأكلين ورق عنب
غروروهي ترجع شعرها ورى أذنها:أنت الي مااكلت شئ
راشد(يكفي أني أشوفك):أكلت كثير ,تبين أطلب لك شئ ثاني
غرور هزت راسها بلا ..لبست شيلتها وقامت
*في السياره وهم يدورون
راشد:تبين أيسكريم
غرور:أيه أيسكريم كون زون بالتوفي
راشد:أوكيه......ووقف محل الأيسكريم وأشترى له ولها
غرور وهي تأكل:بطني خلاص أمتلت
راشد:هههههه أمتلت بوش كل الي أكلتيه ورق عنب وأيسكريم
غرور:وسمك
راشد:شوي مو كثير
غرور:حمدالله يكفي
راشد:طيب وين تبي تروحين الحين؟
غرور وهي تتثاوب:أبي أنام
راشد:بدري دجاجه تنامين ألحين الساعه 10
غرور بتعب:من أمس مانمت
راشد:جزاتك, من قال لك ماتنامين لسه بنروح نتمشى
غرور(مانمت منك من القهر)و بدلع:راشد والله تعبانه خلاص شوي وأنام في السياره
راشد:هههههههههههه خلاص برجعك بس على طول تنامين
غرور بسخريه:لا برقص,أكيد بنام
راشد:ههههههههههههههههههههه
*وصلوا البيت غرور نزلت وهي واقفه عند الباب بهدوء:راشد
راشد:هلا
غرور:شكراً على كل شئ
راشد أبتسم:العفو
&&&&&&&&&&&&&&&&&&&
اليوم الثاني
أم حنان سوت عزيمه علشان حنان وفهد وجوا البنات عندها من بدري علشان يساعدونها
وعلى الحوسه في العصر
أم حنان:بنات في شئ ناقص؟!!!
غرور:لا كل شئ كامل.......وقعدت:خلاص تعبت
شموخ وه تقعد:حتى أنا بعد
وجلست غيوض وجنا معهم رص في الكنبه
ام حنان:هههههههههه عجايز مو بنات بس والله ماقصرتوا ابد
غرور:ماسوينا شئ
خالد ينادي:يمه يمه
جنا دق قلبها يوم سمعت صوته(يالبى هالصوت)
أم حنان راحت عنده:آمر
خالد بحنيه:مايآمر عليك عدو ,أنا جبت الطلبات الي وصيتيني عليها هي في المطبخ والبوفيه بتوصل على اان العشى
أم حنان:مشكور الله يعطيك العافيه
خالد:تبين شئ ثاني
ام حنان:لا ابي سلامتك
خالد:خلاص أنا بكون برى اذا وصلوا دقوا علي اواذا احتجتوا شئ
ام حنان:خلاص تمام........ودخلت داخل:بنات خالد جاب الأغراض.....وجلست:آه حتى انا تعبت
غرور:هههههه صفيتي معنا
الكل:ههههههههههه
جنا:خالتي تبين أجيب لك مويه معي
أم حنان:ايه ياليت
غرور:خلو ميري تجيب لكم
ام حنان:ميري ارسلتها فوق
جنا وهي قايمه:عادي أنا بجيبه بس مافي احد
ام حنان:لا مافي احد خالد طلع
جنا راحت المطبخ وفتحت الثلاجه وهي تدندن وطلعت مويه واخذت عصير سيزر بالأناناس وكانت تبي تسكر الثلاجه شافت خالد واقف قبالها جنا خافت طاح العصير من أيدها على الأرض وأنكسر وصارخت:يمممم ...
خالد الي حس بالعطش رجع يشرب مويه شاف جنا الي كانت لابسه بنطلون استريتج واسع الي يكون من فوق عريض مثل حزام يكون على الخصر وبعدين يصير واسع الي تحت يكون ماسك على الرجل(يشبه بناطيل باب الحاره) لونه فوشي ولابسه بدي ضيق لونه رمادي وحاطه فولار لونه فوشي وجزمه ارضيه رماديه وفاتحه شعرها
خالد حط ايده على فمها بسرعه علشان لاتكمل صراخ وتفضحه:اشششش أهدي
جنا صارت تناظره ......سمعوا صوت من بعيد:جنا وش فيك صار عليك شئ
خالد بهمس:قولي لهم مافي شئ أنا طالع... وبعد ايده
جنا وهي تناظره علت صوتها:مافي شئ بس أنكسر عصير
خالد بتبرير:أنا ماكنت اعرف انه في احد كنت عطشان وجيت اشرب مويه
جنا:ويوم شفتني ليه ماطلعت
خالد لا شعورياً:ماقدرت
جنا فتحت عينها على الأخير:نعم!!!!!!!!!
خالد صار يرقع:أقصد يوم كنت بطلع انت شفتيني
جنا كانت بتضحك بس مسكت ضحكتها
خالد ماعرف وش يسوي حس انه ريقه نشف بزياده يبي يشرب مويه علشان يهدي ربكته جاء بيأخذ كأس من الدولاب الي كان وراها قرب منها جنا رجعت لورى الى ان لزقت بالدولاب خالد عجبه الوضع قرب بزياده شوي يلزق فيها مد ايده بيفتح الدولاب الي فوقها .....جنا خافت حبست أنفاسها وغمضت عينها
خالد أخذ كأس وأبتعد وبأبتسامه وهو يرفع الكاس:كنت بأخذ كأس علشان مويه
جنا فتحت عينها شافت نفسها لازقه بالدولاب ووجهها صار أحمر من الأحراج
خالد شرب مويه وهو طالع:لا تشربين أناناس هذا للي يسون رجيم......وطلع
جنا تهوي وجهها بأيدها تحس بحراره أخذت المويه وراحت لهم
غرور:بدري كان نمتي
جنا دعست على رجل غرور عمد وهي تعطي المويه لأم حنان
غرور:أي وجع
&&&&&&&&&&&&&
في الليل خلصت العزيمه والكل رجع بيته
في بيت ام سعود كانوا البنات سهرانات
وسعود وراشد موجودين
خالد دق على سعود وقاله ينتظره يبيه بموضوع هو وراشد
دخل خالد:السلام عليكم
سعود وراشد:وعليكم السلام
خالد وهو يقعد:سعود راشد أنا .........
قاطع كلامه دخول تركي المعصب:سلام عليكم
الكل:وعليكم السلام
تركي:خالد أبيك بموضوع
خالد قام وهو يبتسم وطلعوا الشارع
سعود مستغرب الوضع:وش فيه تركي وش يبي من خالد؟
راشد مو احسن حال من سعود:ماادري الحين بنعرف
*
في الشارع
تركي بتهديد:خالد أبعد عن غيوض ولاتفكر تخطبها
خالد بأبتسامه تنرفز:ومن أنت علشان تمنعني
تركي من بين أسنانه:غيوض لي مارح تكون لك
خالد ببرود:بنشوف مين بيأخذها...ودخل داخل
تركي عصب ضرب برجله الكفر:والله لأذبحك ياخالد وصار يدور حول نفسه علشان يهدى ولا يرتكب فيه جريمه:أنا القاها من مين والا من مين ,من سالفة النقل والا خالد
تركي ماقدر يهدى اكثر دخل داخل وبسرعه حتى من غير مايقعد:سعود أنا أبي أختك غيوض لي وش قلت؟
سعود ناظر راشد يعني وش فيهم
راشد هز كتفه بمعنى ماادري
تركي:سعود وش قلت؟
سعود:أنتم متفقين والا وش ؟
تركي مافهم!!!!!!!!!
سعود بأبتسامه:خالد خطب جنا وانت غيوض
تركي ناظر خالد بعدم أستيعاب:أنت كنت......
خالد وهو يضحك:ههههههههه أيه
تركي وهو الى الأن مو مستوعب:يعني أنت كنت طول هالوقت........
قاطعه خالد:هههههههه أيه
تركي ضربه بكس بوجهه:آه يالحقير ومتعبني
خالد رد له البكس:هههههههههههه
تركي يحس نفسه أرتاح:هههههههههههههه تعال عازمك على العشى
خالد:ياللا
تركي يكلم سعود وراشد:فكروا وردوا علينا.......وطلعوا
كل هذا صار تحت نظرات الأستغراب من راشد وسعود
@ فاصل أكيد تبون تعرفون الحدث من اول
خالد وحنان كانوا متفقين يسون الخطه والي هي
حنان دقت على غرور:الو غرور
غرور:هلا
حنان:غرور خالد جاي عندكم يبي سعود بموضوع
غرور بأستفهام:موضوع ؟! موضوع وش؟
حنان:ماادري أنا أبي أسألك أنت ماتعرفين
غرور:لا
حنان:خلاص طيب باي
غرور:باي
غيوض:وش فيه وش تبي حنان
غرور:ماادري تقول خالد جاي يبي سعود بموضوع
شموخ:موضوع وش
غرور:وأنا وش عرفني
شموخ قامت بسرعه وطلعت كلمت تركي:الو تركي خالد جاي يبي سعود بموضوع
تركي:موضوع وش؟
شموخ:ماادري بس أكيد يبي يخطب غيوض
تركي:والله لذبحه
شموخ:بسرعه أخطبها قبل مايسبقك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك