رواية زهرة ضامية -31
احمد بحماس شديد: الا له داعي
خلينا نغير جو ونحاول نتعرف على بعض اكثر
انا اقول نروح عمره
وبعدها نروح جده والا الطايف
ناظرتني و بعيونها فرحه : اللي تشوفه
ان كان للعمره خاويتك
ضحكت سعيد بحماسها الخجول
:وان كانت لغير العمر ه ما بتخاويني
تبسمت واااه ليتها ما بتسمت
بغى يغمى علي
:مكه وبس
قلت بابتسامه وش كبرها :
اجل بكره الصبح ان شاء الله
رايحين بالسياره
لا تعلمين احد حتى هيا
نبي ناخذ راحتنا سويا
قامت وهي تحاول تلم شرشفها عليها
وقفت بسرعه مقابلها وسحبته منها وقلت بجديه مع بسمه خفيفه
هالشرشف ان شفته عليتس لغير الصلاه شقيته
ـــــــــــــــــــــــــــ
دخلت غرفتي وانا اهف على نفسي
خدودي مشتعله من كثر ما انا خجلانه
اووووه قعدت اتنفس ابي اهدي قلبي
قعدت ألوم نفسي
انا خبله كان حطيت له الظرف
باي مكان ولا انحرجت هالاحراج
وكله كووم ولمن شال شرشفي
عن وجهي كووم ثاني
بغى قلبي يوقف
وانا انخرست ولا مانعت
وش بيقول ماصدقت اعطيها وجه
وألقي لها بال
وقفت قدام المرايه وانصعق من شكلي
الله يخزيك يا شيطان
و يا عسى يدس للكسر يا هدى
جلدة راسي للان تعورني وادهنها بزيت دافي
يمكن يخفف علي الالم
وقبل لا انزله دهنت شعري
هههههه
ههههههههههه
ههههه
لا بالله انهبلت
سكت من موجة الضحك اللي هاجمتني
على نفسي
وتذكرت عرضه وطلبه اننا نسافر
ونروح عمره
يالله يارب لك الحمد ما اكرمك
وياسبحان الله مبدل الاحوال
من ساعه ضايق خاطري وكل هم فوق راسي
والحين اضحك ومبسوطه
جدا مبسوطه بروح لمكه واعتمر
ياني مشتاقه والشوق ذبحني للحرم
ـــــــــــــــــــــــــــــــ
نمت بعمق واحلى نومه نمتها
رفعته وشميته سبب نومتي الهنيه
شرشف زهره الاحمر
من بعد ما خذته منها
توقعتها تاخذه مني
بس هي هربت من قدامي
لغرفتها وانا اخذت غنيمتي
تنشقته بعمق
اوووه يازين هالريحه زيناه
مدري هو عطر والا هو مسك
والابخور كل ريحه زينه شميتها فيه
طويته ولفيت مخدتي فيه وحطيت
راسي ونمت وراي مشوار الفجر
بسوي تشييك على السياره واخذ لي يومين اجازه
يالله توكلنا على الله
انطلقنا في رحلتنا الساعه 10 الصباح
متوجهين لمكه
جالسه معاه في سيارته الجيب
كان واضح تركيزه في الطريق
المسافه بعيده والطريق الحمد لله
شبه فاضي
من بعد ممشى 4 ساعات نزل شماغه
وخلل شعره بيده
صديت عنه بسرعه
كان شكله كذا احلى
عضيت عى شفتي وقرصت نفسي
وش هالتفكيير
قطع تفكيري فيه يوم قال:
: عندتس فنجال قهو ة
رديت عليه: ابشر
وصبيت له فنجال وتناوله مني وشرب
قال: الله الله وش هالقهوة المضبوطه
في تمر ؟؟
قلت له : أي معاي
وفتحت له المطبقيه
ناظر فيني وقال
:يدي مشغوله اكليني
تمنعت بالاول وذبت خجل
بعدين شفت انه فعلا يده
مشغوله تناولت تمره وقربتها من فمه
هو قرب اكثر وبغى ياكل اصابعي
سحبت يدي
وترني هالرجال جريء وانا والله استحي
هو الحين يحسبني اتغلى مايدرى اني
ما جربت هالحركات واللمسات مع ابو ناصر
قالي وكسر الصمت بيننا
زهره سولفي علي
قلت : وش تبي اقول
قال: اول شي شيلي غطاتس
خليني اشوفتس
فكيت غطاي وطبقته
ناظرني ورجع يناظر الطريق
:ماشاء الله تبارك الله
حلوه يازهره ما شفت بحلاتس
خجلت بزياده : قلت شكرا على المجامله
"هالمره واثقه من نفسي
كنت حاطه روج وردي ومكحله عيوني
بس ما اتذكر احد قالي انتي حلوه
والا حتى مقبوله
وهو يقول ماشاف بحلاي
احمد : والله انا ابيتس تعرفين عني
شي مهم انا انسان صريح
وما احب المجامله واذا قلت كلمه اعنيها
فهمتي يا قمر 14 وصاحبها بغمزه
نزلت راسي أداري لخبطتي مع حيياي
وشب وجهي حمآآر
ضحك علي وقال : تراني انتظر السوالف
قلت له :ما اعرف وش اقول
انت اسأل وانا اجاوب
ومن هنا بدت السوالف
سالني في كل شي وعن كل شي
في الحياه
حسيت ان الوقت مر بسرعه معاه
هو بعد كان يعرف شلون يسحب مني الكلام
وقفنا عند الميقات واحرمنا
وكملنا طريقنا لمكه
من اقبلنا على مكه وان دموعي ما وقفت
قال احمد الحين بناخذ غرفه ونحط اغراضنا فيها ونطلع بعدها للحرم
وقفنا امام فندق مجاور للحرم ومن افخم الفنادق
نزلنا وسوينا اجراءات الحجز
وطلعنا للغرفه حطينا الاغراض
ونزلنا نعتمر
ــــــــــــــــــــــــــــــــــ
في مصعد الفندق تزاحمو الناس فيه
قربتها مني ولميتها من كتوفها
حسيت بنفضتها تحت يدي
وش اسوي المصعد مليان رجال
وقف المصعد مسكت يدها وطلعنا
حاولت تملص يدها مني بس انا ما صدقت امسك يدها القطنيه في يديني
كانت اخف عمره سويتها في حياتي
طفنا وسعنا وشربنا زمزم
ورجعنا وطول الوقت يدها في يدي
اول ما دخلنا الغرفه
رميت نفسي على السرير
تعباااان ومهدود حيلي
اما زهره فكانت واقفه بعباتها
يووه ما نفكينا حنا من هالخجل
وقفت وطاح احرامي وبقي الوزار
قربت منها وقلت: تو ما نور هالفندق
يوم دخلتيه
ساكته وماترد فجأه انتبهت انها تبكي
قربت منها اكثر افى تبكيين ليه
حضنتها بقووه ماقدرت على دموعها
وسحبت غطاها
لييه تبكيين
قالت :غصبن عني عجزت املك دموعي ممنونه لك وشاكره
ورفعت وجهها لي
وتأملت رمشها وعينها الدامعه
وملامح وجهها ومبسمها المزموم
ما تمالكت نفسي وتهورت
ــــــــــــــــــــــــ
بالقوه تخلصت منه وهربت للحمام
مسحت فمي بكمي
وجلست بالارض اصيح
كرهت هاللحظات ما ابي ابكي
ولا ابي اتضايق
اللي يسويه احمد طبيعي
رجال وبيكون مع زوجته
بس والله ما قدر استحي استحي
مايدري ان خاله حتى بوسه على الخد ما عطاني
ـــــــــــــــــــــــــــــــــــــ
قراءه ممتعه لكم وردود حلوه لي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم ورحمة الله وبركاته
مسائكم هنا وراحة بال يارب
كل الدعوات الصادقه لكل من يختبر بأسئله وسهله ونتايج ممتازه
عندنا نجمه اليوم بعد بس في اخر الجزء بنعرف منهي
الجزء الرابع والثلاثين
صياح ابك انت وين رحت
لك يومين من هاك الليله السودا وما رجعت
زفر بملل :يمه واللي يرحم والدينس
ما ني طايق هدومي اللي علي
ام صياح بقوه. : احسن خلك سواة يدينك
تشرب من السم الهاري
وتكره حياتك اكثر
صياح :يمه انتي وش تبين الحين
ام صياح : ما ابي منك شي الله لا يحوجني لك
بس اللي ذبحتها ذيك الليله
وقفلت عليها رح شفها
لا تكون ماتت
ظرب على راسه مثل اللي
تذكر شي ناسيه
:اوووه
وركظ لغرفة هدى و فتحها بيد تتراجف
دخل الغرفه المقلوبه
فوق تحت وهدى طايحه على الارض
ووجها كله كدمات وتأن
قرب منها وقال بلوم وعتب
:انتي اللي حديتيني اظربس
انتي اللي حديتيني
ودموع هدى تنزل على خدها
وتقول بمراره وانكسار وبصوت واهن
:الله ياخذك والا ياخذني
صياح :قومي قومي نامي على السرير
وش اللي نومتس على الارض
هدى بشراسه : انت ياكلب يا واطي
كسرتني الله ياخذك الله يا خذك
ورجعت تصيح بعويل وبمراره شديده
وهي تتذكر وش سوى فيها
وصلت البيت تتسحب ما تبي احد يشوفها
عشان ما يدري صياح انها راحت لاحمد من وراه
رجعت مقهوره من احمد
و كلها غل من زهره
كيف كان شكلها مرتاحه
ومبسوطه في حياتها
وانا شقيانه بحياتي مع صياح وحريمه
للحين ما برد خاطري منها
تلمست خدها بذل وهوان
انا احمد يضربني حميه لزهره!!!!
وصلت غرفتها وقبل لا تفتح الباب
ام بندر : تدرين ام بدر صياح سمه موته
طلعت المره بدون اذنه
ام بدر : ومنهي ذي المجنونه اللي عايفه عمرها
وطلعت بدون لا تقوله
ام بندر بضحكة شماته : وحده خبله
مشتهيه تندبغ
لانها مثل الحمار ما تصبر عن الضرب
ضحكت ام بدر وشاركتها ام بندر
هدى ما استحملت وهجمت عليهن
وطبعا كانن أليفات جدا معاها
وعطنها من الثقيل ولا رضن ان تمد يدها
ويسكتن رمنها بالارض
وقالت لها ام بدر : يا ياروح امتس
يدتس ذي لو انمدت مره ثانيه
علقناها برقبتس فاهمه
وراحن وخلنها بأرضها طايحه ذليله مقهوره
رجعت ام بندر بخفه
وقالت :ههههه على فكره. استني رد صياح
ترانا علمناه انتس طلعتي
يا حلوه ههههههههه
هدى بصراااخ وقهر
:يامال الموت يابهايم الله ياخذكم
بيت كله بهايم
قامت على حيلها ودخلت الغرفه وقبل
لا تقفل الباب
انشدت مع شعرها
وخبط جسمها في الجدار
صرخ فيها صياح : وين كنتي يا كلبه ويين؟؟
هدى تمد يدها على يده اللي في شعرها
:أي فكني يالحيوان فكني الله ياخذك
صيااح شد شعرها اكثر
ولوااها الى ان تمزع من جلدة راسها
جز على اسنانه : قلت وين كنتي
وبأمر من ذلفتيي
انا ماقلت لتس لاتطلعين ابد
واني بكسر رجولس لا خالفتيني
هدى بألم : ااااي رحت لاحمد رحت لبيت واخوي
صيااح بصراخ :بعد رايحه له
انا ابيتس تنسينه مالتس اخوان
ومالتس اهل
من زوجني خالتس واخوتس
وهم يبون الفكه منتس وانا ابتلشت بتس
صرخ عليها:من رحتي معاه ؟؟؟؟
هدي تحاول تتملص من ايدينه وتعذيبه لها
:اي آه رحت مع اللي رحت معاه
وش دخلك فكني يالزفت فكني
دفها بقوه عنه وصقعت في السرير
وطاحت بالارض
مسك عقاله وظربها ظرب الويل
وهو يقول: انا اللي بربيتس يا عديمة التربيه
وحس ان العقال ما يبرد حرته
سحب خيزرانه من فوق الدولاب وجلدها
دون رحمه حتى تكسرت على ظهرها
وطبعا هي ما قصرت بالصراخ والصوت العالي
والسسبب والشتم
لمن مسكها ولوى يدها لواهااا بقوه
سيطر عليه الغضب صار وده يشوفها ميته
مقهور منها وللحين ما برد خاطره منها
شد يده اكثر وقال: صه ولا كلمه
بس صوتتس ذا تكتمينه
زادت صرراخ وهو زااد لوي في يدها
قالت : يدي كسرتها الله ياخذك
وزاا د لمن هي
استسلمت وقالت : لااخلااص خلاص
اسكت اسكت بس فكني
وكتمت فمها بيدها الثانيه تمنع صوتها
فك يدها بعنف وحذفها برجله
بقوه على بطنها
وقالها : ان سمعت لتس صوت جيت
كملت عليتس
وطلع وقفل الباب عليها وهج برى البيت
وغاب 3 ايام وطبعا نسى هدى تماما
:قومي قومي على السرير
قالت ما اقدر كسرتني الله ينتقم منك
جاء ورفعها وهي تتأوه بألم ووهن
نامت على السرير متألمه
بعد ساعات
:يمه هدى تون وحرارتها مرتفعه
ام صياح :ودها للمستشفى لا تموت
ثم تبلش فيها
ودها كان من يوم دخلت علينا
وحنا منغثين منها
ــــــــــــــــــــــــــــــــــــــــــــــــــ ــــــ
وش سوت امي عساها فرحانه فيتس
سلمى : تصدق حبيبي خالتي متغيره كثيير
كأنها وحده ثانيه
خالد : شلوون
سلمى: ما اقدر اوصف لك بس هو احساس
احسها حريصه علي ومهتمه فيني
وتداري خاطري
خالد بضحكه : اكييد بتسوي كذا
انتي زوجة خالد الغالي حبيب امه
سلمى : يمكن حتى معاملتها لجدتك غير
طول الوقت معاها ومهتمه فيها
علاقتهن مره حلوة ماشاء الله تبارك الله
خالد ما استغرب لان العنود مكلمته
ومعلمته عن تغير امه للاحسن
وشيري وينها عنكم
سلمى : شوشو مع عمتها العنود لها يومين
تثاوبت سلمى
خالد : حبي من كلمتس بس تثاوبين
وش السالفه ما نمتي زين
سلمى : الا والله انام بدري واقوم متأخره
اصلا النوم كابس علي من جيت من عندك
بس نعسانه وودي انام
خالد باهتمام : انتبهي لا ترهقين نفسستس
سلمى ضحكت : خلودي بأيش اتعب نفسي
ماشا الله بيت اهلك حتى كاسة المويه
تجيني لحدي وعند اهلي
يدورون طلباتي دواره
تصدق مشتهيه ايس كريم وامي
حالفه علي ما اكله لان الجو بارد
خالد : ههههه حكمت عمتي ام فيصل
اقول سلمى ما اشتقتي لي
سلمى بحب :يا بعد قلبي والله مشتاقه لك
وودي اني معك في هاللحظه
خالد يضحك وبصدق يقول
: هههه سليم ترى بتهور واطلع مع السماعه
ضحكت سلمى : ياليت بالله تهور وتعال
خالد : لا تحسرين فيني والله الايام
ذي ضغط وانتي عارفه بدت الاختبارات
دعواتس يا حبي
سلمى : الله يوفقك وينجحك
وتنال اعلى الدرجات
خالد: يالله حبيبتي سلمي عليهم كلهم
امواااه
سلمى الله يسلمك : امواااه حبي
ــــــــــــــــــــــــــــ
يا دكتور وش الأخبار
الدكتور : انا اسف يظهر كان في حمل
وخارج الرحم ومع العنف اللي حصل لها
صار في انفجار في الرحم
ومضطرين نعمل لها عملية
صياح خاف وبارتباك : عمليه لييه
الدكتور :للاسف انت جيت متأخر
ولو ما عملتش العمليه
كده حتموت من النزيف الي حاصل عندها
صياح بإستسلام : امرنا لله وين اوقع
الدكتور: هنا
على فكره احنا بلغنا الشرطه
بالعنف اللي حاصل مع المريضه
صياح : سكت وطأطأ راسه بإستسلام
من خذتها وانا في اسوء حال
ـــــــــــــــــــــــــــــ
صحيت من النوم وكلي نشاط
و شوق لشوفة وجهها
حلمي كله الليل بطوله انها بحضني
جلست على السرير وفزيت واقف
يا قلبي عليها نايمه على الكرسي
قربت وجلست على ركبي
ومسكت يد ها بحنيه
ناديتها بحنيه: زهره
تحركت بدون وعي وفتحت لي عيونها
همم
قلت : ليه نمتي هنا
بدت تصحى ووعت على يدها بين ايديني
قالت بصوت ناعس
:مدري طلعت من الحمام وانت نايم
وما حبيت ازعجك بحركتي
احمد :لا ازعاج ولا شي
يله قومي خلينا ننزل نصلي الفجر
وبعدها نشوف وين نروح
قالت : طيب ودخلت الحمام وتركتها وراي تجهز
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك