رواية قصة حب لا ينتهي -2
هديل : انا مو متعوده انا مو متعوده حرام عليك الولد بقى يروح فيها وربي كسر خاطري
رهف : ارجع له
هديل : ايه
رهف : طيب ... ارسلت مسج لعبدالعزيز وقالت خلاص راح ارجع لك ترى هديل اختي اقنعتني
رسل عبدالعزيز : قولي لأختك جزاك الله الف خير
بدت الدراسه ورهف كانت في ثاني جامعه ودخل شهر رمضان
رهف توها جايه من الجامعه الاا يجيها مسج من عبدالعزيز : والله مشتهي سمبوسه وفيمتو
رهف قرت الرساله وماتت عليه من الضحك وردت عليه اقول تراني ميته حر وجوعانه ومالي خلق احد وبنام وتصبح على خير
رد عبدالعزيز : الاخت مضيعه ولا مأثر عليك الصيام وانتي من اهل الخير
رهف قرت الرساله وضحكت عليه ونامت
عدى شهر رمضان على خير
في الترم الثاني من الدراسه كانت رهف توها متروشه وتبي تنام شوي جاها مسج من جوال عبدالعزيز مكتوب فيه
رهف انا ولد عم عبدالعزيز عبدالعزيز صار له حادث
رهف : خافت حادث لايكون صار فيه شيء دقت على الرقم مارد على الثاني مسكر :
رسلت له لايكون صار فيه شيء رد علي بليز تراني على اعصابي
ولد عمه مارد ولاشيء ترك رهف طول الليل سهرانه وتفكر وراحت الجامعه وبعد ماخلصت المحاضره رسلت مسج وسألت عن اخباره ونزلت مع صديقاتها للكفتريا وهي طول الوقت تفكر خايفه على عبدالعزيز
رد عليها : لاتخافين بس كسر باليد ... هنا ابتسمت رهف وارتاحت نفسياَ وبعد ماخلصت المحاضرات رجعت البيت ونفس الروتين كل يوم ماتغير
دق عليها عبدالعزيز .... رهف الو
عبدالعزيز : هلا وغلا
رهف : اخبارك وشلون يدك
عبدالعزيز : اه بس وش اقولك انا كنت رايح ونسيت جوالي عند ولد عمي وهو لقاها فرصه وقال ابي اخوفها ورسل لك المسج يبيك تخافين
رهف : صدق حيوان ليه سوى فيني كذا وربي خفت حتى طول المحاضرات افكر
عبدالعزيز : تفكرين فيني
رهف : ايه في غيرك بعد
عبدالعزيز : يابعد عمري والله
رهف : استحت وقالت طيب انا بروح لأهلي
عبدالعزيز : طيب انتبهي على نفسك حبيبتي
رهف : ان شاء الله... باي
عبدالعزيز : باي
شوي جاء مسج من عبدالعزيز : هذا ايميلي وضيفني عندك
أضافت عبدالعزيز عندها : وبعد تقريبا أٍسبوع
رهف : عبدالعزيز
عبدالعزيز : عيون عبدالعزيز
رهف : ابي اطلب منك طلب وماابيك تزعل مني
عبدالعزيز : أبشري وانا عارف شنو طلبك :
رهف : ماأبي اتكلم بالجوال يكفي الأيميل
عبدالعزيز : والله اني حاس هذا طلبك وعلى أمرك ماطلبتي شيء مع أني ماأقدر أستغني عن صوتك بس عشانك والله
رهف : عبدالعزيز ....أحبك
عبدالعزيز : امووووووت فيك ياعمري ياحياتي ودنيتي كلها
رهف : أستحت وسكتت كالعاده
عبدالعزيز : ياحلو اللي يستحون
مر شهرين ورهف وعبدالعزيز ماسمعوا صوت بعض مع ان الشوق ذابحهم
**********
هديل : رهف
رهف : هلا
هديل : بسألك سؤال وتجاوبيني بصراحه
رهف : على حسب السؤال
هديل : انتي تحبين عبدالعزيز
رهف : حطت راسها تحت البطانيه وقالت ايه
هديل : يووو حركات تحبين من ورانا
رهف : اي من وراك اقول اسكتي ونامي احسن لك انا الغلطانه اللي عطيتك وجه
هديل : طيب بنام
ناموا ويوم جاء الصباح كالعاده اللي راح الجامعه والمدرسه واللي نايم نفس الروتين ماتغير
انتهى الترم الأول ورهف قالت لأمها اقنعي ابوي يودينا للكويت العطله كلها اسبوع ونبي نغير جو
وآفق ابوعبدالله على السفره وقبل لايسافرون بليلة شافت نتيجتها رهف على النت وكانت ناجحه وفرحت اهلها بس فرحتها ماأكتملت لان عبدالعزيز زعلان عليها طلب يكلمها وهي ماوآفقت وسكر جواله ومادخل الايميل وسافرت رهف للكويت وبالها مشغول على عبدالعزيز حاولت تتصل فيه بس يامسكر جواله يامايرد ودخلت الماسنجر من الكويت بس مو موجود عبدالعزيز .. بعد مارجعوا من الكويت بدت الدراسه الترم الثاني ورجعت رهف تكلم عبدالعزيز على الجوآل لان صار مايدخل على إيميله
رهف وهي بغرفتها لحالها الساعه 12 بالليل هديل ماكانت معها
دقت رهف على عبدالعزيز وقامت تسولف معه وتضحك وشوي الاا يطق الباب عليها
ابو عبدالله بصوت عالي : هديل هديل
رهف : من الخووف ومن الصدمه سكتت
ابوعبدالله : هديل مين تكلمين ويطق الباب بقوه رهف ماردت على ابوها الاا بعد فتره
رهف بصوت خايف : انا مو هديل هديل نايمه مع اختي وولدها بالغرفه الثانيه
ابوعبدالله : ماأقتنع بكلام رهف
اليوم الثاني
ابوعبدالله يسأل ام عبدالله : بسألك سؤال
ام عبدالله : تفضل
ابو عبدالله : رهف تكلم واحد من ورآنا
ام عبدالله : لا ماأعتقد بنتنا مؤدبه وماتسوي الحركات هذي
شوي ونزلت رهف : وتقول يبا امس خوفتني كنت أشوف فلم وحاطه السماعات والصوت طويل ولا سمعت صوت الباب
ابو عبدالله : بس سمعتك تكلمين احد
رهف : ايه هديل ناسيه جوالها عندي ودقت صديقتها وكان عندنا ازعاج وانا اصارخ اقولها هديل نايمه
ابو عبدالله : صدق السالفه وبعد فتره نسى الموقف هذا
المهم انتهى الترم الثاني بس تفاجئت رهف بخبر مزعج .....
ماهو هذا الخبر ؟
ماذا سيحدث لرهف عند سماعه ؟
كل الأجوبه في البارت الرابع
تحياتي لكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
البارت الرابع
رهف دخلت موقع الجامعه عشان تشوف نتيجتها تفاجئت باأنها حامله ماده وهذي اول مره ترسب بحياتها سكرت اللاب توب حقها بقوه وقامت تصيح اهلها استغربوا قالت لهم السالفه وماصدقوا الخبر قالوا تأكدي يمكن خطاء ولا شيء قالت لا صدق بس والله اني حاله صح ليه ارسب فيها وقامت تصيح حتى العشاء ماتعشت دق عليها عبدالعزيز: هلا
رهف : هلا والله
عبدالعزيز : اخبارك
رهف وهي تصيح : مو بخير
عبدالعزيز : افا وشفيك تصيحين ترى دموعك غاليه علي احد مضايقك ولا شيء
رهف : لا بس حملت ماده
عبدالعزيز : كل هذا عشان ماده
رهف : ايه اول مره ارسب
عبدالعزيز : مصريه انتي
رهف : انا اللي قاهرني اني حاله زين وارسب ظلم
عبدالعزيز : عطيني اسم الدكتور وانا اوريك شغله
رهف : ضحكت وبقلبها حقد على الدكتور وقالت انا والله بوريه شغل ان ماسفرته برا السعوديه مااكون انا
عبدالعزيز : ميت ضحك عليها يقول اعصابك اول مره اشوفك معصبه
رهف : والله من القهر اللي فيني
عبدالعزيز : ماعاش من يقهرك واستهدي بالله وامسحي دموعك وان كنتي تحبيني لا تصيحين
رهف : طيب والله عشانك
سكرت التلفون وراحت لأمها وحطت راسها على حضن امها وقامت تصيح وامها تصيح معها وقعدت طول الليل ماعندها غير الصياح
جاء بعد اسبوع اختبرت رهف الماده ونجحت فيها الحمدلله وكملت فرحتها بالعطله بس صار شيء ماكان متوقع
زياد يتكلم مع هديل
زياد : هديل
هديل : خير وشتبي
زياد : بقولك شيء عن رهف بس ماتقولين لها
هديل : قول والله مااقول لها
زياد : رهف تكلم واحد
هديل : لا ماتسوي كذا هي ليه انت سامعها
زياد : لا لا بس شاك فيها
هديل : اترك عنك الشكوك وانسى الموضوع هذا
زياد : طيب
هديل راحت بسسسرعه لرهف
رهف رهف
رهف : نعم وش عندك
هديل: تعالي بس بقول لك شيء
رهف : قولي اسمعك
هديل : زياد اليوم قال اني شاك في رهف تكلم واحد
رهف : انصدمت قولي والله
هديل : والله العظيم توه قايل لي بس قلت له اترك عنك الشكوك
رهف : ياربي وش اسوي الحين ... على طول ارسلت مسج لعبدالعزيز وقالت ترى اخوي زياد شاك فيني
عبدالعزيز : لاتخافين واذا جاء الليل دقي علي ونتفاهم
رهف : طيب
دقت عليه بالليل : وتتكلم بصوت وآطي خايفه احد يسمعها
قال لها عبدالعزيز : افهم من كلامك راح تتركيني
رهف : سكتت
عبدالعزيز : اكلمك انا
رهف: ماعندي شي ء اقوله لك
عبدالعزيز : يلا باي
سكر عبدالعزيز جواله فتره طوووويله ماقام يرد على رهف ولا شيء مر على الحاله هذي تقريباَ اسبوع
دقت رهف على عبدالعزيز : ورد عبدالعزيز عليها وبدون نفس
رهف : قالت له طيب انا الغلطانه باي
عبدالعزيز: باي
افترقوا عبدالعزيز ورهف لمدة شهرين وقبل رمضان رسل لها مسج وقال لها
* أنساك هذي حطها بين
قوسين..!!يعني على ماقيل ماني
بناسيك..!!لو يفرشون الدرب
شوك وثعابين..!!ماأقدر أغير عنك
دربي وأخليك..!!لأني <<أحبك>>
والمحبة ترى دين..!!
وأنا قطعت الوعد بالحب أوفيك..!!
هالحين <<أحبك وبعد بكره وبعدين>>..!!
وأضل ياروحي على طول مغليك..!!
الحب ماهو يوم وإلا بيومين..!!
الحب رحلة عشتها في شواطيك..!!
وأجمل قصة خضتها بين قلبين..!!
هي قصتي وياك ياقلب
غاااااااااااااااااااااليك..!!
" رهف وربي حاولت انساك بس ماقدرت "
وبعد فتره رسل عبدالعزيز لرهف مسج : قال فيه انا رسلت المسج هذا عشان اعرف اخبارك ولا وعدنا بعض ان ماننسى حبنا ونوفي له وانا عند وعدي وانا مارسلت عشان ترجعين لي وسالفة اخوك زياد مادخلت مخي بس حسيت انك تبين تتركيني وقلت اتركها على راحتها ..
قرت رهف المسج ونامت وهي تصيح من كثير ماهي مشتاقه له
مر على فراقهم 9 شهور تقريباَ بس هل راح يرجعون لبعض او لا كل هذا راح تعرفونه في البارت الخامس ...
تحياتي لكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خلصت البارت الخامس وقلت قبل لا أنام انزله لعيونكم
البارت الخامس
رهف : هديل ابي اطلب منك خدمه
هديل : شنو الخدمه هذي
رهف : رقمك الثاني تستخدمينه
هديل : لا وبكسر الشريحه
رهف : لا لا ابيها
هديل : وشتبين فيها
رهف : مالك دخل
هديل : عرفت أشتقتي له
رهف : مين
هديل عبدالعزيز فيه غيره
رهف : اي والله ابي اتطمن عليه من زمان عنه وعن صوته بدق عليه وبسمع صوته وبسكر
هديل : طيب بس مو اليوم
رهف : ايه لما اخلص اختباراتي
هديل : يصير خير بنام الحين
رهف : حتى أنا
بعد كم يوم من الكلام اللي دار بينهم وتحديداََ في تاريخ 6: 7: 1430هـ
في التاريخ هذا رهف رايحه مع امها المستشفى ويوم رجعت دخلت على إيميلها ولقت الكلام هذا
: السـلآإأم عليكمًٍَ
شخباركٍْ عسساكٍ بـخيرٍِ
: بشرٍيني كيف دنياكٍ
: عالعمومٍ فرٍِصهٍ سعيدهٍ .. تمنيتٍ انُي لاقيك اسسلمٍ عليكًُ
بسًٍٍِ الجاياتٍ اكثرٍَِ
الاقيك بعدين هنا لاني ابيك بموضوعً
رهف انصدمت : معقووله بعد سنه كامله يرجع لي راحت لهديل بالصاله وماهي قادره توقف من الفرحه وكلامها مو مفهوم ودها تصيح ودها تركض ودها تسوي كل شيء في بالها
هديل : انجنيتي انتي
رهف : لا باقي شوي بس لو أٌقولك وش صاير
هديل : وشفيك انتي
رهف : عبدالعزيز
هديل : وشفيه
رهف : رجع لي قال بدخل بالليل ابيك بموضوع
هديل : خير وياطير
رهف : انطمي بس انا الغلطانه اللي اقول لك شيء
هديل : طسي بس
رهف : سهرت طوووول الليل عشان عبدالعزيز
شوي الاا دخل عبدالعزيز على الفجر
رهف قلبها يضرب بقووهـ ومستانسه وخايفه في نفس الوقت
عبدالعزيز : السسلام عليكم
رهف : وعليكم السلام
عبدالعزيز : اخبارك
رهف : بخير وانت
عبدالعزيز : دووووم يارب انا الحمدلله بخير
رهف : دوووم يارب ... رهف باأستغراب انت اكيد عبدالعزيز
عبدالعزيز : يضحك ايه عبدالعزيز الـ
رهف : اي الحين تأكدت
عبدالعزيز : اخبار دنياك معك
رهف : الحمد لله على كل حال
عبدالعزيز يسأل رهف ... أبي أٍسألك سؤال
رهف : أسأل
عبدالعزيز : مين اللي داخل على إيميلي وحاط لي توبيك جديد وصوره
رهف : أنا
على فكره الرقم السري كان عند رهف عشان كذا قدرت تدخل >> قلت شي جديد
عبدالعزيز : وشنو الأيميلات الجديده هذي
رهف : والله مو أنا انا دخلت وحطيت التوبيك والصوره عشان أحس انك معي
عبدالعزيز : من جدك هالكلام
رهف : اي والله
عبدالعزيز : يعني باقي تحبيني
رهف : اللي يحب من قلب ماينسى + فيس يصيح
عبدالعزيز : وربي انك صادقه
>مانساااااك
وأنتي في بالي طووول الأيام بس شفتك تبين تسحبين علي وقلت اخليها على راحتها الله يستر عليها
عبدالعزيز : طيب انا الحين بروح أصلي وخذي إيميلي الثاني وضيفني منه لان هذا ماراح ادخل فيه كثر
رهف : طيب
رآح عبدالعزيز وصلى وبعد الصلاة دخل
رهف : عبدالعزيز
عبدالعزيز : هلا
رهف : ليه توك تذكرني وينك كل الشهور اللي راحت
عبدالعزيز : وانا نسيتك اصلا عشان اذكرك
بس انتي اللي ابعدتي نفسك عني
رهف : ايه اضحك علي بكلمتين
عبدالعزيز : انتي تعرفين طبعي زين ماعمري ضحكت عليك بشيء
رهف : طيب ليه تكتب وتسمح
عبدالعزيز : لان في قلبي كلام كثيييير وماأدري وش اقول بس أهم شي اني باقي احبك
رهف : يعني ماحبيت احد غيري
عبدالعزيز : بدت الأسئله .. لا يابنت الناس ماأحب احد غيرك ليه قلبي فندق
رهف : استحت وقامت تضحك على كلامه
عبدالعزيز : لو ما احبك ونسيتك مافتحت الايميل ذ1ك وجيتك
عبدالعزيز : تصدقين عاد
ياكم عانينا من فراقك
كانت ايام صعبه
رهف : وهي تضحك كم عانيت
عبدالعزيز : يؤؤؤؤؤ كثير
رهف : نصاب
عبدالعزيز : لا ورب البيت
رهف : ياعمري عليك + فيس يصيح بس وش صار لك في الايام اللي فاتت
عبدالعزيز : آآآآه لاتفتحين الجروح
عبدالعزيز : بس انتي اللي احسك عادي
رهف : لا والله مو عادي
عبدالعزيز : ايه هين صدقتك
رهف : وليه ماتصدق
يعني انت اللي مو عادي وانا عادي
عبدالعزيز : مدرٍي لانك انتي اللي طلبتي هالشي
رهف : انا ماطلبت بس انت اللي صرت ماتعطي وجه وانت تعرفني مااحب اغصب احد على شي مايبيه
عبدالعزيز : انا
رهف : ايه وقلت دامه مايرد ولا يعطي وجه خليني اعاند
وعانتدك بس ماقدرت قمت اتصل عليك وارسل لك بس ماترد وبعض المرات الجوال مسكر بالاسابيع
عبدالعزيز : انا كان زعلي زفت وانتي زعلتيني وسسحبتي انتي
رهف : زعلتك في شنو
عبدالعزيز : مدري ماأذكر الحين
رهف : اهاا لأن أصلا ماعندك سبب مقنع
عبدالعزيز : بس مانسيتك
وربي اني ابيك من ذ1ك الوقت بس انتي عاندتي
وسحبت عمري
وكنت ارسل رسسايل المح لك فيها وانتتي ولا على بالك
رهف وربي أحبك مووووووووووووووووت وعجزت انساك وسويت كل الطرق عشان انساك بس ماقدرت
رهف : حتى انا أحبك وماقدرت انساك وكل يوم افكر فيك بس وش اسوي الدنيا فرقتنا
عبدالعزيز : أشتقت لك حيل
رهف : وش كثر
عبدالعزيز : كثر حبات المطر واأكثر وأكثر
رهف : وانا بعد أِشتقت لك شوق الهواء لروحي
عبدالعزيز : يابعد قلبي والله الله لايحرمني منك
رهف : طيب بطلع انام تأمرني على شيء
عبدالعزيز : لا سلامتك يالغاليه
رهف : الله يسلمك .. باي
عبدالعزيز : باي
راحت رهف تنام ويوم قامت على طول دخلت الأيميل
عبدالعزيز : ولكمو تو مانور الماسن
رهف : يسلمو أكيد بوجودي .. على طوووول رهف سألت عبدالعزيز وش قاعد تفكر فيه
عبدالعزيز : : طيب وانتي وش تفكيرك
رهف : ولا شي بس ابيك تقول وش تفكر فيه بس
عبدالعزيز : افكر في شسسسمه
فـيـك
( رهف : كل هذا شسسسمه وتقول فيك
عبدالعزيز : ايه ليه يعني انتي مو قد شسسمه
انتي الكون كله
انتي الروح
انتي دنيته <
رهف : قام يضحك علي
عبدالعزيز : وكيانه
.... أضحك عليك ؟؟ باأستغراب
رهف : مدري
عبدالعزيز : يعني مو عارفه وش قد حبي لك
رهف : ببرود مدري
عبدالعزيز : واني امووووت فيك موووووت
رهف إْذ1 ماتدرين اني امووت فيك ادري الحين
واني اشوفك دنيتي وهناي وسعدي دامك بخير وموجوده
ولايهمني بالكوون شي زي ماتهميني انتي
ولا حبيت زيك يكوون بعلمك
رهف : يعني حبيت
عبدالعزيز : اول
قبلك وتعرفين هالشي يمكن اني قد قلت لك
مسستحيل انتي اني اخبي عنك شي
سسسساحرتني يمكن
والدليل اني رحت ورجعت
رهف : هههههههههههههاي
لا انا وين والسحر وين
عبدالعزيز : وانتي عادي عندك
رهف : وشو عادي
عبدالعزيز : اششك انا انك عامله لي عمل
يالسسساحره
رهف : اقول روح بس آل عمل آل
عبدالعزيز : اي اؤؤل انك سساحره
رهف : انا
عبدالعزيز : ايه
صدقيني رهف اني عجزت انسسساك اول
حاولت بس يالاسف
عبدالعزيز : ورجعت لك لاني اموووووت فيك
رهف : ليه يالاسف
عبدالعزيز : بس اللي اتمناه انك تحبيني مثل ماأنا احبك
رهف : ليه شاك اني مااحبك
عبدالعزيز : لا مو عن ششاك
بس مو كثر حبي لك
رهف : وش دراك
عبدالعزيز : مدري
يكفي اني حتى اختي مسميها عليك
اول
عبدالعزيز : محمد تدرين وش كاتبني في جواله
رهف : لا
محمد ولد عم عبد العزيز
عبدالعزيز : كاتب مجنونها
رهف : قول والله
عبدالعزيز: والله
اغير الاسسم ويرجعه
يقول لانك خبل من جد تحبها وعجزت تنسساها
وبكتبك اللي ابي
رهف : صدق
عبدالعزيز : وربي
طفششته كل شوي اسولف فيك <
يقول قمت اكره طاري رهف من كثر ماتسولف لي عنها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك